കേരളത്തെ വിറപ്പിച്ച നിപ വൈറസ് ബാധയുണ്ടായത് വാവലിൽ നിന്നല്ല; സ്ഥിരീകരണവുമായി പഴംതീനി വവ്വാലുകളുടെ ലാബ് റിസൽട്ട്; ഉറവിടം കണ്ടെത്താൻ ചെന്നൈയിലെ വിദഗ്ധ സംഘം; ബസ് സർവീസുകൾ നിർത്തി സ്വകാര്യ ബസ്സുടമകൾ; തൊട്ടിൽപാലം ഡിപ്പോയിൽ രണ്ടു ലക്ഷത്തിന്റെ നഷ്ടംസഹിച്ചും ഓടി കെഎസ്ആർടിസി; പിഎസ് സി പരീക്ഷകളും സ്കൂൾ തുറക്കലും നീട്ടി; സെക്കന്റ് സ്റ്റേജിൽ നിപ ആഞ്ഞടിക്കുമോ എന്ന ഭീതിയിൽ മലബാർ
മറുനാടൻ മലയാളി ബ്യൂറോ
കോഴിക്കോട്: കേരളത്തെ ഭീതിയിലാഴ്ത്തിയ നിപ വൈറസ് ബാധ വവ്വാലിൽ നിന്നാണെന്ന നിഗമനം തെറ്റി. പഴംതിന്നുന്നതോ പ്രാണികളെ ആഹാരമാക്കുന്നതോ ആയ വാവലുകളിൽ നിന്നല്ല രോഗം പകർന്നതെന്ന് സ്ഥിരീകരിച്ചതോടെ ഉറവിടം കണ്ടെത്താനാവാത്ത സ്ഥിതിയായി. ഇതുവരെ പരിശോധനയ്ക്ക് അയച്ച വവ്വാലുകളുടെ സ്രവത്തിൽ രോഗകാരിയായ നിപ വൈറസ് ഇല്ലെന്ന് സ്ഥിരീകരിച്ചു.
മലപ്പുറത്തെ ചങ്ങരോത്ത് നിന്നാണ് ആദ്യം രോഗം റിപ്പോർട്ട് ചെയ്യപ്പെട്ടത്. ഇവിടെ എങ്ങനെയാണ് രോഗം ഉണ്ടായതെന്ന് സ്ഥിരീകരിക്കാൻ ചെന്നൈയിൽ നിന്നുള്ള വിദഗ്ധ സംഘം കേരളത്തിലെത്തി. ഭോപ്പാലിലെ ലാബിൽ ആണ് വാവലുകളുടെ സ്രവങ്ങൾ പരിശോധിച്ചത്. ഇതിലും വൈറസിനെ കണ്ടെത്താനായില്ല. ഇതോടെയാണ് ഉറവിടം കണ്ടെത്താനുള്ള അന്വേഷണം വഴിമുട്ടിയിരിക്കുന്നത്.
കോഴിക്കോടിനെ വിറപ്പിച്ച നിപ്പ വൈറസ് പടർന്നത് പഴംതീനി വവ്വാലിൽനിന്നുമല്ല എന്നാണ് ഇന്ന് കണ്ടെത്തിയ ഫലം. പരിശോധനയ്ക്കയച്ച സാംപിളുകളിൽ വൈറസ് ഇല്ല. ഭോപ്പാലിലെ അതിസുരക്ഷാ ലാബിൽനിന്നുള്ള പരിശോധനാഫലം പുറത്തുവന്നതോടെയാണ് ഇക്കാര്യം സ്ഥിരീകരിച്ചത്. പേരാമ്പ്ര ചങ്ങരോത്തുള്ള ജാനകിക്കാട്ടിൽനിന്നാണു വവ്വാലുകളുടെ സാംപിളുകൾ ശേഖരിച്ചത്. വവ്വാലുകളുടെ രക്തവും സ്രവവും വിസർജ്യവുമുൾപ്പെടെ 13 സാംപിളുകളാണു പരിശോധിച്ചത്. പേരാമ്പ്രയിൽ മൂന്നു പേർ മരിച്ച വീട്ടിലെ കിണറ്റിൽനിന്നു പിടിച്ച ഷഡ്പദങ്ങളെ തിന്നുന്ന വവ്വാലല്ല രോഗം പരത്തിയതെന്ന് നേരത്തെ വ്യക്തമായിരുന്നു.
വാവലുകളാണോ അപകടകാരികൾ?
വാവലുകളുടെ രക്തം, സ്രവം, വിസർജ്യം ഉൾപ്പെടെയുള്ള സാംപിളുകളാണു ഭോപ്പാലിലെ ലാബിൽ പരിശോധിച്ചത്. പശു, ആട്, പന്നി സാംപിളുകളിലും വൈറസ് സാന്നിധ്യം കണ്ടെത്തിയിരുന്നില്ല. ആദ്യഘട്ടത്തിൽ പിടിച്ച വവ്വാലുകൾ പ്രാണികളെ ഭക്ഷിക്കുന്ന ഇനം ആയിരുന്നു. ഇവയിൽ നിന്നല്ല, മറിച്ച് പഴംതീനികളായ വാവൽ വർഗങ്ങളിൽ നിന്നാണ് രോഗം പകരുകയെന്ന വിശദീകരണമാണ് പി്ന്നീട് വന്നത്. ഇതോടെ ഇക്കാര്യവും പരിശോധിച്ചെങ്കിലും അതിലും വൈറസ് സാന്നിധ്യം കണ്ടെത്താനാവാത്തത് നിപയുടെ കേരളത്തിലെ ഉറവിടത്തിന്റെ കാര്യത്തിൽ കടുത്ത ആശങ്ക സൃഷ്ടിച്ചിരിക്കുകയാണ്.
ഇന്ത്യയിൽ ആദ്യത്തെ നിപ്പ വൈറസ് ബാധയുണ്ടായത് ബംഗാളിലെ സിലിഗുഡിയിലാണ്. വവ്വാലുകളെയാണ് ആദ്യം സംശയിച്ചതെങ്കിലും സ്ഥിരീകരിച്ചിട്ടില്ല. തൊട്ടടുത്ത ബംഗ്ലാദേശിൽ ഈ വൈറസ് ബാധിച്ചിരുന്നതിനാൽ അവിടെ നിന്ന് ആരെങ്കിലും രോഗവുമായി എത്തിയതാകാം എന്ന നിഗമനമാണ് അന്ന് ഉണ്ടായതും. രോഗം പകർത്തിയ മൃഗങ്ങളെയോ പക്ഷികളെയോ കണ്ടെത്താൻ ഒരു പഠനവും സിലിഗുഡിയിൽ നടത്തിയതുമില്ല ലോകാരോഗ്യ സംഘടനയും പുണെയിലെ നാഷനൽ ഇൻസ്റ്റിറ്റ്യൂട്ട് ഓഫ് വൈറോളജിയും നടത്തിയ രണ്ടു പഠനങ്ങളിലാണ് ഇക്കാര്യം പറയുന്നത്.
ഇതിനിടെ രോഗബാധ രണ്ടാം സ്റ്റേജിലേക്ക് കടന്നുവെന്ന സൂചനകൾ വന്നതോടെ മലബാർ മേഖല കടുത്ത ആശങ്കയിലാണ്. അതേസമയം, പനിബാധയ്ക്കെതിരെ കൊണ്ടുവന്ന റൈബ വൈറിൻ ഫലപ്രദമാണെന്ന സൂചനകൾ ലഭിച്ചത് ആരോഗ്യ പ്രവർത്തകർക്കും നാട്ടുകാർക്കും ആശ്വാസമാകുന്നുണ്ട്. നിപ്പ വൈറസിനു ഫലപ്രദമായ പ്രതിരോധ മരുന്ന് കണ്ടെത്തിയിട്ടില്ലെങ്കിലും 'റൈബവൈറിൻ' കുറച്ചൊക്കെ രോഗശമനത്തിനു സഹായകമാകുമെന്നു ലോകാരോഗ്യ സംഘടനയുടെ പഠനത്തിൽ പറഞ്ഞിരുന്നു. വിറയൽ, ഛർദ്ദി തുടങ്ങിയവ നിയന്ത്രിക്കാൻ ഇതു സഹായിക്കും. പനി നിയന്ത്രിക്കുക, ന്യൂറോളജിക്കൽ ലക്ഷണങ്ങൾ ചികിത്സിക്കുക എന്നിവയും പ്രധാനമാണ്. അതേസമയം, മനുഷ്യരിൽ കൂടുതലായി പരീക്ഷിക്കാത്ത മരുന്നാണിതെന്ന ആശങ്കയുമുണ്ട്.
സ്വകാര്യ ബസ് സർവീസുകൾ നിർത്തുന്നു
നിപ്പ വൈറസ് സ്ഥിരീകരിച്ച മേഖലകളിലേക്കുള്ള ബസ് സർവ്വീസുകൾ നിർത്താൻ സ്വകാര്യ ബസ് ഉടമകളുടെ തീരുമാനം. നിപ്പ പടർന്ന് പിടിക്കുന്ന സാഹചര്യത്തിൽ ആളുകൾ പുറത്താകാതെ വരികയും ഇതിനെ തുടർന്ന് വരുമാനം ഗണ്യമായി കുറയുകയും ചെയ്തതോടെയാണ് സർവ്വീസുകൾ നിർത്താൻ തീരുമാനിച്ചത്. പേരാമ്പ്ര, മുക്കം, കുറ്റ്യാടി എന്നീ പ്രദേശങ്ങൾ വഴി കടന്നു പോകുന്ന സ്വകാര്യ ബസ്സുകളാണ് സർവ്വീസ് നിർത്തുന്നത്. പൊതു നിരത്തിലേക്ക് പോലും ആളുകൾ ഇറങ്ങുന്നില്ല. ഇതിന് പുറമേ ദീർഘദൂര യാത്രക്കാർ പോലും നിപ്പ സ്ഥിരീകരിച്ച പ്രദേശങ്ങളിലൂടെ പോകുന്ന ബസ്സുകളിൽ കയറുന്നില്ല.
ആളുകൾ ബസ്സിൽ കയറാതാവന്നതോടെ ഭീമമായ നഷ്ടമാണ് തങ്ങൾക്കുണ്ടാകുന്നതെന്നും ബസ് ഉടമകൾ പറയുന്നു. നേരത്തെ നിപ്പയുടെ ആദ്യ ഘട്ടം മുതൽ തന്നെ ബസ്സിലും പൊതുസ്ഥലങ്ങളിലും പോലും ആശുപത്രി ജീവനക്കാരിലൽ നിന്നും അകലം പാലിക്കാൻ മറ്റുള്ളവർ ശ്രദ്ധിക്കുന്ന സാഹചര്യവും ഉണ്ടായിരുന്നു.ഇപ്പോൾ വൈറസ് കൂടുതൽ വ്യാപിച്ച സാഹചര്യത്തിലാണ് ജനം പുറത്തിറങ്ങാത്ത അവസ്ഥയുണ്ടായത്. പേരാമ്പ്ര , കുറ്റ്യാടി, മുക്കം പ്രദേശങ്ങളിൽ നിന്നും നിരവധി ബസ്സുകളണ് ദിവസേന കോഴിക്കോട് നഗരത്തിലേക്ക് വരുന്നത്.കോഴിക്കോട് ജില്ലാ കോടതിയുടെ പ്രവർത്തനവും താൽക്കാലികമായി നിർത്തിവെച്ചിരിക്കുകയാണ്.
കഴിഞ്ഞ ദിവസം കോടതിയിലെ സീനിയർ സൂപ്രണ്ട് മധുസൂദനൻ നിപ ബാധിച്ച് മരണപ്പെട്ടിരുന്നു. യാത്രക്കാർ കുറഞ്ഞുവരുന്ന സാഹചര്യത്തിൽ സ്വകാര്യ ബസുകൾ പലതും ഓട്ടം നിർത്തുന്നു. ഗവ. ആശുപത്രികളിൽ ചികിത്സ തേടിയെത്തുന്നവരിലും വൻ കുറവാണനുഭവപ്പെടുന്നത്. 45-ഓളം ബസുകൾ ഓടിയിരുന്ന വടകര -പേരാമ്പ്ര റൂട്ടിൽ ഇപ്പോൾ 12 ബസുകൾ മാത്രമേ ഉള്ളൂ. 65 ബസുകൾ ഓടിയിരുന്ന കുറ്റ്യാടി റൂട്ടിൽ 25 ഓളം ബസുകളും ഓട്ടം നിർത്തി. പേരാമ്പ്ര, ചാനിയംകടവ്, കുറ്റ്യാടി, പയ്യോളി എന്നീ പ്രദേശങ്ങളിലേക്കുള്ള ബസുകളിലാണ് കയറാൻ ആളെത്താത്തത്.
യാത്രക്കാർ കുറഞ്ഞതോടെ കെ.എസ്.ആർ.ടി.സി. തൊട്ടിൽപ്പാലം ഡിപ്പോക്ക് പ്രതിദിന വരുമാനചോർച്ച രണ്ടുലക്ഷം രൂപയായി. സാധാരണ ദിവസങ്ങളിൽ ശരാശരി ആറര, ഏഴ് ലക്ഷമാണ് ഡിപ്പോയുടെ വരുമാനം. കോഴിക്കോട് ചെയിൻ സർവീസായിരുന്നു ഡിപ്പോയുടെ വരുമാന സ്രോതസ്സ്. എന്നാൽ, സർവീസുകളൊന്നും വെട്ടിക്കുറച്ചിട്ടില്ല. സ്ഥിതി ഇതേരീതിയിൽ മുന്നോട്ടുനീങ്ങുന്നപക്ഷം സർവീസുകളിൽ നിയന്ത്രണമേർപ്പെടുത്താനുള്ള ആലോചനയിലാണ് അധികൃതർ.
സ്കൂളുകൾ ജൂൺ 12വരെ അടച്ചിടും
നിപ്പ വൈറസ് ബാധയുടെ പശ്ചാത്തലത്തിൽ കോഴിക്കോട് ജില്ലയിലെ വിദ്യാഭ്യാസ സ്ഥാപനങ്ങൾ തുറക്കുന്നത് ജൂൺ 12 വരെ നീട്ടി. പൊതുപരിപാടികൾക്കും നിയന്ത്രണമേർപ്പെടുത്തി്. കോഴിക്കോട് ഉന്നതതല യോഗത്തിന് ശേഷം ജില്ലാ കളക്ടർ യു.വി ജോസാണ് ഇക്കാര്യം അറിയിച്ചത്. മലപ്പുറത്തും കോഴിക്കോട്ടും ജനങ്ങൾ ജാഗ്രത പാലിക്കുന്നത് തുടരണമെന്ന് ആരോഗ്യമന്ത്രി കെ.കെ.ശൈലജ അറിയിച്ചു. സ്ഥിതിഗതികൾ നിയന്ത്രണവിധേയമാണ്. കാര്യങ്ങൾ വിലയിരുത്താൻ മറ്റന്നാൾ തിരുവനന്തപുരത്ത് സർവ്വകക്ഷിയോഗം ചേരുമെന്നും മന്ത്രി പറഞ്ഞു. പബ്ലിക് സർവീസ് കമ്മീഷൻ വിദ്യാഭ്യാസ വകുപ്പിലെ വിവിധ തസ്തികളിൽ കോഴിക്കോട് നടത്താനിരുന്ന ഇന്റർവ്യൂകൾ മാറ്റിവെച്ചു.
നിശ്ചലമായി മാർക്കറ്റുകൾ
ആശങ്ക ശക്തമായതോടെ കോഴിക്കോട് പ്രതിസന്ധി രൂക്ഷമാവുകയാണ്. ചെറുകിട കച്ചവടക്കാർ, ലോട്ടറിക്കാർ, സ്വകാര്യ ബസ് ജീവനക്കാർ തുടങ്ങിയവരുടെ ജീവതത്തേയും ബാധിച്ചു. കോഴിക്കോട് മെഡിക്കൽ കോളജ് പരിസരത്തുള്ള കടകളിൽ 40 ശതമാനത്തോളം വ്യാപാരം കുറഞ്ഞുവെന്നാണ് വ്യാപാരികൾ പറയുന്നത്. കോഴിക്കോട്ടെ വ്യാപാര മേഖലയെ പിടിച്ചുലയ്ക്കുകയാണ് നീപ്പാ വൈറസ്. പക്ഷേ ഇതിനൊന്നും പരിഹാരമുണ്ടാക്കാൻ സർക്കാർ ഇടപെടൽ നടത്തുന്നില്ല. ഗതാഗതരംഗവും നിശ്ചലാവസ്ഥയിലാണ്. ബസുകളിൽ യാത്രക്കാർ ഇല്ലാത്ത അവസ്ഥ. പഴവർഗങ്ങളുടെ വിൽപ്പന ഗണ്യമായി കുറഞ്ഞു. മാംസ, മത്സ്യ വിൽപ്പനയിലും ഹോട്ടൽ കച്ചവടത്തിലും ഇടിവുണ്ട്. കോഴിക്കോട് മെഡിക്കൽ കോളജ് പരിസരത്തേക്ക് ആരും വരാത്ത അവസ്ഥയാണ്.
ജില്ലാ കോടതി നിർത്തിവച്ചു
കോഴിക്കോട് ജില്ലാ കോടതിയുടെ പ്രവർത്തനവും താൽക്കാലികമായി നിർത്തിവെച്ചിരിക്കുകയാണ്. കഴിഞ്ഞ ദിവസം കോടതിയിലെ സീനിയർ സൂപ്രണ്ട് മധുസൂദനൻ നിപ ബാധിച്ച് മരണപ്പെട്ടിരുന്നു. യാത്രക്കാർ കുറഞ്ഞുവരുന്ന സാഹചര്യത്തിൽ സ്വകാര്യ ബസുകൾ പലതും ഓട്ടം നിർത്തുന്നു. ഗവ. ആശുപത്രികളിൽ ചികിത്സ തേടിയെത്തുന്നവരിലും വൻ കുറവാണനുഭവപ്പെടുന്നത്. 45-ഓളം ബസുകൾ ഓടിയിരുന്ന വടകര -പേരാമ്പ്ര റൂട്ടിൽ ഇപ്പോൾ 12 ബസുകൾ മാത്രമേ ഉള്ളൂ. 65 ബസുകൾ ഓടിയിരുന്ന കുറ്റ്യാടി റൂട്ടിൽ 25 ഓളം ബസുകളും ഓട്ടം നിർത്തി. പേരാമ്പ്ര, ചാനിയംകടവ്, കുറ്റ്യാടി, പയ്യോളി എന്നീ പ്രദേശങ്ങളിലേക്കുള്ള ബസുകളിലാണ് കയറാൻ ആളെത്താത്തത്.
കെഎസ്ആർടിസിയിലും ആളില്ല
യാത്രക്കാർ കുറഞ്ഞതോടെ കെ.എസ്.ആർ.ടി.സി. തൊട്ടിൽപ്പാലം ഡിപ്പോക്ക് പ്രതിദിന വരുമാനചോർച്ച രണ്ടുലക്ഷം രൂപയായി. സാധാരണ ദിവസങ്ങളിൽ ശരാശരി ആറര, ഏഴ് ലക്ഷമാണ് ഡിപ്പോയുടെ വരുമാനം. കോഴിക്കോട് ചെയിൻ സർവീസായിരുന്നു ഡിപ്പോയുടെ വരുമാന സ്രോതസ്സ്. എന്നാൽ, സർവീസുകളൊന്നും വെട്ടിക്കുറച്ചിട്ടില്ല. സ്ഥിതി ഇതേരീതിയിൽ മുന്നോട്ടുനീങ്ങുന്നപക്ഷം സർവീസുകളിൽ നിയന്ത്രണമേർപ്പെടുത്താനുള്ള ആലോചനയിലാണ് അധികൃതർ. അതേസമയം, നിപ്പ വൈറസ് പ്രതിരോധിക്കാൻ കഴിയുമെന്ന് കരുതുന്ന മരുന്ന് ഓസ്ട്രേലിയയിൽ നിന്നെത്തി. രാവിലെ നെടുമ്പാശ്ശേരിയിലാണ് മരുന്ന് എത്തിയത്. മരുന്ന് ആർക്കൊക്കെ നല്കണമെന്ന് മറ്റന്നാൾ എത്തുന്ന ആരോഗ്യവിദഗ്ധരുമായി ചർച്ച ചെയ്തശേഷം തീരുമാനിക്കുമെന്ന് ആരോഗ്യവകുപ്പ് അഡീഷണൽ സെക്രട്ടറി രാജീവ് സദാനന്ദൻ അറിയിച്ചു.
പിഎസ് സി പരീക്ഷകൾ മാറ്റി
മലപ്പുറം ജില്ല വിദ്യാഭ്യാസ വകുപ്പിലെ എൽ.പി. സ്കൂൾ അസിസ്റ്റന്റ് തസ്തിക ഉൾപ്പെടെ എല്ലാ തസ്തികകളിലേക്കുള്ള ഇന്റർവ്യൂവാണ് ജൂലൈ മാസത്തിലേക്ക് പിഎസ് സി മാറ്റിയത്.
ഈ മാസം ആറ്, ഏഴ്, എട്ട്, 12, 13 തീയതികളിലായി കേരള പബ്ലിക് സർവ്വീസ് കമ്മീഷൻ ഓഫീസിൽ നടത്താനിരുന്ന ഇന്റർവ്യൂവാണ് മാറ്റിയത്. ജൂൺ ആറ്, ഏഴ്, എട്ട് തീയതികളിലായി കോഴിക്കോട് മേഖല ഓഫീസിൽ നടത്താനിരുന്ന ലീഗൽ മെട്രോളജി വകുപ്പിലെ ഇൻസ്പെക്ടർ തസ്തികയുടെ ഇന്റർവ്യൂവും ജൂലൈ മാസത്തിലേക്ക് മാറ്റി. ഈ തീയതികളിൽ കോഴിക്കോട് ജില്ലാ ഓഫീസിലും ജൂൺ 12, 13 തീയതികളിൽ കോഴിക്കോട് മേഖല ഓഫീസിലും നടത്താനിരുന്ന കാസർഗോഡ് ജില്ലാ എൽ.പി. സ്കൂൾ അസിസ്റ്റന്റ് തസ്തികയുടെ ഇന്റർവ്യൂ അതേ തീയതികളിൽ കാസർഗോഡ് ജില്ലാ പബ്ലിക് സർവ്വീസ് കമ്മീഷൻ ഓഫീസിൽ വെച്ച് നടത്തും.
റോജയുടെ മരണം നിപ്പയല്ലെന്ന് വിശദീകരണം
നിപ്പ ലക്ഷണങ്ങളോടെ ഇന്നുണ്ടായ റോജയുടെ മരണകാരണം നിപ്പയല്ലെന്ന് പരിശോധനഫലം. കോഴിക്കോട് മെഡിക്കൽ കോളേജിൽ നിപ്പ ലക്ഷണങ്ങളോടെ ചികിത്സയിൽ കഴിഞ്ഞ തലശ്ശേരി സ്വദേശി റോജ(39) ആണ് ഇന്നു പുലർച്ചെ മരിച്ചത്. നിപ്പയുടെ രണ്ടാം ഘട്ടം പിടിമുറുക്കുന്നുവെന്ന സൂചനയിൽ ആരോഗ്യവകുപ്പ് അതീവ ജാഗ്രത നിർദ്ദേശം നൽകിയതിനു പിന്നാലെയായിരുന്നു കേരളത്തെ ഞെട്ടിച്ച് റോജയുടെ മരണം ഉണ്ടായത്. ഇതേതുടർന്ന് വീണ്ടും ആശങ്ക പടർന്നിരുന്നു. എന്നാൽ റോജയുടെ മരണകാരണം നിപ്പയല്ലെന്ന പരിശോധന ഫലത്തോടെ നിപ്പ ഭീതിയിൽ ആശ്വാസമായിട്ടുണ്ട്. റോജയുടെ രണ്ടാമത്തെ രക്ത പരിശോധനഫലം നെഗറ്റീവ് ആണെന്ന് ആരോഗ്യവകുപ്പ് അധികൃതർ സ്ഥിരീകരിച്ചു. മുന്ന് ദിവസം മുന്പാണ് നിപ രോഗലക്ഷണങ്ങളോടെ റോജയെ ആശുപത്രിയിൽ പ്രവേശിപ്പിച്ചത്. നിപ്പ വൈറസ് സംശയത്തെതുടർന്ന് പരിശോധന നടത്തിയെങ്കിലും ആദ്യ പരിശോധനയിലും നെഗറ്റീവ് ആയിരുന്നു ഫലം.
നിപ്പ ബാധിച്ച് മരിച്ച നാദാപുരം സ്വദേശിയായ അശോകൻ ആദ്യം ചികിത്സയിൽ കഴിഞ്ഞിരുന്നത് തലശ്ശേരി ആശുപത്രിയിലായിരുന്നു. പിന്നാലെ റോജയും പനിയെ തുടർന്ന് ഇതേ ആശുപത്രിയിൽ ചികിത്സ തേടിയിരുന്നു. റോജയുടെ മരണത്തോടെ തലശ്ശേരി ആശുപത്രിയിലും അതീവ ജാഗ്രത നിർദ്ദേശം നൽകാൻ നീങ്ങുന്നതിനിടെയാണ് റോജയുടെ മരണകാരണം നിപ്പയല്ലെന്ന് വ്യക്തമായത്.
Stories you may Like
- TODAY
- LAST WEEK
- LAST MONTH
- സുഹൃത്തും തന്റെ ഭാര്യയുമായി അവിഹിത ബന്ധം; പകരം സുഹൃത്തിന്റെ ഭാര്യയോട് കിടപ്പറ പങ്കിടാൻ ആവശ്യപ്പെട്ടു; പൊലീസ് കേസും വഴക്കുമായപ്പോൾ ആത്മഹത്യ ചെയ്യാൻ തീരുമാനിച്ച ദമ്പതികളിൽ ഭാര്യ മരിച്ചു; പ്രേരണാക്കുറ്റത്തിന് ഭർത്താവ് അറസ്റ്റിൽ: വെച്ചൂച്ചിറയിൽ നിന്ന് ഞെട്ടിക്കുന്ന കഥ
- യുഡിഎഫ് വോട്ടുകൾ 47.24ൽ നിന്ന് 40.95 ആയി കുറയുന്നു; എന്നിട്ടും 8 മുതൽ 20 വരെ സീറ്റ് ലഭിക്കാം; എൽഡിഎഫ് വോട്ടിൽ തൽസ്ഥിതി, സീറ്റ് പൂജ്യം മുതൽ 10വരെ; വോട്ട് വർധിക്കുന്നത് എൻഡിഎക്ക്, പൂജ്യം മുതൽ 2വരെ ലഭിക്കാം; ഞെട്ടിച്ച് ട്വന്റി ട്വന്റി; മറുനാടൻ സർവേയിലെ കണക്കിന്റെ കളി ഇങ്ങനെ
- അനന്തപുരിയിൽ തരൂർ വീഴുമോ? ആറ്റിങ്ങലിൽ അടൂർ പ്രകാശിന് അടിതെറ്റുമോ? കൊല്ലത്ത് മുകേഷോ, പ്രേമചന്ദ്രനോ? പത്തനംതിട്ട ആർക്ക്? അനിൽ ആന്റണി വോട്ടുയർത്തുമോ; മാവേലിക്കരയിൽ അട്ടിമറിയോ? കേരളം ആർക്കൊപ്പം; 20 മണ്ഡലങ്ങളിലെയും മറുനാടൻ സർവേ ഫലം അറിയാം
- സാമ്പിൾ വെടിക്കെട്ട് ഡ്രോണിൽ പകർത്തിയ ഒരാൾ അറസ്റ്റിൽ
- കെ സുരേന്ദ്രനേക്കാൾ അഞ്ചിരട്ടിയിലേറെ ജനപിന്തുണയുള്ളത് സുരേഷ് ഗോപിക്ക്; വി ഡി സതീശനെക്കാർ പിന്തുണ ശശി തരൂരിന്; എം വി ഗോവിന്ദന് വോട്ട് വെറും 2 ശതമാനം; സംസ്ഥാന ഭരണം മോശമായിട്ടും പിണറായി കേരളത്തിന്റെ ജനപ്രിയ നേതാവ് ആവുന്നത് എങ്ങനെ?
- 'സിക്സർ' പൂരവുമായി മുംബൈ ബൗളർമാരെ വിറപ്പിച്ച് അശുതോഷ്; വീരോചിത പോരാട്ടവുമായി ശശാങ്ക് സിങ്ങും; ഐപിഎല്ലിന്റെ പിറന്നാൾ ദിനത്തിൽ ആരാധകരെ ത്രസിപ്പിച്ച് ത്രില്ലർ പോരാട്ടം; ജയത്തിനരികെ പൊരുതിവീണ് പഞ്ചാബ്
- വിവാഹ വാഗ്ദാനം നൽകി പീഡിപ്പിച്ചു; കേസിൽ നിന്നും ഒഴിവാകാൻ നിയമ വിദ്യാർത്ഥിനിയുമായി വിവാഹം; രണ്ടാഴ്ചയ്ക്ക് ശേഷം ജോലിക്കെന്ന പേരിൽ തമിഴ്നാട്ടിലേക്ക് മുങ്ങി; യുവാവ് അറസ്റ്റിൽ
- ദുവാ ഇരന്ന് മുസ്ലിം മത പണ്ഡിതർ; ഒപ്പം പ്രാർത്ഥിച്ച് ക്രിസ്ത്യൻ പുരോഹിതരും സന്യാസിമാരും; വൈറലായി പാലക്കാട്ടെ മതസൗഹാർദ ഗൃഹപ്രവേശനം; ഇതാണ് ദ റിയൽ കേരളാ സ്റ്റോറിയെന്ന് സോഷ്യൽ മീഡിയ
- ഇസ്രയേൽ ചരക്കുകപ്പലിലെ പതിനാറ് ഇന്ത്യൻ ജീവനക്കാർക്കും മടങ്ങാൻ അനുമതി നൽകിയെന്ന് ഇറാൻ സ്ഥാനപതി; അന്തിമ തീരുമാനം കപ്പലിലെ ക്യാപ്റ്റന്റേത്; ഇറാൻ കമാൻഡോകൾ പെരുമാറിയത് നല്ല രീതിയിലെന്ന് ആൻ ടെസാ ജോസഫ്
- മുന്തിരി ജ്യൂസ് കുടിച്ച് ദേഹാസ്വാസ്ഥ്യം; നാലുപേർ ചികിത്സ തേടി
- കള്ളി എന്നതാണ് ഇപ്പോഴത്തെ മേൽവിലാസം.. കള്ളിയുടെ അച്ഛൻ എന്ന മേൽവിലാസവും കൊണ്ട് ആണ് 2 മാസം മുമ്പ് അച്ഛൻ മരിച്ചുപോയത്; കൂടെ ഉണ്ടായിരുന്നവരൊന്നും കൂട്ടുന്നില്ല; ഉറങ്ങിയിട്ട് വർഷം ഒന്നാകാറായി; വിദ്യ വിജയന്റെ കുറിപ്പ്
- കാസർകോട് ഇടതുമുന്നണി തിരിച്ചുപിടിക്കുമോ? കണ്ണൂരിൽ സുധാകരൻ വീഴുമോ? വടകരയിൽ ഷാഫിയോ ശൈലജയോ? കോഴിക്കോട് രാഘവേട്ടനോ, കരീംക്കയോ? രാഹുൽഗാന്ധി മാജിക്ക് ആവർത്തിക്കുമോ? എൻഡിഎ വോട്ട് ഉയർത്തുമോ? മറുനാടൻ മലയാളി ഇലക്ഷൻ സർവേയുടെ ആദ്യഘട്ട ഫലം അറിയാം
- പേരാമ്പ്രയിൽ അദ്ധ്യാപകൻ മരിച്ച നിലയിൽ; വീട്ടിലെ മുറിയിൽ മരിച്ച നിലയിൽ കണ്ടെത്തിയത് സിദ്ധാർഥന്റെ മരണവുമായി ബന്ധപ്പെട്ട കേസിലെ 11ാം പ്രതിയുടെ പിതാവ്
- ക്ഷേമപെൻഷൻ യഥാസമയം കൊടുക്കാൻ കഴിഞ്ഞില്ലെങ്കിൽ തിരിച്ചടിയെന്ന് വിലയിരുത്തൽ; പണം കണ്ടെത്താൻ സഹകരണ ബാങ്കുകളിൽ നിന്ന് 2000 കോടി കടമെടുക്കാൻ സർക്കാർ; 9.1 ശതമാനം പലിശയിൽ കടമെടുപ്പ്; ഒന്ന വർഷത്തിനുള്ളിൽ സഹകരണ ബാങ്കുകളെ സമീപിക്കുന്നത് ഇത് മൂന്നാം വട്ടം
- ത്രികോണ പോരിന് ഒടുവിൽ സുരേഷ് ഗോപി തൃശ്ശൂർ എടുക്കുമോ? പാലക്കാടൻ കാറ്റ് മാറി വീശുമോ? ആലത്തൂരിൽ രമ്യ പാട്ടുംപാടി വിജയിക്കുമോ? മലപ്പുറത്തും പൊന്നാനിയിലും ലീഗ് കോട്ടകളിൽ നേരിയ വിള്ളലെങ്കിലും വീഴുമോ? നെഞ്ചിടിപ്പേറുന്ന മണ്ഡലങ്ങളിലൂടെ മറുനാടൻ സർവേയുടെ രണ്ടാം ഘട്ടം ഫലം
- സ്കൂളിൽ പ്രാർത്ഥന വിലക്കിയ നടപടി ശരിവെച്ച് ബ്രിട്ടീഷ് കോടതി; വളരെ മികച്ചതെന്ന റേറ്റിങ് ലഭിച്ച സ്കൂളിനെതിരെ കോടതിയെ സമീപിച്ചത് മുസ്ലിം വിദ്യാർത്ഥിനി; എല്ലാ വിഭാഗങ്ങളെയും ഉൾക്കൊള്ളുന്ന സ്കൂൾ നയത്തിന്റെ വിജയമെന്ന് സ്കൂൾ അധികൃതർ
- വ്യാഴാഴ്ച പ്രാർത്ഥനയ്ക്ക് പോയിരുന്ന ജെസ്നയെ കാണാതായതും വ്യാഴാഴ്ച; ആരാധനാ സ്ഥലം കണ്ടെത്തിയെന്ന് അച്ഛൻ; രഹസ്യ സുഹൃത്തിന്റെ ഫോട്ടോയും കുടുംബം കണ്ടെത്തി! സിബിഐ സഞ്ചരിക്കാത്ത വഴികളിലൂടെ പോയ അച്ഛന് കിട്ടിയത് ഞെട്ടിക്കുന്ന വിവരങ്ങളോ? ജെസ്നയ്ക്ക് സംഭവിച്ചത് എന്ത്?
- അനന്തപുരിയിൽ തരൂർ വീഴുമോ? ആറ്റിങ്ങലിൽ അടൂർ പ്രകാശിന് അടിതെറ്റുമോ? കൊല്ലത്ത് മുകേഷോ, പ്രേമചന്ദ്രനോ? പത്തനംതിട്ട ആർക്ക്? അനിൽ ആന്റണി വോട്ടുയർത്തുമോ; മാവേലിക്കരയിൽ അട്ടിമറിയോ? കേരളം ആർക്കൊപ്പം; 20 മണ്ഡലങ്ങളിലെയും മറുനാടൻ സർവേ ഫലം അറിയാം
- ആലപ്പുഴയിലെ 'കനൽത്തരി' അണയുമോ? ചാലക്കുടിയിൽ ട്വന്റി ട്വന്റി വോട്ടുകൾ ആർക്ക് ഭീഷണിയാകും? എറണാകുളത്തും ഇടുക്കിയിലും യുഡിഎഫ് തന്നെയോ? കോട്ടയത്ത് വിജയിക്കുക ഏത് കേരളാ കോൺഗ്രസ്? മറുനാടൻ സർവേ മൂന്നാംഘട്ട ഫലം അറിയാം..
- ഇനി യുദ്ധത്തിനില്ല, ആക്രമിച്ചാൽ തിരിച്ചടിക്കും, ആക്രമണ വിവരം അമേരിക്കയെ അറിയിച്ചിരുന്നു; ഇറാനെ ലക്ഷ്യം വച്ചാൽ അമേരിക്കയുടെ താവളങ്ങൾ ലക്ഷ്യമിടും; മിസൈൽ ആക്രമണത്തിനെതിരെ ലോകരാജ്യങ്ങൾ ഒരുമിച്ചതോടെ ഇറാൻ ആകെ പെട്ട അവസ്ഥയിൽ; ഇസ്രയേൽ തിരിച്ചടി എങ്ങനെയാകും എന്ന ആശങ്കയിൽ ലോകം
- ഒരു ജൂനിയർ പറയാൻ പാടില്ലാത്ത കഥകളാണ് ശ്രീനിയുടെ മകൻ പറഞ്ഞതെന്ന് മുകേഷ്; എന്നാൽ അത് ധ്യാൻ തന്നെയാകുമെന്ന് ആരാധകർ
- ആടുജീവിതം ഇസ്ലാമോഫോബിയ പരത്തുന്ന ചിത്രമോ? നോവലിന്റെ അറബിപതിപ്പ് യുഎഇയിലും സൗദിയിലും നിരോധിച്ചത് 2014ൽ; ഇപ്പോൾ സിനിമക്കും യുഎഇ ഒഴികെയുള്ള ഗൾഫ് രാജ്യങ്ങളിൽ പ്രദർശനാനുമതിയില്ല; കേരളത്തിലെ യുക്തിവാദികൾക്കിടയിലും ചർച്ച; ആടുജീവിതം വിവാദമാവുമ്പോൾ
- അനുജയുമൊന്നിച്ച് കാർ തടിലോറിയിലേക്ക് ഇടിച്ചു കയറ്റി ഹാഷിം ജീവനൊടുക്കിയെന്ന് സഹ അദ്ധ്യാപകരുടെയും ബന്ധുക്കളുടെയും മൊഴി; അടൂരിനെ നടുക്കിയ അപകടം; സ്കൂൾ അദ്ധ്യാപികയെയും കൂട്ടി സ്വകാര്യ ബസ് ഡ്രൈവർ ആത്മഹത്യ ചെയ്തതെന്ന് സൂചന; സ്വിഫ്ട് ഡിസയർ കാർ ഓടിച്ചു കയറ്റിയത് കണ്ടെയ്നർ ലോറിയിലേക്ക്: സംഭവം കെപി റോഡിൽ പട്ടാഴമുക്കിൽ
- കള്ളി എന്നതാണ് ഇപ്പോഴത്തെ മേൽവിലാസം.. കള്ളിയുടെ അച്ഛൻ എന്ന മേൽവിലാസവും കൊണ്ട് ആണ് 2 മാസം മുമ്പ് അച്ഛൻ മരിച്ചുപോയത്; കൂടെ ഉണ്ടായിരുന്നവരൊന്നും കൂട്ടുന്നില്ല; ഉറങ്ങിയിട്ട് വർഷം ഒന്നാകാറായി; വിദ്യ വിജയന്റെ കുറിപ്പ്
- റഷ്യയിലെ ഭീകരാക്രമണത്തിൽ പിടികൂടിയ ഐസിസ് ഭീകരർ നേരിടാൻ പോകുന്നത് റഷ്യൻ പൊലീസിന്റെ സമാനതകളില്ലാത്ത മർദ്ദനമുറകൾ; ചെവിമുറിച്ച് സ്വയം ഭക്ഷിക്കുവാൻ കൊടുത്തതിന് പുറമെ വൈദ്യുതാഘാതവും വസ്ത്രമൂരി അടിയും; മരിച്ചാൽ ബന്ധുക്കൾക്ക് ശരീരം വിട്ടു നൽകുന്നത് ആന്തരികാവയവങ്ങൾ നീക്കിയ ശേഷം
- അരവിന്ദ് കേജ്രിവാൾ ഡൽഹി മദ്യനയ അഴിമതിയുടെ മുഖ്യസൂത്രധാരൻ; അനുകൂല നയം രൂപീകരിക്കാൻ കോടികൾ കൈക്കൂലി വാങ്ങി; കോഴപ്പണം കൈകകാര്യം ചെയ്യുന്നതിലും മുഖ്യമന്ത്രി ഇടപെട്ടു; കോഴപ്പണം എഎപി ഗോവ തിരഞ്ഞെടുപ്പിൽ ഉപയോഗിച്ചുവെന്നും ഇ.ഡി; പത്തു ദിവസത്തെ കസ്റ്റഡിയിൽ വിടണമെന്നും കോടതിയിൽ
- വൈകീട്ട് തിരക്കില്ലാതിരുന്നിട്ടും നിർത്താതെ പോയ കോട്ടയം ബസിന്റെ ഡ്രൈവർ ആരെന്നറിയാൻ യാത്രക്കാരൻ ഡിപ്പോയിലേക്കു വിളിച്ചു; ഇതോടെ വാളകത്തിന്റെ പ്രസക്തി ഡ്രൈവർക്ക് മനസ്സിലായി; ജോലി പോകാതിരിക്കാൻ ഇമ്പൊസിഷനും എഴുതി; ആനവണ്ടിക്ക് യജമാനൻ യാത്രക്കാരനാകുമ്പോൾ!
- പിറന്നാളിന് വാങ്ങിയത് ഓൺലൈനിൽ ഓർഡൽ ചെയ്ത കേക്ക്; ഭക്ഷ്യവിഷബാധയേറ്റ് പത്തു വയസ്സുകാരിക്ക് ദാരുണാന്ത്യം: പിറന്നാൾ പിറ്റേന്ന് ദാരുണമായി മരിച്ചത് പത്തു വയസ്സുകാരി മൻവി
- സിനിമയുടെയും ആത്മാവായ ആ സീൻ സെൻസർ ബോർഡ് വെട്ടിമാറ്റിയെന്ന് ബെന്യാമിൻ; ഷൂട്ട് ചെയ്തിട്ടില്ലെന്ന് ബ്ലെസി; അങ്ങനെ ഒന്ന് ഉണ്ടായിട്ടില്ലെന്നും എഴുത്തുകാരൻ ചേർത്തതാണെന്നും നജീബ്; ആടുമായി നജീബ് ലൈംഗിക ബന്ധത്തിൽ ഏർപ്പെടുന്ന രംഗത്തിന് എന്താണ് സംഭവിച്ചത്?
- 'എന്റെ മകൻ കെട്ടിയ താലി നീ ഇടേണ്ട'; മകന്റെ ഭാര്യയുടെ താലിമാല പൊട്ടിച്ച് കലി തുള്ളിയ 'മോഹിനി'! 35 പവനൊപ്പം 10 ലക്ഷം കൂടി വേണമെന്ന അത്യാഗ്രഹം; വീടും സ്ഥലവും മകന് എഴുതി കൊടുക്കാത്തിന് മരുമകളെ പുറത്താക്കിയ അമ്മായി അമ്മ; സത്യഭാമ വെറുമൊരു 'കലാമണ്ഡലം' അല്ല; സ്ത്രീപീഡന കേസും ചർച്ചകളിലേക്ക്
Readers Comments+
മലയാളത്തിൽ ടൈപ്പ് ചെയ്യാൻ ഇവിടെ ക്ലിക്ക് ചെയ്യുകകമന്റ് ബോക്സില് വരുന്ന അഭിപ്രായങ്ങള് മറുനാടന് മലയാളിയുടേത് അല്ല. മാന്യമായ ഭാഷയില് വിയോജിക്കാനും തെറ്റുകള് ചൂണ്ടി കാട്ടാനും അനുവദിക്കുമ്പോഴും മറുനാടനെ മനഃപൂര്വ്വം അധിക്ഷേപിക്കാന് ശ്രമിക്കുന്നവരെയും അശ്ലീലം ഉപയോഗിക്കുന്നവരെയും മറ്റു മലയാളം ഓണ്ലൈന് ലിങ്കുകള് പോസ്റ്റ് ചെയ്യുന്നവരെയും മതവൈരം തീര്ക്കുന്നവരെയും മുന്നറിയിപ്പ് ഇല്ലാതെ ബ്ലോക്ക് ചെയ്യുന്നതാണ് - എഡിറ്റര്