1 usd = 75.62 inr 1 gbp = 93.14 inr 1 eur = 82.87 inr 1 aed = 20.59 inr 1 sar = 20.13 inr 1 kwd = 244.96 inr

May / 2020
27
Wednesday

കൊച്ചി പൊലീസ് തിരയുന്ന മറുനാടൻ ലേഖകൻ 'ഭീകരൻ ശ്രീജിത്ത്' ഞങ്ങളുടെ കസ്റ്റഡിയിൽ ഉണ്ട്; പിടികിട്ടാപ്പുള്ളിയായ 'നിരക്ഷരൻ' പൊലീസ് സ്‌റ്റേഷന് സമീപവും: ചമ്മിണി സാറേ ഇവരെ ഒന്നു മൂക്കിൽ കയറ്റുമോ?

January 13, 2015 | 03:41 PM IST | Permalink



കൊച്ചി പൊലീസ് തിരയുന്ന മറുനാടൻ ലേഖകൻ 'ഭീകരൻ ശ്രീജിത്ത്' ഞങ്ങളുടെ കസ്റ്റഡിയിൽ ഉണ്ട്; പിടികിട്ടാപ്പുള്ളിയായ 'നിരക്ഷരൻ' പൊലീസ് സ്‌റ്റേഷന് സമീപവും: ചമ്മിണി സാറേ ഇവരെ ഒന്നു മൂക്കിൽ കയറ്റുമോ?

മറുനാടൻ മലയാളി ബ്യൂറോ

തിരുവനന്തപുരം: കൊച്ചിയുടെ ആദരണീയനായ മേയർ ടോണി ചമ്മിണി സാറിനെ മാനവും അന്തസ്സും അഭിമാനവും ഒക്കെ ഇല്ലാതാക്കിയ മറുനാടനിലെ ഭീകരനായ എഡിറ്ററെ അറസ്റ്റ് ചെയ്‌തെങ്കിലും പിടികിട്ടാപ്പുള്ളികളായി പ്രഖ്യാപിക്കണോ എന്ന് പൊലീസ് ആലോചിച്ചുകൊണ്ടിരിക്കുന്ന മറുനാടൻ ലേഖകനേയും കമന്റ് എഴുതിയ ആളേയും കണ്ടെത്തിയ സന്തോഷ വാർത്ത ഞങ്ങൾ വിനയപൂർവ്വം അറിയിക്കട്ടെ. പൊലീസ് ഇന്നലെ നൽകിയ പത്രക്കുറിപ്പിലും ഇന്ന് മനോരമ അടക്കമുള്ള പത്രങ്ങളിൽ വന്ന വാർത്തയിലും പരാമർശിച്ചിരിക്കുന്ന ഒളിവിൽ കഴിയുന്നവരുടെ രഹസ്യ സങ്കേതമാണ് ഞങ്ങൾ ഇപ്പോൾ വെളിപ്പെടുത്തുന്നത്. മറുനാടന്റെ കൊച്ചി ലേഖകൻ ശ്രീജിത്ത് ശ്രീകുമാരൻ, മറുനാടൻ വാർത്തയെ കുറിച്ച് കമന്റ് ഇട്ട നിരക്ഷരൻ എന്നു വിളിക്കുന്ന മനോജ് രവീന്ദ്രൻ എന്നിവരെയാണ് ഇപ്പോൾ തെരഞ്ഞു കൊണ്ടിരിക്കുന്നതെന്നാണ് പൊലീസ് പത്രക്കുറിപ്പിനെ ആസ്പദമാക്കി ഇന്നത്തെ പത്രങ്ങൾ റിപ്പോർട്ട് ചെയ്തത്.

ഈ ശ്രീജിത്ത് ശ്രീകുമാരൻ എല്ലാ ദിവസവും കൊച്ചിയിലെ വിവിധ സ്ഥാപനങ്ങളിലൂടെ കറങ്ങി നടപ്പുണ്ട്. ഫോൺ നമ്പർ സംഘടിപ്പിച്ച് ഞങ്ങൾ പൊലീസിന് കൈമാറിക്കഴിഞ്ഞു. ഇനി അഥവാ പൊലീസ് ചെല്ലുമ്പോഴേക്കും ഭീകരനായ ശ്രീജിത്ത് മുങ്ങും എന്നുണ്ടെങ്കിൽ ഞങ്ങൾ തന്നെ പിടിച്ച് സ്റ്റേഷനിൽ എത്തിക്കുന്നതായിരിക്കും. എപ്പോൾ വേണമെന്ന് പറഞ്ഞാൽ മതി. മനോജിന്റെ ഫോണും ഇപ്പോൾ പ്രവർത്തിക്കുന്നുണ്ട്. പൊലീസ് സ്‌റ്റേഷനിൽ നിന്നും ഏതാനും വാര മാത്രം അകലെ കഴിയുന്ന മനോജ് തത്ക്കാലം കൊച്ചി വിടാതെ ഞങ്ങൾ നോക്കുന്നതാണ്. പൊലീസിന് മടിയാണെങ്കിൽ ബഹുമാനപ്പെട്ട ചമ്മിണി സാർ തന്നെ നേരിട്ട് പിടികിട്ടാപ്പുള്ളികളെ പിടികൂടണം എന്നാണ് അപേക്ഷ. രണ്ട് പേരുടേയും ഫോൺ നമ്പരും വിലാസവും ഞങ്ങൾ പൊലീസിൽ അയച്ചിട്ടുണ്ട്. എന്തെങ്കിലും സഹായം ആവശ്യമാണെങ്കിൽ ഞങ്ങളെ ബന്ധപ്പെടണമെന്ന് അപേക്ഷിക്കുന്നു.

അല്ല അതുവേണ്ട- ശ്രീജിത്തിന്റേയും നിരക്ഷരന്റേയും നമ്പർ ഇവിടെ തന്നെ കൊടുക്കാം. രണ്ട് പേരും ഒളിവിലാണെന്ന് കരുതി വിഷമിക്കുന്നവർക്കൊക്കെ ഒരു ആശ്വാസമാകുമല്ലോ.

ശ്രീജിത്ത് -9946102671
നിരക്ഷരൻ - 9895938674

കേരളത്തിലെ പൊലീസും മാദ്ധ്യമങ്ങളും ചേർന്ന് വ്യാജ വാർത്തകൾ സൃഷ്ടിക്കുന്നതിന്റെ ഉത്തമ ഉദാഹരണമായി മാറുകയാണ് കൊച്ചി മേയറുടെ പരാതിയെത്തുടർന്ന് നടന്ന വാർത്താ കോലാഹലങ്ങൾ. വ്യക്തമായ രേഖകളുടെ അടിസ്ഥാനത്തിൽ പ്രസിദ്ധീകരിച്ച ഒരു വാർത്തയുടെ പേരിൽ മറുനാടൻ മലയാളിയുടെ ഓഫീസിൽ എത്തി പൊലീസ് മൊഴിയെടുത്തത് അതിശക്തമായ രാഷ്ട്രീയ സമ്മർദ്ദം മൂലമായിരുന്നു. അന്വേഷിക്കാനെത്തിയ പൊലീസ് ഉദ്യോഗസ്ഥന് വകതിരിവുള്ളതിനാൽ മൊഴി രേഖപ്പെടുത്തിയ ശേഷം മടങ്ങുകയായിരുന്നു. എന്നാൽ കടുത്ത രാഷ്ട്രീയ സമ്മർദ്ദത്തെ തുടർന്നാണ് രണ്ട് ദിവസത്തിന് ശേഷം അറസ്റ്റ് നടത്തിയെന്നും മറുനാടൻ ലേഖകൻ ശ്രീജിത്തിനേയും കമന്റിട്ട നിരക്ഷരനേയും തെരയുകയാണെന്നുമാണ് കൊച്ചി പൊലീസ് വൃത്തങ്ങൾ തന്നെ നൽകുന്ന സൂചന. ആദ്യം മേയറുടെ ഓഫീസ് പ്രസ് റിലീസ് ഇറക്കുകയും അതേ കാര്യങ്ങൾ തന്നെ പൊലീസിന്റെ ഭാഗമായി പിന്നാലെ വരികയുമായിരുന്നു. തുടർന്ന് മറുനാടൻ ഓഫീസിലേക്ക് നിലക്കാത്ത ഫോൺ വിളികൾ ആയിരുന്നു. കൊച്ചി ലേഖകൻ ശ്രീജിത്ത് പറഞ്ഞതുകൊണ്ട് കൂടിയാണ് നമ്പറുകൾ പ്രസിദ്ധീകരിക്കുന്നത്.

ശ്രീജിത്ത് ശ്രീകുമാരൻ ഒളിവിലാണോ?

തികച്ചും വാസ്തവ വിരുദ്ധമായ പ്രചാരണമാണിത്. ശ്രീജിത്ത് കേസിലെ പ്രതിയാണെന്ന് പൊലീസ് ഇന്നേവരെ മറുനാടനോടോ ശ്രീജിത്തിനോടോ പറഞ്ഞിട്ടില്ല. എന്നുമാത്രമല്ല ശ്രീജിത്തിനെതിരെ മേയർ പരാതിയും നൽകിയിട്ടില്ല. ശനിയാഴ്ച ഓഫീസിൽ മൊഴിയെടുക്കാൻ എത്തിയ പൊലീസിനോട് വാർത്ത നൽകിയത് ശ്രീജിത്ത് ആണെന്നും എന്നാൽ വാർത്തയുടെ ഉത്തരവാദിത്തം തനിക്കാണെന്നും മറുനാടൻ എഡിറ്റർ പറഞ്ഞിരുന്നു. അതിന്റെ അടിസ്ഥാനത്തിൽ ഒരു പക്ഷേ, ശ്രീജിത്തിനെ പൊലീസ് പ്രതിയായി ഇന്നലെ ചേർത്ത് കാണും. എന്നാൽ ഒരു ഫോൺ കോൾ വഴിയോ നോട്ടീസ് വഴിയോ ശ്രീജിത്ത് പ്രതിയാണ് എന്നുപോലും ആരേയും അറിയിച്ചിട്ടില്ല. പൊലീസ് സ്‌റ്റേഷനിൽ ചെല്ലാൻ പറയുന്ന സമയത്ത് ചെല്ലാൻ പൂർണ്ണമായും തയ്യാറായി തന്നെ ശ്രീജിത്ത് ഇരിക്കുന്നുണ്ട്. എന്നാൽ പത്രക്കുറിപ്പിന്റെ പേരിൽ മാത്രം അത് ചെയ്യണോ എന്നതാണ് ചോദ്യം. ഇനി മേയറെ തൃപ്തിപ്പെടുത്താൻ വേണ്ടി ഒരു അറസ്റ്റ് നടത്താൻ പൊലീസ് ഒരുക്കമാണോ എന്നറിയില്ല. എന്തായാലും ശ്രീജിത്ത് ഒളിവിൽ അല്ല, ഒളിവിൽ പോകത്തുമില്ല എന്നു വിനയപൂർവ്വം അറിയിക്കട്ടെ.

കമന്റ് ഇട്ട നിരക്ഷരൻ പിടികിട്ടാപ്പുള്ളിയാണോ?

റുനാടൻ മലയാളി വാർത്തയ്ക്ക് കമന്റ് ഇട്ടു എന്ന പേരിൽ പൊലീസ് തിരയുന്ന പിടികിട്ടാപ്പുള്ളി വാസ്തവത്തിൽ കൊച്ചിയിലെ പൊലീസ് സ്റ്റേഷൻ വളപ്പിനോടു ചേർന്ന്‌ താമസിക്കുന്ന പ്രതികരിക്കാൻ ശേഷിയുള്ള ഒരു സാധാരണ ചെറുപ്പക്കാരൻ ആണ്. പൊലീസ് എന്നുകേട്ടാൽ പേടിച്ച് വിറച്ച് ചെയ്തതെല്ലാം ഡിലീറ്റ് ചെയ്യുന്ന കൂട്ടത്തിൽ അല്ല മനോജ് രവീന്ദ്രൻ എന്ന ഈ നിരക്ഷരൻ. നിരക്ഷരൻ എന്ന പേരിൽ ഇദ്ദേഹം മുമ്പോട്ട് കൊണ്ടുപോകുന്ന ബ്ലോഗിലെ ലേഖനങ്ങൾ വായിച്ചാൽ തന്നെ വ്യക്തമാണ് അങ്ങനെ ഭയക്കുന്ന ജന്മം അല്ല എന്ന്. ഈ കേസുമായി ബന്ധപ്പെട്ട് പൊലീസ് സ്‌റ്റേഷനിൽ വിളിച്ച് വരുത്തി മൊഴിയെടുത്ത ശേഷം എന്തുകൊണ്ട് ഒളിവിൽ എന്നു പറയുന്നു എന്ന സംശയം ഉന്നയിക്കുകയാണ് മനോജ്.

പൊലീസ് വിളിച്ചത് അനുസരിച്ച് ചെല്ലുകയും എന്റെ മൊഴി രേഖപ്പെടുത്തുകയും ചെയ്തതാണ്. മേയർക്ക് കസേരയിൽ നിന്ന് ഇറങ്ങിപ്പോകുന്നതിന് മുൻപ് സ്വയം വെള്ളപൂശണം. അത്രേയല്ലേ ഉള്ളൂ. എനിക്ക് മേയറുമായി വ്യക്തിപരമായോ പാർട്ടിപരമായോ യാതൊരു വൈരാഗ്യവും അന്നുമില്ല ഇപ്പോഴുമില്ല. മാലിന്യസംസ്‌ക്കരണ വിഷയത്തിൽ നിരവധി ലേഖനങ്ങൾ ഈ ബ്ലോഗിലും ഫേസ്‌ബുക്കിലുമൊക്കെ കാലങ്ങളായി എഴുതി ഇടുന്നുണ്ട്. അതുകൊണ്ടാണ് മേയർ മാലിന്യസംസ്‌ക്കരണം പഠിക്കാനായി 12 വിദേശയാത്ര നടത്തി എന്ന് പത്രവാർത്തകൾ കണ്ടപ്പോൾ അതിനെ ആസ്പദമാക്കി കൊടുങ്ങല്ലൂർ വരെ പോയാലും മാലിന്യസംസ്‌ക്കരണം പഠിക്കാം എന്നൊരു നിർദ്ദേശം വച്ചത്. അതിൽ അദ്ദേഹത്തെ ആക്ഷേപിക്കുന്ന തരത്തിലോ പാർലിമെന്ററി വിരുദ്ധമായോ ഒരുപദം പോലുമില്ല. ഈ വിവരം ഞാൻ പറഞ്ഞപ്പോൾ പൊലീസിന് ബോധ്യപ്പെട്ടതാണ് എന്നിട്ടും എന്തുകൊണ്ടാണ് പ്രസ് റിലീസിൽ ഇങ്ങനെ പറഞ്ഞതെന്ന് എനിക്കറിയില്ല' മനോജ് രവീന്ദ്രൻ മറുനാടൻ മലയാളിയോട് പറഞ്ഞു.

പൊലീസ് വിളിച്ചതുമായി ബന്ധപ്പെട്ട വിശദമായ പോസ്റ്റ് നിരക്ഷരൻ തന്നെ ബ്ലോഗിൽ നടത്തിയിട്ടുണ്ട്. അത് വായിച്ചാൽ വിശദമായി തന്നെ ഇതിലെ കള്ളത്തരം മനസ്സിലാകും. പൊലീസിന്റെ മേൽ അതീവസമ്മർദ്ദം നടത്തി കൊച്ചി മേയർ മുഖം മിനുക്കാൻ നോക്കുകയും അതിന് മാദ്ധ്യമങ്ങൾ ഓശാന പാടുകയും ചെയ്യുന്ന ഭീകരകാഴ്ചയാണ് ഇവിടെ കാണുന്നത്. മനോജിന്റെ ബ്ലോഗിൽ പ്രത്യക്ഷപ്പെട്ട പോസ്റ്റ് വിശദമായി ഇവിടെ കൊടുക്കുകയാണ്.

മേയർ വിഷയത്തിലെ പത്രവാർത്തകൾ വ്യാജം !!!

കൊച്ചി മേയർ ടോണി ചമ്മിണി മാലിന്യസംസ്‌ക്കരണത്തിനായി 12 വിദേശയാത്രകൾ നടത്തി എന്ന നിലയ്ക്ക് ദേശാഭിമാനി പത്രത്തിലും ഇവാർത്ത, മറുനാടൻ മലയാളി എന്നീ ഓൺലൈൻ പത്രങ്ങളിലും, റിപ്പോർട്ടർ ഓൺലൈനിലും വാർത്തകൾ വന്നിരുന്നു 2014 ജൂൺ മാസത്തിൽ.

റിപ്പോർട്ടർ ഓൺലൈനിൽ കവിത എന്ന പത്രപ്രവർത്തക എഴുതിയ വാർത്തയുടെ സ്‌ക്രീൻഷോട്ട് എടുത്ത് അതിനടിയിൽ എന്റെ ഒരു അഭിപ്രായവും രേഖപ്പെടുത്തി ഫേസ്‌ബുക്കിൽ പോസ്റ്റ് ചെയ്തിരുന്നു. അത് ഇപ്പോഴും ഫേസ്‌ബുക്കിൽ ഉണ്ട്. അത് താഴെ കാണുന്നത് പ്രകാരമാണ്. നേരിട്ട് കാണണമെങ്കിൽ അതിന്റെ ലിങ്ക് ഇതാണ്.

മാലിന്യസംസ്‌ക്കരണം പഠിക്കാൻ 12 പ്രാവശ്യം വിദേശത്ത് പോകേണ്ട കാര്യമൊന്നുമില്ല മേയറേ. തൊട്ടപ്പുറത്തെ ജില്ലയിലെ (കൊടുങ്ങല്ലൂരിലെ ചപ്പാറ) മാലിന്യസംസ്‌ക്കരണ പ്ലാന്റ് ഒന്ന് പോയി കണ്ടാൽ മതി.

അതിനാവശ്യമായേക്കാവുന്ന ചെലവ് കണക്ക് ഇപ്രകാരം.

കാറിന്റെ ഇന്ധനച്ചെലവ് : പരമാവധി 1000 രൂപ
പോക്കുവരവ് സമയം : ട്രാഫിക്ൾ ബ്ലോക്ക് അടക്കം 4 മണിക്കൂർ.
പഠനസമയം : മേയറുടെ തലച്ചോറിന്റെ കപ്പാസിറ്റിക്കനുസരിച്ച്.
12 പ്രാവശ്യം പോയി വരാൻ ചെലവ് : 12000 രൂപ.
കുടുംബത്തോടൊപ്പം പോയാലും ചെലവിൽ വ്യത്യാസമൊന്നും ഇല്ല.


ഈ വാർത്തകൾ ഇട്ടവർക്കെതിരെയും ഇതുമായി ബന്ധപ്പെട്ട് ഫേസ്‌ബുക്കിൽ പോസ്റ്റുകൾ ഇട്ടവർക്കെതിരെയും മേയർ അപകീർത്തിക്കേസ് കൊടുക്കുന്നു എന്ന് പിന്നീട് പത്രങ്ങളിലൂടെ വായിച്ചറിഞ്ഞിരുന്നു.

ഇക്കഴിഞ്ഞ 2014 ഡിസംബർ 13 ന്, ഏകദേശം 11 മണിയോടെ, മാല്യങ്കര  SNM കോളേജിന്റെ അലൂമിനി മീറ്റിങ്ങിൽ പങ്കെടുക്കാൻ പോകുമ്പോൾ എറണാകുളം സെൻട്രൽ പൊലീസ് സ്‌റ്റേഷനിൽ നിന്ന് ഒരു ഫോൺ വന്നു.

'മേയറെ അപകീർത്തിപ്പെടുത്താൻ ശ്രമിച്ചതിന്റെ പേരിൽ ഒരു കേസുണ്ട്. ഇന്ന് വൈകീട്ട് 5 മണിക്ക് മുൻപ് സ്‌റ്റേഷൻ വരെ വന്ന് സ്‌റ്റേറ്റ്‌മെന്റ് തരണം.'

എന്നായിരുന്നു ഫോൺ ചെയ്ത ഉദ്യോഗസ്ഥൻ പറഞ്ഞത്. പത്രവാർത്ത മുൻപേ വായിച്ചിരുന്നതുകൊണ്ട് ഇത് കേട്ടപ്പോൾ ഞെട്ടിയില്ല.

'സാർ ഞാനിപ്പോൾ മാല്യങ്കരയിൽ ഒരു മീറ്റിങ്ങിന് പോകുകയാണ് 5 മണിക്ക് മുൻപ് തിരികെ വരാനൊക്കില്ല. തിങ്കളാഴ്‌ച്ചയോ ചൊവ്വാഴ്‌ച്ചയോ വന്നാൽ മതിയോ? '

' ശരി, തിങ്കളാഴ്‌ച്ച വിളിക്കൂ. വിളിച്ചിട്ടേ വരാവൂ. '

ഡിസംബർ 13 ശനിയാഴ്‌ച്ച 5 മണിക്ക് വരാൻ പറഞ്ഞത് ഒരു ചെറിയ ട്രാപ്പ് അല്ലേ എന്ന് സംശയം തോന്നാതിരുന്നില്ല. അടുത്ത ദിവസം ഞായറാണ്. അറസ്റ്റ് രേഖപ്പെടുത്തിയാൽ ഞായറാഴ്‌ച്ച കോടതിയില്ലാത്തതുകൊണ്ട് അന്ന് ജാമ്യമെടുക്കാനാവില്ല. ഒരു ദിവസം അകത്ത് കിടക്കേണ്ടി വരും. (രഞ്ജി പണിക്കർ സിനിമകൾക്ക് നന്ദി.)

ഡിസംബർ 16ന് ഉച്ചയ്ക്ക് ശേഷം പൊലീസ് ഉദ്യോഗസ്ഥന്റെ ഫോണിലേക്ക് വിളിച്ചൂ.

'സാർ ഞാനിപ്പോൾ സ്ഥലത്തുണ്ട്. സ്‌റ്റേഷനിലേക്ക് വരട്ടേ?'
'സിഐ സ്‌റ്റേഷനിൽ ഇല്ല, പക്ഷെ ഉടനെ വരും, വരുമ്പോൾ തിരികെ വിളിക്കാം. അപ്പോൾ വരാമോ? '
' ശരി സാർ, വിളിച്ചാൽ മതി. അഞ്ചുമിനിറ്റുകൊണ്ട് ഞാനെത്തിക്കോളാം.'

പത്തുമിനിറ്റിനകം പൊലീസ് ഉദ്യോഗസ്ഥന്റെ ഫോൺ വന്നു.

'സിഐസ്‌റ്റേഷനിൽ എത്തിയിട്ടുണ്ട്. ഉടനെ വരാമോ ?'
' വരാം സാർ.'

5 മണിയോടെ ഞാൻ സെൻട്രൽ സ്‌റ്റേഷനിലെത്തി ഫോൺ ചെയ്ത ഉദ്യോഗസ്ഥനെ കണ്ടു. സി.എ.യുടെ മുറിയിൽ വക്കീലന്മാരുടെ തിരക്ക്. ഒരുപാട് പേർ അകത്തേക്ക് കയറുന്നു, പുറത്തേക്ക് പോകുന്നു.ഒരു വനിതാ വക്കീലും ചുംബന സമര നേതാവ് രാഹുൽ പശുപാലനുമായുള്ള ഓൺലൈൻ കേസിന്റെ ഭാഗമായാണ് ആ തിരക്ക്. അവർ ഇറങ്ങിയാൽ എനിക്ക് കയറാം എന്ന് ഉദ്യോഗസ്ഥൻ അറിയിച്ചത് പ്രകാരം 7:15 വരെ ഞാൻ വെളിയിലിരുന്നു. പെട്ടെന്ന് വക്കീലന്മാർ എല്ലാവരും വെളിയിൽ വന്നു. ഒപ്പം സിഐയും പുറത്തെത്തി. ഞാൻ കമ്മീഷണർ ഓഫീസിലേക്ക് പോകുന്നു എന്ന് പറഞ്ഞ് അദ്ദേഹവും സ്ഥലം വിട്ടു.

ഇന്നിനി ഇരുന്നിട്ട് കാര്യമില്ല, നാളെ വന്നാൽ മതി എന്നായി ഉദ്യോഗസ്ഥൻ. നാളെ വന്നാലും ഇതൊക്കെത്തന്നെയല്ലേ അവസ്ഥ, അതുകൊണ്ട് രാത്രി 8 മണി വരെ ഞാൻ കാത്തിരിക്കാം എന്ന് മറുപടി കൊടുക്കുകയും തുടർന്ന് ഉദ്യോഗസ്ഥനുമായി കാര്യങ്ങളെല്ലാം സംസാരിച്ച് അദ്ദേഹത്തിന്റെ മുറിയിൽ ഇരിക്കുകയും ചെയ്തു. മുകളിൽ കാണുന്ന റിപ്പോർട്ടറിന്റെ സ്‌ക്രീൻ ഷോട്ട് ഞാൻ സൃഷ്ടിച്ചതാണെന്നാണ് ഉദ്യോഗസ്ഥൻ മനസ്സിലാക്കിയിരിക്കുന്നത്. മേയറുടെ പരാതി ചെന്നിരിക്കുന്നത് അപ്രകാരമാണ്. പരാതിയിൽ മാന്യമായിട്ട് ഞാനെഴുതിയ വരികൾ ഇല്ല. പകരം സ്‌ക്രീൻ ഷോട്ടും അതിന് കീഴെയുള്ള കമന്റുകളും മാത്രമാണുള്ളത്. ആ സ്‌ക്രീൻ ഷോട്ട് റിപ്പോർട്ടർ ഓൺലൈനിൽ കവിത എന്ന പത്രപ്രവർത്തകയുടേതാണെന്നും എന്റേത് അതിനെ ആസ്പദമാക്കി മേയർക്കുള്ള ഒരു നിർദ്ദേശം മാത്രമാണെന്നും ഞാൻ ഉദ്യോഗസ്ഥനെ ബോദ്ധ്യപ്പെടുത്തി. തുടർന്ന് അദ്ദേഹം ഇക്കാര്യം സിഐയെ ഫോണിൽ വിളിച്ച് പറയുകയും എന്റെ സ്‌റ്റേറ്റ്‌മെന്റ് എഴുതിയെടുത്ത് എന്നെ വിട്ടയക്കുകയും ചെയ്തു. ഇതാണ് ഡിസംബർ 16ന് എറണാകുളം സെൻട്രൽ പൊലീസ് സ്‌റ്റേഷനിൽ സംഭവിച്ചത്.

ആദ്യം വിളിച്ചപ്പോൾ ചെന്ന് മൊഴി കൊടുത്തു പോന്നു. വീണ്ടും തെളിവെടുപ്പ് നടത്തണമെങ്കിൽ എന്നെ വീണ്ടും വിളിച്ചുവരുത്താം എന്നിരിക്കെ, ഇന്നത്തെ പത്രങ്ങളിൽ നിരക്ഷരൻ എന്ന ഫേസ്‌ബുക്ക് പ്രൊഫൈലിന്റെ ഉടമയായ മനോജിനെ പൊലീസ് തിരയുന്നു എന്ന് പറഞ്ഞ് വന്നിരിക്കുന്ന വാർത്തകൾ വ്യാജവും അപകീർത്തികരവുമാണ്. ഞാനൊരു പിടികിട്ടാപ്പുള്ളിയൊന്നുമല്ല. എറണാകുളം സെൻട്രൽ പൊലീസ് സ്‌റ്റേഷന്റെ അരകിലോമീറ്റർ പരിധിയിൽ (കച്ചേരിപ്പടി) ജീവിക്കുന്ന ആളാണ്. നഗരത്തിൽ ഉള്ളപ്പോഴെല്ലാം ഒരു പ്രാവശ്യമെങ്കിലും സെൻട്രൽ സ്‌റ്റേഷന് മുന്നിലൂടെയും മേയറുടെ ഓഫീസിന് മുന്നിലൂടെയും ഹൈക്കോടതിയേയും ചുറ്റി കടന്നു പോകുന്ന വ്യക്തിയാണ്. എന്റെ പൂർണ്ണമായ അഡ്രസ്സും ഫോൺ നമ്പറും ഞാൻ കൊടുത്ത ബിസിനസ്സ് കാർഡുമൊക്കെ സ്‌റ്റേഷനിൽ ഉണ്ട്. പിന്നെന്തിന് പൊലീസ് എന്നെ തിരഞ്ഞ് നടക്കണം?

ഈ പട്ടണത്തിന്റെ നടുക്ക്, കേസന്വേഷിക്കുന്ന പൊലീസ് ഉദ്യോഗസ്ഥന്റെ മൂക്കിന് കീഴെ 24 മണിക്കൂറും മൊബൈൽ ഓൺ ചെയ്ത് വച്ച് നടക്കുന്ന എന്നെ, പൊലീസ് തിരഞ്ഞ് നടക്കുകയാണെന്ന വാർത്ത കേരള പൊലീസിന്റെ കാര്യക്ഷമതയ്ക്ക് മൊത്തം അപമാനമാണെന്ന കാര്യം, ഈ വ്യാജവാർത്തയ്ക്ക് കുടപിടിച്ച പൊലീസ് ശ്രദ്ധിക്കാതെ പോയതിൽ അതിയായ ദുഃഖമുണ്ട്. വ്യാജവാർത്തകൾ നീണാൾ വാഴട്ടെ എന്ന് മാത്രമേ ഈ അവസരത്തിൽ സഹതപിക്കാനുള്ളൂ.

മലയാള മനോരമയിലും മാതൃഭൂമിയിലും വാർത്ത വന്നിട്ടുണ്ടെന്ന് അറിയാൻ കഴിഞ്ഞു. മറ്റേതൊക്കെ പത്രങ്ങളിൽ വന്നിട്ടുണ്ടെന്ന് അറിയില്ല. ഈ വാർത്ത പത്രങ്ങൾക്ക് കിട്ടുന്നത് സിഐഓഫീസിൽ നിന്നാണ്. അത് കിട്ടിയ ഉടനെ ഒരു പത്രപ്രവർത്തകൻ എന്നെ വിളിച്ച് നിജസ്ഥിതി അന്വേഷിച്ചു, കാര്യങ്ങൾ മനസ്സിലാക്കുകയും ചെയ്തു. മേയറോ പൊലീസോ അങ്ങനെ ആരെങ്കിലും ഒരു പ്രസ്സ് റിലീസ് കൊടുത്താൽ ഉടനെ അത് കണ്ണുമടച്ച് വിശ്വസിച്ച് മറുഭാഗം എന്താണെന്ന് മനസ്സിലാക്കാൻ ശ്രമിക്കാതെ വാർത്ത പബ്ലിഷ് ചെയ്യുന്ന പത്രസംസ്‌ക്കാരം അത്ര മാന്യമാണെന്ന് തോന്നുന്നുണ്ടോ പത്രസുഹൃത്തുക്കളേ?

ഒരു വാർത്ത കിട്ടിയാൽ അത് കണ്ണും പൂട്ടി പ്രസിദ്ധീകരിക്കും. എന്നിട്ട് മറുകക്ഷിക്ക് പറയാനുള്ളത് അയാൾ പറയുമ്പോൾ അതും പ്രസിദ്ധീകരിക്കും. ഇതാണ് ചില പത്രങ്ങളുടെയെങ്കിലും നിലവിലെ പത്രസംസ്‌ക്കാരം എന്ന് അറിയാഞ്ഞിട്ടല്ല. എന്നാലും അധികാരമുള്ളവരുടെയൊക്കെ കൂലിയെഴുത്തുകാരാകുന്നത് അത്രവലിയ മേന്മയുള്ള കാര്യമാണെന്ന് സ്വയം തോന്നുന്നുണ്ടോ ?

ഈ വാർത്ത വന്നതുകൊണ്ട് എന്താണിപ്പോൾ സംഭവിച്ചത് ?

നിരക്ഷരൻ എന്ന വ്യക്തി എന്തോ മഹാപരാധം ചെയ്‌തെന്നും അതിന്റെ പേരിൽ IT Act 66 പ്രകാരം പൊലീസ് തിരഞ്ഞുകൊണ്ടിരിക്കുകയാണെന്നും വന്നാൽ നിരക്ഷരന്റെ മാനം കപ്പലുകേറും എന്നായിരിക്കണമല്ലോ മേയറുടെ ചിന്ത. പക്ഷെ അദ്ദേഹത്തിന് തെറ്റി. നിരക്ഷരൻ എന്ന ആളെയോ മനോജ് രവീന്ദ്രൻ എന്ന ആളെയോ പ്രിന്റ് മീഡിയയിൽ ആരും അറിയില്ല. അഥവാ ആർക്കെങ്കിലും അറിയാമെങ്കിൽ അവർക്ക് ഓൺലൈൻ മീഡിയയുമായി ബന്ധമുണ്ട്. അവർ ഓൺലൈനിൽ വന്ന് കാര്യങ്ങൾ തിരക്കും. ഞാനീ എഴുതി ഇടുന്നത് അടക്കമുള്ള കാര്യങ്ങൾ മനസ്സിലാക്കും. തീർന്നു, അത്രേയുള്ളൂ. ഇനി ഇത്തരം വ്യാജവാർത്തകൾ കൊടുത്ത് നിരക്ഷരന്റെ മാനം കളഞ്ഞതുകൊണ്ട് മേയർക്കെന്ത് മെച്ചമാണുള്ളത്? നിരക്ഷരന് മേയറുടെ കസേരയിലോ കൊച്ചിൻ കൗൺസിലിലെ എതെങ്കിലും ഒരു കസേരയിലോ മറ്റേതെങ്കിലും ഒരു പഞ്ചായത്ത് മെമ്പറുടെ പോലും കസേരയിലോ നോട്ടമില്ല. നോട്ടം ഉണ്ടാകുകയും ഇല്ല. നിങ്ങളൊക്കെ കയറിയിരുന്ന് അവിശുദ്ധമാക്കിയ ആ കസേരകളിൽ കയറി ഇരിക്കാതെ തന്നെ നാടിന് വേണ്ടി പലതും ചെയ്യാനാകുമെന്ന് നല്ല ഉറപ്പുമുണ്ട്. അതുകൊണ്ട്, ഈ വാർത്ത കൊണ്ട് മേയർ ഉദ്ദേശിച്ച ഒരു ഗുണവും അദ്ദേഹത്തിന് ഉണ്ടാകില്ല എന്ന് മാത്രമല്ല, സ്വന്തം പല്ലിട കുത്തി നാറ്റിച്ചതിന്റെ മാനക്കേട് ഉണ്ടാകുകയും ചെയ്യും. പത്രത്തിൽ ഇത് അച്ചടിച്ച ദേശാഭിമാനിക്കും ഓൺലൈനിൽ വാർത്ത കൊടുത്ത റിപ്പോർട്ടർക്കും എതിരെ മേയർ കേസെടുക്കാത്തത് എന്തുകൊണ്ടാണെന്ന് ആലോചിച്ചാൽ മനസ്സിലാക്കാം ഈ കേസിന് പിന്നിലെ ഭീരുത്വം.

മേയർക്ക് കസേരയിൽ നിന്ന് ഇറങ്ങിപ്പോകുന്നതിന് മുൻപ് സ്വയം വെള്ളപൂശണം. അത്രേയല്ലേ ഉള്ളൂ. പക്ഷെ അതിന് ഇതുപോലുള്ള വ്യാജ പരിപാടികൾക്ക് ഇറങ്ങിത്തിരിക്കരുതായിരുന്നു. എനിക്ക് മേയറുമായി വ്യക്തിപരമായോ പാർട്ടിപരമായോ യാതൊരു വൈരാഗ്യവും അന്നുമില്ല ഇപ്പോഴുമില്ല. മാലിന്യസംസ്‌ക്കരണ വിഷയത്തിൽ നിരവധി ലേഖനങ്ങൾ ഈ ബ്ലോഗിലും ഫേസ്‌ബുക്കിലുമൊക്കെ കാലങ്ങളായി എഴുതി ഇടുന്നുണ്ട്. (ആവശ്യമെങ്കിൽ അതെല്ലാം ഹാജരാക്കാം.) അതുകൊണ്ടാണ് മേയർ മാലിന്യസംസ്‌ക്കരണം പഠിക്കാനായി 12 വിദേശയാത്ര നടത്തി എന്ന് പത്രവാർത്തകൾ കണ്ടപ്പോൾ അതിനെ ആസ്പദമാക്കി കൊടുങ്ങല്ലൂര് വരെ പോയാലും മാലിന്യസംസ്‌ക്കരണം പഠിക്കാം എന്നൊരു നിർദ്ദേശം വച്ചത്. അതിൽ അദ്ദേഹത്തെ ആക്ഷേപിക്കുന്ന തരത്തിലോ പാർലിമെന്ററി വിരുദ്ധമായോ ഒരുപദം പോലുമില്ല. സംശയമുള്ള ആർക്ക് വേണമെങ്കിലും മുകളിൽ പിങ്ക് നിറത്തിൽ കൊടുത്തിരിക്കുന്ന എന്റെ വരികൾ ആവർത്തിച്ചാവർത്തിച്ച് വായിക്കാം. ഇക്കാര്യം സിഐഓഫീസിലും ബോദ്ധ്യപ്പെടുത്തിയാണ് 2014 ഡിസംബർ 16ന് മടങ്ങിയത്.

 

അടുത്ത കോർപ്പറേഷൻ തിരഞ്ഞെടുപ്പ് വരാനായി. അതിന് മുൻപ് മേയർക്ക് സ്വന്തം പേരിലുള്ള ആരോപണങ്ങളുടെ വായ്മൂടിക്കെട്ടണം എന്ന ഒറ്റ ഉദ്ദേശം മാത്രമാണുള്ളതെന്ന് അരിയാഹാരം കഴിക്കുന്നവർക്കൊക്കെ അറിയാം. വാർത്തയിൽ വന്നിരിക്കുന്ന മറ്റൊരു വലിയ വിഡ്ഢിത്തം കൂടെ ശ്രദ്ധിച്ചാൽ അത് എളുപ്പം മനസ്സിലാക്കാനാവും. 'മറുനാടൻ മലയാളി' ഓൺലൈൻ പത്രത്തിന്റെ എഡിറ്റർ സാജൻ സ്‌ക്കറിയയെ അറസ്റ്റു ചെയ്‌തെന്ന് പറഞ്ഞാണ് വാർത്ത തുടങ്ങുന്നത്. സാജനെ സ്‌റ്റേറ്റ്‌മെന്റ് എടുക്കാനായി വിളിപ്പിച്ചപ്പോൾ സാജൻ പോയില്ല. പകരം പൊലീസുകാർ സാജന്റെ ഓഫീസിൽ ചെന്ന് മൊഴിയെടുത്ത് പോന്നു. അറസ്റ്റ് ചെയ്‌തെങ്കിൽ ഏത് കോടതിയിൽ നിന്നാണ് ജാമ്യമെടുത്തതെന്ന് കൂടെ പറയണം എന്ന് സാജൻ തന്റെ ഫേസ്‌ബുക്ക് പോസ്റ്റിൽ വെല്ലുവിളിക്കുന്നുണ്ട്. അതിനുത്തരം പറയാൻ മേയർക്കും ഈ വാർത്ത അച്ചടിച്ച എല്ലാ പത്രമാദ്ധ്യമങ്ങൾക്കും ഉത്തരവാദിത്വമുണ്ട്.

മേയറുടെ ഉത്തരവാദിത്വം അതുകൊണ്ടും അവസാനിക്കുന്നില്ല. കാര്യങ്ങൾ ഇത്രയുമൊക്കെ ആകുകയും എന്നെപ്പോലുള്ള സാധാരണ പൗരന്മാർക്ക് എതിരെ വ്യാജവാർത്ത പടച്ച് പത്രങ്ങൾക്ക് നൽകുകയും ചെയ്ത നിലയ്ക്ക് മേയർ ഇതുവരെ നടത്തിയ എല്ലാ വിദേശയാത്രകളുടേയും വിശദവിവരങ്ങൾ കാണിച്ച് ധവളപത്രം ഇറക്കണം. എത്ര യാത്രകൾ സ്വന്തം ചെലവിൽ നടത്തി? എത്ര യാത്രകൾ സർക്കാർ ചെലവിൽ നടത്തി? എത്ര യാത്രകൾ വിദേശ ഏജൻസികളുടേയും സംഘടനകളുടേയും ചെലവിൽ നടത്തി? എത്ര യാത്രകൾ മാലിന്യസംസ്‌ക്കരണം പഠിക്കാനായി മാത്രം നടത്തി? എത്ര യാത്രകളിൽ കുടുംബം ഒപ്പമുണ്ടായിരുന്നു? എത്ര യാത്രകളിൽ പ്രതിപക്ഷ നേതാവ് ഒപ്പമുണ്ടായിരുന്നു? ഇതിന്റെയൊക്കെ ചെലവ് കണക്കുകൾ എത്ര? ഈ യാത്രകൾ നടത്തിയതുകൊണ്ട് നാടിനെന്തൊക്കെ ഗുണങ്ങൾ ഉണ്ടാക്കിക്കൊടുക്കാൻ മേയർക്ക് കഴിഞ്ഞു? ഈ യാത്രകൾ ചെയ്യുന്ന സമയത്ത് കേരളത്തിലെ ഭരണപരമായ മറ്റെന്തൊക്കെ മീറ്റിങ്ങുകളിലും ചർച്ചകളിലും തീരുമാനങ്ങളിലും പങ്കെടുക്കാൻ പറ്റാതെ പോയി? എന്നതൊക്കെ ബോധിപ്പിക്കേണ്ട ധാർമ്മികമായ ഒരു ബാദ്ധ്യതകൂടെ മേയർക്കിപ്പോൾ ഉണ്ട്. ഇത്തരം വ്യാജവാർത്തകൾ ചമച്ച് ജനത്തിന്റെ കണ്ണിൽ പൊടിയിടാൻ മേയർ കാണിക്കുന്ന വ്യഗ്രത കാരണം അദ്ദേഹത്തിന്റെ വിദേശയാത്രയുടെ വാർത്തകളിൽ കുറച്ചെങ്കിലും കഴമ്പുണ്ടെന്ന് ഇപ്പോൾ തോന്നിത്തുടങ്ങിയിരിക്കുന്നു. അതുകൊണ്ട് സ്വന്തം ഭാഗത്ത് തെറ്റൊന്നുമില്ലെങ്കിൽ അത് ജനങ്ങളെ ബോദ്ധ്യപ്പെടുത്താനുള്ള ബാദ്ധ്യത മേയർക്കില്ലേ? അങ്ങനൊരു റിപ്പോർട്ട് അദ്ദേഹത്തിൽ നിന്ന് പ്രതീക്ഷിക്കുന്നതിൽ തെറ്റില്ലല്ലോ?

ഒരു കാര്യം കൂടെ മേയർ മനസ്സിലാക്കിയാൽ നന്ന്. സ്വാതന്ത്ര്യത്തിന് മുൻപ്, മാദ്ധ്യമപ്രവർത്തനമൊക്കെ ഇതിനേക്കാൾ ദുഷ്‌ക്കരമായിരുന്ന രാജഭരണകാലത്തും ബ്രിട്ടീഷ് ഭരണകാലത്തും, ഭരണാധികാരികൾ ചെയ്യുന്ന നെറികേടുകൾക്ക് എതിരെ യാതൊരു ഭയാശങ്കകളും ഇല്ലാതെ തൂലിക ആയുധമാക്കിയവരെയൊക്കെ ഉപദ്രവിക്കാനല്ലാതെ പരാജയപ്പെടുത്താൻ ഭരണകൂടങ്ങൾക്ക് കഴിഞ്ഞിട്ടില്ല. പിന്നല്ലേ ഈ ജനാധിപത്യരാജ്യത്ത് ഫേസ്‌ബുക്കിൽ മാന്യമായ ഒരു നിർദ്ദേശം കമന്റായി എഴുതി എന്നതിന്റെ പേരിൽ ഒരു സാധാരണക്കാരനെ കഴുവേറ്റാമെന്ന് സ്വപ്നം കാണുന്നത്!!

എന്നെ തിരഞ്ഞ് നടക്കുകയൊന്നും വേണ്ട. ഞാൻ ഒളിവിൽ പോയിട്ടൊന്നുമില്ല. രാജ്യത്തെ നിയമസംഹിതകൾ അനുസരിച്ച് കരമടച്ച് മാന്യമായി ജീവിക്കുന്ന ഒരാളാണ്. നിങ്ങളുടെയൊക്കെ അന്നത്തിൽ പാറ്റയിടാൻ വന്നിട്ടില്ല. പക്ഷേ ജനങ്ങൾ കൊടുക്കുന്ന നികുതിയിൽ കൈയിട്ട് വാരാനും അത് തോന്നിയ പോലെ ചെലവാക്കാനും നിങ്ങളെപ്പോലുള്ളവർ മുതിർന്നാൽ അത് ചോദ്യം ചെയ്യാനുള്ള മൗലിക അവകാശം ഈ നാട്ടിലേ ഓരോ വ്യക്തികൾക്കുമുണ്ട്. അങ്ങനെയുള്ളവരെ അധികാരത്തിന്റെ കൊമ്പിൽക്കോർത്ത് ഇല്ലാതാക്കിക്കളയാമെന്നുള്ള ചിന്ത ദയവായി ഉപേക്ഷിക്കണം. ഒന്ന് ഫോൺ ചെയ്താൽ കേസന്വേഷിക്കുന്ന ഉദ്യോഗസ്ഥന്റെ ഓഫീസിൽ ഞാനെത്തിക്കോളാം. സുകുമാരക്കുറുപ്പിനേയോ ദാവൂദ് ഇബ്രാഹിമിനേയോ മാവോയിസ്റ്റുകളേയോ അന്വേഷിക്കുന്നത് പോലെ തിരഞ്ഞ് നടന്ന് ബുദ്ധിമുട്ടണമെന്നില്ല.

വാൽക്കഷണം: ഈ വാർത്തയുടെ മറുവശം എന്താണെന്ന് അന്വേഷിക്കാതെ, മേയർക്ക് അനുകൂലമായി വാർത്ത പ്രസിദ്ധീകരിച്ച് എന്നെ ഇത്ര പെട്ടെന്ന് പ്രശസ്തനാക്കിത്തന്ന പത്രസുഹൃത്തുക്കളോട് രണ്ട് ചോദ്യങ്ങൾ. എനിക്ക് പറയാനുള്ളത് മുകളിൽ എഴുതിയിരിക്കുന്നത് പോലെ, ഇവിടെ വിശദീകരിച്ചാൽ മതിയോ, അതോ ഇനി വേറെ പ്രസ്സ് റിലീസ് എഴുതി എറണാകുളം പ്രസ്സ് ക്ലബ്ബിലെ ബോക്‌സുകളിൽ നിക്ഷേപിക്കണോ? അവിടെക്കൊണ്ടുവന്ന് നിക്ഷേപിച്ചാൽ, മേയർ തന്നിരിക്കുന്ന ഈ വ്യാജവാർത്തയുടെ യഥാർത്ഥമുഖം നിങ്ങൾ പ്രസിദ്ധീകരിക്കുമോ?

മറുനാടൻ മലയാളി ബ്യൂറോ    
മറുനാടൻ മലയാളി റിപ്പോർട്ടർ

mail: editor@marunadanmalayali.com

Readers Comments

മലയാളത്തിൽ ടൈപ്പ്‌ ചെയ്യാൻ ഇവിടെ ക്ലിക്ക്‍ ചെയ്യുക
കമന്റ് ബോക്‌സില്‍ വരുന്ന അഭിപ്രായങ്ങള്‍ മറുനാടന്‍ മലയാളിയുടേത് അല്ല. മാന്യമായ ഭാഷയില്‍ വിയോജിക്കാനും തെറ്റുകള്‍ ചൂണ്ടി കാട്ടാനും അനുവദിക്കുമ്പോഴും മറുനാടനെ മനഃപൂര്‍വ്വം അധിക്ഷേപിക്കാന്‍ ശ്രമിക്കുന്നവരെയും അശ്ലീലം ഉപയോഗിക്കുന്നവരെയും മറ്റു മലയാളം ഓണ്‍ലൈന്‍ ലിങ്കുകള്‍ പോസ്റ്റ് ചെയ്യുന്നവരെയും മതവൈരം തീര്‍ക്കുന്നവരെയും മുന്നറിയിപ്പ് ഇല്ലാതെ ബ്ലോക്ക് ചെയ്യുന്നതാണ് - എഡിറ്റര്‍

More News in this category

Loading...

MNM Recommends

Loading...
TODAYLAST WEEKLAST MONTH
ആഡംബര വാഹനങ്ങളും സിക്സ് പായ്ക്കും കാണിച്ച് വലയിൽ വീഴ്‌ത്തിയത് നൂറിലധികം സ്ത്രീകളെ; കോഴിക്കച്ചവടക്കാരന്റെ മകനായ തൊഴിൽരഹിതന്റെ ഇരകൾ ഏറെയും ലേഡി ഡോക്ടർമാർ; നഗ്നഫോട്ടോകൾ പ്രചരിപ്പിക്കുമെന്ന് പറഞ്ഞ് തട്ടിയത് ലക്ഷങ്ങൾ; കെണിയിൽ പെട്ടവരിൽ മലയാളികളും; നാഗർകോവിലുകാരൻ പുരുഷവേശ്യയായും പണം സമ്പാദിച്ചു; കാശി എന്ന സുജിയുടെ വിദേശബന്ധങ്ങളും സംശയത്തിൽ; ഇന്ത്യ കണ്ട ഏറ്റവു വലിയ പീഡനക്കേസിന് ചുരുളഴിയുമ്പോൾ ഞെട്ടി തമിഴകം
എന്റെ കുഞ്ഞെവിടെ? മാതാപിതാക്കളോട് സൂരജിന്റെ ചോദ്യം ഇങ്ങനെ; ഇവിടില്ലെന്ന് പറഞ്ഞപ്പോൾ മുഖംപൊത്തി പൊട്ടിക്കരച്ചിൽ; അണലിയെ സൂക്ഷിച്ച വിറകുപുര ചൂണ്ടിക്കാട്ടി ഉദ്യോഗസ്ഥരോട് കാര്യങ്ങൾ വിവരിച്ചു; ടെറസിൽ നിന്ന് വലിച്ചെറിഞ്ഞ രീതിയും കാണിച്ചു കൊടുത്തു; ഒന്നാം നിലയിലെ തെളിവെടുപ്പ് നീണ്ടത് അര മണിക്കൂറോളം; അമ്മ രേണുകയും സഹോദരി സൂര്യയും സൂരജിനെ കാണാൻ ഹാളിലെത്തിയപ്പോഴും പൊട്ടിക്കരച്ചിൽ; പറക്കോട്ടെ വീട്ടിൽ സൂരജിന്റെ തെളിവെടുപ്പ് ഇങ്ങനെ
കലായാത്രയ്ക്കിടെ കണ്ട ഗായികയെ ജീവിത സഖിയാക്കിയത് എതിർപ്പുകളെ അതിജീവിച്ച്; ബംഗളൂരുവിൽ ജോലി ചെയ്യുമ്പോഴും കുടുംബത്തേയും നാടകത്തേയും മനസ്സിൽ സൂക്ഷിച്ച സുമനസ്സ്; വർഷങ്ങൾ നീണ്ട പ്രണയത്തിനൊടുവിൽ നെഞ്ചോട് ചേർത്ത പ്രിയതമയ്‌ക്കൊപ്പം സുഹൃത്തിന്റെ വിവാഹ നിശ്ചയം കൂടണമെന്ന മോഹവുമായുള്ള യാത്ര അവസാനിച്ചത് അവിനാശിയിൽ; സ്‌നേഹിച്ച് കൊതി തീരും മുമ്പേ പ്രിയതമനെ നഷ്ടപ്പെട്ടത് താങ്ങാനാവാത്ത വേദനയായി; ഹനീഷിന്റെ അടുത്തേക്ക് ശ്രീലക്ഷ്മിയും മടങ്ങുമ്പോൾ
അവിനാശി അപകടത്തിൽ മരിച്ച ഹനീഷിന്റെ ഭാര്യയെ വീട്ടിൽ മരിച്ച നിലയിൽ കണ്ടെത്തി; ജീവനൊടുക്കിയത് 24 കാരിയായ ശ്രീപാർവതി; അപകടമുണ്ടായത് ദമ്പതികളുടെ വിവാഹത്തിന്റെ മൂന്നാം മാസം; ഹനീഷ് അപകടത്തിൽ പെട്ടത് ബെംഗളൂരുവിൽ നിന്ന് അവധിക്ക് നാട്ടിലേക്ക് മടങ്ങവേ; ഭർത്താവിന്റെ വേർപാടിന് ശേഷം അതീവ ദുഃഖിതയായിരുന്നു ശ്രീപാർവതിയെന്ന് ബന്ധുക്കൾ
പരീക്ഷിച്ചത് ഷെർലക്‌ഹോംസിന്റെ 'പുള്ളിത്തലക്കെട്ട്' എന്ന കഥയുമായി സാമ്യമുള്ള കൊലപാതക രീതി; ആസൂത്രണത്തിന് മാസങ്ങളുടെ ദൈർഘ്യം; പാമ്പുകളെ കൈയിലെടുത്ത് കളിപ്പിച്ചും ഉമ്മവച്ചും പ്ലാനിങ് തുടങ്ങി; മുകൾ നിലിലേക്കുള്ള ചവിട്ടുപടിയിൽ പാമ്പിനെ ഇട്ട ശേഷം മുറിയിൽപോയി മൊബൈൽ ഫോൺ എടുത്തു കൊണ്ടുവരാൻ ഉത്രയോട് പറഞ്ഞതും തന്ത്രം; സംശയമുണ്ടാക്കിയത് മരണ വീട്ടിന് പുറത്ത് കൂട്ടുകാർക്കൊപ്പമുള്ള പൊട്ടിച്ചിരി; സൂരജിനെ കുടുക്കിയത് കള്ളമൊഴികൾ
പാമ്പ് കടിച്ച് ശസ്ത്രക്രിയ ചെയ്തതിനാൽ എസിയിൽ കിടക്കാൻ ഉത്രയ്ക്ക് ആകുമായിരുന്നില്ല; രക്തസമ്മർദ്ദം കുറയും; അതുകൊണ്ട് എസിയിട്ട് അടച്ചിട്ട മുറിയിൽ പാമ്പ് കയറി എന്ന ആരോപണം വിലപ്പോവില്ല: മകനെ രക്ഷിക്കാൻ അമ്മ പറഞ്ഞ ഈ ന്യായം പച്ചക്കള്ളമെന്ന് തെളിഞ്ഞു; പാമ്പ് കുപ്പിയിലിട്ട് വാങ്ങിയതിന് സാക്ഷി പാമ്പു പിടിത്തക്കാരന്റെ മകനും പിന്നെ വിഷം ഉറപ്പിച്ച പോസ്റ്റ്‌മോർട്ടം റിപ്പോർട്ടും; ഉത്രയെ കൊല്ലാൻ കരുക്കൾ നീക്കിയത് സൂരജിന്റെ കുടുംബം ഒരുമിച്ചോ? അമ്മ രേണുകയെ ചോദ്യം ചെയ്യുന്നത് നിർണ്ണായകമാകും
ഉത്രയെ ഇങ്ങനെ ദ്രോഹിച്ചാൽ വിവാഹമോചനം തന്നേയ്ക്കാൻ അച്ഛനടക്കം പറഞ്ഞതോടെ പ്രതികാരം തുടങ്ങി; സ്വത്ത് നഷ്ടപ്പെടാതിരിക്കാൻ കൊലപാതകം നടത്തിയെന്ന് കുറ്റസമ്മതമൊഴി; പൊലീസ് തന്നെ ഉപദ്രവിച്ചെന്നും തെളിവുകൾ കൃത്രിമമായി ഉണ്ടാക്കിയതാണെന്നും കരഞ്ഞ മുഖത്തോടെ പരസ്യമായ ആക്രോശം; പ്ലാസ്റ്റിക് കുപ്പി തന്റെ വിരൽ അടയാളം പതിപ്പിച്ച് വീട്ടിൽ കൊണ്ടു വച്ചുവെന്നും പരസ്യ ആരോപണം; അഭിഭാഷക ഇടപെടൽ സംശയിച്ച് പൊലീസും; അഞ്ചലിൽ നിർണ്ണായകമാകുക ശാസ്ത്രീയ തെളിവു തന്നെ
ജോലിയില്ലാത്ത അച്ഛന് മൂന്ന് ലക്ഷത്തിന്റെ പിക്ക് അപ്പ് ഓട്ടോ; വിവാഹ മോചനത്തിന് നിർബന്ധം പിടിച്ചാൽ 96 പവനും അഞ്ച് ലക്ഷവും കാറും മടക്കി കൊടുക്കേണ്ടി വരുമെന്ന ചിന്ത അലട്ടി; സഹോദരിക്ക് സ്‌കൂട്ടർ വാങ്ങി കൊടുക്കില്ലെന്ന് അമ്മായി അച്ഛൻ തറപ്പിച്ച് പറഞ്ഞപ്പോൾ സ്വത്തും പണവും നഷ്ടമാകുമെന്ന ഭീതി തുടങ്ങി; അനുനയത്തിന്റെ പാതയിൽ ഒളിച്ചിരുന്ന് പാമ്പുകളുടെ തോഴനായി ഭാര്യയെ വകവരുത്തി; ഉത്രയുടെ ജീവനെടുത്തത് സൂരജിന്റെ പണക്കൊതി; ഗൂഢാലോചന സമ്മതിച്ച് അഞ്ചലിലെ വില്ലൻ
ഒരിക്കലും അവസാനിക്കാത്ത വംശീയ പകയുമായി അമേരിക്കൻ പൊലീസ്; മറ്റൊരു കറുത്ത വർഗ്ഗക്കാരനെ കൂടി നിഷ്ഠൂരം ശ്വാസം മുട്ടിച്ചു കൊന്നു വെള്ളക്കാരായ പൊലീസുകാർ; വ്യാജരേഖ കേസിൽ പിടിയിലായ കറുത്ത വർഗ്ഗക്കാരന്റെ കഴുത്തിൽ മുട്ടു ചേർത്ത് ആറ് മിനിട്ട് ശ്വാസം മുട്ടിച്ച് കൊന്നത് ജീവൻ രക്ഷിക്കാനുള്ള നിലവിളിക്ക് കാതു കൊടുക്കാതെ; മനസാക്ഷിയെ ഞെട്ടിക്കുന്ന വീഡിയോ ദൃശ്യങ്ങൾ ഇങ്ങനെ
വീട്ടമ്മയെ കെണിയിൽ പെടുത്തി ദുരുപയോഗം ചെയ്ത ശേഷം വീഡിയോ എടുത്ത് മൊബൈലിൽ സൂക്ഷിച്ചത് ഇടുക്കിയിലെ മെത്രാൻ ആകാനുള്ളവരുടെ ലിസ്റ്റിൽ ഇടംപിടിച്ച വൈദികൻ; വെള്ളയാംകുടി ഫൊറോന പള്ളി വികാരിക്കു പണി കിട്ടിയത് മൊബൈൽ നന്നാക്കാൻ ഏൽപ്പിച്ചപ്പോൾ; ഇടവകയിലെ ആഭ്യന്തര പ്രശ്‌നങ്ങളും വിവാദത്തിന് വഴിമരുന്നിട്ടു; ആഴ്‌ച്ചകൾക്ക് മുമ്പ് മുങ്ങിയ വൈദികനെ തേടി വിശ്വാസ സമൂഹം; വീട്ടമ്മയുടെ ദൃശ്യങ്ങൾ പ്രചരിപ്പിച്ചവർക്കെതിരെ കേസെടുക്കാൻ പൊലീസ്
അൽപം മന്ദതയുള്ള മകളെ പൊന്നു പോലെ നോക്കാൻ സ്ത്രീധനമായി നൽകിയത് അഞ്ചുലക്ഷം രൂപയും തൊണ്ണൂറ്റിയാറര പവൻ സ്വർണ്ണവും പുത്തൻ ബലേനോ കാറും മൂന്നേക്കർ റബ്ബർ എസ്റ്റേറ്റും; രണ്ടുവർഷത്തിനിടെ കൊടുത്തത് പതിനഞ്ച് ലക്ഷത്തോളം രൂപ; കല്യാണത്തിന് മുമ്പേ മകളുടെ കുറവുകൾ ഭർതൃ വീട്ടൂകാരെ അറിയിച്ചിരുന്നു; ഗുണ്ടാസംഘത്തിന്റെ നേതാവാണ് മരുമകനെന്ന് തിരിച്ചറിഞ്ഞത് ഈയിടെ; മകളെ ഭർത്താവ് കൊന്നതു തന്നെ; ഉത്രയുടെ പിതാവ് വിജയസേനൻ മറുനാടനോട്
ഹൈറേഞ്ചിലെ ഫൊറോന പള്ളിയിലെ വികാരിയച്ചന്റെ പ്രണയ ലീലകളുടെ വീഡിയോയും ചിത്രങ്ങളും വാട്‌സ് ആപ്പിൽ പ്രചരിക്കുന്നു; ബിരുദങ്ങളുടെ നീണ്ട പട്ടികയുള്ള 'ജ്ഞാനി'യുടെ ദൃശ്യങ്ങൾ കണ്ട് തലയിൽ കൈവെച്ച് ഇടവകക്കാർ; ഹോളയിട്ട പുരോഹിതൻ വീട്ടമ്മയെ പാട്ടിലാക്കിയത് സാഹചര്യം മുതലെടുത്ത്; നാട്ടുകാർ വിവരം അറിഞ്ഞതോടെ നാടുവിട്ടു മുങ്ങി അച്ചൻ
ഭാര്യവീട്ടിൽ എത്തിയാൽ എട്ടു മണിക്ക് ഉണരുന്നത് പതിവുള്ള സൂരജ് ഉത്ര മരിച്ച ദിവസം എഴുനേറ്റത് രാവിലെ ആറു മണിക്ക്; മകളുടെ മരണവുമായി ബന്ധപ്പെട്ട കാര്യങ്ങൾ ചോദിക്കുമ്പോൾ ദേഷ്യത്തോടെ പെരുമാറിയതും അസ്വഭാവിക തോന്നാൻ ഇടയാക്കി; സ്ത്രീധനമായി നൽകിയ 100 പവൻ രണ്ട് വർഷം കൊണ്ട് സൂരജ് വിറ്റഴിച്ചു; മരുമകന് പാമ്പു പിടുത്തക്കാരുമായി അടുത്ത ബന്ധമെന്നും ചില പ്രത്യേക സംഘത്തിന്റെ തലവനാണെന്നും ഉത്രയുടെ മാതാപിതാക്കൾ; പാമ്പുകടി മരണത്തിൽ സംശയമുണ്ടാകാൻ കാരണം സൂരജിന്റെ ദുരൂഹമായ പെരുമാറ്റം
പതിനായിരം രൂപയ്ക്ക് പാമ്പിനെ വാങ്ങി; ബാഗിൽ ഒളിപ്പിച്ച 'ആയുധവുമായി' ഭാര്യവീട്ടിൽ എത്തിയത് നിറ പുഞ്ചിരിയോടെ; എല്ലാവരും ഉറങ്ങിയപ്പോൾ മൂർഖനെ കൈയിലെടുത്ത് കിടന്ന കട്ടിലിൽ ഇരുന്ന് തൊട്ടടുത്ത കട്ടിലിൽ കിടന്ന ഉത്രയുടെ ഇടതു കൈയിൽ കടിപ്പിച്ചു; അലമാരയ്ക്ക് അടിയിൽ വിഷജന്തുവിനെ ഒളിപ്പിച്ച ശേഷം നേരം വെളുപ്പിച്ചത് ഭാര്യ വേദന കൊണ്ട് പിടഞ്ഞ് മരിക്കുന്നത് തൽസമയം കണ്ട്; ഒടുവിൽ മറുനാടന്റെ ഇടപെടൽ ഫലം കണ്ടു; ഉത്രയെ വകവരുത്തിയത് സ്വത്ത് സ്വന്തമാക്കാൻ; അഞ്ചലിലെ വില്ലൻ സൂരജ് തന്നെ
ഏഷ്യാനെറ്റിനേയും മനോരമയേയും തകർത്ത് തുടക്കത്തിലേ ഒന്നാമതെത്താൻ ലക്ഷങ്ങൾ കൊടുത്തു കൊണ്ടു വന്നവരെല്ലാം പിണറായി ഭക്തിയിൽ സോഷ്യൽ മീഡിയയിൽ നിറഞ്ഞാടി ജീവിച്ചു; ചെറിയ ശമ്പളത്തിന് സാധാരണക്കാരെ ജോലിക്കെടുത്തു തുടങ്ങിയ ട്വന്റി ഫോർ സകലരേയും ഞെട്ടിച്ച് മുന്നേറി; അംബാനിയുടെ സ്വപ്‌നങ്ങൾ തകർത്തവരെല്ലാം ഒടുവിൽ പടിയിറങ്ങി തുടങ്ങി; ഏറ്റവും ഒടുവിൽ ന്യൂസ് 18 കേരളത്തിൽ നിന്നും പുറത്തു വരുന്നത് എഡിറ്റർ രാജീവ് ദേവരാജൻ
ബസും പശു-ആട് ഫാമും ഉള്ള മുതലാളി; പാമ്പു പിടിത്തവും പ്രശസ്തിയും പണവും മോഹിച്ച്; പാമ്പിനെ കിട്ടിയാൽ ചാവറുകാവ് ക്ഷേത്രത്തിന്റെയും അർത്തുങ്കൽ പള്ളിയുടെയുമൊക്കെ സഹായമുള്ളതു കൊണ്ടാണ് പിടികൂടാൻ കഴിഞ്ഞത് എന്ന് കാണികളോട് തട്ടിവിടുന്ന ഷോ മാൻ; രാജവെമ്പാലയെ പിടിക്കാൻ വെമ്പിയ യൂട്യൂബ് മനസ്സും; വീട്ടിലെ പരിശോധനയിൽ വനംവകുപ്പിന് കിട്ടിയത് ജീവനുള്ള മുർഖനേയും; അഞ്ചലിൽ ഉത്രയെ കൊല്ലാൻ സൂരജിന് താങ്ങും തണലുമായ ചാവറുകാവ് സുരേഷിന് എല്ലാം ഒരു തമാശ
എയർഹോളുകൾ അടച്ച മുറി; ബാത്ത് റൂമിന്റെ എയർഹോളും തെർമോക്കോൾ ഉപയോഗിച്ച് അടച്ചിരിക്കുന്നു; ജനാല വഴി എത്തിയ പാമ്പ് സൂരജ് കിടന്ന കട്ടിലും കടന്ന് മാർബിൾ പാകിയ പ്രതലത്തിലൂടെ ഇഴഞ്ഞ് ഉത്രയെ ലക്ഷ്യമാക്കിയെത്തി എന്നത് അവിശ്വസനീയം; സാധാരണ എട്ടു മണിക്ക് പോലും ഉറക്കമെഴുന്നേൽക്കാത്ത സൂരജ് അന്ന് പുലർച്ചെ അഞ്ചരയോടെ എഴുന്നേറ്റ് വീട്ടിന് പിന്നിൽ പോയി നിന്ന് പല്ലുതേച്ചതിലും അച്ഛനും അമ്മയ്ക്കും സംശയം; ഉത്രയുടെ പാമ്പുകടി മരണത്തിൽ ദുരൂഹത; അഞ്ചലിൽ മറുനാടൻ കണ്ടതും അസ്വാഭവികത മാത്രം
'ബാഗിലാക്കി നീ പാമ്പിനെ കൊണ്ടുവന്ന പ്ലാസ്റ്റിക് ജാർ എവിടെ ഒളിപ്പിച്ചു'; ഒരൊറ്റ ചോദ്യത്തിൽ സൂരജിന്റെ ചങ്കിടിപ്പ് കൂടി..കണ്ണുകളിൽ വിറയലും; രഹസ്യമായി സൂരജിന്റെ ഫോൺ കൂടി പരിശോധിച്ചതോടെ അന്നേ ഉറപ്പിച്ചു: ഈ മരണം കൊലപാതകം തന്നെ; കൊവിഡ് കാലത്തെ തിരക്കേറിയ ജോലിക്കിടയിലും ഇരട്ട പാമ്പുകടിയിലെ ദുരൂഹത തിരിച്ചറിഞ്ഞ് ഉണർന്ന് പ്രവർത്തിച്ചത് അഞ്ചൽ എസ്ഐ പുഷ്പകുമാർ; 'മറുനാടനിൽ' വന്ന വാർത്തയും സംശയങ്ങൾ വർധിപ്പിച്ചു; ഉത്ര കൊലക്കേസിലെ യഥാർത്ഥ സൂപ്പർ ഹീറോ ഇവിടെയുണ്ട്
വീട്ടമ്മയെ കെണിയിൽ പെടുത്തി ദുരുപയോഗം ചെയ്ത ശേഷം വീഡിയോ എടുത്ത് മൊബൈലിൽ സൂക്ഷിച്ചത് ഇടുക്കിയിലെ മെത്രാൻ ആകാനുള്ളവരുടെ ലിസ്റ്റിൽ ഇടംപിടിച്ച വൈദികൻ; വെള്ളയാംകുടി ഫൊറോന പള്ളി വികാരിക്കു പണി കിട്ടിയത് മൊബൈൽ നന്നാക്കാൻ ഏൽപ്പിച്ചപ്പോൾ; ഇടവകയിലെ ആഭ്യന്തര പ്രശ്‌നങ്ങളും വിവാദത്തിന് വഴിമരുന്നിട്ടു; ആഴ്‌ച്ചകൾക്ക് മുമ്പ് മുങ്ങിയ വൈദികനെ തേടി വിശ്വാസ സമൂഹം; വീട്ടമ്മയുടെ ദൃശ്യങ്ങൾ പ്രചരിപ്പിച്ചവർക്കെതിരെ കേസെടുക്കാൻ പൊലീസ്
കരിമൂർഖൻ കടിച്ചാൽ ഏതുറക്കത്തിൽ നിന്നും ഞെട്ടിയുണരും; വേദനാജനകമായ കടിയേറ്റിട്ടും ഉണരാതെ ഉത്ര ആണ്ടുപോയത് മയക്കത്തിലേക്കും മരണത്തിലേക്കും; ടൈലുകൾ പാകിയ എസി മുറിയിൽ എങ്ങനെ പാമ്പ് കയറിയെന്ന് യാതൊരു പിടിയുമില്ലാതെ വീട്ടുകാർ; സർപ്പദോഷത്തിനു ശാസ്ത്രീയമായ അടിത്തറയില്ലെന്നും മരണം പഠനവിഷയമെന്നും വിദഗ്ദർ; പകവെച്ച് പാമ്പുകൾ കൊത്തില്ലെന്നും സംഭവം പരിശോധിക്കേണ്ടതെന്നും മറുനാടനോട് വാവാ സുരേഷ്; വിശദീകരിക്കാൻ കഴിയാത്ത ദാരുണ മരണമായി അഞ്ചലിലെ ഉത്രയുടെ വിയോഗം
അച്ഛനേയും അമ്മയേയും നാട്ടിലേക്ക് വിട്ടതും ഭാര്യയെ കൊല്ലത്താക്കിയതും കാമുകിയുടെ ബുദ്ധി; രണ്ട് ദിവസം ഇരുവരും അടിച്ചു പൊളിച്ചു; കാമുകന്റെ കുട്ടിയുടെ അമ്മയാകണമെന്ന യുവതിയുടെ നിർബന്ധ ബുദ്ധി കലഹമായി; നിരസിച്ചപ്പോൾ ബന്ധം ഭാര്യയെ അറിയിക്കുമെന്ന് ഭീഷണിയും; ഫോൺ കേബിൾ കഴുത്തി കുരുക്കി കൊല; കൈയും കാലും വെട്ടി നുറുക്കി കത്തിക്കാനുള്ള ശ്രമം പൊളിഞ്ഞപ്പോൾ കുഴിച്ചു മൂടി; സുചിത്രാ പിള്ളയെ കൊന്നത് അകന്ന ബന്ധുവിന്റെ ഭർത്താവ്; കൊല്ലത്തെ ബ്യൂട്ടിഷ്യന്റെ കൊലയിലും അവിഹിതം
അൽപം മന്ദതയുള്ള മകളെ പൊന്നു പോലെ നോക്കാൻ സ്ത്രീധനമായി നൽകിയത് അഞ്ചുലക്ഷം രൂപയും തൊണ്ണൂറ്റിയാറര പവൻ സ്വർണ്ണവും പുത്തൻ ബലേനോ കാറും മൂന്നേക്കർ റബ്ബർ എസ്റ്റേറ്റും; രണ്ടുവർഷത്തിനിടെ കൊടുത്തത് പതിനഞ്ച് ലക്ഷത്തോളം രൂപ; കല്യാണത്തിന് മുമ്പേ മകളുടെ കുറവുകൾ ഭർതൃ വീട്ടൂകാരെ അറിയിച്ചിരുന്നു; ഗുണ്ടാസംഘത്തിന്റെ നേതാവാണ് മരുമകനെന്ന് തിരിച്ചറിഞ്ഞത് ഈയിടെ; മകളെ ഭർത്താവ് കൊന്നതു തന്നെ; ഉത്രയുടെ പിതാവ് വിജയസേനൻ മറുനാടനോട്
സന്ധ്യ മയങ്ങിയപ്പോൾ കേബിൾ കഴുത്തിൽ മുറുക്കി കൊല; അത്താഴം കഴിച്ച് പുതപ്പിനടിയിൽ മൃതദേഹത്തെ കെട്ടിപ്പിടിച്ച് ഉറക്കം; രാവിലെ എണീറ്റ് പ്രഭാത കർമ്മങ്ങൾ ചെയ്ത ശേഷം പോയത് പെട്രോൾ വാങ്ങാൻ; മുട്ടിന് മുകളിൽ വച്ച് കാലിനെ മുറിച്ചത് മൃതദേഹം ഒറ്റയ്ക്ക് എടുക്കാനാകില്ലെന്ന തിരിച്ചറിവിൽ; രക്തം ഒഴുകുന്ന ശവശരീരത്തിന് അടുത്ത് ഒരു പകൽ സംഗീതാധ്യാപകൻ കഴിഞ്ഞതും നിർവ്വികാരനായി; പ്രശാന്തിനെ കുടുക്കിയത് മണലിയിൽ നിന്നുള്ള ആ ഫോൺ കോൾ; സുചിത്രാ പിള്ളയുടെ കൊലയിലെ സത്യം പുറത്തായത് ഇങ്ങനെ
ഹൈറേഞ്ചിലെ ഫൊറോന പള്ളിയിലെ വികാരിയച്ചന്റെ പ്രണയ ലീലകളുടെ വീഡിയോയും ചിത്രങ്ങളും വാട്‌സ് ആപ്പിൽ പ്രചരിക്കുന്നു; ബിരുദങ്ങളുടെ നീണ്ട പട്ടികയുള്ള 'ജ്ഞാനി'യുടെ ദൃശ്യങ്ങൾ കണ്ട് തലയിൽ കൈവെച്ച് ഇടവകക്കാർ; ഹോളയിട്ട പുരോഹിതൻ വീട്ടമ്മയെ പാട്ടിലാക്കിയത് സാഹചര്യം മുതലെടുത്ത്; നാട്ടുകാർ വിവരം അറിഞ്ഞതോടെ നാടുവിട്ടു മുങ്ങി അച്ചൻ
ഹൈന്ദവ-ക്രൈസ്തവ വിശ്വാസങ്ങളെ നിരന്തരം അവഹേളിക്കുന്നു; ഇന്ത്യാ വിരുദ്ധ പ്രവർത്തനങ്ങൾക്ക് വേണ്ടി പ്രചരണം നടത്തുന്നു; പിണറായിയെ പുകഴ്‌ത്തി കൈയടി നേടുമ്പോഴും മോദിക്കെതിരെ നിർത്താതെ തെറിവിളി; സ്ത്രീകളേയും കുട്ടികളേയും കുറിച്ച് അശ്ലീല പരമാർശങ്ങൾ നടത്തും; വിമർശിക്കുന്നവരുടെ വീട്ടിൽ ഇരിക്കുന്നവരെ പച്ചക്ക് തെറിവിളിക്കും; ചെകുത്താൻ എന്ന അപരനാമത്തിൽ നിയമ വിരുദ്ധ പ്രവർത്തനം നടത്തുന്ന തിരുവല്ലക്കാരനായ അജു അലക്‌സിനെതിരെ പരാതി പ്രവാഹം; പരാതി ഗൗരവമായെടുത്ത് കേന്ദ്ര ആഭ്യന്തര മന്ത്രാലയം
കുടുംബസുഹൃത്തിന്റെ വിവാഹത്തിന് വന്ന സുന്ദരനിൽ ആദ്യമേ കണ്ണുടക്കി; നാളുകൾക്ക് ശേഷം വീണ്ടും കാണുന്നത് പ്രശാന്തിന്റെ ഭാര്യയുടെ മുത്തശ്ശിയുടെ സംസ്‌കാര ചടങ്ങിനിടെ; ഫോൺ നമ്പർ കൈമാറിയതോടെ ഗായകനും സംഗീതാദ്ധ്യാപകനുമായ കാമുകനുമായി നിരന്തരം ചാറ്റും വീഡിയോ കോളും; പ്രണയം വളർന്നതോടെ വിവാഹത്തിന് നിർബന്ധിച്ചെങ്കിലും പ്രശാന്തിന് ലക്ഷ്യം വേറെ; കൊല്ലത്തെ ബ്യൂട്ടീഷൻ സുചിത്ര പിള്ളയുടെ കൊലയ്ക്ക് പിന്നിലെ സംഭവങ്ങൾ