മണ്ഡല-മകരവിളക്കിന് പ്രതിഷേധക്കാർ പുറത്തിറങ്ങാതിരിക്കാൻ ഓടി നടന്ന് അറസ്റ്റ് ചെയ്ത് പൊലീസ്; ആദ്യം വേണ്ടെന്ന് വച്ച മണിയമ്മയുടെ അറസ്റ്റ് പോലും ഉന്നത നിർദ്ദേശ പ്രകാരം; സുകുമാരൻനായർ മുഖ്യമന്ത്രിയെ പേരെടുത്ത് പറഞ്ഞ് വിമർശിച്ച് രംഗത്തിറങ്ങിയതോടെ എൻ എസ് എസ് നാമജപഘോഷയാത്രയിൽ പങ്കെടുത്തവരെ പടികൂടാൻ പ്രത്യേക നിർദ്ദേശം; സ്ത്രീകൾക്ക് പോലും അറസ്റ്റിൽ നിന്നും ഒഴിവില്ല; നാമം ജപിച്ച് തെരുവിൽ ഇറങ്ങിയ സാധാരണക്കാർ അടക്കം 600ൽ അധികം പേർ ഇതിനോടകം അഴിക്കുള്ളിലായി
മറുനാടൻ മലയാളി ബ്യൂറോ
തിരുവനന്തപുരം: മണ്ഡല തീർത്ഥാടനകാലത്ത് ശബരിമലയിൽ സ്ത്രീ പ്രവേശനം സാധ്യമാക്കുന്നതിന് വേണ്ടി പ്രതിഷേധക്കാരെ ഒന്നടങ്കം അറസ്റ്റ് ചെയ്യാൻ പൊലീസ് നീക്കം ശക്തമാക്കി. ശബരിമലയിലെ അക്രമ സംഭവങ്ങളുമായി ബന്ധപ്പെട്ട് സ്ത്രീകളടക്കം 2061 പേരെ പൊലീസ് അറസ്റ്റുചെയ്തു. ഇതിൽ 1500 പേർക്ക് ജാമ്യംലഭിച്ചു. ശേഷിക്കുന്നവർ റിമാൻഡിലായി. സംസ്ഥാനവ്യാപകമായി നടപടി തുടരുകയാണെന്ന് പൊലീസ് അറിയിച്ചു. അതിനിടെ സംസ്ഥാനത്ത് നടന്ന നാമജപ ഘോഷയാത്രയിൽ പങ്കെടുത്തവരേയും പൊലീസ് അറസ്റ്റ് ചെയ്യും. എൻ എസ് എസിന്റെ നേതൃത്വത്തിലെ പ്രതിഷേധങ്ങളാണ് പൊലീസ് പരിശോധിക്കുന്നത്. പിണറായി സർക്കാരിനെതിരെ എൻ എസ് എസ് ജനറൽ സെക്രട്ടറി ആഞ്ഞടിച്ചിരുന്നു, ഇതിന്റെ പ്രതികാരമായാണ് എൻ എസ് എസിനെതിരേയും കേസ് വരുന്നത്.
മണ്ഡലകാലത്ത് യുവതികളെത്തിയാൽ പൊലീസ് സുരക്ഷ ഒരുക്കുമെന്ന് ഡിജിപി ലോക്നാഥ് ബെഹ്റ വ്യക്തമാക്കിയിട്ടുണ്ട്. മണ്ഡല-മകരവിളക്ക് കാലത്ത് ശബരിമലയിൽ സുരക്ഷ ശക്തമാക്കുന്നതിനായി പ്രത്യേക കമ്മിറ്റി രൂപവത്കരിക്കുകയും ചെയ്തു. ഇതിന് വേണ്ടിയാണ് പ്രതിഷേധക്കാരെ മുഴുവൻ അറസ്റ്റ് ചെയ്യുന്നത്. നവംബറിൽ നട തുറക്കുമ്പോൾ സ്ത്രീ പ്രവേശനം ഉത്തരവിൽ പ്രതിഷേധിക്കാൻ ആരും സന്നിധാനത്ത് ഉണ്ടാകാതിരിക്കാനുള്ള നടപടിയാണ് എടുക്കുന്നത്. പ്രക്ഷോഭം എൻ എസ് എസ് ഏറ്റെടുക്കുമെന്ന് പറഞ്ഞതോടെയാണ് നാമജപഘോഷയാത്രകളും പൊലീസ് പരിശോധിച്ച് തുടങ്ങിയത്. സുകുമാരൻ നായർക്കെതിരായ പകപോക്കലാണ് ഇതെന്നാണ് ആക്ഷേപം. മണ്ഡല മകരവിളക്ക് തീർത്ഥാടനത്തിന് പ്രതിഷേധം ഉണ്ടാകില്ലെന്ന് ഉറപ്പാക്കാനാണ് നീക്കം. മുഖ്യമന്ത്രി പിണറായിയെ ചീത്ത പറഞ്ഞ മണിയമ്മയെ അറസ്റ്റ് ചെയ്യേണ്ടെന്നായിരുന്നു പൊലീസിന്റെ ആദ്യ തീരുമാനം. എന്നാൽ പ്രതിഷേധക്കാരെ വിരട്ടാൻ അവരേയും അറസ്റ്റ് ചെയ്തു.
ശബരിമല യുവതീപ്രവേശത്തിനെതിരെ ആറ്റിങ്ങലിലും കരുനാഗപ്പള്ളിയിലും എൻഎസ്എസ് നടത്തിയ നാമജപ ഘോഷയാത്രകളിൽ പങ്കെടുത്തതിനു സ്ത്രീകളടക്കം ആയിരത്തോളം പേർക്കെതിരെ വീതം കേസെടുത്തു. അറസ്റ്റ് ഉണ്ടാകുമെന്നാണു വിവരം. കൊച്ചിയിൽ 250 പേർക്കെതിരെയും പാലായിൽ 100 പേർക്കെതിരെയും കേസെടുത്തു. ഗതാഗത തടസ്സത്തിനു കേസെടുക്കാനുള്ള ഹൈക്കോടതി വിധിയാണ് അടിസ്ഥാനം. മറ്റു ജില്ലകളിലും ദേശീയ, സംസ്ഥാന പാതകളിൽ 2 മണിക്കൂറിലേറെ ഗതാഗത തടസ്സമുണ്ടായ സംഭവങ്ങളിൽ നടപടിക്കു നിർദ്ദേശം നൽകി. സമര ദൃശ്യങ്ങൾ പരിശോധിച്ച് ഏതാണ്ടു 4000 പേരെ 458 കേസുകളിലായി പ്രതിചേർത്തു. കൂടുതൽ അറസ്റ്റ് ഉണ്ടാകുമെന്നാണു വിവരം. ഇതുവരെ അറസ്റ്റിലായവരിൽ 400 പേർ നേരിട്ട് അക്രമങ്ങളിൽ പങ്കാളികളാണെന്നു പൊലീസ് പറയുന്നു. 78 പേരെ റിമാൻഡ് ചെയ്തു. പൊലീസിന്റെ ജോലി തടസ്സപ്പെടുത്തിയവരും സ്ത്രീകളെ അസഭ്യം പറഞ്ഞവരുമായ 50 പേരും റിമാൻഡിലുണ്ട്.
എൻ എസ് എസ് പ്രതിഷേധങ്ങൾ തീർത്തും സമാധാനപരമായിരുന്നു. പക്ഷേ നാമജപ യജ്ഞങ്ങൾക്ക് പതിനായിരങ്ങളെത്തി. ഇതിൽ അധികവും സ്ത്രീകളാണ് ഇവരെ അറസ്റ്റ് ചെയ്യാനാണ് നീക്കം. ഇതിലൂടെ ശബരിമലയിൽ പ്രതിഷേധത്തിന് എത്തിയാൽ കടുത്ത നടപടി നേരിടേണ്ടി വരുമെന്ന മുന്നറിയിപ്പാണ് സർക്കാർ നൽകുന്നത്. ശബരിമലയിലെ അക്രമ സംഭവങ്ങളിൽ ക്യാമറകളിലും മറ്റും ലഭിച്ച ചിത്രങ്ങൾ ഉപയോഗിച്ച് കൂടുതൽ അക്രമികളെ തിരിച്ചറിഞ്ഞിട്ടുണ്ട്. ഇവരെ അറസ്റ്റുചെയ്യാനായി പൊലീസ് തിരച്ചിൽ തുടരുകയാണ്. അറസ്റ്റിലായ സ്ത്രീകളുടെ വിവരങ്ങൾ പൊലീസ് ഔദ്യോഗികമായി പുറത്തുവിട്ടിട്ടില്ല. കെ.എസ്.ആർ.ടി.സി. ബസുകൾ തകർത്തതടക്കം ഇതുവരെ 452 കേസുകൾ എടുത്തു. കെ.എസ്.ആർ.ടി.സി. ബസ് ഉൾപ്പെടെ പൊതുമുതൽ തകർത്ത കേസിൽ അറസ്റ്റിലായവർക്ക് ജാമ്യം ലഭിക്കാൻ 13 ലക്ഷം രൂപ വരെ കെട്ടിവെക്കേണ്ടി വരും. 10,000 രൂപ മുതലുള്ള തുകയാണു കെട്ടിവെക്കേണ്ടത്. ജാമ്യത്തുക കോടതി തീരുമാനിക്കും.
അക്രമങ്ങളിൽ പങ്കുള്ളവരെ മാത്രമേ അറസ്റ്റ് ചെയ്യാവൂ എന്നും ഗാലറിക്കു വേണ്ടി കളിക്കരുതെന്നും ഹൈക്കോടതി വ്യക്തമാക്കിയിട്ടുണ്ട്. സർക്കാരിനു പിഴവു വന്നാൽ വലിയ വില നൽകേണ്ടി വരുമെന്നും വാദത്തിനിടെ ഡിവിഷൻ ബെഞ്ച് ഓർമിപ്പിച്ചു. സമാധാനപരമായി നാമജപയജ്ഞത്തിൽ പങ്കെടുത്ത ഭക്തരെയുൾപ്പെടെ ജാമ്യമില്ലാ വകുപ്പുകൾ ചുമത്തി അറസ്റ്റ് ചെയ്യുകയാണെന്ന് ആരോപിച്ചു ശബരിമല ആചാര സംരക്ഷണ സമിതി ചെയർമാൻ അനോജ്കുമാറും മറ്റുമാണു ഹർജി നൽകിയത്. സർക്കാരിന്റെ വിശദീകരണത്തിനായി കേസ് മാറ്റി. ഇതിനിടെയിലാണ് നടപടികളുമായി പൊലീസ് മുന്നോട്ട് പോകുന്നത്. യഥാർഥ ഭക്തരല്ലാതെ മറ്റാരെങ്കിലും ഉണ്ടായിരുന്നോ എന്ന് അന്വേഷിച്ച് അറിയേണ്ടതാണെന്നു കോടതി പറഞ്ഞു. പരമാവധി ദൃശ്യങ്ങൾ പരിശോധിച്ചാണു നടപടിയെന്നും കുറ്റം ചെയ്യുന്നവർക്ക് ഇക്കാലത്തു രക്ഷപ്പെടാനാവില്ലെന്നും സർക്കാർ അഭിഭാഷകൻ അറിയിച്ചു.
മാനദണ്ഡങ്ങൾ പാലിക്കാതെ രാത്രിയിൽപ്പോലും വീടുകളിൽ കയറി അറസ്റ്റുചെയ്ത പൊലീസ് നടപടിക്കെതിരേ നിയമ നടപടികളുമായി മുന്നോട്ടുപോകുമെന്നു വിവിധ ഹൈന്ദവ സംഘടനകൾ പറഞ്ഞു. നാമജപ ഘോഷയാത്രയിൽ പങ്കെടുത്തവരുടെ വീടുകളിൽപോലും രാത്രി പൊലീസ് കയറി അക്രമം നടത്തുന്നതായും അവർ ആരോപിച്ചു.
ശബരിമല അതീവ സുരക്ഷാ മേഖല
സംഘർഷത്തിനിടെ പൊതുമുതൽ നശിപ്പിച്ചതിനു 14 കേസുകളാണ് എടുത്തത്. ജില്ലാ പൊലീസ് മേധാവിയുടെ ഔദ്യോഗിക വാഹനം, കെഎസ്ആർടിസി ബസുകൾ, മാധ്യമ സ്ഥാപനങ്ങളുടെ വാഹനങ്ങൾ എന്നിവ തകർത്തതിനു 313 ലക്ഷം രൂപ നഷ്ടം ചുമത്തിയിട്ടുണ്ട്. അത്രയും തുക കോടതിയിൽ കെട്ടിവച്ചാലേ ജാമ്യം ലഭിക്കൂ. പമ്പ, നിലയ്ക്കൽ, സന്നിധാനം എന്നിവിടങ്ങളിലെ സംഘർഷങ്ങളുടെ പേരിൽ 33 കേസുകളിലായി 122 പേർ അറസ്റ്റിലായി. 67 പേരെ റിമാൻഡ് ചെയ്തു. വധശ്രമം, ലഹള, സ്ത്രീകൾക്കെതിരെ അക്രമം, പൊതുമുതൽ നശിപ്പിക്കൽ, പൊലീസിനെതിരെ അക്രമം എന്നിവയാണു വകുപ്പുകൾ.
അതിനിടെ മണ്ഡല-മകരവിളക്ക് ഉത്സവത്തോടനുബന്ധിച്ച് സന്നിധാനവും ശബരിപാതകളും പൊലീസ് നിയന്ത്രണത്തിലാക്കി സർക്കാർ വിജ്ഞാപനമിറക്കി. പമ്പയും സന്നിധാനവും ഉൾപ്പെടുന്ന പ്രദേശങ്ങളുടെ ഒരു കിലോമീറ്റർ ചുറ്റളവാണ് പ്രത്യേക സുരക്ഷാ മേഖലയിൽ വരുന്നത്. ഇതാദ്യമായാണ് ശബരിമലയും അവിടേക്കുള്ള പാതകളും അതിസുരക്ഷാ മേഖലയായി പ്രഖ്യാപിക്കുന്നത്. നവംബർ 15 മുതൽ 2019 ജനുവരി 20 വരെയായിരിക്കും ഈ ക്രമീകരണം. ഇലവുങ്കൽ, ചാലക്കയം, പമ്പ, നീലിമല, സന്നിധാനം, സ്വാമി അയ്യപ്പൻ റോഡ്, പാണ്ടിത്താവളം, ഉപ്പുപ്പാറ, പുല്ലുമേട്, കോഴിക്കാനം, സത്രം എന്നിവിടങ്ങളുടെ ഒരു കിലോമീറ്റർ ചുറ്റളവിലാണ് പ്രത്യേക സുരക്ഷാ മേഖല.
പ്രത്യേക സുരക്ഷാ മേഖല പൊലീസിന്റെ പൂർണ നിയന്ത്രണത്തിലാകും. മരക്കൂട്ടം മുതൽ സന്നിധാനം വരെ നിലവിൽ പൊലീസ് സുരക്ഷയുണ്ടെങ്കിലും പൊലീസ് യൂണിഫോം പൂർണമായി ധരിക്കാറില്ല. ഷർട്ട് ഇൻ ചെയ്യുകയോ തൊപ്പി ധരിക്കുകയോ ചെയ്യാറില്ല. നിലവിൽ പൊലീസിന് സന്നിധാനത്തുനിന്ന് ഭക്തരെ ബലംപ്രയോഗിച്ചു നീക്കാനാകില്ല. പ്രത്യേക സുരക്ഷാ മേഖലയാകുന്നതോടെ നിയന്ത്രണങ്ങൾ കൊണ്ടുവരാൻ പൊലീസിനാകും. അതിസുരക്ഷാ മേഖലയായി ഉത്തരവിറക്കിയെങ്കിലും ഏത് രീതിയിലുള്ള സുരക്ഷയാണ് ഇവിടെ ഒരുക്കേണ്ടതെന്ന കാര്യത്തിൽ അന്തിമ തീരുമാനമായിട്ടില്ല. സുരക്ഷയ്ക്ക് നേതൃത്വംനൽകുന്ന പൊലീസ് ഉദ്യോഗസ്ഥർ പലതരത്തിലുള്ള നിർദ്ദേശങ്ങൾ മുന്നോട്ടുെവച്ചിട്ടുണ്ട്. ഇതിൽ ഏതെല്ലാം നടപ്പാക്കണമെന്ന് അടുത്ത ദിവസങ്ങളിൽ തീരുമാനിക്കും.
എൻ എസ് എസിനെ തളയ്ക്കാൻ കേസുകൾ
എൻഎസ്എസ് ചിറയിൻകീഴ് താലൂക്ക് യൂണിയന്റെ നേതൃത്വത്തിൽ നടന്ന ശരണമന്ത്ര നാമജപ ഘോഷയാത്രയിൽ പങ്കെടുത്ത സ്ത്രീകളുൾപ്പെടെ കണ്ടാലറിയാവുന്ന ആയിരത്തോളം പേർക്കെതിരെ ആറ്റിങ്ങൽ പൊലീസ് കേസെടുത്തു. യാത്രയുടെ വിഡിയോ പരിശോധിച്ചശേഷം ദേശീയപാതയിലുൾപ്പെടെ ഗതാഗതം തടസ്സപ്പെടുത്തിയതിനാണു കേസെടുത്തിട്ടുള്ളതെന്നും ഇതിൽ അടുത്തുതന്നെ അറസ്റ്റുണ്ടാകുമെന്നും ആറ്റിങ്ങൽ സിഐ സുനിൽ പറഞ്ഞു. ശബരിമലയിലെ ആചാരങ്ങൾ സംരക്ഷിക്കണമെന്ന് ആവശ്യപ്പെട്ടും ശബരിമല വിഷയത്തിൽ എൻഎസ്എസ് ജനറൽ സെക്രട്ടറി ജി.സുകുമാരൻനായർ സ്വീകരിക്കുന്ന നിലപാടുകൾക്കു പിന്തുണ പ്രഖ്യാപിച്ചുകൊണ്ടും 20നു വൈകിട്ടായിരുന്നു യൂണിയൻ ഓഫിസിനു മുന്നിൽനിന്നു വീരളം ശ്രീകൃഷ്ണസ്വാമി ക്ഷേത്രത്തിലേക്കു യൂണിയൻ പ്രസിഡന്റ് ജി.മധുസൂദനൻപിള്ളയുടെ നേതൃത്വത്തിൽ യാത്ര നടത്തിയത്.
സമാധാനപരമായിട്ടും പ്രകോപനങ്ങൾ സൃഷ്ടിക്കാതെയും നാശനഷ്ടങ്ങളുണ്ടാക്കാതെയും ഈശ്വര പ്രാർത്ഥനയോടെയാണു സ്ത്രീകളടക്കമുള്ളവർ യാത്ര നടത്തിയത്. പൊതുസമൂഹത്തിന് ഇതു ബോധ്യമുണ്ട്. ഇതുമായി ബന്ധപ്പെട്ട് എൻഎസ്എസ് നേതൃത്വം നിലപാടു വ്യക്തമാക്കിയിട്ടുണ്ടെന്നും യൂണിയൻ പ്രസിഡന്റ് പറഞ്ഞു. താലൂക്ക് എൻഎസ്എസ് യൂണിയൻ നേതൃത്വത്തിൽ നെടുമങ്ങാട്ട് 16നു സംഘടിപ്പിച്ച നാമജപ യജ്ഞം, നാമജപ യാത്ര എന്നിവയുടെ പേരിൽ മാർഗതടസ്സം സൃഷ്ടിച്ചു എന്ന കുറ്റത്തിനു താലൂക്ക് എൻഎസ്എസ് യൂണിയൻ പ്രസിഡന്റ് വി.എ.ബാബുരാജ് അടക്കം കണ്ടാലറിയുന്ന അഞ്ഞൂറോളം പേരെ പ്രതിയാക്കി നെടുമങ്ങാട് പൊലീസ് കേസെടുത്തു. നാമജപ യാത്രയിൽ പങ്കെടുത്ത ആയിരക്കണക്കിനാളുകളിൽ ഭൂരിഭാഗവും സ്ത്രീകളായിരുന്നു താലൂക്ക് എൻഎസ്എസ് യൂണിയൻ ഓഫിസിന് മുന്നിൽ നിന്ന് ആരംഭിച്ച നാമജപയാത്ര കോയിക്കൽ മഹാദേവർ ക്ഷേത്ര സന്നിധിലായിരുന്നു സമാപിച്ചത്.
ആറ്റിങ്ങലിൽ നാമജപ ഘോഷയാത്ര നടത്തിയ 42 പേരെ ആറ്റിങ്ങൽ പൊലീസ് അറസ്റ്റുചെയ്തു. ബിജെപി ദക്ഷിണമേഖലാ ഉപാധ്യക്ഷൻ തോട്ടയ്ക്കാട് ശശി, ബിജെപിയുടെ നഗരസഭാ കൗൺസിലർമാരായ എസ്.സന്തോഷ്, എൻ.പത്മനാഭൻ, സംഘടനാ ഭാരവാഹികൾ ഉൾപ്പെടെയുള്ളവരെയാണ് ഇന്നലെ അറസ്റ്റ് ചെയ്തത്. ഇവരെ പിന്നീട് സ്റ്റേഷൻ ജാമ്യത്തിൽ വിട്ടു. ദേശീയപാതയിൽ ഗതാഗത തടസ്സം സൃഷ്ടിച്ചു ഘോഷയാത്ര നടത്തിയെന്നതും കോടതി വിധിക്കെതിരെ തെരുവിൽ പ്രതിഷേധിച്ചു എന്നുമാണു കേസ്.
ശ്രീധരൻ പിള്ളയും കേസിൽ പ്രതി
ഒക്ടോബർ 14നു ബിജെപി സംസ്ഥാന അധ്യക്ഷൻ പി.എസ്.ശ്രീധരൻപിള്ളയുടെ ശബരിമല സംരക്ഷണ യാത്രയ്ക്കു സ്വീകരണം നൽകുന്നതുമായും അതിന് മുൻപ് ശബരിമല പ്രക്ഷോഭത്തിന്റെ ഭാഗമായി ആറ്റിങ്ങൽ കിഴക്കേ നാലുമുക്കിൽ റോഡുപരോധിച്ചതുമായി ബന്ധപ്പെട്ടും ഗതാഗത തടസ്സമുണ്ടാക്കിയെന്ന കണ്ടെത്തലിന്റെ അടിസ്ഥാനത്തിലാണ് ഇപ്പോഴത്തെ പൊലീസിന്റെ നടപടി. വരും ദിവസങ്ങളിൽ കൂടുതൽ പേരെ അറസ്റ്റ് ചെയ്യുമെന്നു സിഐ പറഞ്ഞു. ശബരിമല യുവതീപ്രവേശവുമായി ബന്ധപ്പെട്ട് വിവിധ ഹൈന്ദവ സംഘടനകളുടെ നേതൃത്വത്തിൽ കാട്ടാക്കടയിൽ റോഡ് ഉപരോധിച്ച 250 പേർക്കെതിരെ പൊലീസ് കേസെടുത്തു. പത്തിനായിരുന്നു ഒരു മണിക്കൂർ ഉപരോധം. വിശ്വഹിന്ദു പരിഷത്ത് സംസ്ഥാന സമിതി അംഗം നാരായൺ റാവുവായിരുന്നു ഉദ്ഘാടകൻ. നിയമം ലംഘിച്ചു മാർഗതടസ്സം സൃഷ്ടിച്ച് റോഡ് ഉപരോധിച്ചതിനാണു കേസെന്നു പൊലീസ് പറഞ്ഞു.
ശബരിമലയിലെ ആചാരങ്ങൾ സംരക്ഷിക്കണമെന്ന് ആവശ്യപ്പെട്ട് എൻഡിഎ നടത്തിയ ശബരിമല സംരക്ഷണ യാത്രയ്ക്കു നേതൃത്വം നൽകിയ ബിജെപി സംസ്ഥാന അധ്യക്ഷൻ പി.എസ്.ശ്രീധരൻപിള്ള, സുരേഷ്ഗോപി എംപി, ബിജെപി സംസ്ഥാന സെക്രട്ടറി എ.എൻ.രാധാകൃഷ്ണൻ എന്നിവരുൾപ്പെടെ കണ്ടാലറിയാവുന്ന രണ്ടായിരത്തോളം പേർക്കെതിരെ ആറ്റിങ്ങൽ പൊലീസ് കേസെടുത്തു. ദേശീയപാതയിൽ ഗതാഗതം തടസ്സപ്പെടുത്തിയെന്നു കണ്ടെത്തിയാണു കേസ് എടുത്തിട്ടുള്ളത്. പന്തളത്തുനിന്ന് തിരുവനന്തപുരത്തേക്കു നടത്തിയ യാത്രയ്ക്ക് 14 ന് ആറ്റിങ്ങൽ മണ്ഡലം കമ്മിറ്റിയുടെ നേതൃത്വത്തിൽ ആലംകോട് വച്ച് സ്വീകരണം നൽകിയിരുന്നു. ഇവിടെ നിന്നു കാൽനടയാത്രയായി മാമം മൂന്നുമുക്കു വരെയാണു യാത്ര നടത്തിയത്. ഇതിനിടെ ഗതാഗതം തടസ്സപ്പെടുത്തിയെന്നും ഇതിനാലാണു നടപടിയെന്നും ഡിവൈഎസ്പി: എം.അനിൽകുമാർ പറഞ്ഞു.
നെയ്യാറ്റിൻകരന്മ ശബരിമല യുവതീപ്രവേശ വിഷയത്തിൽ പ്രതിഷേധിച്ചു ദേശീയപാത ഉപരോധിച്ച ബിജെപി പ്രവർത്തകർക്കെതിരെ കേസ്. കഴിഞ്ഞ 16 ന് ആയിരുന്നു ആലുംമൂട് ജംക്ഷനിലെ ഒരു മണിക്കൂർ ഉപരോധം. ബിജെപി നിയോജക മണ്ഡലം ഭാരവാഹികളായ 15 പേർക്കും കണ്ടാലറിയുന്ന അഞ്ഞൂറ് പേർക്കും എതിരെയാണു കേസ്. ആരെയും കസ്റ്റഡിയിലെടുത്തിട്ടില്ല.
- TODAY
- LAST WEEK
- LAST MONTH
- സീതാമഡി ഗ്രാമത്തിന്റെ സ്വന്തം 'കായംകുളം കൊച്ചുണ്ണി'; ഗ്രാമത്തിലെ 7 ടാറിട്ട റോഡുകൾ ഇർഫാന്റെ വക; മോഷണത്തിന് പിടിക്കപ്പെട്ടാൽ ജാമ്യത്തിലിറങ്ങി വീണ്ടും മോഷണം പതിവുശൈലി; ലക്ഷ്യം വെക്കുന്നത് വിഐപികളെ മാത്രം; ഇർഫാൻ കേരളാ പൊലീസ് വലയിലായത് ഭാര്യയെ എംഎൽഎയാക്കാൻ തയ്യാറെടുക്കവേ
- തലപ്പാക്കട്ടി മട്ടൻ ബിരിയാണി ശാപ്പിട്ട ശേഷം ആളുകൾ ഉറങ്ങാൻ കാത്തിരുന്നു; ജോഷിയുടെ വീട്ടിൽ മോഷണത്തിന് മുമ്പും ശേഷവും വേഷം മാറി പൊലീസിനെ കബളിപ്പിക്കൽ; നിർണായകമായത് ഒരു സിസി ടിവിയും; 'ബിഹാറി റോബിൻഹുഡിന് ' വേണ്ടി വന്നത് ഒരു സ്ക്രൂഡ്രൈവർ മാത്രവും
- മകളുടെ കൂടെ താമസിക്കാനെത്തിയ ശേഷം കൊച്ചുമകളെ പീഡിപ്പിച്ചു; സംഭവം പുറത്തറിയുന്നത് കുട്ടിയുടെ സ്വഭാവത്തിലെ മാറ്റം കണ്ട് മാതാവ് കൗൺസിലിങ് നൽകിയതോടെ: 72കാരന് ഇരുപത് വർഷം തടവും നാലു ലക്ഷം രൂപ പിഴയും
- രണ്ട് മക്കളുള്ള റോസമ്മയെ ഏറെനാൾ മുമ്പ് ഭർത്താവ് ഉപേക്ഷിച്ചു പോയത്; താമസിച്ചിരുന്നത് സഹോദരന്റെ ബെന്നിക്കൊപ്പം; ദല്ലാൾ മുഖാന്തിരം വിവാഹം ശരിയായത് മുതൽ ബെന്നി ഉടക്കിൽ; മെയ് ഒന്നിന് രണ്ടാം വിവാഹം നടക്കാനിരിക്കേ അരുംകൊല; നടുക്കത്തോടെ പൂങ്കാവ് ഗ്രാമം
- 'പിണറായി വിജയൻ ഉടൻ അറസ്റ്റിലാകും, ദിവസങ്ങൾക്കകം അത് സംഭവിക്കും'; അപ്പോൾ രാഹുൽ ഗാന്ധി പിന്തുണയ്ക്കരുതെന്ന് ഹിമന്ത ബിശ്വ ശർമ്മ; അരവിന്ദ് കെജ്രിവാളിനെതിരെ നടപടി വേണമെന്ന് ആവശ്യപ്പെട്ടത് രാഹുൽ ഗാന്ധിയായിരുന്നു; കെജ്രിവാൾ അറസ്റ്റിലായപ്പോൾ രാഹുൽ ഗാന്ധി നിലപാട് മാറ്റിയെന്നും അസം മുഖ്യമന്ത്രി
- അഭിപ്രായ സർവേകളെയും കവച്ചുവെക്കുന്ന പ്രകടനം ഉണ്ടാകുമെന്ന പ്രതീക്ഷയിൽ എൽഡിഎഫ്; 20ൽ ഇരുപതും മോഹിച്ച് യുഡിഎഫും; ന്യൂനപക്ഷ വോട്ടുകളിൽ ഇരുമുന്നണികൾക്കും വലിയ പ്രതീക്ഷ; പ്രചാരണത്തിന്റെ അവസാന മണിക്കൂറുകളിലേക്ക് കേരളം; 13 സംസ്ഥാനങ്ങളിലെ 88 മണ്ഡലങ്ങളിൽ 26ന് ജനവിധി
- ജി കൃഷ്ണകുമാറിന്റെ കണ്ണിന് പരിക്കേറ്റ സംഭവത്തിൽ ബിജെപി പ്രവർത്തകൻ അറസ്റ്റിൽ; പിടിയിലായത് ബിജെപി കുണ്ടറ പഞ്ചായത്ത് സമിതി ജന.സെക്രട്ടറി സനൽ; സനലിന്റെ കൈ തട്ടിയാണ് അപകടം ഉണ്ടായതെന്ന് സൂചന; എൻഡിഎ സ്ഥാനാർത്ഥി പരാതി നൽകിയത് സിപിഎം പ്രവർത്തകർ ആക്രമിച്ചു എന്ന് ആരോപിച്ച്
- ഇന്ത്യയിൽ നിന്നും യുകെയിലേക്ക് കെയറർ വിസയിൽ തൊഴിലാളികൾ എത്തുന്നതിൽ ആശങ്കയുമായി ലോകാരോഗ്യ സംഘടന; കെയർ ഹോമുകളിൽ ഗുണനിലവാരമില്ലാത്ത സേവനത്തിനു സാധ്യതയെന്ന് ഓക്സ്ഫോർഡ് യൂണിവേഴ്സിറ്റി മുന്നറിയിപ്പും; ഇന്ത്യക്കാർക്ക് വിസ നിഷേധിക്കാൻ മറ്റൊരു കാരണം കൂടി
- കോൺഗ്രസ് സ്ഥാനാർത്ഥി മുങ്ങി; എട്ട് സ്ഥാനാർത്ഥികളെ കൊണ്ട് പത്രിക പിൻവലിപ്പിച്ച് ബിജെപിയുടെ കളി; കോൺഗ്രസിനെ വഞ്ചിച്ച നിലേഷ് കുംഭാണി ബിജെപിയിൽ ചേർന്നേക്കും; സൂററ്റിൽ ഓപ്പറേഷൻ താമര വിജയിച്ചതോടെ തിരഞ്ഞെടുപ്പ് റദ്ദാക്കണമെന്ന് ആവശ്യപ്പെട്ട് കോൺഗ്രസ്
- വെടിക്കെട്ട് സെഞ്ചുറിയുമായി യശസ്വി ജയ്സ്വാൾ; നായകന്റെ ഇന്നിങ്സുമായി സഞ്ജു; അഞ്ച് വിക്കറ്റെടുത്ത സന്ദീപ് ശർമയും; വീണ്ടും മുംബൈ ഇന്ത്യൻസിനെ കീഴടക്കി രാജസ്ഥാൻ റോയൽസ്; ഒൻപത് വിക്കറ്റ് ജയത്തോടെ പ്ലേ ഓഫിന് അരികെ
- ഇറാനിൽ ഇസ്രയേലിന്റെ വ്യോമാക്രമണം ഇന്ത്യൻ വിപണിക്ക് ആശങ്കയാകുന്നു; കുതിച്ചുയർന്ന് ക്രൂഡോയിൽ വില; ബാരലിന് 90 ഡോളറിലെത്തി; ഇപ്പോഴത്തെ നിലയിൽ വില 100 ഡോളർ വരെ ഉയർന്നേക്കുമെന്ന് ആശങ്ക; ഇറാൻ-ഇസ്രയേൽ പോര് പശ്ചിമേഷ്യയിലെ സ്ഥിതിഗതികൾ കൂടുതൽ ആശങ്കപ്പെടുത്തുന്നു
- ത്രികോണ പോരിന് ഒടുവിൽ സുരേഷ് ഗോപി തൃശ്ശൂർ എടുക്കുമോ? പാലക്കാടൻ കാറ്റ് മാറി വീശുമോ? ആലത്തൂരിൽ രമ്യ പാട്ടുംപാടി വിജയിക്കുമോ? മലപ്പുറത്തും പൊന്നാനിയിലും ലീഗ് കോട്ടകളിൽ നേരിയ വിള്ളലെങ്കിലും വീഴുമോ? നെഞ്ചിടിപ്പേറുന്ന മണ്ഡലങ്ങളിലൂടെ മറുനാടൻ സർവേയുടെ രണ്ടാം ഘട്ടം ഫലം
- സുഹൃത്തും തന്റെ ഭാര്യയുമായി അവിഹിത ബന്ധം; പകരം സുഹൃത്തിന്റെ ഭാര്യയോട് കിടപ്പറ പങ്കിടാൻ ആവശ്യപ്പെട്ടു; പൊലീസ് കേസും വഴക്കുമായപ്പോൾ ആത്മഹത്യ ചെയ്യാൻ തീരുമാനിച്ച ദമ്പതികളിൽ ഭാര്യ മരിച്ചു; പ്രേരണാക്കുറ്റത്തിന് ഭർത്താവ് അറസ്റ്റിൽ: വെച്ചൂച്ചിറയിൽ നിന്ന് ഞെട്ടിക്കുന്ന കഥ
- അനന്തപുരിയിൽ തരൂർ വീഴുമോ? ആറ്റിങ്ങലിൽ അടൂർ പ്രകാശിന് അടിതെറ്റുമോ? കൊല്ലത്ത് മുകേഷോ, പ്രേമചന്ദ്രനോ? പത്തനംതിട്ട ആർക്ക്? അനിൽ ആന്റണി വോട്ടുയർത്തുമോ; മാവേലിക്കരയിൽ അട്ടിമറിയോ? കേരളം ആർക്കൊപ്പം; 20 മണ്ഡലങ്ങളിലെയും മറുനാടൻ സർവേ ഫലം അറിയാം
- പൂരം നാളുകളിൽ വൻകിട ഹോട്ടലുകളിൽ പൊലീസ് സൗജന്യമായി മുറിയെടുത്തു; ഉന്നത ഉദ്യോഗസ്ഥരുടെ പേരുപറഞ്ഞ് ഓരോ ഹോട്ടലിലും രണ്ടും മൂന്നും മുറികൾ സൗജന്യമായി വാങ്ങി; പൂരത്തെ അറിയാവുന്ന ഉദ്യോഗസ്ഥരെ ഡ്യൂട്ടിയിലിൽ നിന്നും മാറ്റി; കമ്മീഷണറുടെ നിലപാടുകൾ സേനയ്ക്ക് കളങ്കമായി; തൃശൂർ പൂരത്തിൽ ഇന്റലിജൻസ് കണ്ടെത്തൽ ഇങ്ങനെ
- സ്കൂളിൽ പ്രാർത്ഥന വിലക്കിയ നടപടി ശരിവെച്ച് ബ്രിട്ടീഷ് കോടതി; വളരെ മികച്ചതെന്ന റേറ്റിങ് ലഭിച്ച സ്കൂളിനെതിരെ കോടതിയെ സമീപിച്ചത് മുസ്ലിം വിദ്യാർത്ഥിനി; എല്ലാ വിഭാഗങ്ങളെയും ഉൾക്കൊള്ളുന്ന സ്കൂൾ നയത്തിന്റെ വിജയമെന്ന് സ്കൂൾ അധികൃതർ
- ആലപ്പുഴയിലെ 'കനൽത്തരി' അണയുമോ? ചാലക്കുടിയിൽ ട്വന്റി ട്വന്റി വോട്ടുകൾ ആർക്ക് ഭീഷണിയാകും? എറണാകുളത്തും ഇടുക്കിയിലും യുഡിഎഫ് തന്നെയോ? കോട്ടയത്ത് വിജയിക്കുക ഏത് കേരളാ കോൺഗ്രസ്? മറുനാടൻ സർവേ മൂന്നാംഘട്ട ഫലം അറിയാം..
- മുഖ്യമന്ത്രിക്ക് ഇരിക്കാൻ സ്ഥാപിച്ച അരലക്ഷം വിലയുള്ള കറങ്ങുന്ന കസേരയുള്ള സീറ്റ് ഇളക്കിമാറ്റി; വി.വി.ഐ.പി. പരിവേഷത്തിൽ കേരളം കറങ്ങിയ നവകേരള ബസ് ഇപ്പോൾ ആർക്കും വേണ്ടാതെ വെറുതേ കിടക്കുന്നു; ഗതാഗത മന്ത്രി മാറിയതോടെ താൽപ്പര്യം കുറഞ്ഞു; ടൂറിസം ആവശ്യത്തിനും വിട്ടുനൽകാതെ 1.15 കോടി രൂപ മുടക്കി വാങ്ങിയ ബസ്
- ഇസ്രയേൽ ഇറാന് ശക്തമായ തിരിച്ചടി നൽകിയത് ഒരീച്ച പോലും അറിയാതെ; മിസൈലുകളും ഡ്രോണുകളും റഷ്യൻ നിർമ്മിത എസ്-300 സംവിധാനത്തെ തകർത്തു; ആക്രമണം ഇറാൻ വ്യോമ പ്രതിരോധ സംവിധാനത്തെ പൂർണമായി കബളിപ്പിച്ചുകൊണ്ട്; ആക്രമണം നടന്നയിടത്ത് പൊടി പൊലുമില്ല കണ്ടുപിടിക്കാൻ
- സ്വന്തം വിവാഹത്തിന് അടിച്ചു പിമ്പിരിയായി എത്തി വരൻ; കാൽ നിലത്ത് ഉറയ്ക്കാത്ത വരെ കാറിൽ നിന്നും ഇറക്കിയത് ബന്ധുക്കൾ; വിവാഹം നടത്താനെത്തിയ വൈദികനോടും മോശം പെരുമാറ്റം; പൊലീസിനോടും തട്ടിക്കയറി വിദേശത്തു നിന്നെത്തിയ വരൻ: കല്ല്യാണത്തിൽ നിന്നും പിന്മാറി വധു
- ഒരു ജൂനിയർ പറയാൻ പാടില്ലാത്ത കഥകളാണ് ശ്രീനിയുടെ മകൻ പറഞ്ഞതെന്ന് മുകേഷ്; എന്നാൽ അത് ധ്യാൻ തന്നെയാകുമെന്ന് ആരാധകർ
- ആടുജീവിതം ഇസ്ലാമോഫോബിയ പരത്തുന്ന ചിത്രമോ? നോവലിന്റെ അറബിപതിപ്പ് യുഎഇയിലും സൗദിയിലും നിരോധിച്ചത് 2014ൽ; ഇപ്പോൾ സിനിമക്കും യുഎഇ ഒഴികെയുള്ള ഗൾഫ് രാജ്യങ്ങളിൽ പ്രദർശനാനുമതിയില്ല; കേരളത്തിലെ യുക്തിവാദികൾക്കിടയിലും ചർച്ച; ആടുജീവിതം വിവാദമാവുമ്പോൾ
- അനുജയുമൊന്നിച്ച് കാർ തടിലോറിയിലേക്ക് ഇടിച്ചു കയറ്റി ഹാഷിം ജീവനൊടുക്കിയെന്ന് സഹ അദ്ധ്യാപകരുടെയും ബന്ധുക്കളുടെയും മൊഴി; അടൂരിനെ നടുക്കിയ അപകടം; സ്കൂൾ അദ്ധ്യാപികയെയും കൂട്ടി സ്വകാര്യ ബസ് ഡ്രൈവർ ആത്മഹത്യ ചെയ്തതെന്ന് സൂചന; സ്വിഫ്ട് ഡിസയർ കാർ ഓടിച്ചു കയറ്റിയത് കണ്ടെയ്നർ ലോറിയിലേക്ക്: സംഭവം കെപി റോഡിൽ പട്ടാഴമുക്കിൽ
- കള്ളി എന്നതാണ് ഇപ്പോഴത്തെ മേൽവിലാസം.. കള്ളിയുടെ അച്ഛൻ എന്ന മേൽവിലാസവും കൊണ്ട് ആണ് 2 മാസം മുമ്പ് അച്ഛൻ മരിച്ചുപോയത്; കൂടെ ഉണ്ടായിരുന്നവരൊന്നും കൂട്ടുന്നില്ല; ഉറങ്ങിയിട്ട് വർഷം ഒന്നാകാറായി; വിദ്യ വിജയന്റെ കുറിപ്പ്
- റഷ്യയിലെ ഭീകരാക്രമണത്തിൽ പിടികൂടിയ ഐസിസ് ഭീകരർ നേരിടാൻ പോകുന്നത് റഷ്യൻ പൊലീസിന്റെ സമാനതകളില്ലാത്ത മർദ്ദനമുറകൾ; ചെവിമുറിച്ച് സ്വയം ഭക്ഷിക്കുവാൻ കൊടുത്തതിന് പുറമെ വൈദ്യുതാഘാതവും വസ്ത്രമൂരി അടിയും; മരിച്ചാൽ ബന്ധുക്കൾക്ക് ശരീരം വിട്ടു നൽകുന്നത് ആന്തരികാവയവങ്ങൾ നീക്കിയ ശേഷം
- വൈകീട്ട് തിരക്കില്ലാതിരുന്നിട്ടും നിർത്താതെ പോയ കോട്ടയം ബസിന്റെ ഡ്രൈവർ ആരെന്നറിയാൻ യാത്രക്കാരൻ ഡിപ്പോയിലേക്കു വിളിച്ചു; ഇതോടെ വാളകത്തിന്റെ പ്രസക്തി ഡ്രൈവർക്ക് മനസ്സിലായി; ജോലി പോകാതിരിക്കാൻ ഇമ്പൊസിഷനും എഴുതി; ആനവണ്ടിക്ക് യജമാനൻ യാത്രക്കാരനാകുമ്പോൾ!
- പിറന്നാളിന് വാങ്ങിയത് ഓൺലൈനിൽ ഓർഡൽ ചെയ്ത കേക്ക്; ഭക്ഷ്യവിഷബാധയേറ്റ് പത്തു വയസ്സുകാരിക്ക് ദാരുണാന്ത്യം: പിറന്നാൾ പിറ്റേന്ന് ദാരുണമായി മരിച്ചത് പത്തു വയസ്സുകാരി മൻവി
- സിനിമയുടെയും ആത്മാവായ ആ സീൻ സെൻസർ ബോർഡ് വെട്ടിമാറ്റിയെന്ന് ബെന്യാമിൻ; ഷൂട്ട് ചെയ്തിട്ടില്ലെന്ന് ബ്ലെസി; അങ്ങനെ ഒന്ന് ഉണ്ടായിട്ടില്ലെന്നും എഴുത്തുകാരൻ ചേർത്തതാണെന്നും നജീബ്; ആടുമായി നജീബ് ലൈംഗിക ബന്ധത്തിൽ ഏർപ്പെടുന്ന രംഗത്തിന് എന്താണ് സംഭവിച്ചത്?
- ഇറാനിൽ ഇസ്രയേലിന്റെ വ്യോമാക്രമണം ഇന്ത്യൻ വിപണിക്ക് ആശങ്കയാകുന്നു; കുതിച്ചുയർന്ന് ക്രൂഡോയിൽ വില; ബാരലിന് 90 ഡോളറിലെത്തി; ഇപ്പോഴത്തെ നിലയിൽ വില 100 ഡോളർ വരെ ഉയർന്നേക്കുമെന്ന് ആശങ്ക; ഇറാൻ-ഇസ്രയേൽ പോര് പശ്ചിമേഷ്യയിലെ സ്ഥിതിഗതികൾ കൂടുതൽ ആശങ്കപ്പെടുത്തുന്നു
- കാസർകോട് ഇടതുമുന്നണി തിരിച്ചുപിടിക്കുമോ? കണ്ണൂരിൽ സുധാകരൻ വീഴുമോ? വടകരയിൽ ഷാഫിയോ ശൈലജയോ? കോഴിക്കോട് രാഘവേട്ടനോ, കരീംക്കയോ? രാഹുൽഗാന്ധി മാജിക്ക് ആവർത്തിക്കുമോ? എൻഡിഎ വോട്ട് ഉയർത്തുമോ? മറുനാടൻ മലയാളി ഇലക്ഷൻ സർവേയുടെ ആദ്യഘട്ട ഫലം അറിയാം
Readers Comments+
മലയാളത്തിൽ ടൈപ്പ് ചെയ്യാൻ ഇവിടെ ക്ലിക്ക് ചെയ്യുകകമന്റ് ബോക്സില് വരുന്ന അഭിപ്രായങ്ങള് മറുനാടന് മലയാളിയുടേത് അല്ല. മാന്യമായ ഭാഷയില് വിയോജിക്കാനും തെറ്റുകള് ചൂണ്ടി കാട്ടാനും അനുവദിക്കുമ്പോഴും മറുനാടനെ മനഃപൂര്വ്വം അധിക്ഷേപിക്കാന് ശ്രമിക്കുന്നവരെയും അശ്ലീലം ഉപയോഗിക്കുന്നവരെയും മറ്റു മലയാളം ഓണ്ലൈന് ലിങ്കുകള് പോസ്റ്റ് ചെയ്യുന്നവരെയും മതവൈരം തീര്ക്കുന്നവരെയും മുന്നറിയിപ്പ് ഇല്ലാതെ ബ്ലോക്ക് ചെയ്യുന്നതാണ് - എഡിറ്റര്