1 usd = 71.59 inr 1 gbp = 86.79 inr 1 eur = 79.35 inr 1 aed = 19.49 inr 1 sar = 19.09 inr 1 kwd = 235.31 inr

Aug / 2019
20
Tuesday

കുറവന്മലയും കുറത്തിമലയും കുതിച്ചുപായുന്ന പെരിയാറും കാട്ടിക്കൊടുത്ത കൊമ്പൻ കൊലുമ്പൻ; കഥ കേട്ട് ഡാം സ്വപ്‌നം കണ്ട ഡബ്‌ള്യു ജെ ജോണും കേരളത്തിന് വെള്ളവും വെളിച്ചവും തരാൻ ആദ്യ മാസ്റ്റർ പ്‌ളാൻ ഒരുക്കിയ എൻജിനീയർ ജോസഫ് ജോണും; ഇവരുടെ സ്വപ്‌നങ്ങൾ സഫലമായതോടെ കേരളം രക്ഷപ്പെട്ടത് ഓരോ വർഷവും വരുമായിരുന്ന കൊടും പ്രളയങ്ങളിൽ നിന്നുതന്നെ; കേരളം കേൾക്കേണ്ട ഇടുക്കി അണക്കെട്ടിന്റെ കഥ

July 31, 2018 | 04:32 PM IST | Permalink



കുറവന്മലയും കുറത്തിമലയും കുതിച്ചുപായുന്ന പെരിയാറും കാട്ടിക്കൊടുത്ത കൊമ്പൻ കൊലുമ്പൻ; കഥ കേട്ട് ഡാം സ്വപ്‌നം കണ്ട ഡബ്‌ള്യു ജെ ജോണും കേരളത്തിന് വെള്ളവും വെളിച്ചവും തരാൻ ആദ്യ മാസ്റ്റർ പ്‌ളാൻ ഒരുക്കിയ എൻജിനീയർ ജോസഫ് ജോണും; ഇവരുടെ സ്വപ്‌നങ്ങൾ സഫലമായതോടെ കേരളം രക്ഷപ്പെട്ടത് ഓരോ വർഷവും വരുമായിരുന്ന കൊടും പ്രളയങ്ങളിൽ നിന്നുതന്നെ; കേരളം കേൾക്കേണ്ട ഇടുക്കി അണക്കെട്ടിന്റെ കഥ

മറുനാടൻ മലയാളി ബ്യൂറോ

ഇടുക്കി: അതികഠിനമായ വെള്ളപ്പൊക്കങ്ങളിൽ നിന്ന് കൊച്ചി നഗരത്തേയും എറണാകുളം, തൃശൂർ ജില്ലകളുടെ പടിഞ്ഞാറൻ ദേശങ്ങളേയും സംരക്ഷിക്കുന്നതും കേരളത്തിന്റെ ആവശ്യം നിറവേറ്റുന്നതുമായ മുഖ്യ ജലവൈദ്യുതി പദ്ധതിക്ക് വെള്ളം നൽകുന്നതുമായൊരു വമ്പൻ അണക്കെട്ട്. 66 ചതുരശ്രകിലോമീറ്റർ വിസ്തൃതിയുള്ള വമ്പൻ ജലസംഭരണി. ഉപ്പുതറ മുതൽ കുളമാവ് വരെ നീളുന്ന മേഖല. ഇതാണ് രണ്ട് മലകൾക്കിടയിൽ മനുഷ്യന്റെ സാങ്കേതികത്തികവിൽ ഒരുങ്ങിയ ഇടുക്കി പദ്ധതി.

മൂന്ന് അണക്കെട്ടുകൾ ചേർന്ന ഇടുക്കി പദ്ധതി ശരിക്കും കേരളത്തിന്റെ ചരിത്രത്തിലെ ഊർജ വിപ്‌ളവം തന്നെയായിരുന്നു. സമുദ്ര നിരപ്പിൽ നിന്ന് 925 മീറ്റർ തലപ്പൊക്കമുള്ള കുറത്തി മലയ്ക്കും 839 മീറ്റർ ഉയരമുള്ള കുറവൻ മലയ്ക്കും ഇടയിൽ കമാനം പോലെ ഒരു ഡാം. ഉയരത്തിൽ ഏഷ്യയിൽ രണ്ടാം സ്ഥാനത്തുണ്ട് ഇടുക്കി പദ്ധതിയുടെ ഭാഗമായ ആർച്ച് ഡാം. അഞ്ച് ഷട്ടറുകൾ ഉള്ള ചെറുതോണി അണക്കെട്ടും, മറ്റൊരു വശത്ത് നദിയെ തടഞ്ഞുനിർത്തുന്ന കുളമാവ് ഡാമും ചേർന്നാൽ ഇടുക്കി പദ്ധതിയായി. ഇതോടൊപ്പം മൂലമറ്റം പവർഹൗസും കൂടെ ചേർന്നാൽ ഇടുക്കി പദ്ധതിയായി.

ഈ പദ്ധതിയാണ് കേരളത്തിന്റെ യഥാർത്ഥ പവർ ഹൗസ്. ഇത്തരത്തിൽ ഒരു അണക്കെട്ടിനുള്ള സാധ്യത തെളിഞ്ഞുവന്നതിന് പിന്നിലെ കഥ വീണ്ടുമൊരിക്കൽ, കാൽനൂറ്റാണ്ടിനിപ്പുറം വെള്ളം നിറഞ്ഞുതുളുമ്പാറായി ഇടുക്കി ഡാം വാർത്തകളിൽ നിറയുമ്പോൾ വീണ്ടും ചർച്ചയാവുന്നു. കുറവൻ മലയേയും കുറത്തിമലയേയും പറ്റി പറഞ്ഞ ആദിവാസി മൂപ്പൻ കൊമ്പൻ കൊലുമ്പന്റെ കഥയാണത്. കേരള ചരിത്രത്തിൽ വയനാട്ടിലേക്കെത്താൻ താമരശ്ശേരി വഴി ഒരു ചുരം കണ്ടെത്താനും വെട്ടിക്കൊടുക്കാനും ഇംഗ്‌ളീഷുകാർക്ക് വഴികാട്ടിയായി നിന്ന വയനാടൻ ഗോത്രവർഗമായ പണിയ സമുദായത്തിലെ അംഗമായിരുന്ന കരിന്തണ്ടന്റെ കഥപോലെ.

കുറവന്മലയും കുറത്തിമലയും കാട്ടിക്കൊടുത്ത കൊമ്പൻ കൊലുമ്പൻ

ആദിവാസി മൂപ്പനായ കൊമ്പൻ കൊലുമ്പൻ തന്റെ തൊഴിലുടമയായ ഡബ്ല്യു. ജെ. ജോണിനോട് കുറത്തിമലയേയും കുറവൻ മലയേയും അതിനുനടുവിലൂടെ ഒഴുകുന്ന പെരിയാറിനേയും കുറിച്ച് പറഞ്ഞ കഥയിൽ നിന്നാണ് ഇടുക്കി ഡാമിന്റെ ചരിത്രം തുടങ്ങുന്നത്. 1922 കാലത്താണ് ഇത് സംഭവിക്കുന്നത്. നിറഞ്ഞൊഴുകുന്ന പെരിയാറും വെള്ളച്ചാട്ടങ്ങളും കുറവൻ മലയ്ക്കും കുറത്തിമലയ്ക്കും ഇടയിലൂടെ വളഞ്ഞുപുളഞ്ഞുള്ള ജലപ്രവാഹങ്ങളുമെല്ലാം വർണിച്ച് കൊലുമ്പൻ കഥപറഞ്ഞപ്പോൾ ജോണിനും ആ സ്ഥലം കാണാൻ മോഹമായി. 1922കാലത്താണ് ഈ സംഭവം. ഇതിനും മുമ്പ് 1919 കാലത്ത് ഇറ്റലിക്കാരനായ ജേക്കബ് എന്ന എൻജിനീയർ ഇവിടെ അണക്കെട്ട് കെട്ടുന്ന സാധ്യതയെപ്പറ്റി തിരുവിതാംകൂർ സർക്കാരിന് റിപ്പോർട്ട് നൽകിയിരുന്നെങ്കിലും അത് പരിഗണിക്കപ്പെട്ടിരുന്നില്ല.

ഇതിന് പിന്നാലെയാണ് കൊലുമ്പന്റെ കഥയിൽ ആകൃഷ്ടനായി ജോൺ ഇക്കാര്യം ശ്രദ്ധിക്കുന്നത്. മലങ്കര എസേ്റ്ററ്റിന്റെ മേൽനോട്ടക്കാരിൽ ഒരാളായിരുന്നു ജോൺ. കൊടുംകാട്ടിൽ വേട്ടയ്ക്കിറങ്ങുന്നത് പ്രധാന ഹോബി. അങ്ങനെ പോകുമ്പോൾ എപ്പോഴും വഴികാട്ടി കാട്ടിലെ വഴികൾ കൈവള്ളയിലുള്ള കൊമ്പൻ കൊലുമ്പനായിരുന്നു. അത്തരമൊരു വേട്ടയ്ക്കിടയിലാണ് കൊലുമ്പൻ തലമുറകൾ തനിക്ക് പകർന്നുകിട്ടിയ കഥ പറയുന്നത്.

പിന്നീട് 1932ൽ ഇദ്ദേഹം എൻജിനീയറും സഹോദരനുമായ പിജെ തോമസിന്റെ സഹായത്തോടെ ഇവിടെ അണകെട്ടി ജലസേചനവും വൈദ്യുതോത്പാദനവും നടത്താമെന്ന സാധ്യത തിരുവിതാംകൂർ സർക്കാരിനെ അറിയിച്ചു. ഇതിന്റെ മേൽ പഠനങ്ങൾ നടന്നു. പക്ഷേ, അധികം മുന്നോട്ടു നീങ്ങിയില്ല. തിരുവിതാംകൂർ ഇലക്ട്രിക്കൽ എൻജിനീയറായ ജോസഫ് ജോൺ. ഡബ്‌ളു ജെ ജോണിന്റെ ഉറ്റ സുഹൃത്തായിരുന്നു. ഇടയ്ക്ക് വേട്ടയ്ക്ക് കൂട്ടായി ഇരുവരും പോകാറുമുണ്ട്. ഇവിടെ വച്ചാണ് വീണ്ടും ഇരുവരും ഇക്കാര്യം ചർച്ചചെയ്യുന്നത്. ഇതോടെ ഈ സ്ഥലം കാണാൻ ഇരുവരും തീരുമാനിച്ചു. പിന്നെ താമസിച്ചില്ല, രണ്ടുപേരും കൊലുമ്പനെ മുന്നെ നടത്തി. കുറവന്മലയേയും കുറത്തിമലയേയും അവയ്ക്കിടയിലൂടെ കുലംകുത്തിയൊഴുകുന്ന പെരിയാറിനേയും ലക്ഷ്യമാക്കി ഘോരവനത്തിലൂടെ യാത്ര. രണ്ടാംലോക മഹായുദ്ധം തുടങ്ങും മുമ്പായിരുന്നു ഈ യാത്രയെന്ന് ഇതുസംബന്ധിച്ച ചില രേഖകളിൽ പറയുന്നുമുണ്ട്.

സ്ഥലം കണ്ടതോടെ ഇതിന്റെ അനന്ത സാധ്യതകൾ ആ ഇലക്ട്രിക്കൽ എൻജിനീയറുടെ മനസ്സിൽ നിറഞ്ഞു. തിരുവിതാംകൂർ അക്കാലത്ത് വൈദ്യുതി പദ്ധതികളെപറ്റി കേട്ടുവരുന്നതേയുള്ളൂവെങ്കിലും ജോസഫ് ജോണിന്റെ ദീർഘ വീഷണം അതിന് മുന്നേ ചിറകുവിരിച്ചു. വൈദ്ദ്യുതിയെപ്പറ്റി ഗൗരവചിന്തകൾ ഒട്ടുമില്ലാതിരുന്ന അക്കാലത്ത് ഇത്തരം പദ്ധതിയെക്കുറിച്ച് പഠിച്ച് റിപ്പോർട്ട് സമർപ്പിക്കാൻ വിദഗ്ധരും കുറവായിരുന്നു. എങ്കിലും എഞ്ചിനീയറായ ജോണിന്റെ സ്വകാര്യ പഠനങ്ങളും റിപ്പോർട്ടും അദ്ദേഹത്തിന്റെ വൈദഗ്ധ്യത്തെ മതിച്ചിരുന്ന തിരുവിതാംകൂർ ഗവൺമെന്റ് പരിഗണിച്ചതോടെ കാര്യങ്ങൾ മുന്നോട്ടു നീങ്ങി. 1947ൽ ജോസഫ് ജോൺ പദ്ധതിയുടെ റിപ്പോർട്ട് തയ്യാറാക്കി നൽകി.

അദ്ദേഹത്തിന്റെ റിപ്പോർട്ടിൽ ഈ പദ്ധതിക്ക് അന്നത്തെ അസംസ്‌കൃത സാധനങ്ങളുടെ വിലയും കൂലിച്ചെലവും കണക്കാക്കി മൊത്തം ചെലവായി കണ്ടെത്തിയത് 26 കോടി രൂപയാണ്. 5 ലക്ഷം കിലോവാട്ട് വൈദ്ദ്യുതിവരെ പ്രതിമാസം ഉൽപ്പാദിപ്പിക്കാൻ കഴിയുന്ന പദ്ധതിയുടെ ചെലവ് പക്ഷേ തിരുവിതാംകൂർ ഗവൺമെന്റിന് താങ്ങാവുന്നതിനും അപ്പുറമായിരുന്നു എന്ന് മാത്രമല്ല ഉൽപ്പാദിപ്പിക്കപ്പെടുന്ന ഇത്രയും വൈദ്ദ്യുതി എങ്ങനെ ചെലവഴിക്കുമെന്ന സംശയം ചില ഉദ്യോഗസ്ഥർ ഉയർത്തിയതോടെ ജോസഫ് ജോണിന്റെ റിപ്പോർട്ട് വിശ്രമത്തിലായി. പിന്നീട് ശരിക്കും ഇല്ലാതാവുന്ന സ്ഥിതിയിലൂമായി. പിന്നീട് തിരുവിതാംകൂർ ഗവൺമെന്റാകട്ടെ താരതമ്യേന ചെലവുകുറഞ്ഞ പള്ളിവാസൽ പദ്ധതിയിലേക്ക് തിരിഞ്ഞു 1932ൽ അതിന്റെ പണിയാരംഭിച്ചു.

ഇടുക്കി പദ്ധതിക്ക് ജീവൻ വയ്ക്കുന്നത് 1961ൽ

പിന്നീട് 1961ലാണ് പക്ഷേ, ആധുനിക രീതിയിലുള്ള പ്‌ളാൻ തയ്യാറാവുന്നത്. ജോസഫ് ജോണിന്റെ റിപ്പോർട്ടിൽ പറയുന്ന ഇന്നത്തെ ഇടുക്കി അണക്കെട്ട് സ്ഥിതിചെയ്യുന്ന പ്രദേശം അക്കാലത്ത് പീരുമേട് താലൂക്കിലായിരുന്നു. ഇവിടെ ഒരു അണകെട്ടിയാൽ 200ചതുരശ്ര മൈൽ വിസ്തീർണ്ണമുള്ള ഒരു ജലാശയം രൂപപ്പെടുത്താൻ കഴിയുമെന്ന് അദ്ദേഹം തന്റെ റിപ്പോർട്ടിൽപറഞ്ഞിരുന്നു. മറ്റൊരു കാതലായ നിർദ്ദേശം ചെറുതോണിയാറ്റിൽ ഒരു അണകൂടി വേണമെന്നതായിരുന്നു. രണ്ടണയും കൂടി ചേരുമ്പോഴുണ്ടാകുന്നത് 350ചതുരശ്ര മൈൽ വിസ്തൃതമായ ജലാശയം. കാടോ ജനവാസകേന്ദ്രങ്ങളോ ഇതുകാരണം മുങ്ങില്ലെന്നും അങ്ങനെ സംഭവിക്കുക അവിടെയുള്ള കുറേ പുൽമേടുകൾക്ക് മാത്രമായിരിക്കുമെന്നും അദ്ദേഹം റിപ്പോർട്ടിൽ ചൂണ്ടിക്കാട്ടി.

രണ്ടണകളുംകൂടിയുള്ള ജലശയത്തിലെ വെള്ളം നാടുകാണിമലതുരന്ന് കൊടത്തൂർപുഴയിലെത്തിക്കണം. ഇതിനായി 8000 അടി നീളമുള്ള തുരങ്കം വേണം. ടർബെൻ പ്രവർത്തിപ്പിക്കുന്നതിന് അറക്കുളം ക്ഷേത്രത്തിനുസമീപം പവർഹൗസും ഒരുക്കാം. അവിടെ സ്ഥാപിക്കുന്ന ടർബനിലേക്ക് ഈ തുരങ്കത്തിൽനിന്ന് 2300 അടി ഉയരത്തിൽ നിന്ന് ജലപാതം എത്തിക്കാം. അതായത് സെക്കണ്ടിൽ 1300 ക്യുബിക് അടി ജലം ഇങ്ങനെ ശക്തമായ വേഗത്തിൽ പതിപ്പിക്കാം. ജലാശയഭാഗത്ത് പ്രതിവർഷം 150 മുതൽ 200 സെ.മീ.വരെ മഴ ലഭിക്കുന്നുണ്ട്.
അതുകൊണ്ട് ജലക്ഷാമം എന്നൊന്ന് ഒരിക്കലും ഉണ്ടാകില്ല. ഇത്തരത്തിൽ ഒരുപക്ഷേ ലോകത്തിലെ ഏറ്റവുംവലിയ ശുദ്ധജല തടാകങ്ങളിലൊന്നായി ഇത് മാറിയേക്കാം. ചുറ്റുമുള്ള കാടും മേടും ഇതിനെ ഭാവിയിൽ ഒരു വന്യനഗരമാക്കും. വിനോദ സഞ്ചാരത്തിന് പറ്റിയ ഒരിടമായി മാറുന്ന ഇവിടം മികച്ചൊരു വന്യജീവി സങ്കേതവുമാവുമെന്നും റിപ്പോർട്ടിൽ പറയുന്നു.

ജോസഫ് ജോൺ സ്വപ്‌നം കണ്ട കാർഷിക സമൃദ്ധി

വൈദ്യുതി ഉല്പാദനത്തിനുശേഷം പുറത്തുവിടുന്ന ജലം വൻ കാർഷിക സമൃദ്ധിക്ക് വഴിയൊരുക്കുമെന്നും റിപ്പോർട്ടിൽ ചൂണ്ടിക്കാട്ടിയിരുന്നു. . ഉത്തരതിരുവിതാംകൂറിൽപെട്ട കുന്നത്തുനാട്, തൊടുപുഴ, മൂവാറ്റുപുഴ, വൈക്കം പ്രദേശങ്ങളിലെ നദികളിൽ കടുത്ത വേനലിലും ആറടിവരെ ഉയരത്തിൽ വെള്ളമുണ്ടാകുമെന്ന് വരെ ദീർഘദൃഷ്ടിയോടെ തയ്യാറാക്കിയ റിപ്പോർട്ടിൽ പറഞ്ഞിരുന്നു. മുപ്പൂകൃഷി ഇതുവഴി വ്യാപകമായി സാധിതമാകും. അത് അങ്ങനെ മറ്റൊരു നെല്ലറയായി മാറും ഉത്തര തിരുവിതാംകൂർ. അറബിക്കടലിലേക്ക് ഒഴുകി പാഴാകുന്ന ജലത്തെ ഇനിയെങ്കിലും വിദഗ്ധമായി പ്രയോജനപ്പെടുത്തേണ്ടിയിരിക്കുന്നു എന്ന് ജോസഫ് ജോൺ തന്റെ റിപ്പോർട്ടിൽ പറഞ്ഞു. മാത്രമല്ല മദിരാശി സംസ്ഥാനത്തിനുവരെ പ്രയോജനപ്പെടും ഈ അണക്കെട്ടെന്നും ജലംവിറ്റ് തിരിവിതാംകൂറിന് വൻതോതിൽ പണം സമ്പാദിക്കാമെന്നും ചൂണ്ടിക്കാട്ടിയിരുന്നു.

വർഷങ്ങൾ പിന്നിട്ടപ്പോൾ ഇടുക്കി പദ്ധതിയുടെ പ്രസക്തി മനസ്സിലാക്കി. പക്ഷേ, അപ്പോഴും അപ്പോഴും ജോസഫ് ജോണിന്റെ റിപ്പോർട്ട് ഏറെക്കുറെ ആത്മാവ് നഷ്ടപ്പെട്ടരീതിയിൽ തിരുവനന്തപുരത്തെവിടേയോ ഉറങ്ങിക്കിടന്നു. പിന്നീട് കനേഡിയൻ സഹായത്തോടെ പൂർത്തിയാക്കിയ ഇടുക്കി പദ്ധതിയാണ് ഇന്ന് കേരളമെങ്ങും വെളിച്ചം വീശുന്നത്. ജോസഫ് ജോണിന്റെ പദ്ധതി റിപ്പോർട്ട് പരിഗണിക്കപ്പെട്ടില്ലെങ്കിലും അതിന്റെ സാധ്യത മനസ്സിലാക്കി പിന്നീട് 1961ലാണ് പദ്ധതിക്കായി ആധുനികരീതിയിലുള്ള പ്ലാൻ തയ്യാറാക്കി. ഇതിന് 1963 ജനുവരിയിൽ പ്ലാനിങ് കമ്മിഷന്റെ അംഗീകാരം ലഭിച്ചു. വൈദ്യുതബോർഡ് സാമ്പത്തികച്ചുമതല ഏറ്റെടുത്തു. 1967-ൽ 78 ലക്ഷം ഡോളറിന്റെ സഹായധനവും 115 ലക്ഷം ഡോളറിന്റെ ദീർഘകാല വായ്പയും നൽകാമെന്ന കരാറിൽ കാനഡ ഇന്ത്യയുമായി ഒപ്പുവെച്ചു. 1968 ഫെബ്രുവരി 17-ന് നിർമ്മാണം ആരംഭിച്ചു. നീണ്ടനാളുകളുടെ പ്രയത്നത്തിന് ശേഷം 1976 ഫെബ്രുവരി 12-ന് അന്നത്തെ പ്രധാനമന്ത്രി ഇന്ദിരാ ഗാന്ധി ഇടുക്കി പദ്ധതി രാഷ്ട്രത്തിന് സമർപ്പിച്ചു. മൂലമറ്റം പവർഹൗസിലെ ആറ് ജനറേറ്ററുകൾ പിന്നീട് ഘട്ടംഘട്ടമായി പ്രവർത്തിച്ചു തുടങ്ങിയതോടെയാണ് പദ്ധതി കേരളത്തിന്റെ മികച്ച പവർഹൗസായി മാറിയത്.

ഇപ്പോൾ മഴയും നീരൊഴുക്കും കുറഞ്ഞെങ്കിലും ഇടുക്കി പദ്ധതിയിലെ അണക്കെട്ടുകൾ നിറഞ്ഞു തുളുമ്പുന്ന സ്ഥിതി വരുന്നത് വളരെ അപൂർവം. എങ്കിലും കൊടും വേനലിൽ പോലും ഇപ്പോഴും വൈദ്യുതി പൂർണതോതിൽ തന്നെ ഉത്പാദിപ്പിക്കാൻ മിക്ക വർഷങ്ങളിലും വെള്ളം കാത്തുസൂക്ഷിക്കുന്നു ഈ കുറവന്മലയുടേയും കുറത്തിമലയുടേയും കീഴിലെ അണകൾ. ഇപ്പോൾ കാൽ നൂറ്റാണ്ടിന് ഇപ്പുറം നിറഞ്ഞു കവിയുന്നു എന്ന നിലയിൽ താഴെയുള്ള പെരിയാറിൻ തീരത്തും ചെറുതോണിപ്പുഴയോരത്തും എല്ലാം ആശങ്കയുണ്ടെന്ന നിലയിൽ വാർത്തകൾ വരുമ്പോഴും ആരും ഓർക്കാതെ പോകുകയാണ് കൊമ്പൻ കൊലുമ്പനെന്നും കരുവെള്ളായൻ കൊലുമ്പനെന്നുമെല്ലാം അറിയപ്പെടുന്ന ആദിവാസി മൂപ്പനെ. അതോടൊപ്പം അദ്ദേഹത്തിൽ നിന്ന് കഥകേട്ട് അണക്കെട്ട് എന്ന ആശയം ആദ്യം മനസ്സിൽ മുളപ്പിച്ചെടുത്ത കൊലുമ്പന്റെ എസ്റ്റേറ്റ് സൂപ്പർവൈസർ ഡബ്‌ള്യു ജെ തോണിനെ.. ജോണിന്റെ സഹോദരൻ പിജെ തോമസിനെ... ഏറ്റവുമൊടുവിൽ ജീവിതകാലം മുഴുവൻ സമഗ്രമായി പ്‌ളാനുമൊരുക്കി ഈ പദ്ധതിക്കായി കാത്തിരുന്നിട്ടും അതിന് സ്വപ്‌നസാഫല്യം നേടാനാവാതെ പോയ ഒരു യഥാർത്ഥ മാസ്റ്റർ ക്രാഫ്റ്റ്‌സ്മാൻ എന്ന് പറയാവുന്ന തിരുവിതാംകൂറിന്റെ ഇലക്ട്രിക് എൻജിനീയറായ ജോസഫ് ജോണിനെ.

എല്ലാം കൊണ്ടും കേരളത്തെ രക്ഷിക്കുന്ന അണക്കെട്ട്

അതികഠിനമായ വെള്ളപ്പൊക്കങ്ങളിൽനിന്നും ദുരിതങ്ങളിൽനിന്നും കൊച്ചിയെ, എറണാകുളം തൃശ്ശൂർ ജില്ലകളുടെ പടിഞ്ഞാറൻ പ്രദേശങ്ങളെ, ആലുവാ മേഖലയെ, പെരിയാറിന്റെ തുടക്കംമുതൽ താഴെവരെ ഇരുകരകളിലുമായി ജീവിച്ചുവരുന്ന പതിനായിരങ്ങളെ എല്ലാം വർഷങ്ങളായി വെള്ളപ്പൊക്കങ്ങളിൽ നിന്ന് കാക്കുന്നത് ഇടുക്കി അണക്കെട്ടാണ്. അണക്കെട്ടിൽ എത്രയോ കൂടുതൽ വെള്ളം താങ്ങി നിർത്തിയിട്ടും ഈ മഴയിലുണ്ടായ ദുരിതം വലുതായിരുന്നു. അതുകൊണ്ട് മാത്രമാണ് ഇപ്പോൾ അണ തുറക്കുന്ന സാഹചര്യം വന്നത്. അപ്പോൾ ഇടുക്കി അണക്കെട്ട് ഇല്ലായിരുന്നെങ്കിലുള്ള അവസ്ഥ എന്താകുമായിരുന്നുവെന്ന അറിയാൻ പഴമക്കാർ പറയുന്ന ആ വെള്ളപ്പൊക്ക കഥ മാത്രം കേട്ടാൽ മതി. 'തൊണ്ണൂറ്റൊമ്പതിലെ വെള്ളപ്പൊക്കം' എന്നു പഴമക്കാർ പറയുന്ന 1924-ജൂലായിലെ വെള്ളപ്പൊക്കം കനത്ത നാശമാണുണ്ടാക്കിയത്.

അതിന് ശേഷം ഒരു നൂറ്റാണ്ടോളമാകുന്നു കാലം. ഇപ്പോൾ പെരിയാറിൻ തീരത്തും കൊച്ചിയിലുമെല്ലാമായി ജനസാന്ദ്രമായി. കെട്ടിടങ്ങളും സ്ഥാപനങ്ങളും നിരന്നു. പെയ്യുന്ന മഴ ഒറ്റയടിക്ക് താഴേക്ക് കുതിച്ചെത്തിയാൽ വേമ്പനാട് കായൽനിലത്തിൽ വെറും രണ്ടു ടി.എം.സിയിൽ കുറച്ചു വെള്ളമേ കൊള്ളൂ. അപ്പോൾ കുട്ടനാട്ടിൽ ഉൾപ്പെടെ എന്തായിരിക്കും പ്രളയമെന്നാണ് ഓർക്കേണ്ടത്. വെള്ളപ്പൊക്ക നിയന്ത്രണത്തിൽ ഇടുക്കി അണക്കെട്ട് വഹിക്കുന്ന പങ്ക് അപ്പോഴേ വ്യക്തമാകൂ.

മറുനാടൻ മലയാളി ബ്യൂറോ    
മറുനാടൻ മലയാളി റിപ്പോർട്ടർ

mail: editor@marunadanmalayali.com

Readers Comments

മലയാളത്തിൽ ടൈപ്പ്‌ ചെയ്യാൻ ഇവിടെ ക്ലിക്ക്‍ ചെയ്യുക
കമന്റ് ബോക്‌സില്‍ വരുന്ന അഭിപ്രായങ്ങള്‍ മറുനാടന്‍ മലയാളിയുടേത് അല്ല. മാന്യമായ ഭാഷയില്‍ വിയോജിക്കാനും തെറ്റുകള്‍ ചൂണ്ടി കാട്ടാനും അനുവദിക്കുമ്പോഴും മറുനാടനെ മനഃപൂര്‍വ്വം അധിക്ഷേപിക്കാന്‍ ശ്രമിക്കുന്നവരെയും അശ്ലീലം ഉപയോഗിക്കുന്നവരെയും മറ്റു മലയാളം ഓണ്‍ലൈന്‍ ലിങ്കുകള്‍ പോസ്റ്റ് ചെയ്യുന്നവരെയും മതവൈരം തീര്‍ക്കുന്നവരെയും മുന്നറിയിപ്പ് ഇല്ലാതെ ബ്ലോക്ക് ചെയ്യുന്നതാണ് - എഡിറ്റര്‍

More News in this category

MNM Recommends

Loading...
TODAYLAST WEEKLAST MONTH
ഇസ്ലാമികമല്ലാത്ത ജീവിതരീതി; പരപുരുഷ ബന്ധം; അനുമതിയില്ലാതെ വിദേശയാത്രകൾ; തന്റെ ചെലവിൽ വാങ്ങിയ കാർ സ്വന്തം പേരിൽ രജിസ്റ്റർ ചെയ്ത് ഇഷ്ടാനുസരണം രഹസ്യയാത്രകൾ; വഴിവിട്ട ജീവിതം ചോദ്യം ചെയ്തപ്പോൾ പറഞ്ഞത് തന്റെ കാര്യങ്ങളിൽ ഇടപെട്ടാൽ പാഠം പഠിപ്പിക്കുമെന്ന്; വഫയ്ക്ക് കേരളത്തിലുള്ളത് ഉന്നത ബന്ധങ്ങളെന്നും വിവാഹമോചന ഹർജിയിൽ ആരോപണം; ഫിറോസ് വിവാഹ മോചനത്തിന്; ശ്രീറാമിനൊപ്പം സഞ്ചരിച്ച വഫ ഏഷ്യാനെറ്റ് ന്യൂസിനോട് പറഞ്ഞതെല്ലാം പച്ചക്കള്ളം
2000ൽ നാവായിക്കുളത്ത് നിക്കാഹ്; രണ്ടാം ഗർഭം അലസിപ്പിച്ചത് തന്നിഷ്ട പ്രകാരം; പുരുഷ സുഹൃത്തുക്കളുമായുള്ള ഭാര്യയുടെ സൗഹൃദം ബഹറിനിലെ ബിസിനസിനെ തകർത്തു; യുഎഇയിൽ നിഷേധിച്ചത് ഭർത്താവിന്റെ അവകാശങ്ങൾ; തിരുവനന്തപുരത്ത് നിശാ ക്ലബ്ബുകളിൽ ഉല്ലസിപ്പിച്ചപ്പോൾ തകർന്നത് തന്റെ ജീവിതം; ശ്രീറാമുമായുള്ള അപകടത്തെ കുറിച്ച് ചോദിച്ചപ്പോൾ കിട്ടിയത് അസഭ്യം; വഫായ്‌ക്കെതിരെ വിവാഹ മോചന ഹർജിയിൽ ഭർത്താവ് ഉന്നയിക്കുന്നത് ഗുരുതര ആരോപണങ്ങൾ; ഏഷ്യാനെറ്റ് ന്യൂസിലെ അഭിമുഖ വാദമെല്ലാം പൊളിയുമ്പോൾ
മണ്ണുമാന്തിയുപയോഗിച്ച് തിരയുമ്പോൾ കണ്ടത് തലമുടി; പുറത്തെടുത്തപ്പോൾ കിട്ടിയത് തല മാത്രം; ` ആ കാഴ്ച കണ്ടപ്പോൾ തന്നെ എന്റെ കണ്ണിൽ ഇരുട്ട് കയറി`; നെഞ്ചിൽ വല്ലാതെ ഒരു വേദന അനുഭവപ്പെട്ടു; വെള്ളം കുടിച്ചിട്ടും മുഖം കഴുകിയിട്ടും മരവിപ്പ് മാറിയില്ല; പിന്നെ മനോനില തെറ്റി ഇറങ്ങി ഓടി; ഉണ്ണിയുടേത് കവളപ്പാറയിലെ എല്ലാ ജെസിബി ഓപ്പറേറ്റർമാരും നേരിടുന്ന കരള് പിളർക്കുന്ന അനുഭവം
ടിക് ടോക്കിൽ പരിചയപ്പെട്ട യുവാവുമായി പ്രണയത്തിലായപ്പോൾ കുടുംബത്തെ മറന്നു; ഗൾഫിലുള്ള ഭർത്താവിനേയും മകളേയും ഉപേക്ഷിച്ച് വീട് വിട്ടിറങ്ങിയത് വിവാഹിതയെന്ന കാര്യം കാമുകനിൽ നിന്ന് മറച്ച് വച്ചും; കാമുകിയുടെ കഥ അറിഞ്ഞപ്പോൾ ഒഴിഞ്ഞുമാറി കാമുകൻ; വിവാഹ വാഗ്ദാനം നൽകി പീഡിപ്പിച്ചെന്നാരോപിച്ച് യുവതിയുടെ പരാതി മഞ്ചേരി പൊലീസിന്; ടിക് ടോക് കളിച്ച് നടന്ന മുഹമ്മദ് ആസിഫ് അറസ്റ്റിൽ
പാക്കിസ്ഥാൻ നിയന്ത്രിത കാശ്മീരിലേക്ക് വെടിയുതിർത്ത് ഇന്ത്യൻ സേന; രണ്ട് പേർ കൊല്ലപ്പെട്ടെന്ന് തുറന്ന് സമ്മതിച്ച് പാക്കിസ്ഥാനും; പാക് പിന്തുണയോടെ പ്രതിഷേധിക്കാൻ ശ്രമിച്ച 4000 പേരെ തടവിലാക്കി; കാശ്മീർ വിഷയത്തിൽ വിട്ടു വീഴ്ചയില്ലെന്ന നിലപാടുമായി ഇന്ത്യ മുന്നോട്ട്; കാര്യങ്ങൾ വിശദീകരിച്ചപ്പോൾ ട്രംപും പച്ചക്കൊടി കാണിച്ചെന്ന് റിപ്പോർട്ടുകൾ; പാക്കിസ്ഥാൻ നിലപാടുകളെ പരസ്യമായി തള്ളി അഫ്ഗാനും; കാശ്മീരിൽ ചിലയിടങ്ങിൽ വീണ്ടും നിശാനിയമം
ആനപ്പുറത്ത് വരൻ... പിന്നാലെ പാട്ടും പാടി വരന്റെ സുഹ്യത്തുക്കൾ; ഫോട്ടോയെടുത്തും സെൽഫിയെടുത്തും ആഘോഷങ്ങൾ തകൃതി; നാട് പ്രളയ ദുരിതാശ്വാസത്തിൽ കൈമെയ് മറഞ്ഞ് ഒന്നിക്കുമ്പോൾ ആഡംബര വിവാഹം കണ്ട് മൂക്കത്ത് വിരൽവെച്ച് നാട്ടുകാർ; നേരത്തെ ആഡംബര വിവാഹത്തിനെതിരെ മുസ്ലിംലീഗ് നടത്തിയ കാമ്പയിൽ എവിടെപോയെന്ന് അണികൾ; കോഴിക്കോട് വില്ല്യാപ്പള്ളിയിൽ ആനപ്പുറത്തേറിയെത്തിയ വരന് നവമാധ്യമങ്ങളുടെ രൂക്ഷ വിമർശനം
കൈയിലുണ്ടായിരുന്ന സമ്പാദ്യമെല്ലാം ചിലവഴിച്ച് നിർമ്മിച്ചത് ആരെയും അമ്പരപ്പിക്കുന്ന സ്വപ്‌നസൗധം; പ്രളയം വില്ലനായപ്പോൾ തകർന്നത് 73 ലക്ഷം രൂപയുടെ വീട്; നഷ്ടമായത് പുതിയ കാറും ബൈക്കും സ്വർണാഭരണങ്ങളും വീടിന്റെ ആധാരവും; ഏതുനിമിഷവും നിലം പതിക്കാവുന്ന വീട്ടിനുള്ളിൽ കൂടി ഒഴുകുന്നത് പുഴ; എന്ത് ചെയ്യുമെന്ന് അറിയാതെ കുഴങ്ങി ഒരു കുടുംബം
പഠിച്ച് പരീക്ഷയെഴുതി; മിക്കതും എളുപ്പമുള്ള ചോദ്യങ്ങൾ; അറിയാത്ത ഉത്തരങ്ങൾ കറക്കിക്കുത്തി; ഭാഗ്യത്തിന് അതൊക്കെ ശരിയായി എന്ന് മറുപടി; അതേ ചോദ്യങ്ങൾ വീണ്ടും ചോദിച്ചപ്പോൾ ഒന്നും അറിയില്ല; പരീക്ഷ എഴുതുമ്പോൾ 96 എസ്എംഎസ് അയച്ചത് ആരെന്ന ചോദ്യത്തിന് അത് കൂട്ടുകാരെന്ന് വിശദീകരണം; എസ് എം എസ് ഉത്തരത്തിന്റെ പ്രിന്റ് ഔട്ട് കാട്ടിയപ്പോൾ വിയർത്തു കുളിച്ച് എസ് എഫ് ഐ നേതാക്കൾ; ജയിലിൽ പ്രതികൾക്ക് 'പി എസ് സി പരീക്ഷ' മാർക്ക് പൂജ്യവും; ശിവരഞ്ജിത്തും നസീമും പെട്ടുപോയത് ഇങ്ങനെ
ലീവെടുക്കാതെയും ഡിപ്പാർട്ടുമെന്റിൽ അറിയിക്കാതെയും പൂണെയിൽ എൽഎൽബി പഠനം; കള്ള ഒപ്പിട്ട് ശമ്പളവും ആനുകൂല്യങ്ങളും കൈപ്പറ്റിയതോടെ പിടിയിലായി; തെറ്റു സമ്മതിച്ച ഉദ്യോഗസ്ഥനെ പിരിച്ചുവിടാൻ ശുപാർശ ചെയ്ത് പിഎസ്‌സിയും; ഡെന്റൽ കോളേജിലെ പഴയ നൈറ്റ് വാച്ച്മാനെ ഇനി ഡെപ്യൂട്ടി സെക്രട്ടറിയാക്കും; ജേക്കബ് തോമസിനെ പുറത്തു നിർത്തുന്ന പിണറായി ഗിരീഷ് കുമാറിന് നൽകുന്നത് നവോത്ഥാനം: സെക്രട്ടറിയേറ്റിലെ 'ഒരു മിടുമിടുക്കൻ നേതാവിന്റെ' വളർച്ചയുടെ കഥ
ബഹറിനിലെ അഴിക്കുള്ളിൽ ഒന്നര മാസം കിടന്നത് ഗോകുലം ഗോപാലന്റെ മൂത്ത മകൻ; ബൈജു ഗോപാലൻ ജയിൽ മോചിതനായെന്നും സൂചന; ബിസിനസ് ഡീലിലെ ചതിക്കുഴികളാണ് പ്രശ്‌നങ്ങൾക്ക് കാരണമെന്നും വിശദീകരണം; പ്രശ്‌നം മുഴുവൻ പരിഹരിച്ചെന്നും റിപ്പോർട്ട്; ചിട്ടി കമ്പനിയും മെഡിക്കൽ കോളേജും സിനിമ നിർമ്മാണവും വാട്ടർ കമ്പനിയും നക്ഷത്ര ഹോട്ടലുകളുമുള്ള വമ്പൻ വ്യവസായിയുടെ മകന്റെ അറസ്റ്റ് കേട്ട് ഞെട്ടി മലയാളികൾ; ഫ്‌ളവേഴ്‌സ് ചാനൽ ഉടമയുടെ കുടുംബാംഗത്തിന്റെ ജയിൽ വാസത്തിൽ ദുരൂഹത തുടരുന്നു
സ്‌കൂളിൽ തല കറങ്ങി വീണ പന്ത്രണ്ടുകാരി; അദ്ധ്യാപകർ ആശുപത്രിയിൽ എത്തിയപ്പോൾ അറിഞ്ഞത് ഗർഭിണിയെന്ന വിവരം; അബോർഷൻ നടന്നപ്പോൾ ചൈൽഡ് ലൈനുകാരും ഓടിയെത്തി; പുറത്തു വന്നത് പതിനൊന്നുകാരന്റെ പീഡന കഥ; ബന്ധുവായ ബാലനെതിരെ ബലാത്സംഗം കുറ്റം ചുമത്തി പോക്‌സോ കേസെടുത്ത് പൊലീസ്; പീഡനം നടന്നത് രണ്ട് കുട്ടികളും ഒരു വീട്ടിൽ താമസിക്കുമ്പോൾ; പീഡനം തെളിയിക്കാൻ ഇനി ഡിഎൻഎ ടെസ്റ്റ്; കേരളം ചർച്ച ചെയ്യുന്ന വിചിത്ര പീഡനക്കേസ് ഇങ്ങനെ
നിന്റെ തന്ത കറിയ തന്നെയാണെങ്കിൽ കിട്ടിയ അടിയുടെയും ഇടിയുടെയും നിലവിളിയുടെയും വീഡിയോ പുറത്തുവിടെടാ...ഊളെ എന്ന തെറ്റിദ്ധരിപ്പിക്കൽ പോസ്റ്റുമായി പ്രീജിത്ത് രാജ്; രഹസ്യ ക്യാമറ വെച്ചെന്ന് പരസ്യമായി വിളിച്ചു പറയുന്ന 'സ്‌കങ്കറിയ' പേടിയുടെ അവസ്ഥാന്തരമെന്ന് ദീപാ നിശാന്ത്; നാണമില്ലാത്തവന്റെ ആസനത്തിൽ ആൽ മുളച്ചാൽ അതുമൊരു തണൽ എന്ന് സുനിതാ ദേവദാസിന്റെ ഉപദേശവും: വിനു ജോണിനെ കടന്നാക്രമിക്കുന്നവർ മറുനാടനേയും വെറുതെ വിടുന്നില്ല; വ്യാജ ആരോപണവുമായി വീണ്ടും സൈബർ സഖാക്കൾ
ശ്രീറാമിനെ വഫ വണ്ടിയിൽ കയറ്റിയ കവടിയാർ കൊട്ടാരത്തിനു സമീപത്ത് അവിടെ നടന്നതിനെല്ലാം സാക്ഷിയായി ബഷീറും ഉണ്ടായിരുന്നിരിക്കാം; ആ ഫോൺ കണ്ടെടുക്കാൻ സാധിച്ചാൽ കേസിന്റെ കഥ മാറും; പൊലീസുകാരൻ രാത്രി 1.56ന് ഫോണിലേക്ക് വിളിച്ചിരുന്നു; മറുതലയ്ക്കൽ ആരോ ഫോൺ എടുക്കുകയും കട്ട് ചെയ്യുകയും ചെയ്തു; അതിനു ശേഷം ആ ഫോൺ ഓൺ ആയിട്ടില്ല: മ്യൂസിയത്തിലെ അപകടത്തിലെ ദുരൂഹത ചർച്ചയാക്കി സോഷ്യൽ മീഡിയ: അന്വേഷണത്തിൽ നിറയുന്നത് കള്ളക്കളികൾ തന്നെ
അടിയന്തര ബ്രേക്കിങ്! അയൽവാസിയെ കേറിപ്പിടിച്ചതിന് വിനു വി ജോൺ എന്നയാളെ നാട്ടുകാർ എടുത്തിട്ട് പെരുമാറി: ചാനൽ അവതാരകനെതിരെ വ്യാജ വിവരം പോസ്റ്റ് ചെയ്തത് ഡിവൈഎഫ്‌ഐയുടെ താനൂർ മേഖലാ സെക്രട്ടറി; അപമാനിക്കൽ പോസ്റ്റിനെതിരെ ഡിജിപിക്ക് പരാതി നൽകാൻ ഏഷ്യാനെറ്റ് ന്യൂസ് മാധ്യമ പ്രവർത്തകൻ; സഖാക്കളുടെ സൈബർ ഗുണ്ടായിസത്തിന്റെ വികൃത മുഖം കണ്ട് ഞെട്ടി സോഷ്യൽ മീഡിയ; കേസും അറസ്റ്റും ഒഴിവാക്കാൻ ന്യായീകരണത്തിന്റെ പുതു തന്ത്രവുമായി ഷിഹാബ് അമനും
ദുരിതാശ്വാസനിധിയിൽ വേഗം പണമെത്തി, എന്നാൽ പണം വേഗത്തിൽ അർഹതപ്പെട്ടവരിലേക്ക് എത്തിയില്ല; നമുക്കൊരു മുഖ്യമന്ത്രിയുണ്ട്, മന്ത്രിമാരുണ്ട്, എംപിമാരുണ്ട്, എംഎൽഎമാരുണ്ട്.. ഒരു സംവിധാനം മുഴുവൻ ഉണ്ട്; എന്നിട്ടും ജനങ്ങളിലേക്ക് എന്തുകൊണ്ട് സഹായം എത്തുന്നില്ല? സർക്കാറിനെ വിമർശിച്ച ധർമ്മജൻ ബൊൾഗാട്ടിയെ പച്ചത്തെറി വിളിച്ച് സിപിഎം സൈബർ പോരാളികൾ; നിന്നെ എടുത്തോളാം.. എന്നു ഭീഷണിപ്പെടുത്തി തെറിവിളികൾ
കേരളത്തിൽ ഇപ്പോൾ നടക്കുന്നത് ഹിറ്റ്‌ലർ ഭരണമാണ് എന്ന് ആർക്കെങ്കിലും ഇനി സംശയമുണ്ടോ? സർക്കാരിന്റെ ധൂർത്തിനെതിരെ നിലപാട് എടുത്ത മറുനാടനെതിരെ കേസ് രജിസ്റ്റർ ചെയ്ത് കേരളാ പൊലീസ്; ചാർജ് ചെയ്തിരിക്കുന്നത് പൊലീസിനേയോ ഫയർഫോഴ്‌സിനേയോ ആംബുലൻസിനേയോ തെറ്റിധരിപ്പിക്കുന്ന തരത്തിൽ പെരുമാറിയതിന്; കേരളാ സർക്കാരിന്റെ ധൂർത്തിനെതിരെ പ്രതികരിച്ച 19 പേർക്കെതിരെ കള്ളക്കേസ്; അസഹിഷ്ണതയുടെ പേരിൽ കേന്ദ്രത്തെ നിരന്തരം വിമർശിക്കുന്ന കമ്മ്യൂണിസ്റ്റ് സർക്കാരിന്റെ 'സഹിഷ്ണുത'യുടെ കഥ
പ്രിഡിഗ്രി കാലത്തെ പ്രണയം അസ്ഥിക്ക് പിടിച്ചത് മഹാരാജാസിലെ ഡിഗ്രിക്കാലത്ത്; എന്തു വന്നാലും മനസ്സിലെ ആഗ്രഹം പറയാൻ ചെന്ന വാലന്റൈന് കിട്ടിയത് വിവാഹത്തിന് സമ്മതമെങ്കിൽ മാത്രം സൗഹൃദമെന്ന സന്തോഷിപ്പിക്കുന്ന പാട്ടുകാരന്റെ മറുപടിയും; അടുത്ത പ്രണയ ദിനത്തിൽ കിട്ടിയത് 'എന്റെ ഭാര്യയ്ക്ക്' എന്നു പറഞ്ഞെഴുതിയ പ്രണയ ലേഖനം; എല്ലാവരുടേയും സമ്മതത്തോടെ വിവാഹവും; ശ്രീലത മായുമ്പോൾ ബിജു നാരായണനെ ആശ്വസിപ്പിക്കാനാകാതെ സുഹൃത്തുക്കളും ബന്ധുക്കളും
വിവാഹം കഴിഞ്ഞ അബുദാബിക്കാരി! ആഗ്രഹിച്ചത് കേരളത്തിലെ ഉന്നതരുടെ അടുത്ത സുഹൃത്താകാൻ; മോഡലായി തിളങ്ങിയതും സ്വപ്‌ന സമാനമായ സൗഹൃദങ്ങളുടെ കാവൽക്കാരിയാകാൻ; ശ്രീറാം വെങ്കിട്ടരാമനൊപ്പം ഉണ്ടായിരുന്നത് മലയാളിയായ പ്രവാസി യുവതി തന്നെ; ആഘോഷിച്ചത് കൂട്ടുകാരന്റെ പഠനം കഴിഞ്ഞുള്ള മടങ്ങി വരവും; നിവർത്തിയില്ലാതെ ഐഎഎസ് സുഹൃത്തിനെ തള്ളി പറഞ്ഞ് ഒടുവിൽ മലക്കം മറിച്ചിൽ; മ്യൂസിയത്തെ അപകടത്തിൽ വിവാദത്തിലാകുന്നത് വാഫാ ഫിറോസ് എന്ന പട്ടം മരപ്പാലത്തുകാരി
ശബരിമല ഓപ്പറേഷന് ചുക്കാൻ പിടിച്ച എസ്‌പി ഹരിശങ്കർ ഐപിഎസിന്റെ അമ്മായിഅപ്പൻ; ഇടതുപക്ഷത്തോട് അടുപ്പമുള്ള പഴയ എസ് എൻ ഡി പി നേതാവ്; മേൽപ്പാലത്തിൽ ക്രമക്കേട് കണ്ടെത്തിയ അസിസ്റ്റന്റ് ഏക്‌സിക്യുട്ടീവ് എൻജിനിയർ ചർച്ചയാക്കിയത് എം സി റോഡിൽ കോട്ടയം സംക്രാന്തിയിലെ പാലം കുളമാക്കിയ കോൺട്രാക്ടറുടെ മറ്റൊരു കള്ളക്കളി; ശ്രീധന്യയും കളിമാനൂർ ചന്ദ്രബാബുവും സുധാകര മന്ത്രിക്ക് വേണ്ടപ്പെട്ടവർ; വൈറ്റിലയിൽ സത്യം മറയ്ക്കാൻ ശ്രമിക്കുന്നത് സിപിഎം ബന്ധമുള്ള അതിവിശ്വസ്തനെ രക്ഷിച്ചെടുക്കാൻ തന്നെ
ചതിച്ചതാണ്.. എന്നെ ചതിച്ചതാണ്; ചാനൽ പരിപാടിക്കിടെ കുടിവെള്ളം എന്നപേരിൽ എല്ലാവർക്കും കൊടുക്കുന്ന ഗ്ലാസിന് പകരം എനിക്ക് വേറൊരു ഗ്ലാസിൽ എന്തോ തന്നു; പിന്നീട് ഞാൻ പറഞ്ഞതൊന്നും സ്വബോധത്തോടെയല്ല; പരിപാടി കഴിഞ്ഞ് അരമണിക്കൂർ കഴിഞ്ഞിട്ടും തലയുടെ മത്ത് മാറിയിട്ടില്ല; ഈ ചാനൽ പരിപാടിയിൽ ഞാൻ പറഞ്ഞതൊക്കെ ഈ രീതിയിലെ കാണാവൂ എന്ന് മോഹനൻ വൈദ്യർ; ട്വന്റിഫോർ ന്യൂസിലെ ജനകീയകോടതി പരിപാടിയിൽ ഉത്തരം മുട്ടിയപ്പോൾ പുതിയ അടവുമായി വിവാദ ചികിൽസകൻ
അടിച്ചു പൂസായി കാൽ നിലത്തുറയ്ക്കാത്ത നിലയിൽ കാറിൽ നിന്ന് ഇറങ്ങിയത് മൂന്നാറിനെ വിറപ്പിച്ച ഐഎഎസുകാരൻ; ഒപ്പം ഉണ്ടായിരുന്നത് പെൺ സുഹൃത്തും; വണ്ടിയോടിച്ചത് താനല്ല കൂട്ടുകാരിയാണെന്ന് പറഞ്ഞിട്ടും സ്ത്രീയുടെ മെഡിക്കൽ എടുക്കാൻ പോലും മടിച്ച് പൊലീസ്; ശ്രീറാം വെങ്കിട്ടരാമന്റെ കാറിടിച്ചു കൊന്നത് തലസ്ഥാനത്തെ സൗമ്യനായ പത്രക്കാരനെ; സിറാജിലെ ബഷീറിന്റെ ജീവനെടുത്തത് അമിത വേഗതയിലെ അലക്ഷ്യമായ ഡ്രൈവിങ്; മ്യൂസിയത്തെ ആക്‌സിഡന്റിൽ ഇനി നിർണ്ണായകം സിസിടിവി
റിട്ട.ഐഎഎസ് ഉദ്യോഗസ്ഥന്റെ കൈയിലെ രേഖ പുറത്ത്; ഓർത്തഡോക്‌സ്-യാക്കോബായ സഭാതർക്കത്തിൽ വൻവഴിത്തിരിവ്; 1934ലെ ഭരണഘടനയുടെ കയ്യെഴുത്ത് പ്രതി കോടതിയിലും മന്ത്രിസഭാ ഉപസമിതിയിലും സമർപ്പിച്ച് യാക്കോബായ സഭ; അവകാശവാദം ഭരണഘടനയുടെ യഥാർഥ കോപ്പിയെന്ന്; ഭരണഘടന അന്ത്യോഖ്യാ പാത്രിയർക്കീസിന്റെ യഥാർത്ഥ അധികാരങ്ങൾ വിശദീകരിക്കുന്നതെന്ന് യാക്കോബായ സഭ; ഓർത്തഡോക്‌സ് സഭ അസൽ ഹാജരാക്കാതെ ഏകപക്ഷീയമായി ഭരണഘടന ഭേദഗതി ചെയ്‌തെന്ന വാദത്തിന് ഇനി ചൂടുകൂടും
ശ്രീറാം വെങ്കിട്ടരാമന്റെ അപകടത്തിൽ ഹണി ട്രാപ്പ് മണക്കുന്നു; വഫയുടെ ഉന്നത ബന്ധങ്ങളും മുഖ്യമന്ത്രിയുടെ നിലപാടും വ്യക്തമാക്കുന്നത് ചതിക്കപ്പെട്ടുവെന്ന് തന്നെ; വാഹനം ഓടിച്ചത് ശ്രീറാം തന്നെയോ എന്ന വിഷയം വീണ്ടും ചർച്ചയാകുന്നു; ശ്രീറാമിന്റെ പാർട്ടിയിൽ വഫയും ഉണ്ടായിരുന്നുവെന്ന് സംശയിച്ച് പൊലീസ്; മെറിൻ ജോസഫിന്റെ ദുരൂഹമായ ഇടപെടലും ചർച്ചയാകുന്നു; മാധ്യമ പ്രവർത്തകൻ ബഷീറിന്റെ അപകട മരണത്തിന് പിന്നിലെ യഥാർത്ഥ കാരണം അജ്ഞാതമോ?
കവടിയാറിൽ ശ്രീറാമും വഫയും നിൽക്കുന്നത് കണ്ട് ബഷീർ ഫോട്ടോ എടുത്തു? വൈരാഗ്യം തീർക്കാൻ പിന്തുടർന്ന് കാറിടിച്ചു കൊലപ്പെടുത്തിയതോ? മരിച്ച മാധ്യമ പ്രവർത്തകന്റെ മൊബൈൽ അപ്രത്യക്ഷമായതും ദുരൂഹം; ഒന്നര കിലോമീറ്റർ ദൂരത്തെ ക്യാമറകളെല്ലാം ഒരേസമയം കണ്ണടച്ചതും സംശയകരം; ശ്രീറാമിനെ കുടിപ്പിച്ച് ബോധം കെടുത്തിയത് ജില്ലാ കളക്ടറോ? മദ്യപരിശോധന താമസിപ്പിച്ചതും ജില്ലാ മജിസ്‌ട്രേട്ടെന്ന് ആരോപണം; മെറിൻ ജോസഫിന് പിന്നാലെ ഗോപാലകൃഷ്ണൻ ഐഎഎസും സംശയ നിഴലിൽ; പകച്ച് പൊലീസും
കെട്ടിടത്തിനകത്ത് എന്തായിരുന്നു പണി? മഴയും തണുപ്പും ആസ്വദിക്കാനെത്തിയതാണോ? ഞങ്ങളോടും സഹകരിച്ചിട്ട് പോയാൽ മതി; കയർത്തതോടെ കൈയേറ്റം; സിഫ്റ്റ് കാറിൽ നേതാക്കളെത്തിയത് കോളേജ് കെട്ടിടത്തിന് പുറത്തെ ഒഴിഞ്ഞ കോണിൽ മദ്യപിച്ച് ആർത്തുലസിക്കാൻ; മഴപ്പേടിയിൽ ഫയലുകൾ ഭദ്രമാക്കാൻ ഭർത്താവിനൊപ്പം എത്തിയ ജീവനക്കാരിക്ക് നേരെ സഖാക്കൾ നടത്തിയത് സദാചാരത്തിന്റെ വികൃത മുഖം; പൊലീസ് ശ്രമം സിപിഎമ്മുകാരെ രക്ഷിക്കാനും; പരുമലയിൽ ഹരികുമാറും അനൂപും വില്ലന്മാരാകുമ്പോൾ
വേദനകൾ ഇല്ലാത്ത ലോകത്തേക്ക് പറന്നകന്ന്‌ അനിതാ തച്ചങ്കരി; ഡിജിപി ടോമിൻ ജെ തച്ചങ്കരിയുടെ ഭാര്യ മരണത്തിന് കീഴടങ്ങിയത് പുലർച്ചെ മൂന്ന് മണിക്ക് കൊച്ചിയിലെ സ്വവസതിയിൽ; സംരംഭക എന്ന് പേരെടുത്ത അനിത മടങ്ങുന്നത് രണ്ടു പെൺമക്കളെയും കെട്ടിച്ചയച്ച സന്തോഷം ബാക്കിയാക്കി; ആദരാഞ്ജലികളുമായി കേരളം തമ്മനത്തെ വീട്ടിലേക്ക്
ഭാവി വധുവിനോടു പഴയകാമുകിയെ കണ്ടത് ഒരു വർഷം മുമ്പെന്ന് പറഞ്ഞ കള്ളം വിനയായി; ഒളിച്ചോട്ടകഥ പൊളിച്ചതുകൊച്ചിയിലെ കുടുസു വാടക മുറിയിൽ കണ്ട ബാങ്ക് പാസ്ബുക്കും ഐ ഡി കാർഡും; നല്ലപിള്ള ചമയാൻ ശ്രമിച്ച സൈനികൻ തരികിടയെന്ന് ഉറപ്പിച്ചത് ധനുവച്ചപുരത്ത് ആരെയും ഡ്രോപ്പ് ചെയ്തിട്ടില്ലെന്ന് തെളിയിക്കുന്ന സിസി ടി വി ദൃശ്യങ്ങൾ; രാഖിയുടെ കൊലപാതകിയെ കണ്ടെത്തിയത് പൂവാർ എസ്‌ഐയുടെ ഡിറ്റക്ടീവ് മനസ്: ഡിജിപി പോലും കൈയടിച്ച സബ് ഇൻസ്‌പെക്ടർ സജീവ് നെല്ലിക്കാടിന്റെ കഥ