സുവിശേഷം മഹാശ്ചര്യം എനിക്കും കിട്ടണം പണം..! സ്വയം പ്രഖ്യാപിത മെത്രാപ്പൊലീത്തയെ ക്ലബ്ബിലെത്തിച്ചതിനു പിന്നിൽ പ്രവർത്തിച്ചതാര്? അവരുടെ ലക്ഷ്യമെന്തായിരുന്നു? കെപി യോഹന്നാനിൽ നിന്ന് 15 ലക്ഷം ഇരുന്നു വാങ്ങിയവരെ തുറന്നുകാട്ടി മാദ്ധ്യമപ്രവർത്തകനും
മറുനാടൻ മലയാളി ബ്യൂറോ
തിരുവനന്തപുരം: സ്വയം പ്രഖ്യാപിത മെത്രോപൊലീത്ത കെപി യോഹാന്നാനിൽ നിന്ന് 15 ലക്ഷം രൂപ വാങ്ങിയാണ് തിരുവനന്തപുരം പ്രസ് ക്ലബ്ബിന്റെ ജൂബില ആഘോഷത്തിന് ഉദ്ഘാടകനാക്കിയതെന്ന മറുനാടൻ വാർത്ത സ്ഥിരീകരിച്ച് മാദ്ധ്യമ പ്രവർത്തകന്റെ ഫെയ്സ് ബുക്ക് പോസ്റ്റ്. മുതിർന്ന മാദ്ധ്യമ പ്രവർത്തകനായ വി എസ് ശ്യാംലാലാണ് തിരുവനന്തപുരം പ്രസ് ക്ലബ്ബിലെ കള്ളക്കളി തുറന്നു കാട്ടിയത്. 15 ലക്ഷത്തിന്റെ ഇടപെടൽ തിരുവനന്തപുരം പ്രസ് ക്ലബ്ബ് അംഗം കൂടിയായ ശ്യാംലാൽ സ്ഥിരീകരിക്കുന്നുണ്ട്. കഴിഞ്ഞ ദിവസം കോട്ടയം പ്രസ് ക്ലബ്ബ്്, സനൽ ഫിലിപ്പിന് നൽകിയ കാരണം കാണിക്കൽ നോട്ടീസിലെ കള്ളക്കളിയും ശ്യാം ലാൽ ഫെയ്സ് ബുക്കിലൂടെ തുറന്നു കാട്ടിയിരുന്നു.
ശ്യാംലാലിന്റെ ഫെയ്സ് ബുക്ക് പോസ്റ്റ് ഇങ്ങനെ
സുവിശേഷം പലവിധം
20160407_114838
അമേരിക്കയിലെ ടെക്സസിലുള്ള വിൽസ് പോയിന്റ് ആസ്ഥാനമാക്കി പ്രവർത്തിക്കുന്ന സഭയാണ് ഗോസ്പൽ ഫോർ ഏഷ്യ. 1978ൽ മലയാളിയായ കെ.പി.യോഹന്നാനാണ് ഇതു സ്ഥാപിച്ചത്. അമേരിക്കയ്ക്കു പുറമെ ഇന്ത്യ, കനഡ, ഓസ്ട്രേലിയ, ദക്ഷിണ കൊറിയ, ഫിൻലൻഡ് എന്നിവിടങ്ങളിലെല്ലാം ഈ സഭ വ്യാപിച്ചുകിടക്കുന്നു.
ഗോസ്പൽ ഫോർ ഏഷ്യയുടെ ഭാഗമായ ബിലീവേഴ്സ് ചർച്ച് ഓഫ് കേരളയുടെ മെത്രാപ്പൊലീത്തയാണ് കെ.പി.യോഹന്നാൻ. കഴിഞ്ഞ മാർച്ച് 17ന് രാജ്യസഭാ ഉപാദ്ധ്യക്ഷൻ പ്രൊഫ.പി.ജെ.കുര്യൻ മുഖേന യോഹന്നാൻ പ്രധാനമന്ത്രി നരേന്ദ്ര മോദിയെ കാണാൻ അവസരം നേടി. സർക്കാരിന്റെ ഗംഗാ ശുചീകരണ പദ്ധതിക്ക് ഒരു കോടി രൂപ സംഭാവന ചെയ്തു.
കഴിഞ്ഞ ദിവസം, കൃത്യമായി പറഞ്ഞാൽ ഏപ്രിൽ ഏഴിന് മെത്രാപ്പൊലീത്ത തിരുവനന്തപുരം പ്രസ് ക്ലബ്ബിലുമെത്തി. പ്രസ് ക്ലബ്ബിന്റെ സുവർണ്ണ ജൂബിലിക്കുള്ള 'റിസോഴ്സ് മൊബിലൈസേഷൻ' ഉദ്ഘാടനം ചെയ്യാനായിരുന്നു വരവ്. 15 ലക്ഷം രൂപ 'സംഭാവന' നൽകി അദ്ദേഹം ഉദ്ഘാടനം ഗംഭീരമാക്കി.
പ്രധാനമന്ത്രിയടക്കമുള്ള രാഷ്ട്രീയക്കാർക്കും പത്രക്കാർക്കുമൊക്കെ സംഭാവന നൽകണമെന്ന് മെത്രാപ്പൊലീത്തയ്ക്ക് തോന്നിയത് എന്താണാവോ? ഉത്തരം വളരെ ലളിതമാണ്. അടുത്തിടെ ഗോസ്പൽ ഫോർ ഏഷ്യക്കെതിരെ അമേരിക്കയിലും കനഡയിലും ചില ഫണ്ട് തട്ടിപ്പ് കേസുകൾ ഉണ്ടായിട്ടുണ്ട്. ഇതിന്റെ അന്വേഷണകേന്ദ്രം ഇന്ത്യയാണ്. രാഷ്ട്രീയക്കാരുടെ പിന്തുണ വേണ്ടി വരും. പത്രക്കാരുടെയും.
ഗോസ്പൽ ഫോർ ഏഷ്യക്കെതിരെ കനഡയിൽ ഒന്നിലേറെ പരാതികളുണ്ട്. ഒരു പരാതി നൽകിയത് ഒരു പാസ്റ്റർ തന്നെയാണ്. നോവ സ്കോട്ടിയ പ്രവിശ്യയിലെ ക്രിസ്റ്റ്യൻ ഫെല്ലോഷിപ്പ് ചർച്ച് ഓഫ് ന്യൂ ഗ്ലാസ്ഗോയിലെ പാസ്റ്റർ ബ്രൂസ് മോറിസൻ. കൃത്യമായ പഠനം നടത്തിയ ശേഷം തന്നെയാണ് ഗോസ്പൽ ഫോർ ഏഷ്യയെ വെല്ലുവിളിക്കാൻ അദ്ദേഹം തയ്യാറായിരിക്കുന്നത്. ഇതിനായി ഗോസ്പൽ ഫോർ ഏഷ്യയെ സംബന്ധിച്ച് 21 പേജുള്ള ധനകാര്യ പരിശോധനാ റിപ്പോർട്ട് പാസ്റ്റർ മോറിസൻ രൂപപ്പെടുത്തിയിട്ടുണ്ട്. 2007നും 2014നും ഇടയ്ക്ക് ലഭിച്ച 12.80 കോടി ഡോളർ അഥവാ 852.74 കോടി രൂപ അപ്രത്യക്ഷമായെന്നാണ് കണ്ടെത്തൽ. കനേഡിയൻ റവന്യൂ ഏജൻസിയിൽ ഗോസ്പൽ ഫോർ ഏഷ്യ തന്നെ സമർപ്പിച്ച കണക്കുകൾ പ്രകാരം 9.35 കോടി ഡോളർ അഥവാ 622.90 കോടി രൂപ ഇന്ത്യയിലേക്കു കൈമാറിയിട്ടുണ്ട്. എന്നാൽ, ഗോസ്പൽ ഫോർ ഏഷ്യയുടെ ഇന്ത്യൻ സന്നദ്ധസ്ഥാപനങ്ങളൊന്നും ഈ തുക കൈപ്പറ്റിയതായി രേഖയില്ല. സംഭാവനകൾ മുഴുവൻ സമ്പത്തു വാരിക്കൂട്ടുന്നതിന് വഴിവിട്ട് ചെലവഴിച്ചതിന്റെ തെളിവായാണ് കണക്കിലെ ഈ പൊരുത്തക്കേട് വിലയിരുത്തപ്പെടുന്നത്. ഒരാവശ്യത്തിനെന്നു പറഞ്ഞ് പണം പിരിച്ച് മറ്റൊരാവശ്യത്തിനു വിനിയോഗിക്കുന്നു എന്നു സാരം.
ഗോസ്പൽ ഫോർ ഏഷ്യ കനഡയുടെ മുൻ ബോർഡ് അംഗം തന്നെയായ ഗാരി ക്ലൂലിയാണ് കനഡയിലെ മറ്റൊരു പരാതിക്കാരൻ. കനേഡിയൻ റവന്യൂ ഏജൻസിയുടെ ചാരിറ്റീസ് ഡയറക്ടറേറ്റിനെയാണ് അദ്ദേഹം സമീപിച്ചിരിക്കുന്നത്. ഗോസ്പൽ ഫോർ ഏഷ്യയുടെ പ്രവർത്തനത്തെക്കുറിച്ചും സാമ്പത്തിക ഇടപാടുകളെക്കുറിച്ചും സമഗ്രാന്വേഷണം വേണമെന്നാണ് ക്ലൂലിയുടെയും ആവശ്യം.
സന്നദ്ധ പ്രവർത്തനങ്ങൾക്കുള്ള സംഭാവനകൾ സമ്പത്തു വർദ്ധിപ്പിക്കാൻ ദുരുപയോഗം ചെയ്തുവെന്നു കാട്ടിത്തന്നെയാണ് ഗോസ്പൽ ഫോർ ഏഷ്യക്കെതിരെ അമേരിക്കയിലെ കേസ്. ആർകൻസസ് ജില്ലാ കോടയിതിൽ ജെന്നിഫർ ഡിക്സൻ, മാത്യു ഡിക്സൻ എന്നിവരുടെ നേതൃത്വത്തിലാണ് ഹർജി ഫയൽ ചെയ്തിരിക്കുന്നത്. ലാഭമുണ്ടാക്കുന്ന വ്യവസായങ്ങൾ നടത്താനും ആഡംബരം നിറഞ്ഞ ആസ്ഥാനവും സ്വകാര്യ വസതിയും പണിതുയർത്താനും ഒരു അന്താരാഷ്ട്ര സ്പോർട്സ് ടീമിനെ സ്പോൺസർ ചെയ്യാനും ഓഹരിക്കമ്പോളത്തിൽ ഊഹക്കച്ചവടം നടത്താനും സംഭാവനകൾ വിനിയോഗിച്ചുവെന്ന് തെളിവുകൾ നിരത്തി ആരോപിച്ചിരിക്കുന്നു.
ആരോപണങ്ങളിൽ കഴമ്പുണ്ടെന്നു വിശ്വസിക്കാൻ പ്രേരിപ്പിക്കുന്ന ഒരു നടപടി ഗോസ്പൽ ഫോർ ഏഷ്യക്കെതിരെ അമേരിക്കയിൽ ഉണ്ടായി. വെർജീനിയ ആസ്ഥാനമാക്കി പ്രവർത്തിക്കുന്ന ഇവാഞ്ചലിക്കൽ കൗൺസിൽ ഫോർ ഫിനാൻഷ്യൽ അക്കൗണ്ടബിലിറ്റി കഴിഞ്ഞ ഒക്ടോബറിൽ ഗോസ്പൽ ഫോർ ഏഷ്യയെ അംഗത്വത്തിൽ നിന്നു പുറത്താക്കി. മറ്റു പല കാരണങ്ങൾക്കൊപ്പം ധനവിനിയോഗം, ഭരണസംവിധാനം എന്നിവയിലും കൗൺസിൽ മാനദണ്ഡങ്ങൾ പാലിക്കാൻ പരാജയപ്പെട്ടതിന്റെ പേരിലായിരുന്നു നടപടി.
അമേരിക്കയിലെ ക്രിസ്തുമത വിശ്വാസികളുടെ ദീനാനുകമ്പ സ്വാർത്ഥലാഭത്തിനായി ഗോസ്പൽ ഫോർ ഏഷ്യ ദുരുപയോഗം ചെയ്യുന്നുവെന്നാണ് പ്രധാന ആരോപണം. 2007നും 2013നുമിടയിൽ മാത്രം അമേരിക്കയിൽ നിന്ന് ഗോസ്പൽ ഫോർ ഏഷ്യ 45 കോടി ഡോളർ അഥവാ 2,998 കോടി രൂപ പിരിച്ചിട്ടുണ്ട്. പാവപ്പെട്ടവരിൽ പാവപ്പെട്ടവർക്ക് ഭക്ഷണം, പലവ്യജ്ഞനങ്ങൾ എന്നിവയ്ക്കൊപ്പം ക്രൈസ്തവ സന്ദേശവും പ്രദാനം ചെയ്യാൻ ഈ തുക വിനിയോഗിക്കുന്നു എന്നാണ് ഗോസ്പൽ ഫോർ ഏഷ്യ പറയുന്നത്. ഈ അവകാശവാദം പച്ചക്കള്ളമാണെന്നും ഗോസ്പൽ ഫോർ ഏഷ്യ പിരിച്ച പണം മുഴുവൻ മടക്കിനൽകാൻ നിർദ്ദേശിക്കണമെന്നും ആർകൻസസ് കോടതിയിലെ ഹർജിയിൽ ആവശ്യപ്പെടുന്നു.
അമേരിക്കയിൽ ലാഭം ലക്ഷ്യമാക്കാത്ത മതസംഘടന എന്ന നിലയിൽ 501(സി)(3) വകുപ്പ് പ്രകാരം ഇന്റേർണൽ റെവന്യൂ സർവ്വീസിൽ രജിസ്റ്റർ ചെയ്തിട്ടുള്ളതിനാൽ ഗോസ്പൽ ഫോർ ഏഷ്യക്ക് കണക്കുകളൊന്നും അവിടെ ബോധിപ്പിക്കേണ്ടതില്ല. എന്നാൽ, അത്തരം ഇളവുകളൊന്നും ഇന്ത്യയിലില്ല. 2010ലെ ഇന്ത്യൻ ഫോറിൻ കോൺട്രിബ്യൂഷൻ റെഗുലേഷൻ ആക്ട് പ്രകാരം അണപൈ നിരക്കിലുള്ള കണക്കുകൾ നൽകിയേ മതിയാകൂ. അതിനാൽത്തന്നെ അമേരിക്കയിലെയും കനഡയിലെയും നിയമപോരാട്ടങ്ങൾ പ്രധാനമായും ലക്ഷ്യമിടുന്നത് ഗോസ്പൽ ഫോർ ഏഷ്യയുടെ ഇന്ത്യൻ കണക്കുകളാണ്. സംഭാവനകളുമായി മെത്രാപ്പൊലീത്ത നേരിട്ടിറങ്ങിയതിന്റെ കാരണവും മറ്റൊന്നല്ല.
രാജ്യസഭാ ഉപാദ്ധ്യക്ഷന്റെ സ്വാധീനം പ്രയോജനപ്പെടുത്തിയപ്പോൾ പ്രധാനമന്ത്രിയെ കാണാൻ ബുദ്ധിമുട്ടുണ്ടായില്ല. ഒരു കോടി ഗംഗയിലൊഴുക്കിയെങ്കിലെന്ത്, സംരക്ഷിക്കാൻ പോകുന്നത് പല കോടികളല്ലേ! സർക്കാർ കഴിഞ്ഞാൽ പിന്നെ പിടിക്കേണ്ടത് പത്രക്കാരാണ്. അതിന് ഏറ്റവും പറ്റിയ സ്ഥലം തിരുവനന്തപുരം പ്രസ് ക്ലബ്ബ് തന്നെ. പക്ഷേ, ആ ദുഷ്പേര് തിരുവനന്തപുരം പ്രസ് ക്ലബ്ബിന് വേണ്ട. വർഷാവർഷം പ്രസ് ക്ലബ്ബിന്റെ ഭാരവാഹികളായി വരുന്ന ചിലരുടെ ചെയ്തികൾ തിരുവനന്തപുരത്തെ പത്രപ്രവർത്തക സമൂഹത്തിന്റെയാകെ മാനംകെടുത്തുന്ന നിലയിലേക്ക് വളർന്നിരിക്കുന്നു.
ഏതെങ്കിലും വിവാദമുണ്ടാവുമ്പോൾ അതിൽ നായകനായ വ്യക്തി സംഭാവനയുമായി തിരുവനന്തപുരം പ്രസ് ക്ലബ്ബിൽ പ്രത്യക്ഷപ്പെടുന്നത് ആദ്യമായല്ല. രണ്ടു വർഷം മുമ്പുണ്ടായ ഒരു സംഭവം പറയാം. ആറാട്ടുപുഴയിൽ സ്വകാര്യ കമ്പനിക്ക് കരിമണൽ ഖനനത്തിന് അനുമതി നൽകാനുള്ള സർക്കാർ നീക്കം വിവാദമാവുന്നു. അതിനെതിരെ എല്ലാ മാദ്ധ്യമങ്ങളും ശക്തമായി വാർത്ത കൊടുക്കുന്നു. പൊടുന്നനെ ആരോപണവിധേയമായ സ്ഥാപനം കൊച്ചിൻ മിനറൽസ് ആൻഡ് റൂട്ടൈൽസിന്റെ മാനേജിങ് ഡയറക്ടർ എസ്.എൻ.ശശിധരൻ കർത്താ 'മീറ്റ് ദ പ്രസ്' എന്ന പേരിൽ ക്ലബ്ബിൽ അവതരിപ്പിക്കപ്പെടുന്നു. പത്രസമ്മേളനത്തിൽ പത്രക്കാരെല്ലാം വെറും പിച്ചക്കാർ എന്ന നിലയിൽ അതിഥി പെരുമാറുന്നു. ക്ലബ്ബിന് കനത്തൊരു തുക സംഭാവനയായി നൽകിയിട്ട് ടിയാൻ വിടവാങ്ങുന്നു. 10 ലക്ഷം രൂപയായിരുന്നു പ്രഖ്യാപനം എന്നാണ് ഓർമ്മ. ഇടനിലക്കാരും ക്ലബ്ബ് ഭാരവാഹികളും ഹാപ്പി.
പക്ഷേ, ആത്മാഭിമാനമുള്ള മാദ്ധ്യമപ്രവർത്തകർ വെറുതെയിരുന്നില്ല. അടുത്ത ജനറൽ ബോഡിയിൽ ഈ 'സംഭാവന' ആരോപണസ്വഭാവത്തിൽ തന്നെ ഉയർന്നു. സംശയത്തിന്റെ നിഴലിൽ നിൽക്കുന്നവരിൽ നിന്ന് സംഭാവന സ്വീകരിക്കരുതെന്ന് അംഗങ്ങൾ ഒന്നടങ്കം ആവശ്യപ്പെട്ടു. ഒടുവിൽ കർത്തായെ ക്ലബ്ബിലെത്തിച്ചതിന്റെ ഉത്തരവാദിത്വം പരസ്പരം ചുമലിൽ ചാരി രക്ഷപ്പെടാൻ ശ്രമിക്കുന്ന ഭാരവാഹികളെയും കണ്ടു. കർത്താ വന്നതിന്റെ ഉത്തരവാദിത്വം ഏറ്റെടുക്കാൻ ആരും തയ്യാറല്ല! ഇത്തരം നടപടികൾ മേലിൽ ആവർത്തിക്കരുതെന്ന് അന്നത്തെ ജനറൽ ബോഡി തീരുമാനിച്ചു. കർത്തായിൽ നിന്നു ലഭിച്ച പണം അല്ലെങ്കിൽ കർത്താ നൽകുമെന്ന് പ്രഖ്യാപിച്ച പണം പൂർണ്ണമായി ക്ലബ്ബ് അക്കൗണ്ടിൽ എത്തിയില്ല എന്നത് പിൽക്കാലത്ത് കണ്ടുപിടിക്കപ്പെട്ടത് വേറെ കാര്യം.
ആ ജനറൽ ബോഡിയുടെ തീരുമാനം നിൽക്കുമ്പോൾ തന്നെയാണ് സമാന സാഹചര്യങ്ങളിൽ ആരോപണവിധേയനായ മെത്രാപ്പൊലീത്ത യോഹന്നാൻ പ്രസ് ക്ലബ്ബിലേക്ക് കഴിഞ്ഞ ദിവസം ആനയിക്കപ്പെട്ടത് 'റിസോഴ്സ് മൊബിലൈസേഷൻ' എന്ന ഓമനപ്പേരിൽ. യോഹന്നാനെതിരായ ആരോപണം ശരിയാകാം തെറ്റാകാം പക്ഷേ, കേരളമൊഴികെ എല്ലായിടത്തുമുള്ള മാദ്ധ്യമങ്ങളിൽ ഗോസ്പൽ ഫോർ ഏഷ്യ നടത്തിയ സാമ്പത്തിക ക്രമക്കേടുകളെക്കുറിച്ച് വാർത്തകൾ വരുന്നുണ്ട്. ഗൂഗിൾ ന്യൂസിൽ ഗോസ്പൽ ഫോർ ഏഷ്യ എന്നൊന്നു പരതി നോക്കിയാൽ മതി, പട പടേന്ന് വരും. ആ നിലയിൽ അദ്ദേഹം സംശയത്തിന്റെ നിഴലിൽ തന്നെയാണ്. ജനറൽ ബോഡി തീരുമാനം എത്ര വർഷം മുമ്പെടുത്തതാണെങ്കിലും അതു നിലനിൽക്കും. ഇപ്പോഴത്തെ ഭാരവാഹികൾ അതു ശ്രദ്ധിച്ചില്ല, അല്ലെങ്കിൽ അവഗണിച്ചു.
പ്രസ് ക്ലബ്ബിന്റെ ദൈനംദിന ഭരണച്ചുമതല നിറവേറ്റുന്നത് ഭരണസമിതി ആണെങ്കിലും അന്തിമവാക്ക് ജനറൽ ബോഡിയുടേതാണ്. ഏതു പുതിയ പദ്ധതി നടപ്പാക്കുന്നതിനും ജനറൽ ബോഡിയുടെ മുൻകൂർ അനുമതി വേണം. പുതിയ ഭരണസമിതി സ്ഥാനമേൽക്കുന്ന വേളയിൽ പ്രസ് ക്ലബ്ബ് സുവർണ്ണ ജൂബിലി ആഘോഷത്തെപ്പറ്റി പരാമർശമുണ്ടായി എന്നല്ലാതെ അതു സംബന്ധിച്ച ഒരു പദ്ധതി അവതരിപ്പിക്കുകയോ ജനറൽ ബോഡിയുടെ അംഗീകാരം നേടുകയോ ചെയ്തിട്ടില്ല. Press club golden jubilee resource mobilisation inauguration at 11:00am on April 7th at Fourth Estate Hall by Dr.K.P.Yohannan Mteropolitan Secretary എന്ന എസ്.എം.എസ്. ഏപ്രിൽ ഏഴിനു തന്നെ രാവിലെ 9.17ന് കിട്ടിയപ്പോൾ മാത്രമാണ് അംഗങ്ങൾ ഇക്കാര്യമറിഞ്ഞത്. എന്തിന് പല ഭരണസമിതി അംഗങ്ങളും വിവരമറിഞ്ഞത് അപ്പോൾ മാത്രമാൺ
മെത്രാപ്പൊലീത്തയെ ക്ലബ്ബിലെത്തിച്ചതിനു പിന്നിൽ പ്രവർത്തിച്ചതാര്? അവരുടെ ലക്ഷ്യമെന്തായിരുന്നു? കഴിഞ്ഞ 10 മാസമായി മെത്രാപ്പൊലീത്തയുടെ ഡേറ്റ് കിട്ടാൻ ശ്രമിക്കുന്നു എന്നാണ് പ്രസിഡന്റ് ആർ.അജിത് കുമാർ പറഞ്ഞത്. അദ്ദേഹത്തെ അവിശ്വസിക്കേണ്ട കാര്യമില്ല. പക്ഷേ, കഴിഞ്ഞ 10 മാസം നൽകാതിരുന്ന ഡേറ്റ് യോഹന്നാൻ ഇപ്പോൾ പെട്ടെന്നു നൽകിയതെന്തെന്ന് നമ്മൾ ചിന്തിക്കേണ്ടതല്ലേ? ജനറൽ ബോഡിയുടെ അംഗീകാരമില്ലാതെ സുവർണ്ണ ജൂബിലി നടപടികൾ തുടങ്ങിയത് തെറ്റ്. സംശയത്തിന്റെ നിഴലിൽ നിൽക്കുന്നവരെ ക്ലബ്ബിലേക്ക് ആനയിക്കരുതെന്ന പഴയ ജനറൽ ബോഡി തീരുമാനം ലംഘിച്ചത് അതിലും വലിയ തെറ്റ്.
സുവിശേഷം മഹാശ്ചര്യം
എനിക്കും കിട്ടണം പണം..
അമേരിക്കയിലും കനഡയിലും നടക്കുന്ന കാര്യങ്ങൾ അറിഞ്ഞില്ല എന്ന് പ്രസ് ക്ലബ്ബ് ഭാരവാഹികൾ പറഞ്ഞേക്കാം. അവരെ കുറ്റം പറയാനാവില്ല. കേരളത്തിലെ മാദ്ധ്യമങ്ങളൊന്നും തന്നെ ഇക്കാര്യങ്ങൾ അറിഞ്ഞ മട്ട് കാണിച്ചിട്ടില്ല. താല്പര്യമില്ലാത്തതിനാലാവാം. മെത്രാപ്പൊലീത്ത മഹാനാണെന്ന് കേരളത്തിലെ മാദ്ധ്യമങ്ങൾക്കെല്ലാം നേരത്തേ തന്നെ ബോദ്ധ്യപ്പെട്ടിട്ടുള്ളതാണെന്ന് 'റിസോഴ്സ് മൊബിലൈസേഷൻ' വേദിയിൽ പ്രസംഗിച്ചുകേട്ടു. ആദ്യഘട്ടത്തിൽ തന്നെ ദ്രോഹിച്ചവരെ പിന്നീട് കുഞ്ഞാടുകളാക്കിയ വഴികൾ മെത്രാപ്പൊലീത്തയും വിശദീകരിച്ചു. പ്രധാനമന്ത്രിയെ കണ്ട കാര്യവും പറഞ്ഞു. നരേന്ദ്ര മോദി മഹാനാണെന്നും ഓരോ നിമിഷവും അദ്ദേഹം ഇന്ത്യയുടെ ഭാവിയെക്കുറിച്ചു മാത്രമാണ് ചിന്തിക്കുന്നതെന്നും സർട്ടിഫിക്കറ്റും നൽകി.
ഈ കുറിപ്പ് എഴുതുന്നതിനു മുമ്പ് പ്രസിഡന്റിനെയും സെക്രട്ടറിയെയും ഇക്കാര്യത്തിലുള്ള എന്റെ എതിരഭിപ്രായം അറിയിച്ചിട്ടുണ്ട്. സുവർണ്ണ ജൂബിലി 'റിസോഴ്സ് മൊബിലൈസേഷൻ' പോലൊരു പ്രധാനപ്പെട്ട ചടങ്ങിൽ അജ്ഞാതമായ കാരണങ്ങളാൽ സെക്രട്ടറി എസ്.എൽ.ശ്യാമിനെ കണ്ടില്ല. വ്യക്തിപരമായ ആവശ്യങ്ങൾ കൊണ്ടായിരിക്കാം ശ്യാമിന് പങ്കെടുക്കാനാവാതെ പോയത്, എനിക്ക് അറിയില്ല. എന്തിനാണ് ഈ കുറിപ്പ് എന്ന ചോദ്യം എന്നോടുണ്ടാവാം. പ്രസ് ക്ലബ്ബിന്റെ പേരിൽ നടക്കുന്ന കാര്യങ്ങൾ ജനം കാണുന്നുണ്ട്. ചില മഹാന്മാരുടെ ലീലാവിലാസങ്ങൾ വാർത്താവാരികകൾക്ക് കവർ സ്റ്റോറി പോലുമാകുന്നുണ്ട്. പക്ഷേ, പുറംലോകമറിയുന്ന ഈ ദുഷിപ്പുകളിൽ തിരുവനന്തപുരം പ്രസ് ക്ലബ്ബിൽ അംഗങ്ങളായ പത്രക്കാരിൽ 95 ശതമാനത്തിനും പങ്കാളിത്തമില്ല എന്ന് ആരെങ്കിലും പറയണ്ടേ? ദുഷിപ്പ് ബാധിച്ച അഞ്ച് ശതമാനത്തിൽ ഉൾപ്പെടുന്നില്ലെന്ന് എന്റെ കാര്യം ഞാൻ പറയണ്ടേ?
ഞങ്ങളെ വിറ്റുതിന്നാൻ ഭാരവാഹികളിൽ ചിലർക്ക് ഞങ്ങൾ അനുമതി കൊടുത്തിട്ടില്ല. അത്ര തന്നെ..
Posted by VS Syamlal on Friday, April 8, 2016
Stories you may Like
- TODAY
- LAST WEEK
- LAST MONTH
- കള്ളനോട്ട് അച്ചടിച്ചത് എടിഎമ്മിലൂടെ മാറ്റിയെടുക്കാൻ; നിക്ഷേപിച്ച നോട്ടുകൾ മിഷിനുള്ളിലേക്ക് പോയപ്പോൾ അവർ തുള്ളിച്ചാടി; അമ്മയുടെ അക്കൗണ്ടിൽ പണം കാണിക്കാതെ വന്നപ്പോൾ ആശങ്കയും; പിന്നാലെ പൊലീസ് എത്തി ആ വിരുതന്മാരെ പൊക്കി; ആര്യാനാട്ടെ അറസ്റ്റിൽ തെളിയുന്നത് എടിഎമ്മിന്റെ മികവ്
- രാത്രിയിൽ മഠത്തിൽ വരവ് പഞ്ചവാദ്യം നടക്കുന്നതിനിടെ നടുവിലാൽ ഭാഗത്തു പൊലീസ് ബാരിക്കേഡ് വച്ച് എഴുന്നള്ളിപ്പ് തടഞ്ഞത് പ്രകോപനമായി; നടുവിലാലിലെ പൂരപ്പന്തലിന്റെ ലൈറ്റ് അണച്ചു തിരുവമ്പാടി ദേവസ്വം; ഇരുട്ടിന്റെ ഭംഗിയിൽ ഇത്തവണ പൂര വെടിക്കെട്ട് നടന്നില്ല; തൃശൂരിൽ നാടകീയതകൾ; പൂരത്തിലുണ്ടായത് ചരിത്രത്തിലെ ആദ്യ സംഭവം
- സംസ്ഥാന സർക്കാരിന് നാണക്കേടായി കെ എസ് ആർ ടിസി ബസിൽ സഹയാത്രികയുടെ മാറിടത്തിൽ കയറിപ്പിടിച്ച് അപമാനിച്ച് പൊതു മേഖലാ സ്ഥാപനത്തിന്റെ മാനേജിങ് ഡയറക്ടർ; ഡോ ആർ രാജീവിന് ജാമ്യം കിട്ടിത് മാത്രം ആശ്വാസമായി; ഏപ്രിൽ ഫൂൾ ദിനത്തിൽ നടന്ന ആരും അറിയാത്ത പീഡന വാർത്ത
- തൃശൂർ പൂരപ്രേമികൾക്ക് വേദനയുടേയും നിരാശയുടേയും വെടിക്കെട്ട്; ഏഴരയോടെ പാറമേക്കാവ് തിരി കൊളുത്തി; എട്ടു മണിയോടെ തിരുവമ്പാടിയുടെ വെടിക്കെട്ടിനും അവസാനം; പൂര പറമ്പിൽ പൊലീസ് രാജെന്ന് ദേശക്കാർ; രാത്രിയിലെ ആകാശ വിസ്മയം ഇത്തവണ നടന്നില്ല; തൃശൂർ പൂരത്തിൽ ഉണ്ടായതെല്ലാം സമാനതകളില്ലാത്ത വിവാദങ്ങൾ
- പാസ് നൽകിയ പൊലീസ് തന്നെ പ്രവേശനം നിഷേധിച്ചു; പാറമേക്കാവിലെ തിടമ്പേറ്റിയ ആനയ്ക്ക് വെള്ളം കൊടുക്കാൻ ശ്രമിച്ച പൂജാരിയേയും തടഞ്ഞു; പൂര എഴുന്നള്ളിപ്പിലേക്ക് വാഹനങ്ങളും എത്തി; പൂരത്തിന്റെ സൗഹൃദാന്തരീക്ഷത്തിന് കോട്ടം വരുത്തിയത് പൊലീസോ? നടുവിലാലിലെ ബാരിക്കേഡിൽ പ്രശ്നത്തുടക്കം
- വെടിക്കെട്ട് കമ്മറ്റിക്കാരെ പോലും മൈതാനത്ത് അനുവദിക്കാത്ത കമ്മീഷണർ; തിരുവമ്പാടിയുടെ പ്രതിഷേധത്തിന് പിന്നാലെ ദേശക്കാരും കമ്മീഷണറും തമ്മിൽ തർക്കം; നായ്ക്കനാലിൽ ലാത്തി വീശൽ; പൊലീസിനെതിരെ ഗോ ബാക്ക് വിളികൾ; രാത്രിയിലെ പൂരക്കാഴ്ചകൾ വഴിതെറ്റിയ 2024; മഠത്തിൽ വരവ് നിർത്തിയത് സർക്കാരിനും തിരിച്ചടി
- കരുവന്നൂരിൽ നിക്ഷേപകർക്ക് പണം തിരികെ നൽകാൻ എങ്ങനെ ഇടപെടാനാകുമെന്ന് താൻ നിയമോപദേശം തേടിയിട്ടുണ്ടെന്ന് പ്രധാനമന്ത്രി; തൃശൂർ വിജയത്തിന് 'കരുവന്നൂർ ഫോർമുല'; രാഹുലിനെ കടന്നാക്രമിക്കാൻ വയനാട്ടിലേക്കുള്ള ഒളിച്ചോട്ടം; കേരളത്തിൽ അക്കൗണ്ട് തുറക്കാൻ അജണ്ട സെറ്റ് ചെയ്ത് മോദി
- രാത്രി വെടിക്കെട്ട് വേണ്ടെന്ന് വച്ചത് വേദനയിലാക്കിയത് പൂര പ്രേമികളെ; പൂരത്തിൽ അസാധാരണമാം വിധം പ്രതിസന്ധിയുണ്ടാക്കിയത് പൊലീസെന്ന് തിരുമ്പാടി ദേവസ്വം; അലങ്കാര പന്തലിലെ വെളിച്ചം തിരിച്ചെത്തിയിട്ടും ദേശക്കാർക്ക് ആവേശമില്ല; പൂരത്തിലെ 'രാത്രി വിസ്മയം' അട്ടിമറിച്ചത് പൊലീസോ?
- ഇറാനിൽ ഇസ്രയേലിന്റെ വ്യോമാക്രമണം ഇന്ത്യൻ വിപണിക്ക് ആശങ്കയാകുന്നു; കുതിച്ചുയർന്ന് ക്രൂഡോയിൽ വില; ബാരലിന് 90 ഡോളറിലെത്തി; ഇപ്പോഴത്തെ നിലയിൽ വില 100 ഡോളർ വരെ ഉയർന്നേക്കുമെന്ന് ആശങ്ക; ഇറാൻ-ഇസ്രയേൽ പോര് പശ്ചിമേഷ്യയിലെ സ്ഥിതിഗതികൾ കൂടുതൽ ആശങ്കപ്പെടുത്തുന്നു
- രാജ്യദ്രോഹ പ്രവർത്തന ആരോപണം; മലയാളി ഗവേഷക വിദ്യാർത്ഥിയെ സസ്പെൻഡ് ചെയ്ത് മുംബൈയിലെ ടാറ്റ ഇൻസ്റ്റിറ്റ്യൂട്ട് ഓഫ് സോഷ്യൽ സയൻസസ്
- കള്ളി എന്നതാണ് ഇപ്പോഴത്തെ മേൽവിലാസം.. കള്ളിയുടെ അച്ഛൻ എന്ന മേൽവിലാസവും കൊണ്ട് ആണ് 2 മാസം മുമ്പ് അച്ഛൻ മരിച്ചുപോയത്; കൂടെ ഉണ്ടായിരുന്നവരൊന്നും കൂട്ടുന്നില്ല; ഉറങ്ങിയിട്ട് വർഷം ഒന്നാകാറായി; വിദ്യ വിജയന്റെ കുറിപ്പ്
- കാസർകോട് ഇടതുമുന്നണി തിരിച്ചുപിടിക്കുമോ? കണ്ണൂരിൽ സുധാകരൻ വീഴുമോ? വടകരയിൽ ഷാഫിയോ ശൈലജയോ? കോഴിക്കോട് രാഘവേട്ടനോ, കരീംക്കയോ? രാഹുൽഗാന്ധി മാജിക്ക് ആവർത്തിക്കുമോ? എൻഡിഎ വോട്ട് ഉയർത്തുമോ? മറുനാടൻ മലയാളി ഇലക്ഷൻ സർവേയുടെ ആദ്യഘട്ട ഫലം അറിയാം
- ഇറാനിൽ ഇസ്രയേലിന്റെ വ്യോമാക്രമണം ഇന്ത്യൻ വിപണിക്ക് ആശങ്കയാകുന്നു; കുതിച്ചുയർന്ന് ക്രൂഡോയിൽ വില; ബാരലിന് 90 ഡോളറിലെത്തി; ഇപ്പോഴത്തെ നിലയിൽ വില 100 ഡോളർ വരെ ഉയർന്നേക്കുമെന്ന് ആശങ്ക; ഇറാൻ-ഇസ്രയേൽ പോര് പശ്ചിമേഷ്യയിലെ സ്ഥിതിഗതികൾ കൂടുതൽ ആശങ്കപ്പെടുത്തുന്നു
- ത്രികോണ പോരിന് ഒടുവിൽ സുരേഷ് ഗോപി തൃശ്ശൂർ എടുക്കുമോ? പാലക്കാടൻ കാറ്റ് മാറി വീശുമോ? ആലത്തൂരിൽ രമ്യ പാട്ടുംപാടി വിജയിക്കുമോ? മലപ്പുറത്തും പൊന്നാനിയിലും ലീഗ് കോട്ടകളിൽ നേരിയ വിള്ളലെങ്കിലും വീഴുമോ? നെഞ്ചിടിപ്പേറുന്ന മണ്ഡലങ്ങളിലൂടെ മറുനാടൻ സർവേയുടെ രണ്ടാം ഘട്ടം ഫലം
- സുഹൃത്തും തന്റെ ഭാര്യയുമായി അവിഹിത ബന്ധം; പകരം സുഹൃത്തിന്റെ ഭാര്യയോട് കിടപ്പറ പങ്കിടാൻ ആവശ്യപ്പെട്ടു; പൊലീസ് കേസും വഴക്കുമായപ്പോൾ ആത്മഹത്യ ചെയ്യാൻ തീരുമാനിച്ച ദമ്പതികളിൽ ഭാര്യ മരിച്ചു; പ്രേരണാക്കുറ്റത്തിന് ഭർത്താവ് അറസ്റ്റിൽ: വെച്ചൂച്ചിറയിൽ നിന്ന് ഞെട്ടിക്കുന്ന കഥ
- അനന്തപുരിയിൽ തരൂർ വീഴുമോ? ആറ്റിങ്ങലിൽ അടൂർ പ്രകാശിന് അടിതെറ്റുമോ? കൊല്ലത്ത് മുകേഷോ, പ്രേമചന്ദ്രനോ? പത്തനംതിട്ട ആർക്ക്? അനിൽ ആന്റണി വോട്ടുയർത്തുമോ; മാവേലിക്കരയിൽ അട്ടിമറിയോ? കേരളം ആർക്കൊപ്പം; 20 മണ്ഡലങ്ങളിലെയും മറുനാടൻ സർവേ ഫലം അറിയാം
- സ്കൂളിൽ പ്രാർത്ഥന വിലക്കിയ നടപടി ശരിവെച്ച് ബ്രിട്ടീഷ് കോടതി; വളരെ മികച്ചതെന്ന റേറ്റിങ് ലഭിച്ച സ്കൂളിനെതിരെ കോടതിയെ സമീപിച്ചത് മുസ്ലിം വിദ്യാർത്ഥിനി; എല്ലാ വിഭാഗങ്ങളെയും ഉൾക്കൊള്ളുന്ന സ്കൂൾ നയത്തിന്റെ വിജയമെന്ന് സ്കൂൾ അധികൃതർ
- വ്യാഴാഴ്ച പ്രാർത്ഥനയ്ക്ക് പോയിരുന്ന ജെസ്നയെ കാണാതായതും വ്യാഴാഴ്ച; ആരാധനാ സ്ഥലം കണ്ടെത്തിയെന്ന് അച്ഛൻ; രഹസ്യ സുഹൃത്തിന്റെ ഫോട്ടോയും കുടുംബം കണ്ടെത്തി! സിബിഐ സഞ്ചരിക്കാത്ത വഴികളിലൂടെ പോയ അച്ഛന് കിട്ടിയത് ഞെട്ടിക്കുന്ന വിവരങ്ങളോ? ജെസ്നയ്ക്ക് സംഭവിച്ചത് എന്ത്?
- ആലപ്പുഴയിലെ 'കനൽത്തരി' അണയുമോ? ചാലക്കുടിയിൽ ട്വന്റി ട്വന്റി വോട്ടുകൾ ആർക്ക് ഭീഷണിയാകും? എറണാകുളത്തും ഇടുക്കിയിലും യുഡിഎഫ് തന്നെയോ? കോട്ടയത്ത് വിജയിക്കുക ഏത് കേരളാ കോൺഗ്രസ്? മറുനാടൻ സർവേ മൂന്നാംഘട്ട ഫലം അറിയാം..
- ഇനി യുദ്ധത്തിനില്ല, ആക്രമിച്ചാൽ തിരിച്ചടിക്കും, ആക്രമണ വിവരം അമേരിക്കയെ അറിയിച്ചിരുന്നു; ഇറാനെ ലക്ഷ്യം വച്ചാൽ അമേരിക്കയുടെ താവളങ്ങൾ ലക്ഷ്യമിടും; മിസൈൽ ആക്രമണത്തിനെതിരെ ലോകരാജ്യങ്ങൾ ഒരുമിച്ചതോടെ ഇറാൻ ആകെ പെട്ട അവസ്ഥയിൽ; ഇസ്രയേൽ തിരിച്ചടി എങ്ങനെയാകും എന്ന ആശങ്കയിൽ ലോകം
- ഒരു ജൂനിയർ പറയാൻ പാടില്ലാത്ത കഥകളാണ് ശ്രീനിയുടെ മകൻ പറഞ്ഞതെന്ന് മുകേഷ്; എന്നാൽ അത് ധ്യാൻ തന്നെയാകുമെന്ന് ആരാധകർ
- ആടുജീവിതം ഇസ്ലാമോഫോബിയ പരത്തുന്ന ചിത്രമോ? നോവലിന്റെ അറബിപതിപ്പ് യുഎഇയിലും സൗദിയിലും നിരോധിച്ചത് 2014ൽ; ഇപ്പോൾ സിനിമക്കും യുഎഇ ഒഴികെയുള്ള ഗൾഫ് രാജ്യങ്ങളിൽ പ്രദർശനാനുമതിയില്ല; കേരളത്തിലെ യുക്തിവാദികൾക്കിടയിലും ചർച്ച; ആടുജീവിതം വിവാദമാവുമ്പോൾ
- അനുജയുമൊന്നിച്ച് കാർ തടിലോറിയിലേക്ക് ഇടിച്ചു കയറ്റി ഹാഷിം ജീവനൊടുക്കിയെന്ന് സഹ അദ്ധ്യാപകരുടെയും ബന്ധുക്കളുടെയും മൊഴി; അടൂരിനെ നടുക്കിയ അപകടം; സ്കൂൾ അദ്ധ്യാപികയെയും കൂട്ടി സ്വകാര്യ ബസ് ഡ്രൈവർ ആത്മഹത്യ ചെയ്തതെന്ന് സൂചന; സ്വിഫ്ട് ഡിസയർ കാർ ഓടിച്ചു കയറ്റിയത് കണ്ടെയ്നർ ലോറിയിലേക്ക്: സംഭവം കെപി റോഡിൽ പട്ടാഴമുക്കിൽ
- കള്ളി എന്നതാണ് ഇപ്പോഴത്തെ മേൽവിലാസം.. കള്ളിയുടെ അച്ഛൻ എന്ന മേൽവിലാസവും കൊണ്ട് ആണ് 2 മാസം മുമ്പ് അച്ഛൻ മരിച്ചുപോയത്; കൂടെ ഉണ്ടായിരുന്നവരൊന്നും കൂട്ടുന്നില്ല; ഉറങ്ങിയിട്ട് വർഷം ഒന്നാകാറായി; വിദ്യ വിജയന്റെ കുറിപ്പ്
- റഷ്യയിലെ ഭീകരാക്രമണത്തിൽ പിടികൂടിയ ഐസിസ് ഭീകരർ നേരിടാൻ പോകുന്നത് റഷ്യൻ പൊലീസിന്റെ സമാനതകളില്ലാത്ത മർദ്ദനമുറകൾ; ചെവിമുറിച്ച് സ്വയം ഭക്ഷിക്കുവാൻ കൊടുത്തതിന് പുറമെ വൈദ്യുതാഘാതവും വസ്ത്രമൂരി അടിയും; മരിച്ചാൽ ബന്ധുക്കൾക്ക് ശരീരം വിട്ടു നൽകുന്നത് ആന്തരികാവയവങ്ങൾ നീക്കിയ ശേഷം
- അരവിന്ദ് കേജ്രിവാൾ ഡൽഹി മദ്യനയ അഴിമതിയുടെ മുഖ്യസൂത്രധാരൻ; അനുകൂല നയം രൂപീകരിക്കാൻ കോടികൾ കൈക്കൂലി വാങ്ങി; കോഴപ്പണം കൈകകാര്യം ചെയ്യുന്നതിലും മുഖ്യമന്ത്രി ഇടപെട്ടു; കോഴപ്പണം എഎപി ഗോവ തിരഞ്ഞെടുപ്പിൽ ഉപയോഗിച്ചുവെന്നും ഇ.ഡി; പത്തു ദിവസത്തെ കസ്റ്റഡിയിൽ വിടണമെന്നും കോടതിയിൽ
- വൈകീട്ട് തിരക്കില്ലാതിരുന്നിട്ടും നിർത്താതെ പോയ കോട്ടയം ബസിന്റെ ഡ്രൈവർ ആരെന്നറിയാൻ യാത്രക്കാരൻ ഡിപ്പോയിലേക്കു വിളിച്ചു; ഇതോടെ വാളകത്തിന്റെ പ്രസക്തി ഡ്രൈവർക്ക് മനസ്സിലായി; ജോലി പോകാതിരിക്കാൻ ഇമ്പൊസിഷനും എഴുതി; ആനവണ്ടിക്ക് യജമാനൻ യാത്രക്കാരനാകുമ്പോൾ!
- പിറന്നാളിന് വാങ്ങിയത് ഓൺലൈനിൽ ഓർഡൽ ചെയ്ത കേക്ക്; ഭക്ഷ്യവിഷബാധയേറ്റ് പത്തു വയസ്സുകാരിക്ക് ദാരുണാന്ത്യം: പിറന്നാൾ പിറ്റേന്ന് ദാരുണമായി മരിച്ചത് പത്തു വയസ്സുകാരി മൻവി
- സിനിമയുടെയും ആത്മാവായ ആ സീൻ സെൻസർ ബോർഡ് വെട്ടിമാറ്റിയെന്ന് ബെന്യാമിൻ; ഷൂട്ട് ചെയ്തിട്ടില്ലെന്ന് ബ്ലെസി; അങ്ങനെ ഒന്ന് ഉണ്ടായിട്ടില്ലെന്നും എഴുത്തുകാരൻ ചേർത്തതാണെന്നും നജീബ്; ആടുമായി നജീബ് ലൈംഗിക ബന്ധത്തിൽ ഏർപ്പെടുന്ന രംഗത്തിന് എന്താണ് സംഭവിച്ചത്?
- 'എന്റെ മകൻ കെട്ടിയ താലി നീ ഇടേണ്ട'; മകന്റെ ഭാര്യയുടെ താലിമാല പൊട്ടിച്ച് കലി തുള്ളിയ 'മോഹിനി'! 35 പവനൊപ്പം 10 ലക്ഷം കൂടി വേണമെന്ന അത്യാഗ്രഹം; വീടും സ്ഥലവും മകന് എഴുതി കൊടുക്കാത്തിന് മരുമകളെ പുറത്താക്കിയ അമ്മായി അമ്മ; സത്യഭാമ വെറുമൊരു 'കലാമണ്ഡലം' അല്ല; സ്ത്രീപീഡന കേസും ചർച്ചകളിലേക്ക്
Readers Comments+
മലയാളത്തിൽ ടൈപ്പ് ചെയ്യാൻ ഇവിടെ ക്ലിക്ക് ചെയ്യുകകമന്റ് ബോക്സില് വരുന്ന അഭിപ്രായങ്ങള് മറുനാടന് മലയാളിയുടേത് അല്ല. മാന്യമായ ഭാഷയില് വിയോജിക്കാനും തെറ്റുകള് ചൂണ്ടി കാട്ടാനും അനുവദിക്കുമ്പോഴും മറുനാടനെ മനഃപൂര്വ്വം അധിക്ഷേപിക്കാന് ശ്രമിക്കുന്നവരെയും അശ്ലീലം ഉപയോഗിക്കുന്നവരെയും മറ്റു മലയാളം ഓണ്ലൈന് ലിങ്കുകള് പോസ്റ്റ് ചെയ്യുന്നവരെയും മതവൈരം തീര്ക്കുന്നവരെയും മുന്നറിയിപ്പ് ഇല്ലാതെ ബ്ലോക്ക് ചെയ്യുന്നതാണ് - എഡിറ്റര്