Forex Rate:

1 usd = 76.25 inr 1 gbp = 94.16 inr 1 eur = 85.23 inr 1 aed = 20.76 inr 1 sar = 20.32 inr 1 kwd = 247.66 inr
Apr / 202420Saturday

വെടിയേറ്റ വിൽനയുടെ തല ചിന്നിച്ചിതറിയതിൽ അസ്വാഭാവികത കണ്ടെത്തിയെങ്കിലും തുടരന്വേഷണം മുന്നോട്ടു പോയില്ല; തോക്ക് ഉപയോഗിക്കുന്നതിൽ പ്രത്യേക പരിശീലനം നേടിയ സെക്യൂരിറ്റി ജീവനക്കാരൻ അപകടദിവസം തോക്കിൽ തിരനിറച്ചത് തികഞ്ഞ അശ്രദ്ധയോടെ എന്ന് കണ്ടെത്തി അന്വേഷണ സംഘം; തലശ്ശേരിയിൽ ബാങ്ക് ജീവനക്കാരി വിൽന വിനോദ് വെടിയേറ്റ് മരിച്ച സംഭവത്തിൽ പൊലീസ് കുറ്റപത്രം ഇന്ന് സമർപ്പിക്കും

വെടിയേറ്റ വിൽനയുടെ തല ചിന്നിച്ചിതറിയതിൽ അസ്വാഭാവികത കണ്ടെത്തിയെങ്കിലും തുടരന്വേഷണം മുന്നോട്ടു പോയില്ല; തോക്ക് ഉപയോഗിക്കുന്നതിൽ പ്രത്യേക പരിശീലനം നേടിയ സെക്യൂരിറ്റി ജീവനക്കാരൻ അപകടദിവസം തോക്കിൽ തിരനിറച്ചത് തികഞ്ഞ അശ്രദ്ധയോടെ എന്ന് കണ്ടെത്തി അന്വേഷണ സംഘം; തലശ്ശേരിയിൽ ബാങ്ക് ജീവനക്കാരി വിൽന വിനോദ് വെടിയേറ്റ് മരിച്ച സംഭവത്തിൽ പൊലീസ് കുറ്റപത്രം ഇന്ന് സമർപ്പിക്കും

രഞ്ജിത്ത് ബാബു

കണ്ണൂർ: തലശ്ശേരി ലോഗൻസ് റോഡിലെ ഐ.ഡി.ബി.ഐ ബാങ്ക് ശാഖയിലെ ജീവനക്കാരി ധർമ്മടം മേലൂരിലെ പുതിയാണ്ടിയിലെ വിൽന വിനോദ്(31) സെക്യൂരിറ്റി ജീവനക്കാരന്റെ വെടിയേറ്റ് മരിച്ച കേസിൽ പൊലീസ് ഇന്ന് കുറ്റപത്രം സമർപ്പിക്കും. നേരത്തെ അന്വേഷണ സംഘം സമർപ്പിച്ച കുറ്റപത്രത്തിൽ മതിയായ രേഖകളില്ലെന്ന് കണ്ടെത്തി തലശ്ശേരി ജുഡീഷ്യൽ ഒന്നാം ക്ലാസ് മജിസ്ട്രേട്ട് റെണാൽഡ് സെക്യൂറ കുറ്റപത്രം മടക്കിയിരുന്നു.

2016 ജൂൺ 2 ന് രാവിലെ 9.50 നാണ് നാടിനെ നടുക്കിയ സംഭവം നടന്നത്. തലശ്ശേരി നഗരമധ്യത്തിലെ ബാങ്കിൽ സെക്യൂരിറ്റി ജീവനക്കാരനായ അഞ്ചരക്കണ്ടി ഓടക്കടവിലെ ഹരീന്ദ്രൻ തോക്കിൽ തിര നിറക്കുമ്പോൾ അബദ്ധത്തിൽ വെടിപൊട്ടിയെന്നാണ് മൊഴി. സംഭവത്തിൽ റിമാന്റിലായിരുന്ന പ്രതി പിന്നീട് ജാമ്യത്തിലിറങ്ങുകയായിരുന്നു. വിൽനയുടെ അപകടമരണത്തിന് ശേഷം പരിയാരം മെഡിക്കൽ കോളേജിലെ ഫോറൻസിക് തലവനും പൊലീസ് സർജ്ജനുമായ ഡോ. ഗോപാലകൃഷ്ണപിള്ളയുടെ നേതൃത്വത്തിൽ സംഭവം നടന്ന ഐ.ഡി.ബി.ഐ. ബാങ്കിനകത്ത് നടത്തിയ പരിശോധനയിൽ വെടിയേറ്റ വിൽനയുടെ തല ചിന്നിച്ചിതറിയതിൽ അസ്വാഭാവികത കണ്ടെത്തിയിരുന്നു.

ഒരു മീറ്റർ ദൂരത്തിനപ്പുറത്തുനിന്നുമാണ് വെടിയുതിർത്തതെന്ന് കണ്ടെത്തിയിരുന്നു. എന്നാൽ തുടരന്വേഷണത്തിൽ പുരോഗതി ഒന്നുമുണ്ടായിരുന്നില്ല. സംഭവ ശേഷം മൂന്ന് വർഷത്തിന് ശേഷമാണ് കേസന്വേഷണം പൂർത്തീകരിച്ച് കുറ്റപത്രം സമർപ്പിക്കുന്നത്. ആയുധങ്ങൾ ഉപയോഗിക്കുന്നതിന് പ്രത്യേക പരിശീലനം നേടിയ വ്യക്തിയായിരുന്നു സെക്യൂരിറ്റി ജീവനക്കാരനായ ഹരീന്ദ്രൻ. എന്നാൽ അന്നേ ദിവസം പ്രതി അശ്രദ്ധയോടെയാണ് തോക്ക് കൈകാര്യം ചെയ്തതെന്നും കുറ്റകരമായ നരഹത്യയാണ് പ്രതി നടത്തിയതെന്നും കുറ്റപത്രത്തിൽ ചൂണ്ടിക്കാട്ടുന്നു.

അപകടത്തിനിടയാക്കിയ തോക്കും സംഭവ സ്ഥലത്തെ സി.സി.ടി.വി. ദൃശ്യങ്ങളുമടങ്ങിയ ഹാഡ് ഡിസ്‌ക്കും ഉൾപ്പെടെ 15 തൊണ്ടി മുതലുകളും 25 രേഖകളും കുറ്റപത്രത്തോടൊപ്പം സമർപ്പിക്കും. പ്രതി ഉപയോഗിച്ചിരുന്ന തോക്കിന്റെ ലൈസൻസ് കാശ്മീരിൽ നിന്നുള്ളതാണെന്നും പൊലീസ് കണ്ടെത്തിയിരുന്നു. അന്വേഷണ സംഘം പറഞ്ഞ രീതിയിലുള്ള സ്ഥലത്തു വെച്ച് വെടിയുതിർത്താൽ തലയോട്ടിയും തലച്ചോറും ചിതറി പോകുന്ന തരത്തിലുള്ള പരിക്കിനിടയാക്കില്ലെന്നും ഫോറൻസിക് വിദഗ്ദർ ചൂണ്ടിക്കാട്ടിയിരുന്നു. ഇത്തരം ഗൗരവമായ റിപ്പോർട്ട് ഫോറൻസിക് വിദഗ്ദൻ നൽകിയിട്ടും പൊലീസ് അത് ഗൗരവമായി എടുത്തിരുന്നില്ല.

നേരത്തെ തോക്കിന്റെ ടെസ്റ്റ് ഫയർ നടത്തുമെന്ന് തീരുമാനിച്ചെങ്കിലും നടത്തിയിരുന്നില്ല. ഈ കേസിൽ കൂടുതൽ വ്യക്തത വരുത്താൻ ഡബിൾ ബാരൽ തോക്ക് തിരുവനന്തപുരത്ത് പിന്നീടാണ് അയച്ചത്. ഇക്കാര്യങ്ങളെല്ലാം പുതിയ കുറ്റപത്രത്തിൽ ഉണ്ടാകും. വിൽന വെടിയേറ്റ് മരിച്ച സംഭവത്തിൽ 30 ലക്ഷം രൂപ നഷ്ടപരിഹാരം ആവശ്യപ്പെട്ട് ഭർത്താവ് പുന്നോൽ പൂജാ ഹൗസിലെ സംഗീത് നൽകിയ ഹരജിയും തലശ്ശേരി കോടതിയിലുണ്ട്.

Stories you may Like

കമന്റ് ബോക്‌സില്‍ വരുന്ന അഭിപ്രായങ്ങള്‍ മറുനാടന്‍ മലയാളിയുടേത് അല്ല. മാന്യമായ ഭാഷയില്‍ വിയോജിക്കാനും തെറ്റുകള്‍ ചൂണ്ടി കാട്ടാനും അനുവദിക്കുമ്പോഴും മറുനാടനെ മനഃപൂര്‍വ്വം അധിക്ഷേപിക്കാന്‍ ശ്രമിക്കുന്നവരെയും അശ്ലീലം ഉപയോഗിക്കുന്നവരെയും മറ്റു മലയാളം ഓണ്‍ലൈന്‍ ലിങ്കുകള്‍ പോസ്റ്റ് ചെയ്യുന്നവരെയും മതവൈരം തീര്‍ക്കുന്നവരെയും മുന്നറിയിപ്പ് ഇല്ലാതെ ബ്ലോക്ക് ചെയ്യുന്നതാണ് - എഡിറ്റര്‍

More News in this category+

MNM Recommends +

Go to TOP