1 usd = 71.15 inr 1 gbp = 88.85 inr 1 eur = 78.40 inr 1 aed = 19.37 inr 1 sar = 18.97 inr 1 kwd = 234.25 inr

Sep / 2019
21
Saturday

യൂത്ത് ഐക്കണായ സി.കെ.വിനീതിന്റെ മുമ്പിൽ വച്ച് എന്റെ സെർവിക്കൽ കോളറിൽ പിടിച്ചപ്പോൾ വേദന കൊണ്ടു കരഞ്ഞതിനാണ് എന്നെ ക്രൂരമായി തല്ലിയത്; കോർപറേറ്റ് 360 യും കെവിഎ സദാനന്ദൻ ചാരിറ്റിയും ഭർത്താവിന് സ്ത്രീകളെ ലൈംഗികമായി ഉപയോഗിക്കാനുള്ള മറകളെന്ന് ഭാര്യ ഡെമി; വാറ്റുകാരനിൽ നിന്നും സ്വന്തം വിമാനത്തിൽ പറക്കുന്ന കോടീശ്വരനായി മാറിയെന്ന് കൈരളിയും മമ്മൂട്ടിയും പിണറായിയും വിശ്വസിക്കുന്ന വരുൺ ചന്ദ്രന്റെ ഭാര്യ ഭർത്താവിൽ നിന്നേറ്റ പീഡനങ്ങളുടെ കഥയുമായി ഫേസ്‌ബുക്ക് ലൈവിൽ

March 13, 2018 | 11:33 PM IST | Permalink



യൂത്ത് ഐക്കണായ സി.കെ.വിനീതിന്റെ മുമ്പിൽ വച്ച് എന്റെ സെർവിക്കൽ കോളറിൽ പിടിച്ചപ്പോൾ വേദന കൊണ്ടു കരഞ്ഞതിനാണ് എന്നെ ക്രൂരമായി തല്ലിയത്; കോർപറേറ്റ് 360 യും കെവിഎ സദാനന്ദൻ ചാരിറ്റിയും ഭർത്താവിന് സ്ത്രീകളെ ലൈംഗികമായി ഉപയോഗിക്കാനുള്ള മറകളെന്ന് ഭാര്യ ഡെമി; വാറ്റുകാരനിൽ നിന്നും സ്വന്തം വിമാനത്തിൽ പറക്കുന്ന കോടീശ്വരനായി മാറിയെന്ന് കൈരളിയും മമ്മൂട്ടിയും പിണറായിയും വിശ്വസിക്കുന്ന വരുൺ ചന്ദ്രന്റെ ഭാര്യ ഭർത്താവിൽ നിന്നേറ്റ പീഡനങ്ങളുടെ കഥയുമായി ഫേസ്‌ബുക്ക് ലൈവിൽ

മറുനാടൻ മലയാളി ബ്യൂറോ

തിരുവനന്തപുരം: യുവസംരംഭകനും കൈരളി ചാനൽ പുരസ്‌കാര ജേതാവുമായ വരുൺ ചന്ദ്രനെതിരെ കടുത്ത ആരോപണവുമായി ഭാര്യ ഡെമീറ്റ ഡെമി ഡികൂസിന്റെ ഫേസ്‌ബുക്ക് ലൈവ്. സിംഗപ്പൂരിൽ നിന്നാണ് ഡെമി സംസാരിക്കുന്നത്. കടുത്ത ഗാർഹിക പീഡന പരാതിയാണ് വരുണിനെതിരെ ഭാര്യ ഉന്നയിച്ചിരിക്കുന്നത്.മുഖ്യമന്ത്രി പിണറായി വിജയനെ അഭിസംബോധന ചെയ്താണ് വീഡിയോ. കേരളത്തിൽ വച്ച് വരുൺ തന്നെ ക്രൂരമായി മർദ്ദിച്ചുവെന്നും പൊലീസ് സഹായം തേടിയിട്ടും കിട്ടിയില്ലെന്നും പരാതി പറയുന്ന ഡെമി ഭർത്താവ് സ്ത്രീലമ്പടനാണെന്നും, കോർപറേറ്റ് 360 എന്ന ബിസിനസ് സ്ഥാപനവും, കെവിഎ സദാനന്ദൻ ചാരിറ്റിയും ഇതിന്റെ മറവിനായി ഉപയോഗിക്കുകയാണെന്നും ആരോപിക്കുന്നു.വിമൻസ് റൈറ്റ്‌സ് ഗ്രൂപ്പ്‌സ്, മീടൂ, കേരള പൊലീസ്, വനിതാ പൊലീസ്, കൈരളിടിവി, മാതൃഭൂമി, മനോരമ, മറുനാടൻ മലയാളി, മംഗളം യുവർ സ്റ്റോറി, ഹഫിങ്ടൺ പോസറ്റ്, വാൾട്രീറ്റ് ജേണൽ, ഏഷ്യാടെക് ന്യൂസ് എന്നീ സ്ഥാപനങ്ങളെ ഫേസ്‌ബുക്ക് ലൈവിൽ ടാഗ് ചെയ്തിട്ടുണ്ട്.

ഫേസ്‌ബുക്ക് ലൈവിൽ നിന്ന്:

ഞാൻ കോർപറേറ്റ് 360 യുടെ സഹസ്ഥാപകയാണ്.കേരളത്തിലെ സ്ത്രീകൾ നേരിടുന്ന അനീതിയെ കുറിച്ച് മുഖ്യമന്ത്രി പിണറായി വിജയനെ ബോധ്യപ്പെടുത്താനാണ് എന്റെ ഈ വീഡിയോ.ഇത് സഹായത്തിന് വേണ്ടിയുള്ള എന്റെ ഒടുവിലത്തെ ആശ്രയമാണ്.

കോർപ്പറേറ്റ് 360 യുടെ സ്ഥാപകനും എന്റെ ഭർത്താവുമായ വരുൺ ചന്ദ്രൻ കഴിഞ്ഞ ഓഗസ്റ്റ് 24 ന് അർദ്ധരാത്രിയോടെ എന്നെ ക്രൂരമായി മർദ്ദിച്ചു.അയാളിൽ നിന്ന് രക്ഷപ്പെട്ടപ്പോൾ ഞാൻ പൊലീസ് സഹായം അഭ്യർത്ഥിച്ച് 100 ഡയൽ ചെയ്തു.പിന്നീട് വനിതാ ഹെൽപ് ലൈനിലും വിളിച്ചെങ്കിലും 100 ൽ വിളിക്കാനാണ് അവർ പറഞ്ഞത്. 100 ൽ വിളിച്ചപ്പോൾ അവിടെ പൊലീസുകാരുടെ കുറവുണ്ടെന്നും ആളെത്തുമ്പോൾ വന്ന് അന്വേഷിക്കാമെന്നും മറുപടി കിട്ടി.

കുറച്ചു സമയം കഴിഞ്ഞ് ഭർത്താവിന്റെ അനുജൻ വന്ന് പ്രശ്‌നത്തിൽ ഇടപെട്ടു.ആരെയൊക്കെയോ ഫോൺ ചെയ്ത് ശേഷം ഇരുവരും കൂടി ലോക്കൽ പൊലീസ് സ്റ്റേഷനിൽ പോയി. ഇത് കുടുംബപ്രശ്‌നമാണെന്നും പൊലീസ് ഇടപടേണ്ട കാര്യമില്ലെന്നും അവരെ അറിയിച്ചു.

എന്നെ വരുൺ മർദ്ദിച്ചത് എന്തിന്?

എന്റെ കഴുത്തിൽ ധരിച്ചിരുന്ന സെർവിക്കൽ കോളറിൽ വരുൺ പിടിച്ചപ്പോൾ ഞാൻ വേദന കൊണ്ടുകരഞ്ഞുവെന്ന കാരണം പറഞ്ഞാണ് എന്നെ തല്ലിയത്. അതും അദ്ദേഹത്തിന്റെ സുഹൃത്തായ, കേരളത്തിലെ ചെറുപ്പക്കാരുടെ ഹരമായ, ഫുട്‌ബോൾ താരം സി.കെ.വിനീതിന്റെ മുമ്പിൽ വച്ച്.വിനീത് ഓഡി കാറാണ് ഓടിക്കുന്നതെന്നും വരുൺ പറഞ്ഞു. ഇതുരണ്ടും തമ്മിലുള്ള ബന്ധം എന്താണെന്ന് എനിക്ക് മനസിലായതുമില്ല.

ഞാൻ സെർവിക്കൽ കോളർ ഇടാൻ തുടങ്ങിയത് ജൂലൈയിലാണ്. ഞങ്ങൾ സിംഗപ്പൂരിലായിരുന്നപ്പോൾ. അലക്സ്സിസ് എന്ന പേരുള്ള ഓസ്‌ട്രോലിയൻ പെൺകുട്ടിയെ വരുൺ പത്തനാപുരത്തേക്ക് കൊണ്ടുവന്നതായി ഞാൻ അറിഞ്ഞു.കെവിഎ സദാനന്ദൻ ചാരിറ്റിയിലെയും കോപർ 360 യിലെ പെൺകുട്ടികളെയും യോഗ പഠിപ്പിക്കാനെന്ന പറഞ്ഞാണ് ആ പെൺകുട്ടിയെ കൊണ്ടുവന്നത്.പിന്നീട് ആ പെൺകുട്ടിയുമായി ഞങ്ങളുടെ കുടുംബവീട്ടിൽ വച്ച് വരുൺ ലൈംഗിക ബന്ധത്തിൽ ഏർപെട്ടു. താൻ ഗർഭിണിയാണെന്ന ്തിരിച്ചറിഞ്ഞപ്പോൾ ആ പെൺകുട്ടി തനിക്ക് വരുണിന്റെ കുട്ടിയെ ഗർഭം ധരിക്കാൻ താൽപര്യമില്ലെന്ന് മെസേജ് ചെയ്തു.ഇരുവരും ഒന്നിച്ചുള്ള ചിത്രം കോർപ്പറേറ്റ് 360 യിലെ ഒരുജീവനക്കാരൻ എനിക്ക് അയച്ചുതരികയും ഞാൻ വരുണിനെ ചോദ്യം ചെയ്യുകയും ചെയ്തു. ഇതിൽ പ്രകോപിതനായ വരുൺ എന്നെ ക്രൂരമായി മർദ്ദിച്ചു. തുടർന്ന് പൊലീസെത്തിയാണ് എന്നെ സംഗപ്പൂരിലെ ആശുപത്രിയിൽ എത്തിച്ചത്. അവിടെ ഞാൻ നാലു ദിവസം ചികിൽസയിൽ കഴിഞ്ഞു.

എന്നാൽ കേരളത്തിൽ വച്ച് മർദ്ദനമുണ്ടായപ്പോൾ ഞാൻ വൈദ്യസഹായം തേടിയാൽ അത് വരുണിന് കുഴപ്പമാകുമെന്ന ്കണ്ട് അവർ എന്നെ ബെംഗളൂരുവിലേക്ക് നിർബന്ധിച്ച് അയച്ചു.പിന്നീട് സെപ്റ്റംബർ 12 ന് പത്തനാപുരത്തെത്തി എഫ്‌ഐആർ രജിസ്റ്റർ ചെയ്തു.ക്രൈം നമ്പർ 1730#17. എന്നാൽ ഒരുനടപടിയുമുണ്ടായില്ല.

ഞാൻ സിംഗപ്പൂരിൽ മടങ്ങിയെത്തിയപ്പോൾ, വരുൺ എന്റെ കള്ളയൊപ്പിട്ട് കമ്പനി മുഴുവൻ കൈയടക്കിയാതായി ഞാൻ കണ്ടെത്തി.2008 ഒക്‌ടോബറിൽ സിംഗപ്പൂരിലാണ് ഞാൻ ഏക ഡയറക്ടറായി കോർപറേറ്റ് 360 രജിസ്റ്റർ ചെയ്തത്.കഴിഞ്ഞ 10 വർഷമായി കോപർ 360 യിലെ വനിതാ ജീവനക്കാരുമാരുമായും മറ്റു സ്ത്രീകളുമായും ്അയാൾക്ക് ലൈംഗിക ബന്ധമുണ്ടെന്നും അയാൾ എന്നെ നിരന്തരം വഞ്ചിക്കുകയായിരുന്നെന്നും ഞാൻ തിരിച്ചറിഞ്ഞു.ഈ സ്ത്രീകളും ഒപ്പമുള്ള ചിത്രങ്ങളും വീഡിയോകളുമെല്ലാം വരുൺ സൂക്ഷിക്കുകയും അത് ആവശ്യം വന്നാൽ ബ്ലാക്കെമയിൽ ചെയ്യാൻ ഉപയോഗിക്കുകയും ചെയ്തു.

കോർപറേറ്റ് 360 യെയും കെവിഎ സദാനന്ദൻ ചാരിറ്റിയെയും സ്ത്രീകളെയും കുട്ടികളെയും ചൂഷണം ചെയ്യാനുള്ള ഉപാധി മാത്രമായാണ് വരുൺ ഉപയോഗിക്കുന്നത്.ഞാൻ ഇന്ത്യയിലേക്ക് വന്നാൽ എന്നെ കൊല്ലുമെന്നാണ് അയാൾ ഭീഷണി മുഴക്കുന്നത്. ഇമോയിലോ, ഫോൺ വഴിയോ മറ്റെതെങ്കിലും മാധ്യമത്തിലൂടെയോ മൊഴി നൽകാൻ ഞാൻ ഒരുക്കമാണ്.പിണറായി വിജയൻ എക്കാലത്തും നീതിയുടെയും സ്ത്രീകളുംടെയും സംരക്ഷണത്തിന് വേണ്ടി നിലകൊള്ളുന്നയാളാമെന്നതുകൊണ്ട് ഈ പ്രശ്‌നപരിഹാരത്തിന് ഇടപെടണമെന്ന് അഭ്യർത്ഥിക്കുന്നു.

നേരത്തെ വരുൺ ചന്ദ്രന്റെ അമ്മയും അദ്ദേഹത്തിനെതിരെ ആരോപണവുമായി രംഗത്തെത്തിയിരുന്നു.കൈരളി പുരസ്‌കാരം സ്വീകരിച്ചുകൊണ്ടു വരുൺ ചന്ദ്രൻ നടത്തിയ പ്രസംഗത്തിൽ പറഞ്ഞ കാര്യങ്ങൾ പച്ചക്കള്ളമാണെന്നും താനാണ് വരുണിനെ വളർത്തിയതെന്നും പറഞ്ഞ് മാതാവ് ഗീത രംഗത്തെത്തിയിരുന്നു. മറുനാടൻ മലയാളിയിലൂടെയായിരുന്നു ഗീതയുടെ വെളിപ്പെടുത്തൽ.

ഷാപ്പ് നടത്താനെത്തിയ ബാലചന്ദ്രനുമായി പതിനഞ്ചാം വയസിൽ വിവാഹം

വരുണിന്റെ അച്ഛൻ ബാലചന്ദ്രൻ ഷാപ്പ് നടത്താനാണ് ഞങ്ങളുടെ വന്നതാണ്. അങ്ങനെയാണ് പരിചയപ്പെട്ടത്. പത്താം ക്ലാസിൽ പഠിക്കുമ്പോഴാണു ബാലചന്ദ്രനുമായുള്ള കല്യാണം. അതു കഴിഞ്ഞും കഴിഞ്ഞ് ആറുമാസം സ്‌കൂളിൽ പോയി. എസ്എസ്എൽസി പരീക്ഷയെഴുതുമ്പോൾ ആറുമാസം ഗർഭിണിയാണ്. അമ്മായിയമ്മ വലിയ പ്രശ്നമായിരുന്നു. എന്നും അടിയും ബഹളവുമായിരുന്നു. കുറേക്കാലം സഹിച്ചു. കുട്ടികളുണ്ടായിക്കഴിഞ്ഞു കാലം കടന്നുപോകുമ്പോൾ സഹിക്കാൻ വയ്യാതായി. അപ്പോൾ എന്റെ അമ്മാവൻ എന്റെ കൈയിൽനിന്നു നാലഞ്ചു പവൻ സ്വർണം വാങ്ങി 10 സെന്റ് പുതിയ സ്ഥലം വാങ്ങി പുല്ലു മേഞ്ഞു പുതിയ വീടു വച്ചു. അവിടേക്ക് താമസം മാറി.

ഭർത്താവ് അമ്മയുടെ കൂടെ നിന്നു. എന്നും പ്രശ്നമായിരുന്നു. അങ്ങനെ സമുദായത്തിൽ പലപ്പോഴും ബന്ധം ഒഴിയാൻ ആവശ്യപ്പെട്ടു. അമ്മായിയമ്മ ഒരാളെ നിർത്തി ഞാൻ താമസിക്കുന്നതിന്റെ അടുത്തു ചാരായവിൽപന നടത്തി. അതിൽനിന്നു കിട്ടുന്ന പണമാണ് ചെലവിനായി തന്നിരുന്നത്. അതു നാണക്കേടായപ്പോൾ അമ്മാവൻ ജംഗ്ഷനിൽ പുതിയ സ്ഥലം വാങ്ങിതന്നു. അവിടെ കച്ചവടം ചെയ്താണ് മക്കളെ പഠിപ്പിച്ചത്. കൂടൽ എന്ന സ്ഥലത്താണ് ഇംഗ്ലീഷ് മീഡിയം ഉണ്ടായിരുന്നത്. അവിടെക്കൊണ്ടുപോയി മക്കളെ ചേർത്തു. തന്നോട് ചോദിക്കാതെയാണു കുട്ടികളെ ഇംഗ്ലീഷ് മീഡിയത്തിൽ ചേർത്തു എന്നു പറഞ്ഞു പ്രശ്നമുണ്ടാക്കി. എന്നും വൈകിട്ട് വീട്ടിൽ വന്നു ബഹളമുണ്ടാക്കും.

വരുണിന്റെ അച്ഛനു പലയിടത്തും ബന്ധങ്ങളും കുട്ടികളും

അയാൾ വലിയ പ്രശ്നക്കാരനായിരുന്നു. പല സ്ഥലത്തു ബന്ധങ്ങളുണ്ടായിരുന്നു. കുട്ടികളുമുണ്ട്. ചാരായം വാറ്റുന്നിടത്തു വിറകുമായി വരുന്ന സ്ത്രീകളുമായായിരുന്നു ബന്ധം. ഇതൊക്കെ ഞാൻ സഹിച്ചു നിന്നു. വീട്ടിലെയും കുട്ടികളുടെയും കാര്യങ്ങൾ ഒന്നും നോക്കില്ലായിരുന്നു. എല്ലാം എന്റെ തലയിലായിരുന്നു. ഞങ്ങളുടെ നാട്ടിലേക്ക് ബസില്ലായിരുന്നു. നിരത്തുപാറവരെയായിരുന്നു ബസുണ്ടായിരുന്നത്. അന്നൊക്കെ കുട്ടികളെ കുറവന്മാരെ പത്തുരൂപ കൊടുത്താണ് കൂടെ വിട്ടിരുന്നത്. പിന്നെ എടത്തറയിലേക്ക് സ്‌കൂൾ മാറി. അപ്പോൾ, അവർക്ക് ഫീസ്, വണ്ടിക്കൂലി, അലക്കുകൂലി എല്ലാം കൂടി മാസം ആയിരം രൂപ വേണം. ചില മാസത്തിൽ സമയത്തു പണം കൊടുക്കാൻ കഴിഞ്ഞിട്ടില്ല. അതിനു കുട്ടികളെ ക്ലാസിൽനിന്ന് ഇറക്കിനിർത്തിയിട്ടുണ്ട്.

ഏഴാം ക്ലാസിലെത്തിയപ്പോൾ കടുത്ത സാമ്പത്തിക ബുദ്ധിമുട്ടായി. അന്ന് കുട്ടികളെ ബോർഡിംഗിലാക്കി ദമ്മാമിലേക്കു പോയി. കൈയിലുണ്ടായിരുന്ന വാച്ച് വിറ്റാണ് പാസ്പോർട്ട് എടുത്തത്. മാസം തോറും പതിനായിരം രൂപ അയച്ചുകൊടുക്കുമായിരുന്നു. എന്റെ അമ്മയ്ക്കാണ് അയച്ചിരുന്നത്. ആ പണം കുട്ടികൾ അടിച്ചുമാറ്റി അച്ഛനു കൊടുത്തിരുന്നു. ഓട്ടുകച്ചവടമൊക്കെയായിരുന്നു പണി. അതിനിടെ, ഏഴാം ക്ലാസ് കഴിഞ്ഞു പത്തനാപുരത്ത് സെന്റ് സ്റ്റീഫൻ സ്‌കൂളിലേക്കു മാറി. നാലുവർഷം കഴിഞ്ഞു ദമ്മാമിൽനിന്നു നാട്ടിലേക്കു മടങ്ങി വന്നപ്പോഴേക്ക് മക്കൾ പത്താം ക്ലാസ് കഴിഞ്ഞു. ഇളയവൻ ബോർഡിംഗിൽ നിന്നതുകൊണ്ട് പന്തുകളിക്കുമായിരുന്നു. അവൻ പല ടീമിലും കളിച്ചിട്ടുണ്ട്. ബോർഡിംഗിൽ മാസം പതിനായിരം രൂപ ഫീസ് കൊടുക്കണമായിരുന്നു. അതു ഗൾഫിൽനിന്ന് അയച്ചുകൊടുക്കുമായിരുന്നു.

നാട്ടിലെത്തിയപ്പോഴേക്ക് മൂത്തവൻ പ്രീഡിഗ്രിക്കു ചേർന്നു. അപ്പോഴേക്കും പത്രത്തിൽ പരസ്യം കണ്ട് അപേക്ഷിച്ച് പട്ടാളത്തിൽ അപേക്ഷിച്ചു. നാൽപതിനായിരം രൂപ ഒരാൾക്കു കൊടുത്തു. എസ്എസ്എൽസി ബുക്കും കൊടുത്തു. നാട്ടിലുള്ള ഒരാൾക്കാണ് കൊടുത്തത്. പട്ടാളത്തിൽ ചേർക്കാമെന്നു പറഞ്ഞയാൾക്ക് എസ്എസ്എൽസി ബുക്ക് കൊടുത്തിരുന്നു. ഫിസിക്കലും മെഡിക്കലും എല്ലാം കഴിഞ്ഞപ്പോൾ ജയിച്ചു. പട്ടാളത്തിൽ കിട്ടുമെന്നുറപ്പായി. അപ്പോൾ ബുക്ക് കിട്ടണമെങ്കിൽ 25000 രൂപ കൊടുക്കണമെന്നു പറഞ്ഞു. ഗൾഫിൽ ഞാനുണ്ടാക്കിയ പണത്തിൽനിന്ന് 25000 രൂപ കൊടുത്തതു കൊണ്ടു ബുക്ക് കിട്ടി തിരുവനന്തപുരത്തു പോയപ്പോൾ കൈക്കൂലി കൊടുത്തുവർ കൈ പൊക്കാൻ പറഞ്ഞു. ഭാഗ്യത്തിന് ഞാൻ കൈപൊക്കിയില്ല. അപ്പോഴാണ് മനസിലായത് പട്ടാളത്തിലെ ജോലിക്ക് കൈക്കൂലി ഒന്നും നടക്കില്ലെന്ന്.

പട്ടാളത്തിൽ കിട്ടിയപ്പോൾ മൂത്തമകൻ എന്നെയും വീടും മറന്നു

അവൻ പോയി പത്തുപൈസാ വീട്ടിൽ തന്നിട്ടില്ല. കടം വീടാനോ ഒന്നും തന്നില്ല. അപ്പോഴേക്ക് കൊച്ചു ചെറുക്കൻ (വരുൺ) പത്താം ക്ലാസ് പാസായി. അവൻ എംജി കോളജിൽ സ്പോർട്സ് ക്വാട്ടയിൽ കിട്ടി. പഠിക്കാനുള്ള ചെലവൊക്കെ നമ്മൾ എടുക്കണമായിരുന്നു. ഭക്ഷണമൊന്നും പിടിക്കാതെയായി. അങ്ങനെ പതിനായിരം രൂപ ഡെപ്പോസിറ്റ് കൊടുത്ത് വീട് വാടകയ്ക്കെടുത്തു. അവന്റെ കൂടെ ഞാനും താമസമായി. അതിനിടയിൽ കംപ്യൂട്ടറും പഠിച്ചു. ബൈക്കും വാങ്ങിക്കൊടുത്തു. ഒരു മാസത്തെ ലോൺ അടയ്ക്കാൻ പോലും കാശ് തന്നില്ല. പഠിക്കുന്നതിനിടയിൽ ഫുട്ബോൾ കളിക്കാൻ ഇന്ത്യ മുഴുവൻ കറങ്ങി. ആഹാരവും ട്രെയിൻ കൂലിയുമേ കോളജിൽനിന്നു കൊടുക്കൂ. ഓരോ തവണ പോകുമ്പോഴും രണ്ടായിരം രൂപ ഞാൻ കൊടുക്കണമായിരുന്നു. ഞാൻ കൊടുക്കുന്നതു കൂടാതെ അമ്മയുടെയും അനിയത്തിയുടെയും ഒക്കെ കൈയിൽനിന്ന് പണം വാങ്ങി. നന്നായി ഇംഗ്ലീഷ് പഠിച്ചു.

കോഴ്സ് കഴിഞ്ഞപ്പോൾ അവൻ നേരെ പോയി മൈക്രോസോഫ്റ്റിൽ പോയി. അതിന് അമേരിക്കൻ ഇംഗ്ലീഷ് പഠിക്കണം. അതിന് എറണാകുളത്തു കോഴ്സ് പഠിക്കണം. അതിനായി പണം കെട്ടിവയ്ക്കണമായിരുന്നു. രണ്ടു മാസം കഴിഞ്ഞപ്പോൾ ഡെൽ കമ്പനിയിൽ ജോലി കിട്ടി. ബാംഗ്ലൂരിലായിരുന്നു. ഒരു ലക്ഷം രൂപ ശമ്പളം ഉണ്ടായി. പിന്നെ അവൻ സ്വന്തം നിലയിൽ പോയി. തോട്ടമൊക്കെ വാങ്ങി. ഇന്നു വരെ അഞ്ചു പൈസയുടെ മിഠായി പോലും തന്നിട്ടില്ല. അതിനിടയിൽ, മൂത്തവന് ഒരു കല്യാണമൊക്കെയായി. താമസിച്ച സ്ഥലമൊക്കെ വിറ്റു കിട്ടിയ നാലരലക്ഷം രൂപയുമായി പോയി പന്ത്രണ്ടു വർഷം മുമ്പ് സ്ഥലം വാങ്ങി ലോണെടുത്ത് വീടുവച്ചു. ആ വീടാണ് ഫോട്ടോയിലൊക്കെ കാണുന്നത്. അപ്പോഴും പത്തുപൈസ ഇവന്മാർ തന്നിട്ടില്ല. എനിക്കു ചെലവിന് വേണ്ടി പാടത്തു കച്ചവടം നടത്തുകയായിരുന്നു.

വരുൺ ഓരോ കമ്പനിയിലും കരാരുറപ്പിച്ചു പെട്ടെന്നു ജോലി തീർത്തു ലോകം മുഴുവൻ കറങ്ങി പണം വലിയ തോതിൽ ഉണ്ടാക്കി. നല്ലവണ്ണം പണമുണ്ടാക്കി. അപ്പോഴേക്ക് മൂത്തവന് കല്യാണം ശരിയായി. അതു നടത്താനും വേണ്ടിവന്നു ഒന്നു രണ്ടു ലക്ഷം രൂപ. കല്യാണച്ചെലവിനു പോലും പത്തുപൈസാ തന്നിട്ടില്ല. കല്യാണം കഴിഞ്ഞപ്പോൾ പ്രശ്നമായി. ബന്ധുക്കളെല്ലാം കൂടി ഒന്നായി. മക്കളും കൂടി. മക്കളും മരുമകളും കൂടി എന്നെ ഉപദ്രവിച്ചു. മൂന്നുതവണ പൊലീസ് സ്റ്റേഷനിൽ പരാതി കൊടുത്തു. ഇവന്മാർ പൊലീസിനെ തെറ്റിദ്ധരിപ്പിച്ച് അവിടെന്നും നീതി കിട്ടിയില്ല.

ഐഎം വിജയനോടു പരാതി പറഞ്ഞപ്പോൾ അച്ഛനും മക്കളും എടുത്തിട്ടിടിച്ചു

ഒരു ദിവസം ഐഎം വിജയൻ ടൂർണമെന്റിന് വന്നു. അപ്പോൾ ഞാൻ സംസാരിച്ചു. അവന്മാർ പണമുണ്ടാക്കി സ്ഥലം വാങ്ങിയെങ്കിലും തന്നെ നോക്കുന്നില്ലെന്നു പറഞ്ഞു. അതിന് അച്ഛനും മക്കളും കൂടി അടിച്ചു. അതു കേസായി. കുടുംബകോടതിയിൽ കേസായി. അന്നേരം അമ്മയെ കൊണ്ടുപൊയ്ക്കാളാമെന്ന് വരുൺ പറഞ്ഞു. അപ്പോൾ മജിസ്ട്രേറ്റ് ചീത്തവിളിച്ചു. അമ്മയുടെ കടങ്ങളൊക്കെ വീട്ടിക്കൊള്ളാമെന്നു പറഞ്ഞു. ഇവന്മാരുടെയൊന്നും വേണ്ടെന്നു താനും പറഞ്ഞു. മൂന്നു പേരും കൂടി മൂവായിരം രൂപ ചെലവിനു നൽകണമെന്നായിരുന്നു വിധി. പന്ത്രണ്ടു വർഷമായി. ഒരു പൈസാ തന്നിട്ടില്ല.

അതു കഴിഞ്ഞു നാലു വർഷം കഴിഞ്ഞാണ് പാസ്പോർട്ട് പുതുക്കി വീണ്ടും ഗൾഫിൽ വന്നത്. ഇവന്മാരെ പഠിപ്പിക്കാൻ എന്റെ സമ്പാദ്യമെല്ലാം പോയി. ഇളയവന് കുറച്ചു മനസാക്ഷിയുണ്ടായിരുന്നു. അവന്റെയും മനസു മാറ്റി. ഇവന്മാർ സ്ഥലം വാങ്ങുമ്പോൾ ഞാൻ ആ വഴി കരഞ്ഞുവിളിച്ചു നടക്കുകയായിരുന്നു. അഞ്ചുവർഷം പാടത്തെ കടയിൽ താമസിച്ചു. പിന്നെ എനിക്കു നിൽക്കക്കള്ളിയില്ലാതായി. അപ്പോഴാണ് പാസ്പോർട്ട് പുതുക്കി സൗദിയിലെത്തിയത്. ഇവന്മാർ വിളിക്കുകയോ പറയുകയോ ഒന്നും ചെയ്തിട്ടില്ല.

വരുൺ പ്രസംഗിച്ചതു മൊത്തം പച്ചക്കള്ളമാണ്. അവൻ ആളാകാൻ നോക്കിയതാണ്.

വരുൺ പ്രസംഗിച്ചതു മൊത്തം പച്ചക്കള്ളമാണ്. ഒരു ലോഡിങ്കാരനു വർഷത്തിൽ നാലോ അഞ്ചോ ലോഡ് കിട്ടും. ആ പണം കൊണ്ട് ഇവന്മാർക്ക് ഇങ്ങനെ പഠിക്കാൻ പറ്റുമോ. മക്കൾ പഠിക്കാൻ പോയിടത്തൊക്കെ ഒപ്പം പോയി വളർന്നു കഴിഞ്ഞപ്പോൾ കഴുത്തിൽ പിടിച്ചു തള്ളുകയായിരുന്നു. എന്റെ നാട്ടിൽചെന്നു തിരക്കിയാൽ മതി, എന്താ സംഭവമെന്ന്. അവന്മാരുടെ പ്രൗഢിക്കും പേരും കിട്ടാൻ വേണ്ടിയാ ഇതൊക്കെ കാണിക്കുന്നത്.

സത്യം പറഞ്ഞപ്പോൾ നാണം കെടുത്തരുതെന്നു പറഞ്ഞു വരുൺ വിളിച്ചു

ഗീതയുടെ വാക്കുകൾ വരുണിന്റെ പ്രസംഗത്തിലെ വാദങ്ങളെല്ലാം പൊളിച്ചടുക്കുന്നതാണ്. വരുണിന്റെ പ്രസംഗത്തെക്കുറിച്ചു ഫേസ്‌ബുക്കിൽ വന്ന വാർത്തകളാണ് ഇപ്പോഴത്തെ വെളിപ്പെടുത്തലിന് ആധാരമായിരിക്കുന്നത്. പോസ്റ്റുകൾ കണ്ട് ഗീതയുടെ കൂടെ ജോലി ചെയ്യുന്ന ചിലരും സത്യാവസ്ഥ അറിയാവുന്ന നാട്ടുകാരിൽ ചിലരും യാഥാർഥ്യം പുറത്തുവിടുകയായിരുന്നു. ഇതു കണ്ട് വരുൺ തന്നെ ഫോൺ ചെയ്തതായും ഗീത പറയുന്നു. ഗീത പറയുന്നതിങ്ങനെ: ഞാൻ ജോലിക്ക് ആശുപത്രിയിലായിരുന്ന സമയത്ത് വരുൺ ഫോൺ ചെയ്തിരുന്നു, എങ്കിലും എടുത്തില്ല. രണ്ടു ദിവസം കഴിഞ്ഞു വിളിച്ചപ്പോൾ ഫോണെടുത്തു.

ഞാൻ ഇപ്പോൾ പഴയപോലെയൊന്നുമല്ല. അമ്മ നാണംകെടുത്തുന്ന രീതിയിൽ ഇടരുത്. ഫേസ്‌ബുക്കിൽ ഇട്ടത് പിള്ളേർ എല്ലാവരെയും കാണിക്കുന്നുണ്ട്. എന്നു പറഞ്ഞു. എടാ നിങ്ങൾ ജനിച്ചു വളർന്ന നാട്ടിൽ എങ്ങനാ ജീവിച്ചതെന്നും പഠിച്ചതെന്നും നാട്ടുകാർക്കറിയാം. ആ നാട്ടുകാരെ മറയ്ക്കാൻ പറ്റില്ല. എന്തിനാണ് ഞാൻ നാടുവിട്ടുപോയതെന്നു പറഞ്ഞത്. ഞാൻ എവിടെയാണെന്ന് നിനക്കറിയില്ലേ. എന്നെ ഒറ്റുകൊടുത്തുകൊണ്ട് നിങ്ങൾക്കു മിടുക്കനാകാനല്ലേ സംസാരിക്കുന്നത്. എന്താണ് ഇടേണ്ടതെന്ന് തനിക്കറിയാമെന്നു സൗദിയിലും പത്രക്കാരൊക്കെ ഉണ്ടെന്നും പറഞ്ഞു.

അമ്മാ ഒന്നും ചെയ്യരുത്; അമ്മയ്ക്ക് എന്തുവേണേലും ചെയ്തുതരാം

അമ്മാ ഒന്നും ചെയ്യരുത്. അമ്മയ്ക്ക് എന്തുവേണേലും ചെയ്തുതരാം. വീടുവച്ചുതരാമെന്നു പറഞ്ഞു. ആലോചിച്ചു വേണം സംസാരിക്കാൻ എന്നു പറഞ്ഞു. നാലു സെന്റ് സ്ഥലം വാങ്ങിയിട്ടുണ്ട്. സൗദിയിൽ ജോലി ചെയ്ത് സമ്പാദിച്ചു വാങ്ങിയതാ. ആവശ്യമുള്ളപ്പോ തന്നില്ലല്ലോ, ഇനി ആവശ്യമില്ലെന്നും പറഞ്ഞു.

ഇനി എന്താ ഉദ്ദേശം വരുന്നില്ലേ ചോദിച്ചു. വരുമെന്നു പറഞ്ഞു. വരാതെയെവിടെപ്പോകാനാ. ആരെയുംകൊന്നിട്ടും കൊലവിളിച്ചിട്ടും കുടുംബം തകർത്തിട്ടും ഒന്നും അല്ലല്ലോ വന്നത്. രണ്ട് ആൺമക്കളെയും സമൂഹത്തിനു മുന്നിൽ നല്ല രീതിയിൽ അന്തസോടെ വളർത്തിയിട്ടല്ലേ ഞാൻ വന്നതെന്നും ചോദിച്ചു.

വല്യമ്മയുടെ വളകൊണ്ടാണോ നീ വിദ്യാഭ്യാസം ചെയ്തതു ജോലിക്കു പോയതെന്നും ചോദിച്ചു. അന്നു ചടങ്ങിൽ ആളുകളെ കൈയിലെടുക്കാനാണ് അങ്ങനെ പറഞ്ഞതെന്നു പറഞ്ഞു. എന്റെ മുന്നിൽ നീ അതു പറയുമ്പോൾ പൊതുജനങ്ങൾ അറിയുന്നുണ്ടോ എന്നു ചോദിച്ചു. അമ്മയ്ക്കെന്താ വേണ്ടതെന്നു ചോദിച്ചു. എനിക്കൊന്നും വേണ്ടെന്നു പറഞ്ഞു.

പഴയതുപോലെ കച്ചവടം ചെയ്യാനാണോ എന്നു ചോദിച്ചു. കാശുണ്ടെങ്കിൽ തിരുവനന്തപുരം ടൗണിലും ചെയ്യാമെന്നു പറഞ്ഞു. ആദ്യം താമസിക്കാനാണ്സൗകര്യമുണ്ടാക്കേണ്ടതെന്നു പറഞ്ഞു. വീടുവച്ചു തരാമെന്നു പറഞ്ഞു. പല പ്രാവിശ്യം വിളിക്കുമ്പോൾ പല ഓഫറുകളും വച്ചിട്ടുണ്ട്. അതൊന്നും ചെയ്തിട്ടില്ലല്ലോ എന്നു പറഞ്ഞു. ഇനി അതിന്റെ ആവശ്യമില്ലെന്നു പറഞ്ഞു. അച്ഛന്റെ അനിയൻ മക്കളെ പഠിപ്പിക്കാൻ ലോണെടുത്ത രണ്ടു ലക്ഷം രൂപ കൊടുക്കാനുണ്ട്. അതു കൊടുക്കാമെന്നു പറഞ്ഞു. എന്നെ കളിയാക്കുന്നതു പോലെയാണു സംസാരിച്ചത്.

എന്റെ ആശുപത്രിയിലെ ഒരു നഴ്സ് വരുണിന്റെ പ്രസംഗം തെറ്റാണെന്നു പോസ്റ്റ് ചെയ്തിരുന്നു. വരുൺ പറയുന്നതെല്ലാം കള്ളത്തരമാണെന്നാണ് പോസ്റ്റിലുണ്ടായിരുന്നു. മക്കൾക്കു ജോലികിട്ടി പൈസാ ആയപ്പോഴാണ് ബന്ധുക്കൾ കൂടെക്കൂടിയത്. അങ്ങനെയാണ് വരുണിന്റെ അച്ഛൻ തിരിച്ചുവന്നത്.

മക്കൾ വളർന്നു വന്നപ്പോൾ എല്ലാം മറന്നുപോയി. ഇവർ ഇങ്ങനെ പറയുമ്പോൾ ഇക്കാര്യങ്ങളെല്ലാം പത്രങ്ങളിലും ചാനലുകളിലും പറയണമെന്ന് ചിന്തിക്കുകയാണ്. ഒരു വളകൊണ്ടാണ് ഇരുപത്തിമൂന്നു വയസുവരെ പഠിച്ചതെന്നു പറയുന്നത്. ഞാൻ ജീവിച്ചിരിക്കുമ്പോൾ അമ്മയെന്ന നിലയിൽ വലിയ സങ്കടമുണ്ട്. വരുണിന്റെ കമ്പനിയുടെ മുകളിൽ ഫ്‌ളാറ്റ് ഉണ്ട്. അവിടെ വന്നു താമസിക്കാൻ പറഞ്ഞു. അമ്പതു ലക്ഷം രൂപ ബാങ്കിൽ ഡിപ്പോസിറ്റ് ഇട്ടാൽ ആ പലിശകൊണ്ടു ജീവിച്ചോളാം എന്നു പറഞ്ഞു. അല്ലെങ്കിൽ പത്തനാപുരം ടൗണിൽ സ്ഥലം വാങ്ങിച്ചു തരാൻ പറഞ്ഞു. അപ്പോൾ അതിനൊക്കെ വലിയ വിലയാണെന്നും പറഞ്ഞാണ് ഒഴിവാക്കിയതെന്നും ഗീത പറഞ്ഞു.

വരുൺ താരമായത് കൈരളി ചാനൽ വേദിയിൽ

കൈരളി ചാനൽ കഴിഞ്ഞവർഷം മുതലാണ് യുവ സംരംഭകർക്ക് ഇന്നോടെക് പുരസ്‌കാരം നൽകാൻ ആരംഭിച്ചത്. ഇക്കുറി കൈരളി ചെയർമാൻ കൂടിയായ മലയാളത്തിന്റെ മഹാനടൻ മമ്മൂട്ടി നൽകുന്ന പ്രത്യേക പുരസ്‌കാരമാണ് വരുണിനു ലഭിച്ചത്. ഇതു സ്വീകരിച്ചുകൊണ്ടു കൊല്ലത്തു നടത്തിയ പ്രസംഗമാണ് വിവാദത്തിന് ആധാരം.

ചെറുപ്പകാലം കഷ്ടപ്പാടുകളുടേതാണെന്നായിരുന്നു വരുണിന്റെ പ്രസംഗം. അച്ഛൻ ബാലചന്ദ്രന്റെ മാതാവ് പൊന്നമ്മ വാറ്റുചാരായം വിറ്റായിരുന്നു കുടുംബം പുലർത്തിയിരുന്നതെന്നും പിന്നീട് അച്ഛൻ അതേറ്റെടുത്തു നടത്തിയെന്നും വരുൺ പറഞ്ഞു. പിന്നീട് ചുമട്ടുതൊഴിലാളിയായി. ആ സമയത്തു തനിക്കും ലോഡിംഗം തൊഴിലാളിയാകാനായിരുന്നു ആഗ്രഹമെന്നും അമ്മ കടബാധ്യതകാരണം നാടുവിട്ടു പോവുകയായിരുന്നെന്നുമാണ് പറഞ്ഞത്. അതെല്ലാം തെറ്റാണെന്നാണ് വരുൺ നാടുവിട്ടുപോയെന്നു പറഞ്ഞ മാതാവ് സൗദിയിലെ ആശുപത്രിയിലിരുന്നു മറുനാടൻ പ്രതിനിധിയോടു ഫോണിൽ പറഞ്ഞത്.

അവാർഡ്ദാനച്ചടങ്ങിൽ മമ്മൂട്ടി വരുണിനെ പ്രത്യേകം ആദരിച്ചിരുന്നു. വരുണിന്റെ പിതാവ് ബാലചന്ദ്രനെ വേദിയിലേക്കു വിളിച്ചുവരുത്തി ആശ്ലേഷിക്കുകയും ചെയ്തു. നടനും എംഎൽഎയുമായ മുകേഷ്, മലയാളം കമ്യൂണിക്കേഷൻസ് എംഡിയും മുഖ്യമന്ത്രിയുടെ മാധ്യമഉപദേഷ്ടാവുമായ ജോൺ ബ്രിട്ടാസ് എന്നിവരും വേദിയിലുണ്ടായിരുന്നു. ഇവരെയെല്ലാമാണ് വരുൺ പച്ചയ്ക്കു പറ്റിച്ചതെന്നാണ് മാതാവിന്റെ വാക്കുകളിൽനിന്നു വ്യക്തമാകുന്നത്.

മറുനാടൻ മലയാളി ബ്യൂറോ    
മറുനാടൻ മലയാളി റിപ്പോർട്ടർ

mail: editor@marunadanmalayali.com

Readers Comments

മലയാളത്തിൽ ടൈപ്പ്‌ ചെയ്യാൻ ഇവിടെ ക്ലിക്ക്‍ ചെയ്യുക
കമന്റ് ബോക്‌സില്‍ വരുന്ന അഭിപ്രായങ്ങള്‍ മറുനാടന്‍ മലയാളിയുടേത് അല്ല. മാന്യമായ ഭാഷയില്‍ വിയോജിക്കാനും തെറ്റുകള്‍ ചൂണ്ടി കാട്ടാനും അനുവദിക്കുമ്പോഴും മറുനാടനെ മനഃപൂര്‍വ്വം അധിക്ഷേപിക്കാന്‍ ശ്രമിക്കുന്നവരെയും അശ്ലീലം ഉപയോഗിക്കുന്നവരെയും മറ്റു മലയാളം ഓണ്‍ലൈന്‍ ലിങ്കുകള്‍ പോസ്റ്റ് ചെയ്യുന്നവരെയും മതവൈരം തീര്‍ക്കുന്നവരെയും മുന്നറിയിപ്പ് ഇല്ലാതെ ബ്ലോക്ക് ചെയ്യുന്നതാണ് - എഡിറ്റര്‍

More News in this category

MNM Recommends

Loading...
TODAYLAST WEEKLAST MONTH
കേസ് അന്വേഷിക്കാൻ വന്ന എസ്‌ഐക്ക് നേരേ തോക്ക് ചൂണ്ടി തട്ടിക്കളയുമെന്ന് ഭീഷണി; തൊഴിലാളികളെ അടക്കം തോക്കിൻ മുനയിൽ നിർത്തിയത് മണിക്കൂറുകൾ; ആദ്യം പിന്മാറിയെങ്കിലും അക്രമിയെ സാഹസികമായി പിടികൂടി പൊലീസ്; കൊല്ലം അരിപ്പ ഓയിൽ പാം എസ്റ്റേറ്റ് മാനേജർ പ്രതീഷിനെ വരുതിയിലാക്കിയത് ക്വാർട്ടേഴ്‌സിന്റെ വാതിൽ ചവിട്ടിപ്പൊളിച്ച്; നാടകീയ രംഗങ്ങൾ അരങ്ങേറിയിട്ടും തിരിഞ്ഞുപോലും നോക്കാതെ ഓയിൽ പാം മാനേജ്‌മെന്റ്
പെൻഷൻ കിട്ടിയ 1000 രൂപയിൽ 200 വീതം രണ്ട് മക്കൾക്കും കൊടുത്തിട്ടും മതിയാവാത്ത ഒരുത്തൻ 100 രൂപ കൂടി ചോദിച്ചു കൊത്തിയെടുത്തത് അപ്പന്റെ ജീവൻ തന്നെ; ഇരട്ട സഹോദരൻ ഉറങ്ങുമ്പോൾ മറ്റേയാൾ പിതാവിനെ ഭിത്തിയിൽ ഇടിച്ചും കഴുത്തിന് ഞെരിച്ചും കൊന്നു; സ്വാഭാവിക മരണമായി കണ്ടതുകൊലപാതകമായത് നാട്ടുകാരിൽ ഒരാൾക്ക് സംശയം തോന്നിയപ്പോൾ: പായിപ്പാട്ടെ ക്രൂര കൊലപാതകത്തിന്റെ ചുരുൾ അഴിയുമ്പോൾ
പ്രധാനമന്ത്രി പറഞ്ഞാൽ പോലും കേൾക്കില്ല; മുത്തൂറ്റിൽ യൂണിയൻ ഒരുകാരണവശാലും അനുവദിക്കില്ല; മോനേ രമേശാ നിങ്ങൾ ഭരിച്ചാലും ഐഎൻടിയുസിയെ മുത്തൂറ്റിൽ കയറ്റില്ല; യൂണിയനിൽ ഉള്ളത് മുഴുവൻ ചെകുത്താന്മാർ; പിണറായിയെ വിളിക്കുന്നത് പിണറായി ചേട്ടൻ എന്ന്; സംസ്ഥാനത്തേക്ക് നിക്ഷേപം കൊണ്ടുവരാൻ പിണറായിയുടെ അനൗദ്യോഗിക ഉപദേഷ്ടാവ്': ഇരട്ടച്ചങ്കനെയും വിരൽ തുമ്പിൽ നിർത്തുന്ന ജോർജ് മുത്തൂറ്റിന്റെ അഹങ്കാരം കണ്ട് ഞെട്ടി സഖാക്കൾ; സമരത്തിന് കാരണം വല്ലോം തപ്പണോയെന്ന് ജീവനക്കാരും
പ്രതിപക്ഷ എംപിയെന്ന നിലയിൽ മോദിയുടെ തെറ്റുകുറ്റങ്ങൾ എനിക്ക് തുറന്നുകാട്ടാം വിമർശിക്കാം; വിദേശത്ത് അദ്ദേഹം രാജ്യത്തിന്റെ പ്രധാനമന്ത്രി എന്ന നിലയിലാണ് പോകുന്നത്; എല്ലാ നല്ല സ്വീകരണവും ആദരവും അദ്ദേഹം ഏറ്റുവാങ്ങണം; യുഎസിലെ ഹൂസ്റ്റണിൽ നടക്കുന്ന ഹൗഡി മോദി പരിപാടി വെറും ധൂർത്തെന്ന രാഹുൽ ഗാന്ധിയുടെ പരാമർശത്തെ തിരുത്തി ശശി തരൂർ വീണ്ടും വിവാദച്ചുഴിയിൽ
ഡൽഹിയിൽ നിന്നും കേരളത്തിലേക്ക് താമസം മാറ്റിയപ്പോൾ ഫെഡറൽ ബാങ്കിൽ നിന്നും ലോണെടുത്ത് വാങ്ങിയതാണ് ആ ഫ്ളാറ്റ്; ആദായനികുതി റിട്ടേണിൽ ഫ്ളാറ്റ് വാടക കാണിക്കുന്നുണ്ട്; ഇടപെടാമെങ്കിൽ സർക്കാർ നിയമിച്ച വിദഗ്ധ കമ്മിറ്റിയുടെ മേൽ ആയിരുന്നില്ലേ ഇടപെടേണ്ടിയിരുന്നത്; എന്നെ പറ്റിച്ച ബിൽഡേഴ്സിനും ബാങ്കിനും എതിരെ നിയമ നടപടി എടുക്കും; മരടിലെ ഹോളി ഫെയ്ത്ത് ഫ്ളാറ്റിലെ ഉടമസ്ഥാവകാശത്തെ കുറിച്ചു ജോൺ ബ്രിട്ടാസിന് പറയാനുള്ളത്
കാൽമുട്ട് വേദനക്ക് ചികിത്സ തേടിയപ്പോൾ ഡോക്ടർ നൽകിയത് സ്റ്റിറോയ്ഡ് ഇൻഞ്ചക്ഷൻ; ശേഷം ഇൻഫക്ഷൻ വന്നു മുട്ട് പഴുത്തിട്ടും ഗൗനിക്കാതെ മരുന്നെഴുതി തുടർചികിത്സ; മറ്റൊരു ഡോക്ടറെ കാണിച്ചപ്പോൾ മംഗലാപുരം ആശുപത്രിയിൽ പ്രവേശിപ്പിക്കാൻ നിർദ്ദേശം; പഴുപ്പ് നീക്കാൻ വേണ്ടി വന്നത് രണ്ടു ആശുപത്രികളിലെ സർജറികൾ; ചെലവായത് അഞ്ച് ലക്ഷത്തിലധികം രൂപ; പയ്യാവൂർ കാരിത്താസ് ആശുപത്രിയിലെ ചികിത്സാ പിഴവിനെതിരെ ക്രിമിനൽ കേസുമായി ലൂസി മാത്യുവിന്റെ കുടുംബം; ആരോപണങ്ങൾ നിഷേധിച്ച് കാരിത്താസും
അവസാന നിമിഷം വരെ കൈയും കെട്ടിയിരുന്ന ശേഷം ഒടുവിൽ പൊളിച്ചു തുടങ്ങിയെന്ന് റിപ്പോർട്ട് കൊടുത്താലും കോടതി ക്ഷോഭിക്കുമെന്നറിഞ്ഞ് മാപ്പപേക്ഷ കൂടി ചേർത്തു; എന്നിട്ടും കോടതി തണുത്തില്ലെങ്കിൽ സർക്കാരിന്റെ വാക്കു പാഴ് വാക്കാക്കി പൊളിക്കാനുള്ള കരാർ കൊടുത്തേ മതിയാകൂ; സർക്കാറിൽ വിശ്വസിച്ചു ഫ്‌ളാറ്റ് ഉടമകൾ കഴിയുന്നത് വെറുതേയാകും; പൊളിഞ്ഞടുങ്ങാൻ പോകുന്നത് ബ്ലെസ്സി, സൗബിൻ, ആൻ, ജോൺ ബ്രിട്ടാസ്, മേജർ രവി തുടങ്ങിയവർ ഉൾപ്പെടെയുള്ള 350 ഫ്‌ളാറ്റ് സമുച്ചയങ്ങൾ
സൂര്യയുടെയും ലാലേട്ടന്റേയും വില കളയിക്കാനായിട്ടൊരു കാപ്പാൻ! ഇത് കേട്ടറിവ് പോലുമില്ലാത്ത ഉട്ടോപ്യൻ തിരക്കഥയിലൊരുക്കിയ ഓലപ്പടക്കം; ആദ്യപകുതിയിലെ ലാലേട്ടന്റെ പ്രസൻസും സൂര്യയുടെ മിലിട്ടറി വേഷവും ആശ്വാസം; ലോജിക്കില്ലായ്മ സിനിമയുടെ രസം കൊല്ലിയാകുമ്പോൾ ഒപ്പം മാരക കത്തിയുമായി രണ്ടാംപകുതിയും; നടനവിസ്മയവും നടിപ്പിൻ മന്നനും ഒരുപടി മുന്നിൽ നിൽക്കുമ്പോൾ കഥയെഴുതിയവനെ കണ്ടം വഴി ഓടിക്കണം; പ്രേക്ഷകനെ ആപ്പിലാക്കുന്ന 'കാപ്പാൻ'
മദ്യം തലയ്ക്ക് പിടിച്ചപ്പോൾ കാമുകിയെ കാണാൻ മോഹം; ജനലഴികളിൽ നിന്നുള്ള സംസാരം മടുത്തപ്പോൾ അകത്തു കയറി; കാമകേളികൾ കഴിഞ്ഞപ്പോൾ അറിയാതെ ഉറങ്ങിപ്പോയി; പതിവില്ലാത്ത കൂർക്കം വലി കേട്ട് നോക്കിയ വീട്ടുകാർ ഞെട്ടി; പൊലീസെത്തി പെൺകുട്ടിയെ ചോദ്യം ചെയ്തപ്പോൾ മറ്റൊരുവന്റെ പീഡനകഥയും പുറത്ത്: മല്ലപ്പള്ളിയിൽ പതിന്നാലുകാരിയെ പീഡിപ്പിച്ച കഥ പുറത്തായത് ഇങ്ങനെ
മെക്കാനിക്കിനെ ലൈംഗിക ബന്ധത്തിനായി യുവതി വീട്ടിലേക്ക് ക്ഷണിച്ചത് നിരവധി തവണ; താനുമായി ശാരീരിക ബന്ധത്തിൽ ഏർപ്പെടുന്നതിന്റെ വീഡിയോ ശിവാനി ചിത്രീകരിച്ചത് യുവാവ് അറിയാതെ; 40 ലക്ഷം രൂപ തന്നില്ലെങ്കിൽ വീഡിയോ പുറത്തുവിടും എന്നും ബലാത്സംഗത്തിന് കേസ് കൊടുക്കും എന്നും പറഞ്ഞതോടെ എട്ടിന്റെ പണി കൊടുത്ത് യുവാവും
രതിനിർവേദം പുറത്തു വന്നതോടെ ഹരി പോത്തനുമായി പിണങ്ങിയ എഴുപതുകളിലെ താര സുന്ദരിക്ക് ജീവിതം നൽകിയ 'വില്ലൻ'; മമ്മൂട്ടിയെ കണ്ട് പഠിക്കാതെ ലക്ഷ്യബോധമില്ലാതെ പ്രവർത്തിച്ചതു കൊണ്ടാണ് തനിക്കും രതീഷിനുമൊക്കെ തിരിച്ചടി നേരിട്ടതെന്ന് തിരിച്ചറിഞ്ഞ് വിലപിച്ച താരം; ബിസിനസ്സിലെ ചുവടുവയ്‌പ്പ് എത്തിച്ചത് കേസിലും പുലിവാലിലും; സീരിയൽ നടിയുമായുള്ള വിവാഹം തകർന്നതോടെ വീണ്ടും ജയഭാരതിയുമായി അടുക്കാൻ ആഗ്രഹിച്ച 'ഭർത്താവ്'; സത്താർ ഓർമ്മയാകുമ്പോൾ
സംസാരിച്ചു കൊണ്ടിരിക്കുമ്പോൾ പൊടുന്നനെ മുതലാളി പാന്റിന്റെ സിബ് അഴിച്ചു; വഴങ്ങാതെ നിന്നപ്പോൾ കഴുത്തിൽ ഇരുകൈകളും കൊണ്ട് അമർത്തിപ്പിടിച്ചു; കൊന്നു കളയുമെന്ന് ഭീഷണിപ്പെടുത്തി; പിന്നെ നടന്നത് നിർബന്ധപൂർവമുള്ള വദനസുരതം; സാമീസ് ലാബ് ഉടമ ഡോക്ടർ മജീദിനും മാധ്യമ പ്രവർത്തകൻ ജേക്കബ് ജോർജിന് എതിരെയും ലൈംഗിക പീഡനത്തിന് കോടതിയിൽ പരാതി; പരാതിക്കാരി പ്രമുഖ രാഷ്ട്രീയ പാർട്ടിയുടെ കൊച്ചിയിലെ വനിതാ നേതാവ്; ആരോപണത്തിന് പിന്നിൽ സാമ്പത്തികമെന്ന് ജേക്കബ് ജോർജ്
താൻ എന്തിനാണ് വന്നതെന്ന് നഗരസഭാ സെക്രട്ടറിയോട് ആക്രോശിച്ച് സ്വരാജ്; വിധി നടപ്പാക്കാനെന്ന മറുപടിക്ക് മുമ്പിൽ ചൂളി പോയി തൃപ്പുണിത്തുറ എംഎൽഎ; നിർമ്മാതാക്കളുടെ കള്ളക്കളികൾ ഓരോന്നായി തകരുമ്പോൾ വെട്ടിലാകുന്നത് ഇടത് നേതാവ് തന്നെ; വി എസ് പൊളിക്കുന്നത് 350 കോടിയോളം രൂപ സ്വന്തമാക്കിയ നിർമ്മാതാക്കളുടെ രാഷ്ട്രീയ പിന്തുണയോടെയുള്ള തലയൂരൽ കളി; ബിൽഡർമാക്കെതിരെ കേസ് കൊടുക്കാൻ ഉടമകളോട് നിർദ്ദേശിക്കാൻ സർക്കാരിൽ സമ്മർദ്ദം; മരട് സമരം എത്തുക ആന്റി ക്ലൈമാക്സിൽ?
പ്രളയത്തിൽ തൃശൂരിനെ വെള്ളത്തിൽ മുക്കിയത് ശോഭാ സിറ്റിയുടെ പുഴയ്ക്കൽ പാടത്തെ കൈയേറ്റം; പി എൻ സി മേനോന്റെ 19 ഏക്കർ വയൽ കൈയേറ്റത്തിലെ കള്ളി വെളിച്ചത്തുകൊണ്ടു വന്നത് ഈ മിടുമിടുക്കി; കൊല്ലുമെന്ന് ഭീഷണിപ്പെടുത്തിയിട്ടും പിൻവാങ്ങാതെ നിയമ പോരാട്ടം ജയിച്ചിട്ടും അഞ്ച് കൊല്ലമായിട്ടും വിധി നടപ്പാക്കേണ്ടവർ തുടരുന്നത് കുറ്റകരമായ മൗനം; പ്രവാസി വ്യവസായിക്ക് പത്മശ്രീ കിട്ടാത്തതിന് പിന്നിലും അഡ്വ വിദ്യാ സംഗീതിന്റെ നീതി ബോധം; ശതകോടീശ്വരന്റെ കൈയേറ്റം തൃശൂരിനെ മുക്കി കൊല്ലുമ്പോൾ
പ്രവാസിയുടെ ഭാര്യയുമായുള്ള അവിഹിതം ചെലവ് കൂട്ടി; യുവതിയുമായുള്ള ബന്ധം ദൃഢമാക്കാൻ വാങ്ങി കൊടുക്കേണ്ടി വന്നത് പുതുപുത്തൻ കാർ; ഏഴാംമൈലിലെ കാമുകിയുടെ ബന്ധുക്കൾ കൈയോടി പിടികൂടി തല്ലി ചതച്ചിട്ടും പിന്മാറാതെ പ്രണയം തുടർന്നു; തളിപ്പറമ്പിലെ കൂറ്റൻ ഷോപ്പിങ് മാൾ ഉടമയ്ക്കുള്ളത് ഏക്കറു കണക്കിന് എസ്റ്റേറ്റും ഐസ്‌ക്രീം കമ്പനിയിൽ പാർട്ണർഷിപ്പും; സ്‌കെയിൽ ഉപയോഗിച്ച് കാർ ഡോറു തുറക്കാനുള്ള വിദ്യ പഠിച്ചത് യുട്യൂബിൽ നിന്നും; കോടീശ്വരനായ അബ്ദുൾ മുജീബ് ബണ്ടിചോർ ആയത് ഇങ്ങനെ
അരമണി കിലുക്കി തൃശൂരിന്റെ ഹൃദയം കയ്യിലെടുത്ത സുന്ദരി ഇവിടെയുണ്ട്; പെൺ പുലികളിൽ വൈറലായ പാർവ്വതി അറിയപ്പെടുന്ന മോഡലും നർത്തകിയും; ചെറുപ്പം മുതലുള്ള ആഗ്രഹ സഫലീകരണത്തിന് പിന്തുണ നൽകിയത് വിയ്യൂർ ദേശത്തിന്റെ പുലിക്കളി സംഘം; മൂന്ന് ദിവസത്തെ പരിശീലനം കൊണ്ട് തൃശിവപേരുറിന്റെ മനസുകീഴടക്കിയ പാർവ്വതി വി നായരുടെ കഥ
ജയഭാരതിയും മകനും സത്താറിന്റെ രണ്ടാം ഭാര്യ നസീം ബീനയെ ആശുപത്രിയിൽ പ്രവേശിപ്പിക്കുന്നത് വിലക്കി; നടൻ രോഗിയായതു മുതൽ ചികിൽസയ്ക്ക് സാമ്പത്തിക സഹായം നൽകിയത് രണ്ടാം ഭാര്യ; കരൾമാറ്റ ശസ്ത്രക്രിയക്ക് സഹായം ചോദിച്ചപ്പോൾ ജയഭാരതി തർക്കിച്ച് ഫോൺ വെച്ചു; സത്താർ പുനർവിവാഹം ചെയ്ത കാര്യം മറച്ചുവെക്കാനാണ് ചിലർ ശ്രമിച്ചതെന്ന് ഭാര്യാ സഹോദരൻ; നടൻ സത്താറിന്റെ മരണത്തെ ചൊല്ലി ബന്ധുക്കളുടെ പോര്
അച്ചൻ ധ്യാനിക്കാൻ പോയപ്പോൾ ഒൻപതാം ക്ലാസുകാരനായ കപ്പിയാർക്ക് മൊബൈൽ കിട്ടി; വാട്സാപ്പിലെ ചാറ്റ് കണ്ടു ഞെട്ടിയ കുട്ടി സ്‌ക്രീൻ ഷോട്ടുകൾ അതിവേഗം കൂട്ടുകാർക്ക് അയച്ചു; പ്രാദേശിക ചാനലിലെ വാർത്ത ഗ്രൂപ്പുകളിൽ വൈറലായപ്പോൾ 'ധ്യാന ഗുരു' പള്ളിയുപേക്ഷിച്ച് അർദ്ധ രാത്രി ഓടി; വിവാദത്തിൽ കുടുങ്ങിയത് പ്രാർത്ഥിച്ച് ചാമ്പക്കാ വിളയിക്കുന്ന അച്ചൻ! വിവാദ നായിക സൺഡേ സ്‌കൂൾ അദ്ധ്യാപികയും; ശ്രീകണ്ഠാപുരത്തിന് സമീപമുള്ള ഒരു ഇടവകക്കാരെ ഞെട്ടിച്ച കഥ ഇങ്ങനെ
മദ്യം തലയ്ക്ക് പിടിച്ചപ്പോൾ കാമുകിയെ കാണാൻ മോഹം; ജനലഴികളിൽ നിന്നുള്ള സംസാരം മടുത്തപ്പോൾ അകത്തു കയറി; കാമകേളികൾ കഴിഞ്ഞപ്പോൾ അറിയാതെ ഉറങ്ങിപ്പോയി; പതിവില്ലാത്ത കൂർക്കം വലി കേട്ട് നോക്കിയ വീട്ടുകാർ ഞെട്ടി; പൊലീസെത്തി പെൺകുട്ടിയെ ചോദ്യം ചെയ്തപ്പോൾ മറ്റൊരുവന്റെ പീഡനകഥയും പുറത്ത്: മല്ലപ്പള്ളിയിൽ പതിന്നാലുകാരിയെ പീഡിപ്പിച്ച കഥ പുറത്തായത് ഇങ്ങനെ
മെക്കാനിക്കിനെ ലൈംഗിക ബന്ധത്തിനായി യുവതി വീട്ടിലേക്ക് ക്ഷണിച്ചത് നിരവധി തവണ; താനുമായി ശാരീരിക ബന്ധത്തിൽ ഏർപ്പെടുന്നതിന്റെ വീഡിയോ ശിവാനി ചിത്രീകരിച്ചത് യുവാവ് അറിയാതെ; 40 ലക്ഷം രൂപ തന്നില്ലെങ്കിൽ വീഡിയോ പുറത്തുവിടും എന്നും ബലാത്സംഗത്തിന് കേസ് കൊടുക്കും എന്നും പറഞ്ഞതോടെ എട്ടിന്റെ പണി കൊടുത്ത് യുവാവും
രതിനിർവേദം പുറത്തു വന്നതോടെ ഹരി പോത്തനുമായി പിണങ്ങിയ എഴുപതുകളിലെ താര സുന്ദരിക്ക് ജീവിതം നൽകിയ 'വില്ലൻ'; മമ്മൂട്ടിയെ കണ്ട് പഠിക്കാതെ ലക്ഷ്യബോധമില്ലാതെ പ്രവർത്തിച്ചതു കൊണ്ടാണ് തനിക്കും രതീഷിനുമൊക്കെ തിരിച്ചടി നേരിട്ടതെന്ന് തിരിച്ചറിഞ്ഞ് വിലപിച്ച താരം; ബിസിനസ്സിലെ ചുവടുവയ്‌പ്പ് എത്തിച്ചത് കേസിലും പുലിവാലിലും; സീരിയൽ നടിയുമായുള്ള വിവാഹം തകർന്നതോടെ വീണ്ടും ജയഭാരതിയുമായി അടുക്കാൻ ആഗ്രഹിച്ച 'ഭർത്താവ്'; സത്താർ ഓർമ്മയാകുമ്പോൾ
സംസാരിച്ചു കൊണ്ടിരിക്കുമ്പോൾ പൊടുന്നനെ മുതലാളി പാന്റിന്റെ സിബ് അഴിച്ചു; വഴങ്ങാതെ നിന്നപ്പോൾ കഴുത്തിൽ ഇരുകൈകളും കൊണ്ട് അമർത്തിപ്പിടിച്ചു; കൊന്നു കളയുമെന്ന് ഭീഷണിപ്പെടുത്തി; പിന്നെ നടന്നത് നിർബന്ധപൂർവമുള്ള വദനസുരതം; സാമീസ് ലാബ് ഉടമ ഡോക്ടർ മജീദിനും മാധ്യമ പ്രവർത്തകൻ ജേക്കബ് ജോർജിന് എതിരെയും ലൈംഗിക പീഡനത്തിന് കോടതിയിൽ പരാതി; പരാതിക്കാരി പ്രമുഖ രാഷ്ട്രീയ പാർട്ടിയുടെ കൊച്ചിയിലെ വനിതാ നേതാവ്; ആരോപണത്തിന് പിന്നിൽ സാമ്പത്തികമെന്ന് ജേക്കബ് ജോർജ്
താൻ എന്തിനാണ് വന്നതെന്ന് നഗരസഭാ സെക്രട്ടറിയോട് ആക്രോശിച്ച് സ്വരാജ്; വിധി നടപ്പാക്കാനെന്ന മറുപടിക്ക് മുമ്പിൽ ചൂളി പോയി തൃപ്പുണിത്തുറ എംഎൽഎ; നിർമ്മാതാക്കളുടെ കള്ളക്കളികൾ ഓരോന്നായി തകരുമ്പോൾ വെട്ടിലാകുന്നത് ഇടത് നേതാവ് തന്നെ; വി എസ് പൊളിക്കുന്നത് 350 കോടിയോളം രൂപ സ്വന്തമാക്കിയ നിർമ്മാതാക്കളുടെ രാഷ്ട്രീയ പിന്തുണയോടെയുള്ള തലയൂരൽ കളി; ബിൽഡർമാക്കെതിരെ കേസ് കൊടുക്കാൻ ഉടമകളോട് നിർദ്ദേശിക്കാൻ സർക്കാരിൽ സമ്മർദ്ദം; മരട് സമരം എത്തുക ആന്റി ക്ലൈമാക്സിൽ?
മോഷണ ശ്രമത്തിനിടയിൽ ജീവനക്കാർക്ക് വെടിയേറ്റ വീഡിയോയും സിഐടിയുവിന്റെ തലയിൽ; നാലുവർഷം മുൻപ് നെടുങ്കണ്ടം ബ്രാഞ്ചിൽ ബന്ദ് നടത്തിയവർ ഉണ്ടാക്കിയ അക്രമവും തൊഴിലാളി സമരത്തിന്റെ ഭാഗമാക്കി; മുത്തൂറ്റ് സ്ഥാപനങ്ങളിൽ സിസിടിവി ദൃശ്യങ്ങൾ എഡിറ്റ് ചെയ്തത് തൊഴിലാളി വിരുദ്ധമാക്കാൻ പ്രത്യേക സംഘം പ്രവർത്തിക്കുന്നു; കാള പെറ്റെന്നു കേട്ടയുടനെ കയറെടുക്കുന്ന സോഷ്യൽ മീഡിയയും; മുത്തൂറ്റിലെ ജീവനക്കാരെ ഒറ്റപ്പെടുത്താൻ മാനേജ്മെന്റും മാധ്യമങ്ങളും ചേർത്തു നടത്തുന്ന കള്ളക്കളികൾ
ഈ സ്ത്രീയുണ്ടല്ലോ... ഷാനി പ്രഭാകരൻ താങ്കളിലേക്ക് ചീറ്റിയത് ദേശീയ മാധ്യമങ്ങൾ എല്ലാം ചേർന്ന് ചീറ്റിയതതിലും അധികം വിഷമാണ്! താങ്കളെ കുറിച്ച് സ്വാഗത പ്രസംഗത്തിൽ ഇവർ നല്ലത് പറയുന്നത് കേട്ടാൽ ഞങ്ങൾക്ക് ചർദ്ദിക്കാൻ വരും! മനോരമ കോൺക്ലേവിൽ പങ്കെടുക്കാൻ മോദി എത്തുമെന്ന നിഷാ പുരുഷോത്തമന്റെ ട്വീറ്റ് പിൻവലിച്ചതിലും ആശ്വാസം കണ്ട് പരിവാറുകാർ; മനോരമ ന്യൂസിന്റെ പരിപാടിയിൽ പ്രധാനമന്ത്രി എത്തുമോ? ആർഎസ്എസ് ഉയർത്തുന്നത് അതിശക്തമായ പ്രതിഷേധം
അമ്മയുടെ ശസ്ത്രക്രിയക്കുള്ള മരുന്നുകൾ വാങ്ങാൻ വിപിൻ പണം കണ്ടെത്തിയത് മൊബൈലും മാലയും പണയം വെച്ച്; മെഡിക്കൽ സ്റ്റോറിലെത്തി ഡ്യൂപ്ലിക്കേറ്റ് ബിൽ ചോദിച്ചപ്പോൾ അറിഞ്ഞത് ബിൽ തിരികെ നൽകി പണം മറ്റൊരാൾ കൈപ്പറ്റിയെന്ന്; സിസിടിവി ദൃശ്യങ്ങൾ പരിശോധിച്ചപ്പോൾ കണ്ടത് 10793 രൂപ കൈപ്പറ്റുന്ന നഴ്‌സിനേയും; പാവങ്ങളുടെ ആശ്രയമായ മെഡിക്കൽ കോളേജിൽ പോലും പിച്ചച്ചട്ടിയിൽ കൈയിട്ടു വാരുന്ന പിശാചുകൾ; രണ്ട് മെയിൽ നഴ്‌സുമാർ പൊലീസ് കസ്റ്റഡിയിൽ