Forex Rate:

1 usd = 76.25 inr 1 gbp = 94.16 inr 1 eur = 85.23 inr 1 aed = 20.76 inr 1 sar = 20.32 inr 1 kwd = 247.66 inr
Apr / 202420Saturday
ഹോം വാർത്ത സ്പെഷ്യല്‍ റിപ്പോര്‍ട്ട്‌

ഒരു കൈകൊണ്ട് മലയാളം വലത്തോട്ട്; മറുകൈ കൊണ്ട് ഇംഗ്ലീഷ് ഇടത്തേക്ക്; ഹിന്ദിയും ചിത്രരചനയുമൊക്കെ തിരിച്ചും മറിച്ചും ചെയ്യുന്ന ഏഴുവയസുകാരി നാട്ടുകാർക്ക് അത്ഭുതമാകുന്നു

December 02, 201504:26 PM IST Permalink
ഒരു കൈകൊണ്ട് മലയാളം വലത്തോട്ട്; മറുകൈ കൊണ്ട് ഇംഗ്ലീഷ് ഇടത്തേക്ക്; ഹിന്ദിയും ചിത്രരചനയുമൊക്കെ തിരിച്ചും മറിച്ചും ചെയ്യുന്ന ഏഴുവയസുകാരി നാട്ടുകാർക്ക് അത്ഭുതമാകുന്നു

പ്രകാശ് ചന്ദ്രശേഖരൻ

കോതമംഗലം: ഒരു കൈകൊണ്ട് മലയാളം എഴുതും. മറുകൈകൊണ്ട് അതേ വേഗത്തിൽ എതിർദിശയിലേക്ക് ഇംഗ്ലീഷും എഴുതും. തോന്നിയാൽ ചിലപ്പോൾ ഇത്തരത്തിൽ തന്നെ ചിത്രരചനയും. ഏഴുവയസുകാരി ആതിരയുടെ ക്ലാസിലെ 'വികൃതി'കളേക്കുറിച്ച് അദ്ധ്യാപകർക്കും സഹപാഠികൾക്കും എടുത്തു പറയാനുള്ളത് ഇത്രമാത്രം.

കുട്ടമ്പുഴ വിമലാ സ്‌കൂളിലെ ഈ രണ്ടാം ക്ലാസുകാരിയുടെ വിരൽത്തുമ്പുകളിൽ ഏതു ഭാഷയും ഒരു പോലെ വഴങ്ങും. കാണുന്നവർക്ക് ഇത് വലിയ കാര്യമാണെങ്കിലും കുഞ്ഞാതിരക്ക് ഇത് അത്ര വലിയ സംഭവമൊന്നുമല്ല.

'എന്നെ ആരും പഠിപ്പിച്ചതൊന്നുമല്ല, തന്നെ പഠിച്ചതാ...' ഈ അത്ഭുത സിദ്ധിയെക്കുറിച്ച് ചോദിച്ചപ്പോൾ ഇതായിരുന്നു ആതിരയുടെ പ്രതികരണം. ആതിരയുടെ ഈ കഴിവ് പരിപോഷപ്പിക്കുന്നതിൽ വീട്ടുകാർക്കൊപ്പം സ്‌കൂളിലെ അദ്ധ്യാപകരും നിർണ്ണായകപങ്കു വഹിക്കുന്നുണ്ട്.

കോതമംഗലം ഉരുളൻ തണ്ണി പേണാട്ട് സജി -ശ്രീജാ ദമ്പതികളുടെ ഇളയ മകളാണ് ആത്ിര. ഒരേസമയം ഇരുകൈകളുമുപയോഗിച്ച് വ്യത്യസ്ത ദിശകളിലേക്ക് തെറ്റ് കൂടാതെ എഴുതാനും ചിത്രം വരയ്ക്കാനുമുള്ള ഈ കുരുന്നിന്റെ കഴിവ് നാട്ടിൽ ചർച്ചവിഷയമായിക്കഴിഞ്ഞു. മലയാളം മാത്രമല്ല, ഇംഗ്ലീഷും ഹിന്ദിയുമെല്ലാം ഈ കുരുന്നു വിരലുകൾക്ക് നിഷ്പ്രയാസം വഴങ്ങും. നിറപുഞ്ചിരിയോടെ ആതിര അനായസേന കടലാസ്സിൽ കോറിയിടുന്ന ചിത്രങ്ങളുടെ മനോഹാരിത ആരേയും അതിശയിപ്പിക്കുന്നതാണ്.

മൂന്നുവയസ്സുള്ളപ്പോൾ അംഗൻവാടി ടീച്ചറാണ് ആതിരയുടെ ഈ കഴിവ് തിരിച്ചറിഞ്ഞത്. അന്ന് രണ്ടു സ്‌ളേറ്റുകളിൽ ഒരേസമയം ചിത്രം വരച്ചു തുടങ്ങിയ ആതിരയുടെ ഈ വൈഭവം പിന്നീട് മൂന്നുഭാഷകളിലേക്ക് പകരാൻ കാരണമായതും ഇവർ തന്നെ. പഠനത്തിലും കലാ-കായീക- രംഗങ്ങളിലും സ്‌കൂളിൽ പ്രഥമ സ്ഥാനത്തുള്ള ഈ കൊച്ചു മിടുക്കിക്ക് ഇരുകൈകളുമുപയോഗിച്ച് ഒരേ സമയം വ്യത്യസ്ത ജോലികൾ ചെയ്യാനുമാകും. എതിർദിശയിലേക്കുള്ള എഴുത്തിൽ താൻ മുഖ്യ സ്ഥാനം നൽകുന്നത് മലയാളത്തിനാണെന്നും മാതൃഭാഷയോടുള്ള ഇഷ്ടക്കൂടുതലാണ് ഇതിനു കാരണമെന്നും ആതിര പറഞ്ഞു.

Stories you may Like

Readers Comments+

മലയാളത്തിൽ ടൈപ്പ്‌ ചെയ്യാൻ ഇവിടെ ക്ലിക്ക്‍ ചെയ്യുക

കമന്റ് ബോക്‌സില്‍ വരുന്ന അഭിപ്രായങ്ങള്‍ മറുനാടന്‍ മലയാളിയുടേത് അല്ല. മാന്യമായ ഭാഷയില്‍ വിയോജിക്കാനും തെറ്റുകള്‍ ചൂണ്ടി കാട്ടാനും അനുവദിക്കുമ്പോഴും മറുനാടനെ മനഃപൂര്‍വ്വം അധിക്ഷേപിക്കാന്‍ ശ്രമിക്കുന്നവരെയും അശ്ലീലം ഉപയോഗിക്കുന്നവരെയും മറ്റു മലയാളം ഓണ്‍ലൈന്‍ ലിങ്കുകള്‍ പോസ്റ്റ് ചെയ്യുന്നവരെയും മതവൈരം തീര്‍ക്കുന്നവരെയും മുന്നറിയിപ്പ് ഇല്ലാതെ ബ്ലോക്ക് ചെയ്യുന്നതാണ് - എഡിറ്റര്‍

More News in this category+

MNM Recommends +

  • TODAY
  • LAST WEEK
  • LAST MONTH

www.marunadanmalayalee.com © Copyright 2024. All rights reserved.

Go to TOP