Forex Rate:

1 usd = 76.25 inr 1 gbp = 94.16 inr 1 eur = 85.23 inr 1 aed = 20.76 inr 1 sar = 20.32 inr 1 kwd = 247.66 inr
Apr / 202420Saturday
ഹോം വാർത്ത ലോകം

തിരക്കേറിയ ഹൈവേയിലൂടെ മുട്ടിലിഴഞ്ഞ് ക്രോസ് ചെയ്ത് കുരുന്ന്; ലോറി ഡ്രൈവറുടെ ശ്രദ്ധ ഒരു കുരുന്നിന്റെ ജീവൻ അത്ഭുതകരമായി രക്ഷിച്ച വീഡിയോ പുറത്ത്

March 20, 201810:44 AM IST Permalink
തിരക്കേറിയ ഹൈവേയിലൂടെ മുട്ടിലിഴഞ്ഞ് ക്രോസ് ചെയ്ത് കുരുന്ന്; ലോറി ഡ്രൈവറുടെ ശ്രദ്ധ ഒരു കുരുന്നിന്റെ ജീവൻ അത്ഭുതകരമായി രക്ഷിച്ച വീഡിയോ പുറത്ത്

ഇരുപുറവും നോക്കി ശ്രദ്ധയോട് റോഡ് ക്രോസ് ചെയ്യുന്നവരെപ്പോലും ചീറിപ്പാഞ്ഞുവരുന്ന വാഹനങ്ങൾ ഇടിച്ചുതെറിപ്പിക്കുന്ന കാലമാണിത്. അപ്പോഴാണ് വിയറ്റ്‌നാമിൽ ഒരു കുരുന്ന് മുട്ടിലിഴഞ്ഞ് റോഡ് ക്രോസ് ചെയ്തത്. പാഞ്ഞുവന്ന ലോറി ഡ്രൈവറുടെ ശ്രദ്ധയിൽ ഒരു നിമിഷാർധനേരത്തേക്ക് കുഞ്ഞിന്റെ ദൃശ്യം പതിഞ്ഞതുകൊണ്ട് അതിപ്പോഴും ജീവനോടെയിരിക്കുന്നു. ഞെട്ടിപ്പിക്കുന്ന ഈ വീഡിയോ ലോകം ചർച്ച ചെയ്യുകയാണിപ്പോൾ.

ഖ്വാങ് നിമിൽനിന്നുള്ള ദൃശ്യമാണ് വൈറലായിരിക്കുന്നത്. ലോറിയുടെ ഡാഷ്‌കാമിൽ പതിഞ്ഞ ദൃശ്യങ്ങളിൽ കുരുന്ന് റോഡ് ക്രോസ് ചെയ്യുന്നതും ലോറി പെട്ടെന്ന് ബ്രേക്കിട്ട് നിർത്തിയിരിക്കുന്നതും വ്യക്തമാണ്. ഈ ലോറി ഡ്രൈവർ നൽകിയ മുന്നറിയിപ്പിനെത്തുടർന്നാണ് പാഞ്ഞുവന്ന വാഹനം നിർത്തിയത്. നിർത്തിയ വാഹനത്തിന്റെ ഡാഷ്‌കാമിലാണ് ചിത്രം പതിഞ്ഞത്. മാർച്ച് 13-നാണ് സംഭവം നടന്നതെന്നും ദൃശ്യങ്ങളിൽനിന്ന് തിരിച്ചറിയാനാകുന്നുണ്ട്.

വാഹനം നിർത്തിയയുടൻ റോഡിന്റെ മറുഭാഗത്തുനിന്നും ഒരു സ്ത്രീ ഓടിവരുന്നതും മീഡിയൻ ചാടിക്കടന്ന് കുട്ടിയെ വാരിയെടുക്കുന്നതും കാണാം. മറ്റ് വഴിയാത്രക്കാർ അവരെ സമീപിക്കുന്നതിനിടെ, റോഡ് ക്രോസ് ചെയ്ത് അവർ മറയുന്നതും വീഡിയോയിലുണ്ട്. വളവുതിരിഞ്ഞവരുമ്പോൾ കുട്ടിയെ കാണാനിടയായത് ഭാഗ്യം കൊണ്ടുമാത്രമാണെന്ന് കാർ ഡ്രൈവർ പറയുന്നു. ലോറി നിർത്തിയിട്ടിരുന്നകൊണ്ടുമാത്രമാണ് അത് ശ്രദ്ധയിൽപെട്ടതെന്നും ഡ്രൈവർ പറഞ്ഞു.

റോഡ് ക്രോസ് ചെയ്ത് യുവതി എന്തോ ആവശ്യത്തിന് പോയ സമയത്ത് വാഹനത്തിലിരുന്ന കുരുന്ന് അതിന്റെ തുറന്നുകിടന്ന ഡോറിലൂടെ പുറത്തിറങ്ങുകയായിരുന്നുവെന്നാണ് കരുതുന്നത്. അമ്മ പോയവഴിയെ റോഡ് മുറിച്ച് കടക്കുകയായിരുന്നു. കുട്ടിയെക്കണ്ട ലോറി ഡ്രൈവർ വാഹനം നിർത്തിയിട്ടു. ഇതോടെയാണ് അടുത്ത ലെയ്‌നിൽക്കൂടിവന്ന കാർ ഡ്രൈവറും ഇത് ശ്രദ്ധിക്കാനിടയായത്. 

Stories you may Like

Readers Comments+

മലയാളത്തിൽ ടൈപ്പ്‌ ചെയ്യാൻ ഇവിടെ ക്ലിക്ക്‍ ചെയ്യുക

കമന്റ് ബോക്‌സില്‍ വരുന്ന അഭിപ്രായങ്ങള്‍ മറുനാടന്‍ മലയാളിയുടേത് അല്ല. മാന്യമായ ഭാഷയില്‍ വിയോജിക്കാനും തെറ്റുകള്‍ ചൂണ്ടി കാട്ടാനും അനുവദിക്കുമ്പോഴും മറുനാടനെ മനഃപൂര്‍വ്വം അധിക്ഷേപിക്കാന്‍ ശ്രമിക്കുന്നവരെയും അശ്ലീലം ഉപയോഗിക്കുന്നവരെയും മറ്റു മലയാളം ഓണ്‍ലൈന്‍ ലിങ്കുകള്‍ പോസ്റ്റ് ചെയ്യുന്നവരെയും മതവൈരം തീര്‍ക്കുന്നവരെയും മുന്നറിയിപ്പ് ഇല്ലാതെ ബ്ലോക്ക് ചെയ്യുന്നതാണ് - എഡിറ്റര്‍

More News in this category+

MNM Recommends +

  • TODAY
  • LAST WEEK
  • LAST MONTH

www.marunadanmalayalee.com © Copyright 2024. All rights reserved.

Go to TOP