Forex Rate:

1 usd = 76.25 inr 1 gbp = 94.16 inr 1 eur = 85.23 inr 1 aed = 20.76 inr 1 sar = 20.32 inr 1 kwd = 247.66 inr
Apr / 202426Friday
ഹോം വാർത്ത ലോകം

' ഡോണ്ട് ഷൂട്ട്' എന്ന് തത്തമ്മ ആവർത്തിച്ചു പറഞ്ഞിട്ടും വീട്ടമ്മ ഭർത്താവിനെ വെടിവെച്ചിട്ടു; വളർത്തു തത്ത സാക്ഷിയായ കേസിൽ വീട്ടമ്മ കുറ്റക്കാരിയെന്ന് പൊലീസ്

July 21, 201708:28 AM IST Permalink
' ഡോണ്ട് ഷൂട്ട്' എന്ന് തത്തമ്മ ആവർത്തിച്ചു പറഞ്ഞിട്ടും വീട്ടമ്മ ഭർത്താവിനെ വെടിവെച്ചിട്ടു; വളർത്തു തത്ത സാക്ഷിയായ കേസിൽ വീട്ടമ്മ കുറ്റക്കാരിയെന്ന് പൊലീസ്

മിഷിഗൺ: വളർത്തുതത്ത സാക്ഷിയായ കൊലക്കേസിൽ വീട്ടമ്മ കുറ്റക്കാരിയെന്ന് കോടതി. ഗ്ലെന്ന ഡ്യുറാം എന്ന 49-കാരി ഭർത്താവ് മാർട്ടിൻ ഡ്യുറാമിനെ വെടിവെച്ച് കൊലപ്പെടുത്തിയ കേസിലാണ് കോടതിവിധി. കുടുംബവഴക്കിനൊടുവിൽ ഗ്ലെന്ന ഭർത്താവിനെ വെടിവെച്ചുകൊല്ലുകയായിരുന്നു. ഇയാളുടെ മരണത്തിന്റെ ഏക ദൃക്‌സാക്ഷി ഇവരുടെ വീട്ടിൽവളർത്തിയിരുന്ന തത്തയായിരുന്നു.

കേസിൽ തത്തയെ സാക്ഷിയായി പരിഗണിക്കാമോ എന്ന് മിഷിഗൺ പൊലീസും കോടതിയും ഏറെ ചർച്ചചെയ്തിരുന്നെങ്കിലും ഒടുവിൽ അതുണ്ടായില്ല. തത്തയെ കോടതി നടപടികളിലേക്ക് കൊണ്ടുവന്നില്ല. യു.എസിലെ മിഷിഗണിൽ 2015-ലാണ് സംഭവം. വീട്ടിൽ വളർത്തിയിരുന്ന തത്തയായിരുന്നു ഏക ദൃക്സാക്ഷി.

കേസ് കോടതിയിൽ എത്തിയപ്പോൾ കൊലപാതകത്തിന് ദമ്പതിമാർ വളർത്തുന്ന ആഫ്രിക്കൻ തത്ത 'ബഡ്' ദൃക്സാക്ഷിയാണെന്ന് മാർട്ടിന്റെ മാതാപിതാക്കളാണ് ആദ്യം പൊലീസിനോട് പറഞ്ഞത്. 'ഡോണ്ട് ഷൂട്ട്' എന്ന് മാർട്ടിന്റെ ശബ്ദത്തിൽ തത്ത ആവർത്തിച്ചിരുന്നതായി ബന്ധുക്കൾ മൊഴിനൽകിയിരുന്നു.

ദിവസംനീണ്ട വഴക്കിനൊടുവിൽ കൊല്ലണമെന്ന ഉദ്ദേശ്യത്തോടെത്തന്നെയാണ് ഡ്യുറാം വെടിയുതിർത്തതെന്ന് ജൂറി കണ്ടെത്തി. ശിക്ഷ അടുത്തമാസം വിധിക്കും.അഞ്ചുവെടിയുണ്ടകളാണ് മാർട്ടിന്റെ ശരീരത്തിൽനിന്ന് കണ്ടെടുത്തിരുന്നത്. മാർട്ടിനുനേരേ വെടിവെച്ചശേഷം സ്വയം വെടിവെച്ച് മരിക്കാനും ഗ്ലെന്ന ശ്രമിച്ചിരുന്നു. ഭർത്താവിന്റെ സമീപത്ത് തലയ്ക്ക് മുറിവേറ്റനിലയിലാണ് ഗ്ലെന്നിനെ കണ്ടെത്തിയിരുന്നത്.

പുറത്തുനിന്നുള്ള ആളാകാം കൊലപാതകത്തിനുപിന്നിലെന്നായിരുന്നു ആദ്യം പൊലീസ് സംശയിച്ചത്. എന്നാൽ, വീടിനുള്ളിൽനിന്ന് കൈത്തോക്ക് കണ്ടെടുത്തതോടെ ഗ്ലെൻ പിടിയിലാകുക ആയിരുന്നു.

 

Readers Comments+

മലയാളത്തിൽ ടൈപ്പ്‌ ചെയ്യാൻ ഇവിടെ ക്ലിക്ക്‍ ചെയ്യുക

കമന്റ് ബോക്‌സില്‍ വരുന്ന അഭിപ്രായങ്ങള്‍ മറുനാടന്‍ മലയാളിയുടേത് അല്ല. മാന്യമായ ഭാഷയില്‍ വിയോജിക്കാനും തെറ്റുകള്‍ ചൂണ്ടി കാട്ടാനും അനുവദിക്കുമ്പോഴും മറുനാടനെ മനഃപൂര്‍വ്വം അധിക്ഷേപിക്കാന്‍ ശ്രമിക്കുന്നവരെയും അശ്ലീലം ഉപയോഗിക്കുന്നവരെയും മറ്റു മലയാളം ഓണ്‍ലൈന്‍ ലിങ്കുകള്‍ പോസ്റ്റ് ചെയ്യുന്നവരെയും മതവൈരം തീര്‍ക്കുന്നവരെയും മുന്നറിയിപ്പ് ഇല്ലാതെ ബ്ലോക്ക് ചെയ്യുന്നതാണ് - എഡിറ്റര്‍

More News in this category+

MNM Recommends +

  • TODAY
  • LAST WEEK
  • LAST MONTH

www.marunadanmalayalee.com © Copyright 2024. All rights reserved.

Go to TOP