• ഹോം
• ഒമാൻ
• വാർത്തകൾ

മസ്‌കത്ത്: ഒമാനിലെ സലാലയിൽ മലയാളി യുവാവ് കാറിടിച്ചുമരിച്ചു. കണ്ണൂർ സ്വദേശി ജിതിൻ ആണ് മരിച്ചത്. ഇന്നലെ രാവിലെയോടെയാണ് സംഭവം.സലാലയ്ക്കടുത്തുള്ള പ്രദേശത്ത് വ്യാഴാഴ്ച രാവിലെ എട്ടരയോടെയാണ് അപകടം. അൽഫ കമ്പനിയിലെ ജീവനക്കാരനായിരുന്നു ജിതിൻ.

റോഡ് മുറിച്ചുകടക്കാനായി റോഡിനരികിൽ നിൽക്കുകയായിരുന്ന ജിതിനെ എതിർവശത്ത് നിന്ന് അമിതവേഗതയിൽ ഡിവൈഡർ കടന്നെത്തിയ മലയാളിയുടെ കാർ ഇടിച്ചുവീഴ്‌ത്തുക യായിരുന്നു. സലാല നമ്പർ അഞ്ചിലെ മസ്‌കത്ത് ഫാർമസിക്ക് സമീപത്തായിരുന്നു അപകടം നടന്നത്. കാറോടിച്ചിരുന്നതും മറ്റൊരു മലയാളിയായിരുന്നു.

ഉടൻ തന്നെ ആശുപത്രിയിലെത്തിച്ചെങ്കിലും ജീവൻ രക്ഷിക്കാനായില്ല. മൃതദേഹം സലാല ആശുപത്രിയിൽ സൂക്ഷിച്ചിരിക്കുകയാണിപ്പോൾ.ബംഗളൂരുവിൽ ജോലി ചെയ്തിരുന്ന ജിതിൻ ആറുമാസം മുമ്ബാണ് സലാലയിൽ ജോലിക്കായി എത്തിയത്.