Forex Rate:

1 usd = 76.25 inr 1 gbp = 94.16 inr 1 eur = 85.23 inr 1 aed = 20.76 inr 1 sar = 20.32 inr 1 kwd = 247.66 inr
Apr / 202420Saturday
ഹോം ഒമാൻ വാർത്തകൾ

പെരുന്നാൾ അവധി ആഘോഷിക്കാൻ സലാലയിലേക്ക് വാഹനവുമായി പോകുന്നവർക്ക് മുന്നറിയിപ്പുമായി അധികൃതർ; മസ്‌കത്ത്- സലാല റൂട്ടിലെ അപകടങ്ങൾക്ക് പ്രധാന കാരണം ഒട്ടകങ്ങളിൽ ഇടിക്കുന്നതെന്ന് കണ്ടെത്തൽ

July 07, 201602:39 PM IST Permalink
പെരുന്നാൾ അവധി ആഘോഷിക്കാൻ സലാലയിലേക്ക് വാഹനവുമായി പോകുന്നവർക്ക് മുന്നറിയിപ്പുമായി അധികൃതർ; മസ്‌കത്ത്- സലാല റൂട്ടിലെ അപകടങ്ങൾക്ക് പ്രധാന കാരണം ഒട്ടകങ്ങളിൽ ഇടിക്കുന്നതെന്ന് കണ്ടെത്തൽ

മസ്‌കത്ത്: പെരുന്നാൾ അവധി ആഘോഷിക്കാൻ സലാലയിലേക്ക് വാഹനവുമായി പോകുന്നവർക്ക് മുന്നറിയിപ്പുമായി അധികൃതർ രംഗത്ത്.സലാലയിലേക്ക് വാഹനമോടിച്ചു പോകുന്നവർ ജാഗ്രത പാലിക്കണമെന്നുംസുരക്ഷാ മാനദണ്ഡങ്ങൾ പാലിക്കണമെന്നും അധികൃതർ അറിയിച്ചു. മസ്‌കത്ത്-സലാല റൂട്ടിലെ വാഹനാപകടങ്ങളുടെ പ്രധാന കാരണം റോഡ് മുറിച്ചുകടക്കുന്ന ഒട്ടകങ്ങളിൽ ഇടിക്കുന്നതാണെന്ന് ദോഫാർ സർവകലാശാല നടത്തിയ പഠനം പറയുന്നു. .

എല്ലാ പെരുന്നാൾ അവധി ദിനങ്ങളിലും സലാല-മസ്‌കത്ത് റോഡിലും മറ്റു റോഡുകളിലും അപകടങ്ങളുണ്ടാകാറുണ്ട്. അധികൃതർ എത്ര മുന്നറിയിപ്പുകൾ നൽകിയാലും സുരക്ഷാനടപടികൾ എടുത്താലും ഇതിന് മാറ്റമുണ്ടാകാറില്ല.അപകടങ്ങൾ അധികവും അർധരാത്രിയിലാണുണ്ടാകുന്നത്. കഴിഞ്ഞ വർഷം മസ്‌കത്തിൽനിന്ന് പോയ സംഘം അപകടത്തിൽപെട്ടിരുന്നു. മൃഗങ്ങൾ മൂലം 40.6 ശതമാനം അപകടങ്ങളാണ് ഉണ്ടാകുന്നത്. അർധരാത്രിയിൽ അതിവേഗത്തിൽ വരുന്ന വാഹനങ്ങൾ റോഡ് മുറിച്ചുകടക്കുന്ന മൃഗങ്ങളിൽ ഇടിക്കുകയാണ് ചെയ്യുക. ഒട്ടകത്തിൽ വാഹനമിടിച്ചാൽ അപകടം കൂടുതൽ ഗുരുതരമായിരിക്കും.

ഒട്ടകത്തിൽ ഇടിക്കുന്നതോടെ വാഹനം നിയന്ത്രണംവിട്ട് മറിയുകയാണ് ചെയ്യുന്നത്. അതിനാൽ രാത്രി വാഹനം ഓടിക്കുന്നവർ ഏറെ ജാഗ്രത പാലിക്കണമെന്നും അമിത വേഗം പാടില്‌ളെന്നും അധികൃതർ മുന്നറിയിപ്പ് നൽകുന്നു.

മിർബാത്ത്, മുഖ്‌സൈൽ ഭാഗങ്ങളിലാണ് ഏറ്റവും കൂടുതൽ അപകടമുണ്ടാകുന്നത്. മഴക്കാലമാകുന്നതോടെ ഒട്ടകങ്ങളെ ഉടമകൾ മാറ്റി താമസിപ്പിക്കുന്നതും അപകടങ്ങൾ വർധിക്കാൻ കാരണമാകുന്നുണ്ട്. ഇതിന് പരിഹാരമായി പ്രധാന ഹൈവേകളിൽ റോഡിനിരുവശവും കമ്പിവേലി കെട്ടണമെന്നടക്കമുള്ള ആവശ്യങ്ങളും ഉയർന്നുവരുന്നുണ്ട്. മുൻ വർഷത്തേക്കാൾ അധികം വിനോദസഞ്ചാരികൾ ഇക്കുറി സലാല സന്ദർശിക്കാൻ എത്തുമെന്നാണ് കരുതുന്നത്.

 

Stories you may Like

Readers Comments+

മലയാളത്തിൽ ടൈപ്പ്‌ ചെയ്യാൻ ഇവിടെ ക്ലിക്ക്‍ ചെയ്യുക

കമന്റ് ബോക്‌സില്‍ വരുന്ന അഭിപ്രായങ്ങള്‍ മറുനാടന്‍ മലയാളിയുടേത് അല്ല. മാന്യമായ ഭാഷയില്‍ വിയോജിക്കാനും തെറ്റുകള്‍ ചൂണ്ടി കാട്ടാനും അനുവദിക്കുമ്പോഴും മറുനാടനെ മനഃപൂര്‍വ്വം അധിക്ഷേപിക്കാന്‍ ശ്രമിക്കുന്നവരെയും അശ്ലീലം ഉപയോഗിക്കുന്നവരെയും മറ്റു മലയാളം ഓണ്‍ലൈന്‍ ലിങ്കുകള്‍ പോസ്റ്റ് ചെയ്യുന്നവരെയും മതവൈരം തീര്‍ക്കുന്നവരെയും മുന്നറിയിപ്പ് ഇല്ലാതെ ബ്ലോക്ക് ചെയ്യുന്നതാണ് - എഡിറ്റര്‍

More News in this category+

MNM Recommends +

  • TODAY
  • LAST WEEK
  • LAST MONTH

www.marunadanmalayalee.com © Copyright 2024. All rights reserved.

Go to TOP