നിലപാട് പറയുന്ന പെണ്ണിനെ കൂട്ടംകൂടി ആക്രമിക്കുന്ന കാലത്താണ് മായാനദി പ്രദർശനത്തിന് എത്തുന്നത്; 'ഫീൽ ഗുഡ് സിനിമ'കളുടെ കാലത്ത് ദുഃഖമാണ് പരമമായ അനുഭവമെന്ന എം.എൻ വിജയൻ മാഷിന്റെ വാക്കുകളെ ചിത്രം ഓർമിപ്പിക്കുന്നു; ഗൊദാർദിന്റെ 'ബ്രത്ത് ലസി'നോടാണ് പ്രമേയത്തിന് ചായ്വ്; ആഷിഖ് അബു ചിത്രത്തിന് ഒരു ആസ്വാദനക്കുറിപ്പ്
സോറി! മായാനദിയെ കുറിച്ചുതന്നെ!
When love beckons to you, follow him, Though his ways are hard and steep. And when his wings enfold you yield to him, Though the sword hidden among his pinions may wound you.'- Khalil jibran.
'ഫീൽ ഗുഡ് സിനിമ'കളുടെ കാലത്ത് ദുഃഖമാണ് പരമമായ അനുഭവമെന്ന എം.എൻ വിജയൻ മാഷിന്റെ വാക്കുകളെ മായാനദി ഓർമിപ്പിച്ചു.1960 ൽ ഫ്രഞ്ച് നവതരംഗ സിനിമയിൽ വെള്ളിടി പോലവതരിച്ച ഗൊദാർദിന്റെ 'ബ്രത്ത് ലസി''നോടാണ് മായാനദിയുടെ പ്രമേയത്തിന് ചായ്വ്. ജംപ് കട്ടുകളും അതി സമീപമുഖഭാവങ്ങളും വളരെ ചടുലമായ ക്യാമറാ ചലനങ്ങളും ഒക്കെ ചേർന്ന് സിനിമയുടെ ഫോമിനെ പരീക്ഷണാത്മകമായി ഉപയോഗിച്ച സിനിമ കൂടിയാണ് ' ബ്രെത് ലസ്'. പ്രണയവും വഞ്ചനയും നാടകീയമായ ട്വിസ്റ്റുകളും ബ്രെത് ലെസിനെ ആകാംക്ഷയോടെ കാണാൻ പ്രേരിപ്പിക്കും.
ചെറിയ സ്പേസിന്റെ പരിമിതിയെ ബുദ്ധിപൂർവ്വമായ ക്യാമറാ നിലയും നടീനടന്മാരുടെ ചലന സംവിധാനവും വഴി ഗൊദാർദ് മറികടന്നത് ഇന്നും അത്ഭുതപ്പെടുത്തും. മായാനദി 'ബ്രത് ലെസിന്റെ അനുവർത്തനമാണെന്ന് അണിയറ പ്രവർത്തകർ പറയുകയോ ചിത്രത്തിലെവിടേയും രേഖപ്പെടുത്തുകയോ ചെയ്തിട്ടില്ല. ചിത്രത്തിന്റെ അടിസ്ഥാന പ്രമേയത്തിന് ആ ക്ലാസിക് ചിത്രവുമായി സാമ്യമുണ്ട്.
ചലച്ചിത്ര സാക്ഷരതയിൽ ഏറെ മുന്നിൽ നില്ക്കുന്ന മലയാളി പ്രേക്ഷകർ അത്തരം മറച്ചു പിടിക്കലുകൾ കണ്ടെത്തുന്നതിൽ ഹരം പിടിക്കുമെന്നത് തീർച്ച! പക്ഷേ ദേശീയ അവാർഡ് ജേതാവായ, മലയാളത്തിൽ ഇന്ന് ഏറ്റവും പ്രോമിസിങ്ങ് ആയി കരുതുന്ന ശ്യാം പുഷ്കരനെ പോലുള്ള ഒരു എഴുത്തുകാരനും സാമൂഹ്യ / രാഷ്ട്രീയ വിഷയങ്ങളിൽ, പുരോഗമനപരമായ, തുറന്ന നിലപാടുകൾ സ്വീകരിക്കാറുള്ള ആഷിക് അബു എന്ന സംവിധായകനും ഇത്തരം ഒരു പ്രചോദനത്തെ വെളിപ്പെടുത്താനുള്ള Intellectual Honesty കാണിക്കാൻ അധൈര്യപ്പെടുന്നത് എന്തിനാണ് എന്ന ചോദ്യം മനസ്സിലുണ്ട്.
തീർച്ചയായും മായാനദിക്ക് സിനിമ എന്ന നിലയിൽ സ്വന്തമായ അസ്തിത്വമുണ്ട്. തിരക്കഥയുടെ ഇഴയടുപ്പം, സംഭാഷണത്തിലെ മിതത്വം /കൃത്യത, ദൃശ്യപരിചരണത്തിലെ ഏകാഗ്രത, ശബ്ദപഥത്തിന്റെ ജീവസ്സ് / സ്വാഭാവികത , മികച്ച കഥാപാത്രാവിഷ്കാരം ,വിശ്വസനീയമായ നടീനടന്മാരുടെ തിരഞ്ഞെടുപ്പ് എന്നിവ മായാ നദിയിൽ കാണാം.സിനിമ കാണലിനു ശേഷവും മനസ്സിനെ ചിന്തിപ്പിക്കുകയും നോവിക്കുകയും ചെയ്യുന്നുണ്ട് ഈ ചിത്രം.
'Struggling' ആയ ഒരു കൂട്ടം മനുഷ്യരെയാണ് മായാനദിയിൽ ആഷിക് കാണിച്ചുതരുന്നത്. അരക്ഷിതത്വവും ആത്മവിശ്വാസമില്ലായ്മയും ഒളിപ്പിക്കാനോ മറികടക്കാനോ ശ്രമിക്കുന്നവർ.
അവരവരുടേതായ വ്യക്തിത്വവും നിലപാടുകളും അവയെ സാധൂകരിക്കുന്ന ജീവിതാനുഭവ / പാഠങ്ങളുമുള്ളവർ. ഇവരുടെ അതിജീവന സ്വപ്നങ്ങളുടെ / തകർച്ചയുടെ കൂടി കഥയാണ് മായാനദി.
മാത്തൻ, അപർണ, മാത്തനെ പിന്തുടരുന്ന പൊലീസ് സംഘം ഈ മൂന്നു യൂണിറ്റുകളെ omnipresent ആയി narrate ചെയ്യുന്ന രീതിയിലാണ് ചിത്രത്തിന്റെ ആഖ്യാന ഘടന. ഈ ശൈലി സിനിമയ്ക്ക് നല്കുന്ന ത്രില്ലിങ് മൂഡ് ആദ്യാവസാനം ചിത്രത്തിൽ നിലനിർത്താനുള്ള ശ്രമം സംവിധായകനും തിരക്കഥാകൃത്തുക്കളും നടത്തുന്നുണ്ട്.
ചിത്രത്തിന്റ ആദ്യ ഫ്രെയിം മുതൽ സിനിമയുടെ Narrative ന്റെ ഭാഗമാക്കി മാറ്റിയിരിക്കുന്നു സംവിധായകൻ. ഭൂതവും വർത്തമാനവും തുലഞ്ഞു പോയെന്ന് കരുതുന്ന, ഭാവിയിൽ പ്രതീക്ഷ ഏറെയുള്ള മാത്തന്റെ സംഭാഷണത്തിലാണ് ചിത്രത്തിന്റെ തുടക്കം. മാത്തൻ ചില്ലറ തട്ടിപ്പുകൾ കൈവശമുള്ളവനാണ്. വലിയ അന്തർ സഘർഷങ്ങൾ സൂക്ഷിക്കാത്ത പ്രകൃതം..മാത്തന്റെ വേഷം ടൊവിനൊയ്ക്ക് ചേരുന്നുണ്ട്. ഒന്നും കാര്യമായിട്ടെടുക്കാത്ത ,ഒഴുക്കൻ മട്ടിലുള്ള ശരീരഭാഷയിൽ മാത്തനെ ടൊവിനോ ആവിഷ്കരിക്കുന്നു. ഇനി ഫഹദ് ഫാസിൽ ഇതിലും നന്നാകുമെന്ന അഭിപ്രായങ്ങളോട് നമ്മൾ കാണുന്ന സിനിമയെയാണ്, ആഗ്രഹിക്കുന്ന സിനിമയെ വിലയിരുത്തരുതേ എന്നേ പറയാനുള്ളൂ.
സിനിമയിൽ നല്ല അവസരം തേടി അലയുന്ന / അരക്ഷിതയും ആത്മവിശ്വാസമില്ലാത്തവളുമായ അപർണ രവി എന്ന പെൺകുട്ടി പുതിയ കാലത്തിന്റെ പ്രതിനിധിയാണ്. അഭിനയം പാഷൻ ആയ ,എഞ്ചിനീയറിങ് പഠനം പാതിയിൽ വച്ച് ഉപേക്ഷിച്ച പെൺകുട്ടി. കല്യാണ ചടങ്ങുകളിലും മറ്റും MC ആയും ചെറുകിട സിനിമ വേഷങ്ങളുമായി കുടുംബത്തിന് വേണ്ടി പണിയെടുക്കുന്ന കുട്ടി. തന്റേടവും അത്യാവശ്യം ഈഗോയും ജീവിതത്തോട് അഭിനിവേശവും ഒക്കെ സൂക്ഷിക്കുന്ന അപർണയാണ് മായാ നദിയുടെ നട്ടെല്ല്. ഐശ്വര്യ ലക്ഷ്മി എന്ന അഭിനേത്രിയുടെ പ്രകടനം അഭിനന്ദനമർഹിക്കുന്നു. കഥാപാത്രത്തെ വിശ്വസനീയമായി അവതരിപ്പിക്കുന്നതിൽ ഐശ്വര്യ വിജയിച്ചിട്ടുണ്ട്.
കൊച്ചിയിൽ അപർണയെത്തേടി മാത്തൻ എത്തുന്നതോടെ തിരശ്ശീലയിൽ പ്രണയത്തിന്റെ ഊഷ്മളതയും മൗനങ്ങളും കുസൃതികളും തൃഷ്ണകളും നിറയുകയായി. മാത്തനും അപർണയും പഠന കാലത്ത് പ്രണയിച്ചവരായിരുന്നെന്ന് പ്രേക്ഷകരറിയുന്നു. ഒരു breach of trust പ്രണയത്തിൽ സംഭവിച്ചതിന്റെ പേരിൽ അപർണ അവനെ അകറ്റി നിർത്തിയിരിക്കുകയാണ്. മാത്തന്റ രണ്ടാം വരവ് അപർണയിൽ ഉണ്ടാക്കുന്ന ക്ഷോഭങ്ങൾ, മനസിലാക്കൽ, പ്രണയത്തിന്റെ വീണ്ടെടുക്കൽ എന്നിവ സത്യസന്ധമായി പകർത്താനുള്ള ശ്രമം മായാ നദിയിൽ ഉണ്ട്.
നായകനും നായികയും ചുംബിക്കുമ്പോൾ cut away Shots ആയി പക്ഷികൾ കൊക്കുരു മ്മുന്നതോ, കടൽ തിരമാലയോ, പൂക്കളോ / ചില്ലകളോ ഒന്നും കാണിച്ച് ഒളിച്ചോടാൻ ഈ ചിത്രത്തിൽ ശ്രമമില്ലാത്തത് ആളുകളെ തീർച്ചയായും അഭ്ഭുതപ്പെടുത്തും . എന്തായാലും ഒട്ടും വർഗർ അല്ലാത്ത വോയറിസ്റ്റിക് സ്വഭാവമില്ലാത്ത ചുംബന രംഗത്തിന് കത്തിവെക്കാത്ത സെൻസർ ബോർഡിന്റെ തീരുമാനത്തിന് അഭിവാദ്യങ്ങൾ .
തോൽക്കാൻ തയ്യാറാവാത്ത പെണ്ണാണ് അപർണ. സ്വയം മിസ്റ്റിഫൈ ചെയ്യാൻ ശ്രമിക്കാത്ത പെണ്ണ്. അവളുടെ പല ചോദനകളുടേയും ആഴം രണ്ടാമത്തെ വരവിലും മാത്തന് മനസ്സിലാക്കാൻ പറ്റുന്നില്ല. മായാനദി എന്ന പേർ പതിയെ അപർണയുടെ ആൾട്ടർ ഈഗോ ആയി മാറുന്നതിന്റെ ഭംഗി ഈ ചിത്രം നല്കുന്ന പുതുമയാർന്ന ആസ്വാദനമാവുന്നു. അപർണ 'ബോൾഡ്' ആകുന്നത് അവൾ ലൈംഗികത തുറന്ന മനസോടെ, പാപബോധമില്ലാതെ കാണുന്നു എന്നതുകൊണ്ടു മാത്രമല്ല. അത് അവളുടെ സ്വതന്ത്രമായ തീരുമാനമാണ് എന്ന നിലയ്ക്കാണ്.
തൂവാനത്തുമ്പികളിലെ 'ക്ലാരാ' സോഷ്യൽ മീഡിയാ വാഴ്ത്തപ്പെട്ടവളാക്കിയ കഥാപാത്രമാണ്.കുടുംബത്തിന് പുറത്ത് പുരുഷൻ ആഗ്രഹിക്കുന്ന ലൈംഗിക തൃഷ്ണയുടെ സ്ഥാപനവല്ക്കരണമാണ് യഥാർത്ഥത്തിൽ ഈ ക്ലാരാപ്രണയത്തിന് പിന്നിലെ മനഃശാസ്ത്രം. ക്ലാര ജയകൃഷണന് വഴങ്ങാൻ നിർബന്ധിതമായ ഒരു സാഹചര്യമുണ്ടെങ്കിൽ മായാനദിയിൽ അപർണയുടേത് തീർത്തും സ്വതന്ത്ര തീരുമാനമാണ്. അത് മാനസികമായ സന്തോഷത്തിന്റെ പ്രണയത്തിന്റെ ശാരീരിക പ്രതികരണമാണ്.
പരാജയപ്പെട്ടു പോകുമായുന്ന ഒരു ഓഡിഷനിൽ മാത്തനോട് തന്നെ മോട്ടിവേറ്റ് ചെയ്യാൻ പറയുന്നുണ്ട് അപർണ.മലയാള സിനിമയിൽ പുതുമയുള്ള ഒരു രംഗമാണ്. തോൽക്കാൻ തയ്യാറാവാതിരിക്കലാണ് ജയിക്കാനുള്ള / അതിജീവിക്കാനുള്ള ഏക വഴി എന്ന് ഓർമിപ്പിക്കുന്ന പറയാതെ പറയുന്ന ഈ സ്വീക്വൻസ് മായാനദിയിലെ ഏറ്റവും നല്ല മുഹൂർത്തമായി തോന്നി.
ആ സന്തോഷം അപർണ മാത്തനുമായി പരിധിയില്ലാതെ പങ്കുവെക്കുന്നു.
ഒരു ഉപകാരത്തിന് പ്രത്യുപകാരമായി ശരീരം പങ്കുവെക്കുന്ന ക്ലീഷെ സ്ത്രീ കഥാപാത്രമല്ല അപർണ എന്ന് ബോധ്യപ്പെടുത്താനുള്ള ബോധപൂർവ്വമായ ശ്രമമായി Sex is not a promise എന്ന് അപർണ പറയുന്ന സംഭാഷണം.മാത്തന്റെ ആൺ മനസിന് അതിന്റെ ആഴം മനസിലാവാതെ വരുന്നത് പിന്നീടുള്ള കഥാഗതിയിൽ വൻ വഴിത്തിരിവുണ്ടാക്കുന്നു. സ്ത്രീ സ്വാതന്ത്ര്യ പ്രഖ്യാപനം നടത്തുന്നത്, ഇടയ്ക്കിടെ ചില പ്രസ്താനകൾ നടത്തുന്നത്, താല്ക്കാലിക കൈയടികൾ കിട്ടാനുള്ള കുറുക്കു വിദ്യകളായി മാറുന്ന കാലത്ത് ഇത്തരം മനഃപൂർവ്വമുള്ള Statement കൾ രംഗത്തിന്റെ സ്വഭാവികത ചോർത്തിക്കളഞ്ഞു എന്ന് പറയാതെ വയ.
തന്റെ അടങ്ങാത്ത ആന്തരിക തൃഷ്ണ വീണ്ടും ഒരിക്കൽ കൂടി കിടക്കയിൽ വച്ച് , അതിസാധാരണമായും മനോഹരമായും അപർണ വെളിപ്പെടുത്തുമ്പോൾ മാത്തൻ / ആൺ പ്രേക്ഷകൻ ഒന്നു അമ്പരക്കുന്നുണ്ട്. അതിനെ തുടർന്നുള്ള രംഗങ്ങളിലും കഴിഞ്ഞ രാത്രിയുടെ സ്നേഹത്തിന്റെ ചൂട് / ഓർമ അപർണയുടെ വാക്കിൽ / ഭാവത്തിൽ ഐശ്വര്യ അഭിനയിച്ചിരിക്കുന്നത് അത്രമേൽ സ്വാഭാവികമായാണ്.
അപർണയുടെ അമ്മയ്ക്കും അവളിലെ പെൺകുട്ടിയെ മനസ്സിലാക്കാൻ പറ്റാത്തതിന്റെ സംഘർഷങ്ങൾ ചിത്രത്തിലുടനീളമുണ്ട്. ആന്തരിക സംഘർഷങ്ങൾ ഏറെയുള്ള കഥാപാത്രത്തിന്റെ എല്ലാ അഭിനയസാധ്യതകളും ഐശ്വര്യ ലക്ഷ്മിക്ക് പ്രേക്ഷകനെ ബോധ്യപ്പെടുത്താൻ കഴിഞ്ഞിട്ടുണ്ട്. അതിന്റെ നേർ വിപരീതമായ് പെരുമാറുന്ന ആളാണ് മാത്തൻ. ഈ രണ്ടു പേരും ഒരുമിച്ചുള്ള രംഗങ്ങളിലെ രസം ഈ ആന്തര ജീവിതത്തിന്റെ മാറ്റുരക്കലിലാണ്.
കുഞ്ഞുനാളിലെ അനാഥനായ ആളാണ് മാത്തൻ.കുറ്റവാളി ആയി മാറുന്ന ആളുകളുടെ സ്ഥിരം പശ്ചാത്തലമായി തോന്നുമിത്.ഒരിക്കൽ എല്ലാവരേയും നഷ്ടപ്പെട്ട ഒരാൾ പിന്നീട് ആത്മാർത്ഥമായ / യഥാർത്ഥമായ സ്നേഹത്തിന് നേർക്ക് ഇത്രമാത്രം ഉദാസീനനായി / ഉത്തരവാദിത്വമില്ലാതെ പെരുമാറുമോ എന്ന സംശയം മാത്തന്റെ കഥാപാത്ര സൃഷ്ടിയിൽ ഉത്തരമില്ലാതുണ്ട്.
ഇഷ്ടപ്പെട്ട പുരുഷനോടൊപ്പം ഇടപഴകുന്ന പെണ്ണാണ് അപർണ.അതിന് അവൾ പരിധി ക ളും നിശ്ചയിക്കുന്നു.. ആത്മവിശ്വാസക്കുറവുണ്ടെങ്കിലും ആത്മാഭിമാനമുള്ളവനാണ് മാത്തൻ. സൂക്ഷ്മവായനയിൽ ഏക പത്നി / ഏക ഭാര്യാ സങ്കല്പത്തിൽ തന്നെയാണ് മാത്തന്റെയും അപർണയുടേയും വാർപ്പ് എന്നു കാണാം.
കഥാപാത്രങ്ങളുടെ ഉള്ളു കാണിക്കാനുള്ള സൂക്ഷ്മത സംഭാഷണത്തിലും സന്ദർഭങ്ങളിലും കാണാം.അപർണയുടെ സ്വത്വരൂപീകരണമുദാഹരണമാണ് അധികം ഭംഗിയില്ലാത്ത, എന്നാൽ താൻ കൂട്ടുകാരിയെക്കാൾ മിടുക്കിയാണെന്ന് ധരിക്കുന്ന ,സ്വയം പ്രചോദിതയാവാൻ ബുദ്ധിമുട്ടുന്ന പെൺകുട്ടി.
ഐശ്വര്യയുടെ സാധാരണത്വം, നിറം, ശരീരഭാഷ അപർണയ്ക്ക് ചേരുന്ന അനുപാതത്തിൽ തന്നെ. പക്ഷേ ഈ layering മാറ്റി നിർത്തിയാൽ 2.16 മിനിട്ട് കഴിയുമ്പോൾ സിനിമ പറഞ്ഞു വെക്കുന്നത് importance of trust in love എന്നത് മാത്രമായി ചുരുങ്ങി പോകുന്നില്ലേ? മാത്തന്റെ അവസാനവും അപർണയുടെ ഉയിർപും വൈകാരികമായി പ്രേക്ഷകനെ തൊടുമ്പോഴും മുഖ്യ പ്രമേയത്തിന്റെ പഴമ തികട്ടി വരുന്നുണ്ട്. പക്ഷേ ചില ക്ലീഷേകളെ സിനിമയുടെ ഭാഷയിൽ ,ആഖ്യാന ചാതുരിയിൽ ഭംഗിയായി മറച്ചുവെക്കുന്നതിൽ മായാനദി വിജയിക്കുന്നുണ്ട്.
സമീറ എന്ന അപർണയുടെ കൂട്ടുകാരി സിനിമയിൽ വിജയിച്ച താരമാണ്.സമീറയുടെ വിജയം അപർണയിൽ അപകർഷതയുണ്ടാക്കുന്നുണ്ട്. എന്നാൽ സമീറ പോലും എന്തുമാത്രം കപടമായ ആത്മവിശ്വാസമഭിനയിക്കുന്നു എന്ന് അവസാനമെത്തുമ്പോൾ നാം മനസ്സിലാക്കുന്നു. കൃത്രിമമായ സിനിമപെഴ്സോണയ്ക്കകത്ത് സമീറയും StrugIing ആയ സ്ത്രീയെ ഒളിപ്പിച്ചിരിക്കുന്നു.ലിയോണ ആ വേഷം നന്നായി ചെയ്തു.
മാത്തന്റെ സുഹൃത്തായ ആശാൻ, രൂപഭാവ പ്രകടനത്തിൽ കിറുകൃത്യമായ Casting ആയി അനുഭവപ്പെടും. ഒറ്റ സീനിൽ വന്ന സൗ ബിനും കയ്യടി നേടി. ട്രാൻസ് ജൻഡർ കഥാപാത്രങ്ങൾ സിനിമയിൽ പതിവു വാർപ്പുകളിൽ ചിരി ഉല്പാദിപ്പിക്കാനുള്ളവരാണോ എന്ന സംശയം തിയറ്ററിലെ ആളുകളുടെ ചിരിയിൽ തോന്നി സംവിധായകന്റെ നിലപാട് മറിച്ചായിരുന്നാലും!.
തമിഴ് പൊലീസ് ഉദ്യോഗസ്ഥർ മൂന്നു പേരും സ്വാഭാവികമായ അഭിനയത്തിലൂടെ ശ്രദ്ധേയരാവുന്നു.
റിയലിസ്റ്റിക് ആയ അഭിനയവും ട്രീറ്റ്മെന്റുമാണ് സംവിധായകൻ ആഷിഖ് അബു ഈ ചിത്രത്തിൽ പ്രയോഗിച്ചിരിക്കുന്നത് എന്ന് ഒറ്റനോട്ടത്തിൽ തോന്നും. കേവല യാഥാർത്ഥ്യ ചിത്രീകരണത്തേക്കാൾ Cause and effect രീതിയിൽ മുന്നേറുന്ന തിരക്കഥയ്ക്കനുസരിച്ച് പേസിലും സിനിമാറ്റിക്കായും തന്നെയാണ് making എന്ന് സൂക്ഷിച്ചു നോക്കിയാൽ കാണാം. ത്രില്ലർ സിനിമയുടെ മൂഡിൽ, സന്ദർഭങ്ങളുടെ നാച്വറാലിറ്റി നഷ്ടപ്പെടാതിരിക്കാൻ സംവിധായകൻ കാണിച്ച ശ്രദ്ധയ്ക്ക് അഭിനന്ദനം.എന്നാൽ ഒരു സന്ദർഭത്തിൽ ഈ സ്വഭാവികത പാടെ തകിടം മറിഞ്ഞു. ലിഫ്റ്റിനകത്ത് വച്ച് മാത്തനും രണ്ടു പൊലീസുകാരും തമ്മിൽ നടക്കുന്ന രൂക്ഷമായ മൽപിടുത്തം /അടിയിൽ ഒരാൾക്ക് ഒഴിച്ച് മറ്റാർക്കും കാര്യമായ ക്ഷതം മുഖത്തേറ്റില്ല എന്നത് തീർത്തും വിശ്വസനീയമല്ലാതായി. അത്രയ്ക്കും വിശദമായാണ് ആ മർദ്ദന രംഗങ്ങൾ കാണിച്ചിട്ടുള്ളത്.
ഓരോ കഥാപാത്രവും എന്തുകൊണ്ട് ഇങ്ങനെ പെരുമാറുന്നു എന്ന് പ്രകടനപരമല്ലാത്ത ചെറു ചെറു സംഭാഷണങ്ങളിലൂടെ രചയിതാക്കളായ ശ്യാം പുഷ്കരനും ദിലീഷ് നായരും വ്യക്തമാക്കുന്നുണ്ട്. തിരക്കഥയുടെ ബലത്തിലാണ് മായാ നദിയുടെ ഒഴുക്ക് സുഗമമാവുന്നത്.
ചിത്രത്തിലെ സൗണ്ട് ട്രാക്ക് ജയദേവൻ ചക്കാടത്തിലും തപസ് നായകും ചേർന്ന് അതി മനോഹരമായി സൃഷ്ടിച്ചെടുത്തിരിക്കുന്നു. ശബ്ദലേഖനവും മിശ്രണവും അതിസൂക്ഷമായ ഭാവങ്ങളെവരെ സ്വാഭാവികതയിലും മിഴിവിലും പ്രേക്ഷകനിൽ എത്തിക്കാനുതകുന്നുണ്ട്. പശ്ചാത്തല സംഗീതവും ഗാനങ്ങളും മായാ നദിയുടെ ആത്മാവായി മാറിയിരിക്കുന്നു. ഷഹബാസ് അമൻ പാടിയ 'മിഴിയിൽ നിന്ന് മിഴിയിലേക്ക്' സിനിമാ ബാഹ്യമായ ആസ്വാദനത്തിലും മികച്ചതായി .നാവിലുണ്ടത് ഇപ്പോഴും. റെക്സ് വിജയൻ ഒരുക്കിയ മ്യൂസിക് / BGM ഹൃദയസ്പർശിയായിരിക്കുന്നു.
ഗാനസന്ദർഭങ്ങൾ ക്ലീഷെയിൽ കുടുങ്ങുന്നുണ്ട്. പ്രണയം കാണിക്കാൻ പാട്ട് എന്ന പരമ്പരാഗത ശൈലിയെ വിട്ടു കളയുന്നില്ല മായാ നദിയും. പശ്ചാത്തല ശബ്ദമായും മൂളി പാട്ടായും, ബാത്ത് റൂം പാട്ടായും കൂട്ടുകാർ ഒരുമിച്ചിരിക്കുമ്പോൾ ദർശന പാടുന്ന ഗാനമായും പല ഭാഷാ സിനിമാ ഗാനങ്ങളുടെ സാന്നിധ്യമുണ്ട് ഈ സിനിമയിൽ. ജയേഷ് മോഹന്റെ ഊഷ്മളമായ ദൃശ്യങ്ങൾ, മികച്ച കോംപോസിഷൻസ്, ലെൻസ് ലാംഗ്വേജ് എന്നിവ അർത്ഥപൂർണമായി മായാനദിയെ പിന്തുണയ്ക്കുന്നു. സന്ദർഭത്തിനനുസരിച്ച് ക്യാമറയുടെ ശൈലി മാറ്റി സിനിമയോട് ചേർന്നിരിക്കുന്നു ജയേഷ്.പ്രേക്ഷക ശ്രദ്ധ പിടിച്ചുപറ്റാനായുള്ള ക്യാമറ ചലനങ്ങളോ ആംഗിളുകളോ ജയേഷ് മനഃപൂർവ്വം ഉപയോഗിക്കുന്നില്ല.
വെടിവെയ്പ് സീനിന്റെ unrest അനുഭവിപ്പിക്കാൻ ക്യാമറ handheld ചെയ്തതൊഴിച്ചാൽ ഒഴുക്കോടെ നീങ്ങുന്നു ദൃശ്യങ്ങൾ. പ്രണയത്തിന്റെ അടുപ്പം / വൈകാരികത അതി സമീപദൃശ്യങ്ങളിൽ പകർത്തിയ 'മിഴിയിൽ നിന്ന് ' എന്ന ഗാനരംഗം ലെൻസിങ്ങിന്റെ മിടുക്ക് കാണിക്കുന്നുണ്ട്.
സാമ്പ്രദായിക ട്രാക്ക് / ക്രെയിൻ Shot കൾ ഒക്കെ ചിത്രത്തിലുണ്ട്. എല്ലാം ചിത്രത്തിന്റെ mood, Pace എന്നിവയിൽ ലയിച്ചിരിക്കുന്നു. ചിത്രാന്ത്ര്യത്തിൽ ഉപയോഗിച്ച Zoom Shotകളും സമകാലിക സിനിമയിലെ വിനിമയ വ്യത്യസ്തതയായി തോന്നി. പുതിയ കാല റിയലിസ്റ്റിക് സിനിമയിൽ വംശനാശം വന്ന Shotകളാണിവ!
കാവ്യാത്മമായ അന്ത്യരംഗമാണ് ആഷിക് അബുവും സംഘവും ഒരുക്കിയത്.അല്പം പ്രവചന സ്വഭാവമുണ്ടെങ്കിലും മാത്തന്റെ മായക്കാഴ്ചയിൽ നിന്ന് യാഥാർത്ഥ്യത്തിലേക്കുള്ള transition മനോഹരമായിട്ടുണ്ട്. പശ്ചാത്തല സംഗീതവും നിശബ്ദതയും നാടകീയതയും ഒത്തുചേർന്ന ക്ലൈമാക്സ് മായാനദിയെ മായാക്കാഴ്ചയാക്കി മാറ്റിയിരിക്കുന്നു.
സിനിമയുടെ പുറത്തു നിന്നു നോക്കുമ്പോൾ, നിലപാട് പറയുന്ന പെണ്ണിനെ കൂട്ടം കൂടി ആക്രമിക്കുന്ന കാലത്താണ് മായാ നദി പ്രദർശനത്തിനെത്തുന്നത്. ഏത് പാതിരായ്ക്കും ആണിനും പെണ്ണിനും സ്വൈര്യമായി നടക്കാവുന്ന ഇടമായി കൊച്ചി നഗരത്തെ ഈ ചിത്രത്തിൽ കാണിച്ചിരിക്കുന്നു. ബഹളങ്ങൾ / ആൾക്കൂട്ടങ്ങളില്ലാത്ത കൊച്ചി സ്വപ്നമാണ്. സ്ത്രിക്കും പുരുഷനും തുറിച്ചു നോട്ടങ്ങളില്ലാതെ, ചോദ്യം ചെയ്യലുകൾ നേരിടാതെ ഒരു മുറിയിലേക്ക് / വീട്ടിലേക്ക് കടന്നു ചെല്ലാനോ ഇടപഴകാനോ സ്വാതന്ത്ര്യമുള്ള നഗരം. അങ്ങനെ സ്വപ്നത്തിന്റെ നഗര / ഇടമായി കൊച്ചിയെ ഈ ചിത്രത്തിൽ വായിക്കാമെന്ന് തോന്നുന്നു. സെൻസിബിൾ ആയ ഒരു സിനിമയാണ്, മറ്റ് മഹദ് വത്ക്കരണങ്ങളെ പറ്റി ഒന്നും പറയാനില..
2017 ൽ ടേക്ക് ഓഫിൽ തുടങ്ങി മായാ നദിയിൽ അവസാനിക്കുന്ന സിനിമാ കലണ്ടർ തയ്യാറാക്കിയാൽ മലയാള സിനിമ മാധ്യമപരമായ വളർച്ചയിൽ / പരീക്ഷണ സ്വഭാവത്തിൽ മുന്നോട്ടു കുതിക്കുന്നതിന്റെ സൂചനകൾ വ്യക്തമാണ്. വിഷയ സ്വീകരണത്തിലും സംഭാഷണ രചനയിലും നാടക / സാഹിത്യ ഭാരത്തെ സിനിമ പതിയെ പൊഴിച്ചു കളയുന്നുണ്ട്. സാഹിത്യാഭിരുചിയുടെ മിടുക്കിൽ സിനിമയെ വിലയിരുത്താനോ വ്യാഖാനിക്കാനോ പറ്റാത്ത രീതിയിൽ വളരുന്ന ദൃശ്യഭാഷയ്ക്ക് ഭാവിയുണ്ട് എന്ന് 2017ൽ പുറത്തിറങ്ങിയ ഒരു പിടി ചിത്രങ്ങൾ ഓർമിപ്പിക്കുന്നു. ഭാവി പ്രതീക്ഷയുടേത് തന്നെ.
(അനു പാപ്പച്ചൻ ഫേസ്ബുക്കിൽ കുറിച്ചത്)
Stories you may Like
- TODAY
- LAST WEEK
- LAST MONTH
- രജനിയെ തല്ലിയതുകണ്ട് മദ്യപാനം നിർത്തി; അടിക്കടി സിനിമകൾ ഹിറ്റായതോടെ അഹങ്കാരം തലക്ക് പിടിച്ചു; മണിരത്നത്തിന് ഗെറ്റൗട്ട് അടിച്ചത് വിനയായി; റഹ്മാൻ തരംഗത്തിൽ അപ്രസക്തൻ; ഇപ്പോൾ കോപ്പിറൈറ്റ് വിവാദത്തിൽ കോടതിയിൽനിന്നും തിരിച്ചടി; ഇളയരാജ വീണ്ടും വിവാദത്തിൽ
- പ്രകാശ് ജാവദേക്കർ തന്നെയും ഇ പി ജയരാജനെയും കണ്ടിരുന്നു; ഒരേ ഒരു സീറ്റിൽ വിട്ടുവീഴ്ച ചെയ്താൽ ലാവ്ലിൻ കേസും സ്വർണക്കടത്ത് കേസും സെറ്റിൽ ചെയ്യാം എന്ന്ഉറപ്പുകൊടുത്തു; പക്ഷേ ആ ഡീൽ നടക്കാത്തത് ഇക്കാരണം കൊണ്ട്; വെളിപ്പെടുത്തലുമായി ടി ജി നന്ദകുമാർ
- ബിജെപിയിൽ ചേരാൻ ചർച്ച നടത്തിയത് ഇ.പി ജയരാജൻ; മകന്റെ നമ്പറിലൂടെയാണ് ആദ്യം ബന്ധപ്പെട്ടത്; തൊണ്ണൂറ് ശതമാനം ചർച്ചകളും പൂർത്തിയായപ്പോൾ പിന്മാറി; എന്തുകൊണ്ട് പിന്മാറിയെന്നു ജയരാജൻ പറയട്ടെയെന്നും ശോഭ സുരേന്ദ്രൻ; തെളിവുകളും ഹാജരാക്കി ആരോപണം വോട്ടെടുപ്പിന്റെ തലേന്നാൾ
- വോട്ടെടുപ്പിന്റെ തലേന്നാൾ ഇടിത്തീയായി ആരോപണങ്ങൾ; കെ സുധാകരന്റെ തുറന്നടിക്കൽ ശരിവച്ച് ശോഭ സുരേന്ദ്രൻ; ഇപിയെ പിന്തുണയ്ക്കാൻ രംഗത്ത് വരാതെ സിപിഎം ഉന്നത നേതാക്കൾ; കാസർകോഡ്, കണ്ണൂർ, വടകര മണ്ഡലങ്ങളിൽ വിവാദം ബാധിക്കുമോ എന്ന ആശങ്കയും
- ബിജെപിയിലേക്ക് പോകാൻ ചർച്ച നടത്തി സിപിഎം നേതാവ് ഇ പി ജയരാജനാണ്; ശോഭസുരേന്ദ്രൻ മുഖാന്തരം ചർച്ച നടന്നു; പാർട്ടിയിൽ നിന്ന് ഭീഷണി വപ്പോൾ ജയരാജൻ പിന്മാറി; ശോഭയും ഇ പിയും ചർച്ച നടത്തിയത് ഗൾഫിൽ വച്ചും; രാഷ്ട്രീയാരോപണം കടുപ്പിച്ച് കെ സുധാകരൻ; ഇപിയുടെ മറുപടി നിർണ്ണായകം
- അമ്മയും മകളും തമ്മിൽ കണ്ടപ്പോൾ വികാരനിർഭര നിമിഷങ്ങൾ; അൽപനേരം ഒരുമിച്ച് ചെലവഴിക്കാൻ അനുമതി നൽകി സനയിലെ ജയിൽ അധികൃതർ; നിമിഷപ്രിയയെ കണ്ടതിന്റെ ആശ്വാസത്തിലും സന്തോഷത്തിലും പ്രേമകുമാരി; തൊടുപുഴയിലെ വീട്ടിൽ പ്രാർത്ഥനയോടെ നിമിഷയുടെ മകൾ
- എന്തെങ്കിലും സ്വയം വിമർശനം വേണമെന്ന് തോന്നിയിട്ടുണ്ടോയെന്ന് നികേഷ് കുമാറിന്റെ ചോദ്യം; 'നിങ്ങൾ ചെയ്യുന്ന ചെറ്റത്തരത്തിന് ഞാനാണോ സ്വയം വിമർശനം നടത്തേണ്ടത്? കലിയിളകി പിണറായിയുടെ മറുപടി; മാധ്യമങ്ങൾക്ക് നിലവിട്ട സമീപനമെന്നും വിമർശനം
- കൈവിലങ്ങിട്ടാൽ മതിൽ കയറാനാകില്ലെന്ന് പറഞ്ഞ പ്രതി; മതിൽ കയറിയാൽ ചാടിയോടാനുള്ള സാധ്യത കണ്ടെത്തിയ അന്വേഷകൻ; മതിലിലേക്ക് കയറ്റും മുമ്പ് അവിടെ ഒരുക്കിയൽ 'പൊലീസ് മതിൽ'! ബീഹാറി റോബിൻഹുഡ് എന്തിനും മിടിക്കില്ലെന്ന് തിരിച്ചറിഞ്ഞ ബ്രില്ലിയൻസ്; രാജ്കുമാർ എന്തുകൊണ്ട് 'സേതുരാമയ്യർ' ആയി? ഈ വീഡിയോ കാണം
- ആലത്തൂരിലെ ഇടത് സ്ഥാനാർത്ഥി കെ. രാധാകൃഷ്ണന്റെ അകമ്പടി വാഹനത്തിൽ നിന്ന് ആയുധം കണ്ടെത്തിയെന്ന് യു.ഡി.എഫ്; സി സി ടി വി ദൃശ്യങ്ങൾ പുറത്തുവിട്ടു; അക്രമം അഴിച്ചുവിടാനുള്ള ആസൂത്രിതമായ നീക്കത്തിന്റെ ഭാഗമെന്ന് രമ്യ ഹരിദാസ്; പ്രചാരണ ബോർഡുകൾ അഴിച്ചുമാറ്റാൻ ഉപയോഗിച്ച ആയുധങ്ങളാണെന്ന് സിപിഎം വിശദീകരണം
- പോളിങ് ഉദ്യോഗസ്ഥരുടെ നിയമന ഉത്തരവ് ചോർന്ന സംഭവം; കോന്നി താലൂക്ക് ഓഫീസിലെ എൽഡി ക്ലാർക്ക് യദുകൃഷ്ണനെ കലക്ടർ സസ്പെൻഡ് ചെയ്തു; പ്രിന്റ് അടിക്കാൻ കൊടുത്ത കോപ്പിയാണ് പുറത്തു പോയതെന്ന് വിശദീകരണം; ആന്റോയുടെ ആരോപണം ശരിയാകുമ്പോൾ
- ഇറാനിൽ ഇസ്രയേലിന്റെ വ്യോമാക്രമണം ഇന്ത്യൻ വിപണിക്ക് ആശങ്കയാകുന്നു; കുതിച്ചുയർന്ന് ക്രൂഡോയിൽ വില; ബാരലിന് 90 ഡോളറിലെത്തി; ഇപ്പോഴത്തെ നിലയിൽ വില 100 ഡോളർ വരെ ഉയർന്നേക്കുമെന്ന് ആശങ്ക; ഇറാൻ-ഇസ്രയേൽ പോര് പശ്ചിമേഷ്യയിലെ സ്ഥിതിഗതികൾ കൂടുതൽ ആശങ്കപ്പെടുത്തുന്നു
- കൈവിലങ്ങിട്ടാൽ മതിൽ കയറാനാകില്ലെന്ന് പറഞ്ഞ പ്രതി; മതിൽ കയറിയാൽ ചാടിയോടാനുള്ള സാധ്യത കണ്ടെത്തിയ അന്വേഷകൻ; മതിലിലേക്ക് കയറ്റും മുമ്പ് അവിടെ ഒരുക്കിയൽ 'പൊലീസ് മതിൽ'! ബീഹാറി റോബിൻഹുഡ് എന്തിനും മിടിക്കില്ലെന്ന് തിരിച്ചറിഞ്ഞ ബ്രില്ലിയൻസ്; രാജ്കുമാർ എന്തുകൊണ്ട് 'സേതുരാമയ്യർ' ആയി? ഈ വീഡിയോ കാണം
- പൂരം നാളുകളിൽ വൻകിട ഹോട്ടലുകളിൽ പൊലീസ് സൗജന്യമായി മുറിയെടുത്തു; ഉന്നത ഉദ്യോഗസ്ഥരുടെ പേരുപറഞ്ഞ് ഓരോ ഹോട്ടലിലും രണ്ടും മൂന്നും മുറികൾ സൗജന്യമായി വാങ്ങി; പൂരത്തെ അറിയാവുന്ന ഉദ്യോഗസ്ഥരെ ഡ്യൂട്ടിയിലിൽ നിന്നും മാറ്റി; കമ്മീഷണറുടെ നിലപാടുകൾ സേനയ്ക്ക് കളങ്കമായി; തൃശൂർ പൂരത്തിൽ ഇന്റലിജൻസ് കണ്ടെത്തൽ ഇങ്ങനെ
- എന്തെങ്കിലും സ്വയം വിമർശനം വേണമെന്ന് തോന്നിയിട്ടുണ്ടോയെന്ന് നികേഷ് കുമാറിന്റെ ചോദ്യം; 'നിങ്ങൾ ചെയ്യുന്ന ചെറ്റത്തരത്തിന് ഞാനാണോ സ്വയം വിമർശനം നടത്തേണ്ടത്? കലിയിളകി പിണറായിയുടെ മറുപടി; മാധ്യമങ്ങൾക്ക് നിലവിട്ട സമീപനമെന്നും വിമർശനം
- ഇന്ത്യയിൽ നിന്നും യുകെയിലേക്ക് കെയറർ വിസയിൽ തൊഴിലാളികൾ എത്തുന്നതിൽ ആശങ്കയുമായി ലോകാരോഗ്യ സംഘടന; കെയർ ഹോമുകളിൽ ഗുണനിലവാരമില്ലാത്ത സേവനത്തിനു സാധ്യതയെന്ന് ഓക്സ്ഫോർഡ് യൂണിവേഴ്സിറ്റി മുന്നറിയിപ്പും; ഇന്ത്യക്കാർക്ക് വിസ നിഷേധിക്കാൻ മറ്റൊരു കാരണം കൂടി
- മുഖ്യമന്ത്രിക്ക് ഇരിക്കാൻ സ്ഥാപിച്ച അരലക്ഷം വിലയുള്ള കറങ്ങുന്ന കസേരയുള്ള സീറ്റ് ഇളക്കിമാറ്റി; വി.വി.ഐ.പി. പരിവേഷത്തിൽ കേരളം കറങ്ങിയ നവകേരള ബസ് ഇപ്പോൾ ആർക്കും വേണ്ടാതെ വെറുതേ കിടക്കുന്നു; ഗതാഗത മന്ത്രി മാറിയതോടെ താൽപ്പര്യം കുറഞ്ഞു; ടൂറിസം ആവശ്യത്തിനും വിട്ടുനൽകാതെ 1.15 കോടി രൂപ മുടക്കി വാങ്ങിയ ബസ്
- ഇസ്രയേൽ ഇറാന് ശക്തമായ തിരിച്ചടി നൽകിയത് ഒരീച്ച പോലും അറിയാതെ; മിസൈലുകളും ഡ്രോണുകളും റഷ്യൻ നിർമ്മിത എസ്-300 സംവിധാനത്തെ തകർത്തു; ആക്രമണം ഇറാൻ വ്യോമ പ്രതിരോധ സംവിധാനത്തെ പൂർണമായി കബളിപ്പിച്ചുകൊണ്ട്; ആക്രമണം നടന്നയിടത്ത് പൊടി പൊലുമില്ല കണ്ടുപിടിക്കാൻ
- സൗബിൻ സാഹിറിനെതിരെ മരട് പൊലീസ് ചുമത്തിയത് ഗൗരവതരമുള്ള വകുപ്പുകൾ; മരട് ഇൻസ്പെക്ടർ തയ്യാറാക്കിയ എഫ് ഐ ആറിലേത് അക്കൗണ്ട് വഴി പണം കൈമാറിയിട്ടും വഞ്ചിച്ചെന്ന ആരോപണം; ചുമത്തുന്നത് വഞ്ചനയും ക്രിമിനൽ ഗൂഢാലോചനയും; 'മഞ്ഞുമ്മൽ ബോയ്സ്' അറസ്റ്റിലാകാൻ സാധ്യത ഏറെ; ആ 47 കോടി തിരിച്ചു കൊടുക്കേണ്ടി വരും
- ഇറാൻ പ്രകോപനത്തിന് തിരിച്ചടിയുമായി ഇസ്രയേൽ; ഇറാന്റെ വടക്കൻ നഗരമായ ഇസ്ഫഹാനിലെ വിമാനത്താവളത്തിന് മിസൈൽ ആക്രമണം നടത്തി ഇസ്രയേൽ; ആക്രമണത്തിന പിന്നാലെ ഇറാനിൽ വിമാന സർവീസുകൾ പൂർണായും നിർത്തിവെച്ചു; ഇസ്രയേൽ ആക്രമണം അമേരിക്കയെ അറിയിച്ച ശേഷം
- സംസ്ഥാന സർക്കാരിന് നാണക്കേടായി കെ എസ് ആർ ടിസി ബസിൽ സഹയാത്രികയുടെ മാറിടത്തിൽ കയറിപ്പിടിച്ച് അപമാനിച്ച് പൊതു മേഖലാ സ്ഥാപനത്തിന്റെ മാനേജിങ് ഡയറക്ടർ; ഡോ ആർ രാജീവിന് ജാമ്യം കിട്ടിത് മാത്രം ആശ്വാസമായി; ഏപ്രിൽ ഫൂൾ ദിനത്തിൽ നടന്ന ആരും അറിയാത്ത പീഡന വാർത്ത
- ഒരു ജൂനിയർ പറയാൻ പാടില്ലാത്ത കഥകളാണ് ശ്രീനിയുടെ മകൻ പറഞ്ഞതെന്ന് മുകേഷ്; എന്നാൽ അത് ധ്യാൻ തന്നെയാകുമെന്ന് ആരാധകർ
- അനുജയുമൊന്നിച്ച് കാർ തടിലോറിയിലേക്ക് ഇടിച്ചു കയറ്റി ഹാഷിം ജീവനൊടുക്കിയെന്ന് സഹ അദ്ധ്യാപകരുടെയും ബന്ധുക്കളുടെയും മൊഴി; അടൂരിനെ നടുക്കിയ അപകടം; സ്കൂൾ അദ്ധ്യാപികയെയും കൂട്ടി സ്വകാര്യ ബസ് ഡ്രൈവർ ആത്മഹത്യ ചെയ്തതെന്ന് സൂചന; സ്വിഫ്ട് ഡിസയർ കാർ ഓടിച്ചു കയറ്റിയത് കണ്ടെയ്നർ ലോറിയിലേക്ക്: സംഭവം കെപി റോഡിൽ പട്ടാഴമുക്കിൽ
- കള്ളി എന്നതാണ് ഇപ്പോഴത്തെ മേൽവിലാസം.. കള്ളിയുടെ അച്ഛൻ എന്ന മേൽവിലാസവും കൊണ്ട് ആണ് 2 മാസം മുമ്പ് അച്ഛൻ മരിച്ചുപോയത്; കൂടെ ഉണ്ടായിരുന്നവരൊന്നും കൂട്ടുന്നില്ല; ഉറങ്ങിയിട്ട് വർഷം ഒന്നാകാറായി; വിദ്യ വിജയന്റെ കുറിപ്പ്
- പിറന്നാളിന് വാങ്ങിയത് ഓൺലൈനിൽ ഓർഡൽ ചെയ്ത കേക്ക്; ഭക്ഷ്യവിഷബാധയേറ്റ് പത്തു വയസ്സുകാരിക്ക് ദാരുണാന്ത്യം: പിറന്നാൾ പിറ്റേന്ന് ദാരുണമായി മരിച്ചത് പത്തു വയസ്സുകാരി മൻവി
- ഇറാനിൽ ഇസ്രയേലിന്റെ വ്യോമാക്രമണം ഇന്ത്യൻ വിപണിക്ക് ആശങ്കയാകുന്നു; കുതിച്ചുയർന്ന് ക്രൂഡോയിൽ വില; ബാരലിന് 90 ഡോളറിലെത്തി; ഇപ്പോഴത്തെ നിലയിൽ വില 100 ഡോളർ വരെ ഉയർന്നേക്കുമെന്ന് ആശങ്ക; ഇറാൻ-ഇസ്രയേൽ പോര് പശ്ചിമേഷ്യയിലെ സ്ഥിതിഗതികൾ കൂടുതൽ ആശങ്കപ്പെടുത്തുന്നു
- സിനിമയുടെയും ആത്മാവായ ആ സീൻ സെൻസർ ബോർഡ് വെട്ടിമാറ്റിയെന്ന് ബെന്യാമിൻ; ഷൂട്ട് ചെയ്തിട്ടില്ലെന്ന് ബ്ലെസി; അങ്ങനെ ഒന്ന് ഉണ്ടായിട്ടില്ലെന്നും എഴുത്തുകാരൻ ചേർത്തതാണെന്നും നജീബ്; ആടുമായി നജീബ് ലൈംഗിക ബന്ധത്തിൽ ഏർപ്പെടുന്ന രംഗത്തിന് എന്താണ് സംഭവിച്ചത്?
- കാസർകോട് ഇടതുമുന്നണി തിരിച്ചുപിടിക്കുമോ? കണ്ണൂരിൽ സുധാകരൻ വീഴുമോ? വടകരയിൽ ഷാഫിയോ ശൈലജയോ? കോഴിക്കോട് രാഘവേട്ടനോ, കരീംക്കയോ? രാഹുൽഗാന്ധി മാജിക്ക് ആവർത്തിക്കുമോ? എൻഡിഎ വോട്ട് ഉയർത്തുമോ? മറുനാടൻ മലയാളി ഇലക്ഷൻ സർവേയുടെ ആദ്യഘട്ട ഫലം അറിയാം
- പേരാമ്പ്രയിൽ അദ്ധ്യാപകൻ മരിച്ച നിലയിൽ; വീട്ടിലെ മുറിയിൽ മരിച്ച നിലയിൽ കണ്ടെത്തിയത് സിദ്ധാർഥന്റെ മരണവുമായി ബന്ധപ്പെട്ട കേസിലെ 11ാം പ്രതിയുടെ പിതാവ്
- വയനാട്ടിലെ മേപ്പാടിയിൽ വനിതാ ഡോക്ടർ തൂങ്ങി മരിച്ച നിലയിൽ; കണ്ടെത്തിയത് ആശുപത്രി ക്യാംപസിലെ വീട്ടിൽ; ഡോ. ഫെലിസ് നസീർ ആത്മഹത്യ തടയുന്നതിനുള്ള അസോസിയേഷനിലെ കൗൺസിലർ
- ക്ഷേമപെൻഷൻ യഥാസമയം കൊടുക്കാൻ കഴിഞ്ഞില്ലെങ്കിൽ തിരിച്ചടിയെന്ന് വിലയിരുത്തൽ; പണം കണ്ടെത്താൻ സഹകരണ ബാങ്കുകളിൽ നിന്ന് 2000 കോടി കടമെടുക്കാൻ സർക്കാർ; 9.1 ശതമാനം പലിശയിൽ കടമെടുപ്പ്; ഒന്ന വർഷത്തിനുള്ളിൽ സഹകരണ ബാങ്കുകളെ സമീപിക്കുന്നത് ഇത് മൂന്നാം വട്ടം
Readers Comments+
മലയാളത്തിൽ ടൈപ്പ് ചെയ്യാൻ ഇവിടെ ക്ലിക്ക് ചെയ്യുകകമന്റ് ബോക്സില് വരുന്ന അഭിപ്രായങ്ങള് മറുനാടന് മലയാളിയുടേത് അല്ല. മാന്യമായ ഭാഷയില് വിയോജിക്കാനും തെറ്റുകള് ചൂണ്ടി കാട്ടാനും അനുവദിക്കുമ്പോഴും മറുനാടനെ മനഃപൂര്വ്വം അധിക്ഷേപിക്കാന് ശ്രമിക്കുന്നവരെയും അശ്ലീലം ഉപയോഗിക്കുന്നവരെയും മറ്റു മലയാളം ഓണ്ലൈന് ലിങ്കുകള് പോസ്റ്റ് ചെയ്യുന്നവരെയും മതവൈരം തീര്ക്കുന്നവരെയും മുന്നറിയിപ്പ് ഇല്ലാതെ ബ്ലോക്ക് ചെയ്യുന്നതാണ് - എഡിറ്റര്