നാല് വയസ്സുള്ള അനിയൻ രാത്രി കിടക്കയിൽ മൂത്രമൊഴിച്ചതിന് ഏഴു വയസ്സുകാരനെ അമ്മയുടെ കൂട്ടുകാരൻ എടുത്തിട്ട് ചവിട്ടുന്നു; ഏറ്റവും അധികം മനസ്സിനെ വേദനിപ്പിക്കുന്നത് കുട്ടികളോടുള്ള മുതിർന്നവരുടെ ക്രൂരത; `അടുത്ത വീട്ടിലെ കുഞ്ഞിനോടോ അറിയാത്ത കുഞ്ഞിനോടോ ആര് അക്രമം ചെയ്യുന്നത് കണ്ടാലും ഉടൻ അധികാരികളെ അറിയിക്കാൻ ആളുകൾക്ക് തോന്നണം`; തൊടുപുഴ സംഭവത്തിന്റെ പശ്ചാത്തലത്തിൽ മുരളി തുമ്മാരകുടി എഴുതുന്നു
മുരളി തുമ്മാരുകുടി
ഒരു കുട്ടി കൂടി കരയുമ്പോൾ...
ജീവിതത്തിൽ നമ്മെ സങ്കടപ്പെടുത്തുന്ന പലതും ഉണ്ടെങ്കിലും കൊച്ചു കുട്ടികളോട് മുതിർന്നവർ ചെയ്യുന്ന ക്രൂരതകളാണ് ഏറ്റവും കൂടുതൽ വേദനിപ്പിക്കുന്നത്. ദേഹോപദ്രവം, ലൈംഗികാതിക്രമം, മാനസിക പീഡനങ്ങൾ തുടങ്ങി തിരിച്ച് ഒന്നും ചെയ്യാൻ കഴിയാത്ത വിധം നിസ്സഹായരായവരോട് ചെയ്യുന്ന അക്രമങ്ങൾ ഏറ്റവും അധമമാണ്. അത് ചെയ്യുന്നത് പലപ്പോഴും ആ കുട്ടികളെ സംരക്ഷിക്കാൻ ഉത്തരവാദിത്തമുള്ളവർ തന്നെയാണെന്നത് ആ കുറ്റകൃത്യത്തിന്റെ ആക്കം കൂട്ടുന്നു.
ഇന്നിപ്പോൾ എന്റെ വീടിനടുത്തുള്ള മൂവാറ്റുപുഴയിൽ നിന്നും ഇത്തരത്തിൽ മനസ്സാക്ഷിയെ നടുക്കുന്ന ഒരു കുറ്റകൃത്യത്തെപ്പറ്റി കേൾക്കുന്നു. നാല് വയസ്സുള്ള അനിയൻ രാത്രി കിടക്കയിൽ മൂത്രമൊഴിച്ചതിന് ഏഴു വയസ്സുകാരനെ അമ്മയുടെ കൂട്ടുകാരൻ എടുത്തിട്ട് ചവിട്ടിയെന്നും, ആ കുട്ടിയുടെ കാഴ്ച്ച നഷ്ടപ്പെട്ടുവെന്നും ജീവൻ തന്നെ അപകടത്തിലായേക്കാം എന്നുമാണ് വായിച്ചത്. ആ കുറ്റകൃത്യം ചെയ്ത നരാധമനെ അറസ്റ്റ് ചെയ്തു എന്നും കുട്ടിയുടെ ചികിത്സയും സംരക്ഷണവും സർക്കാർ ഏറ്റെടുത്തുവെന്നും വാർത്തയുണ്ട്. അത് നന്നായി.
കുട്ടികളോടുള്ള കുറ്റകൃത്യങ്ങൾ തടയുന്നതിൽ കേരളം ഏറെ മുന്നോട്ട് പോയിട്ടുണ്ട്. ചൈൽഡ് ലൈൻ നിലവിലായതോടെ കുട്ടികളോട് ചെയ്യുന്ന ക്രൂരതകളും ലൈംഗിക പീഡനങ്ങളും മിക്കതും ഇപ്പോൾ പുറത്തു വരുന്നുണ്ട്. നല്ല കാര്യം. എന്നാലും മൂവാറ്റുപുഴയിൽ ഉണ്ടായ പോലുള്ള അക്രമങ്ങൾ നമ്മുടെ ചുറ്റിനും ഇപ്പോഴും ഉണ്ടാകുന്നു.
കേരളത്തിൽ ഇത് ആദ്യത്തേതല്ല, അവസാനത്തേതും. മൂവാറ്റുപുഴക്കടുത്ത് കട്ടപ്പനയിലാണ് അഞ്ചു വയസ്സുകാരൻ ഷെഫീക്കിനെ അച്ഛനും രണ്ടാനമ്മയും കൂടി ഉപദ്രവിച്ചു ജീവച്ഛവം ആക്കിയത്. അതിന് മുൻപ് അദിതി എന്നൊരു കുട്ടി നിരന്തരമായ പീഡനങ്ങളാൽ കൊല്ലപ്പെട്ടതും കോഴിക്കോട്ട് സ്വന്തം വീട്ടിലാണ്. റോഡിലും സിനിമാ തീയേറ്ററിലും സദാചാരം അന്വേഷിക്കുന്ന മനുഷ്യരുള്ള കേരളത്തിൽ എന്തുകൊണ്ടാണ് നമ്മുടെ കുട്ടികൾ സ്വന്തം വീടുകളിൽ പീഡിപ്പിക്കപ്പെടുന്നത് ആരും ചോദ്യം ചെയ്യാത്തത്?
ക്രൂരമായി പീഡിപ്പിക്കപ്പെടുന്ന കുട്ടികളെ ദത്തെടുത്തും അവരുടെ മാതാപിതാക്കളെ ജയിലിലടച്ചും തീർക്കാവുന്നതോ തീർക്കേണ്ടതോ ആയ വിഷയമല്ലിത്. സമൂഹം എന്ന നിലയിൽ കുട്ടികളെ ഉപദ്രവിക്കുന്നതിനോട് നമുക്ക് 'സീറോ ടോളറൻസ്' വേണം. കുട്ടികളോട് - അത് സ്വന്തം കുഞ്ഞിനോടോ അടുത്ത വീട്ടിലെ കുഞ്ഞിനോടോ അറിയാത്ത കുഞ്ഞിനോടോ ആര് അക്രമം ചെയ്യുന്നത് കണ്ടാലും ഉടൻ അധികാരികളെ അറിയിക്കാൻ ആളുകൾക്ക് തോന്നണം. അവരെ നിയമത്തിന്റെ മുന്നിൽ എത്തിക്കണം, നിയമം അനുശാസിക്കുന്ന ഏറ്റവും വലിയ ശിക്ഷ ഏറ്റവും വേഗത്തിൽ നടപ്പാക്കണം. അക്രമത്തിന്റെ ഒരു സാഹചര്യം ഉണ്ടെങ്കിലോ ഉണ്ടെന്ന് സംശയം തോന്നിയാലോ ഉടൻ തന്നെ ആ കുട്ടികളെ സുരക്ഷിതമാക്കി മാറ്റി പാർപ്പിക്കാൻ നമുക്ക് സംവിധാനമുണ്ടാക്കണം. ഇന്നിപ്പോൾ വായിച്ചത് ആക്രമിക്കപ്പെട്ട കുഞ്ഞിന്റെ അമ്മ ബി ടെക്ക് ബിരുദധാരി ആണെന്നാണ്. കുട്ടികളുടെ അവകാശങ്ങളെയും അവരെ സംരക്ഷിക്കാനുള്ള സംവിധാനങ്ങളെയും കുറിച്ച് വിദ്യാസന്പന്നർക്ക് പോലും അറിവില്ലെങ്കിൽ പിന്നെ എങ്ങനെയാണ്, എവിടെയാണ് നമ്മുടെ കുട്ടികൾ സുരക്ഷിതരാവുന്നത്?
എന്നാണ് നമ്മുടെ കുട്ടികളുടെ കരച്ചിലുകൾ സമൂഹം കാണുന്നത്? എന്നാണ് നമ്മുടെ എല്ലാ കുട്ടികൾക്കും സ്വന്തം വീട്ടിൽ സമാധാനത്തോടെ കിടന്നുറങ്ങാൻ സാധിക്കുന്നത്?
ഇതിനെക്കുറിച്ച് പുതിയതായി ഒന്നും പറയാനില്ല. കാരണം അഞ്ചു വർഷം മുൻപ് ഷെഫീക്കിന്റെ വിഷയത്തിൽ എഴുതിയ അതേ സ്ഥിതിയാണ് ഇപ്പോഴും. വായിച്ചു നോക്കൂ. കുട്ടിയുടെ പേരൊന്നു മാറ്റുക, രണ്ടാനമ്മ എന്നത് അമ്മയുടെ കൂട്ടുകാരൻ എന്നാക്കുക, ബാക്കി എല്ലാം ഒരു പോലെ. അന്നൊരു കമ്മിറ്റി ഉണ്ടാക്കിയിരുന്നു. എന്തായിരുന്നു ആ കമ്മിറ്റിയുടെ റിപ്പോർട്ട്? എന്ത് പുതിയ നിയമങ്ങളും നിയന്ത്രണങ്ങളുമാണ് അതിന് ശേഷം കുട്ടികളുടെ കാര്യത്തിൽ ഉണ്ടായിട്ടുള്ളത്?
*******************
2013 ലെ കുറിപ്പ്..
ജനീവയിലിരുന്ന് ഞാനിതെഴുതുന്പോൾ, കട്ടപ്പനയിലെ ഗവണ്മെന്റ് ആശുപത്രിയിൽ അഞ്ചു വയസ്സുമാത്രം പ്രായമുള്ള ഷെഫീക്ക് എന്ന കുട്ടി ജീവിതത്തിനും മരണത്തിനും ഇടക്കുള്ള നൂൽപ്പാലത്തിലാണ്. കേരളത്തിലെ മുഴുവൻ ജനങ്ങളും അവനുവേണ്ടി പ്രാർത്ഥിക്കുന്നു, ഡോക്ടർമാർ ആകുന്നതെല്ലാം ചെയ്യുന്നു, ആളുകൾ സഹായവാഗ്ദാനം നല്കുന്നു, ഗവണ്മെന്റ് എല്ലാ ചെലവുകളും വഹിക്കുന്നു.
ദുഃഖപ്രകടനം കഴിഞ്ഞാൽ ആളുകൾക്ക് പിന്നെ ദേഷ്യമാണ്. കേവലം അഞ്ചു വയസ്സുള്ള കുട്ടിയെ ദേഹമാസകലം ഉപദ്രവിച്ച് കൈയും കാലും അടിച്ചൊടിച്ച പിതാവിനോടും രണ്ടാനമ്മയോടും തീർക്കാനാവാത്ത ദേഷ്യം ഇപ്പോൾ മലയാളി സമൂഹത്തിനുണ്ട്. അവർക്ക് തക്ക ശിക്ഷ ലഭിക്കണമെന്നു നാം ആഗ്രഹിക്കുന്നു. തക്കത്തിന് കൈയിൽ കിട്ടിയാൽ രണ്ടുകൊടുക്കാൻ നാം തയ്യാറുമാണ്. സ്വന്തം ബ്ലോഗിലൂടെ മോഹൻലാലും ഫേസ്ബുക്കിലൂടെ മറ്റനേകം പേരും അത് പരസ്യമായി പറഞ്ഞു കഴിഞ്ഞു.
അതിക്രൂരമായ സംഭവങ്ങളോട് മലയാളികൾ പ്രതികരിക്കുന്നത് ദൂരെനിന്ന് നോക്കിക്കാണുന്ന ഒരാളെന്ന നിലക്ക് ഇവിടെ എന്തു സംഭവിക്കുമെന്ന് എനിക്ക് നന്നായിട്ടറിയാം. ഷെഫീക്ക് ജീവിതത്തിലേക്ക് തിരിച്ചുവന്നാൽ, ഗവണ്മെന്റും സന്നദ്ധസംഘടനകളും ചേർന്ന് അവൻ ഇന്നേവരേ അനുഭവിച്ചിട്ടില്ലാത്ത സ്നേഹവും കരുണയും സുരക്ഷയുമുള്ള ഒരു ജീവിതം അവനു നൽകിയേക്കും. ഒരുപക്ഷേ, ഷെഫീക്കിനെ ഉപദ്രവിച്ചവർക്ക് തക്ക ശിക്ഷയും. കഴിഞ്ഞൂ കാര്യം. ഷൊർണ്ണൂരിലെ സൗമ്യയുടേയും, കോഴിക്കോട്ടെ അദിതിയുടേയും കാര്യത്തിൽ ഇതുതന്നെയാണ് സംഭവിച്ചത്. വികാരത്തിന്റെ ഒരു തള്ളിക്കയറ്റം. ഒന്നോ അതിൽ കൂടുതലോ 'കുറ്റവാളികളെ' കണ്ടുപിടിക്കാനും ശിക്ഷിക്കാനുമുള്ള ജനക്കൂട്ടത്തിന്റെ ആവേശം. അതുകഴിഞ്ഞാൽ തീർന്നു. പിന്നെല്ലാം പതിവുപോലെ. പിന്നെയെവിടെയെങ്കിലും നിന്ന് ഇതുപോലൊരു വർത്ത വരുന്നതുവരെ നമുക്കാ വിഷയത്തിൽ താല്പര്യമില്ല.
ഇത് വലിയ കഷ്ടമാണ്. ദുഃഖകരമായ ഒരു സംഭവം ഒരു ദുരന്തമാകുന്നത് നാം അതിൽനിന്ന് ഒന്നും പഠിക്കാതെ പോകുന്പോഴാണ്. ലോകത്തിലേറ്റവും കൂടുതൽ കുട്ടികളുള്ള നാടാണ് ഇപ്പോൾ ഇന്ത്യ. അഞ്ചു വയസ്സിനു താഴെയുള്ള ഇന്ത്യക്കാരുടെ എണ്ണം ഇപ്പോൾ പത്തുകോടി എങ്കിലുമുണ്ട്. അവരിൽ ഒരു ശതമാനമെങ്കിലും പീഡനങ്ങൾ അനുഭിക്കുന്നുണ്ടെങ്കിൽത്തന്നെ അത് പത്തുലക്ഷം വരും. (കുട്ടികളിൽ പത്തു ശതമാനമെങ്കിലും ശാരീരികമോ മാനസികമോ ലൈംഗികമോ ആയ അതിക്രമം നേരിടുന്നുണ്ടെന്നാണ് ചില സർവേ ഫലങ്ങൾ സൂചിപ്പിക്കുന്നത്). ഇതെല്ലാം ഓരോന്നായി പത്രത്തിൽ കൊടുത്തും അച്ഛനമ്മമാർക്കിട്ട് രണ്ടടി കൊടുത്തും പരിഹരിക്കാൻ പറ്റുന്നതല്ല. അതല്ല ചെയ്യേണ്ടതും. ക്ഷേമവും സംരക്ഷണവുമുള്ള ഒരു ബാല്യം എല്ലാവർക്കും ഉറപ്പുനൽകാനുള്ള സംവിധാനം നടപ്പിലാക്കുകയാണ് വേണ്ടത്.
കുട്ടികളുടെ ക്ഷേമത്തിനും സംരക്ഷണത്തിനുമുള്ള നിയമങ്ങൾക്ക് അന്താരാഷ്ട്ര തലത്തിലോ ഇന്ത്യയിലോ കുറവൊന്നുമില്ല.1890 ലെ 'ഗാർഡിയൻസ് ആൻഡ് വാർഡ്സ്' ആക്ട് മുതൽ 2005 ലെ കുട്ടികൾക്കു വേണ്ടിയുള്ള കമ്മീഷൻ നിയമിക്കുന്ന നിയമം വരെ, പുരോഗമനപരമായ നിയമങ്ങളുടെ പരന്പര തന്നെ നമുക്കുണ്ട്. 1959 ലെ കുട്ടികളുടെ അവകാശങ്ങളെപ്പറ്റിയുള്ള ഐക്യരാഷ്ട്ര പൊതുസഭയുടെ പ്രഖ്യാപനവും, 1989 ലെ 'കുട്ടികളുടെ അവകാശത്തെ'പ്പറ്റിയുള്ള കൺവെൻഷനും ഇന്ത്യ അംഗീകരിച്ചിട്ടുള്ളതുമാണ്. കുട്ടികളുടെ ശാരീരികവും മാനസികവുമായ വളർച്ചക്കു വേണ്ട നിർദ്ദേശങ്ങളും, കുട്ടികളുടെ ശാരീരികവും, മാനസികവും, ലൈംഗികവുമായ പീഡനങ്ങൾ ഒഴിവാക്കാനുള്ള നടപടികളുമെല്ലാം നിയമങ്ങളിലുണ്ട്. കുട്ടികൾക്കുവേണ്ടി പ്രത്യേകിച്ച് എന്തു നിയമമുണ്ടാക്കുന്നതിനും ഭരണഘടന പിന്തുണ നല്കുന്നുമുണ്ട്. നിയമപ്രകാരം കേന്ദ്രത്തിലും സംസ്ഥാനത്തിലുമൊക്കെ കമ്മീഷനുകളും മറ്റും നിലവിൽ വന്നിട്ടുണ്ട്.
എന്നിട്ടും, എന്തുകൊണ്ട് ഷെഫീക്കുമാരും അദിതിമാരും ഉണ്ടാകുന്നു, എന്തുകൊണ്ട് പ്രായപൂർത്തിയാകാത്ത പെൺകുട്ടികളെ സ്വന്തം പിതാവുതന്നെ ബലാൽസംഗം ചെയ്യുന്നത് അമ്മമാർ നോക്കിനിൽക്കുന്നു? എന്നിട്ടുമെന്തേ ഓരോ വർഷത്തിലും അൻപതിലേറെ കുട്ടികളെ അവരുടെ അച്ഛനോ അമ്മയോ കൊലപ്പെടുത്തുന്നു? (2011ൽ 66 കുട്ടികളാണ് കേരളത്തിൽ ആത്മഹത്യ ചെയ്തത്. ഇവരിൽ ഭൂരിഭാഗവും ആത്മഹത്യ ചെയ്തതല്ലെന്ന് വ്യക്തമാണല്ലോ. അഞ്ചുവയസ്സുള്ള കുട്ടി എങ്ങനെയാണ് ആത്മഹത്യ ചെയ്യുന്നത്?).
ഇവിടെയാണ് ഒരു സമൂഹം എന്ന നിലയിൽ കുട്ടികളെ നാം എങ്ങനെ സംരക്ഷിക്കാതിരിക്കുന്നു എന്നാലോചിക്കേണ്ടത്, അഥവാ എങ്ങനെ സംരക്ഷിക്കും എന്നു നാം തീരുമാനിക്കേണ്ടത്. ഇതിന് വലിയൊരു ആത്മപരിശോധന ആവശ്യമാണ്. കാരണം കുട്ടികൾ പീഡിപ്പിക്കപ്പെടുന്നത് നാം കാണാഞ്ഞിട്ടല്ല. കേരളത്തിലെ ജനസാന്ദ്രത കൊണ്ട് പല ബുദ്ധിമുട്ടുകളുണ്ടെങ്കിലും ഒരു ഗുണം, അടുത്ത വീട്ടിൽ നടക്കുന്ന മിക്കവാറും കാര്യങ്ങൾ നമ്മൾ അറിയുന്നു എന്നതാണ്. കാര്യങ്ങളറിഞ്ഞാലും അടുത്ത വീട്ടിലെ കുടുംബകാര്യങ്ങളിൽ ഇടപെടാനുള്ള മടി, കുട്ടികളെ സംരക്ഷിക്കാനുള്ള ഗവണ്മെന്റ് സംവിധാനങ്ങളെപ്പറ്റിയുള്ള അജ്ഞത, അറിവുണ്ടെങ്കിൽത്തന്നെ പൊതുവെ ഗവണ്മെന്റ് വ്യവസ്ഥിതികളിലുള്ള വിശ്വാസക്കുറവ് ഇതെല്ലാം കുട്ടികളുടെ പീഡനകാര്യത്തിൽ പ്രശ്നം വഷളാവുന്നതിനു മുൻപേ എന്തെങ്കിലും ചെയ്യുന്നതിൽനിന്ന് നമ്മെ പിൻതിരിപ്പിക്കുകയാണ്.
പാശ്ചാത്യരാജ്യങ്ങളിൽ കുട്ടികളോടുള്ള ക്രൂരത, (അത് ശാരീരികമോ മാനസികമോ ലൈംഗികമോ ആകാം) കുട്ടികളോടുള്ള ഉപേക്ഷ, (വേണ്ടത്ര ശ്രദ്ധിക്കാതിരിക്കുക, ഭക്ഷണം കൊടുക്കാതിരിക്കുക, ആരോഗ്യകാര്യത്തിൽ ശ്രദ്ധിക്കാതിരിക്കുക, സ്കൂളിൽ വിടാതിരിക്കുക) ഇതെല്ലാം സമൂഹം ഏറെ ഗുരുതരമായിട്ടാണ് പരിഗണിക്കുന്നത്. എല്ലാ രാജ്യത്തും തന്നെ 'ചൈൽഡ് പ്രൊട്ടക്ഷൻ സർവീസ്' എന്ന ഗവണ്മെന്റ് ഏജൻസിക്ക് വിപുലമായ അവകാശങ്ങളും വിഭവങ്ങളുമുണ്ട്. കുട്ടികൾ ക്രൂരതക്കോ ഉപേക്ഷക്കോ ഇരയാവുന്നു എന്ന് സംശയം തോന്നുന്ന കുടുംബങ്ങളിൽ കടന്നു ചെല്ലാനും, കുട്ടിയുടെ ക്ഷേമത്തിനും സംരക്ഷണത്തിനും വേണ്ടിവന്നാൽ കുട്ടിയെ കുടുംബത്തിൽനിന്നും മാറ്റി മറ്റുവിധത്തിലുള്ള സംരക്ഷണത്തിലാക്കാനും വരെ അവർക്ക് അധികാരമുണ്ട്.
ഇവരുടെ സേവനത്തെപ്പറ്റി എല്ലാ കുട്ടികൾക്കും, അറിവുവെക്കുന്ന ചെറുപ്രായത്തിലേ മനസ്സിലാക്കിക്കൊടുക്കുന്നു. (സത്യം പറഞ്ഞാൽ വിദേശത്തു താമസിക്കുന്ന പല മലയാളികുടുംബത്തിനും ഇതൊരു പേടിസ്വപ്നം കൂടിയാണ്. നമ്മുടെ നാട്ടുനടപ്പനുസരിച്ച് കുട്ടിയെ ഒന്നു തല്ലിയാൽ അവർ ഈ നന്പറിൽ ഒന്നു വിളിച്ചു പറഞ്ഞാൽ അച്ഛനുമമ്മയും ജയിലിലാകും. കുട്ടികൾ എന്തെങ്കിലും കുരുത്തക്കേട് കാണിച്ചാൽ 'നാട്ടിൽ ചെല്ലട്ടെ നിനക്ക് ഞാൻ രണ്ടു തരും'' എന്ന് മറുനാടൻ മലയാളികളുടെ ഇടയിൽ ഒരു പ്രയോഗം തന്നെയുണ്ട്). കുട്ടികളെ പീഡിപ്പിക്കുന്നതിനെപ്പറ്റി അറിവു ലഭിക്കുന്ന ആയമാർ, അദ്ധ്യാപകർ, ഡോക്ടർമാർ എന്നിവർ അതുടൻ തന്നെ ഈ സംവിധാനത്തെ അറിയിക്കുവാൻ നിയമപരമായി ബാധ്യസ്ഥരാണ്. പൊതുജനങ്ങളെയാകട്ടെ ഏതെങ്കിലും കുട്ടിയെ ഉപദ്രവിക്കുന്നതായിട്ടോ ഉപേക്ഷ വിചാരിക്കുന്നതായിട്ടോ സംശയമെങ്കിലും തോന്നിയാൽ ചൈൽഡ് പ്രൊട്ടക്ഷൻ സർവ്വീസിനെ വിളിച്ചറിയിക്കാനാണ് പഠിപ്പിക്കുന്നത്. വിളിച്ചറിയിക്കുന്നവരുടെ വിവരങ്ങൾ വേണമെങ്കിൽ രഹസ്യമാക്കി വെക്കുകയും ചെയ്യും.
കുട്ടികൾ ദൈവത്തിന്റെ വരദാനമാണെന്നും, ഭാവിയുടെ വാഗ്ദാനമാണെന്നുമൊക്കെ ആലങ്കാരികമായി നാം എപ്പോഴും പറയുമെങ്കിലും, കുട്ടികളെ ശാരീരികമായും ലൈംഗികമായും ക്രൂരമായി പീഡിപ്പിക്കുന്നതിന്റെ വാർത്തകളാണ് നാം ഓരോ ദിവസവും കേൾക്കുന്നത്. മാനസിക പീഡനവും ഉപേക്ഷയുമൊക്കെ തെറ്റാണെന്നു നാം മനസ്സിലാക്കാൻ തുടങ്ങുന്നേയുള്ളൂ. എന്നാൽ ഇതെല്ലാം സംഭവിക്കുന്നത് ഭാവിയുടെ വാഗ്ദാനങ്ങളെ സംരക്ഷിക്കുന്നതിൽ സമൂഹം എന്ന നിലക്ക് നാം പരാജയപ്പെടുന്നതു കൊണ്ടാണ്. ഷെഫീക്കിന്റേയും അദിതിയുടേയും മാതാപിതാക്കളാണ് കുറ്റക്കാരെങ്കിലും തെറ്റ് നമ്മുടേതും കൂടിയാണ്.
ഇനി ഒരു കുട്ടിക്കും ഷെഫീക്കിന്റേയും അദിതിയുടേയും ഗതിയുണ്ടാകാതിരിക്കാൻ നമുക്കീ അവസരം ഉപയോഗിക്കണം. ആയിരക്കണക്കിന് കുടുംബങ്ങളിൽ ആയിരക്കണക്കിന് അദിതിമാരും ഷെഫീക്കുമാരുമാണ് പീഡനങ്ങൾ അനുഭവിച്ച് ആരോടും പറയാനാവാതെ കരഞ്ഞുറങ്ങുന്നത്. അവരെ നമുക്ക് രക്ഷിക്കേണ്ടേ? കുട്ടികളുടെ സംരക്ഷണം ശക്തിപ്പെടുത്തുന്നതിനുവേണ്ടി ഗവണ്മെന്റ് ഒരു കമ്മിറ്റി ഉണ്ടാക്കിയിട്ടുണ്ട്. നല്ല കാര്യമാണ്. എന്നാൽ ഭരണഘടന തൊട്ട് സംസ്ഥാനനിയമങ്ങളും സംവിധാനങ്ങളും ഉണ്ടായിട്ടും, എന്തുകൊണ്ട് അദിതിമാരും ഷെഫീക്കുമാരും ഉണ്ടാകുന്നു എന്നതിനെപ്പറ്റി ഒരു സമഗ്രമായ വിശകലനത്തിൽ നിന്ന് വേണം പുതിയ സംവിധാനങ്ങൾ ഉണ്ടാക്കിത്തുടങ്ങാൻ.
പെൺകുട്ടികളുടെ വിദ്യാഭ്യാസ അവസരങ്ങൾക്ക് വേണ്ടി ശബ്ദമുയർത്തിയതിന്റെ പേരിൽ തീവ്രവാദികളുടെ ആക്രമണത്തിനിരയായ മലാല എന്ന കുട്ടിയുടെ പേരിൽ ഐക്യരാഷ്ട്രസഭ 'മലാല ഡേ' പ്രഖ്യാപിച്ചു. ലോകത്ത് എവിടെയുമുള്ള ആണും പെണ്ണുമായ കുട്ടികളുടെ വിദ്യാഭാസത്തിന്റെ അവകാശ ദിനമായി മലാലയുടെ പിറന്നാൾ ആയ ജൂലൈ പന്ത്രണ്ട് കൊണ്ടാടുകയാണ്.
അതുപോലെ കുട്ടികളോടുള്ള അനീതിയിലേക്ക് ശ്രദ്ധ തിരിക്കാൻ കേരളത്തിന് അദിതിയുടെ പിറന്നാൾ ദിവസമോ ചരമദിനമോ 'അദിതി ദിവസം' ആയി പ്രഖ്യാപിച്ചു കൂടേ? അന്ന് കേരളത്തിലെ എല്ലാ സ്കൂളുകളിലും മീഡിയയിലും ഈ വിഷയത്തെപ്പറ്റി ചർച്ചയും സംവാദങ്ങളും പ്രഭാഷണങ്ങളും നടത്താമല്ലോ. ഇനിയൊരു അദിതി കൂടി ഉണ്ടാവാൻ നാം അനുവദിക്കില്ല എന്ന് പ്രതിജ്ഞയെടുക്കുകയും ചെയ്യാം.
മുരളി തുമ്മാരുകുടി.
Stories you may Like
- മുരളീ തുമ്മാരുകുടി മുൻകൂട്ടി കണ്ടത് താനൂരിൽ സംഭവിക്കുമ്പോൾ
- പൊന്നാനിയിലെ ലൈസൻസില്ലാത്ത യാർഡിൽ മീൻപിടിത്ത ബോട്ട് രൂപ മാറ്റം നടത്തി
- മുരളി തുമ്മാരുകുടിയുടെ പരാതി, കെഎസ്ഇബി സ്ഥാപിച്ച സ്റ്റേ വയർ നീക്കി
- സെക്രട്ടറിയേറ്റിൽ തീപിടുത്തം ഉണ്ടാകുന്നതും മുരളി തുമ്മാരുകുടി പ്രവചിച്ചിരുന്നോ
- മുരളി തുമ്മാരുകുടി ചർച്ചയാക്കിയത് എംജി യൂണിവേഴ്സിറ്റിയിലെ ട്രാൻസ്ക്രിപ്റ്റ് ദുരന്തകഥ
- TODAY
- LAST WEEK
- LAST MONTH
- ഇറാനിൽ ഇസ്രയേലിന്റെ വ്യോമാക്രമണം ഇന്ത്യൻ വിപണിക്ക് ആശങ്കയാകുന്നു; കുതിച്ചുയർന്ന് ക്രൂഡോയിൽ വില; ബാരലിന് 90 ഡോളറിലെത്തി; ഇപ്പോഴത്തെ നിലയിൽ വില 100 ഡോളർ വരെ ഉയർന്നേക്കുമെന്ന് ആശങ്ക; ഇറാൻ-ഇസ്രയേൽ പോര് പശ്ചിമേഷ്യയിലെ സ്ഥിതിഗതികൾ കൂടുതൽ ആശങ്കപ്പെടുത്തുന്നു
- ഇറാൻ പ്രകോപനത്തിന് തിരിച്ചടിയുമായി ഇസ്രയേൽ; ഇറാന്റെ വടക്കൻ നഗരമായ ഇസ്ഫഹാനിലെ വിമാനത്താവളത്തിന് മിസൈൽ ആക്രമണം നടത്തി ഇസ്രയേൽ; ആക്രമണത്തിന പിന്നാലെ ഇറാനിൽ വിമാന സർവീസുകൾ പൂർണായും നിർത്തിവെച്ചു; ഇസ്രയേൽ ആക്രമണം അമേരിക്കയെ അറിയിച്ച ശേഷം
- മുഖ്യമന്ത്രിക്ക് ഇരിക്കാൻ സ്ഥാപിച്ച അരലക്ഷം വിലയുള്ള കറങ്ങുന്ന കസേരയുള്ള സീറ്റ് ഇളക്കിമാറ്റി; വി.വി.ഐ.പി. പരിവേഷത്തിൽ കേരളം കറങ്ങിയ നവകേരള ബസ് ഇപ്പോൾ ആർക്കും വേണ്ടാതെ വെറുതേ കിടക്കുന്നു; ഗതാഗത മന്ത്രി മാറിയതോടെ താൽപ്പര്യം കുറഞ്ഞു; ടൂറിസം ആവശ്യത്തിനും വിട്ടുനൽകാതെ 1.15 കോടി രൂപ മുടക്കി വാങ്ങിയ ബസ്
- ഷെയർ ചാറ്റിലൂടെ ഭാര്യമാരെ കാണിച്ച് ഇഷ്ടമായെങ്കിൽ 'ലൈംഗിക ബന്ധത്തിന്' അനുവാദം നൽകുന്നത് ആദ്യ മോഡൽ; 2021ൽ ആപ്പുമെത്തി; കായംകുളത്ത് നടത്തിയ 'പങ്കുവയ്ക്കൽ' ആദ്യ ഞെട്ടൽ; തൊടുപുഴയിൽ ഏഴു വയസ്സുകാരന്റെ കൊലയിലും ഭാര്യാ കച്ചവടം! വെച്ചൂച്ചിറയിലേത് 'ഗ്രാമീണ മോഡൽ'! വൈഫ് സ്വാപ്പിംഗിൽ കേരളം ഞെട്ടുമ്പോൾ
- നേരെ വെളുക്കും മുമ്പേ ഇരുട്ടിന്റെ മറവിൽ, ഇസ്രയേൽ ലക്ഷ്യമിട്ടത് ഇറാന്റെ ആണവ കേന്ദ്രത്തെയോ? തിരിച്ചടിച്ചത് തങ്ങൾക്ക് നേരേ ഡ്രോണുകളും മിസൈലുകളും തൊടുത്തുവിടുന്ന ഇസ്ഫഹൻ നഗരത്തിലെ സൈനിക കേന്ദ്രത്തെ ലാക്കാക്കി എന്നും സംശയം
- വെച്ചൂച്ചിറയിലെ സൗമ്യയുടെ ആത്മഹത്യ: ഭർത്താവ് സുനിൽ കുമാറിനെതിരേ വീണ്ടും കേസ്; കൂട്ടുകാരന്റെ ഭാര്യ നൽകിയ പരാതിയിൽ ഭർത്താവും സുനിൽകുമാറും പ്രതികൾ; നടന്നത് ഭാര്യമാരെ വച്ചു മാറാനുള്ള നീക്കം; കൂടുതൽ അറസ്റ്റുണ്ടാകും
- 'ഒറ്റക്ക് വഴിവെട്ടി വന്നവനെ കളിയാക്കുന്നോടോ പട്ടികളെ'; കോക്കസ്, ബെൽറ്റ്, ഗ്രൂപ്പിസം, ഫേവറേറ്റിസം, നെപ്പോട്ടിസം'; അതിഥി താരമായി എത്തി അവധിക്കാലം തൂക്കി ഈ യുവനടൻ; ഗോഡ്ഫാദർമാർ ആരുമില്ലാതെ ഒറ്റക്ക് കയറിവന്നവൻ; 'വർഷങ്ങൾക്കുശേഷം' ന്യൂജൻ സൂപ്പർസ്റ്റാർ തിരിച്ചുവരുമ്പോൾ
- ഷർട്ടും അടിവസ്ത്രവും മാത്രം ധരിച്ച് അവശനായി ഓടി വരുന്നത് കണ്ട് ഞെട്ടി; കാൽക്കലേക്ക് വീണ യുവാവിന്റെ മുഖത്തും ശരീരത്തിലും ചോര; വായും മുഖവും ആസിഡ് ഒഴിച്ച് പൊള്ളിച്ച നിലയിൽ; മണിമല പൊന്തൻപുഴ വനത്തിൽ വച്ച് വധശ്രമത്തിൽ നിന്ന് ഓടി രക്ഷപ്പെട്ട യുവാവിന് രക്ഷകരായി തിരഞ്ഞെടുപ്പ് നിരീക്ഷക സംഘം
- പ്രമുഖ യൂടൂബർ സ്വാതി കെട്ടിടത്തിൽ നിന്ന് ചാടി ജീവനൊടുക്കി; സംഭവസമയം മുറിയിൽ ഉണ്ടായിരുന്ന സുഹൃത്തിനെ ചോദ്യം ചെയ്തു പൊലീസ്; ആത്മഹത്യയ്ക്ക് പിന്നിലെ കാരണം തേടി അന്വഷണം; സ്വാതി ഗോദര വ്ളോഗിങ് തുടങ്ങിയത് യുപിഎസ്സി പരീക്ഷാ പരിശീലനത്തിന് ഡൽഹിയിൽ എത്തിയ ശേഷം
- സുഹൃത്തും തന്റെ ഭാര്യയുമായി അവിഹിത ബന്ധം; പകരം സുഹൃത്തിന്റെ ഭാര്യയോട് കിടപ്പറ പങ്കിടാൻ ആവശ്യപ്പെട്ടു; പൊലീസ് കേസും വഴക്കുമായപ്പോൾ ആത്മഹത്യ ചെയ്യാൻ തീരുമാനിച്ച ദമ്പതികളിൽ ഭാര്യ മരിച്ചു; പ്രേരണാക്കുറ്റത്തിന് ഭർത്താവ് അറസ്റ്റിൽ: വെച്ചൂച്ചിറയിൽ നിന്ന് ഞെട്ടിക്കുന്ന കഥ
- കള്ളി എന്നതാണ് ഇപ്പോഴത്തെ മേൽവിലാസം.. കള്ളിയുടെ അച്ഛൻ എന്ന മേൽവിലാസവും കൊണ്ട് ആണ് 2 മാസം മുമ്പ് അച്ഛൻ മരിച്ചുപോയത്; കൂടെ ഉണ്ടായിരുന്നവരൊന്നും കൂട്ടുന്നില്ല; ഉറങ്ങിയിട്ട് വർഷം ഒന്നാകാറായി; വിദ്യ വിജയന്റെ കുറിപ്പ്
- കാസർകോട് ഇടതുമുന്നണി തിരിച്ചുപിടിക്കുമോ? കണ്ണൂരിൽ സുധാകരൻ വീഴുമോ? വടകരയിൽ ഷാഫിയോ ശൈലജയോ? കോഴിക്കോട് രാഘവേട്ടനോ, കരീംക്കയോ? രാഹുൽഗാന്ധി മാജിക്ക് ആവർത്തിക്കുമോ? എൻഡിഎ വോട്ട് ഉയർത്തുമോ? മറുനാടൻ മലയാളി ഇലക്ഷൻ സർവേയുടെ ആദ്യഘട്ട ഫലം അറിയാം
- പേരാമ്പ്രയിൽ അദ്ധ്യാപകൻ മരിച്ച നിലയിൽ; വീട്ടിലെ മുറിയിൽ മരിച്ച നിലയിൽ കണ്ടെത്തിയത് സിദ്ധാർഥന്റെ മരണവുമായി ബന്ധപ്പെട്ട കേസിലെ 11ാം പ്രതിയുടെ പിതാവ്
- ക്ഷേമപെൻഷൻ യഥാസമയം കൊടുക്കാൻ കഴിഞ്ഞില്ലെങ്കിൽ തിരിച്ചടിയെന്ന് വിലയിരുത്തൽ; പണം കണ്ടെത്താൻ സഹകരണ ബാങ്കുകളിൽ നിന്ന് 2000 കോടി കടമെടുക്കാൻ സർക്കാർ; 9.1 ശതമാനം പലിശയിൽ കടമെടുപ്പ്; ഒന്ന വർഷത്തിനുള്ളിൽ സഹകരണ ബാങ്കുകളെ സമീപിക്കുന്നത് ഇത് മൂന്നാം വട്ടം
- ത്രികോണ പോരിന് ഒടുവിൽ സുരേഷ് ഗോപി തൃശ്ശൂർ എടുക്കുമോ? പാലക്കാടൻ കാറ്റ് മാറി വീശുമോ? ആലത്തൂരിൽ രമ്യ പാട്ടുംപാടി വിജയിക്കുമോ? മലപ്പുറത്തും പൊന്നാനിയിലും ലീഗ് കോട്ടകളിൽ നേരിയ വിള്ളലെങ്കിലും വീഴുമോ? നെഞ്ചിടിപ്പേറുന്ന മണ്ഡലങ്ങളിലൂടെ മറുനാടൻ സർവേയുടെ രണ്ടാം ഘട്ടം ഫലം
- സുഹൃത്തും തന്റെ ഭാര്യയുമായി അവിഹിത ബന്ധം; പകരം സുഹൃത്തിന്റെ ഭാര്യയോട് കിടപ്പറ പങ്കിടാൻ ആവശ്യപ്പെട്ടു; പൊലീസ് കേസും വഴക്കുമായപ്പോൾ ആത്മഹത്യ ചെയ്യാൻ തീരുമാനിച്ച ദമ്പതികളിൽ ഭാര്യ മരിച്ചു; പ്രേരണാക്കുറ്റത്തിന് ഭർത്താവ് അറസ്റ്റിൽ: വെച്ചൂച്ചിറയിൽ നിന്ന് ഞെട്ടിക്കുന്ന കഥ
- അനന്തപുരിയിൽ തരൂർ വീഴുമോ? ആറ്റിങ്ങലിൽ അടൂർ പ്രകാശിന് അടിതെറ്റുമോ? കൊല്ലത്ത് മുകേഷോ, പ്രേമചന്ദ്രനോ? പത്തനംതിട്ട ആർക്ക്? അനിൽ ആന്റണി വോട്ടുയർത്തുമോ; മാവേലിക്കരയിൽ അട്ടിമറിയോ? കേരളം ആർക്കൊപ്പം; 20 മണ്ഡലങ്ങളിലെയും മറുനാടൻ സർവേ ഫലം അറിയാം
- സ്കൂളിൽ പ്രാർത്ഥന വിലക്കിയ നടപടി ശരിവെച്ച് ബ്രിട്ടീഷ് കോടതി; വളരെ മികച്ചതെന്ന റേറ്റിങ് ലഭിച്ച സ്കൂളിനെതിരെ കോടതിയെ സമീപിച്ചത് മുസ്ലിം വിദ്യാർത്ഥിനി; എല്ലാ വിഭാഗങ്ങളെയും ഉൾക്കൊള്ളുന്ന സ്കൂൾ നയത്തിന്റെ വിജയമെന്ന് സ്കൂൾ അധികൃതർ
- വ്യാഴാഴ്ച പ്രാർത്ഥനയ്ക്ക് പോയിരുന്ന ജെസ്നയെ കാണാതായതും വ്യാഴാഴ്ച; ആരാധനാ സ്ഥലം കണ്ടെത്തിയെന്ന് അച്ഛൻ; രഹസ്യ സുഹൃത്തിന്റെ ഫോട്ടോയും കുടുംബം കണ്ടെത്തി! സിബിഐ സഞ്ചരിക്കാത്ത വഴികളിലൂടെ പോയ അച്ഛന് കിട്ടിയത് ഞെട്ടിക്കുന്ന വിവരങ്ങളോ? ജെസ്നയ്ക്ക് സംഭവിച്ചത് എന്ത്?
- ആലപ്പുഴയിലെ 'കനൽത്തരി' അണയുമോ? ചാലക്കുടിയിൽ ട്വന്റി ട്വന്റി വോട്ടുകൾ ആർക്ക് ഭീഷണിയാകും? എറണാകുളത്തും ഇടുക്കിയിലും യുഡിഎഫ് തന്നെയോ? കോട്ടയത്ത് വിജയിക്കുക ഏത് കേരളാ കോൺഗ്രസ്? മറുനാടൻ സർവേ മൂന്നാംഘട്ട ഫലം അറിയാം..
- ഒരു ജൂനിയർ പറയാൻ പാടില്ലാത്ത കഥകളാണ് ശ്രീനിയുടെ മകൻ പറഞ്ഞതെന്ന് മുകേഷ്; എന്നാൽ അത് ധ്യാൻ തന്നെയാകുമെന്ന് ആരാധകർ
- ആടുജീവിതം ഇസ്ലാമോഫോബിയ പരത്തുന്ന ചിത്രമോ? നോവലിന്റെ അറബിപതിപ്പ് യുഎഇയിലും സൗദിയിലും നിരോധിച്ചത് 2014ൽ; ഇപ്പോൾ സിനിമക്കും യുഎഇ ഒഴികെയുള്ള ഗൾഫ് രാജ്യങ്ങളിൽ പ്രദർശനാനുമതിയില്ല; കേരളത്തിലെ യുക്തിവാദികൾക്കിടയിലും ചർച്ച; ആടുജീവിതം വിവാദമാവുമ്പോൾ
- അനുജയുമൊന്നിച്ച് കാർ തടിലോറിയിലേക്ക് ഇടിച്ചു കയറ്റി ഹാഷിം ജീവനൊടുക്കിയെന്ന് സഹ അദ്ധ്യാപകരുടെയും ബന്ധുക്കളുടെയും മൊഴി; അടൂരിനെ നടുക്കിയ അപകടം; സ്കൂൾ അദ്ധ്യാപികയെയും കൂട്ടി സ്വകാര്യ ബസ് ഡ്രൈവർ ആത്മഹത്യ ചെയ്തതെന്ന് സൂചന; സ്വിഫ്ട് ഡിസയർ കാർ ഓടിച്ചു കയറ്റിയത് കണ്ടെയ്നർ ലോറിയിലേക്ക്: സംഭവം കെപി റോഡിൽ പട്ടാഴമുക്കിൽ
- കള്ളി എന്നതാണ് ഇപ്പോഴത്തെ മേൽവിലാസം.. കള്ളിയുടെ അച്ഛൻ എന്ന മേൽവിലാസവും കൊണ്ട് ആണ് 2 മാസം മുമ്പ് അച്ഛൻ മരിച്ചുപോയത്; കൂടെ ഉണ്ടായിരുന്നവരൊന്നും കൂട്ടുന്നില്ല; ഉറങ്ങിയിട്ട് വർഷം ഒന്നാകാറായി; വിദ്യ വിജയന്റെ കുറിപ്പ്
- റഷ്യയിലെ ഭീകരാക്രമണത്തിൽ പിടികൂടിയ ഐസിസ് ഭീകരർ നേരിടാൻ പോകുന്നത് റഷ്യൻ പൊലീസിന്റെ സമാനതകളില്ലാത്ത മർദ്ദനമുറകൾ; ചെവിമുറിച്ച് സ്വയം ഭക്ഷിക്കുവാൻ കൊടുത്തതിന് പുറമെ വൈദ്യുതാഘാതവും വസ്ത്രമൂരി അടിയും; മരിച്ചാൽ ബന്ധുക്കൾക്ക് ശരീരം വിട്ടു നൽകുന്നത് ആന്തരികാവയവങ്ങൾ നീക്കിയ ശേഷം
- അരവിന്ദ് കേജ്രിവാൾ ഡൽഹി മദ്യനയ അഴിമതിയുടെ മുഖ്യസൂത്രധാരൻ; അനുകൂല നയം രൂപീകരിക്കാൻ കോടികൾ കൈക്കൂലി വാങ്ങി; കോഴപ്പണം കൈകകാര്യം ചെയ്യുന്നതിലും മുഖ്യമന്ത്രി ഇടപെട്ടു; കോഴപ്പണം എഎപി ഗോവ തിരഞ്ഞെടുപ്പിൽ ഉപയോഗിച്ചുവെന്നും ഇ.ഡി; പത്തു ദിവസത്തെ കസ്റ്റഡിയിൽ വിടണമെന്നും കോടതിയിൽ
- വൈകീട്ട് തിരക്കില്ലാതിരുന്നിട്ടും നിർത്താതെ പോയ കോട്ടയം ബസിന്റെ ഡ്രൈവർ ആരെന്നറിയാൻ യാത്രക്കാരൻ ഡിപ്പോയിലേക്കു വിളിച്ചു; ഇതോടെ വാളകത്തിന്റെ പ്രസക്തി ഡ്രൈവർക്ക് മനസ്സിലായി; ജോലി പോകാതിരിക്കാൻ ഇമ്പൊസിഷനും എഴുതി; ആനവണ്ടിക്ക് യജമാനൻ യാത്രക്കാരനാകുമ്പോൾ!
- പിറന്നാളിന് വാങ്ങിയത് ഓൺലൈനിൽ ഓർഡൽ ചെയ്ത കേക്ക്; ഭക്ഷ്യവിഷബാധയേറ്റ് പത്തു വയസ്സുകാരിക്ക് ദാരുണാന്ത്യം: പിറന്നാൾ പിറ്റേന്ന് ദാരുണമായി മരിച്ചത് പത്തു വയസ്സുകാരി മൻവി
- സിനിമയുടെയും ആത്മാവായ ആ സീൻ സെൻസർ ബോർഡ് വെട്ടിമാറ്റിയെന്ന് ബെന്യാമിൻ; ഷൂട്ട് ചെയ്തിട്ടില്ലെന്ന് ബ്ലെസി; അങ്ങനെ ഒന്ന് ഉണ്ടായിട്ടില്ലെന്നും എഴുത്തുകാരൻ ചേർത്തതാണെന്നും നജീബ്; ആടുമായി നജീബ് ലൈംഗിക ബന്ധത്തിൽ ഏർപ്പെടുന്ന രംഗത്തിന് എന്താണ് സംഭവിച്ചത്?
- 'എന്റെ മകൻ കെട്ടിയ താലി നീ ഇടേണ്ട'; മകന്റെ ഭാര്യയുടെ താലിമാല പൊട്ടിച്ച് കലി തുള്ളിയ 'മോഹിനി'! 35 പവനൊപ്പം 10 ലക്ഷം കൂടി വേണമെന്ന അത്യാഗ്രഹം; വീടും സ്ഥലവും മകന് എഴുതി കൊടുക്കാത്തിന് മരുമകളെ പുറത്താക്കിയ അമ്മായി അമ്മ; സത്യഭാമ വെറുമൊരു 'കലാമണ്ഡലം' അല്ല; സ്ത്രീപീഡന കേസും ചർച്ചകളിലേക്ക്
Readers Comments+
മലയാളത്തിൽ ടൈപ്പ് ചെയ്യാൻ ഇവിടെ ക്ലിക്ക് ചെയ്യുകകമന്റ് ബോക്സില് വരുന്ന അഭിപ്രായങ്ങള് മറുനാടന് മലയാളിയുടേത് അല്ല. മാന്യമായ ഭാഷയില് വിയോജിക്കാനും തെറ്റുകള് ചൂണ്ടി കാട്ടാനും അനുവദിക്കുമ്പോഴും മറുനാടനെ മനഃപൂര്വ്വം അധിക്ഷേപിക്കാന് ശ്രമിക്കുന്നവരെയും അശ്ലീലം ഉപയോഗിക്കുന്നവരെയും മറ്റു മലയാളം ഓണ്ലൈന് ലിങ്കുകള് പോസ്റ്റ് ചെയ്യുന്നവരെയും മതവൈരം തീര്ക്കുന്നവരെയും മുന്നറിയിപ്പ് ഇല്ലാതെ ബ്ലോക്ക് ചെയ്യുന്നതാണ് - എഡിറ്റര്