ഇത്രയേറെ പാർട്ടികളും വൈവിധ്യവുമുള്ള രാജ്യത്ത് ഒറ്റയ്ക്ക് വൻ ഭൂരിപക്ഷം കിട്ടുന്നത് മഹാത്ഭുതം; നിയമ നിരർമ്മാണത്തിൽ നിർണ്ണായക മാറ്റങ്ങൾ കൊണ്ട് വരാനും അവസരം; ഇന്ത്യയുടെ ഭാവി സർക്കാർ ഏത് വിഷയത്തിന് കൂടുതൽ പ്രധാന്യം നൽകും എന്നതിനെ ആശ്രയിച്ച്; മോദിജിയുടെ രണ്ടാം വരവ്, മോടിയാകുമോ ഭാരതം ? മോടിയാകട്ടെ ഭാരതം, മുന്നേറട്ടെ കേരളം; മുരളി തുമ്മാരകുടി എഴുതുന്നു
മുരളി തുമ്മാരുകുടി
മുൻ തവണത്തേക്കാൾ മെച്ചപ്പെട്ട ജനപിന്തുണയോടു കൂടി ശ്രീ. നരേന്ദ്ര മോദി നാളെ വീണ്ടും പ്രധാനമന്ത്രിയായി സത്യപ്രതിജ്ഞ ചെയ്യുകയാണല്ലോ. 1984 നു ശേഷം ഒരു പാർട്ടിക്കോ വ്യക്തിക്കോ ഇത്ര വ്യക്തമായ പിന്തുണയും ഭൂരിപക്ഷവും ഇന്ത്യയിൽ ലഭിച്ചിട്ടില്ല. അടുത്ത വർഷം അവസാനം ആകുന്പോഴേക്കും രാജ്യസഭയിലും എൻ ഡി എ ക്ക് ഭൂരിപക്ഷം ആകും എന്നാണ് പ്രതീക്ഷിക്കപ്പെടുന്നത്. നിയമ നിർമ്മാണത്തിൽ നിർണ്ണായകമായ മാറ്റങ്ങൾ കൊണ്ടുവരാൻ ഇത് എൻ ഡി എക്ക് അവസരം നൽകും. ഇത് തന്നെയാണ് അടുത്ത ഭരണത്തിന്റെ ഏറ്റവും വലിയ പ്രതീക്ഷയും ആശങ്കയും.
ഒരു ബില്യണിൽ ഏറെ ജനസംഖ്യയും സാമ്പത്തികമായും സാമൂഹ്യമായും ഏറെ വ്യത്യസ്തതകളും അനവധി ദേശീയ പ്രാദേശിക പാർട്ടികളും ഒക്കെ ഉള്ള ഒരു രാജ്യത്ത് പാർലിമെന്ററി രീതിയിൽ തിരഞ്ഞെടുപ്പ് നടക്കുമ്പോൾ എങ്ങനെയാണ് ഭൂരിപക്ഷം സീറ്റുകൾ നേടിയെടുക്കുന്നതെന്ന് മനസ്സിലാക്കാൻ ഏറെ ബുദ്ധിമുട്ടാണ്. ഓരോ പ്രദേശത്തും, എന്തിന് ഓരോ മണ്ഡലത്തിലും പ്രാദേശികമായ വിഷയങ്ങൾ പ്രധാനമാണ്. അപ്പോൾ ഒരു ദേശീയപാർട്ടിക്കും ഒറ്റ നേതാവിലൊ വിഷയത്തിലോ ഊന്നി തിരഞ്ഞെടുപ്പ് ജയിക്കാൻ പറ്റില്ല. അഞ്ചു വിഷയങ്ങളിൽ ഊന്നിയിട്ടുള്ള ഒരു പദ്ധതിയിലൂടെയാണ് എൻ ഡി എ അധികാരത്തിൽ എത്തിയതും ഇപ്പോൾ അവിടെ നിന്നും മുന്നോട്ട് പോകുന്നതും എന്നാണ് എനിക്ക് തോന്നിയിട്ടുള്ളത്.
1. എല്ലാ കാലത്തും ഉള്ള, ഉറപ്പുള്ള, ഒരു 'ഹിന്ദുത്വ' അടിത്തറ.
2. ഇന്ത്യയിൽ ഇപ്പോഴും വലിയ സാദ്ധ്യതകൾ ഉള്ള ദേശീയത
3. ഇന്ത്യയിലെ ബഹുഭൂരിപക്ഷം വരുന്ന ആളുകൾക്കും ഇപ്പോഴും ലഭ്യമാകാത്ത സാമൂഹ്യ സുരക്ഷയിൽ സ്ഥിരമായിട്ടുള്ള ഊന്നൽ.
4. ഇന്ത്യയിലെ വളർന്നു വരുന്ന മധ്യവർഗ്ഗത്തെ ഉത്തേജിപ്പിക്കുന്ന 'വികസന അജണ്ട'.
5. തിരഞ്ഞെടുപ്പിന് ശേഷം ആരാണ് പ്രധാനമന്ത്രിയാകാൻ പോകുന്നതെന്ന് സംശയമില്ലാതെ പ്രഖ്യാപിച്ചത്
ഇവയിൽ ഏതെങ്കിലും ഒന്നുകൊണ്ടു മാത്രം ഭരണം നേടുകയോ നിലനിർത്തുകയോ സാധ്യമല്ല. ഒന്നിൽ കൂടുതൽ വിഷയങ്ങൾ പാക്കേജ് ചെയ്താൽ മാത്രമേ ഭൂരിഭാഗത്തിന്റെ പിന്തുണ കിട്ടൂ. ഈ കാര്യത്തിൽ എൻ ഡി എ നന്നായി വിജയിച്ചിരിക്കുന്നു എന്നാണ് തിരഞ്ഞെടുപ്പ് ഫലങ്ങൾ കാണിക്കുന്നത്.
തിരഞ്ഞെടുപ്പെല്ലാം കഴിഞ്ഞു വ്യക്തമായ ഭൂരിപക്ഷത്തോടെ ജയിച്ചു കയറിയ സർക്കാർ മുന്പറഞ്ഞതിൽ ഏത് കാര്യത്തിലാണ് കൂടുതൽ ശ്രദ്ധ കൊടുക്കാൻ പോകുന്നതെന്നതിനെ അനുസരിച്ചിരിക്കും ഇന്ത്യയുടെ ഭാവി.
എല്ലാവർക്കും വീട് എന്നൊക്കെയുള്ള സാമൂഹ്യ സുരക്ഷാ പദ്ധതികളിൽ ശ്രദ്ധ കേന്ദ്രീകരിക്കുയും, വിദ്യാഭ്യാസം കൂടുതൽ തൊഴിൽ അധിഷ്ഠിതം ആക്കുകയും അടിസ്ഥാന സൗകര്യ വികസനത്തിൽ കൂടുതൽ നിക്ഷേപം നടത്തുകയും ചെയ്താൽ തീർച്ചയായും ഇന്ത്യയെ അത് വികസനത്തിന്റെ പുതിയ ഭ്രമണ പഥത്തിൽ എത്തിക്കും. ശക്തമായ നേതൃത്വം, ഭരണ സ്ഥിരത, അഴിമതിയില്ലാത്ത ഭരണം ഇവയെല്ലാമുണ്ടെങ്കിൽ ഇന്ത്യയുടെ സാന്പത്തികവും സാമൂഹ്യവുമായ സ്ഥിതി ഏറെ മുന്നോട്ട് പോകാൻ അധിക നാളുകൾ വേണ്ട. ഇതിനുള്ള സാധ്യത ഇപ്പോൾ ഉണ്ട്.
അതേസമയം സാന്പത്തികവും സാമൂഹ്യവുമായ നയങ്ങളും പദ്ധതികളും നിശ്ചയിക്കുന്നത് ഹിന്ദുത്വവും അമിത ദേശീയതയും ആണെങ്കിൽ ആദ്യകാലത്തൊക്കെ അത് ജനപ്രിയം ആകുമെങ്കിലും അവസാനം കുഴപ്പത്തിലേ അവസാനിക്കൂ. അങ്ങനെയാണ് ചരിത്രം. ഇതിൽ ഏത് പാതയിലേക്കാണ് നമ്മൾ കയറാൻ പോകുന്നതെന്നിപ്പോൾ പറയാൻ പറ്റില്ല. എൻ ഡി എ ക്ക് ഒറ്റ സീറ്റ് പോലും ഇല്ലാത്തതിനാൽ കേരളത്തിന് കേന്ദ്രത്തിന്റെ നയങ്ങളുടെ കാര്യത്തിൽ ഏറെ സ്വാധീനം കിട്ടാനും വഴിയില്ല. എന്നാലും പുതിയ സർക്കാർ വരുമ്പോൾ രണ്ടുകാര്യങ്ങൾ ശ്രദ്ധിച്ചാൽ നമുക്ക് ഇതൊരു വലിയ അവസരമാക്കി എടുക്കാം.
ഇന്ത്യക്ക് മാതൃകയാവുന്ന കേരളം: രാഷ്ട്രീയമായി കേരളത്തെ ആരൊക്കെ എന്തൊക്കെ കുറ്റം പറഞ്ഞാലും ആരോഗ്യവും വിദ്യാഭ്യാസവും ഉൾപ്പടെയുള്ള കാര്യങ്ങളിൽ കേരളം ഇന്ത്യയിലെ ബഹുഭൂപക്ഷം സംസ്ഥാനങ്ങൾക്കും മാതൃകയാണ്. ഇന്ത്യയിലെ ഏറെ പ്രദേശങ്ങളിൽ കേരളത്തിലെ ഇപ്പോൾ ഉള്ള അത്രയും വികസനം അടുത്ത പത്തുവർഷം കൊണ്ടെങ്കിലും എത്തിക്കാൻ പറ്റിയാൽ അതൊരു അവിടുങ്ങളിൽ വിപ്ലവകരമായ മാറ്റം ആയിരിക്കും. കേരളത്തിന്റെ മാതൃകൾ മാത്രമല്ല ഇക്കാര്യങ്ങളിലുള്ള അറിവും വൈദഗ്ദ്ധ്യവും മറ്റു സംസ്ഥാനങ്ങളുമായി പങ്കുവെക്കാനുള്ള ഒരു സംവിധാനം ഉണ്ടായാൽ അത് ഇന്ത്യക്ക് മൊത്തം ഗുണകരം ആകുമെന്ന് മാത്രമല്ല, നമുക്ക് സാന്പത്തിക അവസരങ്ങളുടെ വലിയ ആകാശം തുറന്നു കിട്ടുകയും ചെയ്യും. ഉദാരണത്തിന് നമ്മുടെ സഹകരണ പ്രസ്ഥാനം, കുടുംബശ്രീ, സ്വകാര്യ സ്കൂൾ, ആശുപത്രി സംവിധാനങ്ങൾ എല്ലാം ഇന്ത്യയിലെ ഏറെ സംസ്ഥാനങ്ങൾക്ക് സ്വപ്നം കാണാൻ പോലും പറ്റാത്തത്ര മികവേറിയതാണ്. എങ്ങനെയാണ് സമൂഹസുരക്ഷക്കായി ഈ രംഗങ്ങളിൽ ഉണ്ടാക്കുന്ന കേന്ദ്ര പദ്ധതികളിൽ കേരളത്തിന്റെ അറിവും കഴിവും ഉപയോഗിക്കാൻ പറ്റുന്നത്? അതെങ്ങനെയാണ് വലിയ നിക്ഷേപ, തൊഴിലവസര സാധ്യതയായി കേരളത്തിന് മാറ്റാൻ സാധിക്കുന്നത്?.
ഇന്ത്യക്ക് മുന്നേ നടക്കുന്ന കേരളം: ഇന്ത്യയുടെ ശരാശരി പ്രശ്നങ്ങളിൽ നിന്നും ഏറെ വ്യത്യസ്തമാണ് കേരളത്തിന്റെ പ്രശ്നങ്ങൾ. ഇന്ത്യയിൽ ഇപ്പോൾ നമ്മൾ നന്പർ വൺ ആണെങ്കിലും അവ മറ്റ് ഇന്ത്യൻ സംസ്ഥാനങ്ങളോടുള്ള താരതമ്യത്തിലാണ്. ഈ സ്ഥിതിയിൽ നിന്ന് വളർന്ന് സാന്പത്തികമായി ഒരു മിഡിൽ ഇൻകം രാജ്യം പോലുള്ള സംസ്ഥാനം ആകാനും സാമൂഹ്യമായി അതിലും ഏറെ മുന്നേറാനും നമുക്ക് സാദ്ധ്യതകൾ ഉണ്ട്. പക്ഷെ അതിന് വേണ്ട നയങ്ങൾ കേരളത്തിന്റെ നിലയിൽ എടുക്കാൻ പറ്റുന്നതല്ല. ഉദാഹരണത്തിന് കേരളത്തെ സിംഗപ്പൂരിനും ദുബായിക്കും കിടപിടിക്കുന്ന ഒരു കൺസൾട്ടൻസി ഹബ് ആക്കി മാറ്റണമെങ്കിൽ ഭൗതിക സൗകര്യങ്ങൾ മാത്രം പോരാ, മറ്റു രാജ്യങ്ങളിൽ നിന്നുള്ള വിദഗ്ദ്ധർക്ക് കേരളത്തിൽ വന്നു തൊഴിൽ ചെയ്യാൻ വിസയും വീട് വാടകക്കെടുക്കലും ദുബായിലേയും സിംഗപ്പൂരിലേയും പോലെ എളുപ്പമാകണം. ഈ നിയമങ്ങൾ കേന്ദ്രമാണ് കൈകാര്യം ചെയ്യുന്നത്. ഇന്ത്യയിലെ മറ്റു സംസ്ഥാനങ്ങൾക്ക് വേണ്ട കേന്ദ്ര പദ്ധതികളുടെ ഒരു വിഹിതമല്ല, മറിച്ച് ഒരു പത്തു വർഷത്തിന് ശേഷം ഇന്ത്യക്ക് പൊതുവിൽ വേണ്ട പദ്ധതികളും നയങ്ങളും പൈലറ്റ് ടെസ്റ്റ് ചെയ്യാനുള്ള ഒരു പ്ലാറ്റ്ഫോം ആയി കേരളത്തെ കാണാൻ സാധിക്കണം.
ഇങ്ങനെയെല്ലാം ചെയ്യണമെങ്കിൽ നമ്മുടെ പുതിയ എം പി മാർ ഇപ്പോഴത്തെ നിലയിൽ നിന്നും ഏറെ ഉയർന്ന് ചിന്തിക്കാൻ പഠിക്കണം. എം പി വികസന ഫണ്ട് എന്ന പേരിൽ അഞ്ചോ പത്തോ കോടി രൂപ കൊണ്ടുവന്ന് ബസ് സ്റ്റോപ്പ് പണിത് ഫ്ളക്സ് അടിക്കുന്ന രീതിയിലേക്ക് നമ്മുടെ എംപി മാർ ചുരുങ്ങരുത് . മറിച്ച് നാളത്തെ കേരളത്തിന് വേണ്ട പുരോഗമന ആശയങ്ങൾ നടപ്പാക്കാനുള്ള നയങ്ങൾ എങ്ങനെ കേന്ദ്രത്തെ കൊണ്ട് നിർമ്മിപ്പിച്ചെടുക്കാം എന്നതായിരിക്കണം നമ്മുടെ ശ്രമം. കേന്ദ്രത്തിലെ പ്രധാന പ്രതിപക്ഷത്തെ ഏറ്റവും വലിയ ഗ്രൂപ്പ് എം പി മാർ കേരളത്തിൽ നിന്നാണ്, അതുകൊണ്ട് തന്നെ കോൺഗ്രസ്സ് പാർലിമെന്ററി പാർട്ടിയിൽ നമ്മുടെ ക്രെഡിറ്റ് ഒക്കെ കൂടാൻ പോവുകയാണ്, പാർലിമെന്റിൽ സംസാരിക്കാൻ കൂടുതൽ സമയം ഒക്കെ കിട്ടും. രാഹുൽ ഗാന്ധി കേരളത്തിൽ എംപിയായി തുടരുന്നതോടെ നമുക്ക് വലിയ വിസിബിലിറ്റി മാത്രമല്ല മറ്റുള്ള സംസ്ഥാനങ്ങളിലേക്ക് അക്സെസ്സും ആണ് കിട്ടാൻ പോകുന്നത്. എന്താണ് കേരളത്തിന് വേണ്ടത് എന്നതിന്റെ ഗൃഹപാഠം നമ്മുടെ എംപിമാർ ചെയ്ത് അവ ഉപയോഗിക്കുക എന്നതാണ് പ്രധാനം.
എന്നത്തേയും പോലെ ഞാൻ ഭാവിയെ പ്രതീക്ഷയോടെ തന്നെയാണ് കാണുന്നത്. രണ്ടാമത് പ്രധാനമന്ത്രി ആകുന്ന ശ്രീ. നരേന്ദ്ര മോദിക്ക് എല്ലാ ആശംസകളും. മോടിയാകട്ടെ ഭാരതം, മുന്നേറട്ടെ കേരളം.
മുരളി തുമ്മാരുകുടി
ജനീവ, മെയ് 29, 2019
- TODAY
- LAST WEEK
- LAST MONTH
- തൃശൂരിൽ ഗോവിന്ദൻ മാസ്റ്ററുടെ യാത്ര നടക്കുമ്പോൾ പ്രമുഖനായിട്ടുള്ള നേതാവ് ശോഭാ സുരേന്ദ്രനെ കാണാൻ എന്തിനാണ് രാമനിലയത്തിലെ മുറിയിൽ വന്നതെന്ന് നന്ദകുമാർ വെളിപ്പെടുത്തണം; അവസാന ഘട്ടത്തിൽ ശോഭാ സുരേന്ദ്രന്റെ പൊട്ടിത്തെറിയിൽ പുറത്തു വരുന്നത് വമ്പൻ അട്ടിമറി നീക്കം; ദല്ലാൾ ആര് പേര് പറയുമോ?
- സീതാമഡി ഗ്രാമത്തിന്റെ സ്വന്തം 'കായംകുളം കൊച്ചുണ്ണി'; ഗ്രാമത്തിലെ 7 ടാറിട്ട റോഡുകൾ ഇർഫാന്റെ വക; മോഷണത്തിന് പിടിക്കപ്പെട്ടാൽ ജാമ്യത്തിലിറങ്ങി വീണ്ടും മോഷണം പതിവുശൈലി; ലക്ഷ്യം വെക്കുന്നത് വിഐപികളെ മാത്രം; ഇർഫാൻ കേരളാ പൊലീസ് വലയിലായത് ഭാര്യയെ എംഎൽഎയാക്കാൻ തയ്യാറെടുക്കവേ
- കൈവിലങ്ങിട്ടാൽ മതിൽ കയറാനാകില്ലെന്ന് പറഞ്ഞ പ്രതി; മതിൽ കയറിയാൽ ചാടിയോടാനുള്ള സാധ്യത കണ്ടെത്തിയ അന്വേഷകൻ; മതിലിലേക്ക് കയറ്റും മുമ്പ് അവിടെ ഒരുക്കിയൽ 'പൊലീസ് മതിൽ'! ബീഹാറി റോബിൻഹുഡ് എന്തിനും മിടിക്കില്ലെന്ന് തിരിച്ചറിഞ്ഞ ബ്രില്ലിയൻസ്; രാജ്കുമാർ എന്തുകൊണ്ട് 'സേതുരാമയ്യർ' ആയി? ഈ വീഡിയോ കാണം
- ഇന്ത്യയിൽ നിന്നും യുകെയിലേക്ക് കെയറർ വിസയിൽ തൊഴിലാളികൾ എത്തുന്നതിൽ ആശങ്കയുമായി ലോകാരോഗ്യ സംഘടന; കെയർ ഹോമുകളിൽ ഗുണനിലവാരമില്ലാത്ത സേവനത്തിനു സാധ്യതയെന്ന് ഓക്സ്ഫോർഡ് യൂണിവേഴ്സിറ്റി മുന്നറിയിപ്പും; ഇന്ത്യക്കാർക്ക് വിസ നിഷേധിക്കാൻ മറ്റൊരു കാരണം കൂടി
- തലപ്പാക്കട്ടി മട്ടൻ ബിരിയാണി ശാപ്പിട്ട ശേഷം ആളുകൾ ഉറങ്ങാൻ കാത്തിരുന്നു; ജോഷിയുടെ വീട്ടിൽ മോഷണത്തിന് മുമ്പും ശേഷവും വേഷം മാറി പൊലീസിനെ കബളിപ്പിക്കൽ; നിർണായകമായത് ഒരു സിസി ടിവിയും; 'ബിഹാറി റോബിൻഹുഡിന് ' വേണ്ടി വന്നത് ഒരു സ്ക്രൂഡ്രൈവർ മാത്രവും
- മകളുടെ കൂടെ താമസിക്കാനെത്തിയ ശേഷം കൊച്ചുമകളെ പീഡിപ്പിച്ചു; സംഭവം പുറത്തറിയുന്നത് കുട്ടിയുടെ സ്വഭാവത്തിലെ മാറ്റം കണ്ട് മാതാവ് കൗൺസിലിങ് നൽകിയതോടെ: 72കാരന് ഇരുപത് വർഷം തടവും നാലു ലക്ഷം രൂപ പിഴയും
- എട്ടു സെന്റ് വസ്തു വാങ്ങാമെന്ന് ഉറപ്പ് പറഞ്ഞപ്പോൾ 10ലക്ഷം അഡ്വാൻസായി വാങ്ങി; പൊതിഞ്ഞ് 10ലക്ഷം തന്നപ്പോൾ വേണ്ടെന്ന് പറഞ്ഞു; അക്കൗണ്ടിലേക്ക് നിക്ഷേപിച്ച പണം തിരികെ നൽകാത്തത് വസ്തു വാങ്ങാതെ പറ്റിച്ചതിനാൽ; പിണറായിയ്ക്കൊപ്പം തലപ്പൊക്കമുള്ള നേതാവ് ബിജെപിയിൽ ചേരാനെത്തി; ആഞ്ഞടിച്ച് ശോഭാ സുരേന്ദ്രൻ
- രണ്ട് മക്കളുള്ള റോസമ്മയെ ഏറെനാൾ മുമ്പ് ഭർത്താവ് ഉപേക്ഷിച്ചു പോയത്; താമസിച്ചിരുന്നത് സഹോദരന്റെ ബെന്നിക്കൊപ്പം; ദല്ലാൾ മുഖാന്തിരം വിവാഹം ശരിയായത് മുതൽ ബെന്നി ഉടക്കിൽ; മെയ് ഒന്നിന് രണ്ടാം വിവാഹം നടക്കാനിരിക്കേ അരുംകൊല; നടുക്കത്തോടെ പൂങ്കാവ് ഗ്രാമം
- ശോഭ സുരേന്ദ്രൻ ആരോപിച്ചപോലെ അങ്ങനെ ഒരു ഉന്നതനെ സിപിഎമ്മിൽ നിന്ന് ബിജെപിയിൽ എത്തിക്കാൻ ശ്രമം നടത്തിയിട്ടില്ല; ആരോപണം അടിസ്ഥാന രഹിതമെന്ന് ദല്ലാൾ; കുഞ്ഞാലിക്കുട്ടിയും ശോഭയും കൂടിക്കാഴ്ച നടത്തി; ലക്ഷ്യമിട്ടത് ചെന്നിത്തലയേയും മുരളീധരനേയും; തിരിച്ചടിച്ച് നന്ദകുമാറും; ആ പേര് ശോഭ പറയുമോ?
- 'പിണറായി വിജയൻ ഉടൻ അറസ്റ്റിലാകും, ദിവസങ്ങൾക്കകം അത് സംഭവിക്കും'; അപ്പോൾ രാഹുൽ ഗാന്ധി പിന്തുണയ്ക്കരുതെന്ന് ഹിമന്ത ബിശ്വ ശർമ്മ; അരവിന്ദ് കെജ്രിവാളിനെതിരെ നടപടി വേണമെന്ന് ആവശ്യപ്പെട്ടത് രാഹുൽ ഗാന്ധിയായിരുന്നു; കെജ്രിവാൾ അറസ്റ്റിലായപ്പോൾ രാഹുൽ ഗാന്ധി നിലപാട് മാറ്റിയെന്നും അസം മുഖ്യമന്ത്രി
- ഇറാനിൽ ഇസ്രയേലിന്റെ വ്യോമാക്രമണം ഇന്ത്യൻ വിപണിക്ക് ആശങ്കയാകുന്നു; കുതിച്ചുയർന്ന് ക്രൂഡോയിൽ വില; ബാരലിന് 90 ഡോളറിലെത്തി; ഇപ്പോഴത്തെ നിലയിൽ വില 100 ഡോളർ വരെ ഉയർന്നേക്കുമെന്ന് ആശങ്ക; ഇറാൻ-ഇസ്രയേൽ പോര് പശ്ചിമേഷ്യയിലെ സ്ഥിതിഗതികൾ കൂടുതൽ ആശങ്കപ്പെടുത്തുന്നു
- സുഹൃത്തും തന്റെ ഭാര്യയുമായി അവിഹിത ബന്ധം; പകരം സുഹൃത്തിന്റെ ഭാര്യയോട് കിടപ്പറ പങ്കിടാൻ ആവശ്യപ്പെട്ടു; പൊലീസ് കേസും വഴക്കുമായപ്പോൾ ആത്മഹത്യ ചെയ്യാൻ തീരുമാനിച്ച ദമ്പതികളിൽ ഭാര്യ മരിച്ചു; പ്രേരണാക്കുറ്റത്തിന് ഭർത്താവ് അറസ്റ്റിൽ: വെച്ചൂച്ചിറയിൽ നിന്ന് ഞെട്ടിക്കുന്ന കഥ
- പൂരം നാളുകളിൽ വൻകിട ഹോട്ടലുകളിൽ പൊലീസ് സൗജന്യമായി മുറിയെടുത്തു; ഉന്നത ഉദ്യോഗസ്ഥരുടെ പേരുപറഞ്ഞ് ഓരോ ഹോട്ടലിലും രണ്ടും മൂന്നും മുറികൾ സൗജന്യമായി വാങ്ങി; പൂരത്തെ അറിയാവുന്ന ഉദ്യോഗസ്ഥരെ ഡ്യൂട്ടിയിലിൽ നിന്നും മാറ്റി; കമ്മീഷണറുടെ നിലപാടുകൾ സേനയ്ക്ക് കളങ്കമായി; തൃശൂർ പൂരത്തിൽ ഇന്റലിജൻസ് കണ്ടെത്തൽ ഇങ്ങനെ
- അനന്തപുരിയിൽ തരൂർ വീഴുമോ? ആറ്റിങ്ങലിൽ അടൂർ പ്രകാശിന് അടിതെറ്റുമോ? കൊല്ലത്ത് മുകേഷോ, പ്രേമചന്ദ്രനോ? പത്തനംതിട്ട ആർക്ക്? അനിൽ ആന്റണി വോട്ടുയർത്തുമോ; മാവേലിക്കരയിൽ അട്ടിമറിയോ? കേരളം ആർക്കൊപ്പം; 20 മണ്ഡലങ്ങളിലെയും മറുനാടൻ സർവേ ഫലം അറിയാം
- സ്കൂളിൽ പ്രാർത്ഥന വിലക്കിയ നടപടി ശരിവെച്ച് ബ്രിട്ടീഷ് കോടതി; വളരെ മികച്ചതെന്ന റേറ്റിങ് ലഭിച്ച സ്കൂളിനെതിരെ കോടതിയെ സമീപിച്ചത് മുസ്ലിം വിദ്യാർത്ഥിനി; എല്ലാ വിഭാഗങ്ങളെയും ഉൾക്കൊള്ളുന്ന സ്കൂൾ നയത്തിന്റെ വിജയമെന്ന് സ്കൂൾ അധികൃതർ
- ആലപ്പുഴയിലെ 'കനൽത്തരി' അണയുമോ? ചാലക്കുടിയിൽ ട്വന്റി ട്വന്റി വോട്ടുകൾ ആർക്ക് ഭീഷണിയാകും? എറണാകുളത്തും ഇടുക്കിയിലും യുഡിഎഫ് തന്നെയോ? കോട്ടയത്ത് വിജയിക്കുക ഏത് കേരളാ കോൺഗ്രസ്? മറുനാടൻ സർവേ മൂന്നാംഘട്ട ഫലം അറിയാം..
- മുഖ്യമന്ത്രിക്ക് ഇരിക്കാൻ സ്ഥാപിച്ച അരലക്ഷം വിലയുള്ള കറങ്ങുന്ന കസേരയുള്ള സീറ്റ് ഇളക്കിമാറ്റി; വി.വി.ഐ.പി. പരിവേഷത്തിൽ കേരളം കറങ്ങിയ നവകേരള ബസ് ഇപ്പോൾ ആർക്കും വേണ്ടാതെ വെറുതേ കിടക്കുന്നു; ഗതാഗത മന്ത്രി മാറിയതോടെ താൽപ്പര്യം കുറഞ്ഞു; ടൂറിസം ആവശ്യത്തിനും വിട്ടുനൽകാതെ 1.15 കോടി രൂപ മുടക്കി വാങ്ങിയ ബസ്
- ഇസ്രയേൽ ഇറാന് ശക്തമായ തിരിച്ചടി നൽകിയത് ഒരീച്ച പോലും അറിയാതെ; മിസൈലുകളും ഡ്രോണുകളും റഷ്യൻ നിർമ്മിത എസ്-300 സംവിധാനത്തെ തകർത്തു; ആക്രമണം ഇറാൻ വ്യോമ പ്രതിരോധ സംവിധാനത്തെ പൂർണമായി കബളിപ്പിച്ചുകൊണ്ട്; ആക്രമണം നടന്നയിടത്ത് പൊടി പൊലുമില്ല കണ്ടുപിടിക്കാൻ
- ഇറാൻ പ്രകോപനത്തിന് തിരിച്ചടിയുമായി ഇസ്രയേൽ; ഇറാന്റെ വടക്കൻ നഗരമായ ഇസ്ഫഹാനിലെ വിമാനത്താവളത്തിന് മിസൈൽ ആക്രമണം നടത്തി ഇസ്രയേൽ; ആക്രമണത്തിന പിന്നാലെ ഇറാനിൽ വിമാന സർവീസുകൾ പൂർണായും നിർത്തിവെച്ചു; ഇസ്രയേൽ ആക്രമണം അമേരിക്കയെ അറിയിച്ച ശേഷം
- സംസ്ഥാന സർക്കാരിന് നാണക്കേടായി കെ എസ് ആർ ടിസി ബസിൽ സഹയാത്രികയുടെ മാറിടത്തിൽ കയറിപ്പിടിച്ച് അപമാനിച്ച് പൊതു മേഖലാ സ്ഥാപനത്തിന്റെ മാനേജിങ് ഡയറക്ടർ; ഡോ ആർ രാജീവിന് ജാമ്യം കിട്ടിത് മാത്രം ആശ്വാസമായി; ഏപ്രിൽ ഫൂൾ ദിനത്തിൽ നടന്ന ആരും അറിയാത്ത പീഡന വാർത്ത
- ഒരു ജൂനിയർ പറയാൻ പാടില്ലാത്ത കഥകളാണ് ശ്രീനിയുടെ മകൻ പറഞ്ഞതെന്ന് മുകേഷ്; എന്നാൽ അത് ധ്യാൻ തന്നെയാകുമെന്ന് ആരാധകർ
- ആടുജീവിതം ഇസ്ലാമോഫോബിയ പരത്തുന്ന ചിത്രമോ? നോവലിന്റെ അറബിപതിപ്പ് യുഎഇയിലും സൗദിയിലും നിരോധിച്ചത് 2014ൽ; ഇപ്പോൾ സിനിമക്കും യുഎഇ ഒഴികെയുള്ള ഗൾഫ് രാജ്യങ്ങളിൽ പ്രദർശനാനുമതിയില്ല; കേരളത്തിലെ യുക്തിവാദികൾക്കിടയിലും ചർച്ച; ആടുജീവിതം വിവാദമാവുമ്പോൾ
- അനുജയുമൊന്നിച്ച് കാർ തടിലോറിയിലേക്ക് ഇടിച്ചു കയറ്റി ഹാഷിം ജീവനൊടുക്കിയെന്ന് സഹ അദ്ധ്യാപകരുടെയും ബന്ധുക്കളുടെയും മൊഴി; അടൂരിനെ നടുക്കിയ അപകടം; സ്കൂൾ അദ്ധ്യാപികയെയും കൂട്ടി സ്വകാര്യ ബസ് ഡ്രൈവർ ആത്മഹത്യ ചെയ്തതെന്ന് സൂചന; സ്വിഫ്ട് ഡിസയർ കാർ ഓടിച്ചു കയറ്റിയത് കണ്ടെയ്നർ ലോറിയിലേക്ക്: സംഭവം കെപി റോഡിൽ പട്ടാഴമുക്കിൽ
- കള്ളി എന്നതാണ് ഇപ്പോഴത്തെ മേൽവിലാസം.. കള്ളിയുടെ അച്ഛൻ എന്ന മേൽവിലാസവും കൊണ്ട് ആണ് 2 മാസം മുമ്പ് അച്ഛൻ മരിച്ചുപോയത്; കൂടെ ഉണ്ടായിരുന്നവരൊന്നും കൂട്ടുന്നില്ല; ഉറങ്ങിയിട്ട് വർഷം ഒന്നാകാറായി; വിദ്യ വിജയന്റെ കുറിപ്പ്
- റഷ്യയിലെ ഭീകരാക്രമണത്തിൽ പിടികൂടിയ ഐസിസ് ഭീകരർ നേരിടാൻ പോകുന്നത് റഷ്യൻ പൊലീസിന്റെ സമാനതകളില്ലാത്ത മർദ്ദനമുറകൾ; ചെവിമുറിച്ച് സ്വയം ഭക്ഷിക്കുവാൻ കൊടുത്തതിന് പുറമെ വൈദ്യുതാഘാതവും വസ്ത്രമൂരി അടിയും; മരിച്ചാൽ ബന്ധുക്കൾക്ക് ശരീരം വിട്ടു നൽകുന്നത് ആന്തരികാവയവങ്ങൾ നീക്കിയ ശേഷം
- പിറന്നാളിന് വാങ്ങിയത് ഓൺലൈനിൽ ഓർഡൽ ചെയ്ത കേക്ക്; ഭക്ഷ്യവിഷബാധയേറ്റ് പത്തു വയസ്സുകാരിക്ക് ദാരുണാന്ത്യം: പിറന്നാൾ പിറ്റേന്ന് ദാരുണമായി മരിച്ചത് പത്തു വയസ്സുകാരി മൻവി
- സിനിമയുടെയും ആത്മാവായ ആ സീൻ സെൻസർ ബോർഡ് വെട്ടിമാറ്റിയെന്ന് ബെന്യാമിൻ; ഷൂട്ട് ചെയ്തിട്ടില്ലെന്ന് ബ്ലെസി; അങ്ങനെ ഒന്ന് ഉണ്ടായിട്ടില്ലെന്നും എഴുത്തുകാരൻ ചേർത്തതാണെന്നും നജീബ്; ആടുമായി നജീബ് ലൈംഗിക ബന്ധത്തിൽ ഏർപ്പെടുന്ന രംഗത്തിന് എന്താണ് സംഭവിച്ചത്?
- ഇറാനിൽ ഇസ്രയേലിന്റെ വ്യോമാക്രമണം ഇന്ത്യൻ വിപണിക്ക് ആശങ്കയാകുന്നു; കുതിച്ചുയർന്ന് ക്രൂഡോയിൽ വില; ബാരലിന് 90 ഡോളറിലെത്തി; ഇപ്പോഴത്തെ നിലയിൽ വില 100 ഡോളർ വരെ ഉയർന്നേക്കുമെന്ന് ആശങ്ക; ഇറാൻ-ഇസ്രയേൽ പോര് പശ്ചിമേഷ്യയിലെ സ്ഥിതിഗതികൾ കൂടുതൽ ആശങ്കപ്പെടുത്തുന്നു
- കാസർകോട് ഇടതുമുന്നണി തിരിച്ചുപിടിക്കുമോ? കണ്ണൂരിൽ സുധാകരൻ വീഴുമോ? വടകരയിൽ ഷാഫിയോ ശൈലജയോ? കോഴിക്കോട് രാഘവേട്ടനോ, കരീംക്കയോ? രാഹുൽഗാന്ധി മാജിക്ക് ആവർത്തിക്കുമോ? എൻഡിഎ വോട്ട് ഉയർത്തുമോ? മറുനാടൻ മലയാളി ഇലക്ഷൻ സർവേയുടെ ആദ്യഘട്ട ഫലം അറിയാം
- പേരാമ്പ്രയിൽ അദ്ധ്യാപകൻ മരിച്ച നിലയിൽ; വീട്ടിലെ മുറിയിൽ മരിച്ച നിലയിൽ കണ്ടെത്തിയത് സിദ്ധാർഥന്റെ മരണവുമായി ബന്ധപ്പെട്ട കേസിലെ 11ാം പ്രതിയുടെ പിതാവ്
Readers Comments+
മലയാളത്തിൽ ടൈപ്പ് ചെയ്യാൻ ഇവിടെ ക്ലിക്ക് ചെയ്യുകകമന്റ് ബോക്സില് വരുന്ന അഭിപ്രായങ്ങള് മറുനാടന് മലയാളിയുടേത് അല്ല. മാന്യമായ ഭാഷയില് വിയോജിക്കാനും തെറ്റുകള് ചൂണ്ടി കാട്ടാനും അനുവദിക്കുമ്പോഴും മറുനാടനെ മനഃപൂര്വ്വം അധിക്ഷേപിക്കാന് ശ്രമിക്കുന്നവരെയും അശ്ലീലം ഉപയോഗിക്കുന്നവരെയും മറ്റു മലയാളം ഓണ്ലൈന് ലിങ്കുകള് പോസ്റ്റ് ചെയ്യുന്നവരെയും മതവൈരം തീര്ക്കുന്നവരെയും മുന്നറിയിപ്പ് ഇല്ലാതെ ബ്ലോക്ക് ചെയ്യുന്നതാണ് - എഡിറ്റര്