1 usd = 70.71 inr 1 gbp = 91.12 inr 1 eur = 80.07 inr 1 aed = 19.25 inr 1 sar = 18.85 inr 1 kwd = 232.62 inr

Apr / 2019
22
Monday

'ഗീതയെ ഒന്ന് ഫോൺ വിളിച്ചു തന്നാൽ ഇതും കൂടെ ഒന്ന് കത്തിച്ചോട്ടേ, പ്രശ്‌നമുണ്ടാക്കരുത് എന്ന് ഞാൻ പറയാം'; മരിക്കുന്നതിനു മുമ്പ് അമ്മു അമ്മ പറഞ്ഞതിങ്ങനെ; അക്കാദമികമല്ലാത്ത കാരണത്തിൽ ഗവേഷകയെ പുറത്താക്കിയതു ചോദ്യം ചെയ്തതിന് സുഹൃത്തിനെതിരേ സൈബർകേസ് നൽകി; അയൽവാസികൾ ദ്രോഹിക്കുന്നെന്ന ആരോപണവുമായി വന്ന ഡോ പി ഗീതയോട് കോളജ് അദ്ധ്യാപകൻ അജിത് ഖേദപൂർവം ചോദിക്കുന്ന കാര്യങ്ങൾ

May 07, 2017 | 02:12 PM IST | Permalink



'ഗീതയെ ഒന്ന് ഫോൺ വിളിച്ചു തന്നാൽ ഇതും കൂടെ ഒന്ന് കത്തിച്ചോട്ടേ, പ്രശ്‌നമുണ്ടാക്കരുത് എന്ന് ഞാൻ പറയാം'; മരിക്കുന്നതിനു മുമ്പ് അമ്മു അമ്മ പറഞ്ഞതിങ്ങനെ; അക്കാദമികമല്ലാത്ത കാരണത്തിൽ ഗവേഷകയെ പുറത്താക്കിയതു ചോദ്യം ചെയ്തതിന് സുഹൃത്തിനെതിരേ സൈബർകേസ് നൽകി; അയൽവാസികൾ ദ്രോഹിക്കുന്നെന്ന ആരോപണവുമായി വന്ന ഡോ പി ഗീതയോട് കോളജ് അദ്ധ്യാപകൻ അജിത് ഖേദപൂർവം ചോദിക്കുന്ന കാര്യങ്ങൾ

സ്വന്തം ലേഖകൻ

മലപ്പുറം: അയൽവാസികൾ ജീവിക്കാൻ അനുവദിക്കുന്നില്ലെന്ന പരാതിയുമായി കോളജ് അദ്ധ്യാപികയും എഴുത്തുകാരിയുമായ ഡോ. പി ഗീതയും മകൾ അപർണയും കുറച്ചു നാൾ മുമ്പാണ് രംഗത്തുവന്നത്. ഭക്ഷണം നൽകിയിരുന്ന പട്ടിയെ അയൽവാസികൾ കൊന്നു കഷ്ണങ്ങളാക്കിയെന്നും കഞ്ചാവ് മാഫിയയ്ക്ക് റെസിഡൻസ് അസോസിയേഷൻ കുട പിടിക്കുകയുമാണെന്നായിരുന്നു ആരോപണങ്ങൾ. വീടിനു സമീപത്ത് തീയിട്ട് തങ്ങളുടെ സുരക്ഷയ്ക്കുതന്നെ ഭീഷണിയാവുകയാണെന്നു പൊലീസിൽ നൽകിയ പരാതിയിലും ഇവർ പറഞ്ഞിരുന്നു. ഏറെ വിവാദമായ ചർച്ചകൾക്കാണ് ഗീതയുടെയും മകളുടെയും ആരോപണങ്ങൾ സോഷ്യൽമീഡിയയിൽ വഴിയൊരുക്കിയത്.

എതിർവാദവുമായും ഒരു പക്ഷം രംഗത്തെത്തിയിരുന്നു. എതിർവാദമുന്നയിച്ചവർക്കെതിരേ പി ഗീത പൊലീസ് സൈബർ സെല്ലിലും പരാതി നൽകിയിരുന്നു. ഇക്കാര്യങ്ങളിൽ വിശദീകരണവുമായി രംഗത്തെത്തിയിരിക്കുകയാണ് കോളജ് അദ്ധ്യാപകൻ കൂടിയായ എം എസ് അജിത്ത്. പ്രശ്‌നത്തെക്കുറിച്ച് താൻ അന്വേഷിച്ചെന്നും ഡോ. ഗീതയും അപർണയും ഒരു വർഷത്തിനുള്ളിൽ ഫേസ്‌ബുക്കിൽ ഇട്ട വിവിധങ്ങളായ കുറിപ്പുകൾ, ഫോട്ടോകൾ, വീഡിയോകൾ, കമന്റഉകൾ എന്നിവ സൂക്ഷ്മമായി പരിശോധിച്ചെന്നും കാട്ടിയാണ് അജിത് വിശദീകരണം നൽകിയിരിക്കുന്നത്. താൻ ചൂണ്ടിക്കാട്ടുന്ന കാര്യങ്ങൾ കൂടി പരിഗണിച്ച് പ്രശ്‌നത്തിന് പരിഹാരമുണ്ടാക്കാൻ ശ്രമിക്കണമെന്ന അഭ്യർഥനയോടെയാണ് അജിത് ഫേസ്‌ബുക്കിൽ കുറിച്ചിരിക്കുന്നത്.

അജിത്തിന്റെ പോസ്റ്റിന്റെ പൂർണരൂപം


ഡോ.പി.ഗീതയ്ക്ക് ഖേദപൂർവ്വം.

അങ്ങാടിപ്പുറത്ത് ഡോ.പി.ഗീത ടീച്ചറും കുടുംബവും വിവേചനം അനുഭവിക്കുന്നു എന്ന് സൂചിപ്പിച്ചു കൊണ്ടുള്ള ഫേസ്‌ബുക്ക് പോസ്റ്റുകളിൽ ചില സംശയങ്ങൾ പ്രകടിപ്പിക്കുകയുണ്ടായി. അതിനെ തുടർന്നുണ്ടായ ചർച്ചകളിൽ ടീച്ചറുടെ മകൻ അതുൽ പവിത്രനടക്കമുള്ളവർ കാര്യങ്ങൾ അന്വേഷിച്ചറിയാൻ അഭ്യർത്ഥിച്ചിരുന്നു. ചില എതിരഭിപ്രായങ്ങൾ ഉന്നയിച്ചതിന്റെ പേരിൽ ഞാനടക്കം ഏഴ് പേർക്കെതിരെ പൊലീസ് സ്റ്റേഷനിൽ സൈബർ നിയമപ്രകാരം പരാതി നൽകി എന്ന് അറിയുന്ന ഈ സന്ദർഭത്തിൽ ,ഈ വിഷയത്തിൽ കൂടുതൽ അന്വേഷണം നടത്തണമെന്ന ആലോചനയിൽ ഇരിക്കുമ്പോഴാണ് ഗീത ടീച്ചറുടെ അയൽവാസിയായ അമ്മു അമ്മ മരിച്ചതായ വിവരം അറിഞ്ഞത്. അതിനെ തുടർന്ന് ആ വീട്ടിൽ ഞാനും പ്രേമൻ മാഷും ഹസ്‌ക്കറലിയും പോവുകയും കുടുംബാംഗങ്ങളോടും ബന്ധുക്കളോടും അയൽക്കാരോടും റെസിഡൻസ് അസോസിയേഷൻ ഭാരവാഹികളോടും നേരിൽ സംസാരിക്കുകയുമുണ്ടായി. അവിടെ നിന്ന് തിരിച്ചെത്തിയ ശേഷം ഗീത ടീച്ചറും മകൾ അപർണ പ്രശാന്തിയും ഒരു വർഷത്തിനുള്ളിൽ ഫേസ്‌ബുക്കിൽ ഇട്ട വിവിധങ്ങളായ കുറിപ്പുകൾ, ഫോട്ടോകൾ, വീഡിയോകൾ, കമന്റുകൾ എന്നിവ സൂക്ഷ്മമായി പരിശോധിക്കുകയുണ്ടായി.ഗീത ടീച്ചർക്കും കുടുംബത്തിനും ഐക്യദാർഢ്യം പ്രഖ്യാപിച്ച് എത്തുന്ന സാംസ്കാരിക പ്രവർത്തകർ ഉൾപ്പെടെയുള്ള എല്ലാവരും ഞാൻ തുടർന്ന് എഴുതാൻ പോകുന്ന കാര്യങ്ങൾ കൂടി പരിശോധിച്ചതിന്റെ വെളിച്ചത്തിൽ അവിടെയുള്ള പ്രശ്‌നങ്ങൾക്ക് രമ്യമായ ഒരു പരിഹാരമുണ്ടാക്കാൻ പരിശ്രമിക്കണമെന്ന് അഭ്യർഥിക്കുന്നു.

1. ചുരുങ്ങിയത് ശ്വാസകോശമോ ഹൃദയമോ?

ശ്വാസകോശം ചുരുങ്ങുന്ന അസുഖമുണ്ടോ എന്ന് 2017 മാർച്ച് 18 ലെ പോസ്റ്റിൽ ഗീത ടീച്ചർ പരിഹസിച്ചിരുന്നല്ലോ. അങ്ങനെ ഒരു അസുഖമുണ്ട്.അതിന്റെ പേര് ' EMPHYSEMA ' എന്നാണ്. അലർജിക് ആണ്. അയൽക്കാരിയായ അമ്മു അമ്മ ആ അസുഖം ബാധിച്ച് പെരിന്തൽമണ്ണ എം ഇ എസ് ഹോസ്പിറ്റലിൽ ദീർഘകാലം ചികിത്സയിലായിരുന്നു. ആ അസുഖം മൂർച്ഛിച്ചാണ് അവർ മരിച്ചത്. ഫേസ്‌ബുക്കിൽ പരിഹാസ പോസ്റ്റിടുന്നതിന് മുമ്പ് തൊട്ട് അയൽവീട്ടിലോ, പരിചയത്തിലുള്ള ഡോക്ടർമാരോടോ, ഗൂഗിളിലോ ഒന്ന് ചോദിച്ചാൽ സംശയം മാറുമായിരുന്നു. ഗുരുതരാവസ്ഥയിലായ അവർ അവസാന ദിവസങ്ങളിൽ കിടന്ന കിടപ്പിൽ തന്നെ പ്രാഥമിക കാര്യങ്ങൾ നിർവഹിക്കേണ്ട അവസ്ഥയിലായിരുന്നു. പൊലീസ് വരുമെന്ന ഭയം കൊണ്ട് ,വീട്ടുകാർ ആ അഴുക്കു തുണികൾ കത്തിക്കാതെ ചെറിയ വീട്ടിൽ തന്നെ സൂക്ഷിക്കുകയായിരുന്നു. മരിക്കുന്നതിന് ഏതാനും ദിവസം മുമ്പ് ' ഗീതയെ ഒന്ന് ഫോൺ വിളിച്ചു തന്നാൽ ഇതും കൂടെ ഒന്ന് കത്തിച്ചോട്ടേ, പ്രശ്‌നമുണ്ടാക്കരുത് എന്ന് ഗീതയോട് ഞാൻ പറയാം' എന്ന് കിടപ്പിലായ രോഗി പറഞ്ഞതായി അവരുടെ മകൾ ഞങ്ങളോട് പറയുകയുണ്ടായി. തുടർന്ന് മരണത്തിന്റെ ചടങ്ങുകൾക്ക് ശേഷം ആ മലിനമായ തുണികൾ അവർ അവരുടെ വീട്ടുപറമ്പിൽ ഇട്ട് കത്തിക്കുകയുണ്ടായി. അതിന്റെ വീഡിയോ അപർണ പ്രശാന്തി എടുക്കുന്നത് കണ്ട് പരിഭ്രാന്തരായ അവർ പൊലീസ് വരുമോ എന്ന ഭയത്തിലായിരുന്നു കഴിഞ്ഞ ദിവസങ്ങളിൽ ആ വീട്ടിൽ കഴിഞ്ഞു വന്നിരുന്നത്. എത്ര ഭീതിദമായ അവസ്ഥയാണിത്.മൃഗങ്ങളോടുള്ള സ്‌നേഹം ഒറ്റപ്പെട്ട മനുഷ്യരോടും വേണ്ടേ?

2. വെജിറ്റേറിയൻ നായ്ക്കളും നോൺ വെജിറ്റേറിയൻ അയൽക്കാരും .

നായ്ക്കളെ വളർത്താൻ തദ്ദേശ ഭരണ സ്ഥാപനങ്ങളിൽ നിന്നുള്ള ലൈസൻസ് വേണമെന്നാണ് നിയമം. പേവിഷബാധക്കെതിരെയുള്ള വാക്‌സിനേഷൻ നടത്തിയ സർട്ടിഫിക്കറ്റ് സഹിതം അപേക്ഷ
നൽകിയാലേ ലൈസൻസ് നൽകു എന്നാണെന്റെ അറിവ്. അങ്ങനെയൊരു ലൈസൻസ് പരിസരവാസികളാൽ കൊല ചെയ്യപ്പെട്ടു എന്ന് ആരോപിക്കുന്ന 'ഒറ്റ 'എന്ന
നായ്ക്കുട്ടിയടക്കം ഗീത ടീച്ചർ ഭക്ഷണം കൊടുക്കുന്ന നിരവധി നായകൾക്കില്ല എന്നാണ് ഞാൻ മനസിലാക്കുന്നത്. ജന്തുക്കളോട് സ്‌നേഹമാവാം. കാരുണ്യമാവാം. അത് സാമൂഹികമായ ഉത്തരവാദിത്വത്തോട് കൂടി ചെയ്യാനാണ് ലൈസൻസും നിയമങ്ങളും ഉള്ളത്. ഇത്തരത്തിലുള്ള നിയമങ്ങളെ അനുസരിച്ചോ, പാലിച്ചോ സമീപവാസികൾക്ക് ഉപദ്രവമില്ലാതെയോ അല്ല ഗീത ടീച്ചർ നായ്ക്കളെ സംരക്ഷിക്കുന്നത്.( നാട്ടുകാരെ പട്ടി കടിക്കുക,വീടുകളിൽ നിന്നുള്ള ചെരുപ്പുകൾ പട്ടികൾ എടുത്തു കൊണ്ടു പോവുക, ഗീത ടീച്ചറുടെ പട്ടിയും പട്ടിക്കുട്ടികളും കൂടി അയൽവാസിയുടെ കിണറ്റിൽ വീഴുക തുടങ്ങി നിരവധി കാര്യങ്ങൾ സമീപ വാസികൾക്ക് ബുദ്ധിമുട്ടുണ്ടാകുന്ന വിധത്തിൽ അവിടെ ഉണ്ടായിട്ടുണ്ട് ) ഗീത ടീച്ചർ ഷെയർ ചെയ്ത (f b post 2016 ഒക്ടോബർ ) ഫോട്ടോയിലെ ഒറ്റ എന്ന നായ ആരുടെ ഉടമസ്ഥതയിലുള്ളതാണ്? ടീച്ചറുടെയാണോ? ആണെങ്കിൽ അത് സൂചിപ്പിക്കാത്തത് എന്താണ്.? അതിന്റെ കഴുത്തിൽ ഒരു ബെൽറ്റ് കാണുന്നു.ആരിട്ടതാണത്? പിന്നീട് മാസങ്ങൾക്ക് ശേഷമുള്ള അഴിമുഖം അഭിമുഖത്തിലും അപർണ പ്രശാന്തിയുടെ മാർച്ച് 21 ലെ പോസ്റ്റിലും നായ്ക്കുട്ടിയെ കഷണങ്ങളായി മുറിച്ച് വീടിന് മുന്നിലായി ഇട്ടതായി പറയുന്ന രീതിയിലല്ലല്ലോ ഫോട്ടോ യിൽ കാണുന്നത് ,അതെന്തുകൊണ്ടാണ്? പോസ്റ്റ്‌മോർട്ടം റിപ്പോർട്ടിൽ വാഹനമിടിച്ചാണ് നായ്ക്കുട്ടി മരിച്ചതെന്നാണ് ഡോക്ടർ രേഖപ്പെടുത്തിയതെന്നാണ് സമീപവാസികൾ പറയുന്നത്. ആറ് മാസങ്ങൾ കഴിഞ്ഞല്ലോ. പോസ്റ്റ്‌മോർട്ടം റിപ്പോർട്ട് Fb യിൽ ഷെയർ ചെയ്ത് കൂടേ? ഒക്ടോബർ മാസത്തിലുണ്ടായ പട്ടിയുടെ മരണസംബന്ധമായ പോസ്റ്റുകളിൽ എവിടെയും കഞ്ചാവ് മാഫിയയെ സൂചിപ്പിക്കുന്നില്ല. 6 മാസങ്ങൾക്ക് ശേഷം മറുനാടൻ മലയാളിയിൽ കഞ്ചാവ് വില്പനക്കാർക്കെതിരെ പട്ടി കുരച്ചതിന്റെ പേരിൽ റസിഡൻസ് അസോസിയേഷൻകാർ പട്ടിയെ കൊന്നു എന്ന് സൂചിപ്പിക്കുന്ന പ്രസ്താവനയൊക്കെ എന്തടിസ്ഥാനത്തിൽ ഉണ്ടായതാണ്? കഞ്ചാവ് വില്പന നടത്താൻ റസിഡൻസ് അസോസിയേഷന്റെ സമ്മതവും താത്പര്യവും ഉണ്ടെന്നല്ലേ അതിനർഥം?
ഏത് റസിഡൻസ് അസോസിയേഷനാണ് തങ്ങളുടെ ഏരിയയിൽ കഞ്ചാവ് വില്പനക്ക് കൂട്ടുനിൽക്കുക? എന്ത് ആരോപണമാണിത്?അതിന്റെ പേരിൽ അയൽക്കാരെയും റെസിഡൻസ് അസോസിയേഷനെയും പ്രതിക്കൂട്ടിൽ നിർത്തിയ പോസ്റ്റുകൾ ശരിയല്ലെന്ന് കണ്ടാൽ പിൻവലിച്ച് മാപ്പു പറയേണ്ടതല്ലേ?
അങ്ങാടിപ്പുറത്തെ അയൽക്കാർ സഹജീവി സ്‌നേഹമില്ലാത്തവരാണെന്നോ, നായ്ക്കളോട് വിരോധമുള്ളവരാണെന്നോ അവിടെ പോയി കണ്ട എനിക്ക് തോന്നിയില്ല. ടീച്ചറുടെ വടക്കു ഭാഗത്തുള്ള അയൽ വീട്ടിൽ നായയെ വളർത്തുന്നുണ്ട്. അങ്ങാടിപ്പുറത്തെ അയൽക്കാർ അവരുടെ കുട്ടികളെ കളിപ്പിക്കാനും ഭക്ഷണം കൊടുക്കാനും ഈ നായ്ക്കളെ ഉപയോഗിച്ചിരുന്നതായും ,അവരുടെ വീട്ടിലെ മാംസാഹാരത്തിന്റെ എച്ചിൽ ഈ നായ്ക്കൾക്ക് കൊടുത്തിരുന്നതായും, മീൻ വേസ്റ്റും ഇറച്ചി വേസ്റ്റും ഈ കമ്മ്യൂണിറ്റി നായ്ക്കൾക്ക് കൊടുത്തതായും ഒക്കെ ടീച്ചർ തന്നെ തന്റെ പല ഫേസ് ബുക്ക് പോസ്റ്റുകളിൽ പരിഹസിക്കുന്നതിന്റെ ഭാഗമാണെങ്കിലും സൂചിപ്പിക്കുന്നുണ്ട് . അക്രമങ്ങൾ ചെയ്ത നായ്ക്കൾ നിങ്ങളുടെ വീട്ടിലെ മാംസാഹാരത്തിന്റെ എച്ചിൽ തിന്ന നായ്ക്കളാവാം എന്നാണ് ഒരു fb പോസ്റ്റിൽ (fb post മാർച്ച് 19 ) ഗീത ടീച്ചർ ആരോപിക്കുന്നത്. . ഞാൻ നായ്ക്കൾക്ക് നൽകുന്നത് ശുദ്ധ വെജിറ്റേറിയൻ ഭക്ഷണമാണ്. നായ്ക്കൾ വല്ല അക്രമവും കാണിച്ചെങ്കിൽ അതിന്റെ കാരണം നിങ്ങൾ നൽകിയ നോൺ വെജിറ്റേറിയൻ ഭക്ഷണമാണ് എന്നാണ് ടീച്ചർ ആരോപിക്കുന്നത്.ഇതിലെ സവർണ വെജിറ്റേറിയൻ പ്യൂരിറ്റൻ ബോധം നോക്കൂ. ഇങ്ങനെയൊക്കെയാണ് ഉള്ളിലെ സവർണത വെളിപ്പെട്ടു പോകുന്നത്.
പട്ടിപിടുത്തത്തെക്കുറിച്ചുള്ള ഒക്ടോബർ മാസത്തെ ആദ്യ പോസ്റ്റിൽ ഒരു പട്ടിപിടുത്തക്കാരൻ വീട്ടിൽ വന്നു എന്നേ പറയുന്നുള്ളു. ആറ് മാസം കഴിയുമ്പോൾ തെക്കും വടക്കും താമസിക്കുന്ന വീടുകളിലൂടെ ട്രെസ് പാസ് ചെയ്ത് പട്ടിപിടുത്തക്കാരെ കയറ്റി വിട്ടു എന്നായി. ഇതെന്തേ ആദ്യ പോസ്റ്റിൽ പറയാഞ്ഞത്? ആ രണ്ടു വീട്ടുകാരെ പ്രതിസ്ഥാനത്തെത്തിക്കാനുള്ള ഇപ്പോഴത്തെ ശ്രമത്തിന്റെ ഭാഗമാണിതെന്ന് ചിന്തിച്ചാൽ തെറ്റുപറയാനാവുമോ?

3. വീട്ടുതീയിൽ പെട്ട കുടുംബം

ഗീത ടീച്ചർ മാർച്ച് അഞ്ചാം തീയതി ഷെയർ ചെയ്ത വീഡിയോയിൽ 'ആണധികാരം വിഷം ചീറ്റുന്ന ' വീട്ടു തീയെക്കുറിച്ച് സൂചിപ്പിക്കുന്നുണ്ട്. ഇത് ഒന്ന് പരിശോധിക്കാം. ആറ് സെന്റ് ഭൂമിയിൽ ചെറിയ ഒരൊറ്റ നില വീട്ടിൽ താമസിക്കുന്നവരാണ് ഗീത ടീച്ചറുടെ അയൽ വീട്. ആ പറമ്പിൽ 3 തെങ്ങുകളല്ലാതെ മറ്റ് മരങ്ങൾ ഒന്നും തന്നെയില്ല.ഗീത ടീച്ചറാകട്ടെ അതിന്റെ ഒരു അഞ്ചിരട്ടിയെങ്കിലും വരുന്ന സ്ഥലത്ത്, നിറയെ മരങ്ങളുള്ള വലിയ ഒരു ഇരുനില വീട്ടിൽ ജയിലിന് സമാനമായ മതിലും ഗെയ്റ്റിൽ സി.സി.ടിവി ക്യാമറയും ഒക്കെയായി ജീവിക്കുകയാണ്.
ഗീത ടീച്ചറുടെ പറമ്പാണ് ഇവരുടെ രണ്ടു ഭാഗത്തുമുള്ള അതിരുകൾ. അവിടെ നിൽക്കുന്ന മരങ്ങൾ അയൽ വീടിലേക്ക് ചാഞ്ഞും ചെരിഞ്ഞും കൊമ്പുകൾ നീട്ടിയും നിൽക്കുകയാണ്. അതിൽ നിന്നുള്ള ഇലകൾ അയൽ വീടിന്റെ പറമ്പിലും കിണറിലും ഒക്കെ വീഴുകയാണ്. തങ്ങളുടെ പറമ്പിൽ, ഗീത ടീച്ചറുടെ മരങ്ങളിൽ നിന്ന് വീഴുന്ന കരിയിലകൾ അടിച്ച് വാരിക്കൂട്ടി അവിടെ തന്നെ ഇട്ട് കത്തിക്കുന്നതിനെയാണ് ഒരു അപരാധമായി കണ്ട് ' വീട്ടു തീ' എന്ന പേരിൽ fb യിൽ വീഡിയോ ഇടുന്നതിനും പൊലീസ് സ്റ്റേഷനിൽ പരാതി കൊടുക്കുന്നതിനും പൊലീസുകാർ അയൽ വീട്ടിൽ വരുന്നതിനും ഇടയാക്കിയത്. അവനവന്റെ പറമ്പിൽ വീഴുന്ന കരിയില കൂട്ടിയിട്ട് കത്തിക്കുന്നതിൽ നിയമവിരുദ്ധമായി എന്തെങ്കിലുമുണ്ടോ? അത് ചെയ്ത 4 വയസു മുതൽ 67 വയസുള്ള സ്ത്രീകൾ പൊലീസിന്റെ ചോദ്യം ചെയ്തലിന് വിധേയമായത് ഏത് നിയമത്തിന്റെ അടിസ്ഥാനത്തിലാണ്? അവനവന്റെ പറമ്പ് വൃത്തിയായി സൂക്ഷിക്കാൻ അവർക്ക് അവകാശമില്ലേ? ഇതിൽ എന്താണ് ക്രൈം?
പല ഇന്റർവ്യൂകളിലും ഗീത ടീച്ചറുടെ പറമ്പിലെ മരങ്ങളുടെ ചുവട്ടിൽ ' മണ്ണെണ്ണയൊഴിച്ച് കത്തിച്ചതായി സൂചിപ്പിച്ചു കണ്ടു. ടീച്ചറുടെ പറമ്പിലെ മരങ്ങളുടെ താഴെ ആരും അങ്ങനെ ഒരക്രമം ചെയ്തിട്ടില്ല എന്നാണ് എനിക്ക് മനസിലാക്കാൻ കഴിഞ്ഞത്. അങ്ങനെയാരെങ്കിലും മരം കത്തിക്കാൻ അതിർത്തി കടന്ന് വന്നിട്ടുണ്ടെങ്കിൽ ആരെന്നും എപ്പോഴെന്നും ഏത് മരമാണ് കത്തിച്ചതെന്നും കൃത്യമായി പറയണം. കാടടച്ച് വെടി വെക്കരുത്. മരം കത്തിച്ചിട്ടുണ്ടെങ്കിൽ എല്ലാം ഫോട്ടോയിൽ പകർത്തുന്ന ടീച്ചർ അതിന്റെ ഫോട്ടോ എടുത്തിട്ടില്ലേ? അതിന്റെ ഫോട്ടോയോ വീഡിയോ യോ ഷെയർ ചെയ്യാഞ്ഞതെന്താ എന്നത് വ്യക്തമാക്കണം.

4. പൊതുവഴിയിലെ കരിയിലകൾ

ഗീത ടീച്ചറുടെ വീട്ടിലേക്കുള്ള വഴിയിൽ കരിയിലകൾ കൂട്ടിയിട്ട് കത്തിച്ചു, അച്ഛൻ (ഡോ പി പവിത്രൻ)വരുന്ന സമയത്ത് കത്തിച്ചു, ഇലക്ട്രിക് ലൈനിന്റെ താഴെ കത്തിച്ചു ,റോഡിൽ കത്തിച്ച തീയ് പടർന്ന് സ്വന്തം വീട്ടിലേക്കെത്തുമോ എന്ന് ഭയന്നു എന്ന് തുടങ്ങിയ ആരോപണങ്ങൾ ഗീത ടീച്ചറുടെയും അപർണ പ്രശാന്തിയുടെയും fb പോസ്റ്റുകളിലും ഇന്റർവ്യുകളിലും കാണാം. എന്താണ് ഇതിന്റെ സത്യാവസ്ഥ എന്നൊന്ന് പരിശോധിക്കാം. നിരവധി ആൾക്കാർ ഉപയോഗിക്കുന്ന പൊതുവഴിയാണത്. പൂർണമായും ടാറും കോൺക്രീറ്റും ചെയ്ത ഇടുങ്ങിയ ഒരു വഴി. സമീപത്തെ മരങ്ങളിൽ നിന്ന് ഇലകൾ വീണാൽ അത് അഴുകിപ്പോവാൻ വേണ്ടത്ര മണ്ണ് പോലുമില്ലാത്ത വഴി. അവിടെ വീഴുന്ന കരിയിലകൾ അടിച്ചു കൂട്ടി സമീപവാസികൾ കത്തിക്കുന്നതിൽ എന്താണ് തെറ്റ്? അതൊരു പൊതുവഴിയല്ലേ? അവനവൻ നടക്കുന്ന പൊതുവഴി വൃത്തിയാക്കുന്ന പണി നഗരസഭ ചെയ്തില്ലെങ്കിൽ നാട്ടുകാർ ചെയ്യുന്നത് കേരളത്തിൽ പതിവല്ലേ? ഇതിൽ എന്താണ് ക്രൈം? ഇങ്ങനെ ചെയ്ത വയോധികയായ മറ്റൊരു അയൽക്കാരിയുടെ വീഡിയോ തുടർച്ചയായി അവരുടെ അനുവാദമില്ലാതെ ചിത്രീകരിച്ചപ്പോഴാണ് 'ഇനി എന്റെ ഫോട്ടോ എടുത്താൽ തുണി അഴിച്ചു കാണിക്കും'എന്ന് അവർ പ്രകോപിതയായി പറഞ്ഞതെന്നാണ് സമീപവാസികളോട് സംസാരിച്ചപ്പോൾ എനിക്ക് കിട്ടിയ വിവരം. ടീച്ചറുടെയോ മകളുടെയോ വീഡിയോ നിങ്ങളുടെ അനുമതിയില്ലാതെ ചിത്രീകരിച്ചാൽ നിങ്ങൾ സമ്മതിക്കുമോ? പ്രൈവസി ഏതൊരു മനുഷ്യനുമില്ലേ? ആ കോളനിയിലെ ഏതൊരു മനുഷ്യനുമുള്ള പ്രിവിലേജ് അല്ലേ അച്ഛനായ പി പവിത്രനുമുള്ളൂ? വഴിയോരത്ത് തീ കത്തിച്ചാൽ അദ്ദേഹത്തിന് വീട്ടിൽ പോകുന്നതിന് എന്താണ് തടസം? കേരളത്തിൽ എത് റോഡിലാണ് ഇലക്ട്രിക് ലൈനില്ലാത്തത്? കുറച്ചു കരിയില താഴെ കൂട്ടി കത്തിച്ചാൽ ഇലക്ട്രിക് കമ്പിക്ക് നോവുമോ? റോഡിൽ നിന്ന് വളരെ അകലെയാണ് ഗീത ടീച്ചറുടെ വീട് എന്ന് ഞങ്ങൾ കാണുകയുണ്ടായി. ഇത്ര അകലെയുള്ള വീട്ടിലേക്ക് റോഡിൽ കത്തിച്ച കരിയിലകളിലെ തീ പടരും എന്ന് ഭയപ്പെട്ടതായി പറഞ്ഞത് എന്തിന്റെ അടിസ്ഥാനത്തിലാണ്?
ഇലക്ട്രിക് ലൈനിനെ കുറിച്ച് ആശങ്കയുണ്ടെങ്കിൽ ഒരു കാര്യം ശ്രദ്ധിക്കൂ. അയൽക്കാരായ രണ്ട് വീട്ടിലേക്കുള്ള ഇലക്ട്രിക് ലൈൻ ടീച്ചറുടെ വീടിന്റെ അതിർത്തിയിലൂടെയാണ് പോകുന്നത്. ടീച്ചറുടെ വീട്ടിലെ മരത്തിന്റെ കൊമ്പുകൾക്കിടയിലൂടെ ഇലക്ട്രിക് ലൈൻ വളഞ്ഞ് പിരിഞ്ഞ് അപകടകരമായാണ് പോവുന്നത്. ഒരു നല്ല കാറ്റടിച്ചാൽ പോലും വലിയ അപകടമുണ്ടാവാം. പുറത്തിറങ്ങിയോ ഗേറ്റിലെ സി.സി ടി വിയിലൂടെയോ അതൊന്ന് നോക്കു. സ്വന്തം പറമ്പിലെ കൊമ്പുകൾ കോതി ആ അപകടം ഒഴിവാക്കൂ. ഗീത ടീച്ചർ ചെയ്തില്ലെങ്കിൽ KSEB യോ, അങ്ങാടിപ്പുറം നിവാസികളോ അടിയന്തരമായി ഇക്കാര്യത്തിൽ ഇടപെടണം എന്ന് അഭ്യർഥിക്കുന്നു.

5. റെസിഡൻസ് അസോസിയേഷൻ നാട്ടുകൂട്ടമോ?

റസിഡൻസ് അസോസിയേഷൻ ഒരു പ്രാദേശിക കൂട്ടായ്മയാണ്. കേരളത്തിൽ ഗ്രാമങ്ങളിലും നഗരങ്ങളിലും അതുണ്ട്. എന്തൊക്കെ കുറ്റം പറഞ്ഞാലും ജാതി വർഗ വർണ ദേശ രാഷ്ട്രീയ ചട്ടക്കൂടിനപ്പുറത്തുള്ള ഒരു കൂട്ടായ്മയാണത്. അതിന് അതിന്റേതായ ധർമ്മങ്ങൾ നിർവഹിക്കാനുണ്ട്. വഴി, വൈദ്യുതി, വെള്ളം മുതൽ അംഗങ്ങളുടെ കലാകായിക ആവിഷ്‌കാരങ്ങൾ വരെ. കാസർകോടൊക്കെ റസിഡൻസ് അസോസിയേഷന്റെ ആഭിമുഖ്യത്തിൽ അന്തർദേശീയ ചലച്ചിത്രോത്സവങ്ങളും സാഹിത്യ ക്യാമ്പുകളും സംഘടിപ്പിക്കപ്പെട്ടതിന് ഞാൻ സാക്ഷിയാണ്. ഗീത ടീച്ചറുടെ പ്രധാന പരാതി 'പ്രതീക്ഷ 'എന്ന റസിഡൻസ് അസോസിയേഷന് എതിരെയാണ്. പ്രതീക്ഷയുടെ ഭാരവാഹി സേതുവേട്ടനെ കണ്ട് സംസാരിച്ചു. റെസിഡൻസ് അസോസിയേഷന്റെ ഒരു മീറ്റിങ്ങിലും അപർണ പ്രശാന്തിയുടെ വിവാഹം സംബന്ധിച്ച് അജണ്ടയോ തീരുമാനമോ ഉണ്ടായിട്ടില്ലെന്നും ,അസോസിയേഷൻ രൂപീകരിച്ചത് മുതലുള്ള സകല രേഖകളും ആർക്ക് മുമ്പിലും പരിശോധിക്കാനായി ഹാജരാക്കാം എന്നുമാണ് അദ്ദേഹം പറയുന്നത്. റെസിഡൻസ് അസോസിയേഷൻ ടീച്ചറുടെയോ മകളുടെയോ വ്യക്തി ജീവിതത്തിൽ കൈ കടത്തി എന്ന് പറയുന്നതിന്റെ അടിസ്ഥാനമെന്താണ്? എന്ത് തെളിവാണ് അതിനുള്ളത്? ടീച്ചറും കുടുംബവും ഇക്കാര്യം വിശദീകരിക്കാൻ ബാധ്യസ്ഥരാണ്.

6. ക്രിമിനലുകളെ വീട് കണ്ട് പ്രവചിക്കുന്ന പണിക്കന്മാർ.

'അയൽപക്കത്തെ വീട് കണ്ടാലറിയാം അവിടെ താമസിക്കുന്നത് ക്രിമിനലുകൾ ആണ് ' എന്ന്. ഗീത ടീച്ചറുടെ പോസ്റ്റിൽ 'രതിദേവി പണിക്കർ ' എഴുതിയ കമന്റാണിത്. ഒരു വീടിന്റെ ഫോട്ടോ കണ്ടിട്ട് അവിടെ താമസിക്കുന്നവർ ക്രിമിനലുകൾ ആണെന്ന് തീരുമാനിച്ചതിന്റെ യുക്തി എന്താണ്? വീട് ഒരല്പം ചെറുതായാൽ താമസിക്കുന്നവർ ക്രിമിനലുകൾ ആവുമോ? ആ വീട്ടിൽ താമസിക്കുന്നവർ ക്രൈം ചെയ്യുന്നവരാണെന്നും ,അതിന് തെളിവുണ്ട് എന്നും ആ കമന്റിനെ പിൻതാങ്ങിക്കൊണ്ട് അപർണ പ്രശാന്തി എഴുതിയത് ആ പോസ്റ്റിൽ തന്നെ കാണാം. 4 വയസ് മുതൽ 67 വയസ് വരെയുള്ള ആ വീട്ടിൽ താമസിക്കുന്ന 4 സ്ത്രീകൾ ചെയ്ത കുറ്റകൃത്യം എന്താണെന്ന് കോടതിയിൽ തെളിയിച്ചാലേ അവർ ക്രിമിനലുകൾ ആവു. അല്ലാതെ അവരെ ക്രിമിനലുകൾ എന്ന് വിളിക്കാനുള്ള അധികാരം ഒരാൾക്കുമില്ല. അവർ ചെയ്ത കുറ്റകൃത്യമെന്താണ് ? ഏത് കോടതിയാണവരെ ശിക്ഷിച്ചത്? ആരോപണങ്ങൾ സ്വയം ഉന്നയിച്ച് ഒരു കുടുംബത്തെ ക്രിമിനലുകൾ എന്ന് സമൂഹ മാധ്യമത്തിൽ അധിക്ഷേപിക്കുന്നത് ശരിയാണോ? ഈ പ്രസ്താവന പിൻവലിച്ച് രതിദേവിപണിക്കരും അപർണ പ്രശാന്തിയും മാപ്പു പറയേണ്ടതല്ലേ?

7. കല്ലേറിനുള്ള ക്വട്ടേഷൻ.

അപർണ പ്രശാന്തിയെ ആരെങ്കിലും കല്ലെറിഞ്ഞിട്ടുണ്ടെങ്കിൽ അവരെ നിയമത്തിനു മുന്നിൽ കൊണ്ടുവരികയും ശിക്ഷിക്കുകയും വേണം. പക്ഷേ അത് ആരോ ക്വട്ടേഷൻ കൊടുത്തതാണെന്ന ഗീത ടീച്ചറുടെ fb പോസ്റ്റിന് (മാർച്ച് 16) തെളിവ് ടീച്ചർ ഹാജരാക്കേണ്ടതുണ്ട്. ഇല്ലെങ്കിൽ അയൽവാസികൾ സംശയത്തിന്റെ നിഴലിലാകും. ആ പോസ്റ്റിന് താഴെയുള്ള കമന്റുകളിൽ എന്താ സംഭവം എന്ന് പലരും ചോദിക്കുന്നുണ്ടെങ്കിലും ചോദ്യങ്ങൾക്ക് ടീച്ചർ മറുപടി പറയാതെ ഒഴിഞ്ഞു മാറുന്നതായി കാണുന്നു. അത് ശരിയല്ല. ആര് കൊടുത്ത ക്വട്ടേഷനാണെന്നും എന്തിന് കൊടുത്ത ക്വട്ടേഷനാണെന്നും തെളിയിക്കേണ്ട ബാധ്യത ഗീത ടീച്ചർക്കുണ്ട്. അത് ചെയ്യണം.

8. അരുൺ എസ് എൻ പള്ളിശേരി എന്ന ഏഴാം പ്രതി.

ഫേസ്‌ബുക്കിൽ നടന്ന ചർച്ചയുടെ പേരിൽ ഞങ്ങൾ എഴ് പേർക്കെതിരെ അപർണ പ്രശാന്തി പൊലീസ് സ്റ്റേഷനിൽ സൈബർ നിയമപ്രകാരം പരാതി നൽകിയതായി. അറിഞ്ഞു. അതിൽ ആറുപേർ എനിക്കറിയാവുന്ന ആൾക്കാരാണ്. പ്രേം കുമാർ, ഹസ്‌ക്കറലി, എം.സി അബ്ദുൾ നാസർ, എൻ വി മുഹമ്മദ് റാഫി,രാജശ്രീ ആർ ഒക്കെ ഇതിൽ പോസ്റ്റിട്ടവരോ കമന്റ് ചെയ്തവരോ ആണ്. ഇതിൽ ഉൾപ്പെടാത്ത, പോസ്റ്റിന് ലൈക്ക് മാത്രം ചെയ്ത നിരവധി പേരിൽ ഒരാളായ അരുൺ എസ് എൻ പള്ളിശ്ശേരി ഇതിൽ ഏഴാം പ്രതിയായതെങ്ങനെ എന്ന് അന്വേഷിച്ചു. കിട്ടിയ വിവരം ഇതാണ്. അരുണിന്റെ സുഹൃത്തായ ഒരു പെൺകുട്ടി ഗീത ടീച്ചറുടെ കീഴിൽ പട്ടാമ്പി ഗവ കോളേജ് മലയാള വിഭാഗത്തിൽ ഗവേഷണം ചെയ്യുന്നുണ്ടായിരുന്നു. അക്കാദമികമോ ഗവേഷണ സംബന്ധമോ അല്ലാത്ത ഒരു കാരണത്തിന്റെ പേരിൽ ടീച്ചർ ആ കുട്ടിയെ പുറത്താക്കുകയുണ്ടായി. അതിനെ സൂചിപ്പിച്ച് കൊണ്ട് അരുൺ fb യിൽ ഒരു കുറിപ്പെഴുതുകയുണ്ടായി. അതാവാം അരുൺ പ്രതിയാവാനുള്ള കാരണം. ടീച്ചർ പുറത്താക്കിയ പെൺകുട്ടി ഒരു പാട് പ്രയാസങ്ങൾക്ക് ശേഷം കാലിക്കറ്റ് സർവകലാശാല മലയാള വിഭാഗത്തിൽ മറ്റൊരു അദ്ധ്യാപകന്റെ കീഴിൽ ഗവേഷണത്തിന് ചേർന്നു. അതിനെക്കുറിച്ച് ഗീത ടീച്ചറുടെ കമന്റ് ഞാൻ വായിക്കുകയുണ്ടായി. കാലിക്കറ്റ് സർവകലാശാലാ മലയാള വിഭാഗത്തെ വിഷലിപ്തമാക്കുകയാണ് ആ പെൺകുട്ടി എന്നാണ് ടീച്ചർ എഴുതിയത്. JRF ലഭിച്ച ഒരു പെൺകുട്ടിയുടെ ഗവേഷണത്തെക്കുറിച്ചുള്ള മുതിർന്ന ഒരു മലയാളം അദ്ധ്യാപികയുടെ ഈ പ്രസ്താവനയിൽ ലജ്ജയും പുച്ഛവും തോന്നുന്നു . ആ കുട്ടിയെ പുറത്താക്കിയത് സംബന്ധിച്ച രേഖകൾ പട്ടാമ്പി ഗവ കോളേജിൽ ഭദ്രമാണെന്നാണ് ഗീത ടീച്ചർ കമന്റിൽ സൂചിപ്പിക്കുന്നത് .എല്ലാ ഭദ്രമായ രേഖകളും ഒരു വിവരാവകാശം വഴി പുറത്തെടുക്കാവുന്നതേയുള്ളു. യു.ജി സി യുടെയും, സർവകലാശാലയുടെയും ഏത് ഗവേഷണ ചട്ടം ലംഘിച്ചതിന്റെ പേരിലാണ് ആ പെൺകുട്ടിയെ പുറത്താക്കിയതെന്ന് ഗീത ടീച്ചർ പൊതു സമൂഹത്തിന്റെ മുന്നിൽ വ്യക്തമാക്കേണ്ടതുണ്ട്.

9. ബുദ്ധിജീവികളായ പി.ആർ ഓ മാർ

അങ്ങാടിപ്പുറം വിഷയത്തിൽ എതിരഭിപ്രായം പറഞ്ഞവരെ കുറിക്കാൻ ഗീത ടീച്ചർ ഉപയോഗിക്കുന്ന വാക്കാണിത്. സമൂഹത്തിൽ ഏതെങ്കിലും തരത്തിൽ ഒറ്റപ്പെടുന്നവരോട് ഐക്യപ്പെടുക എന്ന കർത്തവ്യം ടീച്ചർ ചെയ്തിട്ടുണ്ടാകും എന്ന് തന്നെയാണ് ഞാൻ കരുതുന്നത്. അങ്ങാടിപ്പുറം സംഭവത്തിൽ ഫേസ്‌ബുക്കിൽ സജീവമല്ലാത്ത, കൂടെ വലിയ അനുയായി വൃന്ദങ്ങളില്ലാത്ത ഒരു കുടുംബത്തിന്റെ നിലപാടുകൾ സമൂഹമാധ്യമത്തിൽ രേഖപ്പെടുത്തുക എന്ന ധർമ്മമാണ് പ്രേമൻ മാഷും ഞാനുമടക്കമുള്ളവർ ചെയ്തത്. അതിനുള്ള അവകാശം ഏതൊരു പൗരനുള്ളതുപോലെ ഞങ്ങൾക്കുമുണ്ട് . ഞങ്ങളുടെ വാദങ്ങൾക്ക് മറുപടി പറയുന്നതിന് പകരം വ്യക്തിപരമായി ഞങ്ങളെ ആക്രമിക്കാനാണ് ടീച്ചറും മകളും ശ്രമിച്ചത്. എനിക്കെതിരെ ഉന്നയിച്ച ആരോപണത്തിന് തെളിവ് ( മലയാള സർവകലാശാലയിൽ അപർണ പ്രശാന്തിയുടെ നിയമനത്തിനായി വിദ്യാഭ്യാസ മന്ത്രി വിളിച്ചു എന്ന ആരോപണം സംബന്ധിച്ച് ) ഹാജരാക്കാൻ ഞാൻ ഗീത ടീച്ചറെ ടാഗ് ചെയ്ത് കമന്റ് വഴി ആവശ്യപ്പെട്ടിട്ട് മാസം ഒന്ന് കഴിഞ്ഞു. ഗീത ടീച്ചർ പ്രതികരിച്ചിട്ടില്ല. ഒരു വർഷം മുമ്പ് പ്രേമൻ മാഷ് അയച്ച മെസേജിനെ ദുർവ്യാഖ്യാനം ചെയ്ത് സമൂഹമാധ്യമത്തിൽ താറടിച്ചു കാണിക്കുന്നത് എന്ത് മര്യാദയാണ്?
വ്യക്തിപരമായി വിമർശിക്കുക, സ്‌ക്രീൻ ഷോട്ട് എടുത്ത് വാളിൽ ഒട്ടിക്കുക, പൊതു സുഹൃത്തുക്കളെ ഉപയോഗിച്ച് പോസ്റ്റ് പിൻവലിക്കാൻ സമ്മർദ്ദം ചെലുത്തുക, കേസ് കൊടുക്കുമെന്ന് ഭീഷണിപ്പെടുത്തുക, ഇതിലൊന്നും വഴങ്ങുന്നില്ലെന്ന് കാണുമ്പോൾ പൊലീസ് സ്റ്റേഷനിൽ പരാതി കൊടുക്കുക . ഇതാണോ ജനാധിപത്യപരമായ സംവാദത്തിന്റെ മാർഗ്ഗം?
ഉന്നയിക്കുന്ന വിഷയങ്ങളിലല്ലേ ചർച്ച നടക്കേണ്ടത്?

10. രാമബാണമേറ്റതിന്റെ ആനന്ദം.

ഫേസ്‌ബുക്കിൽ വന്നിട്ട് ഏഴ് വർഷമെങ്കിലും ആയിക്കാണും. ഇതിനിടയിൽ ഹിന്ദു തീവ്രവാദികൾ, ഇസ്ലാം തീവ്രവാദികൾ, തീവ്ര വലതുപക്ഷക്കാർ, തുടങ്ങി നിരവധി പേരോട് ഫേസ് ബുക്കിൽ നിരവധി ആശയസംവാദങ്ങൾ നടത്തിയിട്ടുണ്ട്. അവരുമായെല്ലാം നല്ല സൗഹൃദത്തിൽ കഴിയുന്നുമുണ്ട്. ഫേസ്‌ബുക്കിൽ എതിരഭിപ്രായം പറഞ്ഞതിന്റെ പേരിൽ പൊലീസ് കേസ് കൊടുക്കുക എന്ന പണി ഇവരാരും ചെയ്തിട്ടില്ല. ഇവരാർക്കുമെതിരെ ഞാനും കൊടുത്തിട്ടില്ല. ആദ്യമായാണ് ഒരു സൈബർ കേസ് അഭിമുഖീകരിക്കാൻ പോവുന്നത്. സന്തോഷമായി. അഭിപ്രായ സ്വാതന്ത്ര്യത്തിനും ജനാധിപത്യ അവകാശങ്ങൾക്കും വേണ്ടി നിലകൊള്ളുന്നവർ എന്ന് ഇത് വരെ വിചാരിച്ചവരുടെ പക്ഷത്ത് നിന്ന് അതുണ്ടായതിൽ അതിയായ ആഹ്ലാദമുണ്ട്. ഒളിയമ്പേറ്റ് കണ്ണടയുമ്പോഴും രാമബാണമേറ്റാണല്ലോ മരണം എന്ന ആനന്ദത്തോടെ...

അജിത്ത്.എം എസ്.

 

സ്വന്തം ലേഖകൻ    
മറുനാടൻ മലയാളി റിപ്പോർട്ടർ

mail: editor@marunadanmalayali.com

Readers Comments

മലയാളത്തിൽ ടൈപ്പ്‌ ചെയ്യാൻ ഇവിടെ ക്ലിക്ക്‍ ചെയ്യുക
കമന്റ് ബോക്‌സില്‍ വരുന്ന അഭിപ്രായങ്ങള്‍ മറുനാടന്‍ മലയാളിയുടേത് അല്ല. മാന്യമായ ഭാഷയില്‍ വിയോജിക്കാനും തെറ്റുകള്‍ ചൂണ്ടി കാട്ടാനും അനുവദിക്കുമ്പോഴും മറുനാടനെ മനഃപൂര്‍വ്വം അധിക്ഷേപിക്കാന്‍ ശ്രമിക്കുന്നവരെയും അശ്ലീലം ഉപയോഗിക്കുന്നവരെയും മറ്റു മലയാളം ഓണ്‍ലൈന്‍ ലിങ്കുകള്‍ പോസ്റ്റ് ചെയ്യുന്നവരെയും മതവൈരം തീര്‍ക്കുന്നവരെയും മുന്നറിയിപ്പ് ഇല്ലാതെ ബ്ലോക്ക് ചെയ്യുന്നതാണ് - എഡിറ്റര്‍

More News in this category

Loading...

MNM Recommends

TODAYLAST WEEKLAST MONTH
ബസ് ബ്രേക്ക് ഡൗണായത് അർദ്ധരാത്രി പന്ത്രണ്ടരയോടെ; സ്ത്രീകൾ ഉൾപ്പെടെയുള്ളവരെ റോഡിൽ നിർത്തിയത് മൂന്ന് മണിക്കൂർ; ചോദ്യം ചെയ്ത യുവാക്കൾക്ക് വൈറ്റിലയിലെ ഓഫീസിൽ നിന്ന് കേട്ടത് പച്ചത്തെറി; പകരം സംവിധാനത്തിൽ യാത്ര തുടങ്ങിയത് പൊലീസെത്തിയ ശേഷം; എല്ലാവരും ഉറങ്ങുമ്പോൾ രണ്ട് ചെറുപ്പക്കാരെ സ്‌കെച്ചിടാനെത്തിയത് ഡ്രൈവറുടെ നേതൃത്വത്തിൽ നാല് ഗുണ്ടകൾ; ബസ് മാഫിയ കല്ലട സുരേഷ് ഗ്രൂപ്പിന്റെ മണിപവറും മസിൽ പവറും തുറന്നു കാട്ടി യാത്രക്കാരന്റെ ഫേസ്‌ബുക്ക് പോസ്റ്റ്
മറ്റ് സ്ഥാനാർത്ഥികളിൽ നിന്ന് വ്യത്യസ്ഥനായി കൊട്ടിക്കലാശത്തിന് എത്തിയത് ഭാര്യക്കും മകനുമൊപ്പം; കൊട്ടിക്കലാശ വേദിയിൽ പ്രവർത്തകരുടെ നൃത്തം കണ്ട് തുറന്ന വാഹനത്തിന് ഉള്ളിൽ നിന്ന് നൃത്തം ചെയ്ത് സുരേഷ് ഗോപി; കമ്മീഷണർ രംഗത്തിലെ `ഷിറ്റ്` രംഗം പ്രവർത്തകർ ആവശ്യപ്പെട്ടപ്പോൾ അഭിനയിച്ച് കാണിച്ച് സ്ഥാനാർത്ഥി; തിരിച്ച് ഷിറ്റ് ആക്ഷൻ കാണിച്ച് ഇടത് പ്രവർത്തകരും; പ്രചാരണത്തിൽ വ്യത്യസ്ഥനായ ആക്ഷൻ ഹീറോ കൊട്ടിക്കലാശത്തിലും താരമായത് ഇങ്ങനെ
കൊട്ടിക്കലാശത്തിന് പിന്നാലെ ആരംഭിച്ച സംഘർഷങ്ങൾ വ്യാപിക്കുന്നു; പാലക്കാട് സിപിഎം കോൺഗ്രസ് പ്രവർത്തകർ തമ്മിൽ വെട്ട്; മൂന്ന് കോൺഗ്രസ് പ്രവർത്തകർക്കും സിപിഎം ബ്രാഞ്ച് സെക്രട്ടറിക്കും വെട്ടേറ്റു; തലയ്ക്ക് വെട്ടേറ്റ കോൺഗ്രസ് നേതാവ് ശിവരാജൻ ഗുരുതരാവസ്ഥയിൽ; രമ്യ ഹരിദാസിന് പിന്നാലെ സുരേന്ദ്രനും അൻവറിനും മുരളീധരനും നേരെയൂം അക്രമം; തന്നെ തടഞ്ഞത് സിപിഎം ഗുണ്ടായിസമെന്ന് എ.കെ ആന്റണി; തെരഞ്ഞെടുപ്പിന് ഒരു ദിവസം ബാക്കിനിൽക്കെ സംസ്ഥാനത്ത് സുരക്ഷ ശക്തമാക്കി പൊലീസ്
ശ്രീലങ്കയ്ക്ക് ഇത് 'കറുത്ത ഈസ്റ്റർ'; ചോരക്കളമായ കൊളംബോയിൽ മരണം 207 ആയി; 500ഓളം പേർ വിവിധ ആശുപത്രികളിൽ ചികിത്സയിൽ; ചാവേർ ആക്രമണമെന്ന സംശയത്തിൽ അധികൃതർ; ഒരു മലയാളി ഉൾപ്പടെ 9വിദേശികൾ കൊല്ലപ്പെട്ടെന്ന് വിവരം; അഭ്യൂഹങ്ങളിൽ വിശ്വസിക്കരുതെന്ന പ്രസിഡന്റ് മൈത്രിപാല സിരിസേന; ക്രൈസ്തവരെ ലക്ഷ്യം വച്ച ആക്രമണത്തിന് പിന്നിൽ ആഭ്യന്തര തീവ്രവാദ ഗ്രൂപ്പുകളുടെ സാന്നിധ്യം; പ്രത്യാശയുടെ പൊൻപുലരിയിൽ ലോകം കേട്ടത് ലങ്കയുടെ നിലവിളി; എങ്ങും കുരുതിക്കളം
യുഡിഎഫിന് 7 മുതൽ 17 സീറ്റ് വരെ കിട്ടാം; ഇടതിന് 3 മുതൽ 13 സീറ്റും; അക്കൗണ്ട് തുറക്കാൻ ബിജെപിയും; വയനാട്, കണ്ണൂർ, മലപ്പുറം, പൊന്നാനി, എറണാകുളം, ഇടുക്കി, കോട്ടയം എന്നിവിടങ്ങളിൽ യുഡിഎഫിന് മൂൻതൂക്കം; പാലക്കാടും ആലപ്പുഴയും ആറ്റിങ്ങലും എൽഡിഎഫും; പത്തനംതിട്ടയിലും തിരുവനന്തപുരത്തും മൂന്നു മുന്നണിക്കും ജയസാധ്യതയുള്ള ഫോട്ടോ ഫിനിഷ്; പത്തിടത്ത് ഇഞ്ചോടിഞ്ച് മൽസരം; പ്രചരണത്തിന് കൊട്ടിക്കലാശമാകുമ്പോൾ കേരളത്തിന്റെ രാഷ്ട്രീയ മനസ്സ് എങ്ങോട്ട് ?
സംവിധാനം എന്ന കിരീടത്തിന്റെ ഭാരം എനിക്ക നന്നായിട്ടറിയാം; എത്രകാലമായി ഞാനത് കണ്ടു കൊണ്ടിരിക്കുന്നു; ഇപ്പോൾ എന്റെ ശിരസ്സിലും ആ ഭാരം അമരുന്നു; അതിന്റെ കനം കുറേശ്ശെക്കുറേശ്ശേ ഞാൻ അറിഞ്ഞു തുടങ്ങുന്നു; ഗാമയുടെ നിധി സൂക്ഷിക്കുന്ന ബറോസ്സിന്റെ കഥയുമായി മോഹൻലാൽ സംവിധായകനാകുന്നു; പോർച്ചുഗീസ് മിത്തിൽ ഒരുക്കുക വിസ്മയ സഞ്ചാരങ്ങളെന്നും വിശദീകരണം; ത്രിഡി ചിത്രത്തിന്റെ വിശേഷങ്ങൾ ബ്ലോഗിലൂടെ പുറത്തുവിട്ട് നടൻ
കേന്ദ്രം അറിയിച്ചത് കോടതി വിധി നടപ്പാക്കാൻ കേരളം തീരുമാനിച്ചതിനാൽ ഇടതു തീവ്രവാദികളും ആക്ടിവിസ്റ്റുകളും മല കയറാൻ വരും എന്നും പ്രശ്നങ്ങളുണ്ടാകാതെ ശ്രദ്ധിക്കണമെന്നും; തുലാ മാസക്കാലത്ത് വ്യാഖ്യാനിച്ചത് സ്ത്രീകൾക്ക് ആവശ്യമായ സുരക്ഷ നൽകണം എന്ന് കേന്ദ്ര നിർദ്ദേശിച്ചുവെന്നും; ഇപ്പോൾ പിണറായി ഒറ്റ വരി മാത്രം വായിച്ച് മോദിയെ കുറ്റപ്പെടുത്താൻ ഉപയോഗിക്കുന്നതും ആഭ്യന്തര മന്ത്രാലയത്തിന്റെ ആ പഴയ കത്ത്; ശബരിമലയിലെ സ്ത്രീ പ്രവേശനവുമായി ബന്ധപ്പെട്ട് കേന്ദ്രം അയച്ച ഉത്തരവിന്റെ പൂർണ്ണ രൂപം
നാമ ജപം കേൾക്കുമ്പോൾ മാത്രം പിണറായി വിജയന് ഹാലിളകുന്നത് എന്തുകൊണ്ട്? കാട്ടാക്കടയിൽ പ്രസംഗത്തിനിടയിൽ ക്ഷേത്രത്തിൽ നിന്ന് നാമജപം കേട്ട് അസ്വസ്ഥനായി മുഖ്യമന്ത്രി; പ്രസംഗം നിർത്തി രൂക്ഷമായി വേദിയിലിരുന്ന നേതാക്കളെ നോക്കി കോപം പ്രകടിപ്പിച്ചു; ക്ഷേത്രത്തിലേക്ക് പാഞ്ഞ് വൈദ്യുതി ബന്ധം വിച്ഛേദിപ്പിച്ച് ഐബി സതീഷും ശിവൻകുട്ടിയും; ദൃശ്യങ്ങൾ പകർത്താൻ ശ്രമിച്ച മാധ്യമപ്രവർത്തകരെ വിരട്ടി സിപിഎം പ്രവർത്തകർ; ശബരിമല വിഷയത്തിൽ ബിജെപിക്ക് ഒരു വടി കൂടി നൽകി പിണറായി
നായർ സമുദായാംഗങ്ങളുടെ വീടുകളിൽ കയറി സുരേന്ദ്രൻ ഈഴവനാണെന്ന് പ്രചരണം; വോട്ടു നൽകുന്നതിന് മുൻപ് ചിന്തിക്കണമെന്നും അഭ്യർത്ഥന; ഈഴവരുടെ വീടുകളിൽ പറയുന്നത് സുരേന്ദ്രൻ നായരാണെന്നും; പത്തനംതിട്ടയിൽ ജയിക്കാൻ മുന്നണികളുടെ കടുംകൈ: എൻഡിഎയ്ക്ക് മുൻതൂക്കമായതോടെ സാമുദായിക തലത്തിലേക്ക് പ്രചാരണം നീട്ടി എൽഡിഎഫും യുഡിഎഫും: ഈഴവ മേഖലയായ സിപിഎം നെടുങ്കോട്ടയിൽ വിള്ളൽ വീഴ്‌ത്തി സുരേന്ദ്രന്റെ സർജിക്കൽ സ്ട്രൈക്ക്
പത്തനാപുരത്ത് മോദിക്കെതിരെ ആഞ്ഞടിച്ചത് രാഹുലെങ്കിലും ആർത്തിരമ്പിയ അണികളെ കൈയിലെടുത്തത് ജ്യോതിയുടെ പരിഭാഷ; രാഹുലിന്റെ ഓരോ വാക്കുകളിലെയു വീര്യം ചോരാതെ അണികളിലെത്തിച്ച മിടുക്കിക്ക് സോഷ്യൽ മീഡിയയുടെ കൈയടി; കൊല കൊമ്പന്മാർ പോലും പരാജയപ്പെടുന്നിടത്ത് അനായാസ ശൈലിയിൽ കത്തിക്കയറി വനിതാ നേതാവ്; ഒരിക്കൽ പോലും വെള്ളിവീഴാത്ത പരിഭാഷകയെ അഭിനന്ദിച്ച് രാഹുൽ ഗാന്ധിയും
കേരളത്തെ മുക്കിയ പ്രളയം ഉണ്ടാക്കിയത് ഒരു ഗൂഢസംഘമാണോ? ജോർജ് ബുഷും ജർമൻ ചാൻസലർ ഏഞ്ചല മെർക്കലും നരേന്ദ്ര മോദിയും വരെ ഈ സംഘത്തിലെ അംഗങ്ങളാണോ? വേൾഡ് ട്രേഡ് സെന്റർ ആക്രമണം തൊട്ട് നോട്ട് നിരോധനം വരെ ഇവരുടെ സൃഷ്ടിയാണോ? പൃഥ്വിരാജ് സാത്താൻ ആരാധകനാണോ? പുരോഗമന കേരളത്തിലെ പ്രൊഫഷണൽ കാമ്പസുകളിൽ വരെ നടക്കുന്ന ചർച്ച കേട്ടാൽ നിങ്ങൾ ഞെട്ടിപ്പോകും; ലൂസിഫർ സിനിമ കേരളക്കരയിൽ തുറന്നുവിട്ട ഇല്യൂമിനാറ്റി ആധുനിക അന്ധവിശ്വാസത്തിന്റെ കഥ
കുമ്മനം ജയിക്കുമെന്ന് പറയുന്ന തിരുവനന്തപുരത്ത് ചിലയിടങ്ങളിൽ ബിജെപി സ്ഥാനാർത്ഥിക്ക് കാലു കുത്താൻ പോലും ആവില്ലെന്ന് അറിയാമോ? കേന്ദ്ര പ്രതിരോധ മന്ത്രി നിർമ്മലാ സീതാരാമനുമായി കുമ്മനം സന്ദർശിക്കാൻ ശ്രമിച്ചെങ്കിലും പ്രതിരോധം തീർത്ത് നാട്ടുകാർ; പ്രകോപനം ഉണ്ടാക്കാതെ മടങ്ങി കേന്ദ്രമന്ത്രിയും ബിജെപി സ്ഥാനാർത്ഥിയും; പൂന്തുറക്കാർ പ്രകോപിതരായി തടയുന്നത് ശക്തമാക്കിയതോടെ ബിജെപിക്കാർ മടങ്ങുന്ന ദൃശ്യങ്ങളും വൈറലാകുമ്പോൾ
രാഹുൽ ഒന്നു പറയുമ്പോൾ കുര്യൻ കമ്പിളിപ്പുതപ്പേ...പത്തനംതിട്ടയിൽ കോൺഗ്രസ് അദ്ധ്യക്ഷന്റെ പ്രസംഗം പരിഭാഷപ്പെടുത്തിയ പി.ജെ.കുര്യൻ കുളം കലക്കി; സദസിൽ നിന്ന് ഗോ ബാക്ക് വിളി; ബിജെപിയുടെ അച്ചാരം പറ്റിയാണ് ഇത് കാണിക്കുന്നതെന്നുപോലും ബഹളക്കാർ; സദസിലും വേദിയിലും നിന്നുള്ള വിമർശനം താങ്ങാനാകാതെ വിളറി വെളുത്ത് മുൻ രാജ്യസഭാ ഉപാധ്യക്ഷൻ: ബഹളം കാരണം ഒന്നും കേൾക്കാൻ കഴിഞ്ഞില്ലെന്ന് കുര്യൻ
ഫേസ്‌ബുക്ക് പ്രൊഫൈലിൽ മുസ്ലിം -ഹിന്ദു പേരുകൾ കണ്ടത് കൗതുകമായെന്ന് പറഞ്ഞ് ചാറ്റിങ് തുടങ്ങി; പൊലീസുകാരനാണെന്ന ധൈര്യത്തിൽ യുവതി ചാറ്റ് ചെയ്തത് ഭർത്താവിന്റെ കൂടെ ഇരുന്ന്; ഒപ്പം കുളിക്കാൻ വരുന്നോ എന്നുചോദിച്ച് നഗ്നനായി നിൽക്കുന്ന ഫോട്ടോ അയച്ചതോടെ യുവതി ഫോൺ ഭർത്താവിന് കൈമാറി; ചാറ്റിങ് തുടർന്ന ഭർത്താവിന് കിട്ടിയത് പൊലീസുകാരൻ സ്വയംഭോഗം ചെയ്യുന്ന വീഡിയോ; ഫോൺ നമ്പർ തഞ്ചത്തിൽ സംഘടിപ്പിച്ച ശേഷം കണ്ണൂരിലെ പൊലീസുകാരനെതിരെ പരാതി നൽകി ദമ്പതികൾ
കെ കരുണാകരനും പിണറായിയും സീറ്റു വെച്ചുനീട്ടിയിട്ടും നോ പറഞ്ഞു; വിജയേട്ടനോട് ചോദിച്ചു എ എം ആരിഫിന് അരൂരിൽ സീറ്റ് വാങ്ങി നൽകി; ഇരവിപുരത്ത് മുകേഷിന് മത്സരിക്കാൻ ഞാൻ വിജയേട്ടനുമായി ഗുസ്തി പിടിച്ചതു കൊണ്ടാണ് ഒടുവിൽ കൊല്ലം നൽകിയത്; 2014ൽ രാജേട്ടനെ വേദനിപ്പിക്കാതിരിക്കാനാണ് ഞാൻ മത്സരം വേണ്ടെന്ന് വെച്ചത്; ശിഹാബ് തങ്ങളും ആന്റണിയും തമ്മിലുള്ള പ്രശ്‌നങ്ങൾ തീർത്തു: സുരേഷ് ഗോപി മനസു തുറക്കുമ്പോൾ ഇത്രയും വലിയൊരു മനുഷ്യനെ തെറ്റിദ്ധരിച്ചല്ലോ എന്നുകരുതി മുഖംകുനിച്ചു സോഷ്യൽ മീഡിയ
ബസ് ബ്രേക്ക് ഡൗണായത് അർദ്ധരാത്രി പന്ത്രണ്ടരയോടെ; സ്ത്രീകൾ ഉൾപ്പെടെയുള്ളവരെ റോഡിൽ നിർത്തിയത് മൂന്ന് മണിക്കൂർ; ചോദ്യം ചെയ്ത യുവാക്കൾക്ക് വൈറ്റിലയിലെ ഓഫീസിൽ നിന്ന് കേട്ടത് പച്ചത്തെറി; പകരം സംവിധാനത്തിൽ യാത്ര തുടങ്ങിയത് പൊലീസെത്തിയ ശേഷം; എല്ലാവരും ഉറങ്ങുമ്പോൾ രണ്ട് ചെറുപ്പക്കാരെ സ്‌കെച്ചിടാനെത്തിയത് ഡ്രൈവറുടെ നേതൃത്വത്തിൽ നാല് ഗുണ്ടകൾ; ബസ് മാഫിയ കല്ലട സുരേഷ് ഗ്രൂപ്പിന്റെ മണിപവറും മസിൽ പവറും തുറന്നു കാട്ടി യാത്രക്കാരന്റെ ഫേസ്‌ബുക്ക് പോസ്റ്റ്
പഠനകാലത്ത് എല്ലാ ക്ലാസിലും ടോപ്പർ; പത്താംക്ലാസിൽ സ്‌കൂളിലെ ഒന്നാം റാങ്കുകാരി; ദക്ഷിണേന്ത്യൻ സിനിമാ പ്രമുഖന്റെ ആദ്യ ഭാര്യയിലെ മകളും; ബിടെക്കുകാരിയെ കരിമൂർഖൻ വളച്ചെടുത്തത് മരിച്ച ഭർത്താവിന്റെ ആത്മാവ് തനിക്കൊപ്പെന്ന് വിശ്വസിപ്പിച്ചും; കുട്ടികളോട് പക അതിക്രൂരമായത് 'അമ്മ'യോടുള്ള താൽപ്പര്യം കുറഞ്ഞപ്പോൾ; കോബ്രയ്ക്ക് ഒന്നിലേറെ ഭാര്യമാരും അനവധി പരസ്ത്രീ ബന്ധവും; കസിന്റെ ഭാര്യയെ അടിച്ചെടുത്ത് ഏഴു വയസ്സുകാരനെ വകവരുത്തിയ പ്രണയത്തിന് പിന്നിലെ ചതി ഇങ്ങനെ
'ഞാൻ അമിതാബ്....നിന്റെ ഭാര്യയുടെ കാമുകൻ; നിന്റെ ഭാര്യയുമായി എനിക്ക് ബന്ധമുണ്ട്; നീ അടുത്ത തവണ അവധിക്ക് വരുമ്പോൾ ലാളിക്കുന്നത് എന്റെ കുഞ്ഞിനെയാവും': സൈനികൻ വിശാഖ് സ്വയം നിറയൊഴിച്ച് മരിച്ചത് പൊലീസിലെ മിനിസ്റ്റീരിയൽ ജീവനക്കാരനായ അമിതാബിന്റെ വാക്കുകൾ കേട്ട്; 'വീട്ടിലേക്ക് വാ.. നിനക്കൊരു സമ്മാനമുണ്ട് എന്ന് അമിതാബിന് സന്ദേശമയച്ച് ആത്മഹത്യ ചെയ്ത് മറ്റൊരു പെൺകുട്ടി; 'മതമില്ലാത്ത അമിതാബ്' വലയിൽ വീഴ്‌ത്തിയത് നിരവധി പെൺകുട്ടികളെ
ക്രൂരത സഹിക്കവയ്യാതെ വിവാഹ മോചനം വാങ്ങി അമേരിക്കയ്ക്ക് പറന്ന ആദ്യ ഭാര്യ; അമ്മാവന്റെ മകന്റെ ഭാര്യയുമായുള്ള അടുപ്പം ഡിവോഴ്‌സിന് കാരണമായി; കുടുംബം തകരാതിരിക്കാൻ തൊടുപുഴയിലേക്ക് താമസം മാറി വർക് ഷോപ്പ് തുറന്നെങ്കിലും വില്ലനായി മരണമെത്തി; ഭർത്താവിന്റെ മരണാനന്തര ചടങ്ങിൽ പങ്കെടുക്കാനെത്തിയപ്പോൾ വീണ്ടും പ്രണയം പൂത്തുലഞ്ഞു; കുട്ടികളുടെ അച്ഛന്റെ 41-ാം മരണാനന്തര ചടങ്ങ് ദിവസം എല്ലാം നിശ്ചയിച്ചുറപ്പിച്ചു; പിന്നെ മക്കളുമൊത്ത് ഒളിച്ചോട്ടം; തൊടുപുഴയിലെ ക്രൂരതയ്ക്ക് പിന്നിലെ കുടുംബ കഥ ഇങ്ങനെ
രക്തം പരസ്പരം കടിച്ചു കുടിക്കുന്ന ദമ്പതികൾ! 2016ൽ കല്യാണം കഴിഞ്ഞെന്ന് വിഡിയോ ഇട്ട് വാർഷികം ആഘോഷിച്ച ഭ്രാന്ത് പിടിച്ച പ്രണയം; അടുപ്പിച്ചത് യാത്രകളോടുള്ള താൽപ്പര്യം; നിധീഷിനെ 'പിശാച്' ആക്കിയതിന് പിന്നിൽ വാമ്പയർ സിനിമയോ ഓൺലൈനിലെ മരണക്കളികളോ എന്ന് സംശയം; ബ്ലൂവെയിൽ ഗെയിമും ആസ്ട്രൽ പ്രൊജക്ഷനും കേട്ട് ഞെട്ടിയവർക്ക് മുന്നിലേക്ക് പിശാചിന്റെ ദമ്പതികളും; ചിയ്യാരത്തെ നീതുവിനെ പച്ചക്ക് കത്തിച്ച് കൊല്ലാൻ നിധീഷിനെ പ്രേരിപ്പിച്ച യഥാർത്ഥ വില്ലൻ ടിക് ടോക്കിലെ മരണക്കളിയോ?
61കാരിയായ എന്നെ 37കാരൻ പരിചയപ്പെട്ടത് ഫോണിലൂടെ; സ്മാർട്ട് ഫോൺ വാങ്ങി നൽകി സ്ഥിരം വിളിച്ച് വശീകരണം; പിന്നെ തോട്ടപ്പള്ളിയിലെ ഹോട്ടലിലും വീട്ടിലും അതിക്രമിച്ച് കയറി പീഡനവും; ദൃശ്യങ്ങൾ പകർത്തിയത് സമ്മതം കൂടാതെ; ഭർത്താവിനും അയൽവാസികൾക്കും അയച്ചു കൊടുത്തതോടെ സ്വകാര്യത നഷ്ടമായി; പ്രമുഖ ചാനലിലെ ജനപ്രിയ സീരിയലിൽ 'അമ്മ' വേഷം ചെയ്യുന്ന നടിയുടെ പരാതി പൊലീസിന്; വിദേശത്തുള്ള യുവാവിനെ നാട്ടിലെത്തിക്കാൻ കരുക്കൾ നീക്കി അന്വേഷണ സംഘം
ഭാര്യമാരെ പരസ്പരം മാറ്റി രസിക്കുന്ന ഗ്രൂപ്പുകൾ തിരുവനന്തപുരത്തും; തൊടുപുഴയിലെ ഏഴ് വയസ്സുകാരന്റെ കൊലപാതകത്തിലെ ക്രൂരതയിലെ മറുനാടൻ അന്വേഷണം എത്തി നിൽക്കുന്നത് വൈഫ് സ്വാപ്പിങ് വാട്‌സാപ്പ് ഗ്രൂപ്പുകളിൽ; അരുൺ ആനന്ദിന്റെ കള്ളക്കളികൾ വിരൽ ചൂണ്ടുന്നത് സോഷ്യൽ മീഡിയയിലെ സാമൂഹിക തിന്മകളുടെ കാണാക്കയത്തിലേക്ക്; മകനെ കൊന്ന ക്രൂരതയ്ക്ക് വഴിയൊരുക്കിയ അമ്മയെ വെറുതെ വിടാൻ മനഃശാസ്ത്രക്കളികളും; ബിടെക്കുകാരന്റെ മരണത്തിലെ അന്വേഷണം അട്ടിമറിക്കാനും നീക്കം
സ്മാർട്ട് ഫോൺ സമ്മാനിച്ച് വശത്താക്കി പലവട്ടം പീഡിപ്പിച്ചത് ഊരുംപേരും പോലും അറിയാത്ത ചെറുപ്പക്കാരനെന്ന സീരിയലിലെ അമ്മ നടിയുടെ മൊഴികേട്ട് ഞെട്ടി പൊലീസും; ആദ്യം പറഞ്ഞത് മലപ്പുറത്തുകാരനെന്നും പിന്നെ പറഞ്ഞത് എറണാകുളംകാരൻ എന്നും; ഒടുവിൽ അന്വേഷണം എത്തിനിൽക്കുന്നത് ഗൾഫിലേക്ക് പോയ യുവാവിൽ കേന്ദ്രീകരിച്ച്; കഴിഞ്ഞ ഡിസംബർ കാലത്ത് നടന്ന പീഡനത്തിൽ പരാതി എത്തുന്നത് ദൃശ്യങ്ങൾ സോഷ്യൽമീഡിയയിൽ ചൂടപ്പമായപ്പോൾ
നാമ ജപം കേൾക്കുമ്പോൾ മാത്രം പിണറായി വിജയന് ഹാലിളകുന്നത് എന്തുകൊണ്ട്? കാട്ടാക്കടയിൽ പ്രസംഗത്തിനിടയിൽ ക്ഷേത്രത്തിൽ നിന്ന് നാമജപം കേട്ട് അസ്വസ്ഥനായി മുഖ്യമന്ത്രി; പ്രസംഗം നിർത്തി രൂക്ഷമായി വേദിയിലിരുന്ന നേതാക്കളെ നോക്കി കോപം പ്രകടിപ്പിച്ചു; ക്ഷേത്രത്തിലേക്ക് പാഞ്ഞ് വൈദ്യുതി ബന്ധം വിച്ഛേദിപ്പിച്ച് ഐബി സതീഷും ശിവൻകുട്ടിയും; ദൃശ്യങ്ങൾ പകർത്താൻ ശ്രമിച്ച മാധ്യമപ്രവർത്തകരെ വിരട്ടി സിപിഎം പ്രവർത്തകർ; ശബരിമല വിഷയത്തിൽ ബിജെപിക്ക് ഒരു വടി കൂടി നൽകി പിണറായി
വീട്ടിലെ ഊണ് എന്ന ഹോട്ടലിന്റെ പേരിൽ നടന്നത് അനാശാസ്യം; കഴുത്തിലെ പത്ത് പവനായി തന്ത്രങ്ങളൊരുക്കി കൊല; മകനൊപ്പം പലിശക്കാരി ഗൾഫിൽ പോകും മുമ്പ് രണ്ടും കൽപ്പിച്ചുള്ള നീക്കം; മദ്യ ലഹരയിൽ രണ്ട് സ്ത്രീകളേയും ലൈംഗികമായി ഉപയോഗിച്ചു; പിന്നെ കൊന്ന് മോഷണം; തെളിവ് നശിപ്പിക്കാൻ നഗ്നയായി കിടത്തി ശരീരത്ത് എണ്ണ തേച്ചു; ഒറ്റയ്ക്ക് താമസിച്ച ജാക്വലിന്റെ കൊലയ്ക്ക് പിന്നിൽ സെക്‌സ് റാക്കറ്റ്; കുടുങ്ങിയത് അജ്മലും മുംതാസും സീനത്തും; ആലപ്പുഴ കൊലപാതകം തെളിഞ്ഞത് ഇങ്ങനെ