അള്ളാഹു അക്ബർ!! - പ്രേ ഫോർ മി ബ്രതർ "!! ഞാൻ മുസ്ലീങ്ങളെ അറിഞ്ഞ വഴികൾ: ജെ എസ് അടൂരിന്റെ ലേഖനം അഞ്ചാം ഭാഗം...
ജെ എസ് അടൂർ
സിയാറലിയോൺ എന്ന പടിഞ്ഞാറെ അഫ്രിക്കൻ രാജ്യത്തിന്റെ തലസ്ഥാനമാണ് ഫ്രീ ടൗൺ. ഫ്രീ ടൗണിൽ നിന്ന് ഏകദേശം അഞ്ചു മണിക്കൂർ യാത്ര ചെയ്തു ആ രാജ്യത്തിന്റെ വടക്കൂള്ള ഒരു ഗ്രാമത്തിൽ ഞാനും എന്റെ നാല് കൂട്ടുകാരും എത്തിയപ്പോൾ വൈകിട്ട് ആറു മണി. എന്റെ കൂടെയുണ്ടായിരുന്നത് എന്റെ ഏറ്റവും അടുത്ത കൂട്ടുകാരനും സഹപ്രവർത്തകനും ആയ ഇറ്റലിക്കാരൻ മാർക്കോ ഡിപോണ്ടേയും പിന്നെ ഞങ്ങളുടെ ലണ്ടൻ ഓഫീസിൽ നിന്നുള്ള ക്ലെയർ മോബിലിയും പിന്നെ ഫ്രീ ടൗൺ ഓഫീസിലെ രണ്ടു പേരും .
കാട്ടു പാതകളില്ലൂടെ ലാൻഡ് റോവറിൽ ആഫ്രിക്കൻ കൊടും കാടുകളെ കണ്ടുള്ള ആ യാത്ര ഇന്നും മനസ്സിൽ പച്ചപ്പായി തങ്ങി നിൽക്കുന്നു . ആ യാത്രയുടെ ഉദ്ദേശം ഞങ്ങളുടെ സംഘടനയുടെ സഹായത്തോടെ ആ പ്രദേശങ്ങളിൽ നടത്തുന്ന മൂന്ന് സ്കൂളുകളും ഹെൽത്ത് കിളിന്ക്കുകളും സന്ദർശിച്ചു അതിന്റെ ഗുണഭോക്താക്കളുമായി ഇടപഴകുക എന്നതായിരുന്നു . ഒരു പഠന സന്ദർശനം .
ഒരു റംസാൻ മാസത്തിലെ യാത്ര വൈകുന്നേരം അവസാനിച്ചത് ഒരു ഗ്രാമത്തിന്റെ ഹൃദയത്തിൽ ആയിരന്നു . ത്രിസന്ധ്യ. അങ്ങോട്ടുള്ള വഴിയിൽ ഞങ്ങൾ അന്ന് തങ്ങാൻ പോകുന്ന ഗ്രാമത്തെ കുറിച്ച് ആ രാജ്യക്കാരായ സഹപ്രവർത്തകർ പറഞ്ഞു തന്നു. മുഴുവനും മുസ്ലീങ്ങൾ വസിക്കുന്ന ഒരു ഗ്രാമമായിരുന്നു അത്. അതും റംസാൻ മാസം. അത്കൊണ്ട് തന്നെ നമ്മൾ ശ്രദ്ധയോടെ ഇടപെടണം.
ഞങ്ങൾ വണ്ടിയിൽ നിന്ന് ഇറങ്ങിയപ്പോഴേക്കും പാട്ടും നൃത്ത ചുവടുകളുമായി അനേക സ്ത്രീകൾ ഞങ്ങളെ വളഞ്ഞു വരവേറ്റു. അവര് കുരവയിട്ട് പാട്ട് പാടി. ഞങ്ങളെ കൈ പിടിച്ചു കൂട്ടത്തിൽ കൊണ്ട് പോയി കൂട്ട നൃത്ത ചുവടുകളിൽ പങ്കാളികളാക്കി.
അവരുടെ നാട്ടിൽ വെളുത്ത നിറമുള്ള യുറോപ്പ്കാരനും തവിട്ടു നിറമുള്ള ഒരു ഇന്ത്യക്കാരനും ആദ്യമായാണ് വന്നത് . ആദ്യ റൗണ്ട് നൃത്ത ഉൽസവങ്ങൾ കഴിഞ്ഞപ്പോൾ അവരുടെ നാട്ടു മൂപ്പൻ ഞങ്ങളെ സ്വീകരിച്ചു കട്ടൻ ചായ തന്നു . നേരം ഇരുളി തുടങ്ങി ഒന്നു രണ്ടു രണ്ടു ശരറാന്തലിന്റെ വെളിച്ചം മാത്രം . അപ്പോൾ ഒരു പത്തു പതിനേഴു വയസ്സുള്ള ഒരു പെൺകുട്ടി മാർക്കൊയുടെ ടീ ഷർട്ട് പുറകിൽ നിന്നും പതിയെ പൊന്തിച്ചു നോക്കി . മാർക്കോ ഇതൊന്നും അറിയുന്നില്ല. ഇരുട്ടായതുകൊണ്ട് അടുത്ത ഇരിക്കുന്ന ഞാനും കൂടെയുള്ള അവിടുത്തെ സഹപ്രവര്ത്തകനും മാത്രം കണ്ടു . അയാൾ അവരുടെ ഭാഷയിൽ പതിയെ അവളോട് കാര്യം തിരക്കി. അവൾ ചിരിച്ചു കൊണ്ട് പറഞ്ഞു ഈ വെള്ളക്കാരന്റെ ദേഹവും വെളുത്തതാണോ എന്ന് നോക്കിയതാണ് .
അന്ന് കപ്പ പുഴിങ്ങിയതും ( കസ്സാവ എന്നവർ പറയും) പിന്നെ അവരുടെ ഒരു പിരട്ടിയ ഭക്ഷണവും കൂടെ നല്ല ഒന്നാന്തരം ആട്ടിറച്ചിയും. അത് കഴിഞ്ഞു വീണ്ടും പാട്ടും നൃത്തവും . ഞാൻ വീണ്ടും കൂടെയുള്ള സഹപ്രവർത്തകനോടു ചോദിച്ചു . 'ഇവർ ശരിക്കും മുസ്ലീങ്ങൾ തന്നെയാണോ' ? 'നൂറു ശതമാനം'
ഇവിടെയും ഞാൻ ഞെട്ടി. ആദ്യമായാണ് ആണുങ്ങളും പെണ്ണുങ്ങളും ഒരിമിച്ചു ഡാൻസ് ചെയ്തു സ്വാതന്ത്ര്യത്തോടെ ഇടപഴകുന്ന മുസ്ലീങ്ങളെ ഞാൻ കണ്ടത്. കാരണം കാബൂളിൽ കണ്ട ഇസ്ലാമും ആ ഗ്രാമത്തിൽ കണ്ട ഇസ്ലാമും തമ്മിൽ കണ്ട വൈരുധ്യം വളരെ വലിയത്ആയിരുന്നു .അന്ന് കാബൂളിൽ സ്ത്രീകൾക്ക് പുരുഷന്മാരോടെ ഇടപെടുന്നതിൽ കടുത്ത നിയന്ത്രണം. മിക്കയിടത്തും അടിമുതൽ മുടി വരെ കറുപ്പ് വസ്ത്രം ധരിച്ചു നടക്കുന്നവർ. റംസാൻ സമയത്ത് ഒരു തുള്ളി വെള്ളം കുടിക്കുവാൻ ഭയമുള്ളവർ.
ഒരിക്കൽ റംസാൻ സമയത്ത് കാബൂളിൽ പോയപ്പോഴാണ് ഒരു സംഘടിത മതം എങ്ങനെ സാധാരണ ആളുകളിൽ ഭീതി ഉണ്ടാക്കുന്നത് എന്ന് മനസ്സിലായി. പൊതുവിൽ ഓഫീസിൽ പോലും ആരും കാണെ റമ്സാൻ സമയത്തു ഒന്നും കഴിക്കാൻ പാടില്ല. എന്റെ ഒരു സഹപ്രവർത്തക ഓഫീസ് ബാത്ത് റൂമിൽ പോയിരുന്നു റൊട്ടി തിന്നുന്നത് കണ്ടു ഞാൻ അതിശയിച്ചിട്ടുണ്ട്. വിദേശികൾ ആയ ഞങ്ങൾ പോലും ഗസ്റ്റ് ഹൗസിൽ പോയി ഒതുക്കത്തിൽ ഭക്ഷണം കഴിച്ചു വരും . അവിടെ നിന്ന് സിയാറ ലിയോൺ ഗ്രാമത്തിലെ റംസാൻ ഉത്സവം വളരെ വേറിട്ടതായിരുന്നു .
എനിക്ക് ഒരു കാര്യം മനസ്സില്ലായി . എല്ലാ മതങ്ങളെ പോലെ ഇസ്ലാം മതം വളരെ വളരെ വൈവിധ്യമായ ഒന്നാണ് . അഫ്രിക്കയിലെ ട്രൈബൽ ഇസ്ലാമും താലിബാൻ മത ഭ്രാന്തും അതുപോലെയുള്ള നൈജീരിയയിലെ ബോകോ ഹറാമും രണ്ടു ധ്രൂവങ്ങളിൽ ആണ് . അന്ന് രാത്രി ഞങ്ങൾ ആ ഗ്രാമത്തിൽ താമസിച്ചത് പലരുടെ ചെറിയ ചെറിയ വീടുകളിൽ ആണ് . നാട്ടു പാതകളിലൂടെ നിലാവിൽ അവരുടെ വീട്ടിലേക്കു ഏതാണ്ട് രാത്രി എട്ടുമണിക്ക് കൂട്ടികൊണ്ട് പോയത് ഒരമ്മയും അവരുടെ ഇരുപതു വയസ്സുള്ള മകനും കൂടെയാണ്. അവരുടെ ഭർത്താവ് മരിച്ചു പോയിരുന്നു .
ആകെ രണ്ടു മുറിയും ഒരു ചെറിയ വരാന്തയും സൈഡിൽ ഒരു അടുക്കളയും മാത്രമുള്ള വീട്. അന്ന് പൂർണ ചന്ദ്രൻ ആയിരുന്നു . നിലാ വെളിച്ചത്തിൽ മരങ്ങളുടെ നടുവിൽ പുല്ലു മേഞ്ഞ തിളങ്ങി നിന്ന വീട് ഒരു സ്വപനം പോലെ തോന്നി. അവരുടെ മകൻ കിടക്കുന്ന മുറി എനിക്ക് തന്നു . ശരറാന്തലിന്റെ വെളിച്ചത്തിൽ എനിക്ക് കൊതുക് വലയും കട്ടിലും കാണാം. ക്ഷീണം കൊണ്ട് ഉറങ്ങി പോയത് അറിഞ്ഞില്ല.
ഞാൻ ഉറക്കം ഉണർന്നത് കാറ്റിനോടൊപ്പം ഒഴുകി വന്ന ഒരു പ്രാർത്ഥന കേട്ടാണ് . ' അള്ളാഹു അകബർ' . പതിഞ്ഞ സ്വരത്തിൽ ഉള്ള പ്രാർത്ഥന സാധാരണ മൈക്ക് ബാങ്ക് വിളി പോലെ അല്ലയായിരുന്നു . 'അള്ളാഹു അക്ബർ ' എന്ന് തുടങ്ങുന്ന ഒരു പ്രാർത്ഥന ഒരു ഇളം കാറ്റ് പോലെ എന്നെ തഴുകി ഉണർത്തി. പതിയെ പതിയെ എല്ലാ വീടുകളിൽ നിന്നും 'അള്ളാഹു അക്ബർ' എന്ന പ്രാർത്ഥന രാവിലെ മരങ്ങളിൽ ഉണർന്നു കിളികൾ പ്രാർത്ഥിക്കുന്ന കിളി പാട്ടുകൾക്കും ഇളം കാറ്റുകൾക്കുമൊപ്പം ഒഴുകി വന്ന ഹൃദയത്തിന്റെ സംഗീതം ആയിരുന്നു. ഓരോ വീടും ഉണർന്നു പ്രാർത്ഥന ചൊല്ലുന്നത് മുറിയാതെ ഒഴുകുന്ന ഒരു ഹൃദയ ഗീതം പോലെ തോന്നി.
ഹൃദയത്തിന്റെ ഉള്ളിൽ തട്ടി ഉണരുന്ന പ്രാർത്ഥന കവിത പോലെ മനോഹരമാണ്. ഉള്ളിൽ തട്ടി പ്രാർത്ഥിക്കുന്ന ഓരോ പ്രാർത്ഥനയും ഓരോ പുതിയ അനുഭവങ്ങൾ ആണ്. അത് ഒരു പുതിയ ഉണർത്തു പാട്ടാണ്. അത് അനുദിനം മനുഷ്യനെ പുതുക്കുന്ന സർഗാത്മകതയുടെ ഗീതമാണ് . എല്ലാ മതത്തിലും മനസ്സു നിറഞ്ഞു ഉള്ളറിഞ്ഞ് മനുഷ്യർ പ്രാർത്ഥിക്കുന്നത് മനസ്സിനെ തണുപ്പിക്കുന്ന പ്രത്യാശാ സ്തുതികൾ ആണ്. ഒരു നിശ്വാസമാണ്. ആശ്വാസമാണ് . ആശയാണ്. അതുകൊണ്ട് തന്നെ അത് ഒരു വ്യക്തിയുടെ അനുഭവ തലങ്ങൾ ആണ് . അതിനെ യുക്തി കൊണ്ട് വിശ്ലേഷണം ചെയ്തു അതിന്റെ സയന്ടിഫിക് സാധുത അളന്നിട്ടു കാര്യം ഒന്നുമില്ല. കാരണം ഓരോ വ്യക്തിയുടെയും അനുഭവ തലങ്ങൾ അതുല്യ മായിരിക്കും .
ഇൻഡോനേഷ്യയാണ് ലോകത്ത് ഏറ്റവും കൂടുതൽ മുസ്ലീങ്ങൾ ഉള്ള രാജ്യം. ലോകത്തെ വലിയ ഹിന്ദു അമ്പലങ്ങൾ സംരക്ഷിക്കുന്നത് അവിടുത്തെ മുസ്ലീങ്ങൾ തന്നെയാണ് . യോഗ് ജക്കാർത്തയിലെ വലിയ ബ്രംമ്മ ക്ഷേത്രത്തിന്റെ വിശാല അങ്കണത്തിൽ ആണ് ഞാൻ രാമായണത്തിന്റെ ഏറ്റവും നല്ല പെർഫോർമൻസ് കണ്ടത് . അതിൽ രാമനായും, സീതയായും , ഹനുമാനായും രാവണനായും അഭിനക്കുന്നത് ജാവയിലെ മുസ്ലിം സഹോദരങ്ങൾ തന്നെയാണ്. ഏതാണ്ട് 87.5% മുസ്ലീങ്ങൾ താമസിക്കുന്ന ഈ രാജ്യത്തു എല്ലാ മതങ്ങൾക്കും സ്വാതന്ത്ര്യം ഉണ്ട് . അവിടെയുള്ള ഏറ്റവും വലിയ സുപ്പർ മാർക്കെട്ടുകളിൽ ഒന്നിന്റെ പേര് രാമായണ ' എന്നാണ്.ഒദ്യോഗിക വിമാനം ' ഗരുഡ'. അത് ഒരു ജനാധിപത്യ രാജ്യമാണ് . അവിടെയുള്ള മുസ്ലിം സ്ത്രീകൾക്ക് ശാന്തി എന്നും , പുഷ്പ എന്നും പർവതി എന്നും പേരുണ്ട്. രണ്ടു യുനിവേർസിറ്റികളുടെ എംബ്ലം ഗണേശ് ആണ് .
ഇന്തോനേഷ്യയിലെ ഇസ്ലാം അഫ്ഗാനിസ്ഥാനിലെയോ , പാക്കിസ്ഥാനിലെയോ , സിയറി ലോണിലെയോ ഇസ്ലാം അല്ല.അത് ഹിന്ദു ബുദ്ധ മത സംസ്കാരങ്ങളുടെ ഒരു കൂട്ട് ചേരുവയാണ്. ഇന്ന് യുദ്ധം കീറി മുറിച്ച ബാഗ്ദാദിൽ ഒരിക്കൽ തലയെടുപ്പോടെ നിന്ന ഓർത്തോഡോക്സ് പള്ളിയിൽ പോയി ഞാൻ പണ്ടൊരിക്കൽ പ്രാർത്ഥിച്ചിട്ടുണ്ട് . ഞാൻ കണ്ട ഏറ്റവും കഴിവും പ്രാപ്തിയും ഉള്ള സ്ത്രീകളിൽ പലരെയും കണ്ടത് ഇറാനിൽ ആണ്. ലോകത്ത് ഇന്ന് നിലനിക്കുന്ന മാർകെറ്റ്കളിൽ ഏറ്റവും പഴയത് കെയ്റോയിലാണ് ഒമ്പതാം നൂറ്റാണ്ട് മുതൽ അതവിടെ ഉണ്ട് . അവിടെ രാത്രി പത്തു മണിക്ക് സ്ത്രീകൾ യധേഷട്ടം പല വേഷത്തിൽ ജീൻസും ടോപ്പും , പർദയും ഇട്ടു നടക്കുന്നതും ഞാൻ കണ്ടിട്ടുണ്ട് . ഇസ്റ്റാന്മ്പു ളിലെ സോഫിയ പള്ളിയിൽ നിന്ന് ക്രിസ്തീയ ചുവർ ചിത്രങ്ങൾ ഒന്നും മായിച്ചിട്ടില്ല. ഒട്ടോമാൻ തുർക്കുകൾ നൂറു കണക്കിന് വര്ഷം ഭരിച്ചിട്ടും . ബംഗ്ലാദേശിലെയും പാക്കിസ്ഥാനിലെയും മുസ്ലീങ്ങളുടെ സ്ഥിതി ഒന്നല്ല . പലതാണ്.
ചുരുക്കത്തിൽ എല്ലാ മതങ്ങളെ പോലെ ഇസ്ലാം മതം പ്രയോഗിക്കപ്പെടുന്നത് വളരെ വൈവിധ്യത്തോടെയാണ് . അതിന്റെ സംസ്കാരവും തിയോളജിയും , വിഭാഗങ്ങളും ഉപവിഭാഗങ്ങളും വളരെ വ്യതസ്തമാണ്. ഇന്ത്യയിലും അതു തന്നെ സ്ഥിതി . സുന്നി ഷിയാ വ്യതാസം മാത്രമല്ല. അതിനുള്ളിലും വെളിയിലുമായി ഒരു പാടു അവാന്തര വിഭാഗങ്ങൾ ഉണ്ട് . ഈ വൈവിദ്ധ്യം മനസ്സിലാക്കാതെ അഫ്ഗാനിസ്താനിലും, പാക്കിസ്ഥാനിലും സൗദിയിലും കാണുന്നത് മാത്രാണ് ഇസ്ലാം എന്ന് ധരിക്കുന്ന അനേകം പേർ ലോകത്തിൽ എല്ലായിടത്തും ഉണ്ട് .ഈ വൈവിധ്യങ്ങളെ കാണാതെ താലിബാൻ ഭ്രാന്തും ഭീകര ആക്രമണങ്ങളും കണ്ടു വളർന്ന ഇസല്മോ ഫോബിയ ഇന്ന് മിക്ക രാജ്യങ്ങളിലും ഒരു വാസ്തവമാണ് . അത് ഏറ്റവും കൂടുതൽ പലപ്പോഴും കണ്ടിട്ടുള്ളത് യുറോപ്പിൽ ആണ് .
മതങ്ങളുടെ വളരെ വലിയ വൈവിധ്യങ്ങൾ മനസ്സിലാക്കാതെ അവയെ ലളിത സാമന്യവല്ക്കരിക്കപ്പെടുമ്പോൾ പല തെറ്റി ധാരണകൾ ഉണ്ടാകാം .ഏറ്റവും വൈവിധ്യം ഉള്ള മതമാണ് ഹിന്ദു മതവും ക്രിസ്തീയ മതവും, ബുദ്ധ മതവും. അത് പോലെ തന്നെ വളരെ വൈവിദ്ധ്യം ഉള്ള മതമാണ് ഇസ്ലാം മതവും. യൂറോപ്യൻ ക്രിസ്തീയ സംസ്കാരവും കേരളത്തിലെ ക്രിസ്തീയ സംസ്കാരവും രണ്ടും രണ്ടാണ്. യുറോപ്പിലെ ക്രിസ്തീയ സംസ്കാരത്തെക്കാൾ എനിക്ക് അടുപ്പം തോന്നുന്നത് കേരളത്തിലെയും ഇന്ത്യയിലെയും ഹിന്ദു സംസ്ക്കരാത്തോടെയാണ് . അതിനു കാരണം ഞാൻ വളർന്ന സാഹചര്യങ്ങൾ യുറോപ്പ്യൻ ക്രിസ്തീയ സംസ്കാരത്തിൽ നിന്നും വ്യത്യസ്തമാണ്. എന്റെ രുചി ഭേദങ്ങളും അനുഭവ തലങ്ങളും രൂപപെട്ടത് ഇന്ത്യയിൽ ആണ്. ഇന്തോനേഷ്യയിലെയും ഇന്ത്യയിലെ മുസ്ലീങ്ങളെ ഇന്ത്യൻ ഹൈന്ദവ സംസ്ക്കാരം പല തരത്തിൽ ബാധിച്ചിട്ടുണ്ട് .
എ ആർ റഹമാന്റെ കഥ കൂടി പറഞ്ഞു അവസാനിപ്പിക്കാം. 2005 ജനുവരിയിലാണ് ഞാൻ എ ആർ റഹ്മാനെ ലണ്ടനിൽ വച്ച് കണ്ടത്. ഇപ്പോൾ ആംനെസ്റ്റി ഇന്ടർ നാഷണനലിന്റെ സെക്രട്ടറി ജനറലും എന്റെ അടുത്ത കൂട്ടുകാരനമായ സലീൽ ഷെട്ടിയോടൊപ്പം .അന്ന് റഹ്മാൻ ബോംബെ ഡ്രീമ്സ് എന്ന മ്യുസിക്കലിന്റെ സംഗീത സംവിധാനത്തിന് എത്തിയതായിരുന്നു. അന്ന് ഞാൻ ഗ്ലോബൽ കാൾ ടു ആക്ഷൻ ഏഗെനിസ്സ്റ്റ് പോവർട്ടി എന്ന 110 രാജ്യങ്ങളെ പങ്കെടുപ്പിച്ചുള്ള കാംമ്പെയിൻ ഗ്ലോബൽ കൊ ചെയർ ആണ് . ഇതിനോടെ അനുബന്ധിച്ച് ഞങ്ങൾ ലോകമാകെ മ്യുസിക് ഫെസ്റ്റിവൽ സംഘടിപ്പിച്ചു. യുറോപ്പിൽ ഇതു നടത്തിയത് ബോണോയും ഗിൽഡോഫും ആണ്. അഫ്രെക്കയിൽ ഘാനയുടെ തലസ്ഥാനമായ അക്രയിലും , ജോഹന്നാസ് ബർഗിലും, പിന്നെ ഡൽഹി , റിയോ എന്നിവടങ്ങളിൽ ആണ് പ്ലാൻ ചെയ്തത് . ഡൽഹിയിൽ അത് ഏ ആർ റഹ്മാൻ നടത്തണം എന്ന് ഞങ്ങൾ അദ്ദേഹത്തോട് ആവശ്യപെട്ടൂ. സന്തോഷത്തോടെ സ്വീകരിക്കുക മാത്രമല്ല. ഒരു പുതിയ പാട്ട് എഴുതാം എന്നും പറഞ്ഞു .
അങ്ങനെ ആ വർഷം സെപ്റ്റമ്പറിൽ ഡൽഹിയിൽ വച്ച് അദ്ദേഹം അതി മനോഹരമായി ആ ഗാനം പാടി.അദ്ദേഹത്തെ ഡൽഹി എയർപോർട്ടിൽ സ്വീകരിക്കുവാൻ ഞാൻ പോയി. അവിടെ നിന്നും അദ്ദേഹം ആദ്യം പോയത് ഡൽഹിയിൽ ഉള്ള ഒരു ദർഗയിൽ പ്രാർത്ഥിക്കുവാനാണ്. റഹ്മാൻ എല്ലാരേയും വിളിക്കുന്നത് ബ്രദർ എന്നാണ്. എന്നിട്ട് ഡ്രൈവറിന്റെ കയ്യിൽ ഒരു ഡിസ്ക് കൊടുത്തിട്ട് ആ പാട്ട് എന്നോട് കേൾക്കുവാൻ അവശ്യപെട്ടു :
' ബ്രതർ , പ്ലീസ് ലിസൻ ടു ദിസ് . ഹോപ് യു വിൽ ലൈക് ഇറ്റ് :
ആ ഗാനം ഇങ്ങെനെയായിരുന്നു :
' പ്രേ ഫോർ മി ബ്രദർ , പ്രേ ഫോർ മി ബ്രദർ '
ഡ്യൂ യു നീഡ് എനി റീസൻ ടു ബി കൈന്റ്റ്'?
പ്രേ ഫോർ മി സിസ്റ്റർ , പ്രേ ഫോർ മി സിസ്റ്റർ '
റഹമാൻ പോവർട്ടി ആന്തം എന്ന് വിളിച്ച ആ ഗാനം ഒരു ലക്ഷം പേരുള്ള സദസ്സിൽ ആദ്യമായി പാടിയപ്പോൾ ഞാൻ അദ്ദേഹത്തോടൊപ്പം ഉണ്ടായിരുന്നു. ഒരു പ്രാർത്ഥന പോലെയാണ് അദ്ദേഹം അത് പാടിയത് . അത് കഴിഞ്ഞു അദ്ദേഹം 'വന്ദേ മാതരം ' പാടി. ഞങ്ങൾ സംഘടിപ്പിച്ച ആ സംഗീത കാമ്പയിന് റഹ്മാൻ ഒരു പൈസ പോലും വാങ്ങിയില്ല. അദ്ദേഹം എന്നോട് പറഞ്ഞു:- ' ബ്രതർ , ഐ നോ വാട്ട് ഡസ് ഇറ്റ് മീൻ ടു ബി ഹന്ഗ്രി' ബിക്കോസ് ഐ ഹാവ് ഏക്സ്പീരിയൻസ്ട് ഇറ്റ് '
റഹ്മാന്ന്റെ മുഴുവൻ പേര് അള്ളാ രഖാ റഹ്മാൻ എന്നാണ് . അദ്ദേഹത്തിനു അതിൻ മുമ്പുണ്ടായിരുന്ന പേര് ദീലീപ് എന്നായിരുന്നു . റഹ്മാനിലൂടെ ഞാനറിഞ്ഞ സൂഫി ധാര ഞാൻ മുൻപ് കണ്ടതി നിന്നും വ്യതസ്തമായിരുന്നു. അത് ഒരു പുതിയ തിരിച്ചറിവ് ആയിരന്നു . ഒരു പുതിയ പ്രാർത്ഥനയുടെ ഉള്ളിൽ തട്ടിയുള്ള കവിതയുടെ അറിവ്.
പ്രേ ഫോർ മി ബ്രദർ , പ്രേ ഫോർ മി സിസ്റ്റർ '
ഡ്യൂ യു നീഡ് എനി റീസൻ ടു ബി കൈന്റ്?
(ഐക്യ രാഷ്ട്ര സഭയിലെ മുതിർന്ന ഉദ്യോഗസ്ഥനായിരുന്ന ജെ എസ് അടൂർ ഇപ്പോൾ ഒരു ഇന്റർനാഷണൽ ഓർഗനൈസെഷന്റെ സീ ഈ ഒയും ഏഷ്യയിലെ പല ഇംഗ്ലീഷ് പത്രങ്ങളിലും സ്ഥിരം എഴുത്തുകാരനും ആണ്.)
(ലേഖനത്തിന്റെ അവസാന ഭാഗം നാളെ...)
Stories you may Like
- കരിക്കിനേത്ത് സിൽക്ക് ഗലേറിയ കൊള്ളയടിച്ച കേസിൽ പ്രതികൾ പിടിയിൽ
- ജോയിന്റ് കൗൺസിൽ നേതാക്കളെ രക്ഷിക്കാൻ മന്ത്രി തലത്തിൽ ഇടപെടൽ
- റവന്യൂവകുപ്പ് കൂടുതൽ സുതാര്യവും അഴിമതി രഹിതവുമായി: ഡെപ്യൂട്ടി സ്പീക്കർ
- കാപ്പാ കേസ് പ്രതിയെ കൊലപ്പെടുത്താൻ ശ്രമം; മൂന്ന് പേർ അറസ്റ്റിൽ
- അടൂർ ഒലീവിയ സിൽക്സിലെ അഞ്ചു വനിതാ ജീവനക്കാർക്കെതിരേ കേസ്
- TODAY
- LAST WEEK
- LAST MONTH
- സൗബിൻ സാഹിറിനെതിരെ മരട് പൊലീസ് ചുമത്തിയത് ഗൗരവതരമുള്ള വകുപ്പുകൾ; മരട് ഇൻസ്പെക്ടർ തയ്യാറാക്കിയ എഫ് ഐ ആറിലേത് അക്കൗണ്ട് വഴി പണം കൈമാറിയിട്ടും വഞ്ചിച്ചെന്ന ആരോപണം; ചുമത്തുന്നത് വഞ്ചനയും ക്രിമിനൽ ഗൂഢാലോചനയും; 'മഞ്ഞുമ്മൽ ബോയ്സ്' അറസ്റ്റിലാകാൻ സാധ്യത ഏറെ; ആ 47 കോടി തിരിച്ചു കൊടുക്കേണ്ടി വരും
- 'പക്ഷെ' കൾക്ക് ഇനി സ്ഥാനമില്ല; ജൂലായിൽ അനധികൃത അഭയാർത്ഥികളുമായുള്ള വിമാനം ബ്രിട്ടനിൽ നിന്നും റുവാണ്ടയിലേക്ക് പറന്നിരിക്കും; പാർലമെന്റിൽ റുവാണ്ട ബിൽ നിയമമാക്കി വീണ്ടും കരുത്ത് തെളിയിച്ച് ഇന്ത്യൻ വംശജനായ പ്രധാനമന്ത്രി ഋഷി സുനക്
- ബ്രിട്ടന്റെ ജയിലുകളിലെ പകുതിയിലേറെ വനിത ഗാർഡുമാരും ജയിൽ പുള്ളികളുമായി അവിഹിത ബന്ധം പുലർത്തുന്നവർ; പുരുഷ തടവുകാരായി ലൈംഗിക ബന്ധം പുലത്തിയതിന്റെ പേരിൽ കഴിഞ്ഞ വർഷം മാത്രം പുറത്താക്കിയത് 18 വനിതാ ജീവനക്കാരെ
- ഡ്രസ്സിങ് റൂമിലേക്ക് കാമറ തിരിച്ചു; ഐപിഎൽ കാമറാമാന് നേരെ വെള്ളക്കുപ്പി എറിയാനോങ്ങി ധോണി; കലിപ്പിന് കാരണം അന്വേഷിച്ച് ആരാധകർ
- ഹോളിവുഡ് പ്രൊഡക്ഷന്റെ ഓഡിഷനിൽ പങ്കെടുത്ത് ഫഹദ് ഫാസിൽ; അവർ എനിക്ക് അഭിനയിക്കാൻ ഒരു സീൻ തന്നു; ആ സീനിനു മുൻപോ അതിനു ശേഷമോ എന്താണെന്ന് അറിയില്ലെന്ന് ഫഹദ്
- ന്യൂനപക്ഷങ്ങൾക്കെതിരേ വസ്തുതാവിരുദ്ധമായി പറയുന്നതെല്ലാം അപ്പാടെ വിശ്വസിച്ച് മതേതരത്വത്തെ തല്ലിക്കൊല്ലുന്ന ആൾക്കൂട്ടമല്ല ഇന്ത്യയിലെ ഭൂരിപക്ഷം; മോദി മുസ്ലിംകൾക്കെതിരെ നടത്തിയത് നിന്ദാപരമായ പ്രസംഗം; പ്രധാനമന്ത്രിയുടെ വിദ്വേഷ പ്രസംഗത്തിനെതിരെ ദീപിക മുഖപ്രസംഗം; ബിജെപിയുടെ വോട്ടു മോഹത്തിന് തിരിച്ചടിയോ ?
- കോവിഡ് വാക്സിൻ എടുത്തനാൾ മുതൽ മറ്റൊരാൾക്ക് കുത്തിവയ്പ്പ് നൽകണമെന്ന് ആഗ്രഹം; ചിന്നമ്മയെ കണ്ടതും റാന്നിയിൽ പോയി സിറിഞ്ച് വാങ്ങിയെത്തി ആഗ്രഹം നടത്തി; കോവിഡ് വാക്സിൻ എന്ന് തെറ്റിധരിപ്പിച്ച് വയോധികയ്ക്ക് കുത്തിവയ്പ് എടുത്തതിൽ ദുരൂഹത; ആ മൊഴി അവിശ്വസനീയം
- ചൊവ്വാഴ്ചയും കമ്മിഷണർ ഓഫീസിലെത്തി; ഉച്ചക്കു മുൻപായി ഓഫീസിലെത്തുകയും ഓൺലൈൻ മീറ്റിങ്ങിൽ പങ്കെടുക്കുകയും ചെയ്തു; ചില ഫയലുകൾ തീർപ്പാക്കിയശേഷം മടങ്ങി; പൂരപ്രേമികൾ നിരാശർ തന്നെ; തൃശൂരിലെ കമ്മീഷണർ അങ്കിത് അശോക് തന്നെ; മാറ്റുമെന്നത് പ്രഖ്യാപനം മാത്രമാകുമ്പോൾ
- മലയാള സിനിമയിൽ വീണ്ടും താരമംഗല്യം! നടൻ ദീപക് പറമ്പോലും നടി അപർണ ദാസും വിവാഹിതരായി; താലികെട്ട് ഗുരുവായൂർ ക്ഷേത്രനടയിൽ; ചടങ്ങിൽ പങ്കെടുത്ത് അടുത്ത സുഹൃത്തുക്കൾ
- വർഷത്തിൽ 12 ദിവസം മദ്യവിൽപ്പന ഇല്ലാതാകുന്നത് ടൂറിസത്തെ ബാധിക്കുമെന്ന് വിലയിരുത്തൽ; എല്ലാമാസവും ഒന്നിനുള്ള ഡ്രൈ ഡേ പിൻവലിച്ചേക്കും; ബാർ മുതലാളിമാർക്ക് കോളടിക്കും വിധം ബിവറേജസ് ഔട്ട് ലെറ്റുകളും ലേലം ചെയ്യും; കാരുണ്യക്കാർക്ക് കഷ്ടകാലം വന്നേക്കും; വരുമാന ചർച്ചകൾ ഇങ്ങനെ
- ഇറാനിൽ ഇസ്രയേലിന്റെ വ്യോമാക്രമണം ഇന്ത്യൻ വിപണിക്ക് ആശങ്കയാകുന്നു; കുതിച്ചുയർന്ന് ക്രൂഡോയിൽ വില; ബാരലിന് 90 ഡോളറിലെത്തി; ഇപ്പോഴത്തെ നിലയിൽ വില 100 ഡോളർ വരെ ഉയർന്നേക്കുമെന്ന് ആശങ്ക; ഇറാൻ-ഇസ്രയേൽ പോര് പശ്ചിമേഷ്യയിലെ സ്ഥിതിഗതികൾ കൂടുതൽ ആശങ്കപ്പെടുത്തുന്നു
- സുഹൃത്തും തന്റെ ഭാര്യയുമായി അവിഹിത ബന്ധം; പകരം സുഹൃത്തിന്റെ ഭാര്യയോട് കിടപ്പറ പങ്കിടാൻ ആവശ്യപ്പെട്ടു; പൊലീസ് കേസും വഴക്കുമായപ്പോൾ ആത്മഹത്യ ചെയ്യാൻ തീരുമാനിച്ച ദമ്പതികളിൽ ഭാര്യ മരിച്ചു; പ്രേരണാക്കുറ്റത്തിന് ഭർത്താവ് അറസ്റ്റിൽ: വെച്ചൂച്ചിറയിൽ നിന്ന് ഞെട്ടിക്കുന്ന കഥ
- പൂരം നാളുകളിൽ വൻകിട ഹോട്ടലുകളിൽ പൊലീസ് സൗജന്യമായി മുറിയെടുത്തു; ഉന്നത ഉദ്യോഗസ്ഥരുടെ പേരുപറഞ്ഞ് ഓരോ ഹോട്ടലിലും രണ്ടും മൂന്നും മുറികൾ സൗജന്യമായി വാങ്ങി; പൂരത്തെ അറിയാവുന്ന ഉദ്യോഗസ്ഥരെ ഡ്യൂട്ടിയിലിൽ നിന്നും മാറ്റി; കമ്മീഷണറുടെ നിലപാടുകൾ സേനയ്ക്ക് കളങ്കമായി; തൃശൂർ പൂരത്തിൽ ഇന്റലിജൻസ് കണ്ടെത്തൽ ഇങ്ങനെ
- അനന്തപുരിയിൽ തരൂർ വീഴുമോ? ആറ്റിങ്ങലിൽ അടൂർ പ്രകാശിന് അടിതെറ്റുമോ? കൊല്ലത്ത് മുകേഷോ, പ്രേമചന്ദ്രനോ? പത്തനംതിട്ട ആർക്ക്? അനിൽ ആന്റണി വോട്ടുയർത്തുമോ; മാവേലിക്കരയിൽ അട്ടിമറിയോ? കേരളം ആർക്കൊപ്പം; 20 മണ്ഡലങ്ങളിലെയും മറുനാടൻ സർവേ ഫലം അറിയാം
- സ്കൂളിൽ പ്രാർത്ഥന വിലക്കിയ നടപടി ശരിവെച്ച് ബ്രിട്ടീഷ് കോടതി; വളരെ മികച്ചതെന്ന റേറ്റിങ് ലഭിച്ച സ്കൂളിനെതിരെ കോടതിയെ സമീപിച്ചത് മുസ്ലിം വിദ്യാർത്ഥിനി; എല്ലാ വിഭാഗങ്ങളെയും ഉൾക്കൊള്ളുന്ന സ്കൂൾ നയത്തിന്റെ വിജയമെന്ന് സ്കൂൾ അധികൃതർ
- ആലപ്പുഴയിലെ 'കനൽത്തരി' അണയുമോ? ചാലക്കുടിയിൽ ട്വന്റി ട്വന്റി വോട്ടുകൾ ആർക്ക് ഭീഷണിയാകും? എറണാകുളത്തും ഇടുക്കിയിലും യുഡിഎഫ് തന്നെയോ? കോട്ടയത്ത് വിജയിക്കുക ഏത് കേരളാ കോൺഗ്രസ്? മറുനാടൻ സർവേ മൂന്നാംഘട്ട ഫലം അറിയാം..
- മുഖ്യമന്ത്രിക്ക് ഇരിക്കാൻ സ്ഥാപിച്ച അരലക്ഷം വിലയുള്ള കറങ്ങുന്ന കസേരയുള്ള സീറ്റ് ഇളക്കിമാറ്റി; വി.വി.ഐ.പി. പരിവേഷത്തിൽ കേരളം കറങ്ങിയ നവകേരള ബസ് ഇപ്പോൾ ആർക്കും വേണ്ടാതെ വെറുതേ കിടക്കുന്നു; ഗതാഗത മന്ത്രി മാറിയതോടെ താൽപ്പര്യം കുറഞ്ഞു; ടൂറിസം ആവശ്യത്തിനും വിട്ടുനൽകാതെ 1.15 കോടി രൂപ മുടക്കി വാങ്ങിയ ബസ്
- ഇസ്രയേൽ ഇറാന് ശക്തമായ തിരിച്ചടി നൽകിയത് ഒരീച്ച പോലും അറിയാതെ; മിസൈലുകളും ഡ്രോണുകളും റഷ്യൻ നിർമ്മിത എസ്-300 സംവിധാനത്തെ തകർത്തു; ആക്രമണം ഇറാൻ വ്യോമ പ്രതിരോധ സംവിധാനത്തെ പൂർണമായി കബളിപ്പിച്ചുകൊണ്ട്; ആക്രമണം നടന്നയിടത്ത് പൊടി പൊലുമില്ല കണ്ടുപിടിക്കാൻ
- ഇന്ത്യയിൽ നിന്നും യുകെയിലേക്ക് കെയറർ വിസയിൽ തൊഴിലാളികൾ എത്തുന്നതിൽ ആശങ്കയുമായി ലോകാരോഗ്യ സംഘടന; കെയർ ഹോമുകളിൽ ഗുണനിലവാരമില്ലാത്ത സേവനത്തിനു സാധ്യതയെന്ന് ഓക്സ്ഫോർഡ് യൂണിവേഴ്സിറ്റി മുന്നറിയിപ്പും; ഇന്ത്യക്കാർക്ക് വിസ നിഷേധിക്കാൻ മറ്റൊരു കാരണം കൂടി
- ഇറാൻ പ്രകോപനത്തിന് തിരിച്ചടിയുമായി ഇസ്രയേൽ; ഇറാന്റെ വടക്കൻ നഗരമായ ഇസ്ഫഹാനിലെ വിമാനത്താവളത്തിന് മിസൈൽ ആക്രമണം നടത്തി ഇസ്രയേൽ; ആക്രമണത്തിന പിന്നാലെ ഇറാനിൽ വിമാന സർവീസുകൾ പൂർണായും നിർത്തിവെച്ചു; ഇസ്രയേൽ ആക്രമണം അമേരിക്കയെ അറിയിച്ച ശേഷം
- ഒരു ജൂനിയർ പറയാൻ പാടില്ലാത്ത കഥകളാണ് ശ്രീനിയുടെ മകൻ പറഞ്ഞതെന്ന് മുകേഷ്; എന്നാൽ അത് ധ്യാൻ തന്നെയാകുമെന്ന് ആരാധകർ
- ആടുജീവിതം ഇസ്ലാമോഫോബിയ പരത്തുന്ന ചിത്രമോ? നോവലിന്റെ അറബിപതിപ്പ് യുഎഇയിലും സൗദിയിലും നിരോധിച്ചത് 2014ൽ; ഇപ്പോൾ സിനിമക്കും യുഎഇ ഒഴികെയുള്ള ഗൾഫ് രാജ്യങ്ങളിൽ പ്രദർശനാനുമതിയില്ല; കേരളത്തിലെ യുക്തിവാദികൾക്കിടയിലും ചർച്ച; ആടുജീവിതം വിവാദമാവുമ്പോൾ
- അനുജയുമൊന്നിച്ച് കാർ തടിലോറിയിലേക്ക് ഇടിച്ചു കയറ്റി ഹാഷിം ജീവനൊടുക്കിയെന്ന് സഹ അദ്ധ്യാപകരുടെയും ബന്ധുക്കളുടെയും മൊഴി; അടൂരിനെ നടുക്കിയ അപകടം; സ്കൂൾ അദ്ധ്യാപികയെയും കൂട്ടി സ്വകാര്യ ബസ് ഡ്രൈവർ ആത്മഹത്യ ചെയ്തതെന്ന് സൂചന; സ്വിഫ്ട് ഡിസയർ കാർ ഓടിച്ചു കയറ്റിയത് കണ്ടെയ്നർ ലോറിയിലേക്ക്: സംഭവം കെപി റോഡിൽ പട്ടാഴമുക്കിൽ
- കള്ളി എന്നതാണ് ഇപ്പോഴത്തെ മേൽവിലാസം.. കള്ളിയുടെ അച്ഛൻ എന്ന മേൽവിലാസവും കൊണ്ട് ആണ് 2 മാസം മുമ്പ് അച്ഛൻ മരിച്ചുപോയത്; കൂടെ ഉണ്ടായിരുന്നവരൊന്നും കൂട്ടുന്നില്ല; ഉറങ്ങിയിട്ട് വർഷം ഒന്നാകാറായി; വിദ്യ വിജയന്റെ കുറിപ്പ്
- റഷ്യയിലെ ഭീകരാക്രമണത്തിൽ പിടികൂടിയ ഐസിസ് ഭീകരർ നേരിടാൻ പോകുന്നത് റഷ്യൻ പൊലീസിന്റെ സമാനതകളില്ലാത്ത മർദ്ദനമുറകൾ; ചെവിമുറിച്ച് സ്വയം ഭക്ഷിക്കുവാൻ കൊടുത്തതിന് പുറമെ വൈദ്യുതാഘാതവും വസ്ത്രമൂരി അടിയും; മരിച്ചാൽ ബന്ധുക്കൾക്ക് ശരീരം വിട്ടു നൽകുന്നത് ആന്തരികാവയവങ്ങൾ നീക്കിയ ശേഷം
- പിറന്നാളിന് വാങ്ങിയത് ഓൺലൈനിൽ ഓർഡൽ ചെയ്ത കേക്ക്; ഭക്ഷ്യവിഷബാധയേറ്റ് പത്തു വയസ്സുകാരിക്ക് ദാരുണാന്ത്യം: പിറന്നാൾ പിറ്റേന്ന് ദാരുണമായി മരിച്ചത് പത്തു വയസ്സുകാരി മൻവി
- സിനിമയുടെയും ആത്മാവായ ആ സീൻ സെൻസർ ബോർഡ് വെട്ടിമാറ്റിയെന്ന് ബെന്യാമിൻ; ഷൂട്ട് ചെയ്തിട്ടില്ലെന്ന് ബ്ലെസി; അങ്ങനെ ഒന്ന് ഉണ്ടായിട്ടില്ലെന്നും എഴുത്തുകാരൻ ചേർത്തതാണെന്നും നജീബ്; ആടുമായി നജീബ് ലൈംഗിക ബന്ധത്തിൽ ഏർപ്പെടുന്ന രംഗത്തിന് എന്താണ് സംഭവിച്ചത്?
- ഇറാനിൽ ഇസ്രയേലിന്റെ വ്യോമാക്രമണം ഇന്ത്യൻ വിപണിക്ക് ആശങ്കയാകുന്നു; കുതിച്ചുയർന്ന് ക്രൂഡോയിൽ വില; ബാരലിന് 90 ഡോളറിലെത്തി; ഇപ്പോഴത്തെ നിലയിൽ വില 100 ഡോളർ വരെ ഉയർന്നേക്കുമെന്ന് ആശങ്ക; ഇറാൻ-ഇസ്രയേൽ പോര് പശ്ചിമേഷ്യയിലെ സ്ഥിതിഗതികൾ കൂടുതൽ ആശങ്കപ്പെടുത്തുന്നു
- കാസർകോട് ഇടതുമുന്നണി തിരിച്ചുപിടിക്കുമോ? കണ്ണൂരിൽ സുധാകരൻ വീഴുമോ? വടകരയിൽ ഷാഫിയോ ശൈലജയോ? കോഴിക്കോട് രാഘവേട്ടനോ, കരീംക്കയോ? രാഹുൽഗാന്ധി മാജിക്ക് ആവർത്തിക്കുമോ? എൻഡിഎ വോട്ട് ഉയർത്തുമോ? മറുനാടൻ മലയാളി ഇലക്ഷൻ സർവേയുടെ ആദ്യഘട്ട ഫലം അറിയാം
- പേരാമ്പ്രയിൽ അദ്ധ്യാപകൻ മരിച്ച നിലയിൽ; വീട്ടിലെ മുറിയിൽ മരിച്ച നിലയിൽ കണ്ടെത്തിയത് സിദ്ധാർഥന്റെ മരണവുമായി ബന്ധപ്പെട്ട കേസിലെ 11ാം പ്രതിയുടെ പിതാവ്
Readers Comments+
മലയാളത്തിൽ ടൈപ്പ് ചെയ്യാൻ ഇവിടെ ക്ലിക്ക് ചെയ്യുകകമന്റ് ബോക്സില് വരുന്ന അഭിപ്രായങ്ങള് മറുനാടന് മലയാളിയുടേത് അല്ല. മാന്യമായ ഭാഷയില് വിയോജിക്കാനും തെറ്റുകള് ചൂണ്ടി കാട്ടാനും അനുവദിക്കുമ്പോഴും മറുനാടനെ മനഃപൂര്വ്വം അധിക്ഷേപിക്കാന് ശ്രമിക്കുന്നവരെയും അശ്ലീലം ഉപയോഗിക്കുന്നവരെയും മറ്റു മലയാളം ഓണ്ലൈന് ലിങ്കുകള് പോസ്റ്റ് ചെയ്യുന്നവരെയും മതവൈരം തീര്ക്കുന്നവരെയും മുന്നറിയിപ്പ് ഇല്ലാതെ ബ്ലോക്ക് ചെയ്യുന്നതാണ് - എഡിറ്റര്