1 usd = 75.52 inr 1 gbp = 93.22 inr 1 eur = 83.87 inr 1 aed = 20.56 inr 1 sar = 20.11 inr 1 kwd = 245.06 inr

May / 2020
31
Sunday

12 ശതമാനം പ്രതീക്ഷിച്ചിരുന്ന ടൂറിസം വളർച്ചാ നിരക്ക് ആറര ശതമാനമായി കൂപ്പുകുത്തി; വിറ്റുപോയത് 11,577 കോടിയുടെ മദ്യം; മയക്കുമരുന്നു കേസുകൾ നാലിരട്ടിയിലേറെ കൂടി; ബാറുകൾ പൂട്ടിയശേഷമുണ്ടായ 'പുരോഗതികളും' മലയാളിയെ മുഴുക്കുടിയനാക്കിയ കള്ളക്കണക്കുകളും ഇങ്ങനെ

August 20, 2016 | 04:20 PM IST | Permalink



12 ശതമാനം പ്രതീക്ഷിച്ചിരുന്ന ടൂറിസം വളർച്ചാ നിരക്ക് ആറര ശതമാനമായി കൂപ്പുകുത്തി; വിറ്റുപോയത് 11,577 കോടിയുടെ മദ്യം; മയക്കുമരുന്നു കേസുകൾ നാലിരട്ടിയിലേറെ കൂടി; ബാറുകൾ പൂട്ടിയശേഷമുണ്ടായ 'പുരോഗതികളും' മലയാളിയെ മുഴുക്കുടിയനാക്കിയ കള്ളക്കണക്കുകളും ഇങ്ങനെ

കേരളം കഴിഞ്ഞ രണ്ട് വർഷങ്ങളിൽ ഏറ്റവും കൂടുതൽ ചർച്ച ചെയ്ത വിഷയമായിരുന്നു മദ്യനയം. കഴിഞ്ഞ നിയമസഭ തിരഞ്ഞെടുപ്പിലും, അതിന് ശേഷം പിണറായി വിജയൻ മുഖ്യമന്ത്രിയായി അധികാരമേറ്റ ഉടൻ തന്നെയും നിലവിലുള്ള മദ്യനയം കാലോചിതമായി പരിഷ്‌കരിക്കുമെന്നും, മദ്യ നിരോധനമില്ല, മദ്യ വർജ്ജനമാണ് ഇടതുപക്ഷ സർക്കാരിന്റെ നിലപാടെന്നും പറയുകയും ചെയ്തു.

ആദ്യ നിയമസഭാ സമ്മേളനത്തിലെ ഗവർണറുടെ നയ പ്രഖ്യാപനത്തിൽതന്നെ ഇത് അസന്നിഗ്ദമായി പറയുകയും ചെയ്തു. സിപിഐ സെക്രട്ടറി കാനം രാജേന്ദ്രനും പാർട്ടി നിലപാട് വ്യക്തമാക്കി കഴിഞ്ഞു.

കേരളത്തിലെ ടൂറിസം വ്യവസായത്തെ മദ്യ നിരോധനം ശരിക്കും ബാധിച്ചു എന്ന് കഴിഞ്ഞ സർക്കാരിന്റെ പ്ലാനിങ് ബോർഡ് നിയമിച്ച കമ്മിറ്റിയുടെ റിപ്പോർട്ടും, ഈ സർക്കാർ അധികാരത്തിൽ വന്ന ശേഷം ടൂറിസം വകുപ്പ് നടത്തിയ പഠനവും ശരിവച്ചു. അതേസമയം തന്നെ, മദ്യ നിരോധനത്തിന് ശേഷം കേരളത്തിലെ മദ്യ വിൽപ്പന കൂടുകയാണ് ചെയ്തതെന്ന്, അടുത്തിടെ പുറത്തുവന്ന സർക്കാർ കണക്കുകൾ തന്നെ പറയുന്നു.

കേരളത്തിലെ മദ്യനയം വീണ്ടും ചർച്ചയാകപ്പെടുന്ന അവസ്ഥയാണ് കഴിഞ്ഞ ദിവസങ്ങളിൽ കാണപ്പെട്ടത്. ഈ അവസരത്തിൽ മലയാളി സമൂഹം ഇത് വരെ മനസ്സിലാക്കാത്ത ചില കള്ളകണക്കുകളുടെ സത്യാവസ്ഥയിലേക്ക് ഒന്നെത്തി നോക്കുന്നത് നന്നായിരിക്കും.

മദ്യ നിരോധനവും ടൂറിസവും

ഇന്ന് ഏകദേശം 1 ലക്ഷം കോടി മുതൽ മുടക്കും, 15 ലക്ഷം പേർ നേരിട്ടും മറ്റൊരു 10 ;ലക്ഷം പേർ പരോക്ഷമായും ജോലി ചെയ്യുന്ന, കേരളത്തിന്റെ മൊത്തം അഭ്യന്തര ഉൽപാദനതിന്റെ 11 ശതമാനത്തോളം നേടിത്തരുന്ന നമ്മുടെ സംസ്ഥാനത്തിന്റെ ഏറ്റവും വലിയ സേവന വ്യവസായ മേഖലയായി ടൂറിസം മേഖല വളർന്നുകഴിഞ്ഞു. സംസ്ഥാന സർക്കാരിന്റെ കഴിഞ്ഞ വർഷത്തെ ഔദ്യോഗിക കണക്കുകൾ പ്രകാരം 26689.63 കോടി രൂപയാണ് 2015 ൽ കേരളം ടൂറിസം വഴി നേടിയത്. അതിൽ 6,949.88 കോടി രൂപ വിദേശ നാണയയിനത്തിൽ ഉള്ള വരുമാനമാണ്.

1,16,95,411 സ്വദേശ സഞ്ചാരികളും, 9,77,479 വിദേശ വിനോദ സഞ്ചാരികളും കഴിഞ്ഞ വർഷം ദൈവത്തിന്റെ സ്വന്തം നാട്ടിലെ കാഴ്ചകൾ കാണാനെത്തി. 2005 മുതൽ 2020 വരെ കേരളത്തിന്റെ ഈ രംഗത്തുള്ള വളർച്ചയുടെ തോത് 10 മുതൽ 12 ശതമാനം വരെ ആയിരിക്കുമെന്നാണ് വേൾഡ് ട്രാവൽ ആൻഡ് ടൂറിസം കൗൺസിൽ വിലയിരുത്തിയിരുന്നത്. കഴിഞ്ഞ വർഷം വരെ ആ വളർച്ചാ നിരക്കിൽ വലിയ വ്യത്യാസമില്ലാതെ നാം മുന്നേറുകയും ചെയ്തു. പക്ഷെ ഉമ്മൻ ചാണ്ടി സർക്കാരിന്റെ വികലമായ മദ്യനയത്തിലൂടെ കേരളത്തിലെ 740 ബാറുകൾ പൂട്ടിയത് മൂലം കേരളത്തിലെ ടൂറിസം രംഗം അതിന്റെ ഏറ്റവും വലിയ തളർച്ച നേരിട്ടു. കഴിഞ്ഞ വർഷം ടൂറിസം രംഗത്തെ വളർച്ചാ നിരക്ക് 6.59 ശതമാനത്തിലേക്ക് മൂക്കുകുത്തി.

ഇതിന് പ്രധാന കാരണം കേരളത്തിലെ മൊത്തം ടൂറിസം വരുമാനത്തിന്റെ ഏകദേശം 25% വരുന്നത് വിവിധ ഹോട്ടലുകളിൽ നടക്കുന്ന മീറ്റിങ്, കൺവെൻഷൻ, ഗ്രൂപ്പ് ടൂർ, എക്‌സിബിഷൻ എന്നിവക്കായി വരുന്ന ബിസിനസ് ട്രാവലർ, കോർപ്പറേറ്റ് മേധാവികൾ എന്നിവരിലൂടെയാണ്.
പകൽ മുഴുവൻ മീറ്റിങ്, ചർച്ചകൾ എന്നിവയ്ക്ക് ശേഷം രാത്രികളിൽ ഭൂരിപക്ഷം പേരും ഭക്ഷണത്തോടൊപ്പം മദ്യം ആവശ്യപ്പെടും. പ്രത്യേകിച്ചും മുംബൈ, ഡൽഹി, ഗുജറാത്ത്, പഞ്ചാബ് തുടങ്ങിയ സ്ഥലങ്ങളിൽ നിന്നും വരുന്നവർ.

ബാർ ഹോട്ടൽ അടച്ചപ്പോൾ ഈ ബിസിനസ് മുഴുവൻ അയൽ സംസ്ഥാനങ്ങളിലേക്കും, ശ്രീലങ്ക തുടങ്ങിയ അയൽ രാജ്യങ്ങളിലേക്കും പോയി. അത് വഴി കഴിഞ്ഞ സാമ്പത്തിക വർഷം കോവളം,കൊച്ചി, കുമരകം തുടങ്ങിയ സ്ഥലങ്ങളിലെ ഹോട്ടൽ റിസോർട്ടുകൾക്ക് ഉണ്ടായ നഷ്ടം മാത്രം 1000 കോടി രൂപയിൽ അധികം വരും. വിദേശ ടൂറിസ്റ്റുകളെ ഈ നിയന്ത്രണം കാര്യമായി ബാധിച്ചില്ല. കാരണം അവർ് ബിയർ വൈൻ എന്നിവ കൊണ്ട് തൃപ്തരാണ്. എന്നാൽ അഭ്യന്തര ടൂറിസം രംഗത്തെ അത് വലിയ തോതിൽ ബാധിച്ചു. കേരളത്തിൽ മദ്യം തന്നെ കിട്ടില്ല എന്ന പ്രചരണം ഉത്തരേന്ത്യയിൽ നിന്നുള്ള സഞ്ചാരികളുടെ ഒഴുക്കിന് തടസ്സമായി.

വാസ്തവത്തിൽ കേരളത്തിൽ സമ്പൂർണ മദ്യ നിരോധനം ഉണ്ടായിരുന്നില്ല. നല്ല നിലയിൽ ടൂറിസം ആവശ്യത്തിന് മാത്രം പ്രവർത്തിച്ചിരുന്ന ത്രീസ്റ്റാർ മുതൽ ഫൈവ് സ്റ്റാർ ഡിലക്‌സ് വരെയുള്ള സകലമാന ഹോട്ടൽ റിസോർട്ട് ബാറുകളും മോശം നിലയിൽ കച്ചവടം നടത്തിയിരുന്ന ബാറുകളുടെ കൂട്ടത്തിൽ അടച്ചു പൂട്ടി. അതെ സമയം സർക്കാർ ഉടമസ്ഥതയിൽ ഉള്ള ബീവറേജസ് കോർപറേഷൻ ഔട്ട് ലെറ്റ് വഴി കേരളം മുഴുവൻ മദ്യം ഒഴുക്കുന്ന അവസ്ഥയാണ് ഉണ്ടായിരുന്നത്. ജനങ്ങൾ സ്വസ്ഥമായി ഇരുന്ന് മദ്യം കഴിച്ചിരുന്നത് മാത്രമാണ് നിർത്തലാക്കിയത് .

മദ്യ വിൽപ്പനയും, മയക്കു മരുന്ന് കേസുകളും കൂടി

കേരളത്തിൽ മദ്യ നിരോധനം എന്ന പേരിൽ ബാറുകൾ അടച്ചു പൂട്ടിയപ്പോൾ സംഭവിച്ചത് എന്താണെന്ന് പരിശോധിക്കുമ്പോൾ ഒരു കാര്യം വ്യക്തമാകും. യഥാർത്ഥത്തിൽ ഇവിടെ മദ്യ ഉപഭോഗം കുറയുകയല്ല ചെയ്തത്. അത് പതിൻ മടങ്ങ് കൂടുകയാണ് ഉണ്ടായത്. വീര്യം കൂടിയ ഇന്ത്യൻ നിർമ്മിത വിദേശ മദ്യങ്ങളുടെ വിൽപ്പനയിൽ 2015-16 സാമ്പത്തിക വർഷത്തിൽ 9% മാത്രം കുറവുണ്ടായപ്പോൾ ബിയർ വിൽപ്പനയിൽ ഇതുവരെ കേരളം കണ്ടിട്ടില്ലാത്ത വളർച്ച നിരക്കായ 61% ത്തിലേക്ക് ഉയരുകയാണ് ചെയ്തത്.

11,577.29 കോടി രൂപയുടെ മദ്യമാണ് കഴിഞ്ഞ സാമ്പത്തിക വർഷം കേരളത്തിൽ വിറ്റഴിച്ചത്. അതുവഴി സർക്കാർ ഖജനാവിലേക്ക് നികുതി ഇനത്തിൽ 9787.05 കോടി മുതൽക്കൂട്ടായി. മദ്യ നിരോധനം വരുന്നതിന് മുൻപ് ഇത് യഥാക്രമം 9,353.74 കോടിരൂപയും, 7,577.77 കോടി രൂപയുമായിരുന്നു.കേരളത്തിൽ നിലവിലെ കണക്കനുസരിച്ച് സംസ്ഥാനത്തിന്റെ മൊത്ത വരുമാനത്തിന്റെ ഏകദേശം 22% ലഭിക്കുന്നത് മദ്യ വിൽപ്പനയിലൂടെ ആണ് നമ്മുടെ അയൽ സംസ്ഥാനമായ തമിഴ്‌നാട്ടിലെ മദ്യത്തിൽ നിന്നുള്ള വരുമാനം 25,000 കോടി അടുത്തിരിക്കുന്നു. നമ്മളെക്കാൾ മൂന്നിരട്ടി മദ്യം അവിടെ വിറ്റഴിക്കുന്നു എന്ന് ചുരുക്കം. 

ബാറുകൾ അടച്ചു പൂട്ടിയ 2013ന് മുൻപുവരെ കേരളത്തിൽ ഒരു വർഷം ആകെ രജിസ്റ്റർ ചെയ്യുന്ന മയക്കു മരുന്ന് കേസുകളുടെ എണ്ണം ആയിരത്തിൽ താഴെ ആയിരുന്നു. എന്നാൽ 2015 ൽ, കേരള പൊലീസ് മാത്രം 4105 കേസുകൾ രജിസ്റ്റർ ചെയ്തു. കൂടാതെ എക്‌സൈസ് വകുപ്പ് 1430 കേസുകൾ വേറെയും രജിസ്റ്റർ ചെയ്തു. പിടിയലാവരുടെ എണ്ണത്തിൽ പ്രയപൂർത്തി ആകാത്തവരുടെ എണ്ണത്തിലുള്ള വളർച്ച നിരക്ക് ഭീതിദമാണ്.

അതുപോലെ അബ്കാരി കേസുകളിലെ വൻ വർദ്ധനയും പരിശോധിക്കപ്പെടെണ്ടതാണ്. 2012ൽ 10000 ത്തിൽ താഴെ മാത്രമായിരുന്നു, അത്തരം കേസുകളുടെ എണ്ണം. എന്നാൽ 2014 ൽ അത് 13,676 ആയി. 2015 ആയപ്പോഴേക്കും കേസുകളുടെ എണ്ണം 15,092ഉം ആയി വർദ്ധിച്ചു. കഴിഞ്ഞ വർഷം 10,064 ലിറ്റർ അനധികൃത മദ്യം പിടികൂടിയ സ്ഥാനത്ത്, ഈ വർഷം അത് 38,228 ലിറ്റർ ആയി ഉയർന്നു. ഇത് കൂടാതെ ഒരു ലക്ഷം ലിറ്റർ വാഷും പിടികൂടി. സംസ്ഥാനത്ത് അനധികൃതമായി എത്തുന്ന വ്യാജ മദ്യത്തിന്റെ 30% പോലും പിടികൂടാൻ കഴിയാറില്ല എന്ന് എക്‌സൈസ് വകുപ്പ് തന്നെ സമ്മതിക്കുമ്പോഴാണ് ഇതിന്റെ വ്യാപ്തി മനസിലാകുക.

മദ്യ ഉപഭോഗത്തിന്റെ കണക്കുകൾ, കള്ളക്കളികൾ

മദ്യ നിരോധനവും, മദ്യ വർജ്ജനവും, മദ്യ വ്യാപനവും, മദ്യാസക്തിയുമായി ബന്ധപ്പെട്ട എന്തു കാര്യം പറയുമ്പോഴും എല്ലാവരും കണ്ണടച്ചു പറയുന്ന കാര്യമാണ് മലയാളി ഇന്ത്യയിലെ ഏറ്റവും വലിയ കുടിയന്മാരാണ് എന്ന്. കേരളം ഇന്ത്യയിൽ ഏറ്റവും കൂടുതൽ മദ്യം ഉപഭോഗമുള്ള സംസ്ഥാനമാണ് എന്ന്. വാസ്തവം എന്താണ്? യഥാർത്ഥത്തിൽ ഈ കണക്കുകൾ ശരിയാണോ? ഏത് കണക്കുകളുടെ അടിസ്ഥാനത്തിലാണ് മലയാളിയെ മൊത്തം അപമാനിതരാക്കുന്ന ഇത്തരം കണക്കുകൾ നമ്മുടെ മാദ്ധ്യമങ്ങളും, മത മേലദ്ധ്യക്ഷന്മാരും, ചില രാഷ്ട്രീയക്കാരും വാതോരാതെ പറയുന്നത്?

കേന്ദ്ര സംസ്ഥാന സർക്കാരുകളുടെ വകുപ്പുകളുടെയോ, പൊതു മേഖല സ്ഥാപനങ്ങളുടെയോ കണക്കുകളാണ്, കണക്കുകളുടെ അടിസ്ഥാനത്തിലുള്ള ആധികാരികത ഉറപ്പു വരുത്താനുള്ള ഏറ്റവും എളുപ്പത്തിലുള്ള മാർഗം. അങ്ങനെ ആണെങ്കിൽ ഇതിന് അവലംബിക്കുവാൻ നമ്മുടെ മുന്നിലുള്ള ഏറ്റവും ആധികാരികത ഉള്ള പഠന റിപ്പോർട്ട് കേന്ദ്ര സർക്കാരിന്റെ നേരിട്ടുള്ള നിയന്ത്രണത്തിലുള്ള നാഷണൽ സാംപിൾ സർവ്വേ ഓർഗനൈസേഷൻ എന്ന സ്ഥാപനമാണ്. ഇന്ത്യയിലെ ജനങ്ങളുടെ വിവിധ മേഖലയിലുള്ള സാമൂഹിക, സാമ്പത്തിക, ആരോഗ്യ രംഗത്തെ ഏറ്റവും മികച്ചതും, സത്യസന്ധവുമായ കണക്കുകൾ തയ്യാറാക്കുന്നത് അവരാണ്.

നാഷണൽ സാംപിൾ സർവ്വേ ഓർഗനൈസേഷൻ 2011-2012 വർഷത്തിലാണ് ഇന്ത്യയിലെ മുഴുവൻ സംസ്ഥാനങ്ങളെയും, കേന്ദ്ര ഭരണ പ്രദേശങ്ങളെയും ഉൾപ്പെടുത്തി, വിവിധ തരത്തിലുള്ള ലഹരി പദാർത്ഥങ്ങളുടെ ഉപഭോഗത്തെ സംബന്ധിച്ച ദേശീയ സർവ്വേ നടത്തിയത്. നാടൻ കള്ള്, ചാരായം, ബിയർ, വൈൻ, ലഹരി കൂടിയ ഇന്ത്യൻ നിർമ്മിത വിദേശ മദ്യങ്ങൾ, ബീഡി, സിഗരറ്റുകൾ തുടങ്ങി എല്ലാവിധ ലഹരി പദാർത്ഥങ്ങളെയും കുറിച്ചുള്ള ഏറ്റവും ആധികാരികമായ പഠന റിപ്പോർട്ട് ഇതുവരെ പരിശോധിക്കാൻ, ഉത്തരവാദപ്പെട്ട മുഖ്യധാരാ മാദ്ധ്യമങ്ങളോ, സർക്കാർ ഉദ്യോഗസ്ഥരോ, ഭരണ നേതൃത്വമോ, രാഷ്ട്രീയ നേതാക്കളോ, സാമൂഹ്യ സാംസ്‌കാരിക നായകരോ തയ്യാറായില്ല എന്നത് തികച്ചും പ്രതിഷേധാർഹവും, സങ്കടകരവുമാണ്.

കഴിഞ്ഞ ആറേഴ് വർഷവും മലയാളിയെ ഇന്ത്യയിലെ ഏറ്റവും വലിയ കുടിയനായി ചിത്രീകരിച്ച വാർത്താ ദൃശ്യ മാദ്ധ്യമങ്ങൾ കാട്ടിയ അക്ഷന്തവ്യമായ പിഴവ് ഒരു സംസ്ഥാനത്തെ മുഴുവൻ എത്രമാത്രം അപഹാസ്യരാക്കിയെന്ന് ഈ ലേഖകൻ പറയുന്നില്ല. ഓരോ മലയാളിക്കും പകൽ പോലെ വ്യക്തമായ കാര്യമാണ് ഇത്. ഈ കണക്കുകൾ വിശദമായി പരിശോധിച്ചാൽ നമ്മുടെ കേരളത്തെ കുറിച്ചുള്ള അബദ്ധ ജടിലങ്ങൾ ആയ ആരോപണങ്ങളുടെ മുനയൊടിക്കാൻ നിഷ്പ്രയാസം സാധിക്കും.

അത്തരം റിപ്പോർട്ടുകൾ നമ്മുടെ മുൻപിൽ ലഭ്യമായിരിക്കെ എന്തിനാണ് എല്ലാവരും ഇത്തരം തെറ്റായ ആരോപണങ്ങൾ നിരന്തരം ഉന്നയിക്കുന്നത്. ഇന്ത്യയിലെ ഗ്രാമീണ മേഖലയിലെ ഒരാൾ ഒരാഴ്ച കഴിക്കുന്ന മദ്യത്തിന്റെ ശരാശരി അളവ് 220 മില്ലി ലിറ്ററും വാർഷിക ഉപഭോഗം 11.4 ലിറ്ററുമാണ്. കള്ളാണ് ഏറ്റവും കൂടുതൽ ഇന്ത്യയിൽ ഉപയോഗിക്കുന്ന ലഹരി എങ്കിൽ നാടൻ വാറ്റ് ചാരായമാണ് തൊട്ടടുത്തു നിൽക്കുന്നത്.

എന്നാൽ നഗരത്തിലെ ഒരാൾ കഴിക്കുന്ന മദ്യത്തിന്റെ അളവ് ആഴ്ചയിൽ 96മില്ലി 5 ലിറ്ററും, വാർഷിക ഉപഭോഗം 5 ലിറ്ററുമായാണ് കണക്കാക്കിയിരിക്കുന്നത്. എന്നാൽ നഗരങ്ങളിൽ ചാരായവും, ഇന്ത്യൻ നിർമ്മിത വിദേശ മദ്യവുമാണ് കൂടുതൽ പ്രിയം. അങ്ങനെ ആണെങ്കിൽ ഇന്ത്യയിലെ ഏതു സംസ്ഥാനമായിരിക്കും ഏറ്റവും കൂടുതൽ മദ്യം ഉപയോഗിക്കുന്നത്. കള്ളും, ചാരായവും ഉപയോഗിക്കുന്നവരുടെ മുൻപന്തിയിൽ കേന്ദ്ര ഭരണ പ്രദേശങ്ങൾ ആയ ദാദ്ര ആൻഡ് നഗർ ഹവേലി, ആൻഡമാൻ ആൻഡ് നിക്കോബാർ ദ്വീപുകളും, അരുണാചൽ പ്രദേശുമാണ് ആദ്യ മൂന്ന് സ്ഥാനങ്ങൾ അലങ്കരിക്കുന്നത്.

വലിയ സംസ്ഥാനങ്ങളായ ആന്ധ്ര പ്രദേശ്, തെലുങ്കാന, ആസ്സാം, ജാർഖണ്ഡ്, ബിഹാർ തുടങ്ങിയ സംസ്ഥാനങ്ങൾ എല്ലാം ഇക്കാര്യത്തിൽ നമ്മുടെ കേരളത്തേക്കാൾ മുന്നിലാണ്. നമ്മുടെ സ്ഥാനം അയൽ സംസ്ഥാനമായ കർണാടകക്ക് ഒപ്പം ഏഴാം സ്ഥാനത്താണ്. ബിയറും വൈനും , ഇന്ത്യൻ നിർമ്മിത വിദേശ മദ്യവും കഴിക്കുന്നവരിലും കേന്ദ്ര ഭരണ പ്രദേശങ്ങൾ ആയ ദാമൻ ആൻഡ് ദിയു, ആൻഡമാൻ ആൻഡ് നിക്കോബാർ ദ്വീപുകൾ, ദാദ്ര ആൻഡ് നഗർ ഹവേലി, അരുണാചൽ പ്രദേശ്, സിക്കിം, പുതുച്ചേരി എന്നിവ ഒന്നാം സ്ഥാനം തുല്യമായി പങ്കിടുമ്പോൾ രണ്ടാമത്തെ സ്ഥാനത്തിനായുള്ള മത്സരം ഗോവയും, ആന്ധ്ര പ്രദേശും, തെലുങ്കാനയും ആണ്. മൂന്നാം സ്ഥാനത്തിനായി നമ്മുടെ കൊച്ചു കേരളം അയൽ സംസ്ഥാനമായ കർണാടകക്ക് ഒപ്പം പൊരുതുന്നു.

ഇനി എല്ലാ തരം മദ്യങ്ങളും ഉപയോഗിക്കുന്നവരുടെ ശരാശരി കണക്കു എടുത്താൽ ആന്ധ്രയും, തെലുങ്കാനയും തന്നെ മുന്നിൽ. ഒരാഴ്ച ഒരു വ്യക്തിയുടെ ശരാശരി ഉപയോഗം 665 മില്ലി ലിറ്റർ ആണ് ഉള്ളത്. വാർഷിക ഉപഭോഗം ഏകദേശം 34.5 ലിറ്ററും ആണ്. എന്നാൽ കേരളത്തിലോ ശരാശരി മലയാളി കഴിക്കുന്ന മദ്യത്തിന്റെ അളവ് ആഴ്ചയിൽ വെറും 196 മില്ലി ലിറ്ററും, വാർഷത്തിൽ 10. 2 ലിറ്ററും ആണെന്നിരിക്കെ എന്തിനാണ് വെറും കള്ളക്കണക്കിന്റെ പേരിൽ നാമിത്രയും കാലം ലോകത്തിന് മുന്നിൽ അപമാനിതരായത്. ഗൂഗിളിൽ ഒന്നു സെർച് ചെയ്തു നോക്കിയാൽ ബി ബി സിയും, എക്കണോമിസ്‌റ് അടക്കമുള്ള പ്രശസ്തമായ പ്രസിദ്ധീകരങ്ങൾ വരെ നമ്മുടെ മദ്യാസക്തി ഇന്ത്യയിലെ ഏറ്റവും കൂടുതലുള്ളവരായി ചിത്രീകരിച്ചിരിക്കുന്നത് കാണാം. അന്യഭാഷാ തൊഴിലാളികളും മദ്യ ഉപഭോഗവും കാണാത്ത കണക്കുകൾ.

ശരിക്കും കേരളത്തിൽ എത്ര കുടിയന്മാരുണ്ട്

ഇനി വേറൊരു കണക്ക് കൂടി നോക്കാം. കേരളത്തിൽ എത്ര കുടിയന്മാരുണ്ട്? മദ്യം ഇടക്കൊക്കെ ഉപയോഗിക്കുന്നവർ എത്ര പേരുണ്ട്? അമിത മദ്യാസക്തി ഉള്ളവർ എത്ര പേരുണ്ട്? അപ്പോഴും നിജസ്ഥിതി അറിയുമ്പോൾ ഓരോ മലയാളിയും ഞെട്ടും. സംസ്ഥാന ആരോഗ്യ വകുപ്പിന്റെ അനൗദ്യോഗിക കണക്കുകൾ പ്രകാരം കേരളത്തിൽ ഒരിക്കലെങ്കിലും മദ്യം ഉപയോഗിച്ചവരായുള്ളത് 45 ലക്ഷം പേരാണ്. അവരിൽ സ്ഥിരം മദ്യം ഉപയോഗിക്കുന്നവർ ഏകദേശം 32 ലക്ഷം പേരാണ്. അവരിൽ തന്നെ നിരന്തരം മദ്യം ഉപയോഗിക്കുന്നവർ 20 ലക്ഷത്തിനും 25 ലക്ഷത്തിനും ഇടയ്ക്കാണ്. അമിത മദ്യാസക്തി ഉള്ളവർ വെറും അഞ്ചു ലക്ഷത്തിൽ താഴെ ആളുകളും.

അടുത്ത ഒരു കണക്കു കൂടി പരിശോധിക്കുമ്പോഴേ സത്യത്തിന്റെ യഥാർത്ഥ ചിത്രം വ്യക്തമാകൂ. മലയാളിയുടെ അമിത മദ്യാസക്തി കൂടിയിട്ട് ഏകദേശം പത്തു വർഷത്തോളം ആകുന്നു എന്ന് മദ്യത്തെ സ്‌നേഹിക്കുന്നവരും, എതിർക്കുന്നവരും ഒരേ പോലെ സമ്മതിക്കും. എന്തായിരുന്നു, കേരളത്തിൽ ജീവിക്കുന്ന മലയാളിയുടെ പെട്ടെന്നുള്ള ഈ സാമൂഹിക മാറ്റത്തിന് കാരണം. അവിടെയാണ് ഈ കണക്കുകളുടെ എല്ലാം ഉള്ളു കള്ളി വെളിച്ചത്താവുന്നത്.

കാരണം സംസ്ഥാന സർക്കാർ സ്ഥാപനമായ തിരുവനന്തപുരത്തെ സെന്റർ ഫോർ ഡെവലൊപ്‌മെന്റ് സ്റ്റഡീസ് അഥവാ CDS എന്ന ചുരുക്ക പേരിൽ അറിയപ്പെടുന്ന ഗവേഷണ പഠന സ്ഥാപനം അടുത്തിടെ ഇറക്കിയ റിപ്പോർട് പ്രകാരം കേരളത്തിൽ നിലവിൽ 28 ലക്ഷം മുതൽ 30 ലക്ഷം വരെ അന്യഭാഷാ തൊഴിലാളികൾ ജോലി ചെയ്യുന്നു. അവരിൽ മൂന്നിൽ രണ്ട് പേരും സ്ഥിരമായി മദ്യം ഉപയോഗിക്കുന്നവാരാണ്. അതായത് ഏകദേശം 19 മുതൽ 20 ലക്ഷം വരെ അന്യഭാഷാ തൊഴിലാളികളും മദ്യം ഉപഭോഗവസ്തുവായി കരുതുന്നവരാണ്.

അങ്ങിനെ ആണെങ്കിൽ യഥാർത്ഥത്തിൽ വെറും പതിനഞ്ച് ലക്ഷത്തിൽ താഴെ മാത്രം മലയാളികളാണ് മദ്യം സ്ഥിരമായി ഉപയോഗിക്കുന്നവർ. കഴിഞ്ഞ പത്തു വർഷത്തിനുള്ളിൽ ആണ് കേരളത്തിലെ തൊഴിൽ മേഖലയിലേക്ക് ഉത്തരേന്ത്യൻ തൊഴിലാളികൾ കൂട്ടത്തോടെ വന്നെത്തിയത്. എന്തു കൊണ്ട് നമ്മുടെ സാമൂഹ്യ ശാസ്ത്ര വിദഗ്ധരോ, വികസനോന്മുഖ വാർത്തകളുടെ ഉസ്താദുകളായ മാദ്ധ്യമ പ്രവർത്തകരോ ഇതൊന്നും വിശകലനം ചെയ്യുകയോ, വർത്തകളക്കുകയോ, ചർച്ച ചെയ്യപ്പെടുകയോ ചെയ്തില്ല.

കേരളത്തിലെ ഈ മദ്യ ഉപഭോഗത്തെ സാധൂകരിക്കുന്ന ഒരു കണക്കു കൂടി ലഭ്യമാണ്. അതായത് കേരളത്തിൽ ഏറ്റവും കൂടുതൽ മദ്യം വിറ്റഴിക്കപ്പെടുന്ന സംസ്ഥാന ബീവറേജസ്സ് കോർപറേഷൻ ചില്ലറ വിൽപ്പന ശാലകളിൽ ആദ്യ പത്തിലെ കൂടുതൽ ഷോപ്പുകളും ചാലക്കുടി, പെരുമ്പാവൂർ, മുവാറ്റുപുഴ, വർക്കല തുടങ്ങിയ സ്ഥലങ്ങളിൽ എല്ലാം അന്യഭാഷാ തൊഴിലാളികളുടെ അനിയന്ത്രിതമായ സാന്ദ്രത ഉള്ള ഇടങ്ങളാണ്.

അന്യഭാഷാ തൊഴിലാളികളുടെ അമിത മദ്യപാനത്തിനും ഒരു കാരണമുണ്ട്. ബിഹാർ, ബംഗാൾ തുടങ്ങിയ സംസ്ഥാനങ്ങളിൽ ഒരു പുരുഷ തൊഴിലാളിക്ക് ഇന്നും ലഭിക്കുന്ന ദിവ വേതനം 200 രൂപയിൽ താഴെയാണ്. കേരളത്തിൽ അതു 700 രൂപക്ക് മുകളിൽ ആണ് ശനിയാഴ്ച ഉച്ച തിരിഞ്ഞ് തന്റെ കയ്യിൽ ലഭിക്കുന്ന വേതനത്തിൽ നല്ലൊരു പങ്കും അന്ന് തന്നെ സ്വന്തം നാട്ടിലേക്കു അയക്കും. എന്നാലും കയ്യിൽ സ്വന്തം ചെലവിനായി മാറ്റിവച്ച നല്ലൊരു തുക കാണും. ഇത് അവർ കൂട്ടായുള്ള മദ്യപാനത്തിനായി പങ്കിട്ട് ചിലവഴിക്കും. വാരാന്ത്യങ്ങളിൽ നമ്മുടെ ചില്ലറ മദ്യ വിൽപ്പന ശാലകളിൽ നടക്കുന്ന തിരക്കിന്റെയും, മികച്ച വ്യാപാരത്തിന്റെയും കണക്കുകളുടെ പിറകിലെ സാമ്പത്തിക സാമൂഹിക ശാസ്ത്രമാണ് ഇത്.

അവരുടെ മദ്യപാന ശീലം കേരളത്തിന്റെ സമ്പത് വ്യവസ്ഥയ്ക്കുണ്ടാക്കുന്ന നേട്ടങ്ങൾ വേറെയും കണക്കാക്കണം. 730 ബാറുകൾ അടച്ചിട്ടും ദിവസം തോറും നമ്മുടെ സർക്കാർ ഖജനാവിനെ പൊന്നു പോലെ കാത്തു സൂക്ഷിക്കുന്ന അന്യഭാഷാ തൊഴിലാളിയെ നമുക്ക് വീണ്ടും അംഗികരിക്കാം. വേറൊരു കാര്യവും ഇത്തരുണത്തിൽ പറയാതെ വയ്യ. ഇത്രയും വർഷങ്ങൾ പിന്നിട്ടിട്ടും മലയാളി നമ്മുടെ സമൂഹത്തിലെ വികസന പങ്കാളികളായ ബിഹാറിയെയോ, ബംഗാളിയെയോ നമ്മിലൊരാളായി അംഗീകരിച്ചിട്ടില്ല. (ഗൾഫ് രാജ്യങ്ങളിലെ അറബികൾ നമ്മുടെ പ്രവാസി തൊഴിലാളികളെ കാണുന്ന അതേ അവസ്ഥ.) ഈ സാമൂഹിക യാഥാർഥ്യം തിരിച്ചറിഞ്ഞ ഭായിമാർക്ക് മുന്നിൽ അപ്പോൾ ഒരേ ഒരു മാർഗമോ ഉള്ളൂ. പണിയില്ലാത്ത ദിവസം സ്വന്തം വാസ സ്ഥലത്ത്, അതു എത്ര വൃത്തി ഹീനമാണെങ്കിലും, തിങ്ങി നിറഞ്ഞത് ആണെങ്കിലും പുറത്തിറങ്ങാതെ കഴിഞ്ഞു കൂട്ടുക. വാരാന്ത്യങ്ങളിൽ സമയം ചെലവഴിക്കാനുള്ള ഒരേ ഒരു മാർഗം അമിത മദ്യപാനം. അതവർ ഭംഗിയായി നിർവഹിക്കുന്നു. അതു മൂലമുണ്ടാകുന്ന മറ്റു സാമൂഹിക പ്രശ്‌നങ്ങളിലേക്ക് ഇപ്പോൾ കടക്കുന്നില്ല.

വാസ്തവത്തിൽ ആരാണ് ഇതിനൊക്കെ ഉത്തരവാദി. നമ്മെ ഭരിച്ച സർക്കാരോ, കണക്കുകൾ കൃത്യമായി ഉണ്ടാക്കുകയും, സൂക്ഷിക്കുകയും ചെയുന്ന ഉദ്യോഗസ്ഥരോ, അതുമല്ല അവർ പറയുന്ന കള്ളകണക്കുകൾ തൊണ്ട തൊടാതെ വിഴുങ്ങുന്ന മാദ്ധ്യമങ്ങളോ ? എന്തായാലും കേരളത്തിന്റെ പുതിയ മദ്യനയം വരുമ്പോഴേക്കും നമുക്ക് മലയാളിയുടെ മദ്യാസക്തിയെ പറ്റിയുള്ള തെറ്റിധാരണ ഒന്നു മാറ്റണം. അതിനായി സൈബർ ലോകത്തെ മുഴുവൻ മലയാളികളും ഒന്നിക്കണം. നമ്മുടെ അന്തസ്സും, അഭിമാനവും ഒട്ടും താമസിയാതെ വീണ്ടെടുക്കണം.

വരുന്ന കേരള പിറവി ദിനത്തിലോ, പറ്റുമെങ്കിൽ അതിന് മുൻപ് തന്നെയോ നമുക്ക് ലോകത്തിന് മുൻപിൽ ഈ തെറ്റായ കണക്കുകൾ സഹിതം വിളിച്ചു പറയണം. മലയാളി കുടിയനല്ല. അത് ആളോഹരി മദ്യ ഉപഭോഗത്തിന്റെ കാര്യത്തിൽ ആണെങ്കിലും, മൊത്തം കുടിയന്മാരുടെ കാര്യത്തിൽ ആണെങ്കിലും. മദ്യാസക്തി എന്ന രോഗാവസ്ഥയിൽ ഉള്ളവർ ഇവിടെ ഇന്ത്യയിലെ ഏറ്റവും പിറകിൽ നിൽക്കുന്നവരുടെ കൂട്ടത്തിലാണെന്ന്. സംസ്ഥാന സർക്കാർ സുപ്രീംകോടതി ആരോ പറഞ്ഞ കണക്കുകളും, മാദ്ധ്യമ വാർത്തകളും കേട്ട് അടിവരയിട്ട് പറഞ്ഞ ഇന്ത്യയിലെ ഏറ്റവും കൂടുതൽ മദ്യം ഉപയോഗിക്കുന്ന പൗരന്മാർ ഉള്ള കേരളവും, ആളോഹരി ഇന്ത്യയിലെ ഏറ്റവും വലിയ കുടിയന്മാർ മലയാളി മദ്യപനുമാണെന്ന തെറ്റിദ്ധാരണ തിരുത്തി കുറിക്കുകയും വേണം.

അങ്ങനെ ആകെ മൊത്തം കണക്കുകളുടെ ഒരു കള്ളക്കളി ആണ് കേരളത്തിലെ മദ്യപാനശീലത്തെയും, മദ്യ ഉപഭോഗത്തെയും പറ്റി വിശകലനം ചെയ്യുമ്പോൾ കിട്ടുന്നത്. ഇതൊക്കെ വരും നാളുകളിൽ കേരളം വിശദമായി ചർച്ചകൾക്ക് വിധേയമാക്കണം. എങ്കിൽ മാത്രമേ ലഹരിയുടെ സാമൂഹിക -സാമ്പത്തിക ശാസ്ത്രം യാഥാർഥ്യ ബോധത്തോടെ വിശകലനം ചെയ്യാനും, അതു ഭാവി കേരളത്തിന്റെ വളർച്ചക്ക് ഉപയോഗിക്കാനും കഴിയുകയുള്ളു.

(സംസ്ഥാന ടൂറിസം ഉപദേശക സമിതി അംഗവും, മുതിർന്ന പത്രപ്രവർത്തകനുമായ കെ വി രവിശങ്കർ ടൂറിസം ഇന്ത്യ മാസികയുടെ എഡിറ്ററും, പബ്ലിഷറുമാണ്. കേരളത്തിലെ ടൂറിസം മാദ്ധ്യമ രംഗത്തെ തുടക്കക്കാരിൽ ഒരാളുമാണ് രവിശങ്കർ) 

Readers Comments

മലയാളത്തിൽ ടൈപ്പ്‌ ചെയ്യാൻ ഇവിടെ ക്ലിക്ക്‍ ചെയ്യുക
കമന്റ് ബോക്‌സില്‍ വരുന്ന അഭിപ്രായങ്ങള്‍ മറുനാടന്‍ മലയാളിയുടേത് അല്ല. മാന്യമായ ഭാഷയില്‍ വിയോജിക്കാനും തെറ്റുകള്‍ ചൂണ്ടി കാട്ടാനും അനുവദിക്കുമ്പോഴും മറുനാടനെ മനഃപൂര്‍വ്വം അധിക്ഷേപിക്കാന്‍ ശ്രമിക്കുന്നവരെയും അശ്ലീലം ഉപയോഗിക്കുന്നവരെയും മറ്റു മലയാളം ഓണ്‍ലൈന്‍ ലിങ്കുകള്‍ പോസ്റ്റ് ചെയ്യുന്നവരെയും മതവൈരം തീര്‍ക്കുന്നവരെയും മുന്നറിയിപ്പ് ഇല്ലാതെ ബ്ലോക്ക് ചെയ്യുന്നതാണ് - എഡിറ്റര്‍

More News in this category

Loading...

MNM Recommends

Loading...
TODAYLAST WEEKLAST MONTH
ഒരു രാത്രി മുഴുവൻ വട്ടംചുറ്റിച്ച പ്രതിയെ അടുത്ത ദിവസം പുലർച്ചെ പിടികൂടിയത് സഹോദരിയുടെ ആൺ സുഹൃത്തിന്റെ വീട്ടിൽ നിന്ന്; മൂർഖന്റെ കടി തിരിച്ചറിഞ്ഞെന്ന് ഉറപ്പായതോടെ പൊലീസിന്റെ നീക്കങ്ങൾ അപ്പപ്പോൾ അറിയിച്ചത് വാട്സാപ്, ബോട്ടിം തുടങ്ങിയ സാധ്യതകളിലൂടെ; വിവരം കൈമാറാൻ എംബിഎ സ്റ്റുഡന്റ് ഉപയോഗിച്ചത് ഇന്റർനെറ്റ് കോൾ മാത്രം; ഉത്രാ കൊലക്കേസിൽ രേണുകയും മകളും സംശയ നിഴലിൽ; മുൻകൂർ ജാമ്യത്തിന് ശ്രമിച്ച് സൂരജിന്റെ അമ്മയും സഹോദരിയും; ഷാഹിദാ കമാലിന്റെ ഇടപെടൽ നിർണ്ണായകമാകുമ്പോൾ
സൂരജ് ഉത്രയെ കൊല്ലും എന്ന് വിശ്വസിക്കാത്തതിനാൽ മകനെ തള്ളിപ്പറയില്ല; സൂരജ് പാമ്പിനെ വാങ്ങി എന്നുപോലും വിശ്വസിക്കില്ല; സൂരജ് ഉത്രയെ കൊന്നെങ്കിൽ അവനെ കോടതി ശിക്ഷിക്കട്ടെ; കുറ്റവാളിയാണെങ്കിൽ പൊലീസ് കോടതിക്ക് മുന്നിൽ തെളിയിക്കട്ടെ; മകൻ ചെയ്തത് എന്തായാലും അത് കോടതിക്ക് വിട്ടുകൊടുക്കുന്നെന്നു സൂരജിന്റെ അമ്മ രേണുക മറുനാടനോട്; ഉത്ര വധക്കേസിൽ കുരുക്ക് മുറുകവേ താൻ ഒളിവിൽ അല്ലെന്ന് വ്യക്തമാക്കി രേണുക; ഊരാൻ കഴിയാത്ത കുരുക്കിൽ പെടുമ്പോഴും സൂരജിന്റെ കുടുംബം പ്രതീക്ഷയിൽ
ട്രംപ് പാഴ്‌വാക്ക് പറയാറില്ല; ആഴ്‌ച്ചകൾക്ക് മുൻപ് സാമ്പത്തിക സഹായം നിർത്തിയതിനു പിന്നാലെ ലോകാരോഗ്യ സംഘടനാ അംഗത്വം റദ്ദാക്കി അമേരിക്കൻ പ്രസിഡണ്ട്; വുഹാൻ വൈറസ് ലോകം മുഴുവൻ എത്തിച്ച ഒരു സംഘടയയ്ക്കൊപ്പം നിൽക്കേണ്ടതില്ലെന്ന് പ്രഖ്യാപിച്ച് മടക്കം; ലോക ക്രമത്തിൽ ഡൊണാൾഡ് ട്രംപ് അഴിച്ചു പണി നടത്തുമ്പോൾ
അംബാനിയുടെ ന്യൂസ് 18 കേരളയുടെ പുതിയ തലവനായി എത്തുക പ്രദീപ് പിള്ള; മീഡിയാ വണ്ണിലേക്ക് ചേക്കേറുന്ന രാജീവ് ദേവരാജിന്റെ പകരക്കാനാകാനുള്ള ശ്രീലാലിന്റെ നീക്കങ്ങൾ വെട്ടിയത് ഗ്രൂപ്പിസത്തിൽ മനംമടുത്ത ന്യൂസ് 18 മാനേജ്‌മെന്റ്; വാർത്തകളിലെ തീവ്ര ഇടതുപക്ഷം മുഖം ഇനി ചാനൽ കൈവിടും; അഴിച്ചു പണി ഭയന്ന് ന്യൂസ് 18 കേരളയിലെ സൈബർ സഖാക്കൾ; കൈമോശം വന്ന ചാനലിന്റെ അംബാനിഫിക്കേഷൻ തിരിച്ചു പിടിക്കാൻ പഴയ മനോരമക്കാരൻ വീണ്ടുമെത്തുമ്പോൾ
ആദ്യ വിമാനം എത്തുമ്പോൾ തന്നെ കേരളത്തിലേക്ക് പറക്കാൻ നോട്ടീസ് ലഭിച്ചത് ജാഗ്വാർ ലാൻഡ് റോവറിലെ 150 മലയാളികൾക്ക്; കോവിഡ് കാർ, ഐടി, വിപണിയെ തകർക്കുമ്പോൾ കൂടുതൽ പുതു തലമുറ മലയാളികൾ ബ്രിട്ടനോട് വിട പറയേണ്ടി വരും; കാറും വീടും വിൽക്കാൻ നെട്ടോട്ടം; വാടക കുതിച്ചുയരുമ്പോൾ പിടിച്ചു നിൽക്കാൻ കഴിയുക ആരോഗ്യ മേഖലയിൽ ജോലി ചെയ്യാൻ എത്തിയവർക്ക് മാത്രം
ചട്ടമ്പിസ്വാമി ഭൂസമരത്തിലൂടെ എഡിജിപി സന്ധ്യയുടെ കണ്ണിലെ കരടായി; സമരത്തിനിടെ ആത്മഹത്യാ ഭീഷണിയുമായി കണ്ണമൂലയിലെ താരമായി; സ്വാമിയുടെ ജനനേന്ദ്രീയം മുറിച്ചതിൽ ഗൂഢാലോചന സംശയിച്ച് ക്രൈംബ്രാഞ്ച്; ജനനേന്ദ്രീയം മുറിക്കുന്ന വീഡിയോ സംഭവത്തിന് രണ്ടു മാസം മുൻപ് പെൺകുട്ടി ഇന്റർനെറ്റിൽ കണ്ടെന്ന മൊബൈൽ ഫോൺ ഫൊറൻസിക് റിപ്പോർട്ട് നിർണ്ണായകം; ഗംഗേശാനന്ദ സ്വാമിയുടെ കേസ് വീണ്ടും തുറക്കും; അന്വേഷണം അട്ടിമറിക്കാൻ ഐപിഎസിലെ ഉന്നതരും; തച്ചങ്കരിക്ക് പുതിയ വെല്ലുവിളി
ജനൽ ഭിത്തിയോട് ചേർന്നുള്ള മണ്ണിൽ കുഴിയാനയുടെ കുഴി മൂടപ്പെടാതെ കിടക്കുന്നത് പാമ്പ് അതുവഴി വരാത്തതിന് തെളിവ്; ദേഹത്തു വീഴുന്ന പാമ്പ് എവിടേക്കെങ്കിലും ഒളിക്കാനേ ശ്രമിക്കൂ; ഉത്രയ്ക്ക് ഒരു കടി ഏറ്റിരിക്കുന്നത് കയ്യിലാണ്.. മറ്റൊന്ന് നെറ്റിയിലും; നെറ്റിയിൽ സാധാരണ പാമ്പ് കൊത്താറില്ല; ഇത് മരിക്കാൻ വേണ്ടി മനഃപൂർവം കടിപ്പിച്ചത്: വാവ സുരേഷിന്റെ നിഗമനങ്ങൾ അതിനിർണ്ണായകം; സൂരജിനെ കുടുക്കാൻ ഉറക്ക ഗുളികയും കിട്ടി; ഉത്രാ കൊലയിൽ പൊലീസ് നീങ്ങുന്നത് വേറിട്ട വഴികളിലൂടെ
വിവാഹ നിശ്ചയ ശേഷം സ്ത്രീധനമായി കാറിന് വേണ്ടി വാശിപിടിത്തം; ആൾട്ടോ കാർ വാങ്ങി നൽകാമെന്ന് ഉത്രയുടെ അച്ഛൻ പറഞ്ഞപ്പോൾ വാശി പിടിച്ചത് ബൊലേനോ കാറിനായി; ഒടുവിൽ ഭാര്യയെ കൊല്ലാൻ കറുത്ത കവറിൽ പൊതിഞ്ഞ് മൂർഖനുമായി എത്തിയതും ഭാര്യ വീട്ടുകാർ മകളെ പൊന്നുപോലെ നോക്കാൻ വാങ്ങി നൽകിയ ആ കാറിൽ; മൂർഖൻ പാമ്പിന്റെ കടിയേറ്റ് ബോധരഹിതയായ ഉത്രയുടെ ആശുപത്രിയിലേക്കുള്ള അവസാന യാത്രയിൽ കാറോടിച്ചത് സഹോദരനും; അഞ്ചലിലെ ക്രൂരതയിൽ 'സ്ത്രീധനം' പൊലീസിന് തെളിവാകുമ്പോൾ
കറുത്ത വർഗക്കാരന്റെ പ്രതിഷേധം ഏറ്റെടുത്ത് വെള്ളക്കാരും; ലോക്ക്ഡൗൺ മറന്നും മിക്ക സംസ്ഥാനങ്ങളിലും ലക്ഷങ്ങൾ പ്രതിഷേധത്തോടെ തെരുവിൽ; വൈറ്റ്ഹൗസിന് മുൻപിലും ആയിരങ്ങൾ; ജോർജിന്റെ ബോധം പോയിട്ടും മൂന്ന് മിനിറ്റ് കഴുത്തിൽ മുട്ടുവച്ച് വംശീയ വെറി തീർത്ത് പൊലീസുകാരൻ; ജനരോഷം കനത്തപ്പോൾ കൊലപാതകത്തിന് കേസെടുത്ത് പൊലീസ്; മുറിവേറ്റ കറുത്തവന്റെ ആത്മാഭിമാനം വീണ്ടും അമേരിക്കയുടെ ഉറക്കം കെടുത്തുമ്പോൾ
അൽപം മന്ദതയുള്ള മകളെ പൊന്നു പോലെ നോക്കാൻ സ്ത്രീധനമായി നൽകിയത് അഞ്ചുലക്ഷം രൂപയും തൊണ്ണൂറ്റിയാറര പവൻ സ്വർണ്ണവും പുത്തൻ ബലേനോ കാറും മൂന്നേക്കർ റബ്ബർ എസ്റ്റേറ്റും; രണ്ടുവർഷത്തിനിടെ കൊടുത്തത് പതിനഞ്ച് ലക്ഷത്തോളം രൂപ; കല്യാണത്തിന് മുമ്പേ മകളുടെ കുറവുകൾ ഭർതൃ വീട്ടൂകാരെ അറിയിച്ചിരുന്നു; ഗുണ്ടാസംഘത്തിന്റെ നേതാവാണ് മരുമകനെന്ന് തിരിച്ചറിഞ്ഞത് ഈയിടെ; മകളെ ഭർത്താവ് കൊന്നതു തന്നെ; ഉത്രയുടെ പിതാവ് വിജയസേനൻ മറുനാടനോട്
പതിനായിരം രൂപയ്ക്ക് പാമ്പിനെ വാങ്ങി; ബാഗിൽ ഒളിപ്പിച്ച 'ആയുധവുമായി' ഭാര്യവീട്ടിൽ എത്തിയത് നിറ പുഞ്ചിരിയോടെ; എല്ലാവരും ഉറങ്ങിയപ്പോൾ മൂർഖനെ കൈയിലെടുത്ത് കിടന്ന കട്ടിലിൽ ഇരുന്ന് തൊട്ടടുത്ത കട്ടിലിൽ കിടന്ന ഉത്രയുടെ ഇടതു കൈയിൽ കടിപ്പിച്ചു; അലമാരയ്ക്ക് അടിയിൽ വിഷജന്തുവിനെ ഒളിപ്പിച്ച ശേഷം നേരം വെളുപ്പിച്ചത് ഭാര്യ വേദന കൊണ്ട് പിടഞ്ഞ് മരിക്കുന്നത് തൽസമയം കണ്ട്; ഒടുവിൽ മറുനാടന്റെ ഇടപെടൽ ഫലം കണ്ടു; ഉത്രയെ വകവരുത്തിയത് സ്വത്ത് സ്വന്തമാക്കാൻ; അഞ്ചലിലെ വില്ലൻ സൂരജ് തന്നെ
ഒരു രാത്രി മുഴുവൻ വട്ടംചുറ്റിച്ച പ്രതിയെ അടുത്ത ദിവസം പുലർച്ചെ പിടികൂടിയത് സഹോദരിയുടെ ആൺ സുഹൃത്തിന്റെ വീട്ടിൽ നിന്ന്; മൂർഖന്റെ കടി തിരിച്ചറിഞ്ഞെന്ന് ഉറപ്പായതോടെ പൊലീസിന്റെ നീക്കങ്ങൾ അപ്പപ്പോൾ അറിയിച്ചത് വാട്സാപ്, ബോട്ടിം തുടങ്ങിയ സാധ്യതകളിലൂടെ; വിവരം കൈമാറാൻ എംബിഎ സ്റ്റുഡന്റ് ഉപയോഗിച്ചത് ഇന്റർനെറ്റ് കോൾ മാത്രം; ഉത്രാ കൊലക്കേസിൽ രേണുകയും മകളും സംശയ നിഴലിൽ; മുൻകൂർ ജാമ്യത്തിന് ശ്രമിച്ച് സൂരജിന്റെ അമ്മയും സഹോദരിയും; ഷാഹിദാ കമാലിന്റെ ഇടപെടൽ നിർണ്ണായകമാകുമ്പോൾ
ആഡംബര വാഹനങ്ങളും സിക്സ് പായ്ക്കും കാണിച്ച് വലയിൽ വീഴ്‌ത്തിയത് നൂറിലധികം സ്ത്രീകളെ; കോഴിക്കച്ചവടക്കാരന്റെ മകനായ തൊഴിൽരഹിതന്റെ ഇരകൾ ഏറെയും ലേഡി ഡോക്ടർമാർ; നഗ്നഫോട്ടോകൾ പ്രചരിപ്പിക്കുമെന്ന് പറഞ്ഞ് തട്ടിയത് ലക്ഷങ്ങൾ; കെണിയിൽ പെട്ടവരിൽ മലയാളികളും; നാഗർകോവിലുകാരൻ പുരുഷവേശ്യയായും പണം സമ്പാദിച്ചു; കാശി എന്ന സുജിയുടെ വിദേശബന്ധങ്ങളും സംശയത്തിൽ; ഇന്ത്യ കണ്ട ഏറ്റവു വലിയ പീഡനക്കേസിന് ചുരുളഴിയുമ്പോൾ ഞെട്ടി തമിഴകം
ബസും പശു-ആട് ഫാമും ഉള്ള മുതലാളി; പാമ്പു പിടിത്തവും പ്രശസ്തിയും പണവും മോഹിച്ച്; പാമ്പിനെ കിട്ടിയാൽ ചാവറുകാവ് ക്ഷേത്രത്തിന്റെയും അർത്തുങ്കൽ പള്ളിയുടെയുമൊക്കെ സഹായമുള്ളതു കൊണ്ടാണ് പിടികൂടാൻ കഴിഞ്ഞത് എന്ന് കാണികളോട് തട്ടിവിടുന്ന ഷോ മാൻ; രാജവെമ്പാലയെ പിടിക്കാൻ വെമ്പിയ യൂട്യൂബ് മനസ്സും; വീട്ടിലെ പരിശോധനയിൽ വനംവകുപ്പിന് കിട്ടിയത് ജീവനുള്ള മുർഖനേയും; അഞ്ചലിൽ ഉത്രയെ കൊല്ലാൻ സൂരജിന് താങ്ങും തണലുമായ ചാവറുകാവ് സുരേഷിന് എല്ലാം ഒരു തമാശ
'ബാഗിലാക്കി നീ പാമ്പിനെ കൊണ്ടുവന്ന പ്ലാസ്റ്റിക് ജാർ എവിടെ ഒളിപ്പിച്ചു'; ഒരൊറ്റ ചോദ്യത്തിൽ സൂരജിന്റെ ചങ്കിടിപ്പ് കൂടി..കണ്ണുകളിൽ വിറയലും; രഹസ്യമായി സൂരജിന്റെ ഫോൺ കൂടി പരിശോധിച്ചതോടെ അന്നേ ഉറപ്പിച്ചു: ഈ മരണം കൊലപാതകം തന്നെ; കൊവിഡ് കാലത്തെ തിരക്കേറിയ ജോലിക്കിടയിലും ഇരട്ട പാമ്പുകടിയിലെ ദുരൂഹത തിരിച്ചറിഞ്ഞ് ഉണർന്ന് പ്രവർത്തിച്ചത് അഞ്ചൽ എസ്ഐ പുഷ്പകുമാർ; 'മറുനാടനിൽ' വന്ന വാർത്തയും സംശയങ്ങൾ വർധിപ്പിച്ചു; ഉത്ര കൊലക്കേസിലെ യഥാർത്ഥ സൂപ്പർ ഹീറോ ഇവിടെയുണ്ട്
എന്റെ കുഞ്ഞെവിടെ? മാതാപിതാക്കളോട് സൂരജിന്റെ ചോദ്യം ഇങ്ങനെ; ഇവിടില്ലെന്ന് പറഞ്ഞപ്പോൾ മുഖംപൊത്തി പൊട്ടിക്കരച്ചിൽ; അണലിയെ സൂക്ഷിച്ച വിറകുപുര ചൂണ്ടിക്കാട്ടി ഉദ്യോഗസ്ഥരോട് കാര്യങ്ങൾ വിവരിച്ചു; ടെറസിൽ നിന്ന് വലിച്ചെറിഞ്ഞ രീതിയും കാണിച്ചു കൊടുത്തു; ഒന്നാം നിലയിലെ തെളിവെടുപ്പ് നീണ്ടത് അര മണിക്കൂറോളം; അമ്മ രേണുകയും സഹോദരി സൂര്യയും സൂരജിനെ കാണാൻ ഹാളിലെത്തിയപ്പോഴും പൊട്ടിക്കരച്ചിൽ; പറക്കോട്ടെ വീട്ടിൽ സൂരജിന്റെ തെളിവെടുപ്പ് ഇങ്ങനെ
അദ്യം പാമ്പിനെ ബാഗിൽ നിന്നും വാലിൽ തൂക്കി പുറത്തെടുത്തു; ദേഷ്യം പിടിപ്പിക്കാൻ വലതുകൈ മൂർഖന്റെ മുഖത്തിനുനേരെ പലതവണ വീശി; ഫണം വിടർത്തി ചീറ്റിയ പാമ്പിനെ പരമാവധി ഉയർത്തിപ്പിടിച്ച ശേഷം ഉത്രയുടെ ദേഹത്തേയ്ക്കിട്ടു; ഇട്ടപ്പോൾ തന്നെ ഒരുവട്ടം കടിച്ചു; കൈയ് അനങ്ങിയപ്പോൾ ഒന്നുകൂടി കടിച്ചു; കട്ടിലിൽ നിന്ന് ചാടിപ്പോയ മൂർഖനെ പിടികൂടി കാട്ടിൽ ഉപേക്ഷിക്കാൻ കഴിയാത്തതാണ് തന്റെ പരാജയം: അഞ്ചൽ കൊലപാതകക്കേസിലെ സൂരജിന്റെ കുറ്റസ്സമ്മത മൊഴി
ഉത്രയുടെ മരണം നടന്ന് അഞ്ചുദിവസം പിന്നിട്ടപ്പോൾ മകൾക്ക് വിവാഹസമ്മാനമായി നൽകിയ സ്വർണാഭരണങ്ങളും കാറും ഉത്രയുടെ പിതാവ് സൂരജിനോട് ആവശ്യപ്പെട്ടു; സംസാരത്തിനിടെ പെട്ടെന്ന് സൂരജിന്റെ അമ്മ രേണുകയ്ക്ക് ശ്വാസംമുട്ടൽ; ആശുപത്രിയിൽ കൊണ്ടുപോയ സമയത്ത് സൂരജിനെയും അമ്മയെയും വീട്ടുതടങ്കലിൽ ആക്കിയെന്ന് അടൂർ പൊലീസ് സ്‌റ്റേഷനിൽ സൂരജിന്റെ സഹോദരിയുടെ പരാതി; ഉത്രയുടെ സഹോദരൻ സ്വത്ത് തട്ടിയെടുക്കാൻ കൊലപാതകം നടത്തിയെന്നും പരാതി; അഞ്ചൽ കേസിൽ സംശയം ഉയർത്തിയ സംഭവങ്ങൾ
വീട്ടമ്മയെ കെണിയിൽ പെടുത്തി ദുരുപയോഗം ചെയ്ത ശേഷം വീഡിയോ എടുത്ത് മൊബൈലിൽ സൂക്ഷിച്ചത് ഇടുക്കിയിലെ മെത്രാൻ ആകാനുള്ളവരുടെ ലിസ്റ്റിൽ ഇടംപിടിച്ച വൈദികൻ; വെള്ളയാംകുടി ഫൊറോന പള്ളി വികാരിക്കു പണി കിട്ടിയത് മൊബൈൽ നന്നാക്കാൻ ഏൽപ്പിച്ചപ്പോൾ; ഇടവകയിലെ ആഭ്യന്തര പ്രശ്‌നങ്ങളും വിവാദത്തിന് വഴിമരുന്നിട്ടു; ആഴ്‌ച്ചകൾക്ക് മുമ്പ് മുങ്ങിയ വൈദികനെ തേടി വിശ്വാസ സമൂഹം; വീട്ടമ്മയുടെ ദൃശ്യങ്ങൾ പ്രചരിപ്പിച്ചവർക്കെതിരെ കേസെടുക്കാൻ പൊലീസ്
കരിമൂർഖൻ കടിച്ചാൽ ഏതുറക്കത്തിൽ നിന്നും ഞെട്ടിയുണരും; വേദനാജനകമായ കടിയേറ്റിട്ടും ഉണരാതെ ഉത്ര ആണ്ടുപോയത് മയക്കത്തിലേക്കും മരണത്തിലേക്കും; ടൈലുകൾ പാകിയ എസി മുറിയിൽ എങ്ങനെ പാമ്പ് കയറിയെന്ന് യാതൊരു പിടിയുമില്ലാതെ വീട്ടുകാർ; സർപ്പദോഷത്തിനു ശാസ്ത്രീയമായ അടിത്തറയില്ലെന്നും മരണം പഠനവിഷയമെന്നും വിദഗ്ദർ; പകവെച്ച് പാമ്പുകൾ കൊത്തില്ലെന്നും സംഭവം പരിശോധിക്കേണ്ടതെന്നും മറുനാടനോട് വാവാ സുരേഷ്; വിശദീകരിക്കാൻ കഴിയാത്ത ദാരുണ മരണമായി അഞ്ചലിലെ ഉത്രയുടെ വിയോഗം
അൽപം മന്ദതയുള്ള മകളെ പൊന്നു പോലെ നോക്കാൻ സ്ത്രീധനമായി നൽകിയത് അഞ്ചുലക്ഷം രൂപയും തൊണ്ണൂറ്റിയാറര പവൻ സ്വർണ്ണവും പുത്തൻ ബലേനോ കാറും മൂന്നേക്കർ റബ്ബർ എസ്റ്റേറ്റും; രണ്ടുവർഷത്തിനിടെ കൊടുത്തത് പതിനഞ്ച് ലക്ഷത്തോളം രൂപ; കല്യാണത്തിന് മുമ്പേ മകളുടെ കുറവുകൾ ഭർതൃ വീട്ടൂകാരെ അറിയിച്ചിരുന്നു; ഗുണ്ടാസംഘത്തിന്റെ നേതാവാണ് മരുമകനെന്ന് തിരിച്ചറിഞ്ഞത് ഈയിടെ; മകളെ ഭർത്താവ് കൊന്നതു തന്നെ; ഉത്രയുടെ പിതാവ് വിജയസേനൻ മറുനാടനോട്
ഹൈറേഞ്ചിലെ ഫൊറോന പള്ളിയിലെ വികാരിയച്ചന്റെ പ്രണയ ലീലകളുടെ വീഡിയോയും ചിത്രങ്ങളും വാട്‌സ് ആപ്പിൽ പ്രചരിക്കുന്നു; ബിരുദങ്ങളുടെ നീണ്ട പട്ടികയുള്ള 'ജ്ഞാനി'യുടെ ദൃശ്യങ്ങൾ കണ്ട് തലയിൽ കൈവെച്ച് ഇടവകക്കാർ; ഹോളയിട്ട പുരോഹിതൻ വീട്ടമ്മയെ പാട്ടിലാക്കിയത് സാഹചര്യം മുതലെടുത്ത്; നാട്ടുകാർ വിവരം അറിഞ്ഞതോടെ നാടുവിട്ടു മുങ്ങി അച്ചൻ
ഹൈന്ദവ-ക്രൈസ്തവ വിശ്വാസങ്ങളെ നിരന്തരം അവഹേളിക്കുന്നു; ഇന്ത്യാ വിരുദ്ധ പ്രവർത്തനങ്ങൾക്ക് വേണ്ടി പ്രചരണം നടത്തുന്നു; പിണറായിയെ പുകഴ്‌ത്തി കൈയടി നേടുമ്പോഴും മോദിക്കെതിരെ നിർത്താതെ തെറിവിളി; സ്ത്രീകളേയും കുട്ടികളേയും കുറിച്ച് അശ്ലീല പരമാർശങ്ങൾ നടത്തും; വിമർശിക്കുന്നവരുടെ വീട്ടിൽ ഇരിക്കുന്നവരെ പച്ചക്ക് തെറിവിളിക്കും; ചെകുത്താൻ എന്ന അപരനാമത്തിൽ നിയമ വിരുദ്ധ പ്രവർത്തനം നടത്തുന്ന തിരുവല്ലക്കാരനായ അജു അലക്‌സിനെതിരെ പരാതി പ്രവാഹം; പരാതി ഗൗരവമായെടുത്ത് കേന്ദ്ര ആഭ്യന്തര മന്ത്രാലയം
ഭാര്യവീട്ടിൽ എത്തിയാൽ എട്ടു മണിക്ക് ഉണരുന്നത് പതിവുള്ള സൂരജ് ഉത്ര മരിച്ച ദിവസം എഴുനേറ്റത് രാവിലെ ആറു മണിക്ക്; മകളുടെ മരണവുമായി ബന്ധപ്പെട്ട കാര്യങ്ങൾ ചോദിക്കുമ്പോൾ ദേഷ്യത്തോടെ പെരുമാറിയതും അസ്വഭാവിക തോന്നാൻ ഇടയാക്കി; സ്ത്രീധനമായി നൽകിയ 100 പവൻ രണ്ട് വർഷം കൊണ്ട് സൂരജ് വിറ്റഴിച്ചു; മരുമകന് പാമ്പു പിടുത്തക്കാരുമായി അടുത്ത ബന്ധമെന്നും ചില പ്രത്യേക സംഘത്തിന്റെ തലവനാണെന്നും ഉത്രയുടെ മാതാപിതാക്കൾ; പാമ്പുകടി മരണത്തിൽ സംശയമുണ്ടാകാൻ കാരണം സൂരജിന്റെ ദുരൂഹമായ പെരുമാറ്റം
കാർ മല്ലപ്പള്ളിയിൽ എത്തിയപ്പോൾ വനിതാ എസ്‌ഐയും സംഘവും കൈകാട്ടി; വാഹനത്തിൽ നാലുപേരുണ്ടെന്നും മൂന്നുപേരിൽ കൂടുതൽ കയറിയാൽ കേസെടുക്കാൻ വകുപ്പുണ്ടെന്നും വിരട്ടൽ; അഞ്ച് മിനിറ്റോളം ഉശിരൻ വിരട്ടൽ നീണ്ടതോടെ കാറിലെ പ്രമുഖൻ ഗ്ലാസ് താഴ്‌ത്തിയിട്ടും ആളെ പിടികിട്ടിയില്ല; ഒടുവിൽ മാസ്‌ക് മാറ്റിയതോടെ രണ്ടൂകൂട്ടർക്കും ചമ്മൽ
ഷെട്ടിയെ കുടുക്കിയത് ഭർത്താക്കന്മാരെന്ന് പുറത്തായതോടെ ഭാര്യമാർ ആശുപത്രിയിൽ വരാതെയായി; നെന്മാറയിലെ അവൈറ്റിസ് ഇൻസ്റ്റിറ്റ്യൂട്ട് ഓഫ് മെഡിക്കൽ സയൻസസിന് പിന്നിലും എൻഎംസി ഹെൽത്ത് കെയറിൽ നിന്നും ഒഴികിയെത്തിയ പണമെന്ന് സൂചന; ഭാര്യമാരെ എക്‌സിക്യൂട്ടീവ് ഡയറക്ടർമാരാക്കി നെന്മാറയിൽ പ്രശാന്ത് മങ്ങാട്ടും പ്രമോദ് മങ്ങാട്ടും പടുത്തുയർത്തിയത് സ്വന്തം ആശുപത്രി സാമ്രാജ്യം; മുഖ്യമന്ത്രിയും പ്രതിപക്ഷ നേതാവും മോഹൻലാലും ഒരുമിച്ച് ഉദ്ഘാടനം ചെയ്ത ആശുപത്രിയും തട്ടിപ്പിന്റെ ആഗോള ചർച്ചയിൽ