1 usd = 70.71 inr 1 gbp = 91.12 inr 1 eur = 80.07 inr 1 aed = 19.25 inr 1 sar = 18.85 inr 1 kwd = 232.62 inr

May / 2019
19
Sunday

കേരളം ആർക്കൊപ്പമെന്ന് വിധിയെഴുതാനിനി മണിക്കൂറുകൾ മാത്രം; മൂന്നാം ഘട്ടത്തിൽ ചൊവ്വാഴ്ചത്തെ വോട്ടെടുപ്പ് സംസ്ഥാനത്തെ 20 സീറ്റടക്കം 117 ലോക്‌സഭാ മണ്ഡലങ്ങളിൽ; പിടിച്ചെടുക്കാൻ ബിജെപിയും തൂത്തുവാരാൻ കോൺഗ്രസും നിലനിൽപ്പിനായി സിപിഎമ്മും പോരാടുമ്പോൾ കേരളം വേദിയാകുന്നത് സമാനതകളില്ലാത്ത രാഷ്ട്ട്രീയ പോരിന്; കൂട്ടലും കിഴിക്കലുമായി മുന്നണികൾ; തിരുവനന്തപുരത്തും പത്തനംതിട്ടയിലും, തൃശ്ശൂരും തോൽവിയെക്കാൾ ഭയം മൂന്നാം സ്ഥാനത്തെ; പോളിങ്ങിന് കനത്ത സുരക്ഷ

April 22, 2019 | 09:30 PM IST | Permalink



കേരളം ആർക്കൊപ്പമെന്ന് വിധിയെഴുതാനിനി മണിക്കൂറുകൾ മാത്രം; മൂന്നാം ഘട്ടത്തിൽ ചൊവ്വാഴ്ചത്തെ വോട്ടെടുപ്പ് സംസ്ഥാനത്തെ 20 സീറ്റടക്കം 117 ലോക്‌സഭാ മണ്ഡലങ്ങളിൽ; പിടിച്ചെടുക്കാൻ ബിജെപിയും തൂത്തുവാരാൻ കോൺഗ്രസും നിലനിൽപ്പിനായി സിപിഎമ്മും പോരാടുമ്പോൾ കേരളം വേദിയാകുന്നത് സമാനതകളില്ലാത്ത രാഷ്ട്ട്രീയ പോരിന്; കൂട്ടലും കിഴിക്കലുമായി മുന്നണികൾ; തിരുവനന്തപുരത്തും പത്തനംതിട്ടയിലും, തൃശ്ശൂരും തോൽവിയെക്കാൾ ഭയം മൂന്നാം സ്ഥാനത്തെ; പോളിങ്ങിന് കനത്ത സുരക്ഷ

മറുനാടൻ ഡെസ്‌ക്‌

തിരുവനന്തപുരം: നാല്പത് ദിവസത്തിലധികം നടന്ന വാശിയേറിയ തെരഞ്ഞെടുപ്പ് പ്രചാരണത്തിന് ശേഷം കേരളം പോളിങ് ബൂത്തിലേക്ക് എത്താൻ ഇനി മണിക്കൂറുകൾ മാത്രം. വാർഡിലെ തൊഴിലുറപ്പും റോഡ് നന്നാക്കലും മുതൽ ഫാസിസവും റഫാലും ഭീകരവാദവുമെല്ലാം ചർച്ചയായ കേരളത്തിന്റെ രാഷ്ട്രീയ മണ്ഡലത്തിൽ നടന്നത് കേരളം ഇന്നുവരെ ദർശിച്ചിട്ടില്ലാത്ത പ്രചാരണപ്രവർത്തനങ്ങളാണ്. ആഗോള വിഷയങ്ങൾ മുതൽ പഞ്ചായത്ത് പൈപ്പിലെ വെള്ളമില്ലായ്മ വരെ ചർച്ചയായ കേരളത്തിൽ ജനാധിപത്യത്തിന്റെ ഉത്സവത്തിൽ പങ്കാളികളാകാനുള്ള ആവേശത്തിലാണ് ജനങ്ങൾ. ശബരിമല സമരവും, പ്രളയവും പ്രളയാനന്തര പുനർ നിർമ്മാണവുമൊക്കെ ചർച്ചകളായപ്പോൾ കേരളം ആർക്കൊപ്പമെന്ന വിധിയെഴുതാൻ ഇനി ഒരുരാത്രിയുടെ ദൂരം മാത്രം. നാളെ സൂര്യനുദിക്കുമ്പോൾ കേരളം ക്യൂ നിൽക്കും അടുത്ത അഞ്ച് വർഷത്തെ തങ്ങളുടെ ശബ്ദം ഇന്ത്യൻ പാർലമെന്റിൽ മുഴക്കേണ്ടയാളെ തിരഞ്ഞെടുക്കാൻ. സംസ്ഥാനത്ത് ആവേശം അലയടിക്കുമ്പോൾ പോളിങ് ശതമാനം കുത്തനെ വർധിക്കും എന്നാണ് മുന്നണികൾ കണക്ക് കൂട്ടുന്നത്. ഇന്നലെ വൈകുന്നേരം ആറ് മണിയോടെ പരസ്യ പ്രചാരണം അവസാനിച്ചിരുന്നു.

കേരളത്തിലെ 20 സീറ്റടക്കം 117 ലോക്‌സഭാ മണ്ഡലങ്ങളിലേക്കുള്ള തിരഞ്ഞെടുപ്പാണ് ചൊവ്വാഴ്ച നടക്കുന്നത്. 13 സംസ്ഥാനത്തും, രണ്ടുകേന്ദ്രഭരണപ്രദേശത്തുമാണ് മൂന്നാം ഘട്ടത്തിൽ തിരഞ്ഞെടുപ്പ്. കേരളത്തിന് പുറമേ ഗുജറാത്തിലും(26), ഗോവയിലും(2) മുഴുവൻ സീറ്റിലും വോട്ടെടുപ്പ് നടക്കും. കർണാടക(14), മഹാരാഷ്ട്ര( 14), ഉത്തർപ്രദേശ് (10), ഛത്തീസ്‌ഗഡ്, (7), ഒഡിഷ് (6), ബിഹാർ, ബംഗാൾ-5, അസം-4, ജമ്മു-കശ്മീർ,ത്രിപുര, ദാദർ നഗർഹാവേലി, ദാമൻ ആൻഡ് ദിയ എന്നിവിടെയാണ് മൂന്നാം ഘട്ട തിരഞ്ഞെടുപ്പിലെ വോട്ടെടുപ്പ്.

പരസ്യപ്രചാരണം അവസാനിച്ചതോടെ ഇന്നു നടന്നത് നിശബ്ദ പ്രചരണമായിരുന്നു. ഒരു മാസത്തെ പ്രചാരണത്തിന് ശേഷം ഇന്ന് മുന്നണികൾ മാസ് സ്‌ക്വാഡുകളായി രാവിലെ ഏഴ് മണി മുതൽ തന്നെ രംഗത്തെത്തിയിരുന്നു. പ്രചാരണം തുടങ്ങിയത് കത്തിക്കാളുന്ന വേനൽ ചൂടിലായിരുന്നെങ്കിൽ കേരളം പോളിങ് ബൂത്തിലേക്ക് എത്തുന്നത് കേരളത്തിന്റെ തനതു സ്വഭാവമായ സമശീതോഷ്ണ കാലാവസ്ഥയിലാണ്. ഓരോ വോട്ടർമാരെയും നേരിൽ കണ്ട് വോട്ടുറപ്പിക്കുന്നതിന് വിവിധ സ്‌ക്വാഡുകളായി പാർട്ടി പ്രവർത്തകർ ബൂത്തുകളുടെ മുക്കും മൂലയും ഇന്നും സന്ദർശിച്ചു. മണ്ഡലങ്ങളിലെ പ്രമുഖ വ്യക്തിത്വങ്ങളെയും ഇനിയും നേരിൽ കാണാത്തവരെ ഒരു തവണ എങ്കിലും നേരിൽ കാണാനുമാണ് സ്ഥാനാർത്ഥികൾ ഇന്ന് ശ്രമിച്ചത്. കൂട്ടലും കിഴിക്കലുമായി പാർട്ടി പ്രവർത്തകരും അവസാന റൗണ്ട് പ്രവർത്തനങ്ങളിൽ മുഴുകി.

വോട്ടെടുപ്പ് രാവിലെ 7 മുതൽ വൈകിട്ട് 6 വരെ

സംസ്ഥാനത്തെ 20 ലോക്‌സഭാ മണ്ഡലങ്ങളിലേക്കും നാളെ രാവിലെ 7 മുതൽ വൈകിട്ട് 6 വരെയാണു വോട്ടെടുപ്പ്. സംസ്ഥാനത്ത് ആക 227 സ്ഥാനാർത്ഥികളാണ് മത്സരരംഗത്തുള്ളത്. 2.61 കോടി വോട്ടർമാരാണ് കേരളത്തിൽ. ഇതിൽ 1.34 കോടി സ്ത്രീകളാണ്. 1.26 കോടി പുരുഷന്മാരും. 174 ട്രാൻസ്ജെൻഡറുകളും വോട്ടർമാരായുണ്ട്. വോട്ടെടുപ്പ് കഴിഞ്ഞാൽ ഫലമറിയാൻ മെയ് 23 വരെ കാത്തിരിക്കണം.

പോളിങ് ബൂത്തിൽ ഉപയോഗിക്കാവുന്ന തിരിച്ചറിയൽ രേഖകൾ: വോട്ടർ തിരിച്ചറിയൽ കാർഡ്, പാസ്‌പോർട്ട്, ഡ്രൈവിങ് ലൈസൻസ്, സർക്കാർ സർവീസ് തിരിച്ചറിയൽ കാർഡ്, ഫോട്ടോ പതിച്ച പാസ് ബുക്ക്, പാൻ കാർഡ്, കേന്ദ്രസർക്കാരിന്റെ സ്മാർട് കാർഡ്, തൊഴിലുറപ്പു പദ്ധതി ജോബ് കാർഡ്, ആരോഗ്യ ഇൻഷുറൻസ് സ്മാർട് കാർഡ്, ഫോട്ടോ പതിച്ച പെൻഷൻ കാർഡ്, ജനപ്രതിനിധികൾക്കുള്ള തിരിച്ചറിയൽ രേഖ, ആധാർ കാർഡ്. ഫോട്ടോ പതിച്ച വോട്ടർ സ്ലിപ് തിരിച്ചറിയൽ രേഖയായി കണക്കാക്കില്ലെന്നു തിരഞ്ഞെടുപ്പ് കമ്മിഷൻ അറിയിച്ചു. വിശദമായ വിവരങ്ങൾക്ക് ഹെൽപ്ലൈൻ നമ്പറായ 1950 ലേക്ക് വിളിക്കാം.

പ്രതീക്ഷയോടെ മുന്നണികൾ

ഇത്തവണ കേരളത്തിലെ മുഴുവൻ സീറ്റുകളും വിജയിച്ചെത്താനാകുമെന്ന പ്രതീക്ഷയിലാണ് യുഡിഎഫ്. രാഹുൽ ഗാന്ധിയുടെ വയനാട്ടിലെ സ്ഥാനാർത്ഥിത്വത്തോടെ യുഡിഎഫ് ക്യാമ്പ് തികഞ്ഞ ആത്മവിശ്വാസത്തിലാണ്. കേന്ദ്ര-സംസ്ഥാന സർക്കാരുകൾക്കെതിരായ ജനവിരുദ്ധ വികാരവും രാഹുൽ തരംഗവും 20 സീറ്റുകളിലും വിജയം തങ്ങൾക്ക് ഉറപ്പാകുമെന്നാണ് കോൺഗ്രസ് നേതൃത്വം കണക്കു കൂട്ടുന്നത്.പരമ്പരാഗത ഇടതു കോട്ടകളിൽ പോലും ശക്തമായ മത്സരം കാഴ്‌ച്ചവെക്കാൻ യുഡിഎഫിന് കഴിഞ്ഞിട്ടുണ്ട്. ഭൂരിപക്ഷം തെരഞ്ഞെടുപ്പ് സർവേകളിലും യുഡിഎഫിന് അനുകൂലമായ വിധിയെഴുത്തുണ്ടാകുമെന്ന പ്രവചനവും യുഡിഎഫ് കേന്ദ്രങ്ങൾക്ക് നൽകുന്നുണ്ട്.

ഇടതുപക്ഷം തങ്ങളുടെ നിലനിൽപ്പിനായുള്ള പോരാട്ടത്തിലാണ് ഇത്തവണ. രാഹുൽ ഗാന്ധി വയനാട്ടിൽ മത്സരിക്കാനെത്തിയത് ഇടതുപക്ഷത്തെ കുറച്ചൊന്നുമല്ല പ്രതിസന്ധിയിലാക്കിയത്. ദേശീയ തലത്തിൽ ബിജെപി വിരുദ്ധ മതേതര സർക്കാരിനെ പിന്തുണയ്ക്കും എന്ന് ഇടതുപക്ഷം പറയുമ്പോഴും കോൺഗ്രസ് സർക്കാരിന് പിന്തുണ നൽകും എന്നു തന്നെയായിരുന്നു പറയാതെ പറഞ്ഞിരുന്നത്. അതേ ബിജെപി വിരുദ്ധ മതേതര മുന്നണിയുടെ പ്രധാനമന്ത്രി സ്ഥാനാർത്ഥി തന്നെ കേരളത്തിൽ ഇടതുപക്ഷത്തിനെതിരെ മത്സരിക്കാനെത്തിയത് ഇടതു നേതൃത്വത്തെ ഞെട്ടിച്ചിരുന്നു. എങ്കിലും സംസ്ഥാന സർക്കാരിനുള്ള ജനകീയ പ്രതിച്ഛായയും സ്ഥാനാർത്ഥികളുടെ മേന്മയും വർഗീയ വിരുദ്ധ മുദ്രാവാക്യങ്ങളും തങ്ങൾക്ക് അനുകൂല ഘടകമാണെന്ന് ഇടതുപക്ഷം കണക്കുകൂട്ടുന്നു. മുൻപെങ്ങുമില്ലാത്ത തരത്തിൽ മുന്നണിക്കകത്തെ കെട്ടുറപ്പ് വിജയപ്രതീക്ഷ ഇരട്ടിയാക്കുകയാണ് ഇടതുമുന്നണിക്ക്.

സംസ്ഥാന രാഷട്രീയത്തിൽ ബിജെപി ഇത്രയേറെ ചർച്ച ചെയ്യപ്പെട്ട മറ്റൊരു തെരഞ്ഞെടുപ്പ് ഇതിനു മുമ്പ് ഉണ്ടായിട്ടില്ല. രാജ്യമാകെ മോദി തരംഗം അലയടിച്ച 2014ല തെരഞ്ഞെടുപ്പിനെക്കാൾ വലിയ വിജയ പ്രതീക്ഷയിലാണ് ബിജെപി നേതൃത്വം നൽകുന്ന ദേശീയ ജനാധിപത്യ സഖ്യം. പ്രചരണത്തിലുണ്ടായ മേൽക്കെ വോട്ട് വിഹിതത്തിൽ പ്രകടമാകുന്നില്ലെങ്കിൽ സംസ്ഥാന രാഷ്ട്ട്രീയത്തിൽ തങ്ങൾ പൂർണമായും അപ്രസക്തമാകും എന്നത് നേതൃത്വത്തെ ആശങ്കപ്പെടുത്തുന്നുണ്ട്. മറ്റ് മണ്ഡലങ്ങളിലെ ബിജെപി പ്രവർത്തകർ തിരുവനന്തപുരം, പത്തനംതിട്ട മണ്ഡലങ്ങളിൽ ക്യാമ്പ് ചെയ്ത് പ്രവർത്തിക്കുന്നത് ചില മണ്ഡലങ്ങളിലെയെങ്കിലും എൻഡിഎയുടെ തെരഞ്ഞെടുപ്പ് പ്രചരണത്തെ ബാധിച്ചിട്ടുണ്ട്. പ്രത്യേകിച്ചും മുന്നണിയിലെ ഘടകകക്ഷിയായ ബിഡിജെസ് മത്സരിക്കുന്ന മണ്ഡലങ്ങളിലെ ബിജെപി പ്രവർത്തകർ തിരുവനന്തപുരത്തേക്കും പത്തനംതിട്ടയിലേക്കും തെരഞ്ഞെടുപ്പ് പ്രവർത്തനത്തിനായി പോയിരുന്നു. തെരഞ്ഞെടുപ്പ് ഫലപ്രഖ്യാപനത്തിന് ശേഷം പാർട്ടിയിലും മുന്നണിയിലും ഇത് സൃഷ്ടിക്കുക വലിയ പൊട്ടിത്തെറിയാകും.

മുന്നാം സ്ഥാനമെന്ന ഭീകര സത്യം

തിരുവനന്തപുരം, പത്തനംതിട്ട, തൃശ്ശൂർ മണ്ഡലങ്ങളിലെങ്കിലും മൂന്നു മുന്നണികളും തോൽവിയെക്കാൾ ഭയക്കുന്നത് മൂന്നാം സ്ഥാനമാണ്. ശക്തമായ ത്രികോണ മത്സരം നടക്കുന്ന ഈ മണ്ഡലങ്ങളിൽ മൂന്നാം സ്ഥാനത്തേക്ക് ആരാകും പിന്തള്ളപ്പെടുക എന്നതാണ് രാഷ്ട്രീയ കേരളവും ഉറ്റു നോക്കുന്നത്. ബിജെപി വിജയപ്രതീക്ഷ പുലർത്തുന്ന മണ്ഡലങ്ങളിൽ പ്രധാനവും ഇവയാണ്. തിരുവനന്തപുരത്ത് ഇഞ്ചോടിഞ്ച് പോരാട്ടമാണ് നടക്കുന്നത്. രാഹുൽ ഗാന്ധി വയനാട്ടിൽ സ്ഥാനാർ്ത്ഥിയായതോടെ കോൺഗ്രസുമായി സിപിഎം അകന്നത് ഇവിടെ ശശി തരൂരിന് തിരിച്ചടിയാകും. ബിജെപി ജയിക്കാതിരിക്കാൻ കോൺഗ്രസിന് വോട്ടു ചെയ്യുക എന്ന ശൈലി ഇത്തവണ സിപിഎം കൈക്കൊള്ളില്ല എന്നാണ് റിപ്പോർട്ടുകൾ. പകരം, പരമാവധി വോട്ടുകൾ ഉറപ്പാക്കി ഇടതു സ്ഥാനാർത്ഥിയുടെ വിജയം ഉറപ്പാക്കുക എന്നതാണ് നേതൃത്വം അണികൾക്ക് നൽകിയിരിക്കുന്ന നിർദ്ദേശം.

തിരുവനന്തപുരത്ത് എല്ലാ സർവേകളും ബിജെപി സ്ഥാനാർത്ഥി കുമ്മനം രാജശേഖരന് വിജയമോ രണ്ടാം സ്ഥാനമോ പ്രവചിക്കുന്നുണ്ട്. കോൺഗ്രസ് നേതൃത്വത്തിലെ ചിലരുമായുള്ള അഭിപ്രായ വ്യത്യാസങ്ങൾ യുഡിഎഫ് സ്ഥാനാർത്ഥി ശശി തരൂരിന് വിനയാകും. അതേസമയം സിപിഎം നേരിട്ട് തെരഞ്ഞെടുപ്പ് പ്രവർത്തനം ഏറ്റെടുത്തതും കോൺഗ്രസിലെ പടലപ്പിണക്കവും സി ദിവാകരന് അനുകൂലമാകും എന്നാണ് ഇടതുപക്ഷം കണക്കുകൂട്ടുന്നത്.

പത്തനംതിട്ടയിലും മൂന്നു മുന്നണികളും ഭയക്കുന്നത് ആര് മുന്നാം സ്ഥാനത്തേക്ക് തള്ളിപ്പോകും എന്നതാണ്. ശബരിമല വിഷയം ശക്തമായ അടിയൊഴുക്കുകൾ തീർക്കും എന്ന് വിശ്വസിക്കുന്ന ബിജെപി ഇവിടെ കെ സുരേന്ദ്രൻ വിജയിക്കും എന്ന പ്രതീക്ഷയിലാണ്. ആന്റോ ആന്റണി പത്തു വർഷമായി പ്രതിനിധാനം ചെയ്യുന്ന മണ്ഡലത്തിൽ വിജയത്തിൽ കുറഞ്ഞതൊന്നും യുഡിഎഫിനും ഗുണകരമാകില്ല. മൂന്നാം സ്ഥാനത്തേക്കു പോയാൽ യുഡിഎഫ് തകർന്നടിഞ്ഞു എന്നു തന്നെ വിലയിരുത്തപ്പെടും. ഇടതു പക്ഷത്തിനും തങ്ങളുടെ നിലപാടുകളുടെ ജയപരാജയങ്ങളുടെ ദിശാസൂചികയാണ് പത്തനംതിട്ടയിലെ തെരഞ്ഞെടുപ്പ് ഫലം. തോറ്റാലും ഒരു കാരണവശാലും മൂന്നാം സ്ഥാനത്തേക്ക് പിന്തള്ളപ്പെടാതിരിക്കാനുള്ള ജീവന്മരണ പോരാട്ടമാണ് ഇടതുപക്ഷം ഇവിടെയും നടത്തുന്നത്.

സുരേഷ് ഗോപിയുടെ വരവോടെ ത്രികോണ മത്സര പ്രതീതി സൃഷ്ടിക്കാൻ ബിജെപിക്ക് കഴിഞ്ഞ മണ്ഡലമാണ് തൃശ്ശൂർ. ഇവിടെയും മൂന്നു മുന്നണികളെയും ഭയപ്പെടുത്തുന്നത് ആര് മൂന്നാം സ്ഥാനത്തേക്ക് പിന്തള്ളപ്പെടും എന്നതാണ്.

വിവാദങ്ങൾക്ക് പഞ്ഞമില്ലാത്ത പ്രചരണം

പ്രചരണങ്ങൾക്കിടെ വിവാദങ്ങൾക്കും കുറവൊന്നുമുണ്ടായിരുന്നില്ല. കോഴിക്കോട്ടെ യുഡിഎഫ് സ്ഥാനാർത്ഥി എം കെ രാഘവൻ പണം ആവശ്യപ്പെടുന്ന വീഡിയോ ദേശീയ മാധ്യമം പുറത്തു വിട്ടിരുന്നു. ആലത്തൂരിലെ യുഡിഎഫ് സ്ഥാനാർത്ഥിക്കെതിരായ ഇടതുമുന്നണി കൺവീനറുടെ മോശം പരാമർശവും വിവാദമായിരുന്നു. കൊല്ലത്തെ യുഡിഎഫ് സ്ഥാനാർത്ഥി എൻ കെ പ്രേമചന്ദ്രൻ ഡിവൈഎഫ്ഐ നടത്തുന്ന ഭക്ഷണ വിതരണം തടയാൻ ശ്രമിച്ചു എന്ന തരത്തിൽ ഇടതുപക്ഷം നടത്തിയ പ്രചരണവും വിവാദമായിരുന്നു. ബിജെപി നേതാക്കളും മുഖ്യ തെരഞ്ഞെടുപ്പ് ഓഫീസറും തമ്മിലുള്ള കൊമ്പു കോർക്കലും പ്രചരണത്തിനിടയിൽ ചൂടുള്ള വാർത്തകളായി. ബിജെപി നേതാവ് പി എസ് ശ്രീധരൻ പിള്ളയുടെയും കൂട്ടരുടെയും വർഗീയ ചുവയുള്ള പരാമർശങ്ങളും പ്രചരണത്തിനിടെ വിവാദമായിരുന്നു.

ദേശീയ നേതാക്കളും തെരഞ്ഞെടുപ്പ് പ്രചരണത്തിന് കേരളത്തിലെത്തി. പ്രധാനമന്ത്രി നരേന്ദ്ര മോദിയും കോൺഗ്രസ് അധ്യക്ഷൻ രാഹുൽ ഗാന്ധിയും രണ്ടു തവണ വീതം പ്രചരണം നടത്തി. ബിജെപി അധ്യക്ഷൻ അമിത്ഷായും കേന്ദ്ര മന്ത്രിമാരും എൻഡിഎക്കു വേണ്ടി കളത്തിലിറങ്ങിയപ്പോൾ യുപിഎ അധ്യക്ഷ സോണിയ ഗാന്ധി കേരളത്തിൽ എത്തിയില്ല. ഇടതു നേതാക്കൾ എല്ലാവരും തന്നെ ഇത്തവണ കേരളത്തിലാണ് കൂടുതൽ ശ്രദ്ധ പതിപ്പിച്ചത്.

കേരളത്തിലെ വോട്ടർമാർ തങ്ങൾക്ക് അനുകൂലമായി വിധിയെഴുതും എന്ന കണക്കുകൂട്ടലിലാണ് യുഡിഎഫും എൽഡിഎഫും. മുമ്പൊന്നുമില്ലാത്ത വിധം പ്രചാരണ രംഗത്ത് ആവേശം കാണിച്ച ബിജെപി അഞ്ച് മണ്ഡലങ്ങളിലെങ്കിലും ശക്തമായ മത്സരം കാഴ്ചവയ്ക്കുന്നു. ഇതിൽ തിരുവനന്തപുരത്തും പത്തനംതിട്ടയിലും ബിജെപി വിജയിക്കാനും സാധ്യതയുണ്ട്. വിജയ സാധ്യത ഇല്ലാത്ത പല മണ്ഡലങ്ങളിലും പക്ഷേ ബിജെപി നേടുന്ന വോട്ടുകൾ നിർണായകമാണ്. വിജയിയെ തീരുമാനിക്കുന്നതിൽ പല മണ്ഡലങ്ങളിലും ബിജെപിക്ക് നിർണായക ശക്തിയാകാൻ കഴിയുന്നു എന്ന പ്രത്യേകതയുമുണ്ട്.

ദേശീയരാഷ്ട്രീയം മുതൽ ശബരിമലയടക്കമുള്ള വിവാദപർവങ്ങൾ വരെ കളം നിറഞ്ഞാടിയ പ്രചാരണദിനങ്ങളുടെ ആവേശം വോട്ടർമാരും ഏറ്റുവാങ്ങിയിട്ടുണ്ടെന്നു കക്ഷിഭേദമന്യേ നേതാക്കൾ വിലയിരുത്തുന്നു. തങ്ങളുടെ വോട്ടർമാരെ ബൂത്തിലെത്തിക്കാൻ അവർ കൈമെയ് മറന്നു നാളെ അധ്വാനിക്കുക കൂടി ചെയ്യുമ്പോൾ പോളിങ് ശതമാനം 2014 ലെ 74.04 ശതമാനത്തിൽ നിന്നും ഉയരുമെന്നാണു കരുതുന്നത്. കോൺഗ്രസ് അധ്യക്ഷൻ രാഹുൽഗാന്ധിയുടെ കേരളത്തിലെ സ്ഥാനാർത്ഥിത്വം തിരഞ്ഞെടുപ്പു പ്രക്രിയയോടുള്ള താൽപര്യം കൂട്ടാൻ യുവാക്കളടക്കമുള്ളവരെ പ്രേരിപ്പിക്കുമെന്ന വിശകലനവുമുണ്ട്.

നിയമസഭാ തിരഞ്ഞെടുപ്പിൽ 77.35% എന്ന മികച്ച പോളിങ്ങായിരുന്നു കേരളത്തിൽ. ലോക്‌സഭാ തിരഞ്ഞെടുപ്പിലും അതിലേക്കു വരാമെന്ന പ്രതീക്ഷ ശക്തം. കഴിഞ്ഞ തവണ ദേശീയ ശരാശരി 66.40% ആയിരുന്നു. 2009 ൽ കേരളത്തിൽ 73.36 ശതമാനവും. രാഷ്ട്രീയം തിളച്ചു മറിയുന്നതിനാൽ 'നോട്ട'യുടെ അരാഷ്ട്രീയതയോടു വോട്ടർമാർ മുഖം തിരിക്കുമെന്ന വിശ്വാസവും പാർട്ടികൾക്കുണ്ട്. 2014 ൽ രണ്ടുലക്ഷത്തിലേറെപ്പേർ 'നോട്ട'യിൽ കുത്തിയിരുന്നു. ഇത്തവണ 2,88,191 കന്നി വോട്ടർമാർ വോട്ടിടും. ഇവരുടെ നിലപാട് ചില മണ്ഡലങ്ങളിൽ നിർണായകമാകും.

സുരക്ഷ ശക്തമാക്കി കേരള പൊലീസ്

ശക്തമായ സുരക്ഷയാണ് തെരഞ്ഞെടുപ്പിനോട് അനുബന്ധിച്ച് കേരള പൊലീസ് ഒരുക്കിയിരിക്കുന്നത്. സുരക്ഷയ്ക്ക് 58,138 പൊലീസുകാർ സ്‌പെഷൽ പൊലീസായി 11,781 പേർ എന്നിങ്ങനെയാണ് സേനയെ വിന്യസിച്ചിരിക്കുന്നത്. കേന്ദ്ര സേനയും സംസ്ഥാനത്തിന്റെ വിവിധ ഭാഗങ്ങളിൽ ക്യാമ്പ് ചെയ്യുന്നു. തെരഞ്ഞെടുപ്പ് തടസ്സപ്പെടുത്തുക എന്ന ലക്ഷ്യത്തോടെ കൂട്ടം കൂടി നിൽക്കുകയും സംഘർഷം ഉണ്ടാക്കാൻ ശ്രമിക്കുകയും ചെയ്യുന്നവർക്ക് എതിരെ കർശനനടപടി സ്വീകരിക്കാൻ നിർദ്ദേശം നൽകിയിട്ടുണ്ട്. പ്രശ്‌നബാധിത മേഖലകളിൽ റിസർവിൽ ഉള്ള പൊലീസ് സംഘങ്ങളെ പോളിങ് ബൂത്തിന് സമീപം റോന്ത് ചുറ്റാൻ നിയോഗിക്കും.

ക്യാമറ സംഘങ്ങൾ നിരീക്ഷണം നടത്താത്ത പ്രശ്‌നബാധിത സ്ഥലങ്ങളിൽ നിന്ന് വീഡിയോ ദൃശ്യങ്ങൾ പകർത്താൻ പ്രത്യേക സംഘങ്ങളെ നിയോഗിച്ചിട്ടുണ്ട്. ഇടുങ്ങിയതും എത്തിപ്പെടാൻ ബുദ്ധിമുട്ടുള്ളതുമായ സ്ഥലങ്ങളിൽ ഇരുചക്രവാഹനങ്ങളിൽ പൊലീസ് സംഘം പട്രോളിങ് നടത്തും.

വനിതാ വോട്ടർമാർക്ക് സ്വതന്ത്രമായും നിർഭയമായും വോട്ട് ചെയ്യാൻ അവസരം ഒരുക്കുന്നതിനായി 3500 ലേറെ വനിതാ പൊലീസുകാരെയാണ് ഇത്തവണ നിയോഗിച്ചിരിക്കുന്നത് . തെരഞ്ഞെടുപ്പുമായി ബന്ധപ്പെട്ടതല്ലാത്ത പരാതികൾ ഉൾപ്പടെ സ്വീകരിക്കുന്നതിന് എല്ലാ പൊലീസ് സ്റ്റേഷനുകളിലും പതിവ് സംവിധാനം ലഭ്യമായിരിക്കും. അടിയന്തിര സാഹചര്യങ്ങൾ നേരിടുന്നതിന് ആവശ്യമെങ്കിൽ സജ്ജരായിരിക്കാൻ മുതിർന്ന പൊലീസ് ഓഫീസർമാർക്ക് നിർദ്ദേശം നൽകിയിട്ടുണ്ട്. തെരഞ്ഞെടുപ്പിനിടെ സംഘർഷമുണ്ടാക്കാൻ ശ്രമിച്ചാൽ കർശന നടപടി സ്വീകരിക്കുമെന്ന് ഡിജിപി ലോക്‌നാഥ് ബെഹ്‌റ. തെരഞ്ഞെടുപ്പ് തടസപ്പെടുത്തുക എന്ന ലക്ഷ്യത്തോടെ കൂട്ടം കൂടി നിൽക്കുന്നവർക്കെതിരെയും നടപടി സ്വീകരിക്കും. എല്ലാ പോളിങ് ബൂത്തുകളിലും പരിസരങ്ങളിലും സുരക്ഷ ശക്തിപ്പെടുത്തിയതായും ഡിജിപി പറഞ്ഞു

ഓൺലൈൻ മാധ്യമങ്ങളുടെ കാലം

ഇത്തവണത്തെ തെരഞ്ഞെടുപ്പിന്റെ ഏറ്റവും വലിയ പ്രത്യേകത ഡിജിറ്റൽ പ്രചരണവും ഓൺലൈൻ മാധ്യമങ്ങളുടെ ഇടപെടലുമാണ്. സ്ഥാനാർത്ഥികളുടെ പ്രചരണം ഫേസ്‌ബുക്ക് ലൈവിലൂടെ അതത് സമയങ്ങളിൽ ജനങ്ങളിലെത്തിക്കാൻ എല്ലാ പാർട്ടികളും ശ്രദ്ധിച്ചു. സൂക്ഷ്മമായ രാഷ്ട്രീയ നീക്കങ്ങൾ പോലും ഓൺലൈൻ മാധ്യമങ്ങൾ വാർത്തകളിലൂടെ പൊതുജനങ്ങളിലെത്തിച്ചു. മുഖ്യധാരാ വർത്തമാനപത്രങ്ങളെക്കാൾ വേഗത്തിൽ കൂടുതൽ വാർത്തകൾ ഏറ്റവും വേഗത്തിൽ ജനങ്ങളിലേക്കെത്തിക്കാൻ കഴിഞ്ഞു എന്നതായിരുന്നു ഓൺലൈൻ മാധ്യമങ്ങളുടെ പ്രധാന്യം വർദ്ധിപ്പിച്ചത്.

കേരളത്തിൽ ഫേസ്‌ബുക്കും വാട്ട്സാപ്പുമായിരുന്നു ഡിജിറ്റൽ പ്രചരണത്തിൽ ഏറ്റവും കൂടുതൽ ഉപയോഗിക്കപ്പെട്ടത്. ഓരോ സ്ഥാനാർത്ഥികൾക്കകും പ്രത്യേകം പേജുകളും ഗ്രൂപ്പുകളും സജീവമായി വാർത്തകളും പോസ്റ്ററുകളും ട്രോളുകളുമെല്ലാം പ്രചരിപ്പിച്ചു. വ്യാജ വാർത്തകൾ പ്രചരിപ്പിക്കാനുള്ള ശ്രമവും ഇത്തരം പ്ലാറ്റ്ഫോമുകളിൽ സജീവമായിരുന്നു.

മറുനാടന്‍ ഡെസ്‌ക്‌    
മറുനാടന്‍ ഡെസ്‌ക്‌

Readers Comments

മലയാളത്തിൽ ടൈപ്പ്‌ ചെയ്യാൻ ഇവിടെ ക്ലിക്ക്‍ ചെയ്യുക
കമന്റ് ബോക്‌സില്‍ വരുന്ന അഭിപ്രായങ്ങള്‍ മറുനാടന്‍ മലയാളിയുടേത് അല്ല. മാന്യമായ ഭാഷയില്‍ വിയോജിക്കാനും തെറ്റുകള്‍ ചൂണ്ടി കാട്ടാനും അനുവദിക്കുമ്പോഴും മറുനാടനെ മനഃപൂര്‍വ്വം അധിക്ഷേപിക്കാന്‍ ശ്രമിക്കുന്നവരെയും അശ്ലീലം ഉപയോഗിക്കുന്നവരെയും മറ്റു മലയാളം ഓണ്‍ലൈന്‍ ലിങ്കുകള്‍ പോസ്റ്റ് ചെയ്യുന്നവരെയും മതവൈരം തീര്‍ക്കുന്നവരെയും മുന്നറിയിപ്പ് ഇല്ലാതെ ബ്ലോക്ക് ചെയ്യുന്നതാണ് - എഡിറ്റര്‍

More News in this category

MNM Recommends

TODAYLAST WEEKLAST MONTH
ഒപ്പം നിന്ന് സെൽഫിയെടുക്കാൻ മന്ത്രിമാരെ മണിയടിച്ച പ്രാഞ്ചിയേട്ടന്മാർക്ക് നിരാശ; പുളുവടിച്ചും പൊങ്ങച്ചം പറഞ്ഞും ഒപ്പം കൂടാൻ ശ്രമിച്ചവരോട് കടക്ക് പുറത്ത് ലൈൻ സ്വീകരിച്ച് മുഖ്യമന്ത്രി; പിണറായി വിജയൻ യുകെയിലെത്തിയപ്പോൾ കാണാൻ ആഗ്രഹിച്ചത് ഒരേ ഒരാളെ മാത്രം; സ്വിറ്റ്‌സർലണ്ടിൽ നിന്നും മുഖ്യമന്ത്രി വിളിച്ചപ്പോൾ ഫോൺ എടുക്കാതിരുന്നയാളെ വിവരം അറിയിച്ചത് എം എ ബേബി നേരിട്ട്; ഹോട്ടലിലേക്ക് പിണറായി വിളിപ്പിച്ച ലണ്ടൻ തെരുവിലൂടെ വെറുതെ നടക്കുന്ന ആ മനുഷ്യൻ ഇവിടെയുണ്ട്
ഒരേ ട്രെയിനിൽ സ്ലീപ്പറിലും എസിയിലും ടിക്കറ്റ് എടുത്ത് സ്ഥിരം യാത്ര; മാന്യമായി വസ്ത്രം ധരിച്ചുള്ള ട്രെയിൻ യാത്രയ്ക്കിടെ ആർക്കും സംശയം തോന്നാത്ത വിധത്തിൽ മോഷ്ടിക്കും; ട്രെയിൻ പുറപ്പെടുന്നതിന് ഒരു മണിക്കൂർ മുമ്പ് സ്റ്റേഷനിൽ എത്തി യാത്രക്കാരുടെ ലിസ്റ്റ് നോക്കി ഗൂഗിളിൽ സെർച്ച് ചെയ്ത് മോഷ്ടിക്കുന്നവരുടെ പട്ടിക തയ്യാറാക്കും; കുടുങ്ങിയത് വിവാഹഭ്രാന്ത് തലയ്ക്ക് പിടിച്ചപ്പോൾ: മലേഷ്യയിലെ ഹോട്ടൽ മുതലാളി കേരളത്തിലെ മോഷ്ടാവായതിന്റെ ഞെട്ടിക്കുന്ന വിവരങ്ങൾ പുറത്ത്
കൊല്ലും കൊലയുമായുള്ള രാഷ്ട്രീയം മടുത്തപ്പോൾ മാറ്റി കുത്തിയാൽ മാറ്റം കാണാം എന്ന മുദ്രാവാക്യം ഉയർത്തി കളത്തിലിറങ്ങി; കണ്ണൂരിലെ സിപിഎമ്മിന്റെ കൺകണ്ട ദൈവത്തിന് ഭീഷണി ഉയർത്തി 3000 വോട്ടുവരെ മറിയുമെന്ന് ഉറപ്പായപ്പോൾ മറ്റൊരു ഒഞ്ചിയം ആവർത്തിക്കാതിരിക്കാൻ തീർത്തുകളയാൻ തീരുമാനിച്ചു; തലങ്ങും വിലങ്ങും വെട്ടേറ്റ കണ്ണൂരിലെ സിപിഎമ്മിന്റെ മുൻ കണ്ണിലുണ്ണി ഗുരുതാവസ്ഥയിൽ തുടരുന്നു; സിപിഎമ്മിനോട് കളിച്ചാൽ തീർത്തുകളയുമെന്ന സന്ദേശത്തിന്റെ ഇരയായി വെട്ടേറ്റ് പുളഞ്ഞ് സിഒടി നസീർ
ഈ ബൂത്തുകളിൽ 100ശതമാനം പോളിങ് നടക്കുമെന്ന് സോഷ്യൽ മീഡിയ; താരമായി വീണ്ടുമൊരു പോളിങ് ഉദ്യോഗസ്ഥ; ആരാണ് യോഗേശ്വരി ഗോഗിത്; റീനയ്ക്ക് പിന്നാലെ യോഗേശ്വരിയുടെ വിവരങ്ങൾ തേടി സോഷ്യൽ മീഡിയയിൽ പരക്കം പാച്ചിൽ; ബോളിവുഡ് നടിമാരെ വെല്ലുന്ന സുന്ദരിമാരുടെ ബൂത്തിൽ മണിക്കൂറുകൾ വരിനിന്ന് വോട്ടു ചെയ്ത് പുരുഷന്മാർ
ഹോസ്റ്റലുകളിലെ വിദ്യാർത്ഥിനികൾ ലഹരി ഉപയോഗത്തിന് വിസ്സമ്മതിച്ചാൽ മറ്റ് വഴികൾ; ചതിപ്രയോഗത്തിന് ഐസ്‌ക്രീം പാർലറുകളും ബേക്കറികളും കേന്ദ്രീകരിച്ച് പ്രത്യേക സംഘം; കൊക്കെയിൻ മുതൽ കഞ്ചാവ് വരെ സാമ്പിൾ സൗജന്യമായി എത്തിച്ച് കൊടുക്കും; ലഹരിക്ക് അടിമപ്പെട്ട് കഴിഞ്ഞാൽ പണമില്ലെങ്കിലും സാധനം നൽകി ആവശ്യങ്ങൾക്ക് ഉപയോഗിക്കും; സ്‌നിപ്പർ ഷെയ്ക്കും സംഘവും സിനിമാക്കഥയെ പോലും വെല്ലുന്ന കഞ്ചാവ് മാഫിയയുടെ ഭാഗമെന്ന് എക്‌സൈസ്
നല്ല പ്രകാശം..ഫ്രഷാകാൻ..വാഷ്‌റൂം, ജനാല, 10 അടി ഉയരമുള്ള സീലിങ്, സദാസമയം നിരീക്ഷണത്തിന് സിസി ടിവി, കോളിങ് ബെൽ അടിച്ചാൽ 24 മണിക്കൂറും വിളിപ്പുറത്തുള്ള പരിചാരകൻ; വിശ്രമിക്കാൻ ബെഡും ധ്യാനിക്കാൻ ശാന്തസുന്ദരമായ അന്തരീക്ഷവും; കവാടത്തിൽ നിന്നാൽ കേദാർനാഥ് ക്ഷേത്രത്തിലേക്ക് നോക്കി തൊഴാം; ട്രോളന്മാർ എന്തുപറഞ്ഞാലും മോദിയുടെ സന്ദർശനത്തോടെ, ആരും തിരിഞ്ഞുനോക്കാതിരുന്ന രുദ്ര ഗുഹയിലേക്ക് ഇനി ഉണ്ടാവുക സന്ദർശക പ്രവാഹം തന്നെ
മാലപൊട്ടിച്ച് ഓടുമ്പോൾ പൊലീസ് പിടിയിലാകാതിരിക്കാൻ മല മൂത്ര വിസർജനം നടത്തും; രക്ഷയില്ലെന്ന് കണ്ടാൽ ഗുഹ്യ ഭാഗത്ത് മുറിവുണ്ടാക്കി പരിശോധനയിൽ നിന്നും ഒഴിവാക്കും; ഹോസ്ദുർഗ് പൊലീസ് നടത്തിയ അന്വേഷണത്തിൽ തെളിഞ്ഞത് ഊട്ടിയിൽ പഠിക്കുന്ന മക്കളുടേയും റസിഡൻഷ്യൽ ഏര്യകളിലെ ബഹുനില വീടുകളുടേയും കഥ; മുല്ലപ്പൂ വിൽപ്പനക്കാരുടെ വേഷത്തിലെത്തി മാല പൊട്ടിച്ച് കടന്ന് കളയുന്ന ജ്യോതിയുടേയും ജയന്തിയുടേയും ആഡംബര ജീവിതം കണ്ട് ഞെട്ടി പൊലീസ്
മാലിദ്വീപീൽ നിന്നോ ചെറുദ്വീപുകളിൽ നിന്നോ യുദ്ധവിമാനമോ മിസൈലോ പറന്നുപൊങ്ങിയാൽ ആകാശത്ത് വച്ച് തന്നെ നശിപ്പിക്കാൻ പ്രതിരോധ സംവിധാനം; പാക് ഭീഷണി നേരിടാൻ പൂർണമായും ഡിജിറ്റൽ രൂപത്തിലുള്ള നിരീക്ഷണം ഒരുക്കിയും വ്യോമസന; ഐസിസ് ഭീഷണി നിലനിൽക്കെ മാലിദ്വീപുകാർക്ക് വർഷങ്ങളോളം തങ്ങാൻ സംസ്ഥാന സർക്കാർ വഴിയൊരുക്കുന്നു; കേരളത്തെ വിദ്യാഭ്യാസ ഹബ്ബ് ആക്കി മാറ്റാനെന്ന പേരിൽ വിദേശ വിദ്യാർത്ഥികളെ കൊണ്ടുവരുമെന്ന മന്ത്രി ജലീലിന്റെ പ്രഖ്യാപനത്തിൽ ആശങ്ക
ഒരുകോടിയോളം വില വരുന്ന ആഡംബര കാറായ വോൾവോയിൽ ഡംഭുകാട്ടിയുള്ള വരവ്; മാസങ്ങളായി പട്ടിണിയിലായ ജീവനക്കാർ ശമ്പളത്തിനായി കൈനീട്ടിയപ്പോൾ അതിനുഞാനെന്തുവേണമെന്ന് ധാർഷ്ട്യത്തോടെയുള്ള മറുപടി; മാധ്യമങ്ങൾ ദൃശ്യങ്ങൾ പകർത്തിയതോടെ പി.വി.മിനി മുഖം മറച്ച് ഓടി കാറിൽ കയറി ഒളിച്ചിരുന്നു; ക്ഷുഭിതനായ മിനിയുടെ മകൻ 'ഇങ്ങടുത്ത് വന്ന് പക തീർക്ക് ' എന്ന് നെഞ്ചുവിരിച്ച് ആക്രോശം; അടച്ചുപൂട്ടലിന്റെ വക്കിലായ കൊച്ചി പിവി എസ് ആശുപത്രി തൊഴിൽ തർക്കം തീർക്കാനെത്തിയ ഉടമകളുടെ പെരുമാറ്റം ഇങ്ങനെ
അഴിമതി വിരുദ്ധ പോരാളിയായി എഫ് ബിയിൽ താരമായി; എതിർത്തവരെ സൈബർ കേസിൽ കുടുക്കിയും ഗുണ്ടകളുമായി വീട്ടിൽ കയറി അസഭ്യം വിളിച്ചും മുന്നേറി; വല്ലപ്പോഴും അച്ചടിച്ച സായാഹ്ന പത്രത്തിന്റേയും കുപ്രസിദ്ധ ഓൺലൈൻ പത്രത്തിന്റേയും പേരിൽ ബ്ലാക് മെയിൽ ആരോപണവും സജീവം; കേസെടുക്കുന്ന പൊലീസിനെ ഐജിയുടെ പേരു പറഞ്ഞ് വിരട്ടി കുരുക്കഴിച്ചു; വിദേശജോലി വാഗ്ദാനത്തിൽ ഡോക്ടറേയും ഭാര്യയേയും പറ്റിച്ച കേസിൽ കോട്ടയത്തെ ഫിജോ ജോസഫും ഭർത്താവ് ഹാരീസ് സേട്ടും അകത്താകുമ്പോൾ
തിരുവനന്തപുരം അടക്കം 16 ഇടങ്ങളിൽ യുഡിഎഫ് നേടുമ്പോൾ പത്തനംതിട്ടയിൽ സുരേന്ദ്രന് ഞെട്ടിക്കുന്ന മേൽകൈ; പാലക്കാടും ആലപ്പുഴയും ആറ്റിങ്ങലും ഇടതിന്; ഇഞ്ചോടിഞ്ഞ് മത്സരം തിരുവനന്തപുരത്തും പത്തനംതിട്ടയിലും മാത്രം; രാഷ്ട്രീയ ഭേദം മറന്ന് തെരഞ്ഞെടുപ്പിന് ശേഷം മലയാളികൾ വിലയിരുത്തുന്നത് ഇങ്ങനെ; മറുനാടൻ-റാവിസ് ഗ്രൂപ്പ് തെരഞ്ഞെടുപ്പ് പ്രവചന മത്സരത്തിന്റെ ട്രെൻഡ് വിലയിരുത്തുമ്പോൾ
ടെലിപ്പതി ഒരു ശാസ്ത്രമാണോ? ഒരാളുടെ മനസ്സിലുള്ള കാര്യങ്ങൾ മറ്റൊരാൾക്ക് വായിക്കാൻ ആവുമോ? പിന്നെങ്ങനെയാണ് നമ്മുടെ മനസ്സിൽ മാത്രമുള്ള വാക്യങ്ങൾ ഓട്ടിസ്റ്റിക്ക് ആയ ഈ കുട്ടിക്ക് ടൈപ്പ് ചെയ്യാൻ കഴിയുന്നത്; നടന്മാരായ ടിനി ടോമും കലാഭവൻ പ്രജോദുമൊക്കെ ജീവിതത്തിൽ നേരിട്ടു കണ്ട ഏറ്റവും വലിയ അത്ഭുതമെന്ന് വിശേഷിപ്പിച്ച സംഭവം വസ്തുനിഷ്ഠമോ? ഫ്ളവേഴ്സ് കോമഡി ഉൽസവത്തിലൂടെ വൈറലായ മനസ്സുവായിക്കുന്ന കുട്ടിയുടെ പിന്നിലെ ശാസ്ത്രം ഇങ്ങനെയാണ്
മുടി അഴിച്ചിട്ടാലും കെട്ടിവച്ചാലും പെൺകുട്ടിയുടെ മുഖഭാവം; ചങ്ങാത്തം മുഴുവൻ ലഹരിക്കടിമകളായ വീട്ടമ്മമാരും വിദ്യാർത്ഥിനികളുമായി; പെൺരൂപത്തിൽ വിലസുന്നത് കാഴ്ചക്കാർക്ക് സംശയം തോന്നാതിരിക്കാൻ; സൗഹൃദം സ്ഥാപിക്കുന്നത് ടെസ്റ്റ് ഡോസായി സൗജന്യ മയക്കുമരുന്നുകൾ നൽകി; ആലുവയിൽ എക്‌സൈസ് സംഘം പിടികൂടിയ സ്‌നൈപ്പർ ഷേക്ക് ലഹരിമാഫിയയിലെ കില്ലാഡി
പൗണ്ട് വില നാല് മാസത്തെ ഏറ്റവും താഴ്ന്ന നിലയിലേക്ക് കൂപ്പ് കുത്തി; ഓഹരി വിപണിയിലും ഉണർവ്വ് ഇല്ല; വരു ദിനങ്ങളിൽ പ്രതിസന്ധി അതിരൂക്ഷമാകും; ബ്രെക്സിറ്റ് അനിശ്ചിതത്വങ്ങൾ ബ്രിട്ടീഷ് വിപണിയെ ഉലച്ചപ്പോൾ പഴി കേരള മുഖ്യമന്ത്രിക്കും; പിണറായി കാലു കുത്തിയാൽ മാൻഡ്രേക്കിനെ പോലെ എല്ലാം തീരുമെന്ന് ചൂണ്ടിക്കാട്ടി പരിഹസിച്ച് സോഷ്യൽ മീഡിയ
140 സീറ്റുകൾ ലഭിക്കില്ലെന്ന് ഉറപ്പായതോടെ മറ്റ് പ്രതിപക്ഷ കക്ഷികൾക്ക് കൂടി സ്വീകാര്യനായ പ്രധാനമന്ത്രി സ്ഥാനാർത്ഥിയെ തേടിയുള്ള കോൺഗ്രസ് അന്വേഷണം എത്തി നിൽക്കുന്നത് എകെ ആന്റണിയിൽ; മമതയ്ക്കും ജഗ് മോഹനും ചന്ദ്രശേഖർ റാവുവിനും വരെ സ്വീകാര്യനായതോടെ കൂട്ടുകക്ഷി സർക്കാരിനെ നയിക്കാനുള്ള ഉത്തരവാദിത്തം മലയാളി നേതാവ് ഏറ്റെടുക്കുമെന്ന് റിപ്പോർട്ടുകൾ; ആർക്കും ഭൂരിപക്ഷം ലഭിക്കാത്ത തെരഞ്ഞെടുപ്പ് ഫലം പ്രവചിക്കുമ്പോൾ മമതയോ മായാവതിയോ എന്ന ചർച്ച ഒടുവിൽ എത്തി നിൽക്കുന്നത് ആന്റണിയിൽ തന്ന
രോഗ നിർണയം നടത്തുന്നതിനോ അതിന്റെ തീവ്രത മനസ്സിലാക്കുന്നതിനോ വേണ്ട അറിവും ഉപകരണങ്ങളും വൈദ്യർക്ക് ഇല്ല; മരുന്നു കഴിച്ചപ്പോൾ അൽപ്പം ഭേദമുണ്ടായി എങ്കിലും ഇപ്പോൾ നല്ല വേദനയുണ്ട്; ഒരാളെയും ഞാൻ അങ്ങോട്ട് ശിപാർശചെയ്യില്ലെന്നും മോഹനൻ വൈദ്യർ ചികിൽസിച്ച് ഭേദമാക്കിയെന്ന് അവകാശപ്പെടുന്ന കാൻസർ രോഗി; നിപ്പ രോഗക്കാലത്ത് വവ്വാൽ കടിച്ച ഫലങ്ങൾ കഴിച്ചും മഞ്ഞപ്പിത്തമില്ലെന്ന് തെളിയിക്കാൻ രക്തം കുടിച്ചും ചികിസിച്ച മോഹനൻ വൈദ്യർ വീണ്ടും വിവാദക്കുരുക്കിൽ
കുട്ടിക്കാലം മുതലുള്ള അയൽവക്കത്തെ കുട്ടികളുടെ സൗഹൃദം പത്താം ക്ലാസ് കഴിഞ്ഞപ്പോൾ അതിരുവിട്ടു; വീട്ടുകാരുടെ വിലക്ക് മനസ്സ് കൊണ്ട് ഉൾക്കൊള്ളാനാവാതെ കുട്ടികൾ ബന്ധം തുടർന്നു; പാടത്തും ആളൊഴിയുമ്പോൾ വീടുകളിലും വീണ്ടും കണ്ടുമുട്ടി; ശാരീരിക അസ്വസ്ഥതകളെ തുടർന്ന് പ്ലസ് വണ്ണുകാരിയെ ആശുപത്രിയിൽ കൊണ്ടു പോയപ്പോൾ അച്ഛനും അമ്മയും അറിഞ്ഞത് മകൾ ഗർഭിണിയെന്ന വിവരം; അറസ്റ്റിലായപ്പോൾ എല്ലാം സമ്മതിച്ച് 17കാരനും; കോട്ടയത്തെ ഞെട്ടിച്ച പോക്‌സോ കേസ് ഇങ്ങനെ
ഇനി ഒരുമിച്ച് ജീവിക്കാനാകില്ലെന്നും പരസ്പര സമ്മതത്തോടെ പിരിയുകയാണെന്നും വിവാഹ മോചന ഹർജി; ആറുമാസത്തിനുള്ളിൽ മലയാള സിനിമയിലെ ഓൾറൗണ്ടർക്ക് ഡിവോഴ്‌സ് കിട്ടും; കുടുംബ ജീവിതത്തിൽ നിന്ന് വേർപിരിയുന്നത് ഗായിക റിമി ടോമിയും ഭർത്താവ് റോയ്‌സും; ടെലിവിഷൻ സ്‌ക്രീനിലെ മിന്നും താരം അവസാനമിടുന്നത് 11 കൊല്ലം നീണ്ട ദാമ്പത്യം
67 വയസ്സുള്ള അമ്മയുടെ പ്രായമുള്ള സ്ത്രീയെ ചാലിയാറിന്റെ പടവുകളിൽ ഇട്ട് ബലാൽക്കാരം ചെയ്യുക; അവർ കലഹിക്കുമ്പോൾ കെട്ടിക്കോള്ളാമെന്ന് പറയുക; അതിന്റെ ഉപാധിയായി മതം മാറ്റുക; എന്നിട്ട് പ്രമുഖയായ എഴുത്തുകാരിയെ മതം മാറ്റിയെന്ന് പറഞ്ഞ് സൗദി അറേബ്യയിൽനിന്ന് പത്തുലക്ഷം ഡോളർ കൈപ്പറ്റുക; അക്‌ബറലിയും സാദിഖലിയുമല്ല ആ ഭീകരന്റെ യഥാർഥ പേര് സമദാനിയാണെന്ന് പറയാൻ മലയാളത്തിന് എന്താണ് നാക്കുപൊങ്ങാത്തത്; മാധവിക്കുട്ടിയുടെ മതം മാറ്റത്തിൽ മലപ്പുറത്തെ സാമൂഹിക പ്രവർത്തകന്റെ പ്രസംഗം വൈറൽ
ഭാര്യ ടെലിവിഷനിലെ ഉത്തമയായ സ്വഭാവ താരമായിട്ടു കാര്യമില്ല; 'വെറുതെയല്ല ഒരു ഭാര്യ' എന്ന് തെളിയിക്കുക കൂടി വേണം; ഭർത്താവിന് സ്‌നേഹവും പരിചരണവും കൊടുക്കണം; ജീവിതത്തിന് ഒരു അർത്ഥവും അന്തസ്സും കൊടുക്കാനും കഴിയണം; പന്ത്രണ്ട് കൊല്ലം ഞാൻ പരമാവധി താഴ്ന്നു ജീവിച്ചു എന്നിട്ടും..! ഗായിക റിമി ടോമിയുമായുള്ള ദാമ്പത്യത്തിൽ വിള്ളൽ വീണതിന്റെ കാരണങ്ങൾ റോയ്‌സ് തൃശ്ശൂരിലെ സുഹൃത്തുക്കളോട് പങ്കുവെച്ചത് ഇങ്ങനെ
അച്ഛന്റെ കളരിയിൽ ബിസിനസ്സ് പഠിത്തം; സഹോദരങ്ങളെ മറന്ന് കെട്ടി ഉണ്ടാക്കിയത് സ്വന്തം സാമ്രാജ്യം; എതിർ ശബ്ദം ഉയർത്തുന്നവരെ കിങ്കരന്മാരെ അയച്ച് ഒതുക്കുന്ന കോടീശ്വരൻ; കൂറു പുലർത്തുന്ന ജീവനക്കാരെ രക്ഷിച്ചെടുക്കാൻ ഏതറ്റം വരെയും പോകുന്ന മുതലാളി; ബാറും ഫിനാൻസും ഹോട്ടലുമായി രാഷ്ട്രീയക്കാരെ വളച്ചെടുത്ത നയതന്ത്രവും; ഫൈൻ പോലും പിരിച്ചെടുക്കാതെ ഒത്താശ ചെയ്ത് താണു വണങ്ങി സംവിധാനവും; നിയമത്തെ ഹൈ സ്പീഡിൽ മറികടന്ന് റോഡിലെ രാജാവായ സുരേഷ് കല്ലടയുടെ കഥ
കോഴിക്കോടുകാരനൊപ്പം കിടക്ക പങ്കിടാൻ ഭാര്യയെ സമ്മതിപ്പിച്ചത് കരഞ്ഞ് കാലുപിടിച്ച്; പകരം കിട്ടിയത് അയാളുടെ സുന്ദരിയായ വാമഭാഗത്തെ; കരുനാഗപ്പള്ളിയിലെ പ്രവാസിയുമായി വൈഫ് സ്വാപ്പിങ് ഒരു മുറിയിലെ ഒരു കിടക്കയിൽ; പിന്നെ കൊല്ലത്തുകാരനും കുടുംബവും; എം എസ് സിക്കാരിയുമായുള്ള തിരുവല്ലക്കാരന്റെ പ്രണയ വിവാഹത്തേയും ഷെയർ ചാറ്റ് എത്തിച്ചത് കൈമാറ്റ വഴിയിൽ; സഹികെട്ട് ഇറങ്ങി ഓടി സ്‌റ്റേഷനിലെത്തിയ യുവതി പറഞ്ഞതു കേട്ട് ഞെട്ടി കേരളാ പൊലീസ്; ദൈവത്തിന്റ സ്വന്തം നാട്ടിൽ കാര്യങ്ങൾ ഇങ്ങനേയും
അനിയനെ ചിതയിലേക്ക് എടുത്ത് 15 മിനിറ്റ് കഴിഞ്ഞപ്പോൾ ബാക്കി സ്വർണ്ണവുമായി വീടു വിട്ടിറങ്ങി; പ്രമാണവും കാറിന്റെ ആർസി ബുക്കും വരെ കൊണ്ടു പോയി; ലക്ഷ്യമിട്ടത് സൈനികന്റെ ഭാര്യയെന്ന നിലയിലെ ആശ്രിത നിയമനവും ആനുകൂല്യവും പെൻഷനും; സ്വത്തും ജോലിയും തട്ടിയെടുത്ത് ആഗ്രഹിച്ചത് കാമുകനൊപ്പമുള്ള സുഖജീവിതം; ആത്മഹത്യ ചെയ്ത വിശാഖിന്റെ സഹോദരന്റെ ഞെട്ടിപ്പിക്കുന്ന വെളിപ്പെടുത്തൽ മറുനാടനോട്; അമിതാബ് അഴിക്കുള്ളിലെങ്കിലും കാമുകിക്ക് പുറത്ത് സുഖജീവിതം; സൈനികന്റെ മരണത്തിൽ ദുരൂഹത ഏറെ
ഒരുകോടിയോളം വില വരുന്ന ആഡംബര കാറായ വോൾവോയിൽ ഡംഭുകാട്ടിയുള്ള വരവ്; മാസങ്ങളായി പട്ടിണിയിലായ ജീവനക്കാർ ശമ്പളത്തിനായി കൈനീട്ടിയപ്പോൾ അതിനുഞാനെന്തുവേണമെന്ന് ധാർഷ്ട്യത്തോടെയുള്ള മറുപടി; മാധ്യമങ്ങൾ ദൃശ്യങ്ങൾ പകർത്തിയതോടെ പി.വി.മിനി മുഖം മറച്ച് ഓടി കാറിൽ കയറി ഒളിച്ചിരുന്നു; ക്ഷുഭിതനായ മിനിയുടെ മകൻ 'ഇങ്ങടുത്ത് വന്ന് പക തീർക്ക് ' എന്ന് നെഞ്ചുവിരിച്ച് ആക്രോശം; അടച്ചുപൂട്ടലിന്റെ വക്കിലായ കൊച്ചി പിവി എസ് ആശുപത്രി തൊഴിൽ തർക്കം തീർക്കാനെത്തിയ ഉടമകളുടെ പെരുമാറ്റം ഇങ്ങനെ
അഴിമതി വിരുദ്ധ പോരാളിയായി എഫ് ബിയിൽ താരമായി; എതിർത്തവരെ സൈബർ കേസിൽ കുടുക്കിയും ഗുണ്ടകളുമായി വീട്ടിൽ കയറി അസഭ്യം വിളിച്ചും മുന്നേറി; വല്ലപ്പോഴും അച്ചടിച്ച സായാഹ്ന പത്രത്തിന്റേയും കുപ്രസിദ്ധ ഓൺലൈൻ പത്രത്തിന്റേയും പേരിൽ ബ്ലാക് മെയിൽ ആരോപണവും സജീവം; കേസെടുക്കുന്ന പൊലീസിനെ ഐജിയുടെ പേരു പറഞ്ഞ് വിരട്ടി കുരുക്കഴിച്ചു; വിദേശജോലി വാഗ്ദാനത്തിൽ ഡോക്ടറേയും ഭാര്യയേയും പറ്റിച്ച കേസിൽ കോട്ടയത്തെ ഫിജോ ജോസഫും ഭർത്താവ് ഹാരീസ് സേട്ടും അകത്താകുമ്പോൾ
തിരുവനന്തപുരം അടക്കം 16 ഇടങ്ങളിൽ യുഡിഎഫ് നേടുമ്പോൾ പത്തനംതിട്ടയിൽ സുരേന്ദ്രന് ഞെട്ടിക്കുന്ന മേൽകൈ; പാലക്കാടും ആലപ്പുഴയും ആറ്റിങ്ങലും ഇടതിന്; ഇഞ്ചോടിഞ്ഞ് മത്സരം തിരുവനന്തപുരത്തും പത്തനംതിട്ടയിലും മാത്രം; രാഷ്ട്രീയ ഭേദം മറന്ന് തെരഞ്ഞെടുപ്പിന് ശേഷം മലയാളികൾ വിലയിരുത്തുന്നത് ഇങ്ങനെ; മറുനാടൻ-റാവിസ് ഗ്രൂപ്പ് തെരഞ്ഞെടുപ്പ് പ്രവചന മത്സരത്തിന്റെ ട്രെൻഡ് വിലയിരുത്തുമ്പോൾ