1 usd = 71.33 inr 1 gbp = 93.25 inr 1 eur = 78.64 inr 1 aed = 19.42 inr 1 sar = 19.01 inr 1 kwd = 234.72 inr

Jan / 2020
26
Sunday

മുഖ്യമന്ത്രി കസേരയിലേക്ക് കാലെടുത്തുവെക്കാൻ തയ്യാറായ യെദ്യൂരപ്പയെ ഞെട്ടിച്ച നീക്കത്തിലൂടെ അധികാരം പിടിച്ച സഖ്യത്തിന് അതേ നാണയത്തിൽ തിരിച്ചടി നൽകി ബിജെപി; അപ്രതീക്ഷമായി കിട്ടിയ പദവിയിൽ ഇരിപ്പുറയ്ക്കാതെ 'കുമാരയണ്ണ'യുടെ പടിയിറക്കം; ഓപ്പറേഷൻ ലോട്ടസ് വിജയിപ്പിച്ച യെദ്യൂരപ്പ നാലാം തവണ മുഖ്യമന്ത്രി കസേരയിലേക്ക്; വിമത എംഎൽഎമാർ മടങ്ങിവരുന്നത് ബിജെപി സർക്കാർ അധികാരത്തിലെത്തിയ ശേഷം മാത്രം; ഡി കെ ശിവകുമാറിന്റെ തന്ത്രങ്ങളും വിജയിക്കാതെ 14 മാസം പ്രായമായ സർക്കാറിന് നാടകീയ പതനം

July 24, 2019 | 06:46 AM IST | Permalink



മുഖ്യമന്ത്രി കസേരയിലേക്ക് കാലെടുത്തുവെക്കാൻ തയ്യാറായ യെദ്യൂരപ്പയെ ഞെട്ടിച്ച നീക്കത്തിലൂടെ അധികാരം പിടിച്ച സഖ്യത്തിന് അതേ നാണയത്തിൽ തിരിച്ചടി നൽകി ബിജെപി; അപ്രതീക്ഷമായി കിട്ടിയ പദവിയിൽ ഇരിപ്പുറയ്ക്കാതെ 'കുമാരയണ്ണ'യുടെ പടിയിറക്കം; ഓപ്പറേഷൻ ലോട്ടസ് വിജയിപ്പിച്ച യെദ്യൂരപ്പ നാലാം തവണ മുഖ്യമന്ത്രി കസേരയിലേക്ക്; വിമത എംഎൽഎമാർ മടങ്ങിവരുന്നത് ബിജെപി സർക്കാർ അധികാരത്തിലെത്തിയ ശേഷം മാത്രം; ഡി കെ ശിവകുമാറിന്റെ തന്ത്രങ്ങളും വിജയിക്കാതെ 14 മാസം പ്രായമായ സർക്കാറിന് നാടകീയ പതനം

മറുനാടൻ ഡെസ്‌ക്‌

ബെംഗളൂരു: കർണാടക രാഷ്ട്രീയത്തിൽ കുമാരസ്വാമി മുഖ്യമന്ത്രിയായത്, തീർത്തും അവിചാരിതമായ ഞെട്ടിക്കുന്ന നീക്കത്തിലൂടെയായിരുന്നു. തെരഞ്ഞെടുപ്പിന് ശേഷം ബിജെപിയെ പിന്തുണച്ച് സർക്കാർ ഉണ്ടാക്കുമെന്ന് കരുതിയിടത്താണ് കോൺഗ്രസ്-ജെഡിഎസ് സഖ്യം രൂപം കൊള്ളുന്നതും പുതിയ സർക്കാർ രൂപീകരിക്കുന്നതും. അങ്ങനെ അപ്രതീക്ഷിതമായി മുഖ്യമന്ത്രിയായ 'കുമാരയണ്ണ'യുടെ പടിയിറക്കമാണ് 14 മാസങ്ങൾക്ക് ശേഷം ഉണ്ടായത്. വിശ്വാസവോട്ടിൽ പരാജയപ്പെട്ട് കുമാരസ്വാമി സർക്കാർ താഴെ വീണപ്പോൾ ചിരിച്ചും കൈയുയർത്തി വിജയ ചിഹ്നം കാണിച്ചുമാണ് യെദ്യൂരപ്പയും കൂട്ടരും സന്തോഷം പങ്കിട്ടത്. പുതിയ സർക്കാർ രൂപീകരിക്കാനുള്ള തിരക്കിട്ട ചർച്ചകളിലേക്ക് ബിജെപി കടന്നിടടുണ്ട്. എന്നാൽ ന്യൂനപക്ഷ സർക്കാറായി നിലകൊള്ളുമോ യെദ്യൂരപ്പ സർക്കാർ എന്നാണ് ഇനി അറിയേണ്ടത്.

ഇന്ന് തന്നെ ബിജെപി പുതിയ സർക്കാർ രൂപീകരിക്കാനുള്ള അവകാശ വാദം ഉന്നയിക്കും. രാവിലെ ബിജെപി നിയമസഭാ കക്ഷി യോഗം കഴിഞ്ഞ ശേഷം ഗവർണറെ കാണാനാണ് അവർ തയ്യാറെടുക്കുന്നത്. അതോടെ നാലാം തവണയാകും യെദ്യൂരപ്പ മുഖ്യമന്ത്രി ക്കസേരയിലിരിക്കുക. നീണ്ട രാഷ്ട്രീയ നാടകങ്ങൾക്കും രാഷ്ട്രപതി ഭരണത്തിനും ശേഷം 2007 നവംബർ 12ലാണ് ബി.എസ് യെദ്യൂരപ്പ കർണാടകത്തിൽ ആദ്യമായി മുഖ്യമന്ത്രി പദത്തിലെത്തുന്നത്. ദക്ഷിണേന്ത്യയിൽ ബിജെപി അക്കൗണ്ട് തുറന്നത് യെദ്യൂരപ്പയിലൂടെയായിരുന്നു. പക്ഷേ ഏഴുദിവസം മാത്രമേ ആദ്യ യെദ്യൂരപ്പ സർക്കാറിന് ആയുസ്സുണ്ടായിരുന്നുള്ളൂ.

തിരഞ്ഞെടുപ്പിന് ശേഷം 2008 മെയ് 30 ന് വീണ്ടും മുഖ്യമന്ത്രിയായി ചുമതലേയേറ്റ യെദ്യൂരപ്പ മൂന്നു വർഷവും രണ്ടുമാസവും ഭരിച്ചു. 2018 മെയ് 17നാണ് യെദ്യൂരപ്പയുടെ മൂന്നാമൂഴം. ഭൂരിപക്ഷം തെളിയിക്കാനാവാതെ ആറുദിവസം മാത്രം മുഖ്യമന്ത്രിക്കസേരയിലിരുന്ന് അദ്ദേഹം പടിയിറങ്ങി. പിന്നീട് അധികാരത്തിലെത്തിയ കോൺഗ്രസ്-ജനതാദൾ എസ് കൂട്ടുകക്ഷി സർക്കാരിനെ മറിച്ചിട്ട് വീണ്ടും ഭരണത്തിലെത്തുമ്പോൾ മധുരപ്രതികാരത്തിന്റെ മെമ്പൊടികൂടിയുണ്ട് അദ്ദേഹത്തിന്റെ നാലാമൂഴത്തിന്.

224 അംഗ കർണാടക നിയമസഭയിൽ 20 പേരാണ് വിശ്വാസ വോട്ടെടുപ്പിന് എത്താതിരുന്നത്. 99 പേരാണ് എച്ച് ഡി കുമാരസ്വാമിക്കൊപ്പം നിന്നത്. മുംബൈയിൽ ആഡംബര ഹോട്ടലിൽ കഴിയുന്ന വിമത എംഎ‍ൽഎമാർ യെദ്യൂരപ്പ സർക്കാർ അധികാരത്തിലെത്തിയ ശേഷം മാത്രമേ തിരിച്ചുവരൂവെന്നാണ് റിപ്പോർട്ട്.

രണ്ടാം തവണയാണ് കാലാവധി പൂർത്തിയാക്കാനാകാതെ ജെഡിഎസ് നേതാവ് എച്ച്.ഡി കുമാരസ്വാമി മുഖ്യമന്ത്രി കസേരയൊഴിയുന്നത്. ബദ്ധവൈരികളുമായി കൈകോർത്ത് നേടിയ കസേരയുടെ ആയുസ് ഇത്രയേ ഉണ്ടാകൂ എന്ന് അദ്ദേഹം മുന്നേ മനസിലാക്കിയതാണ്. മുഖ്യമന്ത്രിയായത് കാളകൂട വിഷം കഴിച്ചതുപോലെയാണെന്നാണ് കുമാരസ്വാമി ഒരിക്കൽ പറഞ്ഞത്. പലപ്പോഴും രാഷ്ട്രീയവും പദവികളും തളികയിൽ വച്ചു കിട്ടിയ കുമാരണ്ണയുടെ കാര്യത്തിൽ അതു സത്യവുമാണ്. 1996ലെ ലോക്‌സഭാ തിരഞ്ഞെടുപ്പിലാണ് കുമാരസ്വാമിയുടെ രാഷ്ട്രീയ അരങ്ങേറ്റം. അന്ന് അച്ഛൻ എച്ച്.ഡി. ദേവെഗൗഡ മുഖ്യമന്ത്രി. മൂന്നാം മുന്നണി എന്ന ദേശീയ പരീക്ഷണ നാടകത്തിൽ അപ്രതീക്ഷിതമായി നായകവേഷം കിട്ടിയ ദേവെഗൗഡ പ്രധാനമന്ത്രിയായി. കന്നി എംപിമാരിൽ ഏറ്റവും ഗ്ലാമർ താരമായി കുമാരസ്വാമി.

എന്നാൽ രണ്ടു വർഷംകഴിഞ്ഞ് വീണ്ടുമെത്തിയ തിരഞ്ഞെടുപ്പിൽ കെട്ടിവച്ച കാശുപോലും കിട്ടാതെ തോൽവി. 1999ലെ നിയമസഭാ തിരഞ്ഞെടുപ്പിൽ ശാന്തനൂരിൽനിന്ന് അടുത്ത തോൽവി. 2004ൽ നിയമസഭയിലേക്കു വിജയിച്ചായിരുന്നു തിരിച്ചുവരവ്. രണ്ടു വർഷത്തിനകം ബിജെപി പിന്തുണയോടെ മുഖ്യമന്ത്രി. 2007ൽ ധാരണപ്രകാരം ബിജെപിക്കു മുഖ്യമന്ത്രി പദം കൈമാറേണ്ട ഘട്ടത്തിൽ സഖ്യം വിട്ടു.

2009ൽ വീണ്ടും ലോക്‌സഭാംഗം. 2013ൽ ദൾ സംസ്ഥാന അധ്യക്ഷനായെങ്കിലും മണ്ഡ്യ, ബെംഗളൂരു റൂറൽ ലോക്‌സഭാ ഉപതിരഞ്ഞെടുപ്പുകളിലെ പാർട്ടി തോൽവിയെ തുടർന്ന് രാജിവച്ചു. 2013ൽ രാമനഗരയിൽനിന്ന് നിയമസഭയിൽ, പ്രതിപക്ഷ നേതാവ്. 2014ൽ വീണ്ടും ദൾ സംസ്ഥാന അധ്യക്ഷൻ. 2018 ൽ ബിജെപിയെ തോൽപ്പിക്കാൻ കോൺഗ്രസ് നടത്തിയ അപ്രതീക്ഷിത രാഷ്ട്രീയ കരുനീക്കങ്ങളിൽ കുമാരസ്വാമി വീണ്ടും മുഖ്യമന്ത്രിയായി. എന്നാൽ 14 മാസത്തിനിപ്പുറം അപ്രതീക്ഷിതമല്ലെങ്കിലും പദവിയിൽ നിന്നുള്ള പടിയിറങ്ങുകയാണ്.

വിമതരുടെ മടക്കം യെദ്യൂരപ്പ സർക്കാർ വന്നതിന് ശേഷം മാത്രം

വിശ്വാസ വോട്ടെടുപ്പിനെത്താതെ മുംബൈയിൽ തങ്ങിയ വിമത എംഎ‍ൽഎ മാർ യെദ്യൂരപ്പയുടെ നേതൃത്വത്തിലുള്ള ബിജെപി സർക്കാർ അധികാരത്തിലെത്തിയ ശേഷം മാത്രമേ തിരിച്ചെത്തൂവെന്ന് റിപ്പോർട്ട്. മുംബൈയിലെ ആഡംബര ഹോട്ടലിൽ കഴിയുന്ന കോൺഗ്രസിലേയും ജെഡിഎസിലേയും വിമതർ എല്ലാവരും സന്തോഷവാന്മാരാണെന്നും ബിജെപി വൃത്തങ്ങൾ അറിയിച്ചതായി വാർത്താ ഏജൻസി റിപ്പോർട്ട് ചെയ്തു.

ചൊവ്വാഴ്ച രാത്രി നടന്ന വിശ്വാസ വോട്ടെടുപ്പിൽ പരാജയപ്പെട്ട എച്ച്.ഡി കുമാരസ്വാമി സർക്കാർ ഗവർണർക്ക് രാജി നൽകി. പുതിയ സർക്കാർ രൂപീകരിക്കാനുള്ള അന്തിമ നീക്കങ്ങളിലാണ് ബി.എസ് യെദ്യൂരപ്പയും കൂട്ടരും. സഖ്യകക്ഷി സർക്കാരിന് പിന്തുണ പിൻവലിച്ച് എംഎ‍ൽഎ മാർ മുംബൈയിലേക്ക് കടന്നതിന് പിന്നാലെ വലിയ രാഷ്ട്രീയ നാടകങ്ങളാണ് അരങ്ങേറിയത്. കോൺഗ്രസ് നേതാവ് ഡി.കെ ശിവകുമാർ എംഎ‍ൽഎ മാരെ കാണാൻ എത്തിയെങ്കിലും പൊലീസ് അദ്ദേഹത്തെ അറസ്റ്റ് ചെയ്ത് തിരിച്ചയക്കുകയായിരുന്നു. സർക്കാരിന് പിന്തുണ പിൻവലിച്ചതിന് പിന്നിൽ ബിജെപി ഇടപെടൽ ഉണ്ടായിട്ടില്ലെന്ന് വിമത എം എൽ എമാർ വ്യക്തമാക്കുകയും ചെയ്തു.

ഡികെയുടെ തന്ത്രങ്ങളും ഏഴിയില്ല, രക്ഷയില്ലാതെ പടിയിറക്കം

2018 മേയിലായിരുന്നു കർണാടകയിലേക്കുള്ള നിയമസഭാ തിരഞ്ഞെടുപ്പ്. 104 സീറ്റിൽ ജയിച്ച ബിജെപി ഏറ്റവും വലിയ ഒറ്റക്കക്ഷിയായി. എന്നാൽ ഗോവയിലും മണിപ്പുരിലും മേഘാലയയിലുമെല്ലാം ബിജെപി പ്രയോഗിച്ചു വിജയിച്ച തന്ത്രം കോൺഗ്രസ് തിരിച്ചു പ്രയോഗിക്കുന്നതാണു കർണാടകയിൽ കണ്ടത്. 78 സീറ്റു നേടിയ കോൺഗ്രസ് 38 സീറ്റു നേടിയ ജനതാദൾ (എസ്)ബിഎസ്‌പി (37പ്ലസ് വൺ) സഖ്യത്തിനൊപ്പം ചേർന്നു സർക്കാർ രൂപീകരിക്കാൻ തീരുമാനിച്ചു. ഈ തീരുമാനത്തോടെ മുഖ്യമന്ത്രി കസേരയിൽ നോട്ടമിട്ട യെദ്യൂരപ്പയുടെ മോഹങ്ങൾ മങ്ങി.

മുഖ്യമന്ത്രി സിദ്ധരാമയ്യ ആദ്യം ഇതിനെ എതിർത്തെങ്കിലും മെയ്‌ 15നു ഫലം വന്നതോടെ തീരുമാനം മാറ്റേണ്ടി വന്നു. സംസ്ഥാനത്തു മൂന്നാം സ്ഥാനത്തിരിക്കേണ്ട പാർട്ടിക്ക് മുഖ്യമന്ത്രിപദം എന്ന മോഹനവാഗ്ദാനം മുന്നിൽവച്ചതോടെ, ദൾ നേതാക്കളായ എച്ച്.ഡി.ദേവെ ഗൗഡയും, കുമാരസ്വാമിയും സമ്മതം മൂളി. 15നു വൈകിട്ട് നാലിനു തന്നെ ദളിനുള്ള പിന്തുണക്കത്തു നൽകാൻ ശ്രമിച്ചെങ്കിലും ഗവർണർക്കു സമയമുണ്ടായിരുന്നില്ല. പിറ്റേന്നു നിയമസഭാകക്ഷി യോഗത്തിനു പിന്നാലെ കോൺഗ്രസ് നേതാക്കൾക്കു കാര്യങ്ങളുടെ ഗതി ബോധ്യപ്പെട്ടു: ഗവർണർ ക്ഷണിക്കുക ബിജെപിയെയായിരിക്കും. രാത്രി സുപ്രീം കോടതിയെ സമീപിക്കുകയാണ് ഏക മാർഗം. സർക്കാരുണ്ടാക്കാൻ യെഡിയൂരപ്പയെ ക്ഷണിച്ചും ഭൂരിപക്ഷം തെളിയിക്കാൻ 15 ദിവസമനുവദിച്ചുമുള്ള ഗവർണർ വാജുഭായ് വാലയുടെ നടപടി കോൺഗ്രസും ജെഡിഎസും സംയുക്ത ഹർജിയിൽ കോടതിയിൽ ചോദ്യം ചെയ്തു.

സുപ്രീംകോടതിയിൽ നിയമപരമായി നീങ്ങുന്നതിനിടെ കുതിരക്കച്ചവടത്തിന്റെ സൂചനകളും തെളിഞ്ഞു തുടങ്ങി. അതോടെ കോൺഗ്രസ്, ദൾ എംഎൽഎമാരെ ബെംഗളൂരുവിലെ റിസോർട്ടിലേക്കു മാറ്റി. കർണാടകയിലെ കോൺഗ്രസിന്റെ കരുത്തൻ ഡി.കെ.ശിവകുമാറിനായിരുന്നു അവിടെ എംഎൽഎമാരുടെ 'സംരക്ഷണച്ചുമതല'. പക്ഷേ റിസോർട്ടിലെ എംഎൽഎമാർക്കും ബിജെപി ദൂതന്മാരുടെ സന്ദേശം ലഭിച്ചു തുടങ്ങിയതോടെ എല്ലാവരുമായി കൊച്ചിക്കു പോകാൻ തീരുമാനിച്ചു. വിമാനം തയാറാക്കിയപ്പോൾ വിമാനത്താവളത്തിൽനിന്നു യാത്രാനുമതിയില്ല. വിമാനയാത്ര മുടങ്ങിയേക്കുമെന്നു മുന്നിൽ കണ്ടു ബസുകൾ ഏർപ്പാടാക്കിയതു ഗുണമായി.

നാടകീയ നീക്കങ്ങൾ, ഒടുവിൽ വീഴ്‌ച്ച

പുതുച്ചേരിയിലേക്കു പോകുന്നെന്നു പ്രചാരം കൊടുത്തെങ്കിലും പോയതു ഹൈദരാബാദിലേക്ക്. രാത്രി യാത്ര ചെയ്തു ഹൈദരാബാദിലെത്തുന്നതിനിടെ സാമാജികർക്ക് ബിജെപി ക്യാംപിൽനിന്നു വിളി വന്നുകൊണ്ടേയിരുന്നു. അവയെല്ലാം ഒന്നുവിടാതെ റിക്കോർഡു ചെയ്തതു പിന്നീടു ഗുണപ്പെട്ടു. കുതിരക്കച്ചവടത്തിനു ബിജെപി നേതാക്കൾ ശ്രമിക്കുന്നതിനു കോടതിയിൽ തെളിവായി സമർപ്പിച്ചു. യെഡിയൂരപ്പയും മകൻ ബി.വൈ. വിജയേന്ദ്രയും ഉൾപ്പെടെയുള്ളവരുടേതെന്ന് ആരോപിച്ച് കൂറുമാറ്റ പ്രേരണയ്ക്കു തെളിവായി നാല് ഓഡിയോ ക്ലിപ്പുകൾ കോൺഗ്രസ് പുറത്തുവിടുകയും ചെയ്തു. അതിനിടെ സുപ്രീം കോടതി വിധി വന്നു.

ഗവർണറെന്ന ഭരണഘടനാ സ്ഥാപനത്തിന്റെ പിഴവ് തിരുത്തുക, ആ തിരുത്തൽ അതിരുകടക്കാതെ ചെയ്യുന്നുവെന്ന് ഉറപ്പാക്കുക അതാണു മെയ്‌ 17നും 18നുമായി നാലു മണിക്കൂറിലേറെ വാദം കേട്ടശേഷം സുപ്രീം കോടതി ചെയ്തത്. മുഖ്യമന്ത്രിയുടെ സത്യപ്രതിജ്ഞ തടയുന്നതു ഗവർണറുടെ അധികാരത്തിലുള്ള കടന്നുകയറ്റമാകുമെന്നു കോടതി വിലയിരുത്തി. ഗവർണർക്കു യെഡിയൂരപ്പ നൽകിയ കത്തുകൾ തർക്കവിഷയമാണെന്നും പിന്നീടു വിശദമായി പരിശോധിക്കാമെന്നും വ്യക്തമാക്കിയ കോടതി, ഹർജിക്കാരുടെ പ്രധാനചോദ്യം എടുത്തുപറഞ്ഞു: 104, 117 ഏതാണു വലിയ സംഖ്യ?

ഭരണഘടനയുടെ 361ാം വകുപ്പ് ഗവർണറുടെ നടപടികൾക്കു സംരക്ഷണം നൽകുന്നുവെന്നു കേന്ദ്രവും കർണാടക സർക്കാരും വാദിച്ചു. എങ്കിൽത്തന്നെ ഗവർണറുടെയെന്നല്ല, രാഷ്ട്രപതിയുടെയും നടപടികളും തീരുമാനങ്ങളും പുനഃപരിശോധിക്കാൻ സുപ്രീം കോടതിക്കു സാധിക്കുമെന്നു ഹർജിക്കാരും. അതു കോടതി ശരിവച്ചു. തുടർന്നാണ് 15 ദിവസംകൊണ്ടു ഭൂരിപക്ഷം തെളിയിച്ചാൽ മതിയെന്ന ഗവർണറുടെ തീരുമാനത്തെ ജഡ്ജിമാരായ എ.കെ.സിക്രി, എസ്.എ.ബോബ്‌ഡെ, അശോക് ഭൂഷൺ എന്നിവരുടെ പ്രത്യേക ബെഞ്ച് തിരുത്തിയത്. സാവകാശം വേണമെന്ന ബിജെപിയുടെ ആവശ്യം തള്ളി എത്രയും വേഗം വിശ്വാസ വോട്ടെടുപ്പു വേണമെന്നും കോടതി നിലപാടെടുത്തു. എല്ലാം സുതാര്യമാക്കാൻ ജനങ്ങൾക്കു കാണാനാകും വിധം വോട്ടെടുപ്പു നടപടികളുടെ ലൈവ് സംപ്രേഷണത്തിനും കോടതി നിർദ്ദേശം നൽകി.

സഭയിൽ ഭൂരിപക്ഷം തെളിയിക്കാനാകില്ലെന്ന് ഉറപ്പായതോടെ, അധികാരമേറ്റ് 56ാം മണിക്കൂറിൽ മുഖ്യമന്ത്രി ബി.എസ്. യെഡിയൂരപ്പ രാജിവച്ചു. സർക്കാർ രൂപീകരണത്തിനുള്ള ബിജെപി ശ്രമം പരാജയപ്പെട്ട സാഹചര്യത്തിൽ ഗവർണർ ദൾ-കോൺഗ്രസ് സഖ്യത്തെ ക്ഷണിച്ചു. ഇരു പാർട്ടികളുടെയും സംയുക്ത നിയമസഭാകക്ഷി യോഗത്തിനു ശേഷം കുമാരസ്വാമി രാജ്ഭവനിലെത്തി ഗവർണറുമായി കൂടിക്കാഴ്ച നടത്തി. ഭൂരിപക്ഷം തെളിയിക്കാൻ 15 ദിവസം അനുവദിച്ചെങ്കിലും അതിനു മുൻപു തന്നെ തെളിയിക്കുമെന്ന് കുമാരസ്വാമി അറിയിച്ചു.

വിശ്വാസവോട്ടെടുപ്പ് ദിവസം കോൺഗ്രസ് എംഎൽഎമാരായ പ്രതാപ് ഗൗഡ പാട്ടീലിനെയും ആനന്ദ് സിങ്ങിനെയും കാണാതായെങ്കിലും വൈകിട്ടോടെ ഇരുവരും തിരിച്ചെത്തി. രണ്ടു വട്ടം ബിജെപി എംഎൽഎയും മന്ത്രിയുമായിരുന്ന ആനന്ദ് സിങ് പാർട്ടിയുമായി ഇടഞ്ഞ് 2017 ഫെബ്രുവരിയിലാണു കോൺഗ്രസിൽ ചേർന്നത്. 2008ൽ ബിജെപി എംഎൽഎ ആയിരുന്ന പ്രതാപ് ഗൗഡയാകട്ടെ, 2013ൽ കോൺഗ്രസ് ക്യാംപിലേക്കു മാറിയ വ്യക്തിയാണ്. ഹോട്ടലിൽ തങ്ങുകയായിരുന്ന ഇവരെ ബിജെപി തടഞ്ഞു വച്ചിരിക്കുകയായിരുന്നെന്നായിരുന്നു കോൺഗ്രസ് ആരോപണം. തുടർന്നു പൊലീസ് സംഘത്തോടൊപ്പം കോൺഗ്രസ് നേതാക്കൾ ക്രസന്റ് റോഡിലെ ഗോൾഡ് ഫിഞ്ച് ഹോട്ടലിൽ എത്തി. വോട്ടെണ്ണൽ ദിവസം മുതൽ ഫോണിൽ പോലും ബന്ധപ്പെടാൻ കഴിയാതിരുന്ന ആനന്ദിനോടും പ്രതാപിനോടും സഭയിൽ ഹാജരാകാൻ ആവശ്യപ്പെട്ട് കോൺഗ്രസ് കക്ഷി നേതാവ് സിദ്ധരാമയ്യ വിപ്പ് പുറപ്പെടുവിച്ചിരുന്നു. ഉച്ചയൂണിന് തൊട്ടു മുൻപ് പ്രതാപ് ഗൗഡ പാട്ടീൽ വൻ പൊലീസ് അകമ്പടിയോടെ സഭയിലെത്തി. ഉച്ചയൂണിനു ശേഷം സഭ ചേരുമ്പോൾ ആനന്ദ് സിങ്ങുമെത്തിയതോടെ അഭ്യൂഹങ്ങൾക്കു പരിസമാപ്തി.

വിശ്വാസവോട്ടെടുപ്പിനൊടുവിൽ എച്ച്.ഡി. കുമാരസ്വാമിയുടെ നേതൃത്വത്തിലുള്ള ജനതാദൾ (എസ്) കോൺഗ്രസ് സഖ്യസർക്കാർ അധികാരമേറ്റു. ജയനഗർ, രാജരാജേശ്വരി നഗർ, രാമനഗർ, ജാംഖണ്ഡി എന്നിവിടങ്ങളിലേക്ക് ഉപതിരഞ്ഞെടുപ്പുകളും നടന്നിരുന്നു. ഇതിൽ രാജരാജേശ്വരി നഗറിലും ജയനഗറിലും ജാംഖണ്ഡിയിലും കോൺഗ്രസിനായിരുന്നു ജയം. ഇവിടങ്ങളിലെല്ലാം ജെഡി(എസ്) കോൺഗ്രസിനെ പിന്തുണയ്ക്കുകയും ചെയ്തു. രാമനഗറിൽ കുമാരസ്വാമിയുടെ ഭാര്യ അനിത ജെഡി(എസ്) സ്ഥാനാർത്ഥിയായി മത്സരിച്ച് കോൺഗ്രസ് പിന്തുണയോടെ ജയിച്ചു കയറി. പക്ഷേ ലോക്‌സഭാ തിരഞ്ഞെടുപ്പിൽ എൻഡിഎ സർക്കാർ വീണ്ടും കേന്ദ്രത്തിൽ അധികാരത്തിലെത്തിയതോടെ ബിജെപി തന്ത്രങ്ങൾ കൂടുതൽ ശക്തമാക്കി. അതെത്തി നിന്നതാകട്ടെ കുമാരസ്വാമി സർക്കാറിനെ താഴെവീഴ്‌ത്തുന്ന അവസ്ഥയിലും. എന്താണു സംഭവിച്ചത്?

സഖ്യസർക്കാരിന്റെ ആദ്യമാസത്തിൽതന്നെ അസ്വാരസ്യം ഉടലെടുത്തു. മന്ത്രിസഭയിൽ ഉൾപ്പെടാത്തതിൽ അതൃപ്തരായ എംഎൽഎമാർ ബിജെപിയിലേക്കു മാറുമെന്നു ഭീഷണി മുഴക്കി. ഡി.കെ.ശിവകുമാറിന്റെ തന്ത്രജ്ഞതയിൽ കൊഴിഞ്ഞുപോക്കു തടയാനായി. കുമാരസ്വാമി മന്ത്രിസഭ വികസിപ്പിച്ചതോടെ എംഎൽഎമാരുടെ വിമതസ്വരങ്ങൾ അടങ്ങി. സഖ്യസർക്കാരിനെ മുന്നോട്ടുനയിക്കുന്നതിലെ പ്രയാസങ്ങളെപ്പറ്റി മുഖ്യമന്ത്രി കുമാരസ്വാമി പൊതുവേദിയിൽ മനസ്സുതുറന്നു. സർക്കാരിനെതിരെ രണ്ട് കോൺഗ്രസ് എംഎൽഎമാർ പരസ്യമായി രംഗത്തെത്തി. ഇവർക്ക് കോൺഗ്രസിന്റെ നോട്ടിസ്.

2018 ഓഗസ്റ്റ് സെപ്റ്റംബർ മാസങ്ങളിൽ അതൃപ്തരായ 10 കോൺഗ്രസ് എംഎൽഎമാരുമായി ബിജെപി സംഭാഷണം തുടങ്ങി. എം.ബി.പാട്ടീൽ, എം ടി.ബി.നാഗരാജ്, സതീഷ് ജാർക്കിഹോളി, രാമലിംഗ റെഡ്ഡി, റോഷൻ ബെയ്ഗ് തുടങ്ങിയ എംഎൽഎമാർ സഖ്യസർക്കാരുമായി നീരസത്തിൽ. ഓപറേഷൻ താമരയുടെ മൂന്നാം പതിപ്പിനു ബിജെപി തുടക്കമിട്ടതായി അഭ്യൂഹം. ഭരണപക്ഷത്തെ 15 എംഎൽഎമാർ സമീപിച്ചതായി മുതിർന്ന ബിജെപി നേതാവിന്റെ വെളിപ്പെടുത്തൽ. നാലുമാസം പ്രായമുള്ള കുമാരസ്വാമി സർക്കാരിനെ വീഴ്‌ത്താൻ ബിജെപി ഭരണഘടനാവിരുദ്ധ ശ്രമങ്ങൾ നടത്തുന്നതായി ഭരണപക്ഷത്തിന്റെ ആരോപണം.

കോൺഗ്രസുമായുള്ള സഖ്യം ബിഎസ്‌പി അധ്യക്ഷ മായാവതി ഉപേക്ഷിച്ചതിനെ തുടർന്ന് ഏക എംഎൽഎ മഹേഷ് മന്ത്രിസഭയിൽനിന്ന് പുറത്തായി. പിന്തുണ തുടർന്നു. രണ്ടുവീതം നിയമസഭാ, ലോക്‌സഭാ സീറ്റുകളിലേക്കുള്ള ഉപതിരഞ്ഞെടുപ്പിൽ ഭരണപക്ഷത്തിന് മൂൻതൂക്കം. ഒരു ലോക്‌സഭാ സീറ്റിൽ മാത്രമായി ബിജെപി വിജയമൊതുങ്ങി. അതിനിടെ സ്വതന്ത്ര എംഎൽഎമാരായ ശങ്കറും നാഗേഷും സർക്കാരിനുള്ള പിന്തുണ പിൻവലിച്ച് ബിജെപി പക്ഷത്തേക്കു മാറി. സർക്കാരിനെ അട്ടിമറിക്കാനുള്ള ബിജെപി ശ്രമം വിജയിക്കാത്തതിനാൽ രണ്ടു പേരും മടങ്ങി. ശങ്കറും നാഗേഷും വീണ്ടും പിന്തുണ പിൻവലിച്ചു, പിന്നാലെ തിരിച്ചെത്തി. ശങ്കർ പിന്നീട് കോൺഗ്രസിൽ ചേർന്നു. നാഗേഷ് ചാഞ്ചാട്ടക്കാരനായ സ്വതന്ത്രനായി തുടർന്നു.

7 കോൺഗ്രസ് എംഎൽഎമാരും ഒരു ജെഡിഎസ് എംഎൽഎയും സഭാ നടപടികളിൽനിന്ന് വിട്ടുനിന്നതോടെ നാടകത്തിന്റെ മട്ടുമാറി. ഇവരെ ബിജെപി തട്ടിക്കൊണ്ടുപോയെന്നും 30 40 കോടി രൂപ വീതം വാഗ്ദാനമുണ്ടെന്നും കോൺഗ്രസ് ആരോപിച്ചു. മുംബൈയിലെ ഹോട്ടലിൽ ആയിരുന്നെന്നു കരുതുന്ന എംഎൽഎമാർ ദിവസങ്ങൾക്കുശേഷം തിരിച്ചെത്തി. വിമത കോൺഗ്രസ് എംഎൽഎ ഉമേഷ് ജാദവ് രാജിവച്ച് ബിജെപിയിൽ. പൊതുതിരഞ്ഞെടുപ്പിൽ ഗുൽബർഗ ലോക്‌സഭാ മണ്ഡലത്തിൽ സ്ഥാനാർത്ഥിയായി ഉമേഷ് ജയിച്ചു. ലോക്‌സഭാ തിരഞ്ഞെടുപ്പിൽ 28ൽ 25 സീറ്റോടെ ബിജെപിക്കു വമ്പൻ വിജയം. 2 ലോക്‌സഭാ സീറ്റിലേക്കു സഖ്യസർക്കാർ ചുരുങ്ങി. ഇതോടെയാണ് രണ്ടാം ഘട്ട ഓപ്പറേഷൻ താമരയ്ക്ക് തുടക്കമാകുന്നത്.

20 വിമതർ ബിജെപിയിൽ ചേരുമെന്നും ഇടക്കാല തിരഞ്ഞെടുപ്പാണു ബിജെപി ആഗ്രഹിക്കുന്നതെന്നും യെഡിയൂരപ്പ. രമേഷ് ജാർക്കിഹോളി, ഡോ. കെ.സുധാകർ എന്നിവർ യെഡിയൂരപ്പയുമായി ചർച്ച നടത്തി. കർണാടക വിഷയം പാർലമെന്റിൽ അടക്കം ഉന്നയിച്ചിട്ടും ഫലമുണ്ടായില്ല. മുംബൈയിൽ എംഎൽഎമാരെ കാണാനെത്തിയ ഡി.കെ.ശിവകുമാറിനെ പൊലീസ് തടഞ്ഞതുമെല്ലാം വാർത്തയായി. ാജി അംഗീകരിക്കാത്ത സ്പീക്കറുടെ നടപടി ചോദ്യം ചെയ്ത് വിമതർ സുപ്രീംകോടതിയിൽ.

ഭൂരിപക്ഷം തെളിയിക്കാൻ സമയക്രമം നൽകിയ ഗവർണറുടെ നിർദ്ദേശം സർക്കാരും സ്പീക്കറും തള്ളിയ കാഴ്‌ച്ചയാണ് പിന്നീട് കണ്ടത്. 22ന് രാത്രി 11.40 വരെ നിയമസഭാ സമ്മേളനം തുടർന്നിട്ടും വിശ്വാസവോട്ടെടുപ്പ് നടന്നില്ല. അതോടെയാണ് സ്പീക്കർ ഇടപെട്ട് 23ന് വൈകിട്ട് ആറിനകം വിശ്വാസവോട്ടെടുപ്പ് നടത്തുമെന്നു പ്രഖ്യാപിച്ചത്. വോട്ടെടുപ്പിനൊടുവിൽ കുമാരസ്വാമി സർക്കാർ നിലംപതിച്ചു.

മറുനാടന്‍ ഡെസ്‌ക്‌    
മറുനാടന്‍ ഡെസ്‌ക്‌

Readers Comments

മലയാളത്തിൽ ടൈപ്പ്‌ ചെയ്യാൻ ഇവിടെ ക്ലിക്ക്‍ ചെയ്യുക
കമന്റ് ബോക്‌സില്‍ വരുന്ന അഭിപ്രായങ്ങള്‍ മറുനാടന്‍ മലയാളിയുടേത് അല്ല. മാന്യമായ ഭാഷയില്‍ വിയോജിക്കാനും തെറ്റുകള്‍ ചൂണ്ടി കാട്ടാനും അനുവദിക്കുമ്പോഴും മറുനാടനെ മനഃപൂര്‍വ്വം അധിക്ഷേപിക്കാന്‍ ശ്രമിക്കുന്നവരെയും അശ്ലീലം ഉപയോഗിക്കുന്നവരെയും മറ്റു മലയാളം ഓണ്‍ലൈന്‍ ലിങ്കുകള്‍ പോസ്റ്റ് ചെയ്യുന്നവരെയും മതവൈരം തീര്‍ക്കുന്നവരെയും മുന്നറിയിപ്പ് ഇല്ലാതെ ബ്ലോക്ക് ചെയ്യുന്നതാണ് - എഡിറ്റര്‍

More News in this category

MNM Recommends

TODAYLAST WEEKLAST MONTH
കേരളം ഞെട്ടിയ പെൺക്രിമിനൽ ബുദ്ധി സിനിമയാക്കാൻ ഇറങ്ങിയവർ പോക്‌സോ കേസിൽ കുടുങ്ങി; കൂടത്തായി സിനിമയുടെ തിരക്കഥാകൃത്ത് ഡിനി ഡാനിയേലിനും ജീവിത പങ്കാളിക്കുമെതിരെ പ്ലസ്ടുകാരിയെ പീഡിപ്പിച്ചതിന് കേസ്; കുടുംബ സുഹൃത്തായി അടുത്തുകൂടി പ്രായപൂർത്തിയാകാത്ത പെൺകുട്ടിയെ പീഡിപ്പിച്ചത് സിനിമാ പ്രവർത്തകൻ ചമഞ്ഞെത്തിയ എസ് ജി വിനയൻ; ചിത്രങ്ങളുണ്ടെന്ന് കാണിച്ചും പെൺകുട്ടിയെ ഭീഷണിപ്പെടുത്തി; ലിവിങ് ടുഗെദർ പാർട്ട്‌നർക്ക് പെൺകുട്ടിയെ പിച്ചിച്ചീന്താൻ എല്ലാ ഒത്താശയും ചെയ്തത് ഡിനി ഡാനിയേൽ
നിക്ഷേപ സൗഹൃദ കേരളത്തിൽ സംരംഭകർ 'ഓടി രക്ഷപെടുന്നു'; പണത്തോട് ആർത്തിമൂത്ത രാഷ്ട്രീക്കാരും ഉദ്യോഗസ്ഥരും കൈകൂലി ചോദിച്ചു ഒടുവിൽ തോൽപ്പിച്ചത് യുവ സംരംഭക ദമ്പതികളെ; കോടികൾ മുടക്കിയ സംരംഭവുമായി മറുനാട്ടിലേക്ക് രക്ഷപെടാൻ ഒരുങ്ങി ആർച്ചയും നിമലും; നഗരസഭാ ചെയർമാൻ പത്തുലക്ഷം രൂപ കൈക്കൂലി ചോദിച്ചത് പുറത്തുവന്നതിന് പിന്നാലെ പകപോക്കൽ നടപടികളും; കടൽക്കാഴ്ചയുടെ പ്രദർശന അനുമതി നീട്ടിക്കൊടുക്കാൻ ഹൈക്കോടതി ഉത്തവിട്ടിട്ടും കേൾക്കാതെ ഉദ്യോഗസ്ഥർ
അനധികൃത മണ്ണെടുപ്പിൽ പരാതിപ്പെട്ട വിവരാവകാശ പ്രവർത്തകനെ മർദ്ദിച്ച നാല് പേർ അറസ്റ്റിൽ; മഹേഷ് വിജയനെ മർദ്ദിച്ചത് സിപിഎം അനുഭാവികളായ കരാറുകാർ; അറസ്റ്റു ചെയ്തവരെ ജാമ്യത്തിൽ വിട്ടയച്ചു; മർദ്ദിക്കുമ്പോൾ കൈയും കെട്ടി നിന്നു ഒത്താശ ചെയ്ത കോട്ടയം നഗരസഭാ ഉദ്യോഗസ്ഥരും മണ്ണെടുപ്പുകാർക്ക് ഒത്താശ ചെയ്യുന്നവരെന്ന് ആക്ഷേപം
ചൈനയിൽ കൊറോണ ബാധ നിയന്ത്രണാതീതം; വുഹാൻ സിറ്റിയിൽ ജനങ്ങളെല്ലാം പരിഭ്രാന്തിയിൽ; രോഗികളെ പരിശോധിക്കാനായി നിയോഗിച്ചത് 450 മിലിട്ടറി ഡോക്ടർമാർ അടങ്ങിയ സംഘം; ഡോക്ടറെ കാണാൻ കുറഞ്ഞത് ഒരാൾ കാത്തു നിൽക്കേണ്ടി വരുന്നത് അഞ്ച് മണിക്കൂറോളം; മറ്റിടങ്ങളിലേക്കുള്ള രോഗബാധ തടയാൻ ജനങ്ങൾ വുഹാൻ വിട്ട് പുറത്തേക്കു പോകുന്നതും തടഞ്ഞ് ചൈനീസ് ഭരണകൂടം; പുറത്തേക്ക് പോകാൻ വാഹനങ്ങളുമായി ഇറങ്ങിയവരെ ബാരിക്കേഡ് വെച്ച് തടയുന്നു; 110 ലക്ഷം ജനങ്ങൾ വസിക്കുന്ന പ്രേതനഗരമായി വുഹാൻ
ജനലക്ഷങ്ങൾ ഒരുമിച്ച് വായിച്ചത് ഭരണഘടനയുടെ ആമുഖം; നാം ഒന്നാണ് എന്ന് പ്രഖ്യാപിച്ച് സഖാക്കൾക്കൊപ്പം അണിചേർന്ന് ന്യൂനപക്ഷ സമൂഹവും; തിരുവനന്തപുരത്ത് പിണറായിയും കാനവും ഒരുമിച്ചപ്പോൾ ഒപ്പമെത്തിയത് പാളയം ഇമാമും; എപി - ഇകെ വിഭാഗങ്ങളും വേദിയിലെത്തിയതോടെ സംഘപരിവാറിന് താക്കീതായി കേരളമെന്ന് പ്രഖ്യാപനം; മനുഷ്യമഹാ ശൃംഖലയിലൂടെ ഇന്ന് ലോകം കണ്ടത് ഇടത് പക്ഷത്തിന്റെ സംഘാടന മികവും കേരളത്തിന്റെ മതമൈത്രിയും
'മഹേഷ് ഇനി വീട്ടിൽ നിന്നും ഇറങ്ങില്ല... ഇറങ്ങിയാൽ ഇടിയെന്നു വച്ചാൽ നല്ല ഇടി എന്റെ കയ്യിൽ നിന്നും കിട്ടും... ഞാനും തല്ലും ഷാജിയും തല്ലും... മാടയ്ക്കൻ ഷാജി ഒറ്റയ്ക്കായിരിക്കില്ല... പെണ്ണുങ്ങളെ കൊണ്ടും ഞാൻ തല്ലിക്കും'; കോട്ടയം നഗരസഭാ കാര്യാലയത്തിൽ കരാറുകാരുടെ മർദത്തിന് ഇരയായ വിവരാവകാശ പ്രവർത്തകൻ മഹേഷിന് വീണ്ടും ഭീഷണി; അനധികൃതമായി തോട് കയ്യേറ്റം ചെയ്തതിനെതിരെ രംഗത്തെത്തിയതോടെ കയ്യേറ്റക്കാരനും സംഘവും വീണ്ടും കൊലവിളിയുമായി രംഗത്ത്; കരാറുകാരൻ ബൈജുവിന്റെ ഫോൺ സംഭാഷണം മറുനാടന്
ഞങ്ങൾ ഒരൽപ്പം വൈകിപ്പോയി, എന്നാലും പ്രീണിപ്പിച്ച് മരിക്കും; പറന്തലിൽ അസംബ്ലീസ് ഗോഡ് കൺവൻഷൻ നഗറിൽ കൊടിനാട്ടിയ ആർഎസ്എസിനെതിരേ പ്രതിഷേധവുമായി കോൺഗ്രസും രംഗത്ത്; കൊടി പിഴുത് മൈലേജ് നേടിയ സിപിഎമ്മിനൊപ്പം എത്താൻ പന്തളം സുധാകരന്റെയും കൂട്ടരുടെയും പെടാപ്പാട്; അവസരം മുതലാക്കി കൺവൻഷൻ വേദിയുടെ ചുറ്റുമുള്ള മുപ്പതേക്കർ നികത്താൻ സ്വകാര്യ ആശുപത്രി ഉടമയും
അമ്മൂമ്മയ്ക്കൊപ്പം താമസിക്കുകയായിരുന്ന 17-കാരിയെ അമ്മ താമസിക്കുന്നിടത്ത് വിളിച്ചുവരുത്തി വീട്ടിൽ ഐശ്വര്യം ലഭിക്കാൻ മന്ത്രവാദിയെ വിവാഹം കഴിക്കാൻ നിർബന്ധിച്ചു; കുട്ടിയുടെ സമ്മതമില്ലാതെ അടുത്ത ക്ഷേത്രത്തിൽവച്ച് താലി കെട്ടിയശേഷം ക്രൂരമായ ലൈംഗിക പീഡനം; സ്‌കൂളിൽ വിടാതെ പീഡനം തുടർന്നപ്പോൾ രക്ഷപെട്ടോടെയി പെൺകുട്ടി വിവരം അറിയിച്ചത് അമ്മൂമ്മയെ കണ്ട്; പ്ലസ്ടു വിദ്യാർത്ഥിനിയെ മന്ത്രവാദിക്ക് കാഴ്‌ച്ച വെച്ച് അമ്മയും രണ്ടാം ഭർത്താവും അറസ്റ്റിൽ
എല്ലാ പ്രശ്നത്തിനും അവസാനം ഉണ്ടാക്കമെന്ന പഞ്ചാരവാക്കിൽ വീട്ടിലെത്തിച്ചു; വിവസ്ത്രയായി മൃതദേഹം കണ്ടത് വിരൽ ചൂണ്ടുന്നത് ബലാത്സംഗ സാധ്യതയിലേക്ക്; ക്രൂര പീഡനത്തിന് ശേഷം കലി തീരാതെ തലമുടി വെട്ടിക്കളഞ്ഞും ഡ്രോയിങ് മാഷുടെ സൈക്കോ മനസ്സ്; ബക്കറ്റിൽ തലമുക്കി അദ്ധ്യാപികയെ വെങ്കിട രമണ കൊന്നത് അതിക്രൂരമായി; മൃതദേഹം കടത്തിയത് വെളുത്ത സ്വിഫ്റ്റ് കാറിൽ; കാസർഗോട്ടെ രൂപശ്രീയുടെ കൊലപാതകത്തിൽ നിറയുന്നതും അവിഹിതവും ദുരൂഹ സാമ്പത്തിക ഇടപാടുകളും
വീതി കുറഞ്ഞ റോഡിൽ ബെലോന പാർക്ക് ചെയ്തത് മതിലിനോട് ചേർന്ന്; കഷ്ടിച്ച് ഒരു വാഹനം മാത്രം പോകുന്നിടത്തെ ഒതുക്കിയിടൽ കണ്ട് പ്രതികാരാഗ്നിയിൽ ചോര തിളച്ചത് പള്ളീലച്ചന്; കാറിന്റെ മുന്നിലും പിന്നിലുമായി കല്ലുകൊണ്ട് ശക്തമായി ഉരച്ച് പെയിന്റ് കളഞ്ഞു: ഡോറിലും ബോണറ്റിലും കേടുപാടുകളും വരുത്തി; കലി തീരാതെ വീണ്ടും വീണ്ടും ആക്രമണം: മകന്റെ വിവാഹാവശ്യത്തിന് ബന്ധുവീട്ടിൽ എത്തിയവരുടെ കാറിന് നേരെ വികാരിയുടെ കാട്ടിയത് എല്ലാ സീമകളുടെ ലംഘിക്കുന്ന പ്രതികാരം; അന്വേഷണത്തിന് കോന്നി പൊലീസ്
മോഡലിങ് നിർമ്മിച്ച് നൽകി പരിചയമുണ്ടാക്കി; ചരിത്രാധ്യാപികയെ വലയിൽ വീഴ്‌ത്തിയത് വശീകരണ ക്രിയകളിലൂടെ; അടുത്ത സ്‌കൂളിലെ അദ്ധ്യാപകനുമായി ബന്ധം തുടങ്ങിയ കാമുകിയെ കൊല്ലുന്നതിന് മുമ്പ് ആഭിചാരത്തിലൂടെ ശക്തി ഇരട്ടിപ്പിച്ചു; പഞ്ചാരവാക്കിൽ വീഴ്‌ത്തി വീട്ടിൽ കൊണ്ടു വന്ന് തന്ത്രത്തിൽ ബോധം കെടുത്തി; വസ്ത്രങ്ങൾ അഴിച്ചുമാറ്റിയത് നാരീ നഗ്ന പൂജയിലൂടെ അന്വേഷണത്തെ വഴി തെറ്റിക്കാൻ; രൂപശ്രീയുടെ മരണത്തിൽ അവിഹിതത്തിനൊപ്പം ആഭിചാരവും; ഡ്രോയിങ് മാഷ് വെങ്കിട്ട രമണ കാരന്ത ആളു ചില്ലറക്കാരനല്ല
പോരുന്നോ എന്റെ കൂടെ... ഹോട്ടലിൽ മുറി ബുക്കു ചെയ്യാം...! സുവിശേഷം കഴിഞ്ഞ് രാത്രിയിൽ കാറിൽ വരവേ റോഡരുകിൽ രണ്ട് യുവതികളെ 'പിക്ക് ചെയ്യാൻ' ശ്രമിച്ച പാസ്റ്ററുടെ ചോദ്യം ഇങ്ങനെ; ലൈംഗികച്ചുവയോടെ സംസാരിച്ച് പാസ്റ്റർ അടുത്തുകൂടിയത് നൈറ്റ് പട്രോളിങ്ങിന് ഇറങ്ങിയ ഷാഡോ വനിത പൊലീസിന് മുമ്പിൽ; കൈയോടെ തൂക്കിയെടുത്ത് സ്റ്റേഷനിൽ എത്തിച്ച് അറസ്റ്റു ചെയ്ത് ഉദ്യോഗസ്ഥരും; തീക്കട്ടയിൽ ഉറുമ്പരിക്കാൻ ശ്രമിച്ച് എട്ടിന്റെ പണി കിട്ടിയത് മതപരിവർത്തനത്തിലൂടെ പെന്തക്കോസ്തിലെത്തിയ ഷമീർ പാസ്റ്റർക്ക്
കാമാസക്തനായി പെൺകുട്ടിയെ വിവാഹം കഴിക്കാമെന്ന് വ്യാമോഹിപ്പിച്ച് ഇണ ചേർന്ന് ഗർഭം ധരിപ്പിച്ച് സകല സൗഭാഗ്യങ്ങളോടും ജീവിക്കേണ്ട ഒരു കുഞ്ഞിനെ ചിന്നഭിന്നമാക്കി ചോരയാക്കി ഒഴുക്കി കളഞ്ഞതിന്റെ ശാപത്തിൽ കൂട്ടുനിന്നതിന്റെ ശിക്ഷ! ഭാര്യയുടെ മാനസ പുത്രനായ ആ നിഷ്ഠൂരനെ പറഞ്ഞതിന്റെ ഫലം പിറ്റേ പ്രഭാതത്തിൽ ഞാൻ അറിഞ്ഞു; സുനിൽ പരമേശ്വരനെ ചതിച്ച 'മാധ്യമ സുഹൃത്ത്' ആര്? അനന്തഭദ്രത്തിന്റെ തിരക്കഥാകൃത്ത് എങ്ങനെ സന്യാസിയായി; 'ഒരു കപട സന്യാസിയുടെ ആത്മകഥ' വീണ്ടും ചർച്ചയാകുമ്പോൾ
പ്രതി അത്യന്തം ക്രൂരമായ തരത്തിൽ ഒരു അറക്കവാൾ ഉപയോഗിച്ച് ആ ഹിന്ദുവിന്റെ തലയോട്ടി അറുക്കാൻ തുടങ്ങി; അതിനുശേഷം ഒരു അമ്പലത്തിലെ ഒരു ബ്രാഹ്മണനെ കൊണ്ടുവന്നു; ഇദ്ദേഹം വിശുദ്ധമായ പൂണൂൽ ധരിച്ചിട്ടുള്ളതുകൊണ്ട് തങ്ങൾ തന്നെ അദ്ദേഹത്തെ വധിക്കണമെന്ന് പ്രതി ആവശ്യപ്പെട്ടു; മറ്റു ഹിന്ദുക്കളെ കൊല്ലാൻ മാപ്പിളമാർക്കിടയിൽ ഭീകരമായ മത്സരം തന്നെ നടന്നു; മലബാർ കലാപം കർഷക സമരമല്ല വർഗീയ ലഹളതന്നെ; മാപ്പിള കലാപത്തിലെ കോടതി വിധിയുടെ തർജ്ജമ വായിച്ചാൽ നടുങ്ങും
സഹാധ്യാപകന്റെ കാറിലെ ഫോറൻസിക് പരിശോധനയിൽ മുടി കണ്ടത് നിർണ്ണായകമായി; കൊലപ്പെടുത്തിയത് ബക്കറ്റിലെ വെള്ളത്തിൽ ബലപ്രയോഗത്തിലൂടെ തല മുക്കി; കൊന്ന ശേഷം തെളിവ് നശിപ്പിക്കാൻ കൊണ്ടു തള്ളിയത് കടലിലും; വാഹനത്തിൽ മൃതദേഹം കൊണ്ടു പോയത് ഡ്രോയിങ് മാഷെ കുടുക്കി; മഞ്ചേശ്വരം മിയാപദവ് എച്ച് എസ് എസിലെ അദ്ധ്യാപികയെ കൊന്നത് വെങ്കിട്ട രമണൻ തന്നെ; അതിവേഗം കൊലപാതകത്തിന്റെ ചുരുൾ അഴിച്ച് കേരളാ പൊലീസ്; പ്രതി അറസ്റ്റിൽ
ഇടിക്കട്ടകൊണ്ട് മുഖത്തിടിച്ചാലും ഭാവം വരാത്ത പ്രണവ് മോഹൻലാൽ ഇത്തവണത്തെ മോശം നടൻ; കണ്ണിറുക്കി പറ്റിച്ച പ്രിയാവാര്യർ മോശം നടി; ഹൊറർ സിനിമ കോമഡി പടമാക്കിയ വിനയനും, കിളിപോയ സയൻസ് ഫിക്ഷൻ ഒരുക്കിയ ജെനീസ് മുഹമ്മദും മോശം സംവിധായകർ; ഇട്ടിമാണിയും കൽക്കിയും മോശം ചിത്രങ്ങൾ; മോസ്റ്റ് വെറുപ്പിക്കലിനുള്ള സമഗ്ര സംഭവനാ പുരസ്‌ക്കാരം ജയറാമിന്; 2019ലെ മോശം മലയാള സിനിമകൾക്കുള്ള അവാർഡ് കൊടുത്താൽ ഇങ്ങനെയിരിക്കും
എല്ലാ പ്രശ്നത്തിനും അവസാനം ഉണ്ടാക്കമെന്ന പഞ്ചാരവാക്കിൽ വീട്ടിലെത്തിച്ചു; വിവസ്ത്രയായി മൃതദേഹം കണ്ടത് വിരൽ ചൂണ്ടുന്നത് ബലാത്സംഗ സാധ്യതയിലേക്ക്; ക്രൂര പീഡനത്തിന് ശേഷം കലി തീരാതെ തലമുടി വെട്ടിക്കളഞ്ഞും ഡ്രോയിങ് മാഷുടെ സൈക്കോ മനസ്സ്; ബക്കറ്റിൽ തലമുക്കി അദ്ധ്യാപികയെ വെങ്കിട രമണ കൊന്നത് അതിക്രൂരമായി; മൃതദേഹം കടത്തിയത് വെളുത്ത സ്വിഫ്റ്റ് കാറിൽ; കാസർഗോട്ടെ രൂപശ്രീയുടെ കൊലപാതകത്തിൽ നിറയുന്നതും അവിഹിതവും ദുരൂഹ സാമ്പത്തിക ഇടപാടുകളും
ഐഡിയാ സ്റ്റാർ സിങ്ങറിന് മുമ്പ് പ്രശ്‌നമൊന്നുമില്ലായിരുന്നു; പാട്ടു പാടി പ്രശസ്തനായപ്പോൾ സ്ത്രീകളുമായി ചങ്ങാത്തം; കാണാൻ പാടില്ലാത്ത മെസേജ് ചോദ്യം ചെയ്തപ്പോൾ പീഡനങ്ങൾ; അഞ്ച് വർഷം അവിടെ നിന്നയാൾക്ക് എങ്ങനെയാണ് രണ്ടര വയസ്സിന്റെ വ്യത്യാസത്തിൽ രണ്ട് മക്കളുണ്ടാകുക; ആദ്യ ഭർത്താവിന് കുട്ടികളെ വിട്ടുനൽകിയത് പണം വാങ്ങിയിട്ടില്ലെന്ന് സൂര്യ; ബിഗ് ബോസിലെ സോമദാസിന്റെ വെളിപ്പെടുത്തൽ തള്ളി മുൻ ഭാര്യ: ഏഷ്യാനെറ്റ് ഷോയിൽ പാട്ടുകാരൻ പറഞ്ഞത് പച്ചക്കള്ളമോ?
താമരശ്ശേരി രൂപതാ മെത്രാൻ മാർ റെമിജിയോസ് ഇഞ്ചനാനിയിലിന് കോടഞ്ചേരി പള്ളി വികാരി ആയിരുന്നപ്പോൾ മുസ്ലിം യുവതിയിൽ കുഞ്ഞ് പിറന്നോ? ഒതുക്കി തീർക്കാൻ എംപിയായിരുന്ന എംഐ ഷാനവാസ് വഴി 50 ലക്ഷവും മാസം 25,000 രൂപയും നൽകിയോ? രൂപതാംഗമായ വീട്ടമ്മയുടെ പോസ്റ്റ് ചർച്ചയാക്കി സോഷ്യൽ മീഡിയ; ആരോപണങ്ങളിൽ ഉറച്ചു നിൽക്കുന്നുവെന്ന് അന്ന ഷിബി; പച്ചക്കള്ളം പറഞ്ഞ് അപമാനിക്കുന്നുവെന്ന് സഭാ നേതൃത്വം; ലൗ ജിഹാദ് കാലത്ത് സീറോ മലബാർ സഭയെ പ്രതിരോധത്തിലാക്കി മറ്റൊരു വിവാദം
അഡാർ ഊഡായ ലൗ, പത്തൊമ്പതാം നൂറ്റാണ്ടിലെ പ്രമേയം പറഞ്ഞ ഇരുപത്തിയൊന്നാം നൂറ്റാണ്ട്; ഏച്ചുകെട്ടിയ കഥയുമായി ദിലീപിന്റെ ജാക്ക് ഡാനിയൽ തൊട്ട് ആകാശ ഗംഗയെന്ന ചിരിപ്പിക്കുന്ന ഹൊറർ മൂവി വരെ; പൊട്ടമാണിയായിപ്പോയ ഇട്ടിമാണിയിൽ വീണ് മോഹൻലാൽ; ഗാനഗന്ധർവനിൽ മമ്മൂട്ടിക്കും പിഴച്ചു; കിളിപോയ സയൻസ് ്ഫിക്ഷനുമായി പൃഥ്വിരാജും കത്തിപൊലീസ് കഥയുമായി ടൊവീനോയും; ഒരു ശ്രദ്ധയുമില്ലാതെ കോടികൾ തുലച്ച് മലയാള സിനിമയും; 2019ലെ സൂപ്പർ ഫ്‌ളോപ്പുകൾ ഇങ്ങനെ
മകളുടെ ജനനേന്ദ്രയിത്തിൽ അടിക്കടി ഇൻഫക്ഷൻ കണ്ട അമ്മ ഭർത്താവിന്റെ പുതപ്പിനടിയിലായിരുന്ന മകളെ വിളിച്ചുണർത്തി വിവരം തിരക്കിയത് നിർണ്ണായകമായി; കൗൺസിലറുടെ ഇടപെടൽ പുറത്തു കൊണ്ടു വന്നത് മൃഗസംരക്ഷണ വകുപ്പ് ജീവനക്കാരനായ അച്ഛന്റെ ക്രൂരത; പൊലീസ് കണ്ടെത്തിയത് അമ്മായിയുടെ മക്കളുടെ ലൈംഗിക പീഡനവും; കേരളത്തെ ഞെട്ടിച്ച് അഴിക്കുള്ളിലായത് നഗ്ന ചിത്രങ്ങൾ മകളെ കാണിച്ച അച്ഛൻ
വേണ്ടി വന്നാൽ ദുബായിയെയും ആക്രമിക്കും എന്ന ഇറാന്റെ ഭീഷണിയിൽ നെഞ്ചിടിക്കുന്നത് മലയാളികൾക്ക്; ലക്ഷക്കണക്കിന് പ്രവാസി കുടുംബങ്ങളുടെ നെഞ്ചിൽ തീകോരിയിട്ട് റെവല്യൂഷണറി ഗാർഡ്‌സിന്റെ ഭീഷണി സന്ദേശം; യുദ്ധഭീതി ഉയർന്നതോടെ ഗൾഫ് മേഖലയിൽ അതീവജാഗ്രത; വിമാന സർവീസുകൾ നിർത്തിവെച്ചു; ഇറാനിലേക്കും ഇറാഖിലേക്കുമുള്ള യാത്ര ഒഴിവാക്കണമെന്ന് ഇന്ത്യക്കാർക്ക് നിർദ്ദേശം; ഇരുരാജ്യങ്ങളിലെയും വ്യോമപാത ഒഴിവാക്കാനും നിർദ്ദേശം; ഗൾഫിലേക്കുള്ള അമേരിക്കൻ വിമാനങ്ങളും സർവീസ് നിർത്തുന്നു