ഭൂരിപക്ഷം തെളിയിക്കാൻ ഫഡ്നാവീസിന് മുമ്പിൽ കടമ്പകൾ ഏറെ; എംഎൽഎമാരെ ഒരുമിച്ച് നിർത്തിയാൽ ബിജെപിക്ക് പണി കൊടുക്കാമെന്ന് ഉറച്ച് വിശ്വസിച്ച് കോൺഗ്രസും ശിവസേനയും എൻസിപിയും; അജിത് പവാറിനെ അനുനയിപ്പിച്ച് പ്രതിപക്ഷത്ത് എത്തിക്കുന്നതിനും സജീവ നീക്കങ്ങൾ; സ്ഥിതി ഗതികൾ നേരിട്ട് വിലയിരുത്തി സോണിയാ ഗാന്ധി; അധികാരമുറപ്പിക്കാൻ മോദിയും അമിത് ഷായും നേരിട്ടിടപെടുമെന്നു വിശ്വസിച്ച് കരുനീക്കങ്ങൾ; ഇന്നത്തെ സുപ്രീംകോടതി തീരുമാനം നിർണ്ണായകം; പാർലമെന്റും പ്രക്ഷുബ്ദമാകും
മറുനാടൻ മലയാളി ബ്യൂറോ
മുംബൈ: മഹാരാഷ്ട്രയിൽ നാടകീയ സംഭവവികാസങ്ങൾ തുടരുകയാണ്. ഇന്ന് മഹാ നാടകത്തിൽ സുപ്രീംകോടതി വിധി പറയും. ഇതോടെ അനിശ്ചിതത്വങ്ങൾക്ക് വിരാമമാകുമെന്നാണ് പ്രതീക്ഷ. സുപ്രീംകോടതി വിധി പറയുന്നത് നീണ്ടു പോയാൽ രാഷ്ട്രീയ അനിശ്ചിതത്വം തുടരും. നിയമസഭയിൽ വിശ്വാസ വോട്ട് നേടാൻ ബിജെപി സർക്കാരിന് കൂടുതൽ സമയം കിട്ടുകയും ചെയ്യും. എന്നാൽ രണ്ട് ദിവസത്തിനുള്ളിൽ വിശ്വാസ വോട്ട് നേടാൻ സുപ്രീംകോടതി നിർദ്ദേശിക്കുമെന്നാണ് വിലയിരുത്തൽ. അതുകൊണ്ട് തന്നെ എല്ലാവരും രണ്ടും കൽപ്പിച്ചാണ്. അതിനിടെ ഞായറാഴ്ച രാത്രിവൈകി മഹാരാഷ്ട്ര മുഖ്യമന്ത്രി ദേവേന്ദ്ര ഫഡ്നവിസും ഉപമുഖ്യമന്ത്രിയും എൻ.സി.പി. നേതാവുമായ അജിത് പവാറും കൂടിക്കാഴ്ച നടത്തി. അടച്ചിട്ട മുറിയിൽനടന്ന ചർച്ചയുടെ വിശദാംശങ്ങൾ വ്യക്തമായിട്ടില്ല. എന്നാൽ, സംസ്ഥാനത്തെ കർഷകരുടെ പ്രശ്നങ്ങളാണ് ഇരുവരും ചർച്ചചെയ്തതെന്ന് മുഖ്യമന്ത്രിയുടെ ഓഫീസ് അറിയിച്ചു. തിങ്കളാഴ്ച രാവിലെ സുപ്രീംകോടതി പരിഗണിക്കാനിരിക്കുന്ന ഹർജിയുമായി ബന്ധപ്പെട്ടാണ് ഇവർ ചർച്ചനടത്തിയതെന്നാണ് അറിയുന്നത്.
മുതിർന്ന ബിജെപി.നേതാക്കളായ ചന്ദ്രകാന്ത് പാട്ടീൽ, വിനോദ് തവാഡെ, ഗിരീഷ് മഹാജൻ എന്നിവരും മുഖ്യമന്ത്രിയുടെ വസതിയിൽനടന്ന ചർച്ചയിൽ പങ്കെടുത്തു. വിശ്വാസ വോട്ടിൽ സുപ്രീംകോടതി അനുകൂല തീരുമാനം എടുക്കുമെന്നാണ് കോൺഗ്രസിന്റെ പ്രതീക്ഷ. അതുവരെ എംഎൽഎമാരെ ഒരുമിച്ച് നിർത്താൻ പ്രതിപക്ഷത്തിന് ആയാൽ ബിജെപി സർക്കാർ വീഴും. എന്നാൽ എൻസിപിയേയും ശിവസേനയേയും പിളർത്തി കൂടുതൽ പേരെ മറുകണ്ടം ചാടിച്ച് സർക്കാരുണ്ടാക്കാനാണ് ബിജെപി നീക്കം. കൂടുതൽ സമയം കിട്ടിയാൽ എല്ലാം അനുകൂലമാകുമെന്ന് അവർക്ക് അറിയാം. ്അതിനിടെ അജിത് പവാറിനെ തിരികെ എൻസിപിയിൽ എത്തിക്കാനും ശ്രമമുണ്ട്. എന്നാൽ ഈ നീക്കമൊന്നും വിജയിച്ചിട്ടില്ല. ബിജെപിക്കു വിശ്വാസവോട്ടെടുപ്പിൽ മറുപടി നൽകാനുള്ള നീക്കങ്ങളുമായി കോൺഗ്രസ് സജീവമായി തന്നെ രംഗത്തുണ്ട്. വിശ്വാസവോട്ടിനു മുൻപ് സ്വന്തം എംഎൽഎമാർ ചാടിപ്പോകാതെ നോക്കണമെന്നു പാർട്ടി അധ്യക്ഷ സോണിയ ഗാന്ധി മുതിർന്ന നേതാക്കൾക്കു കർശന നിർദ്ദേശം നൽകി.
വിശ്വാസവോട്ട് 30 വരെ നീണ്ടുപോയേക്കാമെന്ന നിഗമനത്തിൽ, അതുവരെ എംഎൽഎമാരെ സംരക്ഷിക്കുന്നതിനുള്ള നടപടികൾ കോൺഗ്രസ് സ്വീകരിക്കും. ആഡംബര ഹോട്ടലിൽ താമസിപ്പിച്ചിരിക്കുന്ന എംഎൽഎമാർ പുറംലോകവുമായി ബന്ധപ്പെടുന്നതിനു നിയന്ത്രണമേർപ്പെടുത്തും. ശിവസേന, എൻസിപി എംഎൽഎമാരും ഉറച്ചുനിന്നാൽ, വിശ്വാസവോട്ടിനുള്ള അംഗബലം നേടാൻ ബിജെപിക്കു സാധിക്കില്ലെന്നാണു കണക്കുകൂട്ടൽ. അഭിമാനപ്രശ്നമായ മഹാരാഷ്ട്രയിൽ അധികാരമുറപ്പിക്കാൻ മോദിയും അമിത് ഷായും നേരിട്ടിടപെടുമെന്നു കരുതുന്ന കോൺഗ്രസ് അതു നേരിടാനുള്ള ഒരുക്കങ്ങളാണു നടത്തുന്നത്. സംഘടനാ ചുമതലയുള്ള ജനറൽ സെക്രട്ടറി കെ.സി. വേണുഗോപാലുമായി ഇന്നലെ ചർച്ച നടത്തിയ സോണിയ സംസ്ഥാനത്തെ സ്ഥിതിഗതികൾ പരിശോധിച്ചു. അധികാരത്തിന്റെ സ്വാധീനമുപയോഗിക്കാൻ ബിജെപി ശ്രമിക്കുമെന്നും ജാഗ്രത വേണമെന്നും ചൂണ്ടിക്കാട്ടിയ സോണിയ തുടർ നടപടികൾ സംബന്ധിച്ചു ശരദ് പവാർ (എൻസിപി), ഉദ്ധവ് താക്കറെ (ശിവസേന) എന്നിവരുമായി നിരന്തരം ബന്ധപ്പെടാനും നിർദ്ദേശിച്ചു. വേണുഗോപാലിനു പുറമെ മുതിർന്ന നേതാക്കളായ അഹമ്മദ് പട്ടേൽ, മല്ലികാർജുൻ ഖർഗെ എന്നിവർക്കാണു ചുമതല.
വിശ്വാസ വോട്ട് നേടാൻ നിയമസഭയിൽ ഫഡ്നാവീസിന് കുറച്ച് നടപടി ക്രമങ്ങൾ കൂടി ചെയ്യേണ്ടതുണ്ട്. പ്രോടെം സ്പീക്കറെ നിയമിക്കാനുള്ള ശുപാർശ മന്ത്രിസഭ ഗവർണർക്കു സമർപ്പിക്കണം. രാഷ്ട്രീയ അനിശ്ചിതത്വം നിലനിൽക്കുന്നതിനാൽ ഭരണകക്ഷി അംഗം തന്നെ പ്രോടെം സ്പീക്കറാകും. പ്രോടെം സ്പീക്കറെ ഗവർണർ നിയമിക്കണം; തുടർന്ന് ഗവർണർ മുൻപാകെ സത്യപ്രതിജ്ഞ. അതിന് ശേഷം നിയമസഭയുടെ ആദ്യ സമ്മേളനം ചേരണം. പ്രോടെം സ്പീക്കർ മുൻപാകെ 287 അംഗങ്ങളുടെ സത്യപ്രതിജ്ഞ നടക്കണം. ഇതിന് ഒരു ദിവസം വേണ്ചി വരും. സ്പീക്കർ തിരഞ്ഞെടുപ്പ് നടത്തണം. ഭരണകക്ഷിക്കു വ്യക്തമായ ഭൂരിപക്ഷമില്ലാത്തതിനാൽ ഇതിനുള്ള സാധ്യത കുറവാണ്. സ്പീക്കർ തിരഞ്ഞെടുപ്പു നടന്നില്ലെങ്കിൽ പ്രോടെം സ്പീക്കർക്കു പിന്നീടുള്ള നടപടികൾ നിയന്ത്രിക്കാം. സർക്കാർ വിശ്വാസവോട്ട് തേടും. മുഖ്യമന്ത്രി അവതരിപ്പിക്കുന്ന വിശ്വാസപ്രമേയം ചർച്ച ചെയ്തോ അല്ലാതെയോ വോട്ടിനിടാം. പ്രോടെം സ്പീക്കർക്കു ചർച്ച നീട്ടിക്കൊണ്ടു പോകാം. കർണ്ണാടകയിൽ കുമാര സ്വാമി സർക്കാരിനെ നിലനിർത്താൻ കോൺഗ്രസ് കളിച്ച അതേ കളി ഇവിടേയും തുടരാം.
എംഎൽഎമാരെ സംരക്ഷിക്കാനാണു ശിവസേന, എൻസിപി, കോൺഗ്രസ് പാർട്ടികൾ പ്രാധാന്യം നൽകുന്നത്. ശിവസേന എംഎൽഎമാർ മുംബൈ രാജ്യാന്തര വിമാനത്താവളത്തിനു സമീപം ലളിത് ഹോട്ടലിൽ ആണുള്ളത്. പാർട്ടി അധ്യക്ഷൻ ഉദ്ധവ് താക്കറെയും മകനും എംഎൽഎയുമായ ആദിത്യ താക്കറെയുമടക്കം മുതിർന്ന നേതാക്കൾ ഇവിടെ ഇടയ്ക്കിടെ വന്നുപോകുന്നു. 56 എംഎൽഎമാരും സേനയ്ക്കൊപ്പം. പവയിലെ റിനൈസൻസ് ഹോട്ടലിൽ എൻസിപി എംഎൽഎമാർ കഴിയുന്നു. ഏതാനും മാസം മുൻപ് കർണാടകയിലെ വിമത കോൺഗ്രസ് എംഎൽഎമാരെ ബിജെപി പാർപ്പിച്ചിരുന്ന ഹോട്ടലാണിത്. ഉച്ചയ്ക്ക് ശരദ് പവാറും പിന്നാലെ ഉദ്ധവ് താക്കറെയും എംഎൽഎമാരെ കണ്ടു. തുടർന്ന് ഇരു നേതാക്കളും അടച്ചിട്ട മുറിയിൽ ചർച്ച നടത്തി. ആകെയുള്ള 54ൽ 51പേർ ഒപ്പമെന്നു ശരദ് പവാർ പക്ഷം.
ജുഹുവിലെ ജെഡബ്ല്യു മാരിയറ്റ് ഹോട്ടലിലാണ് കോൺഗ്രസ് എംഎൽഎമാർ. കോൺഗ്രസ് ഭരിക്കുന്ന രാജസ്ഥാനിലേക്കോ മധ്യപ്രദേശിലേക്കോ മാറ്റാനാണു പദ്ധതിയിട്ടിരുന്നതെങ്കിലും പെട്ടെന്നു ഭൂരിപക്ഷം തെളിയിക്കേണ്ട സാഹചര്യം ഉണ്ടായാൽ ഉടൻ എത്തിക്കാനായി മുംബൈയിൽ തന്നെ തുടരാൻ തീരുമാനിക്കുകയായിരുന്നു. എല്ലാ എംഎൽഎമാരും പാർട്ടിക്ക് ഒപ്പമെന്ന് കോൺഗ്രസ് പറയുന്നു. ബിജെപിയുടെ അടിയന്തര നിയമസഭാ കക്ഷിയോഗം ദാദറിലെ പാർട്ടി ഓഫിസിൽ ചേർന്നു. ദേവേന്ദ്ര ഫഡ്നാവിസ്, സംസ്ഥാന അധ്യക്ഷൻ ചന്ദ്രകാന്ത് പാട്ടീൽ, കേന്ദമന്ത്രി റാവുസാഹെബ് ധൻവെ തുടങ്ങി മുതിർന്ന നേതാക്കളുടെ സാന്നിധ്യം ഉണ്ടായിരുന്നു. ഭൂരിപക്ഷം തെളിയിക്കാൻ വേണ്ട തയ്യാറെടുപ്പുകളായിരുന്നു പ്രധാന ചർച്ചാവിഷയം. പിന്തുണയ്ക്കുന്ന സ്വതന്ത്രരുമായി പ്രത്യേക യോഗവും ചേർന്നു.
കോൺഗ്രസ്, ശിവസേന, എൻ.സി.പി. പാർട്ടികളിലെ നിയമസഭാംഗങ്ങളുമായി ബന്ധപ്പെടാനും തങ്ങളുടെ പക്ഷത്ത് എത്തിക്കാനും ബിജെപി നേതാക്കൾ ശ്രമിക്കുന്നുണ്ട്. വിവിധ പാർട്ടികളിൽനിന്ന് ബിജെപി.യിലെത്തിയ നേതാക്കൾക്കാണ് ചുമതല. മഹാരാഷ്ട്രയിലും 'ഓപ്പറേഷൻ ലോട്ടസ്' വിജയിപ്പിക്കാനുള്ള ശ്രമത്തിലാണ് ബിജെപി. ഇതിനുള്ള അടവുകളുമായി ബിജെപി. ക്യാമ്പ് സജീവമാണ്.
ഇന്ന് പാർലമെന്റിൽ പ്രതിഷേധം
മഹാരാഷ്ട്രയിൽ അധാർമിക മാർഗത്തിലൂടെയാണു ബിജെപി സർക്കാരുണ്ടാക്കിയതെന്നാരോപിച്ച് പാർലമെന്റിൽ ഇന്നു കോൺഗ്രസ് പ്രതിഷേധിക്കും. എൻസിപി, ശിവസേന എന്നിവയ്ക്കൊപ്പം ഇരുസഭകളിലും പ്രതിഷേധം സംഘടിപ്പിക്കും. യുപിഎക്കു പുറത്തുള്ള മറ്റു കക്ഷികളുടെ പിന്തുണയും തേടും. ശിവസേനയും എൻസിപിയും കോൺഗ്രസും പ്രത്യക്ഷത്തിൽ പ്രതിക്കൂട്ടിൽ നിർത്തുന്നത് കേന്ദ്രം ഭരിക്കുന്ന ബിജെപിയെയല്ല, ഗവർണറെയാണ്. അദ്ദേഹത്തിന്റെ നടപടികളിലാണ് സുപ്രീം കോടതിയിലെ ഹർജിയിലൂടെ അവർ പിഴവാരോപിക്കുന്നത്.
ബിജെപിയുടെ നിർദ്ദേശാനുസരണം, പക്ഷപാതപരമായും ദുരുദ്ദേശ്യത്തോടെയും പ്രവർത്തിച്ചുവെന്നതാണു ഗവർണർക്കെതിരെയുള്ള ആരോപണം. എന്നാൽ, പ്രധാനമന്ത്രി നരേന്ദ്ര മോദിയുടെ നടപടിയിൽ പക്ഷപാതവും ദുരുദ്ദേശ്യവും ആരോപിക്കപ്പെടാത്തതെന്തെന്ന ചോദ്യം നിയമവൃത്തങ്ങൾ ഉന്നയിക്കുന്നുണ്ട്. രാഷ്ട്രപതിഭരണം പിൻവലിക്കണമെന്ന്, മന്ത്രിസഭ ചേരാതെ തന്റെ സവിശേഷാധികാരം പ്രയോഗിച്ച് രാഷ്ട്രപതിക്കു ശുപാർശ നൽകിയ പ്രധാനമന്ത്രിയുടെ നടപടിയാണു ചോദ്യമുയർത്തുന്നത്. കേന്ദ്ര സർക്കാരിന്റെ നടപടികൾ സംബന്ധിച്ച ചട്ടങ്ങളിലെ 12ാം വകുപ്പനുസരിച്ചാണ് മന്ത്രിസഭ ചേരാതെതന്നെ തീരുമാനമെടുക്കാൻ പ്രധാനമന്ത്രിക്ക് അധികാരം.
എന്നാൽ, അടിയന്തര സാഹചര്യങ്ങളിലാണ് സവിശേഷാധികാരം പ്രയോഗിക്കേണ്ടത്. മഹാരാഷ്ട്രയുടെ കാര്യത്തിൽ അർധരാത്രിയിൽ തീരുമാനമെടുക്കാൻ തക്കതായ എന്ത് അടിയന്തര സാഹചര്യമെന്നതാണു ചോദ്യം. മന്ത്രിസഭ ചേരാൻ എന്തായിരുന്നു തടസ്സമെന്നും. പാർലമെന്റ് സമ്മേളിക്കുന്ന ദിവസങ്ങളാണ്. മന്ത്രിമാരെല്ലാം ഡൽഹിയിലുണ്ടായിരുന്നു. സവിശേഷാധികാരം പ്രയോഗിക്കുമ്പോഴും പക്ഷപാതപരമാകരുതെന്നാണു സ്ഥാനമേൽക്കുമ്പോഴുള്ള സത്യപ്രതിജ്ഞയെ അടിസ്ഥാനമാക്കി നിയമവൃത്തങ്ങൾ ഉന്നയിക്കുന്ന മറ്റൊരു പ്രശ്നം.
ഗവർണർ ഭഗത് സിങ് കോഷിയാരിയുടെ നടപടികൾ ഏറെ ചർച്ചയാണ്. കേന്ദ്രത്തിലെ ഭരണകക്ഷിയുടെ ഏജന്റ് ആയാണു ഗവർണർ പ്രവർത്തിച്ചതെന്നു സുപ്രീം കോടതിയിലും ആക്ഷേപമുന്നയിക്കപ്പെട്ടു. കഴിഞ്ഞ മാസം 24നാണു മഹാരാഷ്ട്ര നിയമസഭാ തിരഞ്ഞെടുപ്പു ഫലം വന്നത്. ഗവർണർ ആദ്യം വിളിക്കേണ്ടതു ഭൂരിപക്ഷമുള്ള സഖ്യത്തെയെങ്കിലും ബിജെപി ശിവസേന മുന്നണിക്കു ക്ഷണമുണ്ടായില്ല. ക്ഷണിച്ചാൽ, നിശ്ചിത സമയപരിധിക്കുള്ളിൽ അവർ ഭൂരിപക്ഷം തെളിയിക്കണം. 16ാം ദിവസമാണു ഗവർണർ ബിജെപിയെ ക്ഷണിച്ചത്. 2 ദിവസത്തെ സമയവും നൽകിയതോടെ ബിജെപിക്കു ലഭിച്ചത് ആകെ 18 ദിവസം. സർക്കാർ ഉണ്ടാക്കാനില്ലെന്നു ബിജെപി വ്യക്തമാക്കിയതിനു പിന്നാലെ ഗവർണർ ശിവസേനയെയും എൻസിപിയെയും ക്ഷണിച്ചെങ്കിലും ഇരുപാർട്ടികൾക്കും നൽകിയത് 24 മണിക്കൂർ വീതം മാത്രം.
പിന്തുണ തെളിയിക്കാൻ എൻസിപിക്കു നൽകിയ സമയപരിധി തീരും മുൻപേയാണു കഴിഞ്ഞ 12ന് അപ്രതീക്ഷിതമായി രാഷ്ട്രപതി ഭരണം പ്രഖ്യാപിച്ചത്. രാത്രി 8.30 വരെ സമയം അനുവദിച്ചിരുന്ന ഗവർണർ, ഉച്ചയോടെ രാഷ്ട്രപതിഭരണത്തിനായി ശുപാർശ ചെയ്യുകയായിരുന്നു. മന്ത്രിസഭ രൂപീകരിക്കുന്നില്ലെന്നു പറഞ്ഞു നേരത്തേ പിന്മാറിയ ദേവേന്ദ്ര ഫഡ്നാവിസിനു മുഖ്യമന്ത്രിയായി സത്യപ്രതിജ്ഞ ചെയ്യാൻ അർദ്ധ രാത്രി വഴിയൊരുക്കി. ഭഗത് സിങ് കോഷിയാരി ആർഎസ്എസ് നേതാവായിരുന്നു. 2001 '02 കാലത്ത് ഉത്തരാഖണ്ഡ് മുഖ്യമന്ത്രി; 2002 '03ൽ പ്രതിപക്ഷ നേതാവ്. 2008ൽ ഉത്തരാഖണ്ഡിൽ നിന്നു രാജ്യസഭയിൽ. 2014ൽ നൈനിറ്റാളിൽ നിന്നു ലോക്സഭയിൽ. ബിജെപി ദേശീയ ഉപാധ്യക്ഷനും ഉത്തരാഖണ്ഡിലെ ആദ്യ അധ്യക്ഷനും.
എംഎൽഎമാരെ നിരീക്ഷിക്കാൻ ശിവസേനയുടെ രഹസ്യ സേന
ശിവസേന, കോൺഗ്രസ്, എൻസിപി എംഎൽഎമാരെ പാർപ്പിച്ചിരിക്കുന്ന ഹോട്ടലുകൾക്ക് പൊലീസ് സുരക്ഷ വർധിപ്പിച്ചു. എല്ലാവരെയും പരിശോധിച്ച ശേഷമാണു കടത്തിവിടുന്നത്. വാഹനങ്ങളും പരിശോധിക്കുന്നുണ്ട്. ബിജെപി കുതിരക്കച്ചവടത്തിനിറങ്ങുമെന്ന ആശങ്കയുള്ളതിനാൽ മൂന്നിടത്തും എംഎൽഎമാരെ നിരീക്ഷിക്കാനായി ശിവസേനയുടെ രഹസ്യസേനയുണ്ട്. ശക്തമായ സുരക്ഷാവലയത്തിലുള്ള ശിവസേന, കോൺഗ്രസ്, എൻ.സി.പി. ക്യാമ്പ് ആത്മവിശ്വാസത്തിലാണ്. നിയമസഭാംഗങ്ങൾക്ക് ആർക്കും മൊബൈൽ ഫോൺപോലും നൽകിയിട്ടില്ല. നിയമസഭാംഗങ്ങളെപ്പോലും വിശ്വാസമില്ലാത്ത അവസ്ഥയിലാണ് കോൺഗ്രസ്, എൻ.സി.പി, ശിവസേന സഖ്യമെന്ന് ബിജെപി. ആരോപിച്ചു. എൻ.സി.പി. നിയമസഭാംഗങ്ങൾ താമസിക്കുന്ന ഹോട്ടലിൽ സാധാരണവേഷത്തിലെത്തിയ പൊലീസുകാരെ പാർട്ടിനേതാക്കൾ പിടികൂടുകയും ചെയ്തു. കാര്യം ചോർത്താൻവേണ്ടിയാണ് പൊലീസെത്തിയതെന്ന് എൻ.സി.പി. ആരോപിച്ചു
അജിത് പവാറിനെ വീണ്ടും എൻ.സി.പി.യിലേക്ക് കൊണ്ടുവരാനുള്ള ശ്രമങ്ങളും ഞായറാഴ്ച ഉണ്ടായി. എൻ.സി.പി. നേതാക്കളായ ജയന്ത് പാട്ടീൽ, ദീലീപ് വൽസെ പാട്ടീൽ ഉൾപ്പെടെയുള്ള മുതിർന്ന നേതാക്കളാണ് അജിത് പവാറിനെ കണ്ടത്. അജിത് പവാറിന്റെ പക്ഷത്തേക്ക് ഒഴുകിയ നിയമസഭാംഗങ്ങളെ എൻ.സി.പി. തിരിച്ചുപിടിച്ചിട്ടുണ്ട്. തങ്ങളുടെ പക്ഷത്ത് 51 നിയമസഭാംഗങ്ങളുണ്ടെന്ന് എൻ.സി.പി. നേതാക്കൾ വ്യക്തമാക്കി. എന്നാൽ ബിജെപി. സഖ്യത്തിനൊപ്പമെന്നുള്ള അജിത് പവാറിന്റെ ട്വീറ്റ് എത്തിയതോടെ കാര്യങ്ങൾ വീണ്ടും മാറിമറിഞ്ഞു. സംസ്ഥാനത്ത് ബിജെപി- എൻ.സി.പി. സഖ്യസർക്കാർ വരുമെന്നുള്ള അജിത് പവാറിന്റെ ട്വീറ്റ് ആശങ്ക പരത്തിയിട്ടുണ്ട്. താനിപ്പോഴും എൻ.സി.പി.യിലാണ്. ശരദ് പവാർതന്നെയാണ് തന്റെ രാഷ്ട്രീയനേതാവെന്നും സംസ്ഥാനത്ത് സുസ്ഥിരഭരണം ഉണ്ടാവുമെന്നും അജിത് പവാർ ട്വീറ്റ് ചെയ്തു. അജിത് പവാറിന്റെ ട്വീറ്റിന് മറുപടിയായി ശരദ്പവാർ ട്വീറ്റ് ചെയ്തു. എൻ.സി.പി. ഒരിക്കലും ബിജെപി.യുമായി ചേർന്ന് സർക്കാർ ഉണ്ടാക്കില്ല. എൻ.സി.പി, കോൺഗ്രസ്, ശിവസേന എന്നിവർ ചേർന്ന് സർക്കാർ ഉണ്ടാക്കും. അക്കാര്യത്തിൽ ആത്മവിശ്വാസമുണ്ടെന്നും ശരദ് പവാർ ട്വീറ്റ് ചെയ്തു.
സർക്കാർ ഉണ്ടാക്കുമെന്നും ആത്മവിശ്വാസം നഷ്ടപ്പെടുത്തരുതെന്നും ശിവസേനയിലെയും എൻ.സി.പി.യിലെയും നിയമസഭാംഗങ്ങളെ നേരിൽ കണ്ട് ഉദ്ധവ് താക്കറെ വ്യക്തമാക്കി. ആദിത്യ താക്കറെയും ഉദ്ധവിനൊപ്പമുണ്ടായിരുന്നു. ലളിത് ഹോട്ടലിൽ എത്തിയാണ് ശിവസേന നിയമസഭാംഗങ്ങളെ ഉദ്ധവ് കണ്ടത്. പവായിലെ റിനൈസെൻസ് ഹോട്ടലിലായിരുന്നു എൻ.സി.പി. നിയമസഭാംഗങ്ങളുമായുള്ള കൂടിക്കാഴ്ച.
Stories you may Like
- TODAY
- LAST WEEK
- LAST MONTH
- എന്തെങ്കിലും സ്വയം വിമർശനം വേണമെന്ന് തോന്നിയിട്ടുണ്ടോയെന്ന് നികേഷ് കുമാറിന്റെ ചോദ്യം; 'നിങ്ങൾ ചെയ്യുന്ന ചെറ്റത്തരത്തിന് ഞാനാണോ സ്വയം വിമർശനം നടത്തേണ്ടത്? കലിയിളകി പിണറായിയുടെ മറുപടി; മാധ്യമങ്ങൾക്ക് നിലവിട്ട സമീപനമെന്നും വിമർശനം
- ബിജെപിയിലേക്ക് പോകാൻ ചർച്ച നടത്തി സിപിഎം നേതാവ് ഇ പി ജയരാജനാണ്; ശോഭസുരേന്ദ്രൻ മുഖാന്തരം ചർച്ച നടന്നു; പാർട്ടിയിൽ നിന്ന് ഭീഷണി വപ്പോൾ ജയരാജൻ പിന്മാറി; ശോഭയും ഇ പിയും ചർച്ച നടത്തിയത് ഗൾഫിൽ വച്ചും; രാഷ്ട്രീയാരോപണം കടുപ്പിച്ച് കെ സുധാകരൻ; ഇപിയുടെ മറുപടി നിർണ്ണായകം
- സംസ്കരിച്ച എണ്ണ ഇറക്കുമതിയിലുള്ള ലൂപ് ഹോൾ വഴി യുക്രെയിനെതിരെയുള്ള യുദ്ധത്തിൽ റഷ്യയെ ബ്രിട്ടൻ സഹായിക്കുന്നു എന്ന ഡാറ്റ പുറത്ത്; റഷ്യൻ എണ്ണ എത്തുന്നത് ഇന്ത്യയും ചൈനയും തുർക്കിയും വഴി; ഇന്ത്യയ്ക്കുണ്ടായത് വൻ നേട്ടം
- ആലത്തൂരിലെ ഇടത് സ്ഥാനാർത്ഥി കെ. രാധാകൃഷ്ണന്റെ അകമ്പടി വാഹനത്തിൽ നിന്ന് ആയുധം കണ്ടെത്തിയെന്ന് യു.ഡി.എഫ്; സി സി ടി വി ദൃശ്യങ്ങൾ പുറത്തുവിട്ടു; അക്രമം അഴിച്ചുവിടാനുള്ള ആസൂത്രിതമായ നീക്കത്തിന്റെ ഭാഗമെന്ന് രമ്യ ഹരിദാസ്; പ്രചാരണ ബോർഡുകൾ അഴിച്ചുമാറ്റാൻ ഉപയോഗിച്ച ആയുധങ്ങളാണെന്ന് സിപിഎം വിശദീകരണം
- ശരിയത്ത് നിയമപ്രകാരമുള്ള ബ്ലഡ് മണി കൊല്ലപ്പെട്ട തലാൽ അബ്ദുമഹ്ദിന്റെ കുടുംബം സ്വീകരിച്ചാൽ ശിക്ഷയിൽ ഇളവ് ലഭിക്കാൻ സാധ്യത; ജയിലിൽ മകളെ കണ്ട അമ്മ ഇനി ആ ചർച്ചകളിലേക്ക്; നിമിഷപ്രിയയുടെ മോചനം സാധ്യമായേക്കും; യെമനിൽ നിന്ന് വരുന്നത് ശുഭസൂചനകൾ
- കുടുംബകലഹത്തെ തുടർന്ന് മക്കളെ പൂട്ടിയിട്ട ശേഷം ഭാര്യയെ പ്രവാസി വെട്ടിക്കൊന്നു തൂങ്ങി മരിച്ചു; സംഭവം വെൺമണി പുന്തലയിൽ
- മരണത്തിനുത്തരവാദികളായവരുടെ പേരുകൾ എഴുതിവെച്ച ശേഷം ആത്മഹത്യ; തൃശ്ശൂരിൽ വീട്ടമ്മയുടെ മരണത്തിൽ അങ്കണവാടി വർക്കർ അറസ്റ്റിൽ
- ഞങ്ങളുടെ സ്ഥാനാർത്ഥിക്ക് വോട്ടു ചെയ്യല്ലേ! രാജസ്ഥാനിലെ ബൻസ്വാഡ-ദുംഗർപൂർ ലോക്സഭാ മണ്ഡലത്തിൽ വിചിത്ര അഭ്യർത്ഥനയുമായി കോൺഗ്രസ്; അപ്രതീക്ഷിതമായി ത്രികോണ മത്സരം വന്നതോടെ പാർട്ടിക്ക് നാണക്കേട്: പിന്നാമ്പുറ കഥ
- വെറ്റിലയും അടക്കയും ചുണ്ണാമ്പും പുകയിലയും കിറ്റുകളിൽ; 'മുറുക്കുന്നതിനോട്' താൽപ്പര്യമുള്ള നേതാവിന് വോട്ടുറപ്പിക്കാനോ ഈ കിറ്റുകൾ; ബത്തേരിയിലും മാനന്തവാടിയിലും കിറ്റ്; ബിജെപിക്കെതിരെ ആരോപണവുമായി കോൺഗ്രസും സിപിഎമ്മും; ഒന്നും അറിയില്ലെന്ന് ലോറി ഡ്രൈവറും; വയനാട്ടിൽ വിവാദം
- അമ്മയും മകളും തമ്മിൽ കണ്ടപ്പോൾ വികാരനിർഭര നിമിഷങ്ങൾ; അൽപനേരം ഒരുമിച്ച് ചെലവഴിക്കാൻ അനുമതി നൽകി സനയിലെ ജയിൽ അധികൃതർ; നിമിഷപ്രിയയെ കണ്ടതിന്റെ ആശ്വാസത്തിലും സന്തോഷത്തിലും പ്രേമകുമാരി; തൊടുപുഴയിലെ വീട്ടിൽ പ്രാർത്ഥനയോടെ നിമിഷയുടെ മകൾ
- ഇറാനിൽ ഇസ്രയേലിന്റെ വ്യോമാക്രമണം ഇന്ത്യൻ വിപണിക്ക് ആശങ്കയാകുന്നു; കുതിച്ചുയർന്ന് ക്രൂഡോയിൽ വില; ബാരലിന് 90 ഡോളറിലെത്തി; ഇപ്പോഴത്തെ നിലയിൽ വില 100 ഡോളർ വരെ ഉയർന്നേക്കുമെന്ന് ആശങ്ക; ഇറാൻ-ഇസ്രയേൽ പോര് പശ്ചിമേഷ്യയിലെ സ്ഥിതിഗതികൾ കൂടുതൽ ആശങ്കപ്പെടുത്തുന്നു
- സുഹൃത്തും തന്റെ ഭാര്യയുമായി അവിഹിത ബന്ധം; പകരം സുഹൃത്തിന്റെ ഭാര്യയോട് കിടപ്പറ പങ്കിടാൻ ആവശ്യപ്പെട്ടു; പൊലീസ് കേസും വഴക്കുമായപ്പോൾ ആത്മഹത്യ ചെയ്യാൻ തീരുമാനിച്ച ദമ്പതികളിൽ ഭാര്യ മരിച്ചു; പ്രേരണാക്കുറ്റത്തിന് ഭർത്താവ് അറസ്റ്റിൽ: വെച്ചൂച്ചിറയിൽ നിന്ന് ഞെട്ടിക്കുന്ന കഥ
- പൂരം നാളുകളിൽ വൻകിട ഹോട്ടലുകളിൽ പൊലീസ് സൗജന്യമായി മുറിയെടുത്തു; ഉന്നത ഉദ്യോഗസ്ഥരുടെ പേരുപറഞ്ഞ് ഓരോ ഹോട്ടലിലും രണ്ടും മൂന്നും മുറികൾ സൗജന്യമായി വാങ്ങി; പൂരത്തെ അറിയാവുന്ന ഉദ്യോഗസ്ഥരെ ഡ്യൂട്ടിയിലിൽ നിന്നും മാറ്റി; കമ്മീഷണറുടെ നിലപാടുകൾ സേനയ്ക്ക് കളങ്കമായി; തൃശൂർ പൂരത്തിൽ ഇന്റലിജൻസ് കണ്ടെത്തൽ ഇങ്ങനെ
- അനന്തപുരിയിൽ തരൂർ വീഴുമോ? ആറ്റിങ്ങലിൽ അടൂർ പ്രകാശിന് അടിതെറ്റുമോ? കൊല്ലത്ത് മുകേഷോ, പ്രേമചന്ദ്രനോ? പത്തനംതിട്ട ആർക്ക്? അനിൽ ആന്റണി വോട്ടുയർത്തുമോ; മാവേലിക്കരയിൽ അട്ടിമറിയോ? കേരളം ആർക്കൊപ്പം; 20 മണ്ഡലങ്ങളിലെയും മറുനാടൻ സർവേ ഫലം അറിയാം
- കൈവിലങ്ങിട്ടാൽ മതിൽ കയറാനാകില്ലെന്ന് പറഞ്ഞ പ്രതി; മതിൽ കയറിയാൽ ചാടിയോടാനുള്ള സാധ്യത കണ്ടെത്തിയ അന്വേഷകൻ; മതിലിലേക്ക് കയറ്റും മുമ്പ് അവിടെ ഒരുക്കിയൽ 'പൊലീസ് മതിൽ'! ബീഹാറി റോബിൻഹുഡ് എന്തിനും മിടിക്കില്ലെന്ന് തിരിച്ചറിഞ്ഞ ബ്രില്ലിയൻസ്; രാജ്കുമാർ എന്തുകൊണ്ട് 'സേതുരാമയ്യർ' ആയി? ഈ വീഡിയോ കാണം
- എന്തെങ്കിലും സ്വയം വിമർശനം വേണമെന്ന് തോന്നിയിട്ടുണ്ടോയെന്ന് നികേഷ് കുമാറിന്റെ ചോദ്യം; 'നിങ്ങൾ ചെയ്യുന്ന ചെറ്റത്തരത്തിന് ഞാനാണോ സ്വയം വിമർശനം നടത്തേണ്ടത്? കലിയിളകി പിണറായിയുടെ മറുപടി; മാധ്യമങ്ങൾക്ക് നിലവിട്ട സമീപനമെന്നും വിമർശനം
- മുഖ്യമന്ത്രിക്ക് ഇരിക്കാൻ സ്ഥാപിച്ച അരലക്ഷം വിലയുള്ള കറങ്ങുന്ന കസേരയുള്ള സീറ്റ് ഇളക്കിമാറ്റി; വി.വി.ഐ.പി. പരിവേഷത്തിൽ കേരളം കറങ്ങിയ നവകേരള ബസ് ഇപ്പോൾ ആർക്കും വേണ്ടാതെ വെറുതേ കിടക്കുന്നു; ഗതാഗത മന്ത്രി മാറിയതോടെ താൽപ്പര്യം കുറഞ്ഞു; ടൂറിസം ആവശ്യത്തിനും വിട്ടുനൽകാതെ 1.15 കോടി രൂപ മുടക്കി വാങ്ങിയ ബസ്
- ഇസ്രയേൽ ഇറാന് ശക്തമായ തിരിച്ചടി നൽകിയത് ഒരീച്ച പോലും അറിയാതെ; മിസൈലുകളും ഡ്രോണുകളും റഷ്യൻ നിർമ്മിത എസ്-300 സംവിധാനത്തെ തകർത്തു; ആക്രമണം ഇറാൻ വ്യോമ പ്രതിരോധ സംവിധാനത്തെ പൂർണമായി കബളിപ്പിച്ചുകൊണ്ട്; ആക്രമണം നടന്നയിടത്ത് പൊടി പൊലുമില്ല കണ്ടുപിടിക്കാൻ
- ഇന്ത്യയിൽ നിന്നും യുകെയിലേക്ക് കെയറർ വിസയിൽ തൊഴിലാളികൾ എത്തുന്നതിൽ ആശങ്കയുമായി ലോകാരോഗ്യ സംഘടന; കെയർ ഹോമുകളിൽ ഗുണനിലവാരമില്ലാത്ത സേവനത്തിനു സാധ്യതയെന്ന് ഓക്സ്ഫോർഡ് യൂണിവേഴ്സിറ്റി മുന്നറിയിപ്പും; ഇന്ത്യക്കാർക്ക് വിസ നിഷേധിക്കാൻ മറ്റൊരു കാരണം കൂടി
- സൗബിൻ സാഹിറിനെതിരെ മരട് പൊലീസ് ചുമത്തിയത് ഗൗരവതരമുള്ള വകുപ്പുകൾ; മരട് ഇൻസ്പെക്ടർ തയ്യാറാക്കിയ എഫ് ഐ ആറിലേത് അക്കൗണ്ട് വഴി പണം കൈമാറിയിട്ടും വഞ്ചിച്ചെന്ന ആരോപണം; ചുമത്തുന്നത് വഞ്ചനയും ക്രിമിനൽ ഗൂഢാലോചനയും; 'മഞ്ഞുമ്മൽ ബോയ്സ്' അറസ്റ്റിലാകാൻ സാധ്യത ഏറെ; ആ 47 കോടി തിരിച്ചു കൊടുക്കേണ്ടി വരും
- ഒരു ജൂനിയർ പറയാൻ പാടില്ലാത്ത കഥകളാണ് ശ്രീനിയുടെ മകൻ പറഞ്ഞതെന്ന് മുകേഷ്; എന്നാൽ അത് ധ്യാൻ തന്നെയാകുമെന്ന് ആരാധകർ
- ആടുജീവിതം ഇസ്ലാമോഫോബിയ പരത്തുന്ന ചിത്രമോ? നോവലിന്റെ അറബിപതിപ്പ് യുഎഇയിലും സൗദിയിലും നിരോധിച്ചത് 2014ൽ; ഇപ്പോൾ സിനിമക്കും യുഎഇ ഒഴികെയുള്ള ഗൾഫ് രാജ്യങ്ങളിൽ പ്രദർശനാനുമതിയില്ല; കേരളത്തിലെ യുക്തിവാദികൾക്കിടയിലും ചർച്ച; ആടുജീവിതം വിവാദമാവുമ്പോൾ
- അനുജയുമൊന്നിച്ച് കാർ തടിലോറിയിലേക്ക് ഇടിച്ചു കയറ്റി ഹാഷിം ജീവനൊടുക്കിയെന്ന് സഹ അദ്ധ്യാപകരുടെയും ബന്ധുക്കളുടെയും മൊഴി; അടൂരിനെ നടുക്കിയ അപകടം; സ്കൂൾ അദ്ധ്യാപികയെയും കൂട്ടി സ്വകാര്യ ബസ് ഡ്രൈവർ ആത്മഹത്യ ചെയ്തതെന്ന് സൂചന; സ്വിഫ്ട് ഡിസയർ കാർ ഓടിച്ചു കയറ്റിയത് കണ്ടെയ്നർ ലോറിയിലേക്ക്: സംഭവം കെപി റോഡിൽ പട്ടാഴമുക്കിൽ
- കള്ളി എന്നതാണ് ഇപ്പോഴത്തെ മേൽവിലാസം.. കള്ളിയുടെ അച്ഛൻ എന്ന മേൽവിലാസവും കൊണ്ട് ആണ് 2 മാസം മുമ്പ് അച്ഛൻ മരിച്ചുപോയത്; കൂടെ ഉണ്ടായിരുന്നവരൊന്നും കൂട്ടുന്നില്ല; ഉറങ്ങിയിട്ട് വർഷം ഒന്നാകാറായി; വിദ്യ വിജയന്റെ കുറിപ്പ്
- റഷ്യയിലെ ഭീകരാക്രമണത്തിൽ പിടികൂടിയ ഐസിസ് ഭീകരർ നേരിടാൻ പോകുന്നത് റഷ്യൻ പൊലീസിന്റെ സമാനതകളില്ലാത്ത മർദ്ദനമുറകൾ; ചെവിമുറിച്ച് സ്വയം ഭക്ഷിക്കുവാൻ കൊടുത്തതിന് പുറമെ വൈദ്യുതാഘാതവും വസ്ത്രമൂരി അടിയും; മരിച്ചാൽ ബന്ധുക്കൾക്ക് ശരീരം വിട്ടു നൽകുന്നത് ആന്തരികാവയവങ്ങൾ നീക്കിയ ശേഷം
- പിറന്നാളിന് വാങ്ങിയത് ഓൺലൈനിൽ ഓർഡൽ ചെയ്ത കേക്ക്; ഭക്ഷ്യവിഷബാധയേറ്റ് പത്തു വയസ്സുകാരിക്ക് ദാരുണാന്ത്യം: പിറന്നാൾ പിറ്റേന്ന് ദാരുണമായി മരിച്ചത് പത്തു വയസ്സുകാരി മൻവി
- ഇറാനിൽ ഇസ്രയേലിന്റെ വ്യോമാക്രമണം ഇന്ത്യൻ വിപണിക്ക് ആശങ്കയാകുന്നു; കുതിച്ചുയർന്ന് ക്രൂഡോയിൽ വില; ബാരലിന് 90 ഡോളറിലെത്തി; ഇപ്പോഴത്തെ നിലയിൽ വില 100 ഡോളർ വരെ ഉയർന്നേക്കുമെന്ന് ആശങ്ക; ഇറാൻ-ഇസ്രയേൽ പോര് പശ്ചിമേഷ്യയിലെ സ്ഥിതിഗതികൾ കൂടുതൽ ആശങ്കപ്പെടുത്തുന്നു
- സിനിമയുടെയും ആത്മാവായ ആ സീൻ സെൻസർ ബോർഡ് വെട്ടിമാറ്റിയെന്ന് ബെന്യാമിൻ; ഷൂട്ട് ചെയ്തിട്ടില്ലെന്ന് ബ്ലെസി; അങ്ങനെ ഒന്ന് ഉണ്ടായിട്ടില്ലെന്നും എഴുത്തുകാരൻ ചേർത്തതാണെന്നും നജീബ്; ആടുമായി നജീബ് ലൈംഗിക ബന്ധത്തിൽ ഏർപ്പെടുന്ന രംഗത്തിന് എന്താണ് സംഭവിച്ചത്?
- കാസർകോട് ഇടതുമുന്നണി തിരിച്ചുപിടിക്കുമോ? കണ്ണൂരിൽ സുധാകരൻ വീഴുമോ? വടകരയിൽ ഷാഫിയോ ശൈലജയോ? കോഴിക്കോട് രാഘവേട്ടനോ, കരീംക്കയോ? രാഹുൽഗാന്ധി മാജിക്ക് ആവർത്തിക്കുമോ? എൻഡിഎ വോട്ട് ഉയർത്തുമോ? മറുനാടൻ മലയാളി ഇലക്ഷൻ സർവേയുടെ ആദ്യഘട്ട ഫലം അറിയാം
- പേരാമ്പ്രയിൽ അദ്ധ്യാപകൻ മരിച്ച നിലയിൽ; വീട്ടിലെ മുറിയിൽ മരിച്ച നിലയിൽ കണ്ടെത്തിയത് സിദ്ധാർഥന്റെ മരണവുമായി ബന്ധപ്പെട്ട കേസിലെ 11ാം പ്രതിയുടെ പിതാവ്
Readers Comments+
മലയാളത്തിൽ ടൈപ്പ് ചെയ്യാൻ ഇവിടെ ക്ലിക്ക് ചെയ്യുകകമന്റ് ബോക്സില് വരുന്ന അഭിപ്രായങ്ങള് മറുനാടന് മലയാളിയുടേത് അല്ല. മാന്യമായ ഭാഷയില് വിയോജിക്കാനും തെറ്റുകള് ചൂണ്ടി കാട്ടാനും അനുവദിക്കുമ്പോഴും മറുനാടനെ മനഃപൂര്വ്വം അധിക്ഷേപിക്കാന് ശ്രമിക്കുന്നവരെയും അശ്ലീലം ഉപയോഗിക്കുന്നവരെയും മറ്റു മലയാളം ഓണ്ലൈന് ലിങ്കുകള് പോസ്റ്റ് ചെയ്യുന്നവരെയും മതവൈരം തീര്ക്കുന്നവരെയും മുന്നറിയിപ്പ് ഇല്ലാതെ ബ്ലോക്ക് ചെയ്യുന്നതാണ് - എഡിറ്റര്