ആർഎസ്എസിൽ ബീഫ് കഴിക്കുന്നവരുണ്ടെന്ന് അഖിലേന്ത്യ പ്രചാർ പ്രമുഖ്; ബീഫ് കഴിക്കുന്നവർക്ക്...

ആർഎസ്എസിൽ ബീഫ് കഴിക്കുന്നവരുണ്ടെന്ന് അഖിലേന്ത്യ പ്രചാർ പ്രമുഖ്; ബീഫ് കഴിക്കുന്നവർക്ക് ആർഎസ്എസിൽ ചേരാൻ ബുദ്ധിമുട്ടില്ല; മറ്റുള്ളവരുടെ ഭക്ഷണശീലം സംഘടനയെ ബാധിക്കില്ലെന്നും മന്മോഹൻ വൈദ്യ

December 11, 201508:47 PM IST Permalink

ഇറ്റാനഗർ: ആർഎസ്എസിലും ബീഫ് കഴിക്കുന്നവരുണ്ടെന്ന് അഖിലേന്ത്യ പ്രചാർ പ്രമുഖ് മന്മോഹൻ വൈദ്യ. ബീഫ് കഴിക്കുന്നവർ ആർ.എസ്.എസിൽ ചേരുന്നതിൽ ബുദ്ധിമുട്ടൊന്നുമില്ലെന്നും വൈദ്യ പറഞ്ഞു.

ആർ.എസ്.എസ്. ഒരു സാമൂഹ്യ സംഘടനയാണ്. മറ്റുള്ളവരുടെ ഭക്ഷണശീലം സംഘടനയെ ബാധിക്കുന്ന പ്രശ്‌നമല്ല. അരുണാചൽ പ്രദേശുകാർ ബീഫ് കഴിക്കുന്നവരാണ്. സംസ്ഥാനത്തെ മൂവായിരത്തോളം ആർ.എസ്.എസ് പ്രവർത്തകർ ബീഫ് കഴിക്കുമെന്നും വൈദ്യ പറഞ്ഞു.

ഹൈന്ദവ സംഘടനകൾ ബീഫ് കഴിക്കുന്നവർക്കെതിരെ ശക്തമായ നിലപാട് സ്വീകരിക്കുമ്പോഴാണ് വ്യത്യസ്ത നിലപാടുമായി ആർ.എസ്.എസ് നേതാവ് രംഗത്തു വന്നത്. അരുണാചൽ പ്രദേശിൽ നടക്കുന്ന സംഘടനയുടെ പ്രചരണ യോഗത്തിലാണ് അഖിലേന്ത്യ പ്രചാർ പ്രമുഖിന്റെ പ്രസ്താവന.

മന്മോഹൻ വൈദ്യയുടെ പ്രസ്താവനയോട് മറ്റു നേതാക്കൾ ഇതുവരെ പ്രതികരിച്ചിട്ടില്ല. ആർഎസ്എസ് എടുത്തിട്ടുള്ള നിലപാടുകൾക്ക് നേരെ വിപരീത പ്രസ്താവനയുമായി രംഗത്ത് വന്നിരിക്കുന്ന മന്മോഹൻ വൈദ്യ സോഷ്യൽ മീഡിയയിലും ചർച്ചയായി.

പശു ഇറച്ചി കഴിച്ചുവെന്നാരോപിച്ച് ദാദ്രിയിൽ മധ്യവയസ്‌കനെ ജനക്കൂട്ടം തല്ലിക്കൊന്നതിനു പിന്നാലെ ബീഫ് കഴിക്കുന്നവർ പാക്കിസ്ഥാനിലേക്ക് പോകേണ്ടി വരുമെന്നതടക്കമുള്ള പ്രസ്താവനകൾ നടത്തിയ ബിജെപി നേതാക്കളുടെ വാദങ്ങൾക്കും തിരിച്ചടിയായിരിക്കുകയാണ് വൈദ്യയുടെപ്രസ്താവന.

Readers Comments+

മലയാളത്തിൽ ടൈപ്പ്‌ ചെയ്യാൻ ഇവിടെ ക്ലിക്ക്‍ ചെയ്യുക

കമന്റ് ബോക്‌സില്‍ വരുന്ന അഭിപ്രായങ്ങള്‍ മറുനാടന്‍ മലയാളിയുടേത് അല്ല. മാന്യമായ ഭാഷയില്‍ വിയോജിക്കാനും തെറ്റുകള്‍ ചൂണ്ടി കാട്ടാനും അനുവദിക്കുമ്പോഴും മറുനാടനെ മനഃപൂര്‍വ്വം അധിക്ഷേപിക്കാന്‍ ശ്രമിക്കുന്നവരെയും അശ്ലീലം ഉപയോഗിക്കുന്നവരെയും മറ്റു മലയാളം ഓണ്‍ലൈന്‍ ലിങ്കുകള്‍ പോസ്റ്റ് ചെയ്യുന്നവരെയും മതവൈരം തീര്‍ക്കുന്നവരെയും മുന്നറിയിപ്പ് ഇല്ലാതെ ബ്ലോക്ക് ചെയ്യുന്നതാണ് - എഡിറ്റര്‍

Forex Rate:

Readers Comments+

More News in this category+

MNM Recommends +

പിതാവ് ഓപ്പൺ വോട്ട് ചെയ്യുന്നതിന്റെ ദൃശ്യങ്ങൾ മൊബൈൽ ഫോണിൽ പകർത്തി; മകനെതിരെ കേസ്; ഫോൺ പിടിച്ചെടുത്തു