1 usd = 71.79 inr 1 gbp = 92.17 inr 1 eur = 81.98 inr 1 aed = 19.54 inr 1 sar = 19.14 inr 1 kwd = 235.99 inr

Nov / 2018
17
Saturday

മഹാപ്രളയത്തിന് കാരണം ഡാമുകൾ തുറന്നുവിട്ടതോ? വ്യത്യസ്താഭിപ്രായവുമായി കേന്ദ്ര ജലകമ്മീഷനും ഭൗമശാസ്ത്ര വകുപ്പും രംഗത്തെത്തിയതിനിടെ ഡാമുകൾ തുറന്നതിലെ അപാകത അന്വേഷിക്കണമെന്ന് ആവശ്യപ്പെട്ട് ഹൈക്കോടതിയിൽ ഹർജി; മനുഷ്യനിർമ്മിത ദുരന്തമെന്ന ടി.ജി.മോഹൻദാസിന്റെ ഹർജിയിൽ സർക്കാരിനോട് വിശദീകരണം തേടി കോടതി; മുന്നറിയിപ്പില്ലാത്ത പ്രവർത്തിയാണ് ദുരന്തത്തിന് കാരണമെന്ന പ്രചാരണം തള്ളി വീണ്ടും കെഎസ്ഇബി

August 29, 2018 | 10:46 PM IST | Permalink



മഹാപ്രളയത്തിന് കാരണം ഡാമുകൾ തുറന്നുവിട്ടതോ? വ്യത്യസ്താഭിപ്രായവുമായി കേന്ദ്ര ജലകമ്മീഷനും ഭൗമശാസ്ത്ര വകുപ്പും രംഗത്തെത്തിയതിനിടെ ഡാമുകൾ തുറന്നതിലെ അപാകത അന്വേഷിക്കണമെന്ന് ആവശ്യപ്പെട്ട് ഹൈക്കോടതിയിൽ ഹർജി; മനുഷ്യനിർമ്മിത ദുരന്തമെന്ന ടി.ജി.മോഹൻദാസിന്റെ ഹർജിയിൽ സർക്കാരിനോട് വിശദീകരണം തേടി കോടതി;  മുന്നറിയിപ്പില്ലാത്ത പ്രവർത്തിയാണ് ദുരന്തത്തിന് കാരണമെന്ന പ്രചാരണം തള്ളി വീണ്ടും കെഎസ്ഇബി

മറുനാടൻ മലയാളി ബ്യൂറോ

കൊച്ചി: കേരളത്തിലെ മഹാപ്രളയത്തിന് കാരണമെന്തെന്ന കാര്യത്തിൽ തർക്കം വീണ്ടും മുറുകുകയാണ്. പ്രളയത്തിന് കാരണം ഡാമുകൾ തുറന്നതല്ല, അപ്രതീക്ഷിതമായി പെയ്ത അതിശക്തമായ മഴയാണെന്ന് കേന്ദ്ര ജല കമ്മീഷൻ വ്യക്തമാക്കുമ്പോൾ, മറിച്ചുള്ള അഭിപ്രായമാണ് കേന്ദ്ര ഭൗമശാസ്ത്ര മന്ത്രാലയത്തിനുള്ളത്. കനത്ത മഴ മാത്രമല്ല ഡാമുകൾ തുറന്നുവിട്ടതും പ്രളയത്തിന് കാരണമായിട്ടുണ്ടെന്ന് മന്ത്രാലയ സെക്രട്ടറി എം.രാജീവൻ പരഞ്ഞു. സർക്കാരിന് റെഡ് അലർട്ട് നൽകിയിരുന്നതാണെന്നും കാലാവസ്ഥാ പ്രവചനം കേരളം കൂടുതൽ ഗൗരവമായി എടുക്കണമെന്നും അദ്ദേഹം ആവശ്യപ്പെട്ടു. അതിനിടെ, മുന്നറിയിപ്പില്ലാതെ ഡാമുകൾ തുറന്നതിലുള്ള അപാകത അന്വേഷിക്കണമെന്നാവശ്യപ്പെട്ട് ഹൈക്കോടതിയിൽ പൊതുതാത്പര്യ ഹർജി എത്തി. പ്രളയക്കെടുതി മുനുഷ്യനിർമ്മിതമാണെന്ന് ആരോപിച്ചുള്ള ഹർജിയിൽ ഹൈക്കോടതി സർക്കാരിനോട് വിശദീകരണം തേടി.

കേരളത്തിൽ നടന്നത് പ്രകൃത്യാലുള്ള ദുരന്തമല്ലെന്നും മനുഷ്യനിർമ്മിതമായ ദുരന്തമെന്നും ആരോപിച്ച് അഡ്വ.ടി.ജി മോഹൻദാസ് നൽകിയ ഹർജിയിലാണ് ഹൈക്കോടതി സംസ്ഥാന സർക്കാരിൽ നിന്ന് വിശദീകരണം തേടിയത്. ദുരന്തത്തിന് ഉത്തരവാദികളായവരുടെ കയ്യിൽ നിന്ന് നഷ്ടപരിഹാരം ഈടാക്കണമെന്നും ഹർജിയിൽ ആവശ്യപ്പെടുന്നുണ്ട്. സംസ്ഥാനത്ത് 2007 ൽ രൂപീകരിച്ച ദുരന്തനിവാരണ അഥോറിറ്റിയിൽ വിദഗ്ദ്ധർ ഇല്ല എന്നത് ഹർജിയിൽ ചൂണ്ടിക്കാണിക്കുന്നു. വിദഗ്ദ്ധരുടെ അഭിപ്രായം ആരായാതെയാണ് ഡാമുകൾ തുറന്നുവിട്ടത്. പൊതു ജനങ്ങൾക്ക് ദോഷം വരാതെ കാര്യങ്ങൽ നിയന്ത്രിക്കുന്നതിൽ ഡാം സേഫ്റ്റി അഥോറിറ്റിക്കും വീഴ്ചപറ്റി.

സർക്കാർ സംവിധാനങ്ങൾ കൃത്യനിർവ്വഹണം നടത്തുന്നതിൽ പൂർണ്ണമായി പരാജയപ്പെട്ടു. വളരെ ലാഘവത്തോടെയാണ് വിഷയം കൈകാര്യം ചെയ്തത്. വേണ്ടത്ര തയ്യാറെടുപ്പുകൾ ഇല്ലാതെയാണ് ജാഗ്രതാനിർദ്ദേശം നൽകിയത്. ആറിന് തീരത്തുനിന്ന് നൂറുമീറ്റർ പരിധിയിലുള്ളവർ മാറി താമസിക്കണമെന്നാണ് ജില്ലാ കളക്ടർമാർ നൽകിയ ജാഗ്രതാനിർദ്ദേശം. ഇത്തരത്തിൽ വലിയ വീഴ്ച വരുത്തിയ സർക്കാർ അധികാരികൾക്കെതിരെ അന്വേഷണം നടത്തണമെന്നും ഹർജിയിൽ ആവശ്യപ്പെടുന്നു.

സർക്കാാർ സംവിധാനങ്ങളുടെ കുറ്റകരമായ അനാസ്ഥ കേന്ദ്ര ജലകമ്മീഷനോ ജുഡീഷ്യൽ കമ്മീഷനോ അന്വേഷിക്കണമെന്നും ഹർജിയിൽ ആവശ്യപ്പെടുന്നു. ദുരന്തത്തിൽ കഷ്ടമനുഭവിക്കുന്നവർക്ക് വിവേചനമില്ലാതെ നഷ്ടപരിഹാരം ലഭിക്കാനായി ട്രിബൂണൽ രൂപീകരിക്കണമെന്നും ഹർജിയിൽ ആവശ്യമുണ്ട്. ഹർജി് അടുത്ത മാസം 12ന് പരിഗണിക്കും

അതേസമയം ഡാമുകൾ തുറന്ന് വിട്ടതാണ് പ്രളയത്തിന് കാരണമായതെന്ന പ്രചാരണം വസ്തുതകൾക്ക് നിരക്കാത്തതാണെന്ന വിശദീകരണവുമായി കെഎസ്ഇബി രംഗതതെത്തി.

കെഎസ്ഇബിയുടെ വിശദീകരണം ഇങ്ങനെ:

മുന്നൊരുക്കമില്ലാതെയും മുന്നറിയിപ്പുകൾ കണക്കിലെടുക്കാതെയും കേരളത്തിലെ ഡാമുകൾ തുറന്നതാണ് സംസ്ഥാനത്തുണ്ടായ മഹാപ്രളയത്തിന് കാരണമായതെന്ന പ്രചാരണം ദുരുദ്ദേശപരവും വസ്തുതകൾക്ക് നിരക്കാത്തതുമാണ്. മഴയുടെ സാധ്യത പ്രവചിക്കുന്ന ഇന്ത്യൻ മെറ്റീരിയോളജിക്കൽ ഡിപാർട്ട്‌മെന്റിന്റെ (IMD) കാലാവസ്ഥാ പ്രവചനങ്ങളെയും മുൻവർഷങ്ങളിൽ ലഭിച്ച നീരൊഴുക്കിന്റെ അളവിനെയും പ്രതിദിനം ലഭ്യമാകുമെന്ന് പ്രതീക്ഷിക്കുന്ന നീരൊഴുക്കിനെയും അടിസ്ഥാനമാക്കിയാണ് കെ.എസ്.ഇ.ബി.-യുടെ ഡാമുകളിൽ ജലം ശേഖരിക്കുന്നതും ജലത്തിന്റെ ഉപയോഗം ക്രമീകരിക്കുന്നതും.

IMD-യുടെ മുന്നറിയിപ്പ് എങ്ങനെയായിരുന്നു?

കാലവർഷത്തെ കുറിച്ച് സാധാരണ പോലെ ഈ വർഷവും ഏപ്രിൽ മാസം ജൂൺ - സെപ്റ്റംബർ മാസത്തേക്കുള്ള ആദ്യഘട്ട ദീർഘകാല കാലാവസ്ഥാ പ്രവചനം നൽകിയിരുന്നു. ശേഷം 2018 മെയ് 30ന് രണ്ടാം ഘട്ട പ്രവചനവും IMD നൽകി. ഈ രണ്ട് പ്രവചനത്തിലും തെക്ക് -പടിഞ്ഞാറൻ കാലവർഷം സാധാരണഗതിയിലാകും ലഭിക്കുക എന്നായിരുന്നു, അതായത് ദീർഘകാല ശരാശരിയുടെ 96 മുതൽ 104 ശതമാനം വരെ. തെക്കേ ഇന്ത്യയിലാകട്ടെ അത് 95 ശതമാനമാകുമെന്നും പ്രവചിച്ചിരുന്നു. IMD യുടെ രണ്ടാം പാദത്തിലേക്കുള്ള പ്രവചനം ഓഗസ്റ്റ് 3 ന് പുറത്തിറക്കിയിരുന്നതിലും ഓഗസ്റ്റ് - സെപ്റ്റംബർ മാസത്തിൽ ലഭിക്കാൻ സാധ്യതയുള്ളത് ശരാശരി മഴയെന്നായിരുന്നു.

ദീർഘകാല പ്രവചനത്തിന് പുറമേ, ആഴ്ചയടിസ്ഥാനത്തിലും ദിവസാടിസ്ഥാനത്തിലും IMD മുന്നറിയിപ്പ് പുറത്തിറക്കാറുണ്ട്. എന്നാൽ ഈ മുന്നറിയിപ്പുകൾ ജലവിഭവ ഉപയോഗക്രമത്തിൽ അവസാന ഘട്ടത്തിലെ ചെറിയ തോതിലുള്ള നിയന്ത്രണങ്ങൾ ഏർപ്പെടുത്താൻ മാത്രമേ സഹായകരമാകൂ.ജൂലൈ 26-ന്റെ പ്രതിവാര ബുള്ളറ്റിനിൽ ഓഗസ്റ്റ് 2 മുതൽ 8 വരെയുള്ള വാരത്തിൽ രാജ്യത്തിന്റെ വടക്കൻ ഭാഗങ്ങളിലും തേക്കേ അറ്റം ഉൾപ്പെടുന്ന ഉപദ്വീപിലും സാധാരണത്തേതിൽ നിന്നും കൂടിയ മഴ തുടരാൻ സാദ്ധ്യതയുണ്ടെന്നത് മാത്രമാണ് കേരളത്തെ സംബന്ധിച്ച് ഇതിലുള്ള പ്രസക്തമായ ഏക പരാമർശം. ഈ ബുള്ളറ്റിനിലും കനത്ത മഴ പ്രവചിച്ചിരുന്നില്ല.

ഓഗസ്റ്റ് 9-ന് IMD ഇറക്കിയ മുന്നറിയിപ്പിൽ, ഓഗസ്റ്റ് 9 മുതൽ 15 വരെയുള്ള ദിവസങ്ങളിൽ കേരളത്തിൽ അതിശക്തമായ മഴ (115.6 മുതൽ 204.4 മില്ലീമീറ്റർ വരെ) ലഭിക്കാൻ സാധ്യതയുള്ളത് ഓഗസ്റ്റ് 9 ന് മാത്രമാണെന്നും ബാക്കി ദിവസങ്ങളിൽ പരമാവധി 115.5 മില്ലീമീറ്റർ വരെ മാത്രമേ മഴ ലഭിക്കൂ എന്നുമായിരുന്നു. അതി തീവ്ര മഴ (204.40 മില്ലീമീറ്ററിൽ അധികം) കേരളത്തിൽ പ്രവചിച്ചിരുന്നുമില്ല.

IMD-യുടെ സാധാരണയായുള്ള പ്രവചനത്തിനപ്പുറം കൂടുതൽ ശ്രദ്ധിക്കേണ്ടതായ ഒരു മുന്നറിയിപ്പും ഈ ബുള്ളറ്റിനുകളിൽ ഇല്ലായിരുന്നു. ഈ മുന്നറിയിപ്പനുസരിച്ച് ഓഗസ്റ്റ് ആദ്യവാരത്തിൽപ്പോലും പ്രളയത്തിന് കാരണമാകാവുന്ന നിലയിൽ അതികഠിനമായ മഴയുടെ സൂചന പോലും കേരളത്തിൽ ഉണ്ടായിരുന്നില്ല.

ഡാമുകൾ തുറക്കുന്നതിനുള്ള മുന്നൊരുക്കങ്ങൾ

ഡാമുകൾ തുറക്കുന്നതുമായി ബന്ധപ്പെട്ട് കെ എസ്ഇബി യാതൊരു മുന്നൊരുക്കങ്ങളും നടത്തിയില്ല എന്നും യഥാസമയം മുന്നറിയിപ്പുകൾ നല്കിയില്ല എന്ന് പറയുന്നതും വസ്തുതകൾക്ക് നിരക്കാത്തതാണ്.

യഥാർത്ഥത്തിൽ ജൂലൈ മാസം മുതൽ തന്നെ കേരളത്തിൽ പൊതുവിലും ഡാമുകളുടെ വൃഷ്ടി പ്രദേശങ്ങളിൽ പ്രത്യേകിച്ചും ലഭിച്ചത് IMD പ്രവചനത്തിൽ നിന്നും വ്യത്യസ്തമായി ശക്തമായ മഴയായിരുന്നു.ഇതിനെ തുടർന്ന് ജൂലൈ രണ്ടാം വാരമായപ്പോൾ തന്നെ ഡാമുകളിലേക്കുള്ള നീരൊഴുക്കും വർദ്ധിച്ചിരുന്നു. ഇത് കണക്കിലെടുത്ത് സംസ്ഥാനത്തെ എല്ലാ ചെറുകിട ജലവൈദ്യുത നിലയങ്ങളും പൂർണ ശേഷിയിൽ പ്രവർത്തിപ്പിച്ചു. ചെറിയ ഡാമുകളായ കല്ലാർകുട്ടി, ലോവർ പെരിയാർ, കക്കയം, മൂഴിയാർ, പൊരിങ്ങൽ, ഷോളയാർ, ബാണാസുരസാഗർ തുടങ്ങിയവയെല്ലാം ജൂലൈയിൽ തന്നെ തുറന്ന് വിടുകയും ചെയ്തിരുന്നു.

ജൂലൈ മാസം 16 വരെയുള്ള ദിവസങ്ങളിൽ ഇടുക്കിയിൽ 153.40ഉം ഇടമലയാറിൽ 125ഉം പമ്പയിൽ 120 ഉം കക്കിയിൽ 188 ഉം ബാണാസുരസാഗറിൽ 263.60 ഉം മില്ലീമീറ്റർ പരമാവധി മഴ രേഖപ്പെടുത്തിയിരുന്നു. ഇത്തരത്തിൽ മഴയിലും നീരൊഴുക്കിലും ഉണ്ടായ വർദ്ധനവിനെ തുടർന്ന്, സാധാരണ കാലവർഷങ്ങളിൽ നിന്നും വ്യത്യസ്തമായി ഈ വർഷം വലിയ ജലവൈദ്യുതി നിലയങ്ങളായ മൂലമറ്റം, ശബരിഗിരി, ഇടമലയാർ എന്നീ പദ്ധതികളിൽ നിന്നുള്ള ഉൽപാദനം വർദ്ധിപ്പിച്ച് വലിയ ഡാമുകളിലെ ജലം നിയന്ത്രിച്ച് നിർത്തുകയും ചെയ്തിരുന്നു.

മഴ ശക്തിപ്പെടുന്നതും വിവിധ ഡാമുകളിലെ ജലനിരപ്പ് ഉയരുന്നതും കണക്കിലെടുത്ത് ജൂലൈ 25 ന് കെ.എസ്.ഇ.ബി സി.എം.ഡിയുടെ നേതൃത്വത്തിൽ ഉന്നതതല യോഗം കൂടുകയും സ്വീകരിക്കേണ്ട മുൻകരുതലുകളും നടപടികളും സംബന്ധിച്ച് തീരുമാനങ്ങൾ എടുക്കുകയും ഇടുക്കി, പമ്പ, കക്കി, ഇടമലയാർ എന്നീ ഡാമുകൾ തുറക്കുന്നതിനുള്ള മുന്നറിയിപ്പ് നൻകാനുള്ള ജലനിരപ്പുകൾ തീരുമാനിക്കുകയും ചെയ്തു. അതനുസരിച്ച് ജില്ലാ ഭരണാധികാരികളെയും ദുരന്ത നിവാരണ അഥോറിറ്റിയെയും യഥാസമയങ്ങളിൽ അറിയിച്ച് ആവശ്യമെങ്കിൽ ഡാമുകൾ തുറക്കാൻ ഡാം സേഫ്ടി ചീഫ് എഞ്ചിനീയറെ ചുമതലപ്പെടുത്തി.

ഇതനുസരിച്ച് സമയാസമയങ്ങളിൽ വിവിധ അലർട്ടുകൾ പുറപ്പെടുവിച്ചു. കക്കിയിൽ ജൂലൈ 24 ന് ബ്ലൂ അലർട്ടും ഓഗസ്റ്റ് 3 ന് ഓറഞ്ച് അലർട്ടും നൽകി. റെഡ് അലർട്ട് നൽകിയത് ഓഗസ്റ്റ് 8 നാണ്. പമ്പയിൽ ജൂലൈ 17ന് ബ്ലൂ അലർട്ടും 26-ന് ഓറഞ്ച് അലർട്ടും നൽകിയെങ്കിലും മഴ കുറഞ്ഞതിനാൽ ഓറഞ്ച് അലർട്ട് 30-ന് പിൻവലിച്ചു. എന്നാൽ മഴ ശക്തിപ്പെട്ടതോടെ ഓഗസ്റ്റ് 9 ന് വീണ്ടും ഓറഞ്ച് അലർട്ട് പുറപ്പെടുവിച്ചു. അന്നുതന്നെ റെഡ് അലർട്ടും വേണ്ടി വന്നു. ഇടുക്കിയിൽ ജൂലൈ 26-ന് ബ്ലൂ അലർട്ടും 30-ന് ഓറഞ്ച് അലർട്ടും ഓഗസ്റ്റ് 9 ന് റെഡ് അലർട്ടും നൽകിയിരുന്നു. ഇടമലയാറിലാകട്ടെ ജൂലൈ 25-ന് ബ്ലൂ, ഓഗസ്റ്റ് 1 ന് ഓറഞ്ച്, ഓഗസ്റ്റ് 8 ന് റെഡ് എന്നിങ്ങനെയാണ് അലർട്ടുകൾ പുറപ്പെടുവിച്ചിരുന്നത്. ഇത്തരത്തിൽ വിവിധ ഘട്ടങ്ങളിൽ അലർട്ടുകൾ നൽകിയതിനു ശേഷമാണ് ഡാമുകൾ വിവിധ ദിവസങ്ങളിലായി തുറന്നത്. ഒരു ഡാമും രാത്രികാലങ്ങളിൽ തുറന്നിട്ടില്ല.

എന്നാൽ ബാണാസുരസാഗർ ഡാമിനെ സംബന്ധിച്ച് ഇത്തരത്തിൽ അലർട്ടുകൾ കൊടുത്ത് കാത്തിരിക്കാൻ നിർവാഹമില്ല. കാരണം ബാണാസുരസാഗർ ഡാം മണ്ണ് കൊണ്ട് നിർമ്മിച്ചതാണ്. ഇതിന്റെ ഫുൾ റിസർവോയർ ലെവലും മാക്‌സിമം റിസർവോയർ ലെവലും ഒന്ന് തന്നെയാണ്. അതുകൊണ്ട് തന്നെ പരമാവധി ജലനിരപ്പിന് മുകളിലായി വെള്ളം ഡാമിൽ പിടിച്ച് നിർത്തുന്നത് ഡാമിന്റെ സുരക്ഷയെ തന്നെ ബാധിക്കും. ആയതിനാൽ പരമാവധി നിരപ്പിന് മുകളിൽ വെള്ളം എത്തിയാൽ പിന്നീട് ഒഴുകി വരുന്ന മുഴുവൻ ജലവും പുഴയിലേക്ക് ഒഴുക്കിക്കളയുകയല്ലാതെ മറ്റൊരു മാർഗ്ഗവുമില്ല.

ഇത്തരത്തിൽ ജലനിരപ്പ് പരമാവധി വരെ ഉയരുന്നത് ശ്രദ്ധയിൽപെട്ടതിനെ തുടർന്ന് ജൂലൈ മാസം 14 മുതൽ ഓഗസ്റ്റ് 5 വരെ ബാണാസുരസാഗർ ഡാമിൽ നിന്നും വെള്ളം തുറന്ന് വിട്ട് പുറത്തേക്ക് ഒഴുക്കിയിരുന്നു. പ്രാദേശിക മാധ്യമങ്ങളിലും ജില്ലാ ഭരണാധികാരികൾക്കും കൃത്യമായ അറിയിപ്പ് നല്കിയതിന് ശേഷമാണ് ബാണാസുരസാഗർ ഡാമും തുറന്ന് വിട്ടത്. ഡാമിലേക്കുള്ള നീരൊഴുക്ക് ഇല്ലാതായ സാഹചര്യത്തിൽ ഓഗസ്റ്റ് 5-ന് ഡാമിൽ നിന്നും പുറത്തേക്ക് വെള്ളം ഒഴുക്കുന്നത് അവസാനിപ്പിക്കുകയും ചെയ്തു. ഓഗസ്റ്റ് 6-ന് വൈകുന്നേരം മുതൽ വൃഷ്ടിപ്രദേശത്ത് വീണ്ടും അതി തീവ്രതയോടെയുള്ള മഴ ആരംഭിച്ചത് ഡാമിലേക്കുള്ള നീരൊഴുക്കിൽ വൻ വർദ്ധനയുണ്ടാക്കി. ഇത് മൂലം ഓഗസ്റ്റ് 7-ന് രാവിലെ വീണ്ടും ഡാം തുറക്കേണ്ടി വന്നു. ഇത് പല ഘട്ടങ്ങളിലായി 10 സെന്റീമീറ്റർ മുതൽ ചെറിയ അളവിൽ നിന്ന് ഏകദേശം 59 മണിക്കൂർകൊണ്ടാണ് പരമാവധി 290 സെന്റീമീറ്ററായി ഡാം ഷട്ടറിന്റെ വിടവ് വർദ്ധിപ്പിച്ചത്. ഇങ്ങനെ വളരെ അടിയന്തിരമായി ഡാം തുറക്കേണ്ടിവരുന്ന സാഹചര്യം ജില്ലാ ഭരണാധികാരികളെ ഇമെയിൽ അടക്കമുള്ള അടിയന്തിര സന്ദേശം വഴി അറിയിക്കുകയും ചെയ്തിട്ടുണ്ട്.

ഡാമുകൾ തുറന്നതാണോ പ്രളയത്തിന് കാരണമായത്?

കെ.എസ്.ഇ.ബിക്ക് എതിരായി ഉയരുന്ന മറ്റൊരു ആരോപണം പ്രളയത്തിനു കാരണമായത് ഡാമുകൾ എല്ലാം ഒരുമിച്ച് തുറന്നതാണെന്നായിരുന്നു. വസ്തുതകൾ പരിശോധിച്ചാൽ ഈ ആരോപണവും ശരിയല്ല എന്ന് കാണാം.

കെ.എസ്.ഇ.ബി-യുടെ ചെറു ഡാമുകളെല്ലാം ജൂലൈ മാസം മുതൽ തന്നെ തുറന്ന് വിട്ട് വെള്ളം പുറത്തേക്ക് ഒഴുക്കിയ നിലയിലായിരുന്നു. ഓഗസ്റ്റ് മാസത്തിൽ മാത്രമാണ് വലിയ ഡാമുകൾ തുറക്കേണ്ട സാഹചര്യമുണ്ടായത്. ശ്രദ്ധിക്കേണ്ട ഒരു വസ്തുത, ഡാമുകൾ തുറക്കുമ്പോൾ സംഭരിച്ച് വെച്ച ജലമല്ല പുറത്തേക്ക് ഒഴുക്കുന്നത്. മറിച്ച് വൻ മഴയെ തുടർന്ന് വർദ്ധിച്ച തോതിൽ ലഭിക്കുന്ന അധിക നീരൊഴുക്കിന്റെ ഒരു ഭാഗം മാത്രമാണ് പുറത്തേക്ക് ഒഴുക്കുന്നത്. ഡാമുകൾ ഇല്ലാത്ത സാഹചര്യത്തിൽ ഈ അധിക നീരൊഴുക്ക് മുഴുവനും സമതലങ്ങളിലേക്ക് പ്രവഹിക്കും.

IMD-യുടെ ദീർഘകാല പ്രവചനങ്ങളെയും രണ്ടാംപാദ പ്രവചനങ്ങളെയും അസ്ഥാനത്താക്കി ഓഗസ്റ്റ് രണ്ടാം വാരത്തിൽ ലഭിച്ച മഴയാണ് ഡാമുകളിലേക്കും സമതലങ്ങളിലേക്കും അമിതമായ പ്രളയ ജലം എത്തിക്കാൻ ഇടയാക്കിയത്. ഓഗസ്റ്റ് 7 മുതൽ 20 വരെ പ്രധാനപ്പെട്ട ഡാമുകളിൽ ലഭിച്ച മഴയുടെ കണക്ക് പരിശോധിച്ചാൽ ഇത് വ്യക്തമാകും. ഇടുക്കിയിൽ 1645, ഇടമലയാറിൽ 1234, പമ്പയിൽ 1066, കക്കിയിൽ 1800, ബാണാസുരസാഗറിൽ 2598 മില്ലീമീറ്റർ എന്ന അളവിലാണ് മഴ ലഭിച്ചത്.

ഇത്ര രൂക്ഷമായി മഴ പെയ്തത് മൂലം ഡാമിലേക്കുള്ള നീരൊഴുക്കിൽ വലിയ തോതിലുള്ള വർദ്ധനവാണ് രേഖപ്പെടുത്തിയത്.എന്നാൽ ഇങ്ങനെ ഒഴുകിയെത്തിയ വെള്ളം പോലും പൂർണതോതിൽ ഡാമുകളിൽ നിന്നും പുറത്തേക്ക് ഒഴിക്കിവിട്ടിരുന്നില്ല. ഡാമിന് പുറത്തുള്ള സമതലങ്ങളിലും പുഴയോരങ്ങളിലും പെയ്ത മഴ മൂലമുണ്ടായ വെള്ളമാണ് പല പ്രദേശങ്ങളിലും പ്രളയം അതിരൂക്ഷമാക്കിയത് എന്ന് ചില കണക്കുകൾ പരിശോധിച്ചാൽ വ്യക്തമാകും.

പെരിയാറിലെ വെള്ളപ്പൊക്കം

പ്രളയം ഏറ്റവും രൂക്ഷമായ ഓഗസ്റ്റ് 14 മുതൽ 19 വരെയുള്ള ദിവസങ്ങളിൽ ഇടുക്കി ഡാമിൽ 1186 മില്ല്യൻ ക്യുബിക് മീറ്റർ (എംസിഎം) പ്രളയജലം ഒഴുകിയെത്തിയപ്പോൾ അവിടെ നിന്നും പെരിയാറിലേക്ക് തുറന്ന് വിട്ടത് 525 എംസിഎം വെള്ളം മാത്രമാണ്. അതായത് 661 എംസിഎം ജലം ഇടുക്കി ഡാമിൽ തടഞ്ഞു നിർത്തി. ഇത്തരത്തിൽ ഡാമിൽ കുറച്ച ജലം തടഞ്ഞു നിർത്തിയത് കാരണം പെരിയാറ്റിലെ ഒഴുക്ക് ഒരു പരിധി വരെ നിയന്ത്രിക്കാനും പ്രളയക്കെടുതി അത്ര കണ്ട് കുറയ്കാനും കഴിഞ്ഞിട്ടുണ്ട്.

ഇടുക്കി ഡാമിലേക്കുണ്ടായ ശക്തമായ നീരൊഴുക്കിന് പുറമേ, മുല്ലപ്പെരിയാറിൽ നിന്നും പരമാവധി 760 മില്ല്യൻ ക്യുബിക് മീറ്റർ പെർ സെക്കന്റ് (ക്യുമെക്‌സ്) വെള്ളം കൂടി ഇടുക്കി ഡാമിൽ എത്തിയിട്ടും ഇടുക്കി അണക്കെട്ടിൽ നിന്നും പെരിയാറിലേക്ക് തുറന്നു വിട്ടത് പരമാവധി 1600 ക്യുമെക്‌സ് എന്ന തോതിൽ മാത്രമായിരുന്നു. ഇടമലയാറിൽ നിന്ന് പെരിയാറിലേക്ക് തുറന്നു വിട്ട പരമാവധി വെള്ളമായ 1400 ക്യുമെക്‌സും കൂടി ചേർന്ന് ആകെ പരമാവധി 2900 ക്യുമെക്‌സ് എന്ന തോതിൽ വെള്ളം ഭൂതത്താൻകെട്ട് ബാരേജിലെത്തിയതിന് ശേഷമാണ് പെരിയാറിന്റെ താഴ്ഭാഗങ്ങളിലേക്ക് ഒഴുകുന്നത്. പ്രളയം രൂക്ഷമായ സമയത്ത് ഭൂതത്താൻകെട്ട് ബാരേജിൽ നിന്നും പെരിയാറിലേക്ക് ഒഴുകിയ വെള്ളത്തിന്റെ തോത് 7700 ക്യുമെക്‌സ് ആയിരുന്നു എന്നാണ് കാണുന്നത്. ഈ ചിത്രം വ്യക്തമാക്കുന്നത് ഭൂതത്താൻകെട്ടിൽ നിന്നും പെരിയാറിലേക്ക് ഒഴുകിയ വെള്ളത്തിന്റെ 37% മാത്രമായിരുന്നു ഇടുക്കി, ഇടമലയാർ ഡാമുകളിൽ നിന്നും വന്നത്. ഭൂതത്താൻകെട്ട് ബാരേജിന് താഴെയും നദിയിലേക്ക് വെള്ളം എത്തുന്നുണ്ട്. പെരിയാർ നദിയുടെ വൃഷ്ടി പ്രദേശത്തിന്റെ 56% മാത്രമേ ഭൂതത്താൻകെട്ടിന് മുകളിലുള്ളൂ. ബാക്കി 44% വും ബാരേജിന് താഴെയുള്ള പ്രദേശങ്ങളിലാണ്. ഈ പ്രദേശങ്ങളിൽ നിന്നും ഒഴുകിയെത്തിയ വെള്ളം കൂടി കണക്കിലെടുത്താൽ പെരിയാറിലെ വെള്ളപ്പൊക്കത്തിനു കാരണമായതിൽ ഇടുക്കി, ഇടമലയാർ ഡാമുകളിൽ നിന്നും പുറത്തേക്ക് ഒഴുക്കിയ വെള്ളത്തിന് ചെറിയ ഒരു പങ്ക് മാത്രമേ ഉണ്ടായിരുന്നു എന്ന് വ്യക്തമാകും.

ഇത് ഇടുക്കിയിലെ മാത്രം സ്ഥിതിയല്ല. മറ്റൂ പ്രദേശങ്ങളിലും പ്രളയക്കെടുതി രൂക്ഷമാക്കിയതിന് ഡാമുകളിൽ നിന്നുള്ള വെള്ളത്തിന് വലിയ പങ്കില്ല എന്നും കുറെയെങ്കിലും പ്രളയക്കെടുതി കുറയ്കാനാണ് ഡാമുകൾ സഹായകമായത് എന്നും കാണാം.

പമ്പയാറ്റിലെ പ്രളയം

പമ്പ, കക്കി ഡാമുകളിൽ നിന്നും തുറന്ന് വിടുന്ന വെള്ളത്തിന് പുറമേ ശബരിഗിരി, കക്കാട് എന്നീ ജല വൈദ്യുതി നിലയങ്ങളിൽ നിന്ന് ഉൽപാദനത്തിനു ശേഷം പുറത്തു വരുന്ന വെള്ളവും കൂടിയാണ് പമ്പാ നദിയിൽ എത്തുന്നത്. പ്രളയം രൂക്ഷമായ, ഓഗസ്റ്റ് 15, 16 തീയതികളിൽ പമ്പ ഡാമിൽ നിന്ന് 249 ക്യുമെക്‌സ് , കക്കിയിൽ നിന്ന് 844, ശബരിഗിരിയിൽ നിന്ന് 330, കക്കാട് നിന്ന് 50 എന്നീ തോതിലായിരുന്നു പമ്പയാറ്റിൽ എത്തിയ വെള്ളം - ആകെ 1473 ക്യുമെക്‌സ് എന്ന തോതിൽ.

പമ്പ, കക്കി ഡാമുകൾക്ക് താഴെ പമ്പാനദിയുടെ രണ്ടു കൈവഴികളിൽ റാന്നി - പെരുനാട്, പെരുന്തേനരുവി എന്നിവിടങ്ങളിൽ നദിയിലെ നീരൊഴുക്ക് അളക്കുന്നതിനുള്ള റിവർഗേജ് സംവിധാനങ്ങളുണ്ട്. റാന്നി-പെരുനാടിൽ 2600 ക്യുമെക്‌സും പെരുന്തേനരുവിയിൽ 2480 ക്യുമെക്‌സുമാണ് അളക്കാവുന്ന പരിധി. ഈ രണ്ടു റിവർഗേജുകളും ഓഗസ്റ്റ് 15, 16 തീയതികളിൽ കവിഞ്ഞ് ഒഴുകുകയായിരുന്നു. അതായത് പമ്പ നദിയിൽ ആകെ ഒഴുകിയ വെള്ളം 5080 ക്യുമെക്‌സിലും അധികമായിരുന്നു. ഇതിൽ പമ്പ, കക്കി ഡാമുകളിൽ നിന്നും വൈദ്യുതി നിലയങ്ങളിൽ നിന്നുമായി ആകെ പമ്പയാറ്റിലെത്തിയ 1473 ക്യുമെക്‌സ് എന്നത് പമ്പാനദിയിലൂടെ ഒഴുകിയ ആകെ വെള്ളത്തിന്റെ 29% ത്തിൽ താഴെ മാത്രമായിരുന്നു. ഇതും സൂചിപ്പിക്കുന്നത് ഡാമുകളിൽ നിന്നുള്ള വെള്ളമായിരുന്നില്ല പ്രളയം രൂക്ഷമാക്കിയത് മറിച്ച് പമ്പാനദിയിൽ സ്വാഭാവികമായി എത്തിയ മഴവെള്ളമായിരുന്നു എന്നതാണ്.

വയനാട്

വയനാട്ടിലുണ്ടായ പ്രളയം ബാണാസുരസാഗർ അണക്കെട്ട് തുറന്ന് വിട്ടുണ്ടായതാണെന്ന ആരോപണത്തിലും കഴമ്പില്ല എന്ന് ചില കണക്കുകൾ പരിശോധിച്ചാൽ കാണാം. വയനാട്ടിൽ ഏറ്റവും കൂടുതൽ മഴ 442.60 മില്ലിമീറ്റർ രേഖപ്പെടുത്തിയത് ഓഗസ്റ്റ് 9-നായിരുന്നു. വയനാട്ടിൽ നിന്നും ഒഴുകിയെത്തുന്ന വെള്ളം ശേഖരിക്കുന്നതിന് കബനീ നദിയിൽ കർണ്ണാടക നിർമ്മിച്ചിരിക്കുന്ന ബീച്ചനഹള്ളി ഡാമിലേക്ക് ബാണാസുരസാഗർ ഡാമിൽ നിന്ന് അന്ന് പോയത് 19.67 എംസിഎം വെള്ളമാണ്. എന്നാൽ അന്നേ ദിവസം കബനീനദി വഴി ബീച്ചനഹള്ളി ഡാമിലേക്ക് ആകെ ഒഴുകിയെത്തിയത് 170 എംസിഎമ്മുമായിരുന്നു. ഇത് വ്യക്തമാക്കുന്നത് കബനിയുടെ വയനാട് ഭാഗത്ത് ഒഴുകിയ വെള്ളത്തിന്റെ വെറും 12% മാത്രമായിരുന്നു ബാണാസുരസാഗറിൽ നിന്നും ഒഴുകിയത് എന്നാണ്.

ബാണാസുരസാഗർ അണക്കെട്ടിന്റെ താഴ്‌വാരത്തിൽ കേന്ദ്ര ജലക്കമ്മീഷന്റെ അധീനതയിലുള്ള മുത്തങ്കര റിവർഗേജ് സ്റ്റേഷനിലെ വിവരമനുസരിച്ച്, അത് വഴി ഓഗസ്റ്റ് 7,8,9 തീയതികളിൽ ജലം ഒഴുകിയത് 564, 1018, 2250 ക്യുമെക്‌സ് എന്ന തോതിലായിരുന്നു. അതോടൊപ്പം ജില്ലയിലെ തന്നെ മാനന്തവാടി റിവർഗേജ് സ്റ്റേഷനിൽ രേഖപ്പെടുത്തിയ വെള്ളത്തിന്റെ അളവ് 371, 1019, 1100 ക്യുമെക്‌സ് എന്ന തോതിലുമായിരുന്നു. എന്നാൽ ഈ ദിവസങ്ങളിൽ ബാണാസുരസാഗറിൽ നിന്നും പുറത്തേക്ക് വിട്ടത് പരമാവധി 246 ക്യുമെക്‌സ് ജലം എന്ന തോതിൽ മാത്രമായിരുന്നു എന്നും കാണേണ്ടതുണ്ട്.

ഡാമിൽ നിന്നുള്ള വെള്ളമെത്താത്ത കൽപ്പറ്റ അടക്കമുള്ള നഗര പ്രദേശങ്ങളിൽ പോലും പ്രദേശങ്ങളിലും വെള്ളപ്പൊക്കമുണ്ടായി എന്ന് മാത്രമല്ല, ഓഗസ്റ്റ് 8 ന് രാവിലെ മുതൽ തന്നെ ടൗണിലെ നാഷണൽ ഹൈവേയിലടക്കം വെള്ളം പൊങ്ങി മാർഗതടസ്സമുണ്ടായിയെന്നും കാണാം.ഇവയെല്ലാം സൂചിപ്പിക്കുന്നത് വയനാട്ടിൽ വെള്ളപ്പൊക്കം രൂക്ഷമാക്കിയതിൽ ബാണാസുരസാഗർ ഡാം പ്രത്യേകിച്ച് യാതൊരു പങ്കും വഹിച്ചിട്ടില്ല എന്ന് തന്നെയാണ്.

ഇടുക്കിയിലെ ട്രയൽ റൺ മാറ്റിയതെന്തിന് ?

ഇടുക്കിയിൽ 2397 അടി ജലനിരപ്പ് എത്തുമ്പോൾ ട്രയൽ റൺ നടത്താനായിരുന്നു തീരുമാനിച്ചത്. ഓഗസ്റ്റ് 8 രാത്രിയിൽ ഈ നിരപ്പ് എത്തുകയും ചെയ്തു. അന്നേ ദിവസം തന്നെ ഇടമലയാറിൽ പൂർണ ജലനിരപ്പായ 169 മീറ്ററിൽ നിന്നും ഉയർന്ന് 169.95 വരെ എത്തുകയും, അതിനാൽ തന്നെ റെഡ് അലർട്ട് നൽകി ഇടമലയാർ ഡാം തുറക്കേണ്ട അടിയന്തിര സാഹചര്യവും ഉണ്ടായി.

ഇടമലയാറിൽ നിന്നും ഇടുക്കിയിൽ നിന്നും വരുന്ന വെള്ളം പെരിയാറിലൂടെ ഒരുമിച്ചാണ് ഒഴുകേണ്ടി വരുന്നത് എന്നതിനാൽ, ഇടമലയാർ ഡാം തുറന്നതിന്റെ ആഘാതം മനസ്സിലാക്കിയതിന് ശേഷം മതിയാകും ഇടുക്കി ഡാം തുറക്കുന്നത് എന്ന പൊതു നിർദ്ദേശത്തിന്റെ ഭാഗമായാണ് ഇടുക്കിയിലെ ട്രയൽ റൺ ഏതാനും മണിക്കൂറുകൾ മാറ്റി വെച്ചത്. അങ്ങിനെയാണ് ഓഗസ്റ്റ് 9-ന് എല്ലാ മുന്നറിയിപ്പുകളോടും കൂടി ഉച്ചയ്ക്ക് 12.30-ന് 50 ക്യുമെക്‌സ് വെള്ളം തുറന്ന് വിട്ട് ട്രയൽ റൺ നടത്തിയത്. നാല് മണിക്കൂർ നേരത്തെ ട്രയൽ ആയിരുന്നു ഉദ്ദേശിച്ചിരുന്നതെങ്കിലും ജലനിരപ്പ് റെഡ് അലർട്ട് നിരപ്പായ 2399 ഉം കഴിഞ്ഞ് 2401.10 അടി ആയി ഉയർന്നതിനാൽ കൂടുതൽ ഷട്ടറുകൾ തുറന്ന് ഓഗസ്റ്റ് 10 ന് രാവിലെ എട്ട് മണി മുതൽ വെള്ളമൊഴുക്കൽ തുടരേണ്ടി വന്നു. ഇത്തരത്തിൽ ട്രയൽ റൺ ഏതാനും മണിക്കൂറുകൾ മാറ്റി വെച്ചുവെന്നത് ഏതെങ്കിലും തരത്തിലെ പ്രശ്‌നം ഉണ്ടാക്കിയില്ല എന്ന് മാത്രമല്ല പെരിയാറിലെ പ്രളയത്തിന്റെ തീവ്രത ആദ്യദിവസമെങ്കിലും ചെറുതായി കുറയ്ക്കാൻ സാധിച്ചുവെന്നാണ് കരുതുന്നത്.

ഷോളയാറിൽ നിന്നും ചാലക്കുടിപ്പുഴയിലേക്ക് പോകുന്ന വെള്ളം ഇടമലയാറിലേക്ക് തിരിച്ചു വിടുന്ന വാച്ച്മരം ഗേറ്റ് അടക്കാഞ്ഞതാണ് ഇടമലയാർ പെട്ടെന്ന് നിറയാൻ ഇടയാക്കിയത് എന്ന തരത്തിലും ആരോപണം ഉയർന്നിരുന്നു. എന്നാൽ വാച്ച്മരത്ത് ജലനിയന്ത്രണത്തിനായി ഗേറ്റ് സ്ഥാപിച്ചിട്ടില്ല എന്നതാണ് യാഥാർത്ഥ്യം. പൊരിങ്ങൽക്കുത്ത് ഡാം നിറഞ്ഞ് ചാലക്കുടി പുഴയിലേക്ക് ഒഴുകുമ്പോൾ വെള്ളം നഷ്ടമാകാതിരിക്കാൻ വെള്ളത്തിന്റെ ഒരു ഭാഗം ഇടമലയാറിലേക്ക് എത്തിക്കാൻ ഉണ്ടാക്കിയ ഒരു ഡൈവേർഷൻ സംവീധാനം ആണ് വാച്ച്മരത്ത് ഉള്ളത്. ഈ പൈപ്പുകളിലൂടെ കുറച്ചു വെള്ളം ഇടമലയാറിൽ എത്തുമെന്നത് വസ്തുതയാണ്. അല്ലെങ്കിൽ ചാലക്കുടിപ്പുഴയിൽ പോകുന്ന വെള്ളമാണിത്. ഈ സംവിധാനം അടക്കാനുള്ള യാതൊരു മാർഗ്ഗവും വാച്ച്മരത്തില്ല എന്നത് കൂടി അറിയിക്കുകയാണ്.

ഡാമുകൾ നേരത്തേ തുറക്കാത്തത് എന്തുകൊണ്ട് ?

വൻതോതിൽ മഴയുണ്ടാകുമെന്ന് പ്രതീക്ഷിച്ച് നേരത്തെ തന്നെ ഡാമുകൾ തുറന്ന് വെള്ളം പുറത്തേക്ക് ഒഴുക്കി വിടണമായിരുന്നു എന്നും അത് ചെയ്യാതിരുന്നതാണ് പ്രളയം രൂക്ഷമാക്കിയത് എന്നും ആരോപണം ഉയർന്നിട്ടുണ്ട്.

പ്രത്യേകിച്ചും ഇടുക്കി ഡാമിലെ ഷട്ടറുകൾ 2397 അടി വരെ എത്തുന്നതിന് മുമ്പായി തന്നെ തുറക്കാമായിരുന്നു എന്നാണ് പറയുന്നത്. ഇടുക്കി ഡാമിന്റെ ഷട്ടറിന്റെ ഏറ്റവും താഴെ ഭാഗം അതായത് ഷട്ടർ ആരംഭിക്കുന്നത് (ക്രെസ്റ്റ്) 2373അടി നിരപ്പിലാണ്. അതായത് ഡാമിലെ ജലനിരപ്പ് 2373 അടിക്ക് മുകളിൽ എത്തിയാൽ മാത്രമേ ഷട്ടർ തുറന്നാലും അത് വഴി വെള്ളം ഒഴുകിത്തുടങ്ങുകയുള്ളു. ഇടുക്കി ഡാമിൽ 2373 അടി ജലനിരപ്പ് എത്തിയത് ജൂലൈ 17-നാണ്. അതായത് ജൂലൈ 17-ന് ശേഷം എന്ന് വേണമെങ്കിലും വെള്ളം തുറന്ന് വിടാമായിരുന്നു എന്നാണ് വാദം. ചെറുതോണി പാലത്തിനടിയിലൂടെ പാലത്തിന് അപകടം വരുത്താത്ത തരത്തിൽ ചെറിയ ഒരളവ് ജലം 50 മുതൽ 100 ക്യുമെക്‌സ് വരെ വെള്ളം മാത്രമേ തുറന്ന് വിടാൻ കഴിയുമായിരുന്നുള്ളു. ഈ സാഹചര്യത്തിൽ മുൻകൂറായി തുറന്നിരുന്നാലും കുറേയേറെ കുടുംബങ്ങളെ മാറ്റിപ്പാർപ്പിക്കേണ്ടതും ആവശ്യമാകുമായിരുന്നു. ഓഗസ്റ്റ് മാസം വലിയ തോതിൽ മഴയുണ്ടാകുമെന്ന സങ്കൽപ്പത്തിൽ ജൂലൈ 17 മുതൽ തന്നെ ഏകദേശം 50 ക്യുമെക്‌സ് വെള്ളം തുറന്നു വിട്ടിരുന്നു എങ്കിൽ യഥാർത്ഥത്തിൽ ഡാം തുറക്കേണ്ടി വന്ന ഓഗസ്റ്റ് 9 വരെ ആകെ 95 എംസിഎം വെള്ളം മാത്രമാകും ഡാമിൽ നിന്നും ഒഴുക്കിക്കളയാൻ സാധ്യമാകുമായിരുന്നത്.

എന്നാൽ ഇത്തരത്തിൽ മുൻകൂട്ടി വെള്ളം ഒഴുക്കിക്കളയാതെ, യഥാർത്ഥത്തിൽ ഡാം തുറന്ന കണക്കനുസരിച്ച് ഓഗസ്റ്റ് 9 മുതൽ 28 വരെ മാത്രം ഇടുക്കി ഡാമിൽ നിന്ന് പുറത്തേക്ക് ഒഴുക്കേണ്ടി വന്ന വെള്ളത്തിന്റെ അളവ് 939 എം.സി.എം. ആണ്. അതായത് മുൻകൂട്ടി ഒഴുക്കിക്കളയാമായിരുന്ന പരമാവധി വെള്ളം ഇത് വരെ ആകെ തുറന്നു വിട്ട വെള്ളത്തിന്റെ കേവലം 10% മാത്രമായിരിക്കും.

അങ്ങനെ മുൻകൂട്ടി വെള്ളം ഒഴുക്കിക്കളയുകയും പ്രതീക്ഷിച്ചത് പോലെ വലിയ മഴ വരാതിരിക്കുകയും ചെയ്തിരുന്നെങ്കിൽ അനാവശ്യമായി വെള്ളം തുറന്ന് വിട്ട് വൈദ്യുതി പ്രതിസന്ധി സൃഷ്ടിചു എന്ന ആരോപണവും കേൾക്കേണ്ടി വന്നേനെ.

വൈദ്യുതി ബോർഡ് നേരിട്ട പ്രതിസന്ധി

ഡാമുകളൊക്കെ നിറഞ്ഞു കവിഞ്ഞതിലൂടെ കോടിക്കണക്കിന് രൂപയുടെ ലാഭമാണ് വൈദ്യുതി ബോർഡിന് ഉണ്ടായതെന്ന ധാരണയും പൊതുവിൽ പറഞ്ഞ് കേൾക്കുന്നുണ്ട്. മെച്ചപ്പെട്ട മഴ ലഭിച്ചത് ജല വൈദ്യുതി ഉൽപാദനം കൂട്ടാന്നും ഡാമുകളിൽ പരമാവധി ജലം ശേഖരിക്കാനും സഹായകരമായിട്ടുണ്ട് എന്നത് വസ്തുതയാണ്.

എന്നാൽ സംസ്ഥാനത്തിന്റെ വൈദ്യുതി ആവശ്യകതയുടെ മുപ്പതു ശതമാനം വൈദ്യുതിയേ കേരളത്തിനുള്ളിലെ ജലവൈദ്യുതി പദ്ധതികളിൽ നിന്ന് ഉല്പാദിപ്പിക്കാൻ സാധ്യമാകുകയുള്ളു എന്നതാണ് യാഥാർത്ഥ്യം. അതേസമയം പേമാരിയിലും വെള്ളപ്പൊക്കത്തിലും കെ എസ് ഇ ബി ക്കുണ്ടായ നഷ്ടം വളരെ വലുതാണ്. 5 വലിയ ജലവൈദ്യുതി നിലയങ്ങൾ തകരാറിലായി. 50 സബ്‌സ്റ്റേഷനുകൾ പ്രളയജലം കയറി നിർത്തി വെച്ചു. നാല് ചെറുകിട വൈദ്യുതി നിലയങ്ങൾ പൂർണ്ണമായി വെള്ളത്തിനടിയിലായി. 16158 ട്രാൻസ്‌ഫോർമറുകൾ ഓഫ് ചെയ്തു. 30000 പോസ്ടുകൾ മറിഞ്ഞു. 4000 കിലോമീറ്റർ അനുബന്ധ ലൈനുകളും വെള്ളത്തിനടിയിലായി. ഉരുൾപൊട്ടലിലും മറ്റുമായി നിരവധി ഇടങ്ങളിൽ വൈദ്യുതി ലൈനുകൾ തന്നെ ഒലിച്ചു പോയി. 25 ലക്ഷത്തിലധികം വൈദ്യുതി കണക്ഷനുകൾ നഷ്ടമായി. പ്രതിഷ്ഠാപനങ്ങൾക്ക് ഉണ്ടായ പ്രാഥമിക നഷ്ടമായി കണക്കാക്കുന്നത് 350 കോടി രൂപയാണ്. ഇത് കൂടാതെ പദ്ധതികളിൽ ഉണ്ടായ ഉൽപാദന നഷ്ടം കൂടി കണക്കിലെടുത്താൽ പ്രളയം മൂലം കെ.എസ്.ഇ.ബി.ക്കുണ്ടായ ആകെ നഷ്ടം 820 കോടി രൂപയിലധികമാണ്.

ഇവയെല്ലാം പുനർനിർമ്മിക്കാൻ മിഷൻ-റികണക്ട് എന്ന പേരിൽ പ്രവർത്തനങ്ങൾ ഏകോപിപ്പിച്ച് ഏറ്റെടുത്ത് നടപ്പാക്കുകയാണ്. ഈ പ്രതിസന്ധി മറികടക്കാനുള്ള അതി തീവ്ര ശ്രമത്തിലാണ് കെ.എസ്.ഇ.ബി-യിലെ എല്ലാ തലങ്ങളിലുമുള്ള ജീവനക്കാർ. ഈ ഘട്ടത്തിൽ വസ്തുതാവിരുദ്ധ വാദങ്ങളുയർത്തി വിവാദങ്ങൾ സൃഷ്ടിക്കാനുള്ള ശ്രമങ്ങളെ പ്രതിരോധിച്ച് മുന്നോട്ട് പോകാനാണ് കെ.എസ്.ഇ.ബിയുടെ ശ്രമം.

മറുനാടൻ മലയാളി ബ്യൂറോ    
മറുനാടൻ മലയാളി റിപ്പോർട്ടർ

mail: editor@marunadanmalayali.com

Readers Comments

മലയാളത്തിൽ ടൈപ്പ്‌ ചെയ്യാൻ ഇവിടെ ക്ലിക്ക്‍ ചെയ്യുക
കമന്റ് ബോക്‌സില്‍ വരുന്ന അഭിപ്രായങ്ങള്‍ മറുനാടന്‍ മലയാളിയുടേത് അല്ല. മാന്യമായ ഭാഷയില്‍ വിയോജിക്കാനും തെറ്റുകള്‍ ചൂണ്ടി കാട്ടാനും അനുവദിക്കുമ്പോഴും മറുനാടനെ മനഃപൂര്‍വ്വം അധിക്ഷേപിക്കാന്‍ ശ്രമിക്കുന്നവരെയും അശ്ലീലം ഉപയോഗിക്കുന്നവരെയും മറ്റു മലയാളം ഓണ്‍ലൈന്‍ ലിങ്കുകള്‍ പോസ്റ്റ് ചെയ്യുന്നവരെയും മതവൈരം തീര്‍ക്കുന്നവരെയും മുന്നറിയിപ്പ് ഇല്ലാതെ ബ്ലോക്ക് ചെയ്യുന്നതാണ് - എഡിറ്റര്‍

More News in this category

MNM Recommends

TODAYLAST WEEKLAST MONTH
ജനം ടിവിയുടെ കുതിപ്പ് കണ്ട് ഞെട്ടിയ ചാനൽ മുതലാളിമാർക്ക് ഇരിക്കപ്പൊറുതിയില്ല; വിപ്ലവകാരികളായ റിപ്പോർട്ടർമാരെ മുഴുവൻ മാറ്റി അയ്യപ്പഭക്തരെ തന്നെ ശബരിമല റിപ്പോർട്ടിങ് ഏൽപ്പിച്ച് മനോരമയും മാതൃഭൂമിയും ഏഷ്യാനെറ്റും അടക്കമുള്ള ചാനലുകൾ; വേണുവിനെ പോലുള്ള സ്റ്റാർ അവതാരകർ സ്വയം മാറിയതോടെ മാതൃഭൂമിക്ക് ആശ്വാസമായെങ്കിൽ ഷാനി പ്രഭാകരനെ വടക്കേ ഇന്ത്യയിലേക്ക് അയച്ച് അയ്യപ്പദാസിനെ പുതിയ സ്റ്റാറാക്കി മനോരമയുടെ പിടിച്ചു നിൽക്കൽ ശ്രമം
കാണുന്നവരോടെല്ലാം പ്രായഭേദമന്യേ കാമം പ്രകടിപ്പിക്കുക എന്നത് എഴുത്തിന്റെ അവകാശമായിട്ടാണ് പല എഴുത്തുകാരും കരുതുന്നത്; ഒരിക്കൽ സംസാരിച്ചു കൊണ്ടിരിക്കെ അർഷാദ് ബത്തേരി എന്റെ മുലകളിൽ കയറിപ്പിടിച്ചു; പല സ്ത്രീകളുമായും രതിബന്ധങ്ങളുണ്ടെന്നും എല്ലാവരുടേയും നഗ്‌നഫോട്ടോസുണ്ട് കയ്യിലെന്നും വീമ്പിളക്കിയത് കവി ശ്രീജിത്തരിയല്ലൂർ; ഇവർക്കൊക്കെ എഴുത്ത് പ്രതിരോധമോ ആശ്രയമോ അല്ല... കെണിയാണ്... നിറം പുരട്ടിവെച്ച അക്ഷരക്കെണി: ഒലിവ് ബുക്ക് എഡിറ്റർ അടക്കമുള്ളവർക്കെതിരെ മീ ടുവുമായി യുവതി
താൽപ്പര്യം ഉള്ള പലരും ഇങ്ങോണ്ട് വന്നിട്ടുണ്ട്.; എനിക്ക് തോന്നിയവരോട് അങ്ങോട്ടും മാന്യമായി ചോദിക്കാറുണ്ട്; എനിക്കീ സദാചാരവും വിപ്ലവവും കൂടി കൂട്ടികുഴച്ചു വെട്ടിവിഴുങ്ങുന്ന ഓഞ്ഞ ഏർപ്പാടില്ല; ഒരു നല്ല കൂട്ട് വന്നതായിരുന്നു; ഇത് കണ്ട് അതും പോയി കിട്ടി: മീ ടൂ ആരോപണത്തെ കുറിച്ച് കവി ശ്രീജിത്ത് അരിയല്ലൂരിന്റെ പ്രതികരണം ഇങ്ങനെ
തന്നെ പിടികൂടിയത് എവിടെയാണോ അവിടെ തന്നെ കൊണ്ടു വിടണം; അല്ലാതെ ജലപാനമില്ലെന്ന വാശിയിൽ കെ.പി. ശശികല; ഹിന്ദു ഐക്യവേദി നേതാവിനെ പിടികൂടി എന്ന വാർത്ത പുറത്ത് വന്നതിന് പിന്നാലെ റാന്നി സ്റ്റേഷൻ വളഞ്ഞ് ആയിരങ്ങളുടെ നാമജപ പ്രതിഷേധം: കസ്റ്റഡി സമയം അവസാനിക്കാൻ മണിക്കൂറുകൾ മാത്രം ബാക്കി നിൽക്കവെ ശശികലയെ കോടതിയിൽ ഹാജാരാക്കാൻ കഴിയാതെ പൊലീസും; ശശികലെ ടീച്ചറെ വിട്ടയക്കുന്നത് വരെ ഹർത്താൽ തുടരുമെന്ന് ബിജെപി: ശശികലയെ പിടികൂടി ആകെ പുലിവാല് പിടിച്ച് പൊലീസ്
വടക്കേ ഇന്ത്യൻ ദൈവങ്ങളുടെ പേരിലോ ഗോവധത്തിന്റെ പേരിലോ ഒന്നും തിളപ്പിക്കാൻ കഴിയാതെ പോയ മണ്ണിൽ അയ്യപ്പന്റെ പേരിൽ ഉഴുതു മറിച്ച് സംഘപരിവാർ; അമ്മമാർ ഭയത്തോടെ കണ്ടിരുന്ന ആർ എസ് എസിന് സ്വീകാര്യത ഉണ്ടാക്കാനും ഇടപെടലിനായെന്ന് റിപ്പോർട്ട്; അറിഞ്ഞോ അറിയാതെയോ വിള വിതയ്ക്കാൻ അവസരം ഒരുക്കി സിപിഎം; ശബരിമല വിഷയം ഉയർത്തിയ ഹിന്ദു ധ്രുവീകരണം വോട്ടാക്കി മാറ്റാൻ പദ്ധതികൾ ഒരുക്കി ആർഎസ്എസ്; അംഗത്വ കാമ്പൈനുകളും വോട്ട് പിടിക്കാനായി തന്ത്രങ്ങളും അണിയറയിൽ ഒരുങ്ങുന്നു
എല്ലാവരും തൃപ്തി ദേശായിക്ക് പിന്നാലെ പാഞ്ഞപ്പോൾ ഹിന്ദു നേതാക്കളെ കരുതൽ തടങ്കലിലാക്കി പൊലീസ്; ശശികലയെ അറസ്റ്റ് ചെയ്തത് ഇരുമുടികെട്ടുമേന്തി മരക്കൂട്ടം വരെ എത്തിയപ്പോൾ; പട്ടികമോർച്ചാ നേതാവ് സുധീറിനെ അറസ്റ്റ് ചെയ്തത് ഇരുമുടി കെട്ടുമായി സന്നിധാനത്തും; പൃഥ്വിപാലും ഭാർഗവറാമും കസ്റ്റഡിയിൽ; രാഹുൽ ഈശ്വറടക്കമുള്ളവരെ തടങ്കലിലാക്കും; അനാവശ്യ നിയന്ത്രണങ്ങൾക്ക് പുറമേ അറസ്റ്റ് കൂടിയായപ്പോൾ ഹർത്താൽ പ്രഖ്യാപിച്ച് നേരിട്ട് ഹിന്ദു സംഘടനകൾ; വൈകി പ്രഖ്യാപിച്ചിട്ടും രാവിലെ തുടങ്ങിയ ഹർത്താൽ സ്വീകരിച്ച് കേരളം
തോറ്റു മടങ്ങിയ തൃപ്തി ദേശായിക്ക് മുബൈയിലും കൂക്കുവിളിയും പ്രതിഷേധവും; നെടുമ്പാശ്ശേരിയിൽ നിന്നും മുംബൈയിൽ വിമാനം ഇറങ്ങിയ തൃപ്തിയെ കാത്ത് നൂറു കണക്കിന് ഭക്തർ നാമജപം ചൊല്ലി മുംബൈ വിമാനത്താവളത്തിന് പുറത്തെത്തി; ഭയന്ന് വിറച്ച ഭൂമാതാ ബ്രിഗേഡ് നേതാവ് മണിക്കൂറുകളോളം പുറത്തിറങ്ങാനാവാതെ കുടുങ്ങി; ഇനിയും ശബരിമലയിലേക്ക് എത്തുമെന്ന പ്രഖ്യാപനത്തോടെ തൃപ്തിയുടെ വസതിക്ക് മുമ്പിൽ തുടർ പ്രക്ഷോഭങ്ങൾക്കൊരുങ്ങി ആചാര സംരക്ഷണ സമിതി
റിമാൻഡ് ചെയ്യാത്ത ശശികല ടീച്ചറെ വിട്ടയക്കുമെന്ന് പൊലീസ്; അറസ്റ്റ് ചെയ്തിടത്തുകൊണ്ടു വിടാമെങ്കിൽ മതിയെന്ന് ടീച്ചർ;പതിനായിരത്തിലേറെ പ്രവർത്തകർ പൊലീസ് സ്‌റ്റേഷൻ വളഞ്ഞതോടെ പുലിവാല് പിടിച്ച് പൊലീസ്; എന്തു ചെയ്യണമെന്ന് നിർദ്ദേശമില്ലാതെ ഒറ്റയ്ക്ക് അനുഭവിച്ച് ഡിവൈഎസ്‌പി; ശശികല ടീച്ചറെ അറസ്റ്റ് ചെയ്ത പൊലീസ് പുലിവാല് പിടിച്ചത് ഇങ്ങനെ
മണിക്കൂറുകൾ നീണ്ട അനിശ്ചിതത്വത്തിന് ഒടുവിൽ കെ.പി ശശികലയെ ആർഡിഒയ്ക്ക് മുന്നിൽ ഹാജരാക്കി; ഹാജരാക്കിയത് തിരുവല്ല സബ് ഡിവിഷണൽ മജിസ്‌ട്രേറ്റിന് മുന്നിൽ; ജാമ്യത്തിലിറങ്ങിയ ശേഷം ശശികലയ്ക്ക് ശബരിമലയിൽ പോകാനും അനുവാദം; ജലപാനം പോലും ഉപേക്ഷിച്ചുള്ള ഉപവാസവും അവസാനിപ്പിച്ച ശശികല ടീച്ചറെ ശരണം വിളികളുമായി വരവേറ്റ് അയ്യപ്പ ഭക്തർ; ഹിന്ദു ഐക്യവേദി അധ്യക്ഷയെ അറസ്റ്റ് ചെയ്ത് പുലിവാല് പിടിച്ച പൊലീസിനും ആശ്വാസം
ഡിവൈഎസ്‌പി ഹരികുമാറിനു വേണ്ടി ബിനു വീട്ടിൽ ഒരുക്കിയിരുന്നത് നക്ഷത്ര വേശ്യാലയവും മിനി ബാറും! ഇരുവരും പങ്കാളിത്ത ബിസിനസുകാർ; കാക്കിയിട്ട ക്രിമിനലിന് വേണ്ടി സ്ത്രീകളെ ബിനു എത്തിച്ചിരുന്നത് ബന്ധുക്കളെന്ന് പറഞ്ഞ്; വീട്ടിലെ രണ്ടു റൂമുകൾ ഹരികുമാറിന് വേണ്ടി മാത്രം നീക്കിവെച്ചു; എല്ലാ കോംപ്രമൈസ് ആക്കുന്ന ഉദ്യോഗസ്ഥന് ക്വാറിക്കാരും ബാറുകാരും പ്രതിമാസം നൽകിയിരുന്നത് 50ലക്ഷത്തിലധികം രൂപ; ലഭിക്കുന്ന തുകയിൽ പകുതിയും എത്തിയത് തിരുവനന്തപുരത്തെ പ്രമുഖ സിപിഎം നേതാവിന്റെ വീട്ടിലും
ഭർത്താവിന്റെ സഹപ്രവർത്തകൻ ആയിരുന്ന ചീഫ് പ്രൊഡ്യൂസർ എംആർ രാജൻ ലൈംഗിക താൽപ്പര്യത്തോടെ സംസാരിക്കാൻ തുടങ്ങി; മാർക്കറ്റിങ് വിഭാഗത്തിലെ ദിലീപും ലൈംഗിക ചേഷ്ടകൾ പുറത്തെടുത്തു; എഞ്ചിനിയറായ പത്മകുമാർ അവസരം കിട്ടുമ്പോൾ ഒക്കെ ശരീരത്തിൽ സ്പർശിച്ചു തുടങ്ങി; പരാതിപെട്ടിട്ട് ഒരു നടപടിയും എടുക്കാതെ മാനേജ്മെന്റ്; നിഷാ ബാബുവിന്റെ മീ ടൂവിൽ അഴിഞ്ഞു വീഴുന്നത് ഏഷ്യാനെറ്റ് വൈസ് പ്രസിഡന്റ് അടക്കമുള്ളവരുടെ വൃത്തികെട്ട മുഖങ്ങൾ
ഹരികുമാർ മരണത്തിലേക്ക് നടക്കാൻ തീരുമാനിക്കും മുമ്പ് മകന്റെ കുഴിമാടത്തിൽ ജമന്തിപൂവ് വച്ച് പ്രാർത്ഥിച്ചു; എന്റെ മകനെ കൂടി നോക്കികോളണം എന്ന് കുറുപ്പെഴുതി പാൻസിന്റെ പോക്കറ്റിൽ സൂക്ഷിച്ചു; മകനോട് ആവശ്യപ്പെട്ടത് അമ്മയെ നോക്കണമെന്നും; നെയ്യാറ്റിൻകരക്കാർ ആഘോഷമാക്കിയപ്പോൾ കല്ലമ്പലത്ത് മാധ്യമ വിചാരണയിൽ കടുത്ത രോഷം
നെയ്യാറ്റിൻകര സനൽ വധക്കേസിലെ പ്രതി ഡിവൈഎസ്‌പി ബി ഹരികുമാർ ആത്മഹത്യ ചെയ്തു; ഒളിവിൽ പോയ പ്രതിയെ തൂങ്ങിമരിച്ച നിലയിൽ കാണപ്പെട്ടത് കല്ലമ്പലത്തെ സ്വന്തം വസതിയിൽ; ഉദ്യോഗസ്ഥൻ ആത്മഹത്യ ചെയ്തതുകൊല്ലപ്പെട്ട സനലിന്റെ കുടുംബം കുറ്റവാളിയെ പിടികൂടണമെന്ന് ആവശ്യപ്പെട്ട് സത്യാഗ്രഹം ആരംഭിച്ചതിനും കൊലപാതക കുറ്റം നിലനിൽക്കുമെന്ന് ക്രൈംബ്രാഞ്ച് വ്യക്തമാക്കുകയും ചെയ്തതിന് പിന്നാലെ; ദൈവത്തിന്റെ വിധി നടപ്പിലായെന്ന് സനലിന്റെ കുടുംബം
വിമാനം ഇറങ്ങിയാൽ സഞ്ചരിക്കാൻ കാറ് വേണം; കോട്ടയത്ത് എത്തുമ്പോൾ താമസിക്കാൻ വേണ്ടത് ഗസ്റ്റ് ഹൗസോ ഹോട്ടൽ മുറിയോ; ഭക്ഷണ സൗകര്യവും സുരക്ഷയും ഉറപ്പു വരുത്തണം; പുലർച്ചെ അഞ്ച് മണിക്ക് പുറപ്പെട്ട് ഏഴ് മണിയോടെ സന്നിധാനത്ത് ദർശനത്തിന് സൗകര്യം ഒരുക്കണം; മടങ്ങിപ്പോകാനുള്ള വിമാനടിക്കറ്റും എടുത്തിട്ടില്ല; എല്ലാ ചിലവുകളും കേരളാ സർക്കാർ വഹിക്കണം; ശബരിമല കയറാൻ എത്തുന്ന തൃപ്തി ദേശായിയുടെ ആവശ്യങ്ങൾ കണ്ട് കണ്ണുതള്ളി സംസ്ഥാന സർക്കാർ
ഇഷ്ടതാരങ്ങളുമായി 20 മിനിറ്റ് ആഡംബരഹോട്ടലിൽ ചെലവിടാൻ നൽകാമെന്നേറ്റത് പത്തുകോടി വീതം; ഐശ്വര്യ റായിയും ദീപിക പദുക്കോണുമടക്കം 26 താരങ്ങൾക്കായി ചെലവാക്കാൻ ഉറച്ചത് 300 കോടി; രണ്ടുമൂന്നുപേരെ കണ്ടപ്പോൾ ഉദ്ദേശിച്ച കാര്യം നടക്കില്ലെന്നുറപ്പായതോടെ കരാറിൽനിന്ന് പിന്മാറി; ബെഹ്‌റീൻ രാജകുമാരനോട് 300 കോടി നഷ്ടപരിഹാരം ചോദിച്ച് ഏജന്റ് നൽകിയ കേസ് ലണ്ടൻ ഹൈക്കോടതിയിൽ
സ്വന്തമായി ഗുണ്ടകളും കുഴൽപ്പണ ബിസിനസുമുള്ള പൊലീസ് ഉദ്യോഗസ്ഥൻ! പരാതിയുമായി എത്തുന്നത് സ്ത്രീകളാണെങ്കിൽ ഇംഗിതത്തിന് വഴങ്ങണമെന്ന് ഭീഷണി; പെരിന്തൽമണ്ണ സ്വദേശിക്കെതിരെ ബിസിനസ് പങ്കാളി നൽകിയ പരാതി പിൻവലിച്ചിട്ടും തട്ടിയത് ലക്ഷങ്ങൾ; വീട്ടിലെത്തി അറസ്റ്റ് ചെയ്ത ശേഷം ഭാര്യയോട് പറഞ്ഞത് ഇനി ഇവന്റെ ഒപ്പം നീ അടുത്തൊന്നും കിടക്കില്ലെന്നും; പൊലീസ് വേഷവും ഗുണ്ടകളേയും തരാമെന്നും കുഴൽപ്പണം കടത്താൻ സഹായിക്കണമെന്നും നിർബന്ധിച്ചു; കേരളപ്പൊലീസിലെ സിഐ `ഗുണ്ട` ശിവശങ്കരന്റെ ഞെട്ടിക്കുന്ന കഥ
സ്വാമി ശരണം.....ഭക്തർക്കൊപ്പം എന്ന നിലപാട് മലയാളം ന്യൂസ് ചാനൽ റേറ്റിംഗിനെ മാറ്റി മറിക്കുന്നു; ഏഷ്യാനെറ്റ് ന്യൂസിനേയും വെല്ലുവിളിച്ച് ജനം ടിവിയുടെ വമ്പൻ കുതിപ്പ്; ആട്ട ചിത്തിര ആഘോഷത്തിനായുള്ള നടതുറപ്പിൽ ആർഎസ്എസ് ചാനലിന് ഉണ്ടായത് ചരിത്ര നേട്ടം; ഏഷ്യാനെറ്റ് ന്യൂസുമായുള്ള വ്യത്യാസം 17 പോയിന്റ് മാത്രം; 40000 ഇപ്രഷ്ൻസ് കടക്കുന്ന മലയാളത്തിലെ രണ്ടാം ചാനലായി സംഘപരിവാർ ടിവി; മണ്ഡലകാലത്ത് മലയാളത്തിൽ ന്യൂസ് ചാനലിൽ പോരാട്ടം മുറുകും
പരാതി നൽകാനെത്തിയ യുവതിയെ സിഐ ശിവശങ്കർ കെണിയിലാക്കിയത് കബളിപ്പിച്ചും ഭീഷണിപ്പെടുത്തിയും; തെളിവെടുക്കാനെന്ന് തെറ്റിദ്ധരിപ്പിച്ച് സ്വന്തം ഇന്നോവയിൽ കയറ്റി ഹോട്ടൽ മുറിയിൽ എത്തിച്ച് ബലാത്സംഗം ചെയ്തു; നിസ്സഹായയെന്ന് അറിഞ്ഞപ്പോൾ ഊട്ടിയിലേക്കു വരണമെന്നും സെക്സിൽ ഏർപ്പെടണമെന്നും വീണ്ടും ആവശ്യപ്പെട്ടു; സഹിക്ക വയ്യാതായപ്പോൾ എസ്‌പിക്ക് പരാതി നൽകി; അന്വേഷണ ഘട്ടത്തിൽ വധഭീഷണിയും; കേസൊതുക്കാൻ പലതവണ യുവതിയുടെ വീട്ടിലെത്തി ബിജെപി നേതാക്കളും
തണ്ണിമത്തൻ കൊണ്ട് മാറ് മറയ്ക്കുകയും പിന്നീട് മാറ് പൂർണമായും തുറന്നുകാണിക്കുകയും ചെയ്തതിലൂടെ സ്ത്രീ സ്വാതന്ത്ര്യം ചർച്ചയാക്കിയ സാമൂഹിക പ്രവർത്തക; ചുംബന സമരത്തിന് ശേഷം തൃശൂരിലെ പുലികളിയിൽ ആദ്യ പെൺപുലിയായും ചരിത്രമുണ്ടാക്കി; നഗ്ന ശരീരത്തിലെ പുലി വരയിലൂടെ ചർച്ചയിലെത്തിയ വനിതാ കരുത്ത്; മലചവിട്ടുന്ന രഹ്നാ ഫാത്തിമ ചർച്ചയായത് ഇങ്ങനെയൊക്കെ
ഡിവൈഎസ്‌പി ഹരികുമാറിനു വേണ്ടി ബിനു വീട്ടിൽ ഒരുക്കിയിരുന്നത് നക്ഷത്ര വേശ്യാലയവും മിനി ബാറും! ഇരുവരും പങ്കാളിത്ത ബിസിനസുകാർ; കാക്കിയിട്ട ക്രിമിനലിന് വേണ്ടി സ്ത്രീകളെ ബിനു എത്തിച്ചിരുന്നത് ബന്ധുക്കളെന്ന് പറഞ്ഞ്; വീട്ടിലെ രണ്ടു റൂമുകൾ ഹരികുമാറിന് വേണ്ടി മാത്രം നീക്കിവെച്ചു; എല്ലാ കോംപ്രമൈസ് ആക്കുന്ന ഉദ്യോഗസ്ഥന് ക്വാറിക്കാരും ബാറുകാരും പ്രതിമാസം നൽകിയിരുന്നത് 50ലക്ഷത്തിലധികം രൂപ; ലഭിക്കുന്ന തുകയിൽ പകുതിയും എത്തിയത് തിരുവനന്തപുരത്തെ പ്രമുഖ സിപിഎം നേതാവിന്റെ വീട്ടിലും
വാഗമണ്ണിൽ മൂന്നു ദിവസം പാർട്ടി; മദ്യവും ലഹരിയും ഉപയോഗിച്ച് നൃത്തം ചെയ്ത അടിച്ചു പൊളിച്ചത് അഞ്ഞൂറോളം ആക്ടിവിസ്റ്റുകൾ; വാഗമണ്ണിലെ രഹസ്യ സങ്കേതത്തിലെ തീരുമാനം അനുസരിച്ച് മലചവിട്ടാനുള്ള ആദ്യ നിയോഗമെത്തിയത് ചുംബന സമരനായികക്കെന്ന് ഓൺലൈനിൽ വാർത്ത; ചിത്രങ്ങളും പുറത്തു വിട്ടു; രഹ്ന ഫാത്തിമ സന്നിധാനത്ത് യാത്ര തിരിച്ചത് എവിടെ നിന്ന് എന്ന ചർച്ച പുരോഗമിക്കുമ്പോൾ എല്ലാം പിൻവലിച്ച് മംഗളം
അകത്തളത്തിൽ രണ്ടായിരം സ്‌ക്വയർ ഫീറ്റിനടുത്ത് വലുപ്പമുള്ള നീന്തൽ കുളം; ശീതീകരിച്ച ഓഫീസ് മുറി; പുറത്ത് കുളിക്കടവിലേക്കുള്ള കവാടം; കരമനയാറിന്റെ ദൃശ്യഭംഗി ആസ്വദിക്കാനും സൗകര്യം; സ്‌കൂൾ ഓഫ് ഭഗവത് ഗീതയ്ക്കുള്ളത് ടൂറിസം ഡിപ്പാർട്ട്‌മെന്റിൽ ഗോൾഡ് ഹൗസ് കാറ്റഗറി അംഗീകാരം; കുണ്ടമൺകടവിലെ സാളാഗ്രാം ആശ്രമത്തിനുള്ളത് ഹോം സ്റ്റേ രജിസ്ട്രേഷൻ; സന്ദീപാനന്ദഗിരിയുടെ ആശ്രമത്തിന്റെ വിശേഷങ്ങൾ ഇങ്ങനെ
അക്രമിക്കപ്പെട്ട നടിക്കൊപ്പം ഉറച്ചു നിന്നു; പാർവ്വതിക്ക് നഷ്ടമായത് കത്തിജ്വലിച്ച് നിന്ന കരിയർ; നടി ആക്രമിക്കപ്പെട്ടത് തനിക്ക് വേണ്ടിയാണെന്ന് അറിയാമായിരുന്നിട്ടും അപകടം മനസ്സിലാക്കി പിന്മാറിയതു കൊണ്ട് രണ്ടാംവരവിലെ തിളക്കത്തിൽ തന്നെ തുടർന്ന് മഞ്ജു വാര്യർ; സത്യത്തിനൊപ്പം നിന്നതിന് പാർവ്വതിക്ക് ലഭിച്ച ശിക്ഷയുടെ അളവ് ഊഹിക്കാവുന്നതിലും അപ്പുറം
ഭർത്താവിന്റെ സഹപ്രവർത്തകൻ ആയിരുന്ന ചീഫ് പ്രൊഡ്യൂസർ എംആർ രാജൻ ലൈംഗിക താൽപ്പര്യത്തോടെ സംസാരിക്കാൻ തുടങ്ങി; മാർക്കറ്റിങ് വിഭാഗത്തിലെ ദിലീപും ലൈംഗിക ചേഷ്ടകൾ പുറത്തെടുത്തു; എഞ്ചിനിയറായ പത്മകുമാർ അവസരം കിട്ടുമ്പോൾ ഒക്കെ ശരീരത്തിൽ സ്പർശിച്ചു തുടങ്ങി; പരാതിപെട്ടിട്ട് ഒരു നടപടിയും എടുക്കാതെ മാനേജ്മെന്റ്; നിഷാ ബാബുവിന്റെ മീ ടൂവിൽ അഴിഞ്ഞു വീഴുന്നത് ഏഷ്യാനെറ്റ് വൈസ് പ്രസിഡന്റ് അടക്കമുള്ളവരുടെ വൃത്തികെട്ട മുഖങ്ങൾ
ബിനീഷ് കോടിയേരി ചങ്ക് സഹോദരൻ! ഗണപതി കോവിൽ വരെ സ്വന്തം റിസ്‌കിലെത്തിയാൽ എല്ലാം ശരിയാക്കമെന്ന് ഉറപ്പ് നൽകിയത് കളക്ടർ നൂഹുവും ഐജി മനോജ് എബ്രഹാമും; പൊലീസ് പറഞ്ഞിടം വരെ പെൺകുട്ടിയെന്ന് ആരും തിരിച്ചറിയാതെ എത്തി; ഐജി ശ്രീജിത്തും നല്ല രീതിയിൽ പിന്തുണ നൽകി; നടപ്പന്തൽ വരെ എത്തിയത് എങ്ങനെ എന്ന് രഹ്നാ ഫാത്തിമ വിശദീകരിക്കുന്ന ഓഡിയോ പുറത്ത്; പൊലീസിനേയും സിപിഎമ്മിനേയും പ്രതിക്കൂട്ടിലാക്കി ആഞ്ഞടിക്കാൻ പരിവാറുകാർ; ശബരിമല വിവാദം പുതിയ തലത്തിലേക്ക്
മകൾ ഗോവേണിയിൽ നിന്നു വീണു മരിച്ചു എന്ന അമ്മയുടെ കള്ള കഥ ഗൾഫിൽ നിന്നെത്തിയ അച്ഛനും വിശ്വസിക്കാനായില്ല; ഏഴു വയസ്സുകാരിയുടെ ദേഹത്തെ മുറിവേറ്റ പാടുകൾ പൊലീസിന്റെയും സംശയം വർദ്ധിപ്പിച്ചു; ചോദ്യം ചെയ്തപ്പോൾ മൊഴിമാറ്റി പറഞ്ഞും പിടിച്ചു നിൽക്കാൻ അമ്മയുടെ ശ്രമം; ഒടുവിൽ മകളുടെ ദുരൂഹ മരണത്തിൽ അമ്മയെ അറസ്റ്റ് ചെയ്ത് പൊലീസ്
ഹരികുമാർ മരണത്തിലേക്ക് നടക്കാൻ തീരുമാനിക്കും മുമ്പ് മകന്റെ കുഴിമാടത്തിൽ ജമന്തിപൂവ് വച്ച് പ്രാർത്ഥിച്ചു; എന്റെ മകനെ കൂടി നോക്കികോളണം എന്ന് കുറുപ്പെഴുതി പാൻസിന്റെ പോക്കറ്റിൽ സൂക്ഷിച്ചു; മകനോട് ആവശ്യപ്പെട്ടത് അമ്മയെ നോക്കണമെന്നും; നെയ്യാറ്റിൻകരക്കാർ ആഘോഷമാക്കിയപ്പോൾ കല്ലമ്പലത്ത് മാധ്യമ വിചാരണയിൽ കടുത്ത രോഷം
മകളേയും ഭർത്താവിനേയും ചോദ്യം ചെയ്തപ്പോൾ അച്ഛന്റേയും അമ്മയുടേയും ഒളിത്താവളം പൊലീസ് അറിഞ്ഞു; അറസ്റ്റിലായതോടെ മാനസികമായി തകർന്നു; ആരും കാണാതെ മുങ്ങിയത് ആറാം നിലയിൽ നിന്ന് ചാടാനും; നൂറു വർഷത്തെ പാരമ്പര്യവും കണ്ണായ സ്ഥലത്ത് ആസ്തികളുണ്ടായിട്ടും 'കുന്നത്തുകളത്തിൽ' പൊളിഞ്ഞത് എങ്ങനെ? മുതലാളിയെ കടക്കാരനാക്കിയത് മക്കളുടേയും മരുമക്കളുടേയും അടിപൊളി ജീവിതം; വിശ്വനാഥന്റെ ആത്മഹത്യ തകർത്തത് തട്ടിപ്പിനിരയായ പാവങ്ങളുടെ അവസാന പ്രതീക്ഷകളെ