Forex Rate:

1 usd = 76.25 inr 1 gbp = 94.16 inr 1 eur = 85.23 inr 1 aed = 20.76 inr 1 sar = 20.32 inr 1 kwd = 247.66 inr
Apr / 202425Thursday

ഖത്തർ എയർവേയ്‌സിന്റെ ഇന്ത്യൻ സർവീസുകൾ മെയ് 26 മുതൽ പുനരാരംഭിക്കുമെന്ന് സൂചന; കോഴിക്കോട്, കൊച്ചി, തിരുവനന്തപുരം സർവീസുകളും ഉൾപ്പെടും

ഖത്തർ എയർവേയ്‌സിന്റെ ഇന്ത്യൻ സർവീസുകൾ മെയ് 26 മുതൽ പുനരാരംഭിക്കുമെന്ന് സൂചന; കോഴിക്കോട്, കൊച്ചി, തിരുവനന്തപുരം സർവീസുകളും ഉൾപ്പെടും

സ്വന്തം ലേഖകൻ

ദോഹ: ഇന്ത്യയിലേക്കുള്ള വിമാന സർവീസുകൾ ഖത്തർ എയർവേയ്‌സ് പുനരാരംഭിക്കും. ഇന്ത്യയിലേക്ക് നിർത്തിവെച്ച സർവീസുകൾ മെയ്‌ മാസത്തിൽ തന്നെ പുനരാംരംഭിക്കുമെന്ന് ഖത്തർ എയർവേസ് ട്വിറ്ററിൽ അറിയിച്ചു. സർവീസുകൾ മെയ് 26 മുതൽ തുടങ്ങുമെന്നാണ് ലഭിക്കുന്ന വിവരം.

ജൂൺ അവസാനത്തോടെ അഹമ്മദാബാദ്, അമൃത്‌സർ, ബംഗളൂരു, മുംബൈ, കൊൽക്കത്ത, ഡൽഹി, ഗോവ, ഹൈദരാബാദ്, ചെന്നൈ എന്നിവിടങ്ങളിലേക്കുള്ള സർവീസുകളും നടത്തുമെന്നും കമ്പനി നേരത്തേ അറിയിച്ചിട്ടുണ്ട്. കേരളത്തിലെ കോഴിക്കോട്, കൊച്ചി, തിരുവനന്തപുരം വിമാനത്താവളങ്ങളിലേക്കുള്ള സർവീസുകളും ഇതിൽ ഉൾപ്പെടും.

മെയ്‌ അവസാനത്തോടെ തന്നെ ലോകത്തിലെ 52 നഗരങ്ങളിലേക്കുള്ള സർവീസുകൾ ആരംഭിക്കാനാണ് കമ്പനി പദ്ധതിയിടുന്നത്. കോവിഡ്19 വ്യാപിച്ചതിനെ തുടർന്ന് ഏർപ്പെടുത്തിയിരുന്ന ആഗോലതലത്തിലെ പ്രവേശന നിയന്ത്രണങ്ങളിലെ ഇളവും യാത്രക്കാരുടെ ആവശ്യവും പരിഗണിച്ചാണിത്. നിലവിൽ ഭൂരിഭാഗം ഭൂഖണ്ഡങ്ങളിലേക്കുമായി 30 പ്രതിദിന സർവീസുകൾ പ്രവർത്തിപ്പിക്കുന്നുണ്ട്.

ജൂൺ അവസാനത്തോടെ 80 നഗരങ്ങളിലേക്കും സർവീസ് ആരംഭിക്കും. 80 നഗരങ്ങളിൽ യൂറോപ്പിൽ 23ഉം അമേരിക്കയിൽ നാലും മിഡിലീസ്റ്റ് ആഫ്രിക്കയിൽ 20ഉം ഏഷ്യാപസിഫിക് മേഖലയിൽ 33ഉം കേന്ദ്രങ്ങൾ ഉൾപ്പെടും. ഇതിൽ ഇന്ത്യ, പാക്കിസ്ഥാൻ, നേപ്പാൾ, ചൈന രാജ്യങ്ങളിലെ പ്രധാന വിമാനത്താവളങ്ങളും ഇതിൽ ഉൾപ്പെടുന്നു.

 

Stories you may Like

കമന്റ് ബോക്‌സില്‍ വരുന്ന അഭിപ്രായങ്ങള്‍ മറുനാടന്‍ മലയാളിയുടേത് അല്ല. മാന്യമായ ഭാഷയില്‍ വിയോജിക്കാനും തെറ്റുകള്‍ ചൂണ്ടി കാട്ടാനും അനുവദിക്കുമ്പോഴും മറുനാടനെ മനഃപൂര്‍വ്വം അധിക്ഷേപിക്കാന്‍ ശ്രമിക്കുന്നവരെയും അശ്ലീലം ഉപയോഗിക്കുന്നവരെയും മറ്റു മലയാളം ഓണ്‍ലൈന്‍ ലിങ്കുകള്‍ പോസ്റ്റ് ചെയ്യുന്നവരെയും മതവൈരം തീര്‍ക്കുന്നവരെയും മുന്നറിയിപ്പ് ഇല്ലാതെ ബ്ലോക്ക് ചെയ്യുന്നതാണ് - എഡിറ്റര്‍

More News in this category+

MNM Recommends +

Go to TOP