സിംഗപ്പൂരിൽ ഇന്ത്യക്കാരൻ കൊല്ലപ്പെട്ട നിലയിൽ...

സിംഗപ്പൂരിൽ ഇന്ത്യക്കാരൻ കൊല്ലപ്പെട്ട നിലയിൽ

August 25, 201404:35 PM IST Permalink

സിംഗപ്പൂർ: ഇന്ത്യക്കാരനായ യുവാവ് സിംഗപ്പൂരിൽ കൊല്ലപ്പെട്ട നിലയിൽ കണ്ടെത്തി. ഇരുപത്താറുകാരനായ സുരേഷ്‌കുമാറിനെയാണ് ഇന്നലെ രാത്രി മരിച്ച നിലയിൽ കണ്ടെത്തിയത്.

സിംഗപ്പൂരിന്റെ പടിഞ്ഞാറൻ തീരത്ത് ഇയാൾ ജോലി ചെയ്തുവരികയായിരുന്ന പണ്ഡൻ വ്യവസായ എസ്റ്റേറ്റിനു സമീപമാണ് മരിച്ച നിലയിൽ കണ്ടെത്തിയത്. കൊലപാതകമാണെന്ന് സ്ഥിരീകരിച്ചിട്ടുണ്ട്. ഒരു കപ്പൽ സർവീസിങ് കമ്പനിയിൽ അഞ്ചുവർഷമായി ജോലിചെയ്തുവരികയായിരുന്നു സുരേഷ്‌കുമാർ. ഇയാളുടെ സ്വദേശം ഏതെന്ന് വെളിപ്പെടുത്തിയിട്ടില്ല.

സുരേഷ് കുമാറിന്റെ മൃതദേഹത്തിനു സമീപം ചോരക്കറകൾ പൊലീസ് കണ്ടെത്തിയിട്ടുണ്ട്. കഴുത്തിനു പുറകിലും തലയ്ക്കും മാരകമായി പരിക്കേറ്റതിനെത്തുടർന്നാണ് മരണം സംഭവിച്ചതെന്ന് പൊലീസ് വ്യക്തമാക്കി. അതേസമയം കൊലപാതകം മാത്രമായിരുന്നു അക്രമികളുടെ ഉദ്ദേശമെന്നും അതിനാൽ ഇയാളുടെ വസ്തുവകകളൊന്നും കൊള്ളയടിക്കപ്പെട്ടിട്ടില്ലെന്നും ഒരു പ്രാദേശിക ദിനപത്രം റിപ്പോർട്ടു ചെയ്യുന്നു.
അവിവാഹിതനായ സുരേഷ്‌കുമാറിനൊപ്പം ഇയാളുടെ സഹോദരൻ സിംഗപ്പൂരിൽ താമസിക്കുന്നുണ്ട്. മാതാപിതാക്കൾ ഇന്ത്യയിലാണ്.

Stories you may Like

Readers Comments+

മലയാളത്തിൽ ടൈപ്പ്‌ ചെയ്യാൻ ഇവിടെ ക്ലിക്ക്‍ ചെയ്യുക

കമന്റ് ബോക്‌സില്‍ വരുന്ന അഭിപ്രായങ്ങള്‍ മറുനാടന്‍ മലയാളിയുടേത് അല്ല. മാന്യമായ ഭാഷയില്‍ വിയോജിക്കാനും തെറ്റുകള്‍ ചൂണ്ടി കാട്ടാനും അനുവദിക്കുമ്പോഴും മറുനാടനെ മനഃപൂര്‍വ്വം അധിക്ഷേപിക്കാന്‍ ശ്രമിക്കുന്നവരെയും അശ്ലീലം ഉപയോഗിക്കുന്നവരെയും മറ്റു മലയാളം ഓണ്‍ലൈന്‍ ലിങ്കുകള്‍ പോസ്റ്റ് ചെയ്യുന്നവരെയും മതവൈരം തീര്‍ക്കുന്നവരെയും മുന്നറിയിപ്പ് ഇല്ലാതെ ബ്ലോക്ക് ചെയ്യുന്നതാണ് - എഡിറ്റര്‍

Forex Rate: