Forex Rate:

1 usd = 76.25 inr 1 gbp = 94.16 inr 1 eur = 85.23 inr 1 aed = 20.76 inr 1 sar = 20.32 inr 1 kwd = 247.66 inr
Apr / 202424Wednesday
ഹോം കായികം ക്രിക്കറ്റ്

ക്രിക്കറ്റ് ഇതിഹാസത്തെ ഇന്ത്യയ്ക്ക് സമ്മാനിച്ച പരിശീലകൻ രമാകാന്ത് അച്ഛരേക്കർ അന്തരിച്ചു; സച്ചിൻ തെണ്ടുൽക്കറിന് പുറമെ മുംബൈയിലെ ശിവാജി പാർക്കിൽ അച്ഛരേക്കർ പരിശീലിപ്പിച്ചത് വിനോദ് കാംബ്ലി, അജിത് അഗാർക്കർ, ചന്ദ്രകാന്ത് പാട്ടിൽ തുടങ്ങിയ പ്രമുഖരെ; 'സ്വർഗ്ഗത്തിലെ ക്രിക്കറ്റ് അച്ഛരേക്കറുടെ സാന്നിധ്യത്തിൽ  ധന്യമാകുമെന്ന്' സച്ചിൻ

January 02, 201908:58 PM IST Permalink
ക്രിക്കറ്റ് ഇതിഹാസത്തെ ഇന്ത്യയ്ക്ക് സമ്മാനിച്ച പരിശീലകൻ രമാകാന്ത് അച്ഛരേക്കർ അന്തരിച്ചു; സച്ചിൻ തെണ്ടുൽക്കറിന് പുറമെ മുംബൈയിലെ ശിവാജി പാർക്കിൽ അച്ഛരേക്കർ പരിശീലിപ്പിച്ചത് വിനോദ് കാംബ്ലി, അജിത് അഗാർക്കർ, ചന്ദ്രകാന്ത് പാട്ടിൽ തുടങ്ങിയ പ്രമുഖരെ; 'സ്വർഗ്ഗത്തിലെ ക്രിക്കറ്റ് അച്ഛരേക്കറുടെ സാന്നിധ്യത്തിൽ  ധന്യമാകുമെന്ന്' സച്ചിൻ

മറുനാടൻ ഡെസ്‌ക്‌

മുംബൈ: ദ്രോണാചാര്യ അവാർഡ് ജേതാവും ഇന്ത്യൻ ക്രിക്കറ്റ് ഇതിഹാസം സച്ചിൻ ടെണ്ടുൽക്കറുടെ പരിശീലകനുമായിരുന്ന രാമകാന്ത് അച്ഛരേക്കർ അന്തരിച്ചു(86). വാർധക്യ സഹജമായ അസുഖങ്ങളെ തുടർന്ന് മുംബൈയിലായിരുന്നു അന്ത്യം. 

''സ്വർഗ്ഗത്തിലെ ക്രിക്കറ്റ് അച്ഛരേക്കറുടെ സാന്നിധ്യത്തിൽ ധന്യമാകും. ക്രിക്കറ്റിന്റെ ബാലപാഠങ്ങൾ താൻ പഠിച്ചത് അച്ഛരേക്കറിൽ നിന്നാണ്. എന്റെ ജീവിതത്തിൽ അദ്ദേഹം നൽകിയ സംഭവനകളെ വാക്കുകളിൽ ഒതുക്കാൻ കഴിയുന്നതല്ല. എനിക്ക് അടിത്തറ പാകിയത് തന്നെ അദ്ദേഹമാണ്,'' സച്ചിൻ ടെണ്ടുൽക്കർ അനുസ്മരിച്ചു.

സച്ചിൻ ടെണ്ടുൽക്കറുടെ കരിയറിൽ നിർണായക പങ്ക് വഹിച്ച വ്യക്തിയാണ് രാമകാന്ത് അച്ഛരേക്കർ. മുംബൈ ദാദറിലെ കാമാത്ത് മെമോറിയൽ ക്രിക്കറ്റ് ക്ലബിന്റെ സ്ഥാപകനായ ഇദ്ദഹത്തിന്റെ അക്കാദമിയിൽ നിന്ന് നിരവധി പ്രമുഖരാണ് ക്രിക്കറ്റിന്റെ ലോകത്ത് ശക്തമായ സാന്നിധ്യമറിയിച്ചത്. സച്ചിൻ തെണ്ടുൽക്കറിന് പുറമെ വിനോദ് കാംബ്ലി, അജിത് അഗാർക്കർ, ചന്ദ്രകാന്ത് പാട്ടിൽ, പ്രവീൺ ആംറെ എന്നിവരെയും രാമകാന്ത് അച്ഛരേക്കർ പരിശീലിപ്പിച്ചിട്ടുണ്ട്.

ഫസ്റ്റ് ക്ലാസ് ക്രിക്കറ്റിൽ ഒരു മത്സരത്തിലും അച്രേക്കർ കളിച്ചിട്ടുണ്ട്. കഴിഞ്ഞ മാസവും അദ്ദേഹത്തെ കണ്ടിരുന്നുവെന്നും, അദ്ദേഹവുമൊത്ത് ഓർമ്മകൾ പുതുക്കിയിരുന്നെന്നും സച്ചിൻ പറഞ്ഞു. നേരെ കളിക്കാനും നേരായി ജീവിക്കാനും തന്നെ പഠിപ്പിച്ചതും അദ്ദേഹമാണെന്നും സച്ചിൻ കൂട്ടിച്ചേർത്തു.കായിക ലോകത്തിന് നൽകിയ മഹത്തായ സംഭാവനകൾ പരിഗണിച്ച് മികച്ച കായിക പരിശീലകന് രാജ്യം നൽകുന്ന പരമോനത ബഹുമതിയായ ദ്രോണാചാര്യ പുരസ്‌കാരം നൽകി 1990ൽ രാജ്യം ആദരിച്ചു. 2010 പത്മശ്രീ നൽകിയും രാജ്യത്തിനായി നിരവധി ക്രിക്കറ്റ് പ്രതിഭകളെ സമ്മാനിച്ച രാമകാന്ത് അച്ഛരേക്കറെ ആദരിച്ചു.

Readers Comments+

മലയാളത്തിൽ ടൈപ്പ്‌ ചെയ്യാൻ ഇവിടെ ക്ലിക്ക്‍ ചെയ്യുക

കമന്റ് ബോക്‌സില്‍ വരുന്ന അഭിപ്രായങ്ങള്‍ മറുനാടന്‍ മലയാളിയുടേത് അല്ല. മാന്യമായ ഭാഷയില്‍ വിയോജിക്കാനും തെറ്റുകള്‍ ചൂണ്ടി കാട്ടാനും അനുവദിക്കുമ്പോഴും മറുനാടനെ മനഃപൂര്‍വ്വം അധിക്ഷേപിക്കാന്‍ ശ്രമിക്കുന്നവരെയും അശ്ലീലം ഉപയോഗിക്കുന്നവരെയും മറ്റു മലയാളം ഓണ്‍ലൈന്‍ ലിങ്കുകള്‍ പോസ്റ്റ് ചെയ്യുന്നവരെയും മതവൈരം തീര്‍ക്കുന്നവരെയും മുന്നറിയിപ്പ് ഇല്ലാതെ ബ്ലോക്ക് ചെയ്യുന്നതാണ് - എഡിറ്റര്‍

More News in this category+

MNM Recommends +

  • TODAY
  • LAST WEEK
  • LAST MONTH

www.marunadanmalayalee.com © Copyright 2024. All rights reserved.

Go to TOP