സലാഹ് കണ്ണീരോടെ മൈതാനത്ത് നിന്ന് മടങ്ങുമ്പോൾ പൊട്ടിചിരിച്ച് റാമോസ്; മനസാക്ഷിയില്ലാത്ത...

സലാഹ് കണ്ണീരോടെ മൈതാനത്ത് നിന്ന് മടങ്ങുമ്പോൾ പൊട്ടിചിരിച്ച് റാമോസ്; മനസാക്ഷിയില്ലാത്ത താരമോ റയൽ ക്യാപ്റ്റൻ ! രോഷാകുലരായി ആരാധകർ;ഒടുവിൽ റാമോസിന്റെ പ്രതികരണമെത്തി; ഭാവി നിനക്കായി കാത്തിരിക്കുന്ന സലാഹ്

May 27, 201804:57 PM IST Permalink

ചാമ്പ്യൻസ് ലീഗ് ഫൈനലിൽ തോളിന് പരിക്കേറ്റ് പൊട്ടിക്കരഞ്ഞ് മൈതാനം വിട്ട് പോകുന്ന സലാഹിന്റെ ദയനീയ ദൃശ്യം ആരാധകർ കണ്ണീരോടെയാണ് കണ്ടത്. സൂപ്പർ താരം ക്രിസ്റ്റ്യാനോ റോണാൾഡോ പോലും പൊട്ടിക്കരയുന്ന താരത്തെ ആശ്വസിപ്പിക്കുമ്പോൾ സലാഹിനെ നോക്കി പൊട്ടിച്ചിരിക്കുന്ന റയൽ ക്യാപ്റ്റൻ സെർജിയെ റാമോസിനെതിരെ ആരാധകരുടെ രൂക്ഷ വിമർശനം.

ലിവർപൂൾ ആരാധകർക്കും ഈജിപ്ഷ്യൻ ആരാധകർക്കും മാത്രമല്ല ഫുട്ബോൾ പ്രേമികൾക്കെല്ലാം റയൻ ക്യാപ്റ്റനോട് രോഷം തീരുന്നില്ല. റയൽ ക്യാപ്റ്റൻ ഇത്ര ക്രൂരനാണോ എന്നാണ് ആരാധകർ ഒന്നടങ്കം ചോദിക്കുന്നത്.സലാഹ് കളിക്കളം വിട്ട് പോകുമ്പോൾ അസിസ്റ്റന്റ് റഫറിയുമായി റാമോസ് ചിരിച്ച് സംസാരിക്കുന്നതിന്റെ ദൃശ്യങ്ങൾ പുറത്തു വന്നിരുന്നു. ഇതാണ് ആരാധകരെ ചൊടിപ്പിച്ചത്. മുഹമ്മദ് സലാഹ് ലോകകപ്പ് കളിക്കുമോ എന്ന ആശങ്കയിൽ നിൽക്കുന്ന ആരാധകർക്ക് മുന്നിൽ ഇത്തരമൊരു കാഴ്ച കൂടി വന്നതോടെ രോഷം അണപൊട്ടിയൊഴുകയായിരുന്നു. എന്നാൽ സലാഹിന് ലോകകപ്പ് നഷ്ടമാകില്ലെ എന്നാണ് ഒടുവിൽ ലഭിക്കുന്ന വിവരം.

വിമർശനങ്ങൾ കൊഴിക്കുന്ന വേളയിൽ റാമോസിന്റെ പ്രതികരണം ട്വീറ്ററിലെത്തി. ''ചില തവണ ഫുട്‌ബോൾ കാണിക്കുന്നത് ഇതിന്റെ നല്ലവശവും മറ്റുള്ളവരുടെ ചീത്തയുമാണ്. എല്ലാത്തിലും ഉപരി നമ്മൾ ഫുട്‌ബോൾ കളിക്കാരാണ്. പെട്ടെന്ന് പരിക്ക് ഭേദമായി വരു സലാഹ് ഭാവി നിനക്കായ് കാത്തിരിക്കുന്നു'' എന്നായിരുന്നു റാമോസിന്റെ ട്വീറ്റ.

അതേസമയം, മനപ്പൂർവ്വമല്ലാതെയുള്ള നീക്കമാണ് റാമോസിന്റെ ഭാഗത്ത് നിന്നുണ്ടായതെന്ന് ചെൽസി മുൻ താരം ഫ്രാങ്ക് ലംപാർഡ് പ്രതികരിച്ചു. രണ്ട് സംഭവങ്ങളെയും ചേർത്ത് വായിക്കേണ്ടതില്ലെന്നും റാമോസ് കാഴ്ച വെച്ചത് മികച്ച പ്രതിരോധമാണെന്നും മാഞ്ചസ്റ്റർ മുൻ പ്രതിരോധ താരം റിയോ ഫെർഡിനാൻഡും അഭിപ്രായപ്പെട്ടത്.

റയൽ മാഡ്രിഡുമായി ചാമ്പ്യൻസ് ലീഗ് ഫൈനലിൽ ഏറ്റുമുട്ടതിനിടെയായിരുന്നു സലാഹിന് പരിക്കേറ്റത്. ലിവർപൂൾ താരമായ സലാഹിനെ തടയുന്നതിന് റയൽ ക്യാപ്റ്റൻ സെർജിയോ റാമോസ് നടത്തിയ ശ്രമമാണ് സലാഹിന് പരിക്ക് പറ്റാൻ ഇടയാക്കിയത്. കണ്ണീരോടെ സലാഹ് മൈതാനം വിട്ട് പോയത് ആരാധകരെ കുറച്ചൊന്നുമല്ല വേദനിപ്പിച്ചത്. സലാഹിന്റെ ഇടതു തോളെല്ലിന്റെ സ്ഥാനം മാറിയതായിട്ടാണ് പുറത്തു വരുന്ന റിപ്പോർട്ടുകൾ.

Stories you may Like

Readers Comments+

മലയാളത്തിൽ ടൈപ്പ്‌ ചെയ്യാൻ ഇവിടെ ക്ലിക്ക്‍ ചെയ്യുക

കമന്റ് ബോക്‌സില്‍ വരുന്ന അഭിപ്രായങ്ങള്‍ മറുനാടന്‍ മലയാളിയുടേത് അല്ല. മാന്യമായ ഭാഷയില്‍ വിയോജിക്കാനും തെറ്റുകള്‍ ചൂണ്ടി കാട്ടാനും അനുവദിക്കുമ്പോഴും മറുനാടനെ മനഃപൂര്‍വ്വം അധിക്ഷേപിക്കാന്‍ ശ്രമിക്കുന്നവരെയും അശ്ലീലം ഉപയോഗിക്കുന്നവരെയും മറ്റു മലയാളം ഓണ്‍ലൈന്‍ ലിങ്കുകള്‍ പോസ്റ്റ് ചെയ്യുന്നവരെയും മതവൈരം തീര്‍ക്കുന്നവരെയും മുന്നറിയിപ്പ് ഇല്ലാതെ ബ്ലോക്ക് ചെയ്യുന്നതാണ് - എഡിറ്റര്‍

Forex Rate:

Stories you may Like

Readers Comments+

More News in this category+

അന്താരാഷ്ട്ര ഫുട്ബോളിൽ 150-ാം മത്സരമെന്ന നാഴികക്കല്ല്; സുനിൽ ഛേത്രിയെ ആദരിക്കാനൊരുങ്ങി എ.ഐ.എഫ്.എഫ്.

മേഘാലയ - ഗോവ മത്സരം ഗോൾരഹിത സമനിലയിൽ; സന്തോഷ് ട്രോഫിയിൽ ക്വാർട്ടർ ബർത്ത് ഉറപ്പിച്ച് കേരളം

MNM Recommends +