Forex Rate:

1 usd = 76.25 inr 1 gbp = 94.16 inr 1 eur = 85.23 inr 1 aed = 20.76 inr 1 sar = 20.32 inr 1 kwd = 247.66 inr
Apr / 202420Saturday
ഹോം കായികം കളികൾ

ഖത്തറിനെ തോൽപ്പിച്ച ആഘോഷത്തിൽ വേശ്യകളെ തേടി ഹോട്ടലിൽ പോയപ്പോൾ ജഴ്സി അഴിച്ച് വയ്ക്കാൻ മറന്നു; പ്രാദേശിക പത്രങ്ങൾ വാർത്തയാക്കി; മുതുക് കുനിച്ച് ക്ഷമ പറഞ്ഞിട്ടും നാല് ബാസ്‌കറ്റ് ബോൾ ടീം അംഗങ്ങളെ ഏഷ്യൻ ഗെയിംസിൽ നിന്നും പുറത്താക്കി സ്വന്തം ചെലവിൽ നാട്ടിലേക്ക് അയച്ച് ജപ്പാൻ

August 21, 201808:34 AM IST Permalink
ഖത്തറിനെ തോൽപ്പിച്ച ആഘോഷത്തിൽ വേശ്യകളെ തേടി ഹോട്ടലിൽ പോയപ്പോൾ ജഴ്സി അഴിച്ച് വയ്ക്കാൻ മറന്നു; പ്രാദേശിക പത്രങ്ങൾ വാർത്തയാക്കി; മുതുക് കുനിച്ച് ക്ഷമ പറഞ്ഞിട്ടും നാല് ബാസ്‌കറ്റ് ബോൾ ടീം അംഗങ്ങളെ ഏഷ്യൻ ഗെയിംസിൽ നിന്നും പുറത്താക്കി സ്വന്തം ചെലവിൽ നാട്ടിലേക്ക് അയച്ച് ജപ്പാൻ

മറുനാടൻ ഡെസ്‌ക്‌

ജക്കാർത്ത: ജക്കാർത്തയിൽ നടക്കുന്ന ഏഷ്യൻ ഗെയിംസിൽ പങ്കെടുക്കാൻ പോയ നാല് ജപ്പാനീസ് ബാസ്‌കറ്റ് ബോൾ താരങ്ങളെ ജപ്പാൻ ഏഷ്യൻ ഗെയിംസിൽ നിന്നും പുറത്താക്കുകയും അവരെ സ്വന്തം കീശയിൽ നിന്നും പണം മുടക്കി നാട്ടിലേക്ക് മടക്കി അയക്കുകയും ചെയ്തു. ഖത്തറിനെ ജപ്പാൻ തോൽപ്പിച്ച ആഘോഷത്തിന്റെ ഭാഗമായി വേശ്യകളെ തേടി ഹോട്ടലിൽ പോയതാണ് ഈ നാല് യുവതാരങ്ങൾക്ക് വിനയായിത്തീർന്നിരിക്കുന്നത്. ഹോട്ടലിലെത്തിയ തിടുക്കത്തിൽ തങ്ങളുടെ ടീമിന്റെ ജഴ്സി അഴിച്ച് വയ്ക്കാൻ മറന്നതോടെ കളിക്കാർ പുലിവാൽ പിടിക്കുകയായിരുന്നു.

ജഴ്സിയണിഞ്ഞ് വേശ്യകൾക്കടുത്ത് ജപ്പാനീസ് താരങ്ങളെത്തിയത് ഇവിടുത്തെ പ്രാദേശികപത്രങ്ങൾ വാർത്തയാക്കിയത് വൻ വിവാദമുയർത്തുകയും ജപ്പാൻ താരങ്ങളെ പുറത്താക്കുകയുമായിരുന്നു. തങ്ങളുടെ തെറ്റ് ഏറ്റ് പറഞ്ഞ് മുതുക് കുനിച്ചിട്ടും ജപ്പാനീസ് അധികൃതർ ഇവർ മാപ്പ് കൊടുക്കാൻ തയ്യാറായില്ലെന്നാണ് റിപ്പോർട്ട്.ഖത്തറിനെതിരെ നേടിയ വിജയം ആഘോഷിക്കുന്നതിന്റെ ഭാഗമായി ജപ്പാനീസ് ടീമംഗങ്ങൾ നന്നായി മദ്യപിക്കുകയും ഡിന്നർ കഴിക്കുകയും അതിന് ശേഷം വേശ്യകളെ തേടി പോവുകയുമായിരുന്നു. ഈ സമയത്തെല്ലാം തങ്ങളുടെ ജഴ്സി അഴിച്ച് വയ്ക്കാൻ ഇവർ മറന്ന് പോയിരുന്നു.

യുവ നഗയോഷി(27), തകുയ ഹാഷിമോട്ടോ(23), തകുമ സാറ്റോ(23), കെയ്റ്റ് ഇമാമുറ(22) എന്നീ താരങ്ങളെയാണ് ഏഷ്യൻ ഗെയിംസിൽ നിന്നും പുറത്താക്കിയിരിക്കുന്നത്.വ്യാഴാഴ്ചത്തെ വിജയം ആഘോഷിക്കുന്നതിനായിരുന്നു ഈ ടീമംഗങ്ങൾ വേശ്യകളെ തേടി ഹോട്ടലിലേക്ക് പോയതെന്നാണ് ജപ്പാനീസ് ഡെലിഗേഷന്റെ ചീഫായ യാസുഹീറോ യാമഷിത വെളിപ്പെടുത്തിയിരിക്കുന്നത്. അന്ന് രാത്രി പത്ത് മണിക്കായിരുന്നു ഇവർ നാല് പേരും അത്ലറ്റ്സ് വില്ലേജ് വിട്ട് പോയിരുന്നതെന്നും തുടർന്ന് ഇവർ ജക്കാർത്തയിലെ എന്റർടെയിന്മെന്റ് ഡിസ്ട്രിക്ടായ ബ്ലോക്ക് എം ലേക്ക് എത്തുകയായിരുന്നു.

ഇവിടെ വച്ച് ഇവർ ജപ്പാന്റെ ജഴ്സിയണിഞ്ഞ് മദ്യപിക്കുന്നതും ഡിന്നർ കഴിക്കുന്നതും വേശ്യകൾക്കായി ബ്രോക്കറുമായി സംസാരിക്കുന്നതും തുടർന്ന് ഹോട്ടലിൽ വേശ്യകൾക്കൊപ്പം ചെലവഴിച്ചതായും സ്ഥിരീകരിക്കപ്പെട്ടിട്ടുണ്ടെന്നും യാമഷിത വെളിപ്പെടുത്തുന്നു.അടുത്തുള്ള നൈറ്റ്ക്ലബിൽ വച്ചായിരുന്നു ബ്രോക്കർ ഇവരെ വേശ്യകൾക്ക് പരിചയപ്പെടുത്തിയത്. തുടർന്ന് ഇവർ ഹോട്ടലിലേക്ക് പോവുകയുമായിരുന്നു.പിറ്റേന്ന് പ്രഭാതം വരെ ഇവർ നാല് പേരും അത്ലറ്റ്സ് വില്ലേജിലേക്ക് തിരിച്ചെത്തിയിരുന്നില്ലെന്നും യാമഷിത ആരോപിക്കുന്നു.ഖത്തറിനെതിരെയുള്ള ഗ്രൂപ്പ് സ്റ്റേജ് ഗെയിമിൽ ജപ്പാൻ 71ന് എതിരെ 82 സ്‌കോർ നേടി വിജയിച്ചത് ആഘോഷിക്കാനാണ് നാല് കളിക്കാരും വേലി ചാടിപ്പോയത്.

Stories you may Like

Readers Comments+

മലയാളത്തിൽ ടൈപ്പ്‌ ചെയ്യാൻ ഇവിടെ ക്ലിക്ക്‍ ചെയ്യുക

കമന്റ് ബോക്‌സില്‍ വരുന്ന അഭിപ്രായങ്ങള്‍ മറുനാടന്‍ മലയാളിയുടേത് അല്ല. മാന്യമായ ഭാഷയില്‍ വിയോജിക്കാനും തെറ്റുകള്‍ ചൂണ്ടി കാട്ടാനും അനുവദിക്കുമ്പോഴും മറുനാടനെ മനഃപൂര്‍വ്വം അധിക്ഷേപിക്കാന്‍ ശ്രമിക്കുന്നവരെയും അശ്ലീലം ഉപയോഗിക്കുന്നവരെയും മറ്റു മലയാളം ഓണ്‍ലൈന്‍ ലിങ്കുകള്‍ പോസ്റ്റ് ചെയ്യുന്നവരെയും മതവൈരം തീര്‍ക്കുന്നവരെയും മുന്നറിയിപ്പ് ഇല്ലാതെ ബ്ലോക്ക് ചെയ്യുന്നതാണ് - എഡിറ്റര്‍

More News in this category+

MNM Recommends +

  • TODAY
  • LAST WEEK
  • LAST MONTH

www.marunadanmalayalee.com © Copyright 2024. All rights reserved.

Go to TOP