ഓസ്‌ട്രേലിയൻ ഓപ്പൺ പുരുഷ വിഭാഗം കിരീടം നൊവാക് ജോക്കോവിച്ചിന്; ലോക ഒന്നാം നമ്പർ താരം മ...

ഓസ്‌ട്രേലിയൻ ഓപ്പൺ പുരുഷ വിഭാഗം കിരീടം നൊവാക് ജോക്കോവിച്ചിന്; ലോക ഒന്നാം നമ്പർ താരം മറികടന്നത ബ്രിട്ടീഷ് താരം ആൻഡി മുറെയെ

January 31, 201606:02 PM IST Permalink

മെൽബൺ: ഓസ്‌ട്രേലിയൻ ഓപ്പൺ പുരുഷ വിഭാഗം കിരീടം നൊവാക് ജോക്കോവിച്ചിന്. ബ്രിട്ടീഷ് താരം ആൻഡി മുറെയെ നേരിട്ടുള്ള സെറ്റുകൾക്കു മറികടന്നാണ് ലോക ഒന്നാം നമ്പർ താരം ആറാമത്തെ ഓസ്‌ട്രേലിയൻ ഓപ്പണിൽ മുത്തമിട്ടത്.

സെർബിയൻ താരം 6-1, 7-5, 7-6നാണ് മുറെയെ തോൽപ്പിച്ചത്. ജോക്കോവിച്ചിന്റെ ആറാമത് ഓസ്‌ട്രേലിയൻ ഓപ്പൺ കിരീടമാണിത്. ഓസ്‌ട്രേലിയൻ ഓപ്പൺ കിരീടങ്ങളുടെ എണ്ണത്തിൽ ജോക്കോവിച്ച് ഇപ്പോൾ ഓസ്‌ട്രേലിയയുടെ റോയ് എമേഴ്‌സമൊപ്പമെത്തുകയും ചെയ്തു.

ജയത്തോടെ ജോക്കോവിച്ചിന്റെ മൊത്തം ഗ്രാൻഡ്സ്ലാം കിരീടങ്ങളുടെ എണ്ണം 11 ആയി. നാലാം തവണയാണ് ആൻഡി മുറെ ജോക്കോവിച്ചിനോട് ഓസ്‌ട്രേലിയൻ ഓപ്പൺ ഫൈനലിൽ തോൽക്കുന്നത്. ആദ്യ സെറ്റ് അനായാസമാണ് ജോക്കോവിച്ച് സ്വന്തമാക്കിയത്. കാര്യമായ വെല്ലുവിളികൾ മുറെ ഉയർത്തിയില്ല.

എന്നാൽ, രണ്ടും മൂന്നും സെറ്റുകളിൽ കാര്യങ്ങൾ മറിഞ്ഞു. കൂടുതൽ കരുത്തോടെ കോർട്ടിലെത്തിയ മുറെ ജോക്കോവിച്ചിന് കനത്ത വെല്ലുവിളി തന്നെ സൃഷ്ടിച്ചു. ഒരവസരത്തിൽ രണ്ടാം സെറ്റ് 5-5 എന്ന നിലയിൽ തുല്യതയിലായ ശേഷമാണ് 7-5ന് രണ്ടാംസെറ്റും ജോക്കോവിച്ച് സ്വന്തമാക്കിയത്. മൂന്നാം സെറ്റിലും കാര്യങ്ങൾ വ്യത്യസ്തമായിരുന്നില്ല. 6-6ന് മുറെ സെറ്റ് തുല്യതയിലാക്കിയിരുന്നു. ഇതിനു ശേഷമാണ് പരാജയം സമ്മതിച്ചത്.

Readers Comments+

മലയാളത്തിൽ ടൈപ്പ്‌ ചെയ്യാൻ ഇവിടെ ക്ലിക്ക്‍ ചെയ്യുക

കമന്റ് ബോക്‌സില്‍ വരുന്ന അഭിപ്രായങ്ങള്‍ മറുനാടന്‍ മലയാളിയുടേത് അല്ല. മാന്യമായ ഭാഷയില്‍ വിയോജിക്കാനും തെറ്റുകള്‍ ചൂണ്ടി കാട്ടാനും അനുവദിക്കുമ്പോഴും മറുനാടനെ മനഃപൂര്‍വ്വം അധിക്ഷേപിക്കാന്‍ ശ്രമിക്കുന്നവരെയും അശ്ലീലം ഉപയോഗിക്കുന്നവരെയും മറ്റു മലയാളം ഓണ്‍ലൈന്‍ ലിങ്കുകള്‍ പോസ്റ്റ് ചെയ്യുന്നവരെയും മതവൈരം തീര്‍ക്കുന്നവരെയും മുന്നറിയിപ്പ് ഇല്ലാതെ ബ്ലോക്ക് ചെയ്യുന്നതാണ് - എഡിറ്റര്‍

Forex Rate:

Readers Comments+

More News in this category+

MNM Recommends +

മോദി തരംഗമുണ്ടെന്ന മിഥ്യാധാരണയിൽ വെറുതെയിരിക്കരുത്; അണികൾക്ക് നിർദേശവുമായി ബിജെപി സ്ഥാനാർത്ഥി