കളമശ്ശേരി തോഷിബ ജംഗ്ഷനിൽ ചെന്നപ്പോൾ വ്യാപാരികളും തട്ടുകടക്കാർക്കും മുതൽ എല്ലാവർക്കും അറിയാം മൂന്ന് മാസമായി ഹനാൻ മീൻ വിൽക്കുന്ന കാര്യം; തമ്മനത്തുകാരുടെ പ്രതികരണം എടുത്ത് ഹനാനെ വ്യാജ മീൻവിൽപ്പനക്കാരി ആക്കിയവർ മുങ്ങി; ഫേസ്ബുക്ക് ലൈവുമായി ആദ്യം രംഗത്തിറങ്ങിയ നൂറുദ്ദീൻ ഷെയ്ഖിനെതിരെ കേസെടുക്കുമെന്ന് സ്ഥിരീകരിച്ച് പൊലീസ്; ആങ്ങളമാരുടെ കെണിയിൽ വീണവരൊക്കെ പുലിവാല് പിടിക്കും
മറുനാടൻ മലയാളി ബ്യൂറോ
കൊച്ചി: സൈബർ ആൾക്കൂട്ടത്തിന്റെ ക്രൂരമായ ആക്രമണത്തിന് ഇരയായ ഹനാൻ എന്ന സാധു പെൺകുട്ടി ഇപ്പോൾ ശരിക്കും ദുരിതത്തിലാണ്. മീൻവിറ്റ് ജീവിച്ചിരുന്ന അവളുടെ ദുരിത ജീവിതം കണ്ട് സഹായവുമായി രംഗത്തിറങ്ങിയവർ പോലും സൈബർ ലോകത്തിന്റെ നുണ പ്രചരണത്താൽ മനം മാറ്റിയ അവസ്ഥ. വഞ്ചകിയെന്നും കള്ളിയെന്നും വിളിച്ച് അധിക്ഷേപിച്ചപ്പോൾ ഇന്ന് വരെ കണ്ണീരു മറ്റാരെയും അറിയിക്കാതെ സ്വന്തം അധ്വാനം കൊണ്ട് ജീവിച്ച പെൺകുട്ടി അലമുറയിട്ട് കരയേണ്ടി വന്നു. താൻ അധ്വാനിച്ച പണം കൊണ്ട് ജീവിക്കാന്ന അനുജനെ ഓർത്ത് ഇന്നലെ അവൾ മാധ്യമങ്ങൾക്ക് മുമ്പിൽ പൊട്ടിക്കരഞ്ഞു. എന്നിട്ടും സൈബർ ലോകത്തിലെ ചിലർക്ക് അവളുടെ കണ്ണീർ കണ്ട് മതിയായിട്ടില്ല, അവർ ഇപ്പോഴും അവളെ തട്ടമിടീക്കാനുള്ള തിരക്കിലാണ്.
മാതൃഭൂമി എഴുതിയ വാർത്തയെ തുടർന്നാണ് ഒരുപാട് നല്ലമനുഷ്യർ ഹനാന് സഹായം വാഗ്ദാനം ചെയ്ത് മുന്നോട്ടുവന്നത്. പുതുമുഖ സംവിധായകൻ അരുൺ ഗോപി തന്റെ സിനിമയിൽ അവസരവും വാഗ്ദാനം ചെയ്തു. മുമ്പ് സിനിമയിൽ ജൂനിയർ ആർട്ടിസ്റ്റായി അഭിനയിച്ചിട്ടുണ്ട് എന്നറിഞ്ഞതുകൊണ്ടുകൂടിയാവാം അരുൺഗോപി തന്നെക്കൊണ്ട് കഴിയുന്ന രീതിയിൽ ഹനാനെ സഹായിക്കാമെന്ന് കരുതിയത്. എന്നാൽ അരുണ് ഗോപിയെ പോലും പ്രതിരോധത്തിലാക്കുന്ന വിധത്തിലായി പിന്നീടുണ്ടായ കാര്യങ്ങൾ. തമ്മനത്ത് അവൾ മീൻകച്ചവടം തുടങ്ങിയിട്ട് മൂന്ന് ദിവസമേ ആയിട്ടുള്ളൂ. എന്നാൽ, കളമശ്ശേരിയിൽ മൂന്ന് മാസമായി അവൾ മീൻവിൽക്കുന്നുണ്ടായിരുന്നു, ഇക്കാര്യം അവിടെയുള്ള എല്ലാവരും ശരിവെക്കുകയും ചെയ്യുന്നു.
കളമശ്ശേരി തോഷിബ ജങ്ഷനിലെ പൈപ്പ്ലൈൻ റോഡിൽ ഹനാൻ ഒരുമാസത്തോളം കച്ചവടം നടത്തിയിരുന്നെന്ന് തൊട്ടടുത്ത് ബജിയും മറ്റും വിറ്റിരുന്ന രാഹുൽ പറയുന്നു. ഇക്കാര്യം ഇവിടുത്തെ ഓട്ടോക്കാരും യൂണിയൻകാരുമെല്ലാം സ്ഥിരീകരിക്കുന്നുണ്ട്. ഇതോടെ മുന്നു ദിവസം മാത്രം കച്ചവടം നടത്തിയാണ് ഹനാൻ വാർത്തയിൽ ഇടംപിടിച്ചതെന്ന കുപ്രചാരണങ്ങൾക്ക് മറുപടിയാവുകയാണ്. നേരത്തെ തന്നെ, കളമശ്ശേരിയിൽ മറ്റു രണ്ടു പേരോടൊപ്പം പങ്കു കച്ചവടം നടത്തിയിരുന്നുവെന്നും അതിലൊരാളുടെ പെരുമാറ്റം ശരിയല്ലെന്ന് തോന്നിയതിനാൽ ഒഴിവാക്കുകയായിരുന്നെന്നും ഹനാൻ വെളിപ്പെടുത്തിയിരുന്നു. എന്നാൽ, തമ്മനത്ത് കച്ചവടമാരംഭിച്ചിട്ട് മൂന്നു ദിവസമേ ആയിട്ടുള്ളു എന്ന അർധസത്യം മാത്രം പറഞ്ഞ് ചിലർ പ്രചാരണം നടത്തിയതോടെ സോഷ്യൽ മീഡിയയിൽ ഹനാനെതിരെ വ്യാപക ആക്രമണമുണ്ടാവുകയായിരുന്നു.
കളമശ്ശേരിയിൽ ബാബു, ഫിറോസ് എന്നിവരോടൊപ്പമാണ് ഹനാൻ പങ്കുകച്ചവടം നടത്തിയിരുന്നത്. മുമ്പേ കച്ചവടം നടത്തിയിരുന്ന ഇവർക്ക് പണം നൽകി ലാഭവിഹിതം എടുക്കുകയായിരുന്നു. പലപ്പോഴും കോളേജ് വിട്ട ശേഷം കടയിലും എത്താറുണ്ടായിരുന്നു. ഒരുമാസത്തോളം മാത്രമേ ഈ കട പ്രവർത്തിച്ചിരുന്നുള്ളു. ലൈസൻസില്ലെന്ന കാരണത്താൽ കുറച്ചു ദിവസങ്ങൾക്ക് മുമ്പ് കളമശ്ശേരി മുനിസിപ്പാലിറ്റി ഈ കട അടപ്പിച്ചിരുന്നു. കളമശ്ശേരി തോഷിബ ജങ്ഷനിലെ കച്ചവടക്കാരും ഓട്ടോറിക്ഷ തൊഴിലാളികളും വൈകീട്ട് ബസിൽ വന്നിറങ്ങി മീൻവിൽക്കുന്ന ഹനാനെ കണ്ടിട്ടുണ്ട്. ആദ്യം ഹനാന്റെ മീൻകച്ചവടം ഇവിടെയായിരുന്നു. വയസ്സായ ഒരാളും ഒരു യുവാവും കൂടെയുണ്ടായിരുന്നുവെന്നും കളമശ്ശേരിയിലെ ഓട്ടോ ഡ്രൈവർ നൗഷാദ് പറഞ്ഞു.
ഒരാളുടെ പെരുമാറ്റം മോശമായതുകൊണ്ടാണ് ഹനാന് കളമശ്ശേരിയിൽനിന്ന് പോകേണ്ടിവന്നത്. കൂടെവന്നവരിലൊരാൾ മദ്യപിച്ചത് ശ്രദ്ധയിൽപ്പെട്ടതിനെ തുടർന്ന് േകാർപറേഷൻ കൗൺസിലർ ഇടപെട്ട് പിന്നീട് ഇവിടത്തെ വിൽപ്പന നിർത്തിച്ചു. കൂടെ മീൻ വിൽപ്പനയ്ക്കുണ്ടായിരുന്ന ബാബുവിനെ ഹനാൻ പരിചയപ്പെടുന്നത് ആലുവ മണപ്പുറത്ത് കപ്പവിറ്റു നടന്നപ്പോഴാണ്. ബാബുവും സുഹൃത്തും മണപ്പുറത്ത് കുലുക്കിസർബത്തിന്റെ കച്ചവടം നടത്താൻ വന്നതായിരുന്നു. ഹനാനുമായി ചേർന്ന് ബാബു ആദ്യം ബജി വിൽപ്പന നടത്തി. പിന്നീട് മീൻവിൽപ്പനയിലേക്ക് തിരിഞ്ഞു.
ആലുവയിൽ വാടകയ്ക്കു താമസിക്കുമ്പോൾ ഹനാനിന്റെ ഒപ്പം അമ്മയുണ്ടായിരുന്നു. പിന്നീട് അവർ താമസം കുസാറ്റിന്റെ പരിസരത്തേക്കു മാറ്റി. ഒടുവിൽ വാടക കൂടുതലായതിനാൽ മാടവനയിലേക്ക് താമസം മാറ്റി. ''ഒരു ഗതിയും പരഗതിയുമില്ലാതിരുന്ന കുട്ടിയായിരുന്നു, കലാഭവൻ മണി സഹായിക്കുന്നതിനെപ്പറ്റിയെല്ലാം എന്നോട് പറഞ്ഞിട്ടുണ്ട്'' -ബാബു പറയുന്നു.
മീനെടുക്കാൻ അതിരാവിലെ പോകുന്ന പെൺകുട്ടിയെ ഓർത്ത് ഓട്ടോ ഡ്രൈവർ
ഹനാനുവേണ്ടിയാണ് ഷിജു എന്ന ഓട്ടോറിക്ഷ ഡ്രൈവർ ഓട്ടം അതിരാവിലെയാക്കിയത്. ആ പെൺകുട്ടിയെ സഹായിക്കാൻ വേണ്ടിയായിരുന്നു ഇത്. ആദ്യദിനം ചമ്പക്കര മാർക്കറ്റിൽനിന്ന് തമ്മനംവരെ മീൻ എത്തിച്ചു നൽകണം എന്ന് ഹനാൻ അഭ്യർത്ഥിച്ചു. സൈക്കിൾകൂടി വാഹനത്തിൽ കയറ്റണം എന്നും പറഞ്ഞു. ഇതനുസരിച്ച് ഹനാനെയും കയറ്റി ഷിജു തമ്മനം ജങ്ഷനിലേക്ക്. ഇതിനിടെ ഷിജു എന്തിനാണ് കച്ചവടം നടത്തുന്നതെന്ന് ചോദിച്ചപ്പോൾ പഠിക്കാനാണെന്ന് മറുപടി കിട്ടി. നാളെയും വരാമോ എന്ന് ഹനാൻ അഭ്യർത്ഥിച്ചതിനെ തുടർന്ന് അതുവരെ ആറുമണിക്ക് ഓട്ടംപോയിരുന്ന ഷിജു പിന്നീടുള്ള ദിവസം ഹനാനുവേണ്ടി അഞ്ചുമണിക്ക് മാർക്കറ്റിലെത്തി. ഇതിനിടെ ഹനാനുമായി സംസാരിച്ചപ്പോഴാണ് കൂടുതൽ കാര്യങ്ങൾ ഷിജു അറിയുന്നത്. അനിയനെ പഠിപ്പിക്കണമെന്നും അമ്മയെ നോക്കണമെന്നും ഡോക്ടറാക്കണമെന്നും ഹനാൻ ആഗ്രഹം പ്രകടിപ്പിച്ചതായി ഷിജു പറഞ്ഞു.
വിമർശകർക്ക് അറിയുമോ അവളുടെ കഷ്ടപ്പാട്
''ഉമ്മയ്ക്കു മരുന്ന്, അനിയന്റെ പഠിപ്പ് ഇവയെല്ലാം ഹനാൻ കഷ്ടപ്പെട്ട് ഉണ്ടാക്കുന്ന പണം കൊണ്ടാണ് നടത്തുന്നത്. വിമർശിക്കുന്നവർക്ക് ഇതൊന്നും അറിയേണ്ടല്ലോ. ഹനാൻ ജീവിച്ചു പോയ്ക്കോട്ടെ''- ഹനാൻ ഇപ്പോൾ താമസിക്കുന്ന മാടവനയ്ക്കു സമീപമുള്ള വീടെടുത്തുകൊടുത്ത ദല്ലാൾ അഷ്റഫ് പറയുന്നത് ഇങ്ങനെയാണ്. ഹനാന്റെ ജീവിതം കഷ്ടപ്പാടുകൾ നിറഞ്ഞതാണ്. എട്ടുമാസത്തോളമായി പരിചയമുണ്ട്. അമ്മയുമായി വന്നപ്പോഴാണ് വീട് എടുത്തുകൊടുത്തത്. ഹനാന്റെ ചെവിയുടെ ചികിത്സാച്ചെലവും വീട്ടുകാര്യങ്ങളും താങ്ങാനാവാതെ വന്നപ്പോഴാണ് ഉമ്മയെ തൃശ്ശൂരിലാക്കിയത്.
വൈറ്റിലയിൽ അഷ്റഫിന്റെ വീടിന്റെ അടുത്താണ് ഹനാന്റെ സുഹൃത്ത് താമസിച്ചിരുന്നത്. കൂട്ടുകാരിയുടെ ആവശ്യപ്രകാരം, ദല്ലാളായ അഷ്റഫ് ഹനാന് വീട് എടുത്തുനൽകുകയായിരുന്നു. ഒറ്റയ്ക്ക് വീട് വേണമെന്നാണ് ആവശ്യപ്പെട്ടത്. അമ്മയുടെ കൂടെ താമസിക്കണമെന്ന് തന്നെയായിരുന്നു ആഗ്രഹം. തൊടുപുഴയിലാണ് താമസിച്ചിരുന്നത്. ബിസിനസ് എന്ന ലക്ഷ്യവുമായാണ് ഇവർ എറണാകുളത്തേക്ക് എത്തുന്നത്. 3000 രൂപയാണ് ഈ വീടിന്റെ വാടക. കളമശ്ശേരിയിൽ മീൻ കച്ചവടത്തിന് കുറേ പണമിറക്കി. അവിടെ പറ്റിയില്ലെന്ന് തോന്നിയപ്പോൾ മാടവനയിൽ കച്ചവടം ചെയ്യാൻ നോക്കി. എന്നാൽ, ഇവിടെ നാല് മത്സ്യവില്പന കേന്ദ്രമുണ്ടായിരുന്നു. തുടർന്നാണ് തമ്മനം കണ്ടെത്തിയത്. ഡബ്ബിങ്ങിനും പാട്ടിനുമൊക്കെ പോകുന്നുണ്ടായിരുന്നു. പാവപ്പെട്ട ഒരു കുട്ടിക്ക് തന്നെക്കൊണ്ട് ആവുന്ന സഹായം ചെയ്തു കൊടുത്തു -അഷ്റഫ് പറഞ്ഞു.
അവളെ നെഞ്ചോടു ചേർത്ത് ആശ്വസിപ്പിച്ച് സുഹൃത്തുക്കളും അദ്ധ്യാപകരും
സോഷ്യൽ മീഡിയയിൽ നുണപ്രചരണം കൊഴുത്തത്തു മുതൽ ഹനാനെ ആശ്വസിപ്പിച്ച് രംഗത്തെത്തിയത് അവളുടെ സുഹൃത്തുക്കളും പഠിക്കുന്ന കോളേജിലെ അദ്ധ്യാപകരുമായിരുന്നു. അദ്ധ്യാപകരും സുഹൃത്തുക്കളും വിമർശകർക്ക് സോഷ്യൽ മീഡിയയിലൂടെ തന്നെ മറുപടിയുമായി രംഗത്തെത്തുകയു ചെയ്തു. കോളേജിൽ ചേർന്ന 2016 മുതൽ ഹനാനെ പരിചയമുണ്ട്. ഒരുവർഷമായി അടുത്തപരിചയം ഉണ്ട്. ഇവന്റ് മാനേജ്മെന്റ്, ആങ്കറിങ് എന്നിവ നടത്തിയാണ് ജീവിക്കുന്നതെന്ന് അറിയാം. കോളേജ് ഫീസ് കുറച്ചുതാമസിച്ചാണെങ്കിലും അടയ്ക്കാറുണ്ട്. സ്വന്തമായി അധ്വാനിച്ച് പഠിക്കുന്ന കുട്ടിയാണ്. ജൂണിൽ ക്ലാസ് തുടങ്ങിയപ്പോൾ വരാത്തകാര്യം ചോദിച്ചപ്പോഴാണ് കളമശ്ശേരിയിൽ മീൻകച്ചവടം നടത്തുന്ന കാര്യം അറിഞ്ഞത്. - അൽ അസ്ഹർ കോളേജ് കെമിസ്ട്രി ഡിപ്പാർട്ട്മെന്റ് ഹെഡ് ഡോ. തോമസ് ഫ്രാൻസിസ് വ്യക്തമാക്കിയത് ഇങ്ങനെയാണ്.
ഡോക്ടറാകാൻ ആഗ്രഹിച്ച് പഠിക്കുന്ന കുട്ടിയാണ് ഹനാൻ. ഇല്ലാത്ത ആരോപണങ്ങളുന്നയിച്ച് അവളെ മാനസികമായി തളർത്തരുതെന്ന് കോളേജിലെ ടൂറിസം ഡിപ്പാർട്ട്മെന്റ് മേധാവി പെപ്സിയ സ്നോബർ പറയുന്നു. നല്ല വസ്ത്രംധരിക്കാനും ഭക്ഷണം കഴിക്കാനും അവൾക്കും സ്വാതന്ത്ര്യമില്ലേ. മീൻകച്ചവടം നടത്താൻ ഡ്രസ് കോഡ് വേണമെന്നും മോതിരം ഇടാൻ പാടില്ലെന്നും ആരും നിയമം കൊണ്ടുവന്നിട്ടില്ല. സോഷ്യൽ മീഡിയക്കാരേ... അവളെ ജീവിക്കാൻ അനുവദിക്കൂ. ഹനാന്റെ കഷ്ടപ്പാടിനെ കുറിച്ച് പറയുമ്പോൾ വിങ്ങിപ്പൊട്ടുകയാണ് കൂടെ താമസിക്കുന്ന മണി എന്ന പെൺകുട്ടി.
മണി തയ്യൽക്കട നടത്തുകയാണ്. താമസിക്കുന്ന വീടുതന്നെയാണ് തയ്യൽക്കടയാക്കിയത്. സഹായിയാണ് അശ്വതി. തൊട്ടുചേർന്നുള്ള കൊച്ചുമുറിയിലാണ് ഹനാൻ. മണി ചേച്ചിയോട് എല്ലാ വിശേഷങ്ങളും പങ്കുവയ്ക്കും. മിക്ക ദിവസങ്ങളിലും ഭക്ഷണം കഴിക്കുന്നത് കണ്ടിട്ടില്ല. അതു പറഞ്ഞതെല്ലാം സത്യമാണ്. കോളേജ് ഇല്ലാത്ത ദിവസങ്ങളിൽ ഹനാൻ ഇവിടെ കിടന്നുറങ്ങും. ആകെ ഇവിടെ ഇരിക്കുന്നത് കോളേജ് ഇല്ലാത്ത ദിവസമാണ്. വൈകീട്ട് മൂന്ന് മണിയാകുമ്പോഴാണ് എഴുന്നേറ്റു വരിക. അതുവരെ പട്ടിണിയായിരിക്കും. നമ്മൾ നിർബന്ധിക്കണം എന്തെങ്കിലും കഴിക്കണമെങ്കിൽ'- മണി പറയുന്നു.
'രണ്ടു മാസത്തോളമായി ഇവിടെ താമസിക്കുന്നു. നല്ല കുട്ടിയാണ്. നന്നായി വർത്തമാനം പറയും. നമ്മൾ ശ്രദ്ധിച്ചില്ലെങ്കിൽ നമ്മളെ തോണ്ടി ഉണർത്തി സംസാരിക്കും. കളമശ്ശേരിയിൽ കച്ചവടം നടത്തിയിരുന്നു. അവിടെ എന്തോ പ്രശ്നം ഉണ്ടായതിനെ തുടർന്ന് തമ്മനത്തേക്ക് മാറുകയായിരുന്നു. ചായക്കച്ചവടം നടത്താനുള്ള പരിപാടികളും ഹനാന്റെ മനസ്സിലുണ്ട്. അതിന്റെ ഭാഗമായിട്ട് സൈക്കിളും മറ്റും വാങ്ങിയിരുന്നു. മാടവനയിൽ ഒരു പലഹാരം മാത്രം വിൽക്കുന്ന കടയുണ്ട്. അവിടെ ചായ എത്തിച്ചുകൊടുക്കാനായിരുന്നു തീരുമാനം. ഡോക്ടർ ആകണമെന്ന് എപ്പോഴും ഇവിടെ വന്നിരുന്നു പറയും. ജീവിക്കാൻ മാർഗത്തിന് വേണ്ടിയാണ് അത് ഇങ്ങനെയോരോ വഴി കണ്ടുപിടിക്കുന്നത്. അമ്മയ്ക്ക് സുഖമില്ല. അനിയനെ ഹോസ്റ്റലിൽ താമസിപ്പിച്ചിരിക്കുകയാണ്. കഴിഞ്ഞ പെരുന്നാളിന് അത് ആഹാരം പോലും കഴിക്കാതെ ഇവിടെ കിടക്കുന്നത് കണ്ടിട്ട് ഞാനാണ് അല്പം ചോറുവെച്ച് കൊടുത്തത്.' - മണി കൂട്ടിച്ചേർത്തു.
''കലാഭവന്മണിയെ കുറിച്ച് പറയാറുണ്ട്. മണിച്ചേട്ടൻ ഇവൾക്ക് പരിപാടികൾ ഒക്കെ പിടിച്ചുകൊടുത്തിരുന്നു. അവതാരക, ഡബ്ബിങ് ആർട്ടിസ്റ്റ് പണികൾ ചെയ്യുമെങ്കിലും പലരും പൈസ കൊടുക്കാതെ പറ്റിക്കും. ഇൻഡക്ഷൻ കുക്കറുണ്ടെങ്കിലും ഒന്നും വെച്ചുകഴിക്കാൻ അതിന് സമയമില്ല. രാവിലെതന്നെ മീനെടുക്കാൻ പോകും. അതുകൊണ്ട് കോളേജുള്ള സമയങ്ങളിൽ രാത്രിയോടെയാണ് കൂടണയുന്നത്. എന്നാലും കാണാൻ ഓടി വരും'' -മണിയും പറയുന്നു.
ഹനാന് മീൻ വിൽക്കാൻ കിയോസ്ക് പണിതു കൊടുക്കുമെന്ന് മേയർ
ആരോപണങ്ങളും പ്രത്യാരോപണങ്ങളും അവസാനിച്ചതോടെ ഹനാന് ജോലിചെയ്ത് ജീവിക്കാനുള്ള സൗകര്യമൊരുക്കുമെന്ന് കൊച്ചി മേയർ സൗമിനി ജെയിൻ. നഗരത്തിലെ പൊതുസ്ഥലത്ത് നഗരസഭ ഹനാന് മീൻ വിൽക്കാൻ കിയോസ്ക് പണിതുകൊടുക്കും. ഹനാന്റെ താത്പര്യമറിഞ്ഞാകും ഇതുമായി മുന്നോട്ടു പോകുകയെന്നും മേയർ അറിയിച്ചു.
കേസെടുക്കുമെന്നായപ്പോൾ മാപ്പു പറഞ്ഞ് നൂറുദ്ദീൻ ഷെയ്ഖ്
ഹനാനെതിരെ വ്യാജപ്രചാരണങ്ങൾക്ക് തുടക്കമിട്ട നൂറുദ്ദീൻ ഷെയ്ഖ് മാപ്പപേക്ഷയുമായി രംഗത്ത്. ഇയാൾക്കെതിരെ കേസെടുക്കുമെന്ന് പൊലീസ് വ്യക്തമാക്കിയതോടെയാണ് ഷെയ്ഖ് മാപ്പു പറഞ്ഞു കൊണ്ട് രംഗത്തെത്തിയത്. ഹനാനെതിരെ അധിക്ഷേപം ചൊരിഞ്ഞവർക്കെതിരെ കർശന നടപടി സ്വീകരിക്കുമെന്നാണ് പൊലീസ് പറയുന്നത്.
വയനാട് സ്വദേശിയും കൊച്ചിയിൽ താമസക്കാരനുമായ നൂറുദ്ദീൻ ഷെയ്ഖ് ഫേസ്ബുക്കിലൂടെയാണ് മാപ്പ് പറഞ്ഞത്. ഇയാൾ ഉന്നയിച്ച അടിസ്ഥാനരഹിതമായ വാദങ്ങൾ ഫേസ്ബുക്കിൽ വൈറലായതോടെയാണ് ഹനാനെതിരെ സോഷ്യൽ മീഡിയയിൽ പ്രതിഷേധം ഉയർന്നത്. എന്നാൽ മാപ്പ് പറഞ്ഞ വിഡിയോ ഇയാൾ പിന്നീട് ഫേസ്ബുക്കിൽ നിന്ന് നീക്കം ചെയ്തു.
പ്രചരിച്ച വ്യാജവാർത്തകൾക്ക് പിന്നിലെ സത്യംപകൽ വ്യക്തമാക്കിയതോടെ നൂറുദ്ദീനെതിരെ പ്രതിഷേധമുയർന്നു. ഇതെ തുടർന്നാണ് മാപ്പപേക്ഷയുമായി ഇയാൾ തടിതപ്പുന്നത്. താനൊരു മുസ്ലീം ലീഗ് പ്രവർത്തകനാണെന്നും ഇയാൾ വിഡിയോയിൽ വ്യക്തമാക്കുന്നു. ഹനാനെ നേരിട്ട് വിളിച്ച് മാപ്പുപറയാൻ ശ്രമിച്ചെങ്കിലും കിട്ടിയില്ലെന്നും ഇയാൾ പറയുന്നു. ഹനാനെതിരെ അധിക്ഷേപം ഉന്നയിച്ചപ്പോൾ അവൾ നേരിടേണ്ടിവന്ന അധിക്ഷേപങ്ങൾ ഇപ്പോൾ തന്റെ ഫേസ്ബുക്ക് പേജിൽ നടക്കുകയാണെന്നും മാന്യമായ കമന്റുകൾ ഇടണമെന്നും ഇയാൾ സോഷ്യൽ ലോകത്തോട് അഭ്യർത്ഥിക്കുന്നു.
ഹനാൻ നവരത്നമോതിരമിട്ടിരിക്കുന്നുവെന്നും ഗ്ലൗസ് ഇട്ടാണ് മീൻ വിൽക്കുന്നതെന്നും തരക്കേടില്ലാത്ത വസ്ത്രം ധരിക്കുന്നെന്നും അരുൺ ഗോപിയും മറ്റും അവളെ വിളിച്ചെന്നുമാണ് ഇയാൾ ഇന്നലെ വിഡിയോയിൽ പറഞ്ഞത്. ഈ തെറ്റിദ്ധാരണയാണ് ആ പാവം പെൺകുട്ടിയെ ഇന്നത്തെ ദിനം മാനസികസംഘർഷത്തിലാക്കിയത്. തെറ്റ് ഏറ്റുപറഞ്ഞ് മാപ്പ് പറഞ്ഞെങ്കിലും ഇയാളുടെ പേജിൽ പ്രതിഷേധം നിറയുകയാണ്.
- TODAY
- LAST WEEK
- LAST MONTH
- 2021ൽ സീറ്റ് നിഷേധിച്ചത് ആഘാതമായി; നേതാക്കളുമായി മിണ്ടാതെ കഴിച്ചു കൂട്ടിയത് ആറുമാസം; എം വി ഗോവിന്ദനോടുള്ള വിയോജിപ്പും പ്രശ്നം; ബിജെപിയിൽ ചേരാനൊരുങ്ങിയത് തുടർച്ചയായ അവഗണന മൂലമോ? വെടിയേറ്റ് തലചിതറിയിട്ടും തിരിച്ചുവന്ന വിപ്ലവവീര്യമായ ഇ പിക്ക് സംഭവിച്ചത്?
- കേരളത്തിലെ സിപിഎമ്മിന് തിരിച്ചടിയുണ്ടായാൽ അതിന്റെ ഉത്തരവാദിയായി ജയരാജൻ മാറും; ദല്ലാളുമൊത്ത് ജാവ്ദേക്കറിനെ ഇപി കണ്ടത് രാഷ്ട്രീയ മണ്ടത്തരമെന്ന് വിലയിരുത്തി സിപിഎം; മുഖ്യമന്ത്രിയുടെ വാക്കുകളിലുള്ളത് ഇപിയെ ഒറ്റപ്പെടുത്തുമെന്ന സൂചന; പാപിയുടെ കൂടെ ശിവൻ കൂടിയാൽ ശിവനും പാപിയാകുമ്പോൾ
- സിഐടിയു ബ്യൂട്ടീഷൻ സംഘടനയുടെ ജില്ലാ സെക്രട്ടറി വോട്ട് കുത്തിയത് യുഡിഎഫ് സ്ഥാനാർത്ഥി ആന്റോ ആന്റണിക്ക്; വിവിപാറ്റിൽ തെളിഞ്ഞ പേര് അനിൽ ആന്റണി; കുമ്പഴ വടക്ക് പോളിങ് ബൂത്തിൽ നാലു മണിക്കൂർ നീണ്ട പ്രതിഷേധം: അവസാനം പരാതി പിൻവലിച്ച് മടങ്ങി
- ആലത്തൂരിലെ പാർട്ടി അനുഭാവികളുടെ വോട്ടുകൾ ബിജെപി. തൃശൂർ മണ്ഡലത്തിലേക്ക് ഇറക്കുമതി ചെയ്തെന്ന് ആരോപണം; തൃശൂർ നിയമസഭാ മണ്ഡലത്തിൽ മാത്രം പതിനായിരം വോട്ട് കൂടിയതിന് കാരണം കണ്ടെത്തി സിപിഐ! പൂങ്കുന്നത്തുണ്ടായത് വൻ സംഘർഷം; തൃശൂരിലെ പോരാട്ട ചൂടിന് തെളിവായി വിവാദം
- കൊലപാതകമെന്ന സൂചനകൾ സിബിഐയ്ക്ക്; അഴിക്കുള്ളിലുള്ള പ്രതികൾ സാങ്കേതികത്വത്തിൽ ജാമ്യം നേടുന്നത് ഒഴിവാക്കാൻ പ്രാഥമിക കുറ്റപത്രം; കൊലക്കുറ്റം ചുമത്താത്തിനാൽ 60 ദിവസത്തിന് ശേഷം ജാമ്യം കിട്ടാനുള്ള സാധ്യതയും അടച്ച് കേന്ദ്ര ഏജൻസി; സിദ്ധാർത്ഥൻ കേസ് അടുത്ത ഘട്ടത്തിലേക്ക്
- പാപിയുടെ കൂടെ ശിവൻ കൂടിയാലും പാപിയാകും! കൂട്ടുകെട്ടുകൾ ശ്രദ്ധിക്കണം; ജാവ്ദേക്കറിനെ ഞാനും കണ്ടിട്ടുണ്ട്; എന്നാൽ സംശയ വ്യക്തിത്വം അതിന് സാക്ഷിയായത് ജയരാജന് പറ്റിയ വീഴ്ച; കൂട്ടുകെട്ടിൽ ഇപി കൂടുതൽ ജാഗ്രത കാട്ടണമെന്ന് മുഖ്യമന്ത്രി; ഇപിയോട് മുഖ്യമന്ത്രിയും സിപിഎം നീരസത്തിൽ; ഇടതു കൺവീനർ പദവി നഷ്ടമാകും
- ആക്കുളത്തെ മകന്റെ ഫ്ളാറ്റിൽ ജാവ്ദേക്കർ വന്നിരുന്നു; കൂടെ ദല്ലാൾ നന്ദകുമാറും ഉണ്ടായിരുന്നു; എത്തിയത് വെറുതെ ഒന്ന് പരിചയപ്പെടാൻ; രാഷ്ട്രീയം ചർച്ച ചെയ്തതുമില്ല; ശോഭയും സുധാകരനും പറയുന്നതെല്ലാം പച്ചക്കള്ളം; അവർക്കെതിരെ നിയമ നടപടി; ദല്ലാളിനെതിരെ കേസ് കൊടുക്കേണ്ടതുമില്ല; ആ കൂടിക്കാഴ്ച സ്ഥിരീകരിച്ച് ഇപിയും; ചർച്ച തുടരും
- യഥാർത്ഥ ശിവനാണെങ്കിൽ പാപി കത്തിയെരിഞ്ഞ് പോകും; ഇത് ഡ്യൂപ്ലിക്കേറ്റ് ശിവൻ; ജയരാജൻ ജാവദേദ്ക്കറെ കണ്ടത് മുഖ്യമന്ത്രിയുടെ അറിവോടെ; പിടിക്കപ്പെട്ടപ്പോൾ കൂട്ടുപ്രതിയെ മുഖ്യമന്ത്രി തള്ളിപ്പറയുന്നു; 20 സീറ്റുകളും തോൽക്കുമ്പോൾ പിണറായി ജയരാജനെ ബലിയാടാക്കും; ജയരാജനെ ആളിക്കത്തിച്ച് സതീശനും
- രജനിയെ തല്ലിയതുകണ്ട് മദ്യപാനം നിർത്തി; അടിക്കടി സിനിമകൾ ഹിറ്റായതോടെ അഹങ്കാരം തലക്ക് പിടിച്ചു; മണിരത്നത്തിന് ഗെറ്റൗട്ട് അടിച്ചത് വിനയായി; റഹ്മാൻ തരംഗത്തിൽ അപ്രസക്തൻ; ഇപ്പോൾ കോപ്പിറൈറ്റ് വിവാദത്തിൽ കോടതിയിൽനിന്നും തിരിച്ചടി; ഇളയരാജ വീണ്ടും വിവാദത്തിൽ
- 'ജാവദേക്കർക്കു ചായ കുടിക്കാൻ ഇ.പിയുടെ മകന്റെ ഫ്ളാറ്റ് ചായപ്പീടികയോ? രാമകഥയാണോ സംസാരിച്ചത്? കൂടിക്കാഴ്ചയ്ക്കു ശേഷം കച്ചവടമൊക്കെ നടന്നില്ലേ? സ്ഥാപനം ഷെയർ ചെയ്തു കൊടുത്തില്ലേ? ഇപിയുടെ കൂടിക്കാഴ്ചയിൽ പുതിയ തലം തേടി കോൺഗ്രസ്; ആഞ്ഞടിച്ച് കെ സുധാകരൻ വീണ്ടും
- ഇറാനിൽ ഇസ്രയേലിന്റെ വ്യോമാക്രമണം ഇന്ത്യൻ വിപണിക്ക് ആശങ്കയാകുന്നു; കുതിച്ചുയർന്ന് ക്രൂഡോയിൽ വില; ബാരലിന് 90 ഡോളറിലെത്തി; ഇപ്പോഴത്തെ നിലയിൽ വില 100 ഡോളർ വരെ ഉയർന്നേക്കുമെന്ന് ആശങ്ക; ഇറാൻ-ഇസ്രയേൽ പോര് പശ്ചിമേഷ്യയിലെ സ്ഥിതിഗതികൾ കൂടുതൽ ആശങ്കപ്പെടുത്തുന്നു
- കൈവിലങ്ങിട്ടാൽ മതിൽ കയറാനാകില്ലെന്ന് പറഞ്ഞ പ്രതി; മതിൽ കയറിയാൽ ചാടിയോടാനുള്ള സാധ്യത കണ്ടെത്തിയ അന്വേഷകൻ; മതിലിലേക്ക് കയറ്റും മുമ്പ് അവിടെ ഒരുക്കിയൽ 'പൊലീസ് മതിൽ'! ബീഹാറി റോബിൻഹുഡ് എന്തിനും മിടിക്കില്ലെന്ന് തിരിച്ചറിഞ്ഞ ബ്രില്ലിയൻസ്; രാജ്കുമാർ എന്തുകൊണ്ട് 'സേതുരാമയ്യർ' ആയി? ഈ വീഡിയോ കാണം
- പൂരം നാളുകളിൽ വൻകിട ഹോട്ടലുകളിൽ പൊലീസ് സൗജന്യമായി മുറിയെടുത്തു; ഉന്നത ഉദ്യോഗസ്ഥരുടെ പേരുപറഞ്ഞ് ഓരോ ഹോട്ടലിലും രണ്ടും മൂന്നും മുറികൾ സൗജന്യമായി വാങ്ങി; പൂരത്തെ അറിയാവുന്ന ഉദ്യോഗസ്ഥരെ ഡ്യൂട്ടിയിലിൽ നിന്നും മാറ്റി; കമ്മീഷണറുടെ നിലപാടുകൾ സേനയ്ക്ക് കളങ്കമായി; തൃശൂർ പൂരത്തിൽ ഇന്റലിജൻസ് കണ്ടെത്തൽ ഇങ്ങനെ
- എന്തെങ്കിലും സ്വയം വിമർശനം വേണമെന്ന് തോന്നിയിട്ടുണ്ടോയെന്ന് നികേഷ് കുമാറിന്റെ ചോദ്യം; 'നിങ്ങൾ ചെയ്യുന്ന ചെറ്റത്തരത്തിന് ഞാനാണോ സ്വയം വിമർശനം നടത്തേണ്ടത്? കലിയിളകി പിണറായിയുടെ മറുപടി; മാധ്യമങ്ങൾക്ക് നിലവിട്ട സമീപനമെന്നും വിമർശനം
- രജനിയെ തല്ലിയതുകണ്ട് മദ്യപാനം നിർത്തി; അടിക്കടി സിനിമകൾ ഹിറ്റായതോടെ അഹങ്കാരം തലക്ക് പിടിച്ചു; മണിരത്നത്തിന് ഗെറ്റൗട്ട് അടിച്ചത് വിനയായി; റഹ്മാൻ തരംഗത്തിൽ അപ്രസക്തൻ; ഇപ്പോൾ കോപ്പിറൈറ്റ് വിവാദത്തിൽ കോടതിയിൽനിന്നും തിരിച്ചടി; ഇളയരാജ വീണ്ടും വിവാദത്തിൽ
- ഇന്ത്യയിൽ നിന്നും യുകെയിലേക്ക് കെയറർ വിസയിൽ തൊഴിലാളികൾ എത്തുന്നതിൽ ആശങ്കയുമായി ലോകാരോഗ്യ സംഘടന; കെയർ ഹോമുകളിൽ ഗുണനിലവാരമില്ലാത്ത സേവനത്തിനു സാധ്യതയെന്ന് ഓക്സ്ഫോർഡ് യൂണിവേഴ്സിറ്റി മുന്നറിയിപ്പും; ഇന്ത്യക്കാർക്ക് വിസ നിഷേധിക്കാൻ മറ്റൊരു കാരണം കൂടി
- മുഖ്യമന്ത്രിക്ക് ഇരിക്കാൻ സ്ഥാപിച്ച അരലക്ഷം വിലയുള്ള കറങ്ങുന്ന കസേരയുള്ള സീറ്റ് ഇളക്കിമാറ്റി; വി.വി.ഐ.പി. പരിവേഷത്തിൽ കേരളം കറങ്ങിയ നവകേരള ബസ് ഇപ്പോൾ ആർക്കും വേണ്ടാതെ വെറുതേ കിടക്കുന്നു; ഗതാഗത മന്ത്രി മാറിയതോടെ താൽപ്പര്യം കുറഞ്ഞു; ടൂറിസം ആവശ്യത്തിനും വിട്ടുനൽകാതെ 1.15 കോടി രൂപ മുടക്കി വാങ്ങിയ ബസ്
- ഇസ്രയേൽ ഇറാന് ശക്തമായ തിരിച്ചടി നൽകിയത് ഒരീച്ച പോലും അറിയാതെ; മിസൈലുകളും ഡ്രോണുകളും റഷ്യൻ നിർമ്മിത എസ്-300 സംവിധാനത്തെ തകർത്തു; ആക്രമണം ഇറാൻ വ്യോമ പ്രതിരോധ സംവിധാനത്തെ പൂർണമായി കബളിപ്പിച്ചുകൊണ്ട്; ആക്രമണം നടന്നയിടത്ത് പൊടി പൊലുമില്ല കണ്ടുപിടിക്കാൻ
- സൗബിൻ സാഹിറിനെതിരെ മരട് പൊലീസ് ചുമത്തിയത് ഗൗരവതരമുള്ള വകുപ്പുകൾ; മരട് ഇൻസ്പെക്ടർ തയ്യാറാക്കിയ എഫ് ഐ ആറിലേത് അക്കൗണ്ട് വഴി പണം കൈമാറിയിട്ടും വഞ്ചിച്ചെന്ന ആരോപണം; ചുമത്തുന്നത് വഞ്ചനയും ക്രിമിനൽ ഗൂഢാലോചനയും; 'മഞ്ഞുമ്മൽ ബോയ്സ്' അറസ്റ്റിലാകാൻ സാധ്യത ഏറെ; ആ 47 കോടി തിരിച്ചു കൊടുക്കേണ്ടി വരും
- സംസ്ഥാന സർക്കാരിന് നാണക്കേടായി കെ എസ് ആർ ടിസി ബസിൽ സഹയാത്രികയുടെ മാറിടത്തിൽ കയറിപ്പിടിച്ച് അപമാനിച്ച് പൊതു മേഖലാ സ്ഥാപനത്തിന്റെ മാനേജിങ് ഡയറക്ടർ; ഡോ ആർ രാജീവിന് ജാമ്യം കിട്ടിത് മാത്രം ആശ്വാസമായി; ഏപ്രിൽ ഫൂൾ ദിനത്തിൽ നടന്ന ആരും അറിയാത്ത പീഡന വാർത്ത
- ഒരു ജൂനിയർ പറയാൻ പാടില്ലാത്ത കഥകളാണ് ശ്രീനിയുടെ മകൻ പറഞ്ഞതെന്ന് മുകേഷ്; എന്നാൽ അത് ധ്യാൻ തന്നെയാകുമെന്ന് ആരാധകർ
- അനുജയുമൊന്നിച്ച് കാർ തടിലോറിയിലേക്ക് ഇടിച്ചു കയറ്റി ഹാഷിം ജീവനൊടുക്കിയെന്ന് സഹ അദ്ധ്യാപകരുടെയും ബന്ധുക്കളുടെയും മൊഴി; അടൂരിനെ നടുക്കിയ അപകടം; സ്കൂൾ അദ്ധ്യാപികയെയും കൂട്ടി സ്വകാര്യ ബസ് ഡ്രൈവർ ആത്മഹത്യ ചെയ്തതെന്ന് സൂചന; സ്വിഫ്ട് ഡിസയർ കാർ ഓടിച്ചു കയറ്റിയത് കണ്ടെയ്നർ ലോറിയിലേക്ക്: സംഭവം കെപി റോഡിൽ പട്ടാഴമുക്കിൽ
- കള്ളി എന്നതാണ് ഇപ്പോഴത്തെ മേൽവിലാസം.. കള്ളിയുടെ അച്ഛൻ എന്ന മേൽവിലാസവും കൊണ്ട് ആണ് 2 മാസം മുമ്പ് അച്ഛൻ മരിച്ചുപോയത്; കൂടെ ഉണ്ടായിരുന്നവരൊന്നും കൂട്ടുന്നില്ല; ഉറങ്ങിയിട്ട് വർഷം ഒന്നാകാറായി; വിദ്യ വിജയന്റെ കുറിപ്പ്
- പിറന്നാളിന് വാങ്ങിയത് ഓൺലൈനിൽ ഓർഡൽ ചെയ്ത കേക്ക്; ഭക്ഷ്യവിഷബാധയേറ്റ് പത്തു വയസ്സുകാരിക്ക് ദാരുണാന്ത്യം: പിറന്നാൾ പിറ്റേന്ന് ദാരുണമായി മരിച്ചത് പത്തു വയസ്സുകാരി മൻവി
- ഇറാനിൽ ഇസ്രയേലിന്റെ വ്യോമാക്രമണം ഇന്ത്യൻ വിപണിക്ക് ആശങ്കയാകുന്നു; കുതിച്ചുയർന്ന് ക്രൂഡോയിൽ വില; ബാരലിന് 90 ഡോളറിലെത്തി; ഇപ്പോഴത്തെ നിലയിൽ വില 100 ഡോളർ വരെ ഉയർന്നേക്കുമെന്ന് ആശങ്ക; ഇറാൻ-ഇസ്രയേൽ പോര് പശ്ചിമേഷ്യയിലെ സ്ഥിതിഗതികൾ കൂടുതൽ ആശങ്കപ്പെടുത്തുന്നു
- സിനിമയുടെയും ആത്മാവായ ആ സീൻ സെൻസർ ബോർഡ് വെട്ടിമാറ്റിയെന്ന് ബെന്യാമിൻ; ഷൂട്ട് ചെയ്തിട്ടില്ലെന്ന് ബ്ലെസി; അങ്ങനെ ഒന്ന് ഉണ്ടായിട്ടില്ലെന്നും എഴുത്തുകാരൻ ചേർത്തതാണെന്നും നജീബ്; ആടുമായി നജീബ് ലൈംഗിക ബന്ധത്തിൽ ഏർപ്പെടുന്ന രംഗത്തിന് എന്താണ് സംഭവിച്ചത്?
- കാസർകോട് ഇടതുമുന്നണി തിരിച്ചുപിടിക്കുമോ? കണ്ണൂരിൽ സുധാകരൻ വീഴുമോ? വടകരയിൽ ഷാഫിയോ ശൈലജയോ? കോഴിക്കോട് രാഘവേട്ടനോ, കരീംക്കയോ? രാഹുൽഗാന്ധി മാജിക്ക് ആവർത്തിക്കുമോ? എൻഡിഎ വോട്ട് ഉയർത്തുമോ? മറുനാടൻ മലയാളി ഇലക്ഷൻ സർവേയുടെ ആദ്യഘട്ട ഫലം അറിയാം
- പേരാമ്പ്രയിൽ അദ്ധ്യാപകൻ മരിച്ച നിലയിൽ; വീട്ടിലെ മുറിയിൽ മരിച്ച നിലയിൽ കണ്ടെത്തിയത് സിദ്ധാർഥന്റെ മരണവുമായി ബന്ധപ്പെട്ട കേസിലെ 11ാം പ്രതിയുടെ പിതാവ്
- വയനാട്ടിലെ മേപ്പാടിയിൽ വനിതാ ഡോക്ടർ തൂങ്ങി മരിച്ച നിലയിൽ; കണ്ടെത്തിയത് ആശുപത്രി ക്യാംപസിലെ വീട്ടിൽ; ഡോ. ഫെലിസ് നസീർ ആത്മഹത്യ തടയുന്നതിനുള്ള അസോസിയേഷനിലെ കൗൺസിലർ
- ക്ഷേമപെൻഷൻ യഥാസമയം കൊടുക്കാൻ കഴിഞ്ഞില്ലെങ്കിൽ തിരിച്ചടിയെന്ന് വിലയിരുത്തൽ; പണം കണ്ടെത്താൻ സഹകരണ ബാങ്കുകളിൽ നിന്ന് 2000 കോടി കടമെടുക്കാൻ സർക്കാർ; 9.1 ശതമാനം പലിശയിൽ കടമെടുപ്പ്; ഒന്ന വർഷത്തിനുള്ളിൽ സഹകരണ ബാങ്കുകളെ സമീപിക്കുന്നത് ഇത് മൂന്നാം വട്ടം
Readers Comments+
മലയാളത്തിൽ ടൈപ്പ് ചെയ്യാൻ ഇവിടെ ക്ലിക്ക് ചെയ്യുകകമന്റ് ബോക്സില് വരുന്ന അഭിപ്രായങ്ങള് മറുനാടന് മലയാളിയുടേത് അല്ല. മാന്യമായ ഭാഷയില് വിയോജിക്കാനും തെറ്റുകള് ചൂണ്ടി കാട്ടാനും അനുവദിക്കുമ്പോഴും മറുനാടനെ മനഃപൂര്വ്വം അധിക്ഷേപിക്കാന് ശ്രമിക്കുന്നവരെയും അശ്ലീലം ഉപയോഗിക്കുന്നവരെയും മറ്റു മലയാളം ഓണ്ലൈന് ലിങ്കുകള് പോസ്റ്റ് ചെയ്യുന്നവരെയും മതവൈരം തീര്ക്കുന്നവരെയും മുന്നറിയിപ്പ് ഇല്ലാതെ ബ്ലോക്ക് ചെയ്യുന്നതാണ് - എഡിറ്റര്