പതിനൊന്നു വയസ്സുള്ള പെൺകുട്ടിയെ തട്ടിക്കൊണ്ടുപോകുന്നതിനുള്ള ശ്രമം; വളർത്ത് നായ പരാജയപ...

പതിനൊന്നു വയസ്സുള്ള പെൺകുട്ടിയെ തട്ടിക്കൊണ്ടുപോകുന്നതിനുള്ള ശ്രമം; വളർത്ത് നായ പരാജയപ്പെടുത്തി

September 06, 201802:55 PM IST Permalink

പി.പി. ചെറിയാൻ

പസഡീന(ടെക്സസ്): വില്ലൊ ഓക്ക് ടൗൺഹോം കോംപ്ലക്സിൽ പതിനൊന്നു വയസ്സുള്ള പെൺകുട്ടി വീട്ടിലെ വളർത്തുനായയുമായി നടക്കാനിറങ്ങിയതായിരുന്നു. സെപ്റ്റംബർ 2 ഞായറാഴ്ച യായിരുന്നു സംഭവം .

രാവിലെ പതിനൊന്നു മണിയോടുകൂടി ഡാർക്ക് ഗ്രേ എസ്.യു.വിൽ എത്തിയ അജ്ഞാതനായ ഒരാൾ വാഹനത്തിൽ നിന്നറങ്ങി കുട്ടിയുടെ കൈപിടിച്ചു തട്ടിക്കൊണ്ടുപോകാൻ ശ്രമിച്ചു. കൂടെ ഉണ്ടായിരുന്ന 'റെ' എന്ന നായ കുട്ടിയുടെ ദയനീയാവസ്ഥ കണ്ട് ഇയാളുടെ കാലിൽ കയറി കടിച്ചു. നായയെ തട്ടി മാറ്റാൻ ശ്രമിച്ചുവെങ്കിലും കടി വിടാൻ നായയും തയ്യാറായില്ല. ഒരു വിധം കാലിൽ നിന്നും നായയെ അടിച്ചുമാറ്റി വന്ന വാഹനത്തിൽ ഓടി കയറി പ്രതി രക്ഷപ്പെടുകയായിരുന്നു.

വാഹനത്തിന്റെയും, പ്രതിയുടെയും ചിത്രം അടുത്തുള്ള ക്യാമറയിൽ പതിഞ്ഞിട്ടുണ്ടെന്നും അന്വേഷണം ആരംഭിച്ചുവെന്നും പസഡീന പൊലീസ് അറിയിച്ചും. പ്രതിയെ ഇതുവരേയും പിടികൂടാനായില്ല. വളർത്തുനായയുടെ സന്ദർഭോചിതമായ ഇടപെടൽ മകളുടെ ജീവൻ രക്ഷിച്ചതായി പൊലീസ് പറഞ്ഞു. മനുഷ്യന് വളർത്തുനായ പലപ്പോഴും, പല സന്ദർഭങ്ങളിലും രക്ഷകനാകുമെങ്കിലും, അക്രമാസക്തമായി മാറി മരണത്തിലേക്കു നയിക്കുന്ന സന്ദർഭവും നിരവധിയാണ്.

Stories you may Like

Readers Comments+

മലയാളത്തിൽ ടൈപ്പ്‌ ചെയ്യാൻ ഇവിടെ ക്ലിക്ക്‍ ചെയ്യുക

കമന്റ് ബോക്‌സില്‍ വരുന്ന അഭിപ്രായങ്ങള്‍ മറുനാടന്‍ മലയാളിയുടേത് അല്ല. മാന്യമായ ഭാഷയില്‍ വിയോജിക്കാനും തെറ്റുകള്‍ ചൂണ്ടി കാട്ടാനും അനുവദിക്കുമ്പോഴും മറുനാടനെ മനഃപൂര്‍വ്വം അധിക്ഷേപിക്കാന്‍ ശ്രമിക്കുന്നവരെയും അശ്ലീലം ഉപയോഗിക്കുന്നവരെയും മറ്റു മലയാളം ഓണ്‍ലൈന്‍ ലിങ്കുകള്‍ പോസ്റ്റ് ചെയ്യുന്നവരെയും മതവൈരം തീര്‍ക്കുന്നവരെയും മുന്നറിയിപ്പ് ഇല്ലാതെ ബ്ലോക്ക് ചെയ്യുന്നതാണ് - എഡിറ്റര്‍

Forex Rate: