ഭഗവാനെ ഒരു നോക്ക് കാണാൻ ആയിരങ്ങൾ നിലയ്ക്കലിൽ കുടുങ്ങി കിടക്കുമ്പോഴും നടതുറക്കുമ്പോൾ ദർശനത്തിന് ആരുമില്ല; മടുത്ത ഭക്തർ പലരും ദർശനം വേണ്ടെന്ന് വച്ച് കരഞ്ഞു കൊണ്ട് മടങ്ങുന്നു; ശരണം വിളിച്ചാൽ പോലും അറസ്റ്റ് ഭീഷണിയെന്ന് ഭക്തർ; സർവ്വരേയും നിയന്ത്രിച്ചിട്ടും അപ്രതീക്ഷിതമായി പ്രതിഷേധങ്ങൾ പൊട്ടിപുറപ്പെടുന്നതിൽ പൊലീസിന് കടുത്ത നിരാശ; എലിയെ പേടിച്ച് ഇല്ലം ചുടാൻ ഇറങ്ങിയ ഈ സർക്കാരിന് ഇപ്പോഴെങ്കിലും സ്ഥിരബുദ്ധി തോന്നുന്നുവോ?
മറുനാടൻ മലയാളി ബ്യൂറോ
സന്നിധാനം: മണ്ഡലകാലം തുടങ്ങി നാല് ദിവസമായും സന്നിധാനത്തേക്ക് ആളെത്തുന്നില്ല. ഇന്നും ആളൊഴിഞ്ഞ പതിനെട്ടാം പടിയാണുള്ളത്. മണിക്കൂറിൽ പതിനായിരക്കണക്കിനാളുകളാണ് ശരണം വിളിയുമായി സാധാരണ മല ചവിട്ടി സന്നിധാനത്ത് എത്തിയിരുന്നത്. എന്നാൽ ഇന്ന് രാവിലെ എത്തിയത് നാല് മണിക്കൂർ കൊണ്ട് അയ്യായിരത്തിൽ മുകളിൽ ഭക്തരും. കെ എസ് ആർ ടി സി ബസുപയോഗിച്ച് ഭക്തരെ നിയന്ത്രിക്കുന്ന പൊലീസ് തന്ത്രമാണ് ഇതിന് കാരണം. നട തുറന്നപ്പോൾ പതിനെട്ടാംപടി കയറാൻ തീർത്ഥാടകർ ഉണ്ടാകാത്ത അവസ്ഥ. നിലയ്ക്കൽ പമ്പ ബസുകൾക്കുള്ള നിയന്ത്രണം കാരണം പുലർച്ചെ ആർക്കും എത്താൻ കഴിയാതിരുന്നതാണു കാരണം. ഇങ്ങനെ എല്ലാം കൊണ്ടും സർക്കാർ തീരുമാനങ്ങളും നിയന്ത്രണങ്ങളും ശബരിമല തീർത്ഥാടനത്തെ അട്ടിമറിക്കുകയാണ്.
സുപ്രീംകോടതിയുടെ യുവതി പ്രവേശന വിധി നടപ്പാക്കാനാണ് സർക്കാർ ഇതൊക്കെ ചെയ്യുന്നത്. എന്നാൽ ദർശനത്തിന് തയ്യാറാകുന്ന യുവതികൾക്ക് പൊലീസ് സുരക്ഷ നൽകാൻ പോലും തയ്യാറല്ല. തൃപ്തി ദേശായി നെടുമ്പാശ്ശേരിയിൽ എത്തി തിരിച്ചു പോയി. എന്നാൽ ഭക്തരെ ദുരിതത്തിലാക്കി പൊലീസ് രാജ് നടപ്പാക്കുകയാണ് സന്നിധാനത്ത്. ശരണം വിളി ഉയരാത്ത സന്നിധാനമാണ് ഇപ്പോഴുള്ളത്. പമ്പയിലും നിലയ്ക്കലിലും വലിയ നടപ്പന്തലിലും ശരണം വിളി ഇല്ല. ആയിരങ്ങൾ ഒത്തു ചേർന്ന് ശരണം വിളിയുമായി മുന്നോട്ട് പോകുന്ന അയ്യപ്പഭക്തരും അവരുടെ ഒരുമയുമായിരുന്നു സന്നിധാനത്തെ ഭക്തിസാന്ദ്രമാക്കിയത്. എന്നാൽ ഇത് ഇന്ന് നടക്കില്ല. പത്ത് പേർ ചേർന്ന് ശരണം വിളിച്ചാൽ പോലും പൊലീസ് മുന്നറിയിപ്പുമായെത്തും. ജയിൽ ഭയന്ന് ഭക്തർ ശരണം വിളിക്കുന്നില്ല. ഇതോടെ തീർത്ഥാടനത്തിന്റെ ആവേശം തന്നെ ഇല്ലാതെയായി. യുവതി പ്രവേശനത്തിന് വേണ്ടി സർക്കാർ ഒരുക്കിയ നിയന്ത്രണങ്ങൾ ഭക്തരുടെ ആവേശത്തെയാണ് തകർക്കുന്നത്.
സാധാരണ ശബരിമയിൽ എത്തുന്നതിന്റെ അഞ്ചിലൊന്ന് പേർ പോലും എത്തുന്നില്ല. മലയാളികളും തമിഴ്നാട്ടുകാരും സന്നിധാനത്തേക്ക് വലിയ തോതിൽ എത്തുന്നില്ല. മലയാളികളെ എല്ലാം പൊലീസ് സംശയത്തോടെയാണ് കാണുന്നത്. ആർ എസ് എസുകാരെന്ന് പറഞ്ഞ് മലയാളികളെ പലരേയും പൊലീസ് പമ്പയിൽ നിന്ന് തിരിച്ചയയ്ക്കുന്നുണ്ട്. ഇതാണ് ഇതിന് കാരണം. അതിനിടെ സന്നിധാനത്തെ അറസ്റ്റ് സംബന്ധിച്ച് ഐജി, എസ്പി എന്നിവരിൽനിന്നു ഡിജിപി വിശദീകരണം തേടി. സന്നിധാനത്തെ ചുമതലയുണ്ടായിരുന്ന ഐജി വിജയ് സാക്കറെ സംഭവം നടക്കുമ്പോൾ പമ്പയിലായിരുന്നു. ബലപ്രയോഗം നടത്താൻ ഇടയാക്കിയ സാഹചര്യം എസ്പി പ്രതീഷ് കുമാർ വിശദീകരിക്കണം. ഇതോടെ ഡിജിപിയുടെ സമ്മതം ഇല്ലാതെയാണ് സന്നിധാനത്ത് പൊലീസ് നടപടിയുണ്ടായതെന്ന സംശയമാണ് സജീവമാകുന്നത്. ഇതും വരും ദിവസങ്ങളിൽ ചർച്ചയാകുന്നത്. ശബരിമലയിൽ ഭക്തർക്ക് നിയന്ത്രണം ഏർപ്പെടുത്തരുതെന്ന് ഹൈക്കോടതി നിരീക്ഷിച്ചിരുന്നു. എന്നാൽ ഇത് പൊലീസ് നടപ്പാക്കാൻ തയ്യാറല്ല.
പൊലീസ് ഇടപെട്ടു ബസ് സർവീസ് നിർത്തുന്നത് ഇപ്പോഴും തുടരുകയാണ്. ശബരിമലയിലേക്ക് രാത്രി 12നു ബസുകൾ വിടുമെന്നാണു പറഞ്ഞിരുന്നത്. എന്നാൽ പുലർച്ചെ 3നു ശേഷമാണ് ഇതിന് അനുമതി ലഭിച്ചത്. നട തുറന്നപ്പോൾ പൊലീസുകാരും ഏതാനും ദേവസ്വം ജീവനക്കാരും മാത്രമേ ഉണ്ടായിരുന്നുള്ളൂ. ഇന്നലെ ഒരു സമയത്തും വലിയ നടപ്പന്തലിലോ പതിനെട്ടാംപടിക്കു താഴെയോ ക്യു ഇല്ലായിരുന്നു. ശബരിമലയിലെ വാവര് നടയിൽ ഇന്നലെ രാത്രിയും ഭക്തരുടെ നാമജപ പ്രതിഷേധം ഉണ്ടായിരുന്നു. 22 പേരടങ്ങുന്ന സംഘമാണ് പ്രതിഷേധിച്ചത്. ഇവരെ പൊലീസെത്തി വാവര് നടയിൽനിന്ന് നീക്കി മാളികപ്പുറം നടപ്പന്തലിനു സമീപത്തേക്ക് മാറ്റി. മലിനമായ സ്ഥലത്തേക്കാണു തങ്ങളെ മാറ്റിയതെന്ന് ഭക്തർ അറിയിച്ചു. ഇവർ പിന്നീടു പിരിഞ്ഞുപോയി. ഇത്തരം പ്രതിഷേധങ്ങൾ വരും ദിവസങ്ങളിലും ഉണ്ടാകുമെന്നാണ് സൂചന. പ്രതിഷേധിക്കാനായി കൂടുതൽ പ്രവർത്തകെ എത്തിക്കാൻ പരിവാർ നേതൃത്വവും ശ്രമിക്കുന്നുണ്ടെന്നാണ് സൂചന. നിലയ്ക്കലിലെ നിയന്ത്രണമാണ് ഭക്തരെ വലയ്ക്കുന്നത്. കെ എസ് ആർ ടി സി ബസ് സമയത്തിന് ലഭിക്കുന്നില്ല. അവിടെ അടിസ്ഥാന സൗകര്യങ്ങളുമില്ല. അതുകൊണ്ട് തന്നെ പല ഭക്തരും നിലയ്ക്കലിൽ നിന്ന് മടങ്ങി പോവുകയാണ്.
മനുഷ്യാവകാശ കമ്മിഷൻ ചൊവ്വാഴ്ച ശബരിമല സന്ദർശിക്കും. തീർത്ഥാടകർക്കു സൗകര്യങ്ങളില്ലെന്ന പരാതിയെത്തുടർന്നാണു തീരുമാനം. ശബരിമലയിൽ സുപ്രീംകോടതി വിധി നടപ്പാക്കാൻ ഉചിതമായ മാർഗങ്ങൾ വേണമെന്ന് ഹൈക്കോടതി അറിയിച്ചു. ഉറപ്പുകൾ പാലിച്ചില്ലെങ്കിൽ മറ്റു മാർഗങ്ങൾ അന്വേഷിക്കേണ്ടിവരും. ഡിജിപിയുടെ ഭാഗത്തുനിന്ന് വീഴ്ചയുണ്ടായാൽ കടുത്ത നടപടികളിലേക്കു പോകേണ്ടിവരും. സന്നിധാനത്തു നടപടികൾക്കു നിർദ്ദേശിച്ചത് ആരെന്നറിയണം. ഡിജിപി സത്യവാങ്മൂലം നൽകണമെന്നും ഹൈക്കോടതി നിലപാടെടുത്തു. നെയ്യഭിഷേകത്തിന് എത്തുന്ന ഭക്തരെ രാത്രി തിരിച്ചയയ്ക്കരുതെന്നും ഹൈക്കോടതി അറിയിച്ചു. ഇല്ലെന്ന് അഡ്വക്കേറ്റ് ജനറൽ (എജി) അറിയിച്ചെങ്കിലും ഇക്കാര്യത്തിൽ ഉറപ്പു നൽകി സത്യവാങ്മൂലം സമർപ്പിക്കാൻ കോടതി ആവശ്യപ്പെട്ടു. എന്നാൽ ശബരിമലയിൽ ഏർപ്പെടുത്തിയിരിക്കുന്ന സമയനിയന്ത്രണത്തെ കോടതി അനുകൂലിച്ചത് പൊലീസിന് ആശ്വാസമാണ്. വലിയ നിയന്ത്രണങ്ങൾ ഏർപ്പെടുത്തിയിട്ടും ഭക്തരുടെ പ്രതിഷേധം സന്നിധാനത്ത് ഉയരുന്നത് പൊലീസിന് തലവേദനയാണ്.
നിരോധാജ്ഞ ലംഘിക്കാൻ യുഡിഎഫ്
ശബരിമലയിൽ നിരോധനാജ്ഞ ലംഘിക്കാൻ യുഡിഎഫ് തീരുമാനം. ഇന്ന് യുഡിഎഫ് സംഘം സന്നിധാനത്ത് എത്തും. പിണറായി വിജയൻ ആഭ്യന്തര വകുപ്പ് ഒഴിയണമെന്നും കൊച്ചിയിൽ ചേർന്ന യുഡിഎഫ് യോഗം ആവശ്യപ്പെട്ടു. യുവതീ പ്രവേശനമല്ല ശബരിമലയിലെ ഇപ്പോഴത്തെ പ്രശ്നമെന്ന് യുഡിഎഫ് വിലയിരുത്തി. ഭക്തർക്ക് അയ്യപ്പദർശനത്തിനുള്ള സാഹചര്യം സർക്കാർ നിഷേധിക്കുകയാണ്. പൊലീസിനെ ഭയന്ന് ഭക്തരുടെ വരവ് കുറഞ്ഞു.
സന്നിധാനത്തെ പൊലീസ് അതിക്രമം മുഖ്യമന്ത്രിയുടെ അറിവോടെയാണ്. ആർഎസ്എസിനും ബിജെപിക്കും വളരാൻ സിപിഎം അവസരം നൽകുന്നു. ജനങ്ങളാൽ വെറുക്കപ്പെട്ടവരെ മഹത്വവത്ക്കരിക്കാനാണ് സർക്കാരിന്റെ ശ്രമമെന്നും യുഡിഎഫ് കുറ്റപ്പെടുത്തി. ഹൈക്കോടതി പരാമർശങ്ങൾ സർക്കാരിന്റെ കണ്ണ് തുറപ്പിക്കണമെന്നും പ്രതിപക്ഷ നേതാവ് രമേശ് ചെന്നിത്തല പറഞ്ഞു. ശബരിമലയിലെ അടിസ്ഥാന സൗകര്യങ്ങളുടെ അഭാവം തീർത്ഥാടകരെ വലയ്ക്കുന്നു. ഉത്തരവാദിത്വം മറന്ന സർക്കാരിനെതിരെ ശക്തമായ പ്രക്ഷോഭ പ്രചരണ പരിപാടികളുമായി മുന്നോട്ട് പോകാനും യുഡിഎഫ് യോഗം തീരുമാനിച്ചു.
ബിജെപിയുടെ ഇടപെടൽ തുടരും
കേന്ദ്രമന്ത്രി പൊൻ രാധാകൃഷ്ണൻ 21ന് ശബരിമല സന്ദർശിക്കും. ബിജെപി എംപിമാരായ നളീൻ കുമാർ കട്ടീലും വി.മുരളീധരനും ചൊവ്വാഴ്ച ശബരിമലയിലെത്തും. രാവിലെ 10 മണിക്ക് ഇവർ നിലയ്ക്കലിലെത്തും. പാർട്ടി സംസ്ഥാന സെക്രട്ടറി ജെ.ആർ.പത്മകുമാറും പത്തനംതിട്ട ജില്ലാ പ്രസിഡന്റ് അശോകൻ കുളനടയും എംപിമാരോടൊപ്പമുണ്ടാകും. പമ്പയും സന്നിധാനവും എംപിമാർ സന്ദർശിക്കും. തുടർന്ന് അയ്യപ്പ ദർശനം നടത്തും.
അതിനിടെ സന്നിധാനത്തും പമ്പയിലും നിലയ്ക്കലിലും പ്രഖ്യാപിച്ച നിരോധനാജ്ഞ പിൻവലിക്കണമെന്നു പന്തളം കൊട്ടാരം നിർവാഹകസംഘം ആവശ്യപ്പെട്ടു. നിലവിൽ അടിയന്തരാവസ്ഥയുടെ പ്രതീതിയാണ്. സർക്കാരിന്റെ നടപടികൾ തീർത്ഥാടകരിൽ ഭീതി സൃഷ്ടിക്കുന്നു. ശരണം വിളിച്ചു സംഘമായി ദർശനം നടത്തുന്നത് ആചാരം മാത്രമല്ല, തീർത്ഥാടകരുടെ മൗലികാവകാശവുമാണെന്നു കൊട്ടാരം നിർവാഹകസംഘം പ്രസിഡന്റ് പി. ജി. ശശികുമാര വർമയും സെക്രട്ടറി പി. എൻ. നാരായണവർമയും പറഞ്ഞു.
വ്രതമെടുത്തെത്തുന്ന തീർത്ഥാടകർക്ക് വഴിപാടുകൾ നടത്താൻ ഏർപ്പെടുത്തിയിട്ടുള്ള വിലക്കുകൾ നീക്കണം. വിശ്വാസികളുടെ അവകാശങ്ങൾ സംരക്ഷിക്കേണ്ടത് ദേവസ്വം ബോർഡും സർക്കാരുമാണ്. സന്നിധാനത്തു 'പൊലീസ് രാജ്' നടപ്പിലാക്കാനുള്ള ശ്രമം അനുവദിക്കാനാകില്ല. വൈകിയ വേളയിലെങ്കിലും ശബരിമലയുടെ വിശുദ്ധി നിലനിർത്തി അയ്യപ്പഭക്തരെ പൊലീസിന്റെ പീഡനങ്ങളിൽനിന്നു രക്ഷിക്കാൻ ബോർഡും സർക്കാരും മുൻകൈ എടുക്കണമെന്നും ഇവർ അഭ്യർത്ഥിച്ചു.
റിമാൻഡിലായവർക്ക് സ്വീകരണം
ശബരിമല സന്നിധാനത്തുനിന്ന് അറസ്റ്റിലായവരെ റിമാൻഡ്ചെയ്ത് സെൻട്രൽ ജയിലിൽ രാത്രി എത്തിച്ചപ്പോൾ ബിജെപി, ആർഎസ്എസ് പ്രവർത്തകർ സ്വീകരിച്ചതു ശരണംവിളികളോടും നാമജപത്തോടും. ഒൻപതിനു മൂന്നു ബസുകളിലായി ഇവരെ എത്തിക്കുന്നതിനു രണ്ടു മണിക്കൂർ മുൻപുതന്നെ സെൻട്രൽ ജയിലിനു മുന്നിലെ റോഡ് പ്രവർത്തകരെക്കൊണ്ടു നിറഞ്ഞു. ഇത് റോഡ് ഉപരോധമായി മാറിയതോടെ റോഡടച്ച് പൊലീസ് ഗതാഗതം വഴിതിരിച്ചുവിട്ടു.
പ്രതിഷേധക്കാരുടെ എണ്ണം ആയിരത്തോളമായി ഉയർന്നതോടെ സ്ഥലത്തു വൻ സംഘർഷാവസ്ഥയായി. തീർത്ഥാടകരുമായുള്ള ബസ് വരുമ്പോൾ തടയുമെന്ന സ്ഥിതിയായപ്പോൾ നേതാക്കളുമായി ഡിസിപി ചർച്ച നടത്തിയാണു ജയിലിലേക്കുള്ള വഴിയൊരുക്കാൻ ധാരണയായത്. നാലു പൊലീസ് ജീപ്പുകളുടെ അകമ്പടികളോടെ മൂന്നു ബസുകളിലായി അറസ്റ്റിലായ തീർത്ഥാടകരെ സെൻട്രൽ ജയിൽ ഗേറ്റിനു മുന്നിലെത്തിച്ചതോടെ ശരണംവിളികളും കൈകൊട്ടും ഉച്ചത്തിലായി. പുറത്തെ പിന്തുണ കണ്ടതോടെ അറസ്റ്റിലായ തീർത്ഥാടകർ ബസിനുള്ളിൽ എഴുന്നേറ്റുനിന്നു പ്രതിഷേധക്കാർക്കു നേരേ കൈകൂപ്പി. പ്രതിഷേധക്കാർ തടയാതിരിക്കാനായി അതിവേഗം വാഹനങ്ങൾ ജയിൽ വളപ്പിനുള്ളിലേക്കു കടന്നു. ഉടൻ ഗേറ്റടയ്ക്കുകയും ചെയ്തു. വീണ്ടും ഒരു മണിക്കൂറോളം പ്രതിഷേധം തുടർന്ന ശേഷമാണു പ്രവർത്തകർ പിരിഞ്ഞുപോയത്.
സന്നിധാനത്ത് അറസ്റ്റിലായ 68 പേരിൽ 29 പേരെയാണു പൂജപ്പുര സെൻട്രൽ ജയിലിലേക്കു കൊണ്ടുവന്നത്. മറ്റുള്ളവരെ സ്പെഷൽ സബ്ജയിലിലും ജില്ലാ ജയിലിലുമായാണു പാർപ്പിച്ചിരിക്കുന്നത്. ആകെ 750 പേരെ മാത്രം പാർപ്പിക്കാൻ സൗകര്യമുള്ള സെൻട്രൽ ജയിലിൽ ഇപ്പോൾത്തന്നെ 1723 തടവുകാരുണ്ട്. ഇതിനു പുറമെയാണ് അറസ്റ്റിലായ തീർത്ഥാടകരെക്കൂടി കൊണ്ടുവന്നത്.
പ്രതിഷേധത്തിനിടെ അക്രമവും
ശബരിമലയിലെ അറസ്റ്റിനെതിരായ പ്രതിഷേധം ചിലയിടങ്ങളിൽ അക്രമാസക്തമായി. കല്ലേറും ജീപ്പു തകർക്കലും സംഘർഷവും കൂട്ട അറസ്റ്റും നടന്നു. കോട്ടയം ജില്ലയിൽ ശബരിമല കർമസമിതി പ്രവർത്തകരും ബിജെപി- സംഘപരിവാർ പ്രവർത്തകരും പ്രകടനവും പൊലീസ് സ്റ്റേഷൻ ഉപരോധവും നാമജപവും നടത്തി. നിലയ്ക്കലിൽ ബിജെപി സംസ്ഥാന സെക്രട്ടറി കെ. സുരേന്ദ്രനെ അറസ്റ്റ് ചെയ്ത എസ്പി വി.ജി. വിനോദ് കുമാറിന്റെ ഗ്രാമറ്റത്തെ വീട്ടിലേക്കു മാർച്ചു നടത്തി. പൊലീസ് 2386 പേർക്കെതിരെ കേസെടുത്തു. ഇതിൽ 275 പേരെ അറസ്റ്റ് ചെയ്തു.
ആലപ്പുഴ ജില്ലയിലെ മാന്നാറിൽ ബിജെപി, ആർഎസ്എസ് പ്രവർത്തകർ പൊലീസ് സ്റ്റേഷനിലേക്കു നടത്തിയ മാർച്ചിനിടെ പൊലീസ് ജീപ്പിന്റെ ചില്ല് തകർത്തു. 5 പേർ അറസ്റ്റിലായി. ഞായറാഴ്ച രാത്രി വൈകി നടന്ന പ്രതിഷേധ മാർച്ച് തടഞ്ഞപ്പോൾ വടികൊണ്ടു ചില്ലു തകർക്കുകയായിരുന്നെന്നു പൊലീസ് പറഞ്ഞു. പ്രതികളെ 14 ദിവസത്തേക്കു റിമാൻഡ് ചെയ്തു. ഇടുക്കി ജില്ലയിലെ ഉപ്പുതറ പൊലീസ് സ്റ്റേഷനിലേയ്ക്കു നടത്തിയ മാർച്ചിൽ സംഘർഷം ഉണ്ടായി. തൊടുപുഴയിലും പ്രതിഷേധത്തിനിടെ സംഘർഷം. പൊലീസ് സ്റ്റേഷൻ ഉപരോധിക്കാനെത്തിയവരിൽ ചിലർ സ്റ്റേഷനു നേരെ കല്ലെറിഞ്ഞു. ബോർഡ് കല്ലേറിൽ തകർന്നു.
കൊല്ലത്തു പരവൂർ പുറ്റിങ്ങൽ ദേവീ ക്ഷേത്രത്തിൽ നിന്നു പമ്പയിലേക്കു പോകേണ്ടിയിരുന്ന കെഎസ്ആർടിസി ബസിനു നേരെ രാത്രി 7.30ന് കല്ലേറുണ്ടായി. ചില്ല് തകർന്നു. ഇന്നലെ പുലർച്ചെ ബൈക്കിലെത്തിയ സംഘം ദേശീയപാതയിൽ പുത്തൻതെരുവിനു സമീപം കെഎസ്ആർടിസി ബസിനു നേരെ കല്ലെറിഞ്ഞു. മുൻവശത്തെ ചില്ല് തകർന്നു. ഡ്രൈവറുടെ കണ്ണിനു പരുക്കേറ്റു. ഡൽഹിയിൽ അയ്യപ്പ ധർമ സംരക്ഷണ സമിതിയുടെ നേതൃത്വത്തിൽ നാമജപയാത്ര നടത്തി. വൈകിട്ടു ജന്തർ മന്തറിൽ നിന്നാരംഭിച്ചു കേരള ഹൗസിനു മുന്നിൽ സമാപിച്ച പ്രതിഷേധത്തിൽ ഒട്ടേറെപ്പേർ അണിനിരന്നു.
- TODAY
- LAST WEEK
- LAST MONTH
- സുഹൃത്തും തന്റെ ഭാര്യയുമായി അവിഹിത ബന്ധം; പകരം സുഹൃത്തിന്റെ ഭാര്യയോട് കിടപ്പറ പങ്കിടാൻ ആവശ്യപ്പെട്ടു; പൊലീസ് കേസും വഴക്കുമായപ്പോൾ ആത്മഹത്യ ചെയ്യാൻ തീരുമാനിച്ച ദമ്പതികളിൽ ഭാര്യ മരിച്ചു; പ്രേരണാക്കുറ്റത്തിന് ഭർത്താവ് അറസ്റ്റിൽ: വെച്ചൂച്ചിറയിൽ നിന്ന് ഞെട്ടിക്കുന്ന കഥ
- യുഡിഎഫ് വോട്ടുകൾ 47.24ൽ നിന്ന് 40.95 ആയി കുറയുന്നു; എന്നിട്ടും 8 മുതൽ 20 വരെ സീറ്റ് ലഭിക്കാം; എൽഡിഎഫ് വോട്ടിൽ തൽസ്ഥിതി, സീറ്റ് പൂജ്യം മുതൽ 10വരെ; വോട്ട് വർധിക്കുന്നത് എൻഡിഎക്ക്, പൂജ്യം മുതൽ 2വരെ ലഭിക്കാം; ഞെട്ടിച്ച് ട്വന്റി ട്വന്റി; മറുനാടൻ സർവേയിലെ കണക്കിന്റെ കളി ഇങ്ങനെ
- അനന്തപുരിയിൽ തരൂർ വീഴുമോ? ആറ്റിങ്ങലിൽ അടൂർ പ്രകാശിന് അടിതെറ്റുമോ? കൊല്ലത്ത് മുകേഷോ, പ്രേമചന്ദ്രനോ? പത്തനംതിട്ട ആർക്ക്? അനിൽ ആന്റണി വോട്ടുയർത്തുമോ; മാവേലിക്കരയിൽ അട്ടിമറിയോ? കേരളം ആർക്കൊപ്പം; 20 മണ്ഡലങ്ങളിലെയും മറുനാടൻ സർവേ ഫലം അറിയാം
- കെ സുരേന്ദ്രനേക്കാൾ അഞ്ചിരട്ടിയിലേറെ ജനപിന്തുണയുള്ളത് സുരേഷ് ഗോപിക്ക്; വി ഡി സതീശനെക്കാർ പിന്തുണ ശശി തരൂരിന്; എം വി ഗോവിന്ദന് വോട്ട് വെറും 2 ശതമാനം; സംസ്ഥാന ഭരണം മോശമായിട്ടും പിണറായി കേരളത്തിന്റെ ജനപ്രിയ നേതാവ് ആവുന്നത് എങ്ങനെ?
- സാമ്പിൾ വെടിക്കെട്ട് ഡ്രോണിൽ പകർത്തിയ ഒരാൾ അറസ്റ്റിൽ
- വിവാഹ വാഗ്ദാനം നൽകി പീഡിപ്പിച്ചു; കേസിൽ നിന്നും ഒഴിവാകാൻ നിയമ വിദ്യാർത്ഥിനിയുമായി വിവാഹം; രണ്ടാഴ്ചയ്ക്ക് ശേഷം ജോലിക്കെന്ന പേരിൽ തമിഴ്നാട്ടിലേക്ക് മുങ്ങി; യുവാവ് അറസ്റ്റിൽ
- ഇസ്രയേൽ ചരക്കുകപ്പലിലെ പതിനാറ് ഇന്ത്യൻ ജീവനക്കാർക്കും മടങ്ങാൻ അനുമതി നൽകിയെന്ന് ഇറാൻ സ്ഥാനപതി; അന്തിമ തീരുമാനം കപ്പലിലെ ക്യാപ്റ്റന്റേത്; ഇറാൻ കമാൻഡോകൾ പെരുമാറിയത് നല്ല രീതിയിലെന്ന് ആൻ ടെസാ ജോസഫ്
- 'സിക്സർ' പൂരവുമായി മുംബൈ ബൗളർമാരെ വിറപ്പിച്ച് അശുതോഷ്; വീരോചിത പോരാട്ടവുമായി ശശാങ്ക് സിങ്ങും; ഐപിഎല്ലിന്റെ പിറന്നാൾ ദിനത്തിൽ ആരാധകരെ ത്രസിപ്പിച്ച് ത്രില്ലർ പോരാട്ടം; ജയത്തിനരികെ പൊരുതിവീണ് പഞ്ചാബ്
- ദുവാ ഇരന്ന് മുസ്ലിം മത പണ്ഡിതർ; ഒപ്പം പ്രാർത്ഥിച്ച് ക്രിസ്ത്യൻ പുരോഹിതരും സന്യാസിമാരും; വൈറലായി പാലക്കാട്ടെ മതസൗഹാർദ ഗൃഹപ്രവേശനം; ഇതാണ് ദ റിയൽ കേരളാ സ്റ്റോറിയെന്ന് സോഷ്യൽ മീഡിയ
- സാംസൺ ആൻഡ് സൺസ് ബിൽഡേഴ്സ് ഫ്ളാറ്റ് തട്ടിപ്പ് കേസ്; പ്രതികളുടെ മുൻകൂർ ജാമ്യം തള്ളി സുപ്രീംകോടതി; ജോൺ ജേക്കബും നടി ധന്യാ മേരി വർഗീസും അടക്കമുള്ള പ്രതികൾ 15 ദിവസത്തിനകം കീഴടങ്ങണമെന്ന് കോടതി നിർദ്ദേശം; വിചാരണാ കോടതിയിൽ സ്ഥിര ജാമ്യത്തിന് അപേക്ഷ നൽകാമെന്ന് കോടതി
- കള്ളി എന്നതാണ് ഇപ്പോഴത്തെ മേൽവിലാസം.. കള്ളിയുടെ അച്ഛൻ എന്ന മേൽവിലാസവും കൊണ്ട് ആണ് 2 മാസം മുമ്പ് അച്ഛൻ മരിച്ചുപോയത്; കൂടെ ഉണ്ടായിരുന്നവരൊന്നും കൂട്ടുന്നില്ല; ഉറങ്ങിയിട്ട് വർഷം ഒന്നാകാറായി; വിദ്യ വിജയന്റെ കുറിപ്പ്
- കാസർകോട് ഇടതുമുന്നണി തിരിച്ചുപിടിക്കുമോ? കണ്ണൂരിൽ സുധാകരൻ വീഴുമോ? വടകരയിൽ ഷാഫിയോ ശൈലജയോ? കോഴിക്കോട് രാഘവേട്ടനോ, കരീംക്കയോ? രാഹുൽഗാന്ധി മാജിക്ക് ആവർത്തിക്കുമോ? എൻഡിഎ വോട്ട് ഉയർത്തുമോ? മറുനാടൻ മലയാളി ഇലക്ഷൻ സർവേയുടെ ആദ്യഘട്ട ഫലം അറിയാം
- പേരാമ്പ്രയിൽ അദ്ധ്യാപകൻ മരിച്ച നിലയിൽ; വീട്ടിലെ മുറിയിൽ മരിച്ച നിലയിൽ കണ്ടെത്തിയത് സിദ്ധാർഥന്റെ മരണവുമായി ബന്ധപ്പെട്ട കേസിലെ 11ാം പ്രതിയുടെ പിതാവ്
- ക്ഷേമപെൻഷൻ യഥാസമയം കൊടുക്കാൻ കഴിഞ്ഞില്ലെങ്കിൽ തിരിച്ചടിയെന്ന് വിലയിരുത്തൽ; പണം കണ്ടെത്താൻ സഹകരണ ബാങ്കുകളിൽ നിന്ന് 2000 കോടി കടമെടുക്കാൻ സർക്കാർ; 9.1 ശതമാനം പലിശയിൽ കടമെടുപ്പ്; ഒന്ന വർഷത്തിനുള്ളിൽ സഹകരണ ബാങ്കുകളെ സമീപിക്കുന്നത് ഇത് മൂന്നാം വട്ടം
- ത്രികോണ പോരിന് ഒടുവിൽ സുരേഷ് ഗോപി തൃശ്ശൂർ എടുക്കുമോ? പാലക്കാടൻ കാറ്റ് മാറി വീശുമോ? ആലത്തൂരിൽ രമ്യ പാട്ടുംപാടി വിജയിക്കുമോ? മലപ്പുറത്തും പൊന്നാനിയിലും ലീഗ് കോട്ടകളിൽ നേരിയ വിള്ളലെങ്കിലും വീഴുമോ? നെഞ്ചിടിപ്പേറുന്ന മണ്ഡലങ്ങളിലൂടെ മറുനാടൻ സർവേയുടെ രണ്ടാം ഘട്ടം ഫലം
- സ്കൂളിൽ പ്രാർത്ഥന വിലക്കിയ നടപടി ശരിവെച്ച് ബ്രിട്ടീഷ് കോടതി; വളരെ മികച്ചതെന്ന റേറ്റിങ് ലഭിച്ച സ്കൂളിനെതിരെ കോടതിയെ സമീപിച്ചത് മുസ്ലിം വിദ്യാർത്ഥിനി; എല്ലാ വിഭാഗങ്ങളെയും ഉൾക്കൊള്ളുന്ന സ്കൂൾ നയത്തിന്റെ വിജയമെന്ന് സ്കൂൾ അധികൃതർ
- വ്യാഴാഴ്ച പ്രാർത്ഥനയ്ക്ക് പോയിരുന്ന ജെസ്നയെ കാണാതായതും വ്യാഴാഴ്ച; ആരാധനാ സ്ഥലം കണ്ടെത്തിയെന്ന് അച്ഛൻ; രഹസ്യ സുഹൃത്തിന്റെ ഫോട്ടോയും കുടുംബം കണ്ടെത്തി! സിബിഐ സഞ്ചരിക്കാത്ത വഴികളിലൂടെ പോയ അച്ഛന് കിട്ടിയത് ഞെട്ടിക്കുന്ന വിവരങ്ങളോ? ജെസ്നയ്ക്ക് സംഭവിച്ചത് എന്ത്?
- അനന്തപുരിയിൽ തരൂർ വീഴുമോ? ആറ്റിങ്ങലിൽ അടൂർ പ്രകാശിന് അടിതെറ്റുമോ? കൊല്ലത്ത് മുകേഷോ, പ്രേമചന്ദ്രനോ? പത്തനംതിട്ട ആർക്ക്? അനിൽ ആന്റണി വോട്ടുയർത്തുമോ; മാവേലിക്കരയിൽ അട്ടിമറിയോ? കേരളം ആർക്കൊപ്പം; 20 മണ്ഡലങ്ങളിലെയും മറുനാടൻ സർവേ ഫലം അറിയാം
- ആലപ്പുഴയിലെ 'കനൽത്തരി' അണയുമോ? ചാലക്കുടിയിൽ ട്വന്റി ട്വന്റി വോട്ടുകൾ ആർക്ക് ഭീഷണിയാകും? എറണാകുളത്തും ഇടുക്കിയിലും യുഡിഎഫ് തന്നെയോ? കോട്ടയത്ത് വിജയിക്കുക ഏത് കേരളാ കോൺഗ്രസ്? മറുനാടൻ സർവേ മൂന്നാംഘട്ട ഫലം അറിയാം..
- ഇനി യുദ്ധത്തിനില്ല, ആക്രമിച്ചാൽ തിരിച്ചടിക്കും, ആക്രമണ വിവരം അമേരിക്കയെ അറിയിച്ചിരുന്നു; ഇറാനെ ലക്ഷ്യം വച്ചാൽ അമേരിക്കയുടെ താവളങ്ങൾ ലക്ഷ്യമിടും; മിസൈൽ ആക്രമണത്തിനെതിരെ ലോകരാജ്യങ്ങൾ ഒരുമിച്ചതോടെ ഇറാൻ ആകെ പെട്ട അവസ്ഥയിൽ; ഇസ്രയേൽ തിരിച്ചടി എങ്ങനെയാകും എന്ന ആശങ്കയിൽ ലോകം
- ഒരു ജൂനിയർ പറയാൻ പാടില്ലാത്ത കഥകളാണ് ശ്രീനിയുടെ മകൻ പറഞ്ഞതെന്ന് മുകേഷ്; എന്നാൽ അത് ധ്യാൻ തന്നെയാകുമെന്ന് ആരാധകർ
- ആടുജീവിതം ഇസ്ലാമോഫോബിയ പരത്തുന്ന ചിത്രമോ? നോവലിന്റെ അറബിപതിപ്പ് യുഎഇയിലും സൗദിയിലും നിരോധിച്ചത് 2014ൽ; ഇപ്പോൾ സിനിമക്കും യുഎഇ ഒഴികെയുള്ള ഗൾഫ് രാജ്യങ്ങളിൽ പ്രദർശനാനുമതിയില്ല; കേരളത്തിലെ യുക്തിവാദികൾക്കിടയിലും ചർച്ച; ആടുജീവിതം വിവാദമാവുമ്പോൾ
- അനുജയുമൊന്നിച്ച് കാർ തടിലോറിയിലേക്ക് ഇടിച്ചു കയറ്റി ഹാഷിം ജീവനൊടുക്കിയെന്ന് സഹ അദ്ധ്യാപകരുടെയും ബന്ധുക്കളുടെയും മൊഴി; അടൂരിനെ നടുക്കിയ അപകടം; സ്കൂൾ അദ്ധ്യാപികയെയും കൂട്ടി സ്വകാര്യ ബസ് ഡ്രൈവർ ആത്മഹത്യ ചെയ്തതെന്ന് സൂചന; സ്വിഫ്ട് ഡിസയർ കാർ ഓടിച്ചു കയറ്റിയത് കണ്ടെയ്നർ ലോറിയിലേക്ക്: സംഭവം കെപി റോഡിൽ പട്ടാഴമുക്കിൽ
- കള്ളി എന്നതാണ് ഇപ്പോഴത്തെ മേൽവിലാസം.. കള്ളിയുടെ അച്ഛൻ എന്ന മേൽവിലാസവും കൊണ്ട് ആണ് 2 മാസം മുമ്പ് അച്ഛൻ മരിച്ചുപോയത്; കൂടെ ഉണ്ടായിരുന്നവരൊന്നും കൂട്ടുന്നില്ല; ഉറങ്ങിയിട്ട് വർഷം ഒന്നാകാറായി; വിദ്യ വിജയന്റെ കുറിപ്പ്
- റഷ്യയിലെ ഭീകരാക്രമണത്തിൽ പിടികൂടിയ ഐസിസ് ഭീകരർ നേരിടാൻ പോകുന്നത് റഷ്യൻ പൊലീസിന്റെ സമാനതകളില്ലാത്ത മർദ്ദനമുറകൾ; ചെവിമുറിച്ച് സ്വയം ഭക്ഷിക്കുവാൻ കൊടുത്തതിന് പുറമെ വൈദ്യുതാഘാതവും വസ്ത്രമൂരി അടിയും; മരിച്ചാൽ ബന്ധുക്കൾക്ക് ശരീരം വിട്ടു നൽകുന്നത് ആന്തരികാവയവങ്ങൾ നീക്കിയ ശേഷം
- അരവിന്ദ് കേജ്രിവാൾ ഡൽഹി മദ്യനയ അഴിമതിയുടെ മുഖ്യസൂത്രധാരൻ; അനുകൂല നയം രൂപീകരിക്കാൻ കോടികൾ കൈക്കൂലി വാങ്ങി; കോഴപ്പണം കൈകകാര്യം ചെയ്യുന്നതിലും മുഖ്യമന്ത്രി ഇടപെട്ടു; കോഴപ്പണം എഎപി ഗോവ തിരഞ്ഞെടുപ്പിൽ ഉപയോഗിച്ചുവെന്നും ഇ.ഡി; പത്തു ദിവസത്തെ കസ്റ്റഡിയിൽ വിടണമെന്നും കോടതിയിൽ
- വൈകീട്ട് തിരക്കില്ലാതിരുന്നിട്ടും നിർത്താതെ പോയ കോട്ടയം ബസിന്റെ ഡ്രൈവർ ആരെന്നറിയാൻ യാത്രക്കാരൻ ഡിപ്പോയിലേക്കു വിളിച്ചു; ഇതോടെ വാളകത്തിന്റെ പ്രസക്തി ഡ്രൈവർക്ക് മനസ്സിലായി; ജോലി പോകാതിരിക്കാൻ ഇമ്പൊസിഷനും എഴുതി; ആനവണ്ടിക്ക് യജമാനൻ യാത്രക്കാരനാകുമ്പോൾ!
- പിറന്നാളിന് വാങ്ങിയത് ഓൺലൈനിൽ ഓർഡൽ ചെയ്ത കേക്ക്; ഭക്ഷ്യവിഷബാധയേറ്റ് പത്തു വയസ്സുകാരിക്ക് ദാരുണാന്ത്യം: പിറന്നാൾ പിറ്റേന്ന് ദാരുണമായി മരിച്ചത് പത്തു വയസ്സുകാരി മൻവി
- സിനിമയുടെയും ആത്മാവായ ആ സീൻ സെൻസർ ബോർഡ് വെട്ടിമാറ്റിയെന്ന് ബെന്യാമിൻ; ഷൂട്ട് ചെയ്തിട്ടില്ലെന്ന് ബ്ലെസി; അങ്ങനെ ഒന്ന് ഉണ്ടായിട്ടില്ലെന്നും എഴുത്തുകാരൻ ചേർത്തതാണെന്നും നജീബ്; ആടുമായി നജീബ് ലൈംഗിക ബന്ധത്തിൽ ഏർപ്പെടുന്ന രംഗത്തിന് എന്താണ് സംഭവിച്ചത്?
- 'എന്റെ മകൻ കെട്ടിയ താലി നീ ഇടേണ്ട'; മകന്റെ ഭാര്യയുടെ താലിമാല പൊട്ടിച്ച് കലി തുള്ളിയ 'മോഹിനി'! 35 പവനൊപ്പം 10 ലക്ഷം കൂടി വേണമെന്ന അത്യാഗ്രഹം; വീടും സ്ഥലവും മകന് എഴുതി കൊടുക്കാത്തിന് മരുമകളെ പുറത്താക്കിയ അമ്മായി അമ്മ; സത്യഭാമ വെറുമൊരു 'കലാമണ്ഡലം' അല്ല; സ്ത്രീപീഡന കേസും ചർച്ചകളിലേക്ക്
Readers Comments+
മലയാളത്തിൽ ടൈപ്പ് ചെയ്യാൻ ഇവിടെ ക്ലിക്ക് ചെയ്യുകകമന്റ് ബോക്സില് വരുന്ന അഭിപ്രായങ്ങള് മറുനാടന് മലയാളിയുടേത് അല്ല. മാന്യമായ ഭാഷയില് വിയോജിക്കാനും തെറ്റുകള് ചൂണ്ടി കാട്ടാനും അനുവദിക്കുമ്പോഴും മറുനാടനെ മനഃപൂര്വ്വം അധിക്ഷേപിക്കാന് ശ്രമിക്കുന്നവരെയും അശ്ലീലം ഉപയോഗിക്കുന്നവരെയും മറ്റു മലയാളം ഓണ്ലൈന് ലിങ്കുകള് പോസ്റ്റ് ചെയ്യുന്നവരെയും മതവൈരം തീര്ക്കുന്നവരെയും മുന്നറിയിപ്പ് ഇല്ലാതെ ബ്ലോക്ക് ചെയ്യുന്നതാണ് - എഡിറ്റര്