അണക്കെട്ടുകളും ഫാക്ടറിയുമാണ് ക്ഷേത്രങ്ങളെന്ന് നെഹ്റു പറഞ്ഞതുപോലെ പറയാൻ പിണറായി വിജയന് ധൈര്യമുണ്ടോ? ശബരിമല സ്ത്രീപ്രവേശനം മതപരിഷ്ക്കരണം മാത്രമാണ്...നവോത്ഥാനമല്ല; നവോത്ഥാനം വന്ന രാജ്യങ്ങളിൽ നടന്ന സംഭവങ്ങളും പിണറായി വിജയൻ നടത്തുന്ന കോപ്രായങ്ങളും വിലയിരുത്തിയാൽ ചിരിച്ചുപോകും; ഭരണഘടനയും ശാസ്ത്രബോധവും പ്രചരിപ്പിക്കാൻ എന്തുകൊണ്ടാണ് സിപിഎം ശ്രമിക്കാത്തത്; പറയാതെ വയ്യ, നടക്കുന്നത് നവോത്ഥാന കോമാളിത്തരങ്ങൾ തന്നെ!
എഡിറ്റോറിയൽ
ഫ്രഞ്ച് നവോത്ഥാനത്തിന്റെ സമയത്ത് എന്താണ് സ്വാതന്ത്ര്യം എന്നതുകൊണ്ട് നിങ്ങൾ ഉദ്ദേശിക്കുന്നതെന്ന ചോദ്യത്തിന് ദാർശനികനായ ഡെനിസ് ദിററോയുടെ ഒരു ക്ലാസിക്ക് മറുപടിയുണ്ട്. 'അവസാനത്തെ രാജാവിനെ അവസാനത്തെ പുരോഹിതന്റെ കുടൽമാലയിൽ കഴുത്ത് മുറുക്കി കൊല്ലുമ്പോൾ മാത്രമേ മനുഷ്യൻ സ്വാതന്ത്ര്യം അനുഭവിക്കൂ'- അതായത് മതത്തെയും പൗരോഹിത്യത്തെയും എകാധിപത്യത്തെയും ഒരുപോലെ തള്ളിപ്പറഞ്ഞുകൊണ്ടേ നിങ്ങൾക്ക് നവോത്ഥാനവും സ്വതന്ത്ര ചിന്തയും വളർത്താൻ കഴിയൂ.
വോൾയട്ടറുടെ പ്രസിദ്ധമായ ഒരു ഉദ്ധരണിയുണ്ട്. ആരാണ് നിങ്ങളുടെ ഭരണാധികാരികൾ എന്ന് ചോദ്യത്തിന് മറുപടിയായി. 'നിങ്ങൾക്ക് ഏറെ പരാതികൾ ഉള്ളപ്പോഴും നിങ്ങൾ ആർക്കെതിരെയാണ് മിണ്ടാതിരിക്കുന്നത്. നിങ്ങൾക്ക് ഒരുപാട് പ്രതിഷേധങ്ങൾ ഉള്ളപ്പോഴും ആർക്കെതിരേയാണ് നിങ്ങൾ മൗനം പാലിക്കുന്നത്. നിങ്ങൾക്ക് ഒരുപാട് വിമർശനം ഉന്നയിക്കാൻ താൽപര്യമുള്ളപ്പോഴും നിങ്ങളുടെ ഭാഷ മയപ്പെടുത്തുകയും നിങ്ങളുടെ ശരീര ഭാഷ ലളിതമാക്കപ്പെടുകയും ചെയ്യുന്നത് ആർക്കെതിരെയാണ്. അവരാണ് നിങ്ങളുടെ ഭരണാധികാരികൾ'. വോൾട്ടയർ ഉദ്ദേശിച്ചത് മതത്തെ തന്നെയാണ്. (കേരളത്തിലടക്കം ഇന്നും അതുതന്നെ അവസ്ഥ) അതായത് മതനിരാസവും ശാസ്ത്രവും സ്വതന്ത്രചിന്തയും വളർത്തലാണ് യഥാർഥ നവോത്ഥാനം. യൂറോപ്യൻ രാജ്യങ്ങളിലെ റിനായിസൻസ് വന്നത് അങ്ങനെയാണ്. ദൈവത്തിനുള്ളത് ദൈവത്തിന്, സീസറിനുള്ളത് സീസറിന് എന്ന ആപ്തവാക്യമാണ് പാശ്ചാത്യ രാജ്യങ്ങളുടെ വളർച്ചക്ക് അടിസ്ഥാനമെന്ന് കാൾ സാഗനും നിരീക്ഷിച്ചിരുന്നു.
നവോത്ഥാനത്തെക്കുറിച്ച് ഇത്രയും പറഞ്ഞത് കേരളത്തിൽ ഇപ്പോൾ ശബരിമലയിൽ സ്ത്രീകളെ കയറ്റിയത് വലിയ നവോത്ഥാനമാണെന്നും മുഖ്യമന്ത്രി പിണറായി വിജയൻ നവോത്ഥാന നായകനാണെന്നും വ്യാപകമായ പ്രചാരണം നടക്കുന്ന സാഹചര്യത്തിലാണ്. യഥാർഥത്തിൽ നവോത്ഥാനം വന്ന രാജ്യങ്ങളിൽ നടന്ന സംഭവങ്ങളും പിണറായി വിജയൻ നടത്തുന്ന കോപ്രായങ്ങളും വിലയിരുത്തിയാൽ ചിരിച്ചുപോകും. മതത്തെ ഭരണകൂടത്തിൽ നിന്ന് മാറ്റി നിർത്തുകയായിരുന്നു യൂറോപ്യൻ നവോത്ഥാനത്തിന്റെ അടിസ്ഥാനമെങ്കിൽ, സ്റ്റേറ്റിന്റെ സഹായത്തോടെ ആരാധനാലയത്തിൽ ഒളിച്ചുകയറുക എന്നതായിരിക്കുന്നു കേരളാ മോഡൽ നവോത്ഥാനം!
ശബരിമല വിഷയത്തിൽ പ്രശ്നക്കാരായ സംഘപരിവാറിനെപ്പോലെ തന്നെ വിമർശിക്കപ്പെടേണ്ടതാണ് സർക്കാറിന്റെ നിലപാടും. ഈ വിഷയത്തിൽ സർക്കാർ നടത്തിയ ഒരുപാട് കോപ്രായങ്ങൾ നോക്കുക. സ്ത്രീകൾക്ക് സംരക്ഷണം നൽകുമെന്ന് വലിയ വായിൽ പറയുക, സ്ത്രീകൾ എത്തുമ്പോൾ പൊലീസിനെ വിട്ട് തടയുക. എന്നിട്ട് ഇത്തരം സ്ത്രീകളുടെ വീട് അടിച്ചു തകർക്കുന്നത് നോക്കി നിൽക്കുക. ഒടുവിൽ അർധരാത്രിയിൽ പൊലീസ് സംരക്ഷണത്തോടെ സ്ത്രീകളെ ഒളിച്ചു കടത്തുക. നര മേക്കപ്പിട്ട് വൃദ്ധയായി വരുന്ന സ്ത്രീകൾക്ക് ഒത്താശ ചെയ്യുക. ഏറ്റവും ഒടുവിലായി ശബരിമല കയറിയെന്ന് പറയുന്ന 51 പേർ ഉണ്ടെന്ന് പറഞ്ഞ് സുപ്രീം കോടതിയിൽ കൊടുത്തത് നോക്കുക. അതിൽ പുരുഷന്മാർ വരെയുണ്ട്. മിക്കവരുടെയും പ്രായം തെറ്റാണു താനും. ഒരു പ്രത്യേകതരം നവോത്ഥാനം തന്നെ!
സത്യത്തിൽ ഒരു ജനാധിപത്യ സർക്കാർ ചെയ്യേണ്ടിയിരുന്നത് എന്താണ്. തീർച്ചയായും വിധി നടപ്പാക്കുക തന്നെയാണ്. എണ്ണക്കിണറിൽ ഇറങ്ങാനും അഴുക്കുചാൽ വൃത്തിയാക്കാനും സ്ത്രീക്കും പരുഷനും ഒരുപോലെ അധികാരമുണ്ട്. അതുപോലെ ലിംഗ നീതി ക്ഷേത്രങ്ങളിലും വേണം. പക്ഷേ ഇവിടെയാണ് പ്രശ്നം. ശബരിമലയിൽ കയറാൻ വരുന്ന സ്ത്രീകൾക്ക് സംരക്ഷണം കൊടുക്കേണ്ട ബാധ്യത മാത്രമേ സർക്കാറിനുള്ളൂ. അല്ലാതെ വേഷം കെട്ടിച്ച് സർക്കാർ സ്പോൺസേഡ് പ്രവേശനം എന്തിനായിരുന്നു. ഗവൺമെന്റ് എന്നത് ഒരു നിഷ്പക്ഷ സാധനമാണ്. അമ്പലത്തിൽ ആളെ കയറ്റുന്നത് സർക്കാറിന്റെ ബാധ്യതയല്ല. പക്ഷേ ഇവിടെ സർക്കാർ ശബരിമലയിൽ സ്ത്രീകളെ ഒളിച്ചുകടത്തുന്നത് നവോത്ഥാനമാണെന്ന് വിശ്വസിക്കുന്നു! മാത്രമല്ല അമ്പത്തൊന്ന് പേർ കയറിയെന്ന് വീമ്പടിക്കാനും സർക്കാർ ശ്രമിക്കുന്നു.
ശബരിമലയിൽ കയറാൻ വരുന്ന സ്ത്രീകൾക്ക് സംരക്ഷണം കൊടുക്കേണ്ട ബാധ്യത മാത്രമേ സർക്കാറിനുള്ളൂ. അല്ലാതെ വേഷം കെട്ടിച്ച് സർക്കാർ സ്പോൺസേഡ് പ്രവേശനം എന്തിനായിരുന്നു. ഗവൺമെന്റ് എന്നത് ഒരു നിഷ്പക്ഷ സാധനമാണ്. അമ്പലത്തിൽ ആളെ കയറ്റുന്നത് സർക്കാറിന്റെ ബാധ്യതയല്ല. പക്ഷേ ഇവിടെ സർക്കാർ ശബരിമലയിൽ സ്ത്രീകളെ ഒളിച്ചുകടത്തുന്നത് നവോത്ഥാനമാണെന്ന് വിശ്വസിക്കുന്നു! മാത്രമല്ല അമ്പത്തൊന്ന് പേർ കയറിയെന്ന് വീമ്പടിക്കാനും സർക്കാർ ശ്രമിക്കുന്നു.വൈരുധ്യാധിഷ്ഠിത ഭൗതിക വാദം അടിസ്ഥാന പ്രമേയമായ ഒരു ആശയത്തിൽ വിശ്വസിക്കുന്ന സംഘടനയിലാണ് പിണറായി പ്രവർത്തിക്കുന്നത്. അതായത് കമ്യൂണിസ്റ്റുകാർ തീർത്തും ഭൗതികവാദികളാണ്. നിരീശ്വരരാണ്. അടിസ്ഥാനമായി ശബരിമലയിലെ സ്ത്രീ പ്രവേശനം ഒരു മത പരിഷ്ക്കരണം മാത്രമാണ്. മത നിരാസമായിരുന്നു യൂറോപ്യൻ നവോത്ഥാനത്തിന്റെ അടിത്തറ. ആദ്യത്തെ അമ്പരപ്പ് കഴിഞ്ഞാൽ ശബരിമലയിലേക്ക് സ്ത്രീകൾ ഇരച്ചുകയറും. അടുത്ത പത്തുവർഷത്തിനുശേഷം ശബരിമലയിൽ മുഴുവൻ സ്ത്രീകളാവാനുള്ള സാധ്യത വളരെ കൂടുതലാണ്. ഉദാഹരണമായി ക്ഷേത്രപ്രവേശന വിളംബരം നടന്ന ആദ്യത്തെ അഞ്ചുവർഷക്കാലം ദലിതർ അടക്കമുള്ളവർ ക്ഷേത്രങ്ങളിൽ കയറിയിട്ടില്ലായിരുന്നു. പിന്നെ പതുക്കെ അവസ്ഥ മാറി. സ്ത്രീകൾക്ക് അടുത്തകാലത്ത് മാത്രം പ്രവേശനം കിട്ടിയ മഹാരാഷ്ട്രയിലെ ശനി ക്ഷേത്രത്തിലും ഇന്ന് സ്ത്രീകളുടെ തിരക്കാണ്. തൃപ്തി ദേശായി വഴി തുറന്നുകൊടുക്കപ്പെട്ട മിക്ക ക്ഷേത്രങ്ങളുടെയും അവസ്ഥ ഇതുതന്നെ. ഭാവിയിൽ ശബരിമലയിലും സ്വാഭവികമായി ഇതു സംഭവിക്കും. അതിന് വിശ്വാസത്തിന്റെ ഇരകളായ മനുഷ്യർക്ക് അൽപ്പം സമയം കൊടുക്കണം. പക്ഷേ ഈ ഗവൺമെന്റിന്റെ കാലത്തുതന്നെ, ഈ മണ്ഡലകാലത്തുതന്നെ സ്ത്രീകൾ ശബരിമലയിൽ കയറിയില്ലെങ്കിൽ തന്റെ ഇരട്ടചങ്ക് പറിഞ്ഞുപോവുമെന്ന ധാരണയാണ് മുഖ്യമന്ത്രിക്ക്.
യഥാർഥത്തിൽ ഭൗതികവാദത്തിൽ വിശ്വസിക്കുന്ന മുഖ്യമന്ത്രി ഇതായിരുന്നു പറയേണ്ടിയിരുന്നത്. അണക്കെട്ടുകളും ഫാക്റിയുമാണ് ഇന്ത്യയുടെ ക്ഷേത്രങ്ങളെന്ന് ജവഹർലാൽ നെഹ്റു പറഞ്ഞതുപോലെ പറയാൻ പിണറായി വിജയന് ധൈര്യമുണ്ടോ? ഇപ്പോൾതന്നെ മുപ്പത്തിമുക്കോടി ദൈവങ്ങളുടെ അന്ധവിശ്വാസ ഭാണ്ഡം പേറുന്ന കേരളത്തിലെ സ്ത്രീകളെ പുതിയ ഒരു അന്ധവിശ്വാസത്തിലേക്ക് തള്ളിയിടുന്നതിനെ നവോത്ഥാനം എന്ന വിളിക്കാൻ സൈബർ കമ്മികൾക്ക് മാത്രമേ കഴിയൂ. ഒരു ക്ഷേത്രം കത്തിനശിച്ചാൽ അത്രയും അന്ധവിശ്വാസങ്ങൾ ഇല്ലാതായി എന്നു പറഞ്ഞ കോൺഗ്രസ് മുഖ്യമന്ത്രി സി.കേശവനെ നമിച്ചുപോകുന്നു. ശബരിമല ഒരു വർഷം അടച്ചിട്ടാലും ഒരു കുഴപ്പവുമില്ല. പക്ഷേ കെഎസ്ഇബി ഒരു മണിക്കൂർ അടച്ചിട്ടാൽ നിങ്ങൾ വിവരം അറിയും. കെഎസ്ഇബിയാണ് കേരളത്തിന്റെ ക്ഷേത്രമെന്ന് പറയാൻ നട്ടെല്ലുള്ള ആരെങ്കിലും ഈ നാട്ടിൽ ഉണ്ടോ? അവിടെയായിരുന്നില്ലേ ഇരട്ടച്ചങ്ക് കാണേണ്ടിയിരുന്നത്.
എന്നിട്ട് ഈ മതസംരക്ഷണ കാര്യത്തിന് ഭൗതികവാദികളായ പിണറായിയും കൂട്ടരും പാവങ്ങളുടെ നികുതിപ്പണം ഉപയോഗിച്ച് ജാതിസംഘടനകളെ കൂട്ടുപിടിച്ച് മതിലുകെട്ടിയത് നോക്കുക. മതപരിഷ്ക്കരണത്തിനുള്ള മതിൽ നവോത്ഥാന മതിലായി. ക്ഷേത്രപ്രവേശന വിളംബരത്തിലും മറ്റും സഞ്ചാര സ്വാതന്ത്ര്യത്തിന്റെയൊക്കെ പ്രശ്നമുണ്ടായിരുന്നു. പക്ഷേ ഇവിടെയോ. ലിംഗ നീതിയെ അംഗീകരിക്കുമ്പോൾ തന്നെ ഇത് നവോത്ഥാനമല്ലെന്നും അതിനായി ചെലവിടാൻ ഞങ്ങളുടെ കൈയിൽ പണമില്ലെന്നുമായിരുന്നു സിപിഎമ്മിനെപോലെ ഒരു പാർട്ടി എടുക്കേണ്ട നിലപാട്.
ഇനി പിടിവാശി ഇല്ലായിരുന്നെങ്കിൽ മറ്റൊരു കാര്യം സാധിക്കുമായിരുന്നു. കോടതി വിധി വന്ന ഉടനെ സർവ്വകക്ഷികളെയും മത-സാമുദായിക സംഘടനകളെയും സാംസ്കാരിക സംഘങ്ങളെയും വിളിച്ചു കൂട്ടി വിധി നടപ്പാക്കലൊക്കെ കൂട്ടായ തീരുമാനത്തിനു വിടുമായിരുന്നു. 'സാവകാശം വേണം' എന്ന ഒരു തീരുമാനമെടുക്കാൻ പ്രായോഗിക ബുദ്ധിയുള്ള ആർക്കും നിഷ്പ്രയാസം സാധിക്കുന്ന കാലമായിരുന്നു. പ്രളയം തകർത്ത നാടിനെ പുതുക്കിപ്പണിയേണ്ട ഘട്ടമായിരുന്നല്ലോ അത്. പക്ഷെ 'സാവകാശം വേണം' 'ബോധവൽക്കരണം നടത്താൻ സമയം വേണം' എന്നു പറഞ്ഞവരെയൊക്കെ ബ്രാഹ്മണിക്കൽ അജണ്ടയുടെ ഭാഗമാക്കി മാറ്റുന്നതാണ് കേരളം കണ്ടത്.
ഇനി പിടിവാശി ഇല്ലായിരുന്നെങ്കിൽ മറ്റൊരു കാര്യം സാധിക്കുമായിരുന്നു. കോടതി വിധി വന്ന ഉടനെ സർവ്വകക്ഷികളെയും മത-സാമുദായിക സംഘടനകളെയും സാംസ്കാരിക സംഘങ്ങളെയും വിളിച്ചു കൂട്ടി വിധി നടപ്പാക്കലൊക്കെ കൂട്ടായ തീരുമാനത്തിനു വിടുമായിരുന്നു. 'സാവകാശം വേണം' എന്ന ഒരു തീരുമാനമെടുക്കാൻ പ്രായോഗിക ബുദ്ധിയുള്ള ആർക്കും നിഷ്പ്രയാസം സാധിക്കുന്ന കാലമായിരുന്നു. ഒരു വിഭാഗം മാത്രം പുരോഗമനകാരികളും മറ്റെല്ലാവരും വർഗ്ഗീയക്കോമരങ്ങളുമെന്ന ലളിത വിശകലനവും അപകടമുണ്ടാക്കി. ആർത്തവത്തെ അശുദ്ധമായി കാണുന്നവരൊക്കെ സവർണ്ണർ മാത്രമാണെന്നും നാമജപക്കാരൊക്കെ ശൂദ്രർ ആരാണെന്നുമൊക്കെ ചിത്രീകരണങ്ങൾ നടന്നു. അയ്യപ്പനു ഏറ്റവും കൂടുതൽ ഭക്തർ ഉള്ളത് പിന്നോക്ക ദളിത് വിഭാഗക്കാർക്കിടയിലാണെന്നും അവരുടെ അത്രക്ക് ഇത്തരം ആചാരങ്ങൾ മുറുകെപ്പിടിക്കുന്നവരായി മറ്റൊരുമില്ല എന്ന കാര്യം വിസ്മരിച്ചായിരുന്നു അത്.
പുറത്തെന്തു ചിത്രീകരിച്ചാലും വിശ്വാസികളിൽ മൃഗീയ ഭൂരിപക്ഷവും സ്ത്രീ പ്രവേശനത്തെ എതിർക്കുകയാണ് എന്ന വിവരം പാർട്ടി അനുഭാവികളുടെ കുടുംബങ്ങളിൽ നിന്നുള്ള കണക്കെടുപ്പോടെ തന്നെ സർക്കാരിന് മനസ്സിലായിട്ടുണ്ടാകണം. അതുകൊണ്ട് തന്ത്രപുർവം സിപിഎം എടുത്ത പരിപാടിയായിരുന്നു, ഒരേ സമയം പുരോഗമനം പറയുകയും എന്നാൽ സ്ത്രീകളെ തടയുകയും ചെയ്യുക എന്നത്. ആർത്തവാചാരം ഇവിടെ വർഷങ്ങളായുണ്ട്. ഇനി ഒരു വർഷം കൂടി അത് തുടർന്നാലും വല്ലാതെ വൈകുകയൊന്നുമില്ല. അഹങ്കാരം മാറ്റി വെച്ച് സൗമ്യമായി ഈ വിഷയം ചർച്ചക്കെടുത്താൽ പൊതു സമൂഹത്തിൽ തീർച്ചയായും മാറ്റങ്ങൾ ഉണ്ടാകും. ആർത്തവം എന്തെന്ന് ജനങ്ങളെ ബോധവത്ക്കരിക്കണം. മാറ്റാനാകാത്ത ഒരാചാരവുമില്ലെന്ന് ഉദാഹരണ സഹിതം പറഞ്ഞു കൊടുക്കണം. അതിന് ശാസ്ത്ര പ്രചാരണമാണ് വേണ്ടത്. അല്ലാതെ പർദ കാണ്ട് മുഖം മറച്ച സ്ത്രീകളെ വരെ അണിനിരത്തി നവോത്ഥാന മതിൽ പടുക്കലല്ല.
ജനങ്ങൾ പാലിക്കേണ്ട നിയമങ്ങൾ തീരുമാനിക്കുന്നത് മതങ്ങളല്ലെന്നും ജനാധിപത്യത്തിൽ പൗരോഹിത്യത്തിന് റോളില്ലെന്നുമൊക്കെ ഇടക്കിടക്ക് രാഷ്ട്രീയക്കാർക്ക് പറയാവുന്നതാണ്. ക്ഷേ ആരും പറയില്ല. പക്ഷെ ഇലക്ഷനാകുമ്പോൾ അരമനയിലും പള്ളിയിലും കയറിയിറങ്ങുകയും ചെയ്യും. ഇതൊക്കെ കണ്ടുവളർന്ന ഒരു വിശ്വാസി ശബരിമല വിഷയത്തിൽ വയലന്റ് ആയതിൽ അത്ഭുതമുണ്ടോ. അവന് ആ രീതിയിലുള്ള മസ്തിഷ്ക്ക പരിശീലനമാണ് ഏത് പാർട്ടിയിൽനിന്നും കിട്ടുന്നത്.
ശാസ്ത്രവും സ്വതന്ത്ര ചിന്തയും പ്രചരിപ്പിച്ച് മനുഷ്യനെ കൂടുതൽ ജനാധിപത്യവാദിയാക്കുകയും പുരോഗമനവാദിയാക്കുകയുമാണ് സത്യത്തിൽ നവോത്ഥാനം. ഇപ്പോൾ വനിതാമതിലിന്റെ പ്രചാരണത്തിനുവേണ്ടി പൊടിതട്ടിയെടുത്ത ഇന്ത്യൻ ഭരണഘടന ഇവിടുത്തെ പുരോഗമന വാദികൾ എന്ന് പറയുന്ന സിപിഎം എപ്പോഴെങ്കിലും പ്രചരിപ്പിച്ചിട്ടുണ്ടോയെന്ന് സംശയമാണ്. ഭരണഘടനാപരമായ ധാർമ്മികതയ്ക്ക് താഴെയാണ് മത സ്വാതന്ത്ര്യമെന്നതും മൗലികഅവകാശങ്ങൾ തടയുമ്പോൾ നിലനിൽക്കുന്നതല്ല മതാവകാശങ്ങൾ എന്നും നിങ്ങൾ എപ്പോഴെങ്കിലും ബാലസംഘം ക്ലാസുകളിലെങ്കിലും പഠിപ്പിച്ചിട്ടുണ്ടോ.
പകരം ഒരു പൂജാരിയും മൗലവിയും വികാരിയച്ചനും ചേർന്ന് നിന്നാൽ മതസൗഹാർദമായി എന്ന വ്യാജ സന്ദേശമാണ് സിപിഎം സർക്കിളുകളിൽപോലും മുഴങ്ങിക്കേട്ടത്. ശബരിമല യാത്രികർക്ക് ചുക്കുകാപ്പി കൊടുത്തും, ഹജ്ജ് യാത്രികർക്ക് മോരും വെള്ളം കൊടുത്തും, മലയാറ്റുർ തീർത്ഥാടകൾക്ക് സർബത്തുകൊടുത്തുമൊക്കെ മതത്തെ കൃത്യമായി തൃപ്തിപ്പെടുത്തിവെക്കാൻ മുന്നിൽ നിന്നത് സിപിഎമ്മിനെപോലുള്ള ഭൗതികവാദ പാർട്ടികളാണ്. സ്കുളുകളും കോളജുകളും കൊടുത്ത് ഇടക്കിടെ പ്രീണിപ്പിച്ച് നിർത്തേണ്ട സംഘടനകളാണ് മത സംഘടനകൾ എന്ന ധാരണ വരുത്തിയതിൽ സിപിഎമ്മിനും പങ്കില്ലേ. (കണ്ണൂരിൽ നടന്ന മതേതര ശ്രീകൃഷ്ണ ജയന്തിയൊക്കെ ഓർത്തുനോക്കു. ശ്രീകൃഷ്ണൻ ഒരു മതകഥയാണെന്ന് പറയേണ്ട ഭൗതികവാദികളാണ് ഇങ്ങനെ ചെയ്യുന്നത്) ശാസ്ത്രവും മാനവികതയുമൊക്കെ പ്രചരിപ്പിച്ച ശാസ്ത്ര സാഹിത്യ പരിഷത്തുപോലുള്ള സംഘടനകൾ പുകയില്ലാത്ത അടുപ്പുപോലെയുമായി ജനങ്ങൾ പാലിക്കേണ്ട നിയമങ്ങൾ തീരുമാനിക്കുന്നത് മതങ്ങളല്ലെന്നും ജനാധിപത്യത്തിൽ പൗരോഹിത്യത്തിന് റോളില്ലെന്നുമൊക്കെ ഇടക്കിടക്ക് രാഷ്ട്രീയക്കാർക്ക് പറയാവുന്നതാണ്.പക്ഷേ ആരും പറയില്ല. പക്ഷെ ഇലക്ഷനാകുമ്പോൾ അരമനയിലും പള്ളിയിലും കയറിയിറങ്ങുകയും ചെയ്യും. ഇതൊക്കെ കണ്ടുവളർന്ന ഒരു വിശ്വാസി ശബരിമല വിഷയത്തിൽ വയലന്റ് ആയതിൽ അത്ഭുതമുണ്ടോ.
എല്ലാമതവും അതാതുകാലത്തെ പഞ്ചായത്ത് വിവരങ്ങൾ മാത്രമുള്ള കഥകൾ മാത്രമാണെന്നും ശാസ്ത്രവും മാനവികതയും ജനാധിപത്യവുമാണ് നവോത്ഥാനമെന്നും ഇവർ ഇനിയെങ്കിലും പഠിപ്പിക്കട്ടെ. എല്ലാ മതവും ഒന്നാണ് എന്നാണോ അതോ ഒരു മതവും ഒന്നുമല്ല എന്നാണോ നാം ആധുനിക കാലത്ത് ചോദിക്കേണ്ടത്. സിപിഎം നേതാക്കളുടെ ഭാര്യമാർ പോലും 19ാം നൂറ്റാണ്ടിലെ കുലസ്ത്രീകളുടെ മനോഭാവമായി ജീവിക്കുന്നത് അവർക്ക് മതമൂല്യങ്ങൾ മാത്രം കിട്ടുന്നതുകൊണ്ടാണ്. ഈ അനുഭവത്തിൽനിന്ന് പാഠമുൾക്കൊണ്ടെങ്കിലും ശാസ്ത്രബോധവും പരിഷ്ക്കരണത്വരയുമുള്ള ഒരു തലമുറയെ സൃഷ്ടിക്കാൻ സർക്കാർ ശ്രമിച്ചിരുന്നെങ്കിൽ. നമ്മുടെ ഭരണഘടനാ ശിൽപ്പികൾ അതാണ് വിഭാവനം ചെയ്തത്.
വാൽക്കഷ്ണം:
ഇന്ത്യൻ ജനതയുടെ എറ്റവും വലിയ കരുത്ത് ഇന്ത്യൻ ഭരണഘടന തന്നെയാണ്. അതുള്ള കാലത്തോളം ഈ രാജ്യം മതേതരമായി തുടരും. രാമായണമോ, ഭാരതമോ, ഖുർആനോ ബൈബിളോ പ്രരിപ്പിക്കാനല്ല ഇന്ത്യൻ ഭരണഘടന നിങ്ങളോട് പറയുന്നത്. ആർട്ടിക്കിൾ 51 a (h) പ്രകാരം ശാസ്ത്രബോധവും, മനുഷ്യത്വവും, അന്വേഷണത്വരയും വളർത്തുക നമ്മുടെ മൗലികമായ കർത്തവ്യമാണ്. ലോകത്ത് എറ്റവും കൂടുതൽ വിശ്വാസികളും എന്തിന് മതാന്ധരുമുള്ള ഒരു രാജ്യത്തിന്റെ ഭരണഘടനയാണ് ഇങ്ങനെ ആവശ്യപ്പെടുന്നത്. ഒറ്റ വികസിത രാജ്യങ്ങൾപോലും ശാസ്ത്രപ്രചാരണം പൗരന്റെ കർത്തവ്യമായി കൊടുത്തിട്ടില്ല എന്നത് മറന്നുപോകരുത്. മതിലുകെട്ടാൻ ആളെക്കൂട്ടേണ്ട സമയത്ത് മാത്രം പൊടിതട്ടിയെടുക്കേണ്ടതല്ല ഇന്ത്യൻ ഭരണഘടനയെന്ന് ചുരുക്കം.
Stories you may Like
- TODAY
- LAST WEEK
- LAST MONTH
- സൗബിൻ സാഹിറിനെതിരെ മരട് പൊലീസ് ചുമത്തിയത് ഗൗരവതരമുള്ള വകുപ്പുകൾ; മരട് ഇൻസ്പെക്ടർ തയ്യാറാക്കിയ എഫ് ഐ ആറിലേത് അക്കൗണ്ട് വഴി പണം കൈമാറിയിട്ടും വഞ്ചിച്ചെന്ന ആരോപണം; ചുമത്തുന്നത് വഞ്ചനയും ക്രിമിനൽ ഗൂഢാലോചനയും; 'മഞ്ഞുമ്മൽ ബോയ്സ്' അറസ്റ്റിലാകാൻ സാധ്യത ഏറെ; ആ 47 കോടി തിരിച്ചു കൊടുക്കേണ്ടി വരും
- 'പക്ഷെ' കൾക്ക് ഇനി സ്ഥാനമില്ല; ജൂലായിൽ അനധികൃത അഭയാർത്ഥികളുമായുള്ള വിമാനം ബ്രിട്ടനിൽ നിന്നും റുവാണ്ടയിലേക്ക് പറന്നിരിക്കും; പാർലമെന്റിൽ റുവാണ്ട ബിൽ നിയമമാക്കി വീണ്ടും കരുത്ത് തെളിയിച്ച് ഇന്ത്യൻ വംശജനായ പ്രധാനമന്ത്രി ഋഷി സുനക്
- എന്തെങ്കിലും സ്വയം വിമർശനം വേണമെന്ന് തോന്നിയിട്ടുണ്ടോയെന്ന് നികേഷ് കുമാറിന്റെ ചോദ്യം; 'നിങ്ങൾ ചെയ്യുന്ന ചെറ്റത്തരത്തിന് ഞാനാണോ സ്വയം വിമർശനം നടത്തേണ്ടത്? കലിയിളകി പിണറായിയുടെ മറുപടി; മാധ്യമങ്ങൾക്ക് നിലവിട്ട സമീപനമെന്നും വിമർശനം
- ഡ്രസ്സിങ് റൂമിലേക്ക് കാമറ തിരിച്ചു; ഐപിഎൽ കാമറാമാന് നേരെ വെള്ളക്കുപ്പി എറിയാനോങ്ങി ധോണി; കലിപ്പിന് കാരണം അന്വേഷിച്ച് ആരാധകർ
- ബ്രിട്ടന്റെ ജയിലുകളിലെ പകുതിയിലേറെ വനിത ഗാർഡുമാരും ജയിൽ പുള്ളികളുമായി അവിഹിത ബന്ധം പുലർത്തുന്നവർ; പുരുഷ തടവുകാരായി ലൈംഗിക ബന്ധം പുലത്തിയതിന്റെ പേരിൽ കഴിഞ്ഞ വർഷം മാത്രം പുറത്താക്കിയത് 18 വനിതാ ജീവനക്കാരെ
- 'തോൾ ചേർന്ന് നിന്നോളൂ, സിപിഎം കാവലുണ്ട്'; ആന്റോയും പിഷാരടിയും ഫിറോസുമുള്ള ചിത്രവുമായി സൈബർ സഖാവിന്റെ ഫേസ്ബുക്ക് പോസ്റ്റ്; മനുഷ്യരാണ്, മതം ചികയല്ലേയെന്ന് ആന്റോ ജോസഫ്; നിങ്ങൾ 'സംരക്ഷിച്ച' ടി. പിയുടെ വടകരയിൽ നിന്നാണ് ചിത്രമെന്നും നിർമ്മാതാവിന്റെ മറുപടി
- കൈവിലങ്ങിട്ടാൽ മതിൽ കയറാനാകില്ലെന്ന് പറഞ്ഞ പ്രതി; മതിൽ കയറിയാൽ ചാടിയോടാനുള്ള സാധ്യത കണ്ടെത്തിയ അന്വേഷകൻ; മതിലിലേക്ക് കയറ്റും മുമ്പ് അവിടെ ഒരുക്കിയൽ 'പൊലീസ് മതിൽ'! ബീഹാറി റോബിൻഹുഡ് എന്തിനും മിടിക്കില്ലെന്ന് തിരിച്ചറിഞ്ഞ ബ്രില്ലിയൻസ്; രാജ്കുമാർ എന്തുകൊണ്ട് 'സേതുരാമയ്യർ' ആയി? ഈ വീഡിയോ കാണം
- കോവിഡ് വാക്സിൻ എടുത്തനാൾ മുതൽ മറ്റൊരാൾക്ക് കുത്തിവയ്പ്പ് നൽകണമെന്ന് ആഗ്രഹം; ചിന്നമ്മയെ കണ്ടതും റാന്നിയിൽ പോയി സിറിഞ്ച് വാങ്ങിയെത്തി ആഗ്രഹം നടത്തി; കോവിഡ് വാക്സിൻ എന്ന് തെറ്റിധരിപ്പിച്ച് വയോധികയ്ക്ക് കുത്തിവയ്പ് എടുത്തതിൽ ദുരൂഹത; ആ മൊഴി അവിശ്വസനീയം
- ഹോളിവുഡ് പ്രൊഡക്ഷന്റെ ഓഡിഷനിൽ പങ്കെടുത്ത് ഫഹദ് ഫാസിൽ; അവർ എനിക്ക് അഭിനയിക്കാൻ ഒരു സീൻ തന്നു; ആ സീനിനു മുൻപോ അതിനു ശേഷമോ എന്താണെന്ന് അറിയില്ലെന്ന് ഫഹദ്
- ന്യൂനപക്ഷങ്ങൾക്കെതിരേ വസ്തുതാവിരുദ്ധമായി പറയുന്നതെല്ലാം അപ്പാടെ വിശ്വസിച്ച് മതേതരത്വത്തെ തല്ലിക്കൊല്ലുന്ന ആൾക്കൂട്ടമല്ല ഇന്ത്യയിലെ ഭൂരിപക്ഷം; മോദി മുസ്ലിംകൾക്കെതിരെ നടത്തിയത് നിന്ദാപരമായ പ്രസംഗം; പ്രധാനമന്ത്രിയുടെ വിദ്വേഷ പ്രസംഗത്തിനെതിരെ ദീപിക മുഖപ്രസംഗം; ബിജെപിയുടെ വോട്ടു മോഹത്തിന് തിരിച്ചടിയോ ?
- ഇറാനിൽ ഇസ്രയേലിന്റെ വ്യോമാക്രമണം ഇന്ത്യൻ വിപണിക്ക് ആശങ്കയാകുന്നു; കുതിച്ചുയർന്ന് ക്രൂഡോയിൽ വില; ബാരലിന് 90 ഡോളറിലെത്തി; ഇപ്പോഴത്തെ നിലയിൽ വില 100 ഡോളർ വരെ ഉയർന്നേക്കുമെന്ന് ആശങ്ക; ഇറാൻ-ഇസ്രയേൽ പോര് പശ്ചിമേഷ്യയിലെ സ്ഥിതിഗതികൾ കൂടുതൽ ആശങ്കപ്പെടുത്തുന്നു
- സുഹൃത്തും തന്റെ ഭാര്യയുമായി അവിഹിത ബന്ധം; പകരം സുഹൃത്തിന്റെ ഭാര്യയോട് കിടപ്പറ പങ്കിടാൻ ആവശ്യപ്പെട്ടു; പൊലീസ് കേസും വഴക്കുമായപ്പോൾ ആത്മഹത്യ ചെയ്യാൻ തീരുമാനിച്ച ദമ്പതികളിൽ ഭാര്യ മരിച്ചു; പ്രേരണാക്കുറ്റത്തിന് ഭർത്താവ് അറസ്റ്റിൽ: വെച്ചൂച്ചിറയിൽ നിന്ന് ഞെട്ടിക്കുന്ന കഥ
- പൂരം നാളുകളിൽ വൻകിട ഹോട്ടലുകളിൽ പൊലീസ് സൗജന്യമായി മുറിയെടുത്തു; ഉന്നത ഉദ്യോഗസ്ഥരുടെ പേരുപറഞ്ഞ് ഓരോ ഹോട്ടലിലും രണ്ടും മൂന്നും മുറികൾ സൗജന്യമായി വാങ്ങി; പൂരത്തെ അറിയാവുന്ന ഉദ്യോഗസ്ഥരെ ഡ്യൂട്ടിയിലിൽ നിന്നും മാറ്റി; കമ്മീഷണറുടെ നിലപാടുകൾ സേനയ്ക്ക് കളങ്കമായി; തൃശൂർ പൂരത്തിൽ ഇന്റലിജൻസ് കണ്ടെത്തൽ ഇങ്ങനെ
- അനന്തപുരിയിൽ തരൂർ വീഴുമോ? ആറ്റിങ്ങലിൽ അടൂർ പ്രകാശിന് അടിതെറ്റുമോ? കൊല്ലത്ത് മുകേഷോ, പ്രേമചന്ദ്രനോ? പത്തനംതിട്ട ആർക്ക്? അനിൽ ആന്റണി വോട്ടുയർത്തുമോ; മാവേലിക്കരയിൽ അട്ടിമറിയോ? കേരളം ആർക്കൊപ്പം; 20 മണ്ഡലങ്ങളിലെയും മറുനാടൻ സർവേ ഫലം അറിയാം
- സ്കൂളിൽ പ്രാർത്ഥന വിലക്കിയ നടപടി ശരിവെച്ച് ബ്രിട്ടീഷ് കോടതി; വളരെ മികച്ചതെന്ന റേറ്റിങ് ലഭിച്ച സ്കൂളിനെതിരെ കോടതിയെ സമീപിച്ചത് മുസ്ലിം വിദ്യാർത്ഥിനി; എല്ലാ വിഭാഗങ്ങളെയും ഉൾക്കൊള്ളുന്ന സ്കൂൾ നയത്തിന്റെ വിജയമെന്ന് സ്കൂൾ അധികൃതർ
- ആലപ്പുഴയിലെ 'കനൽത്തരി' അണയുമോ? ചാലക്കുടിയിൽ ട്വന്റി ട്വന്റി വോട്ടുകൾ ആർക്ക് ഭീഷണിയാകും? എറണാകുളത്തും ഇടുക്കിയിലും യുഡിഎഫ് തന്നെയോ? കോട്ടയത്ത് വിജയിക്കുക ഏത് കേരളാ കോൺഗ്രസ്? മറുനാടൻ സർവേ മൂന്നാംഘട്ട ഫലം അറിയാം..
- മുഖ്യമന്ത്രിക്ക് ഇരിക്കാൻ സ്ഥാപിച്ച അരലക്ഷം വിലയുള്ള കറങ്ങുന്ന കസേരയുള്ള സീറ്റ് ഇളക്കിമാറ്റി; വി.വി.ഐ.പി. പരിവേഷത്തിൽ കേരളം കറങ്ങിയ നവകേരള ബസ് ഇപ്പോൾ ആർക്കും വേണ്ടാതെ വെറുതേ കിടക്കുന്നു; ഗതാഗത മന്ത്രി മാറിയതോടെ താൽപ്പര്യം കുറഞ്ഞു; ടൂറിസം ആവശ്യത്തിനും വിട്ടുനൽകാതെ 1.15 കോടി രൂപ മുടക്കി വാങ്ങിയ ബസ്
- ഇസ്രയേൽ ഇറാന് ശക്തമായ തിരിച്ചടി നൽകിയത് ഒരീച്ച പോലും അറിയാതെ; മിസൈലുകളും ഡ്രോണുകളും റഷ്യൻ നിർമ്മിത എസ്-300 സംവിധാനത്തെ തകർത്തു; ആക്രമണം ഇറാൻ വ്യോമ പ്രതിരോധ സംവിധാനത്തെ പൂർണമായി കബളിപ്പിച്ചുകൊണ്ട്; ആക്രമണം നടന്നയിടത്ത് പൊടി പൊലുമില്ല കണ്ടുപിടിക്കാൻ
- ഇന്ത്യയിൽ നിന്നും യുകെയിലേക്ക് കെയറർ വിസയിൽ തൊഴിലാളികൾ എത്തുന്നതിൽ ആശങ്കയുമായി ലോകാരോഗ്യ സംഘടന; കെയർ ഹോമുകളിൽ ഗുണനിലവാരമില്ലാത്ത സേവനത്തിനു സാധ്യതയെന്ന് ഓക്സ്ഫോർഡ് യൂണിവേഴ്സിറ്റി മുന്നറിയിപ്പും; ഇന്ത്യക്കാർക്ക് വിസ നിഷേധിക്കാൻ മറ്റൊരു കാരണം കൂടി
- കൈവിലങ്ങിട്ടാൽ മതിൽ കയറാനാകില്ലെന്ന് പറഞ്ഞ പ്രതി; മതിൽ കയറിയാൽ ചാടിയോടാനുള്ള സാധ്യത കണ്ടെത്തിയ അന്വേഷകൻ; മതിലിലേക്ക് കയറ്റും മുമ്പ് അവിടെ ഒരുക്കിയൽ 'പൊലീസ് മതിൽ'! ബീഹാറി റോബിൻഹുഡ് എന്തിനും മിടിക്കില്ലെന്ന് തിരിച്ചറിഞ്ഞ ബ്രില്ലിയൻസ്; രാജ്കുമാർ എന്തുകൊണ്ട് 'സേതുരാമയ്യർ' ആയി? ഈ വീഡിയോ കാണം
- ഒരു ജൂനിയർ പറയാൻ പാടില്ലാത്ത കഥകളാണ് ശ്രീനിയുടെ മകൻ പറഞ്ഞതെന്ന് മുകേഷ്; എന്നാൽ അത് ധ്യാൻ തന്നെയാകുമെന്ന് ആരാധകർ
- ആടുജീവിതം ഇസ്ലാമോഫോബിയ പരത്തുന്ന ചിത്രമോ? നോവലിന്റെ അറബിപതിപ്പ് യുഎഇയിലും സൗദിയിലും നിരോധിച്ചത് 2014ൽ; ഇപ്പോൾ സിനിമക്കും യുഎഇ ഒഴികെയുള്ള ഗൾഫ് രാജ്യങ്ങളിൽ പ്രദർശനാനുമതിയില്ല; കേരളത്തിലെ യുക്തിവാദികൾക്കിടയിലും ചർച്ച; ആടുജീവിതം വിവാദമാവുമ്പോൾ
- അനുജയുമൊന്നിച്ച് കാർ തടിലോറിയിലേക്ക് ഇടിച്ചു കയറ്റി ഹാഷിം ജീവനൊടുക്കിയെന്ന് സഹ അദ്ധ്യാപകരുടെയും ബന്ധുക്കളുടെയും മൊഴി; അടൂരിനെ നടുക്കിയ അപകടം; സ്കൂൾ അദ്ധ്യാപികയെയും കൂട്ടി സ്വകാര്യ ബസ് ഡ്രൈവർ ആത്മഹത്യ ചെയ്തതെന്ന് സൂചന; സ്വിഫ്ട് ഡിസയർ കാർ ഓടിച്ചു കയറ്റിയത് കണ്ടെയ്നർ ലോറിയിലേക്ക്: സംഭവം കെപി റോഡിൽ പട്ടാഴമുക്കിൽ
- കള്ളി എന്നതാണ് ഇപ്പോഴത്തെ മേൽവിലാസം.. കള്ളിയുടെ അച്ഛൻ എന്ന മേൽവിലാസവും കൊണ്ട് ആണ് 2 മാസം മുമ്പ് അച്ഛൻ മരിച്ചുപോയത്; കൂടെ ഉണ്ടായിരുന്നവരൊന്നും കൂട്ടുന്നില്ല; ഉറങ്ങിയിട്ട് വർഷം ഒന്നാകാറായി; വിദ്യ വിജയന്റെ കുറിപ്പ്
- റഷ്യയിലെ ഭീകരാക്രമണത്തിൽ പിടികൂടിയ ഐസിസ് ഭീകരർ നേരിടാൻ പോകുന്നത് റഷ്യൻ പൊലീസിന്റെ സമാനതകളില്ലാത്ത മർദ്ദനമുറകൾ; ചെവിമുറിച്ച് സ്വയം ഭക്ഷിക്കുവാൻ കൊടുത്തതിന് പുറമെ വൈദ്യുതാഘാതവും വസ്ത്രമൂരി അടിയും; മരിച്ചാൽ ബന്ധുക്കൾക്ക് ശരീരം വിട്ടു നൽകുന്നത് ആന്തരികാവയവങ്ങൾ നീക്കിയ ശേഷം
- പിറന്നാളിന് വാങ്ങിയത് ഓൺലൈനിൽ ഓർഡൽ ചെയ്ത കേക്ക്; ഭക്ഷ്യവിഷബാധയേറ്റ് പത്തു വയസ്സുകാരിക്ക് ദാരുണാന്ത്യം: പിറന്നാൾ പിറ്റേന്ന് ദാരുണമായി മരിച്ചത് പത്തു വയസ്സുകാരി മൻവി
- സിനിമയുടെയും ആത്മാവായ ആ സീൻ സെൻസർ ബോർഡ് വെട്ടിമാറ്റിയെന്ന് ബെന്യാമിൻ; ഷൂട്ട് ചെയ്തിട്ടില്ലെന്ന് ബ്ലെസി; അങ്ങനെ ഒന്ന് ഉണ്ടായിട്ടില്ലെന്നും എഴുത്തുകാരൻ ചേർത്തതാണെന്നും നജീബ്; ആടുമായി നജീബ് ലൈംഗിക ബന്ധത്തിൽ ഏർപ്പെടുന്ന രംഗത്തിന് എന്താണ് സംഭവിച്ചത്?
- ഇറാനിൽ ഇസ്രയേലിന്റെ വ്യോമാക്രമണം ഇന്ത്യൻ വിപണിക്ക് ആശങ്കയാകുന്നു; കുതിച്ചുയർന്ന് ക്രൂഡോയിൽ വില; ബാരലിന് 90 ഡോളറിലെത്തി; ഇപ്പോഴത്തെ നിലയിൽ വില 100 ഡോളർ വരെ ഉയർന്നേക്കുമെന്ന് ആശങ്ക; ഇറാൻ-ഇസ്രയേൽ പോര് പശ്ചിമേഷ്യയിലെ സ്ഥിതിഗതികൾ കൂടുതൽ ആശങ്കപ്പെടുത്തുന്നു
- കാസർകോട് ഇടതുമുന്നണി തിരിച്ചുപിടിക്കുമോ? കണ്ണൂരിൽ സുധാകരൻ വീഴുമോ? വടകരയിൽ ഷാഫിയോ ശൈലജയോ? കോഴിക്കോട് രാഘവേട്ടനോ, കരീംക്കയോ? രാഹുൽഗാന്ധി മാജിക്ക് ആവർത്തിക്കുമോ? എൻഡിഎ വോട്ട് ഉയർത്തുമോ? മറുനാടൻ മലയാളി ഇലക്ഷൻ സർവേയുടെ ആദ്യഘട്ട ഫലം അറിയാം
- പേരാമ്പ്രയിൽ അദ്ധ്യാപകൻ മരിച്ച നിലയിൽ; വീട്ടിലെ മുറിയിൽ മരിച്ച നിലയിൽ കണ്ടെത്തിയത് സിദ്ധാർഥന്റെ മരണവുമായി ബന്ധപ്പെട്ട കേസിലെ 11ാം പ്രതിയുടെ പിതാവ്
Readers Comments+
മലയാളത്തിൽ ടൈപ്പ് ചെയ്യാൻ ഇവിടെ ക്ലിക്ക് ചെയ്യുകകമന്റ് ബോക്സില് വരുന്ന അഭിപ്രായങ്ങള് മറുനാടന് മലയാളിയുടേത് അല്ല. മാന്യമായ ഭാഷയില് വിയോജിക്കാനും തെറ്റുകള് ചൂണ്ടി കാട്ടാനും അനുവദിക്കുമ്പോഴും മറുനാടനെ മനഃപൂര്വ്വം അധിക്ഷേപിക്കാന് ശ്രമിക്കുന്നവരെയും അശ്ലീലം ഉപയോഗിക്കുന്നവരെയും മറ്റു മലയാളം ഓണ്ലൈന് ലിങ്കുകള് പോസ്റ്റ് ചെയ്യുന്നവരെയും മതവൈരം തീര്ക്കുന്നവരെയും മുന്നറിയിപ്പ് ഇല്ലാതെ ബ്ലോക്ക് ചെയ്യുന്നതാണ് - എഡിറ്റര്