ആനപ്പുറത്ത് പോകുന്ന ഭഗവദ് വിഗ്രഹത്തിനു നേരെ കുരച്ചു ചാടുന്ന തെരുവ് ശ്വാനന്റെ വിലപോലും കോടിയേരിക്ക് ധർമ്മനിഷ്ഠനായ ആ യതിവര്യൻ നൽകുന്നില്ലെന്ന് പരിഹസിച്ച് ജനം ടിവി ചീഫ് എഡിറ്റർ; കൊളത്തൂർ അദ്വൈതാശ്രമം ക്രിമിനലുകളുടെ താവളമെന്ന് ആരോപിച്ച് ദേശാഭിമാനി; ബിഷപ്പിനേയോ മൗലവിയേയോ ഇങ്ങനെ വിമർശിക്കാനുള്ള ആർജവം കോടിയേരിക്കുണ്ടോ എന്ന് ചോദിച്ച് ചിദാനന്ദപുരിയും; കോടിയേരിയുടെ സന്യാസിവേഷം കെട്ടിയ ആർ എസ് എസുകാരനാണ് ചിദാനന്ദപുരിയെന്ന വിമർശനം ചർച്ചയാകുമ്പോൾ
മറുനാടൻ മലയാളി ബ്യൂറോ
തിരുവനന്തപുരം: പീഡന കേസിൽ കുടുങ്ങിയ ബിഷപ്പ് ഫ്രാങ്കോ മുളയ്ക്കലിനെ പോലും വിമർശിക്കാൻ തയ്യാറാകാത്തവരാണ് സിപിഎം. സിപിഎം. സംസ്ഥാന സെക്രട്ടറി കോടിയേരി ബാലകൃഷ്ണനാണ് സ്വാമി ചിദാനന്ദപുരിയ്ക്കെതിരെ ആരോപണവുമായെത്തിയതെന്ന ആക്ഷേപം തെരഞ്ഞെടുപ്പിൽ ചർച്ചയാക്കാൻ ഹൈന്ദവ സംഘടനകൾ. ശബരിമലയിൽ സ്വാമി വിശ്വാസികൾക്കൊപ്പം നിന്നതാണ് കോടിയേരിയെ ചൊടുപ്പിച്ചതെന്ന പ്രചരണം നടത്താനാണ് നീക്കം.
അതിനിടെ കോടിയേരിയുടെ വിമർശത്തിന് മറുപടിയുമായി സ്വാമി ചിദാനന്ദപുരി തന്നെ രംഗത്ത് എത്തി. താൻ സന്യാസിയല്ലെന്ന് കോടിയേരി പറഞ്ഞത് ഏത് മാനദണ്ഡത്തിലാണെന്നും ഒരു ബിഷപ്പിനോടോ മൗലവിയോടോ കോടിയേരി ബാലകൃഷ്ണൻ ഇങ്ങനെ ചോദിക്കുമോയെന്നും സ്വാമി ചിദാനന്ദപുരി ആരാഞ്ഞു. കോടിയേരി ബാലകൃഷ്ണന് അഭിപ്രായ സ്വാതന്ത്ര്യമുണ്ട്. സഭ്യമായ ഭാഷയിൽ വിലയിരുത്താനും വിമർശിക്കാനും അവകാശമുണ്ട്. ഒരു വ്യക്തി സന്യാസനിഷ്ഠ പുലർത്തുന്നുണ്ടോ എന്നത് ആ വ്യക്തിക്ക് മാത്രമേ അറിയൂ. സന്യാസി അല്ല എന്നുപറയാൻ ആർക്കും അധികാരമില്ല. ഏതെങ്കിലും ബിഷപ്പിനോടോ മൗലവിയോടോ ഇങ്ങനെ പറയാനുള്ള ആർജവം കോടിയേരിക്കുണ്ടോ- സ്വാമി ചിദാനന്ദപുരി ചോദിച്ചു.
ദിവസങ്ങൾക്ക് മുൻപ് തിരുവനന്തപുരത്ത് നടന്ന ശബരിമല കർമസമിതിയുടെ പ്രതിഷേധത്തിൽ ഇടതുപക്ഷത്തിന് തിരഞ്ഞെടുപ്പിൽ ഒരുസീറ്റ് പോലും ലഭിക്കാത്ത സാഹചര്യമുണ്ടാകണമെന്ന് സ്വാമി ചിദാനന്ദപുരി പറഞ്ഞിരുന്നു. ഇതിനുപിന്നാലെയാണ് സ്വാമി ചിദാനന്ദപുരിയെ വിമർശിച്ച് സിപിഎം. സംസ്ഥാന സെക്രട്ടറി കോടിയേരി ബാലകൃഷ്ണൻ രംഗത്തെത്തിയത്. സ്വാമി ചിദാനന്ദപുരി സന്യാസിയല്ല, സന്യാസിവേഷം കെട്ടിയ ആർ.എസ്.എസുകാരനാണെന്നും ശബരിമല കർമസമിതി ആർ.എസ്.എസിന്റെ കർമസമിതിയാണെന്നുമായിരുന്നു കോടിയേരിയുടെ വിമർശനം. ഇത് ഹൈന്ദവ സന്യാസിയോടുള്ള അപമാനമാണെന്ന് ശബരിമല കർമ്മ സമിതി വിലയിരുത്തുന്നു. ഈ സാഹചര്യത്തിൽ സിപിഎമ്മിന്റെ ഇരട്ടത്താപ്പ് പുറത്തു കൊണ്ടു വരാനാണ് തീരുമാനം.
ശബരിമലയിൽ സുപ്രീംകോടതി വിധി നടപ്പാക്കാൻ യുവതികളെ പിന്തുണച്ച പിണറായി സർക്കാർ ഓർത്തഡോക്സ്-യാക്കോബായ കേസിൽ മൗനം പാലിച്ചു. കോടതി വിധി നടപ്പാക്കിയില്ല. മുത്തലാഖിലും ഇരട്ടത്താപ്പാണ്. ചർച്ച് ആക്ട് നടപ്പാക്കാനും മടിക്കുന്നു. ഇതിന് സമാനമാണ് പീഡനക്കേസിൽ കുടുങ്ങിയ ബിഷപ്പുമാരെ പോലും വിമർശിക്കാത്തെ നടപടിയും. ഇതു ന്യൂനപക്ഷ പ്രീണനവും വോട്ട് ബാങ്കും ലക്ഷ്യമിട്ടാണ്. എന്നാൽ ഹൈന്ദവ ആചാരങ്ങളേയും വിശ്വാസങ്ങളേയും ക്ഷേത്രങ്ങളേയും സന്യാസിമാരേയും തകർക്കാൻ സിപിഎം മുന്നിട്ട് വരികയും ചെയ്യുന്നു. ഈ ഇരട്ടത്താപ്പ് ചർച്ചയാക്കാനാണ് ശബരിമല കർമ്മ സമിതി ശ്രമിക്കുക. കേരളത്തിലെ ഏറ്റവും ആദരണീയനായ സന്യാസിയാണ് ചിദാനന്ദപുരി. അദ്ദേഹത്തെ കപട സന്യാസിയെന്ന് വിളിച്ചത് അവഹേളനമാണ്. ഇതിന് കോടിയേരിയെ കൊണ്ട് മറുപടി പറയിക്കുമെന്നാണ് ഹിന്ദു സംഘടനകളുടെ നിലപാട്. ചിദാനന്ദപുരിയുടെ പ്രത്യേകതകൾ വിവരിച്ച് ജനം ടിവി ചീഫ് എഡിറ്റർ ജികെ സുരേഷ് ബാബു കോളം എഴുതി. അതിനിടെ ചിദാനന്ദപുരിയ്ക്കെതിരെ ആരോപണങ്ങളുമായി ദേശാഭിമാനിയും രംഗത്ത് വന്നു. ഇതോടെ വിവാദം ചൂടു പിടിക്കുകയാണ്.
ജനംടിവി ചീഫ് എഡിറ്റർ ജികെ സുരേഷ് ബാബുവിന്റെ ലേഖനം
കോടിയേരിയും പിണറായിയും ഒരു സന്യാസിയുടെ പിതാവിനെ സ്മരിക്കുമ്പോൾ
സത്യമപ്രിയം - ജി.കെ. സുരേഷ് ബാബു
കോഴിക്കോട് കൊളത്തൂർ അദ്വൈതാശ്രമം മഠാധിപതി സ്വാമി ചിദാനന്ദപുരി കാഷായമിട്ട ആർഎസ്എസ്സുകാരൻ ആണെന്ന് മുഖ്യമന്ത്രി പിണറായി വിജയനും സി പി എം സംസ്ഥാന സെക്രട്ടറി കോടിയേരി ബാലകൃഷ്ണനും രണ്ടിടത്തായി പറഞ്ഞു. കോടിയേരി സ്വാമി ചിദാനന്ദപുരിയുടെ പൂർവ്വാശ്രമത്തിലെ പേരും അദ്ദേഹത്തിന്റെ പിതാവിന്റെ പേരും കൂട്ടിച്ചേർത്താണ് പത്രസമ്മേളനം നടത്തിയത്. കോടിയേരി ബാലകൃഷ്ണന്റെ മര്യാദയില്ലാത്ത ഈ നടപടി ഋഷിതുല്യനായ ആ സന്യാസിവര്യനെ വേദനിപ്പിക്കുമെന്ന് കരുതിയെങ്കിൽ തെറ്റി. കോടിയേരി ബാലകൃഷ്ണന്റെ പിതാവിനെക്കുറിച്ച് പരാമർശിച്ച് അദ്ദേഹം മറുപടി പറയുമെന്നായിരുന്നു പ്രതീക്ഷയെങ്കിൽ അതും അസ്ഥാനത്താണ്.
കണ്ണൂർ ജില്ലയിൽ കോടിയേരി മൊട്ടുമ്മൽ കുഞ്ഞുണ്ണി കുറുപ്പിന്റെയും നാരായണിയമ്മയുടെയും മകനായാണ് നമ്മുടെ സഖാവ് ബാലകൃഷ്ണൻ ജനിച്ചത്. കല്ലറ തലായി എൽ പി സ്കൂളിലെ അദ്ധ്യാപകനായിരുന്നു കുഞ്ഞുണ്ണി കുറുപ്പ്. കോടിയേരിയെപ്പോലെ വിവരദോഷിയായ ഒരു നീചജന്മത്തിന്റെ പേരിൽ കുഞ്ഞുണ്ണി കുറുപ്പിനെ അപഹസിക്കാനോ പരിഹസിക്കാനോ സ്വാമി ചിദാനന്ദപുരിയോ അദ്ദേഹത്തെ അറിയുന്നവരോ തയ്യാറായില്ല. കാരണം, സന്യസ്തന്റെ ധർമ്മം, പാത അതല്ല. ആനപ്പുറത്ത് പോകുന്ന ഭഗവദ് വിഗ്രഹത്തിനു നേരെ കുരച്ചു ചാടുന്ന തെരുവ് ശ്വാനന്റെ വിലപോലും കോടിയേരിക്ക് ധർമ്മനിഷ്ഠനായ ആ യതിവര്യൻ നൽകുന്നില്ല എന്നതു തന്നെയാണ് ഇതിന്റെ കാരണം.
സ്വാമി ചിദാനന്ദപുരിയുടെ മാത്രമല്ല, ഏത് സന്യാസിയുടെയും പൂർവ്വജന്മത്തെ കുറിച്ചും പൂർവ്വാശ്രമത്തിലെ ബന്ധുക്കളെ കുറിച്ചും ഈ രീതിയിൽ നികൃഷ്ടവും നീചവുമായ പരാമർശം നടത്തുന്നത് ഭാരതീയ സംസ്കാരത്തെയും പൈതൃകത്തെയും കൂറിച്ച് ധാരണയും വിവരവും ഇല്ലാത്തതുകൊണ്ടാണ്. സന്യാസജീവിതത്തിലേക്ക് ഒരാൾ കടക്കുന്നതിനു മുൻപുതന്നെ അതിന് യോഗ്യനാണോ എന്ന് ഗുരു പരിശോധിക്കും. സഹസ്രാബ്ദങ്ങളായി ജന്മജന്മാന്തരങ്ങളിലൂടെ തുടർന്നുവരുന്ന ഗുരുപാരമ്പര്യത്തിന്റെ ചങ്ങലക്കണ്ണിയിലേക്ക് ആവാഹിക്കപ്പെടാൻ ജീവിത നിയോഗം വേണം. അതിന് ജാതകത്തിൽ സന്യസ്തയോഗം വേണം. വരാൻപോകുന്ന ശിഷ്യനെക്കുറിച്ച് ഗുരുവിന് നേരത്തെ തന്നെ അറിവുണ്ടായിരിക്കും. പലപ്പോഴും ഗുരുക്കന്മാർ ഈ നിയോഗമറിഞ്ഞ് ശിഷ്യരെ തേടിയെത്തുകയാണ് പതിവ്. സ്വാമി വിവേകാനന്ദൻ ശ്രീരാമകൃഷ്ണപരമഹംസരെ തേടി എത്തിയ കഥ ജീവചരിത്രത്തിൽ വിവരിച്ചിട്ടുണ്ട്. കൊൽക്കത്തയിലെ കോളേജിൽ ഇംഗ്ലീഷ് ക്ലാസ്സിൽ വില്യം ഹേസ്റ്റി എന്ന അദ്ധ്യാപകൻ വേഡ്സ് വർത്തന്റെ 'ദ നേച്ചർ' എന്ന കവിത പഠിപ്പിക്കുമ്പോൾ പ്രകൃതിയുടെ ലാസ്യലാവണ്യത്തിൽ മയങ്ങി താൻ സമാധിയിൽ ആണ്ടുപോയി എന്ന് കവി വിവരിക്കുന്ന ഭാഗം വ്യക്തമാക്കുമ്പോൾ സമാധി എന്ന വാക്കിനെക്കുറിച്ച് അദ്ദേഹം സവിസ്തരം പ്രതിപാദിച്ചു. സമാധി എന്ന അവസ്ഥ അനുഭവിക്കുന്ന, പൂർണ്ണമായും മനസ്സ് ഈശ്വരോന്മുഖമാക്കി അലകളില്ലാത്ത കടൽ പോലെ മനസ്സിനെ സ്വച്ഛന്ദമാക്കി സച്ചിദാനന്ദലഹരിയിൽ മനസ്സിനെ ലീനമാക്കി ഈശ്വരസാക്ഷാത്കാരത്തിൽ വിരാജിക്കുന്ന അവസ്ഥ അനുഭവിക്കുന്നവർ ഇന്നും ജീവിക്കുന്നു എന്ന് വില്യം ഹേസ്റ്റി വിവരിച്ചു.
ദക്ഷിണേശ്വരത്തെ ശ്രീരാമകൃഷ്ണപരമഹംസൻ എന്ന വലിയ വിദ്യാഭ്യാസമില്ലാത്ത സന്യാസിയെക്കുറിച്ച് കേട്ടപാടെ നരേന്ദ്രൻ എന്ന വിദ്യാർത്ഥി അവിടേക്ക് കുതിക്കുകയായിരുന്നു. 'നീ എത്തി അല്ലേ?' നരേന്ദ്രനോട് ശ്രീരാമകൃഷ്ണൻ ചോദിച്ച ആദ്യ ചോദ്യം അതായിരുന്നു. പക്ഷേ, ഈശ്വരചന്ദ്ര വിദ്യാസാഗർ അടക്കം പലരോടും ചോദിച്ച ചോദ്യമാണ് വിവേകാനന്ദൻ (നരേന്ദ്രൻ) തിരിച്ചു ചോദിച്ചത്, 'അങ്ങ് ഈശ്വരനെ കണ്ടിട്ടുണ്ടോ?' എന്ന്. 'ഉണ്ട്, നിന്നെ കാണുമ്പോലെ കണ്ടിട്ടുണ്ട്' എന്ന മറുപടിയിലൂടെ നരേന്ദ്രൻ വിവേകാനന്ദനായതും ഹിന്ദുസംസ്കാരത്തിന്റെയും സനാതന ധർമ്മത്തിന്റെയും ഉന്നതമൂല്യങ്ങളിലൂടെ ഈ ലോകത്തിന്റെ ദിശ തിരിച്ചതും ചരിത്രം. സ്വാമി വിവേകാനന്ദന്റെ ചരിത്രം മാത്രമല്ല, 'ഒരു യോഗിയുടെ ആത്മകഥ' എന്ന ഗ്രന്ഥത്തിൽ സ്വാമി യോഗാനന്ദപരമഹംസനും സന്യാസപാരമ്പര്യത്തിന്റെ ഉജ്ജ്വലമായ തുടർ പരമ്പരകളെ കുറിച്ചും ജന്മജന്മാന്തര ബന്ധങ്ങളെ കുറിച്ചും വരച്ചുകാട്ടിയിട്ടുണ്ട്.
പാടത്തെ പണിക്ക് വരമ്പത്ത് കൂലിയും തല്ലും അടിയും കൊലപാതകവും നിത്യവൃത്തിയാക്കിയ രാഷ്ട്രീയ പാർട്ടിയുടെ പ്രവർത്തനത്തിനുമിടയിൽ കോടിയേരിക്ക് എന്ത് വിവേകാനന്ദൻ! എന്ത് യോഗാനന്ദപരമഹംസൻ! പൊലീസെന്ന് ഇംഗ്ലീഷിൽ എഴുതാൻ അറിയില്ലെങ്കിലും പൊലീസ്മന്ത്രിയായി മാറിയ കോടിയേരിയെ കുറ്റം പറഞ്ഞിട്ട് കാര്യമില്ല. പക്ഷേ, ഒരാൾ സന്യാസിയാകുമ്പോൾ ആ ജീവിതത്തിലുണ്ടാകുന്ന പരിവർത്തനത്തെ കുറിച്ച് സാമാന്യമായി മനസ്സിലാക്കാനുള്ള ബോധമെങ്കിലും കോടിയേരിക്ക് ഉണ്ടാകണം. കാരണം, പിണറായിയുടെ കസേരക്ക് ഇറച്ചിക്കടയ്ക്കു മുന്നിലെ തെരുവുപട്ടിയെ പോലെ കാത്തുനിൽക്കുന്ന കോടിയേരി ഭരിക്കാൻ പോകുന്ന സമൂഹത്തെ കുറിച്ച് മനസ്സിലാക്കണം. ആ ബോധം അല്പമെങ്കിലും ഉണ്ടായിരുന്നെങ്കിൽ പതിനായിരക്കണക്കിന് ഭക്തരുടെ ഗുരുസ്ഥാനത്തുള്ള സ്വാമി ചിദാനന്ദപുരിയെക്കുറിച്ച് ഇത്തരത്തിൽ നികൃഷ്ടമായ പരാമർശം നടത്തില്ലായിരുന്നു. ബ്രഹ്മചര്യത്തിനുശേഷം സന്യാസദീക്ഷ നൽകുമ്പോൾ ഒഴുകുന്ന പുഴയിൽ അതുവരെ ധരിച്ചിരുന്ന വസ്ത്രങ്ങളടക്കം ഉപേക്ഷിക്കുന്ന സന്യാസി തന്റെ അതുവരെയുള്ള ഐഹികമായ ജീവിതത്തോട് വിടപറയുകയും കൂടിയാണ്.
തന്റെ മാതാപിതാക്കൾക്ക് ഈ ജന്മത്തിൽ ചെയ്യേണ്ട ഷോഡശക്രിയകളായ ബലിതർപ്പണവും പിണ്ഡവുമടക്കം വെച്ചതിനു ശേഷമാണ് ഒരാൾ സന്യാസം സ്വീകരിക്കുക. സത്യസ്തനായാൽ സ്ത്രീയായാലും പുരുഷനായാലും ലിംഗവ്യത്യാസത്തിനപ്പുറം അനന്തവും അവിരാമവുമായ ഈശ്വരചൈതന്യത്തിൽ ആമഗ്നനായി ഈശ്വരസാക്ഷാത്കാരത്തിന്റെ ചിദാനന്ദലഹരിയിലേക്ക് നീങ്ങുകയാണ്. സർവ്വചരാചരങ്ങളിലും ഈശ്വരാംശം ദർശിക്കുന്ന സമസ്ത ചരാചരങ്ങളിലും സച്ചിദാനന്ദബ്രഹ്മത്തെ ദർശിക്കുന്ന സന്യസ്തനു മുന്നിൽ ഈശ്വരോന്മുഖമായ, പ്രപഞ്ചത്തിന്റെ നിലനിൽപ്പിനു തന്നെ കാരണമായ ധർമ്മം മാത്രമേയുള്ളൂ. സ്വീകരിക്കുന്ന ഭിക്ഷപോലും ധർമ്മമായി കണക്കാക്കുന്ന, സനാതനധർമ്മത്തിന്റെ ബാലപാഠം പോലുമറിയാത്ത ബാലകൃഷ്ണൻ കോടിയേരിക്ക് ഇത് മനസ്സിലാകാതെ പോയത് കുഞ്ഞുണ്ണിക്കുറുപ്പ് ബാല്യകാലത്ത് വേണ്ട ശിക്ഷണം നൽകാത്തതുകൊണ്ടാണ് എന്ന കാര്യത്തിൽ അശേഷം സംശയമില്ല.
ഏതാണ്ട് ഇതേ രീതിയിൽ തന്നെയാണ് കോരന്റെ മകൻ പിണറായി വിജയനും പ്രതികരിച്ചത്. എന്താണ് പിണറായിക്കും കോടിയേരിക്കും ഇടതുമന്ത്രിസഭയിലെ അംഗങ്ങൾക്കും പറ്റിയത്? ചോദിക്കാതിരിക്കാനാകില്ല. മന്ത്രി ജി സുധാകരൻ അധികാരമേറ്റ നാളുമുതൽ സന്യാസിമാരുടെ ജട്ടി തപ്പി നടക്കുകയാണ്. പല സന്യാസിമാരും പഴയ രീതിയിൽ ലങ്കോട്ടി അഥവാ കോണകമാണ് ധരിക്കുന്നതെന്ന് ആരൊക്കെയോ കത്തയച്ചിട്ടും അത് മനസ്സിലാക്കാതെ പിന്നെയും പിന്നെയും സന്യാസിമാരുടെ ജട്ടിക്കുവേണ്ടി മുറവിളി കൂട്ടുന്ന ജി സുധാകരന്റെയും പിതാവ് ഗോപാലപിള്ള ആ പ്രദേശത്തെ അറിയപ്പെടുന്ന ഭാഗവതപാരായണക്കാരനും ആദ്ധ്യാത്മിക-ധാർമ്മിക ആചാര്യനുമായിരുന്നു. അദ്ദേഹത്തിന് കിട്ടാത്ത അംഗീകാരം മറ്റു സന്യാസിവര്യന്മാർക്ക് കിട്ടുന്നതുകൊണ്ടാകാം ജി സുധാകരന് സന്യാസിമാരോടുള്ള അവഹേളനത്തിന്റെ കാരണമെന്ന് ആശ്വസിക്കാം. പക്ഷേ, സന്യാസിമാരോട് കോടിയേരിയും പിണറായിയും ജി സുധാകരനും കാട്ടുന്ന ഈ അവഹേളനവും അപമാനവും മറ്റു മതസ്ഥരോട് കാട്ടുന്നില്ല എന്നു കാണുമ്പോഴാണ് ഞങ്ങളിലില്ല ഹൈന്ദവരക്തം ഞങ്ങളിലില്ല മുസ്ലിം രക്തം ഞങ്ങളിലില്ല ക്രൈസ്തവ രക്തം എന്ന പഴയ മുദ്രാവാക്യം ഭോഷ്ക്കാണെന്ന് ബോദ്ധ്യപ്പെടുക.
മൂന്നാറിലെ മലയിൽ അനധികൃതമായി കൈയേറ്റക്കാർ സ്ഥാപിച്ച കുരിശ് പൊളിച്ചു നീക്കിയ ശ്രീറാം വെങ്കിട്ടരാമനോട് മുഖ്യമന്ത്രി ചോദിച്ച ചോദ്യം കേരളത്തിലെ ഹിന്ദുക്കളോടുള്ള ചോദ്യമാണ്. കുരിശ് എന്തുപിഴച്ചു എന്നായിരുന്നു മുഖ്യമന്ത്രിയുടെ ചോദ്യം. കുരിശല്ല പിഴച്ചത് സർക്കാർ ഭൂമിയിൽ അവകാശമില്ലാത്തിടത്ത് കുരിശ് കൊണ്ടിട്ട അച്ചന്മാരാണ് പിഴച്ചത്. അതിന്റെ പിന്നിൽ കുരിശിന്റെ മറവിൽ ഭൂമി കൈയേറ്റം നടത്തിയ കൈയേറ്റക്കാരാണ് പിഴച്ചത്. ക്രിസ്തുവിന്റെ മണവാട്ടികളായ തങ്ങളെ പിഴപ്പിക്കാൻ ശ്രമിച്ചുവെന്ന് കന്യാസ്ത്രീകൾ പരാതിപ്പെട്ടിട്ടും നടപടിയെടുക്കാതെ ഉരുണ്ടു കളിച്ച പിണറായിയുടെ പ്രീണനം മാത്രം മതി ഹിന്ദു സന്യാസിമാരോടും ഇതര മതങ്ങളിലെ പുരോഹിതരോടുമുള്ള നിലപാട് മനസ്സിലാകാൻ. ഈ പിഴച്ചവർക്കെതിരെയൊന്നും നടപടിയെടുക്കാൻ തയ്യാറാകാത്ത പിണറായി വിജയന്റെ നെറികെട്ട വിധേയത്വം വോട്ടുബാങ്ക് രാഷ്ട്രീയത്തിന്റെ പ്രീണനം മാത്രമാണെന്ന് സ്വബുദ്ധിയുള്ള ആർക്കും മനസ്സിലാകും.
പട്ടിണിക്കും ദാരിദ്ര്യത്തിനും മതമുണ്ടോ? ആകാശം മേൽക്കൂരയാക്കിയ അരപ്പട്ടിണിക്കാരനെയും മുഴുപ്പട്ടിണിക്കാരനെയും മതത്തിന്റെ പേരിൽ വേർതിരിക്കുന്നത് ഏത് മാർക്സിയൻ തത്വശാസ്ത്രമനുസരിച്ചാണെന്ന് പറയാൻ കഴിയുമോ? ന്യൂനപക്ഷ വിഭാഗത്തിൽപ്പെട്ട - മുസ്ലിം വിഭാഗത്തിൽപ്പെട്ട വിധവകൾക്ക് പാർപ്പിടം അനുവദിക്കാൻ പ്രത്യേക ഫണ്ട് അനുവദിച്ചതിന്റെ യുക്തി എന്താണെന്ന് വ്യക്തമാക്കാനുള്ള ബാധ്യതയും സംസ്ഥാനസർക്കാരിനുണ്ട്. യാക്കോബായ ഓർത്തഡോക്സ് പള്ളിത്തർക്കത്തിൽ സുപ്രീംകോടതിവിധി നടപ്പിലാക്കാതെ അനുരഞ്ജനചർച്ചയ്ക്ക് പോവുകയും ബിഷപ്പുമാരുടെ കൈ മുത്തുകയും ചെയ്ത പിണറായിയും മന്ത്രിമാരും ഓരോരോ നിയോജകമണ്ഡലത്തിലെയും സംഘടിത വോട്ടുബാങ്കിന്റെ സ്വാധീനത്തിന് അനുസരിച്ച് മൂന്നാംകിട രാഷ്ട്രീയമാണ് കളിച്ചുകൊണ്ടിരിക്കുന്നത്. ആദിവാസികളുടെ ഭൂമി വീണ്ടെടുക്കാനുള്ള സുപ്രീംകോടതി വിധി വന്നിട്ട് വർഷങ്ങൾ എത്രയായെന്ന് ആലോചിക്കണം. അവരുടെ ഭൂമി വീണ്ടെടുത്ത് തിരിച്ചു നൽകാനുള്ള നട്ടെല്ല് കാട്ടുന്നതിനു പകരം സുപ്രീം കോടതിവിധി നടപ്പിലാക്കാതെ ഭൂമി തിരിച്ചു കൊടുക്കാതിരിക്കാൻ നിയമനിർമ്മാണത്തിനു പോയ ഇടതുമുന്നണിയും വലതു മുന്നണിയും പ്രതിനിധീകരിക്കുന്നത് വോട്ടുബാങ്ക് രാഷ്ട്രീയത്തിന്റെ രണ്ടു വശങ്ങൾ തന്നെയാണ്. ഒരേ നാണയത്തിന്റെ രണ്ടു വശങ്ങൾ.
ഇക്കാര്യങ്ങൾ പലതും തുറന്നു പറഞ്ഞു എന്നതാണ് സ്വാമി ചിദാനന്ദപുരി ചെയ്ത തെറ്റ്. സ്വാമി ചിദാനന്ദപുരി ആർഎസ്എസ്സുകാരനാണ് എന്ന് പറഞ്ഞ് നടത്തിയ പരാമർശത്തെ ആർഎസ്എസ് എങ്ങനെ കാണുന്നു എന്ന് കഴിഞ്ഞ ദിവസം വത്സൻ തില്ലങ്കേരി പ്രതികരിച്ചിട്ടുണ്ട്. സ്വാമി ചിദാനന്ദപുരി ആർഎസ്എസ്സാണ് എന്നു പറയുന്നത് ആർഎസ്എസ്സിന് ഒരു അംഗീകാരമാണെന്നാണ് തില്ലങ്കേരി പറഞ്ഞത്. ധർമ്മശാസ്ത്രങ്ങളുടെയും ഭാരതീയ ചിന്തയുടെയും പുരാണങ്ങളുടെയും ഉപനിഷത്തുക്കളുടെയും ഒക്കെ ലോകത്ത് വിരാജിക്കുന്ന പാണ്ഡിത്യഗർവ്വില്ലാത്ത സാധാരണക്കാരിൽ സാധാരണക്കാരനായ ആ സന്യാസിശ്രേഷ്ഠന്റെ ഏതെങ്കിലും ഒരു പുസ്തകം പകർത്തിയെഴുതാനുള്ള യോഗ്യതയെങ്കിലും പിണറായിക്കും കോടിയേരിക്കും ഉണ്ടായാൽ ഈ ജന്മം സാർത്ഥകമാകും. ഭഗവദ്ഗീതയുടെ ശങ്കരഭാഷ്യം ഏതാനും അദ്ധ്യായങ്ങൾ ചിദാനന്ദപുരി സ്വാമി മൊഴിമാറ്റം ചെയ്തിട്ടുണ്ട്. ധർമ്മാനുസൃത ജീവിതത്തിന്റെയും ജീവിതത്തിന്റെ സമസ്ത മേഖലകളിലും ധർമ്മം കൊണ്ടുവരുന്നതിന്റെയും യുക്തിഭദ്രത അദ്ദേഹം വരച്ചുകാട്ടിയിട്ടുണ്ട്. അത് ആ ഗ്രന്ഥങ്ങൾ ചുമടായെങ്കിലം ഏറ്റാനുള്ള യോഗ്യത ഈ പുംഗവന്മാർക്ക് വരും ജന്മമെങ്കിലും ഉണ്ടായാൽ മതി.
സ്വാമി ചിദാനന്ദപുരിയുടെ പൂർവ്വാശ്രമത്തെ കുറിച്ച്, പൂർവ്വാശ്രമത്തിലെ മാതാപിതാക്കളെ കുറിച്ച് കോടിയേരിയും പിണറായിയും പറയുമ്പോൾ സ്വാമി അതിന് തിരിച്ച് മറുപടി പറയാത്തത് സന്യാസജീവിതത്തിന്റെ സംസ്കാരം കൊണ്ടാണ്. ആ സംസ്കാരത്തിന്റെ മഹത്വം തിരിച്ചറിയാനുള്ള യോഗ്യതയും അവർക്കില്ല. പക്ഷേ, സന്യസ്തരല്ലാത്ത യുവാക്കൾ വേറെയുണ്ട്. അവർ കോരനെയും കുഞ്ഞുണ്ണി കുറുപ്പിനെയും മാത്രമല്ല, കക്ഷത്തിൽ ബാഗിലിരുന്ന ബോംബ് പൊട്ടി പരിക്കേറ്റ എം വി രാജഗോപാലൻ മാസ്റ്ററെയൊക്കെ അനുസ്മരിച്ചാൽ, അനുസ്മരിപ്പിച്ചാൽ അത് വല്ലാത്ത അസ്കിതയാകുമെന്ന് ഓർമ്മിപ്പിക്കാതിരിക്കാൻ വയ്യ.
ചിദാനന്ദപുരിയ്ക്കെതിരെ ദേശാഭിമാനി വാർത്ത ഇങ്ങനെ
കൊളത്തൂർ അദ്വൈതാശ്രമം ക്രിമിനലുകളുടെ താവളം
ക്രിമിനലുകൾക്ക് ഒളിത്താവളം ഒരുക്കി കുപ്രസിദ്ധമായ കൊളത്തൂർ അദ്വൈതാശ്രമം വീണ്ടും വാർത്തകളിൽ നിറയുന്നു. ആർഎസ്എസിന്റെയും സംഘപരിവാറിന്റെയും ക്രിമിനലുകളെ ഒളിവിൽ താമസിപ്പിക്കാനും സംരക്ഷിക്കാനും ആശ്രമത്തിന്റെ ചുമതലക്കാരടക്കം മുൻകൈ എടുക്കുന്നതായാണ് വിവരം. മുഖ്യമന്ത്രിയെ വധിക്കുമെന്ന് ഭീഷണിമുഴക്കിയ ആൾ ആശ്രമത്തിൽ ഒളിവിൽ കഴിയവെ പിടിയിലായത് കഴിഞ്ഞ നവംബറിലാണ്. ആർഎസ്എസിന്റെയും സംഘപരിവാറിന്റെയും ശക്തനായ പ്രചാരകനായ സ്വാമി ചിദാനന്ദപുരിയെന്ന കൊയിലാണ്ടി പിഷാരികാവ് സ്വദേശി സത്യനാഥനാണ് മുഖ്യ ചുമതലക്കാരൻ.
ലോക്സഭ തെരഞ്ഞെടുപ്പിൽ എൽഡിഎഫിനെതിരെ വോട്ട് ചെയ്യാൻ കഴിഞ്ഞദിവസം ചിദാനന്ദപുരി ആഹ്വാനം ചെയ്തതോടെയാണ് കൊളത്തൂർ ആശ്രമത്തിന്റെയും 'സ്വാമി'യുടെയും ബിജെപി --സംഘപരിവാർ ബന്ധം മറനീക്കി പുറത്തുവരുന്നത്. ശബരിമല പ്രശ്നം രൂക്ഷമാക്കാൻ വർഗീയ വിഷം ചീറ്റുന്ന പ്രസംഗം നിരവധി സ്ഥലങ്ങളിലാണ് ശബരിമല കർമസമിതി മുഖ്യരക്ഷാധികാരിയായിരുന്ന ഇയാൾ നടത്തിയത്.
മുഖ്യമന്ത്രി പിണറായി വിജയനെയും കണ്ണൂർ ജില്ലാ സെക്രട്ടറിയായിരുന്ന പി ജയരാജനെയും ജില്ലാ സെക്രട്ടറിയറ്റംഗം ടി ഐ മധുസൂദനനെയും വധിക്കുമെന്ന് ഭീഷണിപ്പെടുത്തിയ ആർഎസ്എസുകാരനെ കൊളത്തൂർ ആശ്രമത്തിലാണ് ഒളിപ്പിച്ചത്. ചെറുതാഴം മണ്ടൂർ കൊവ്വൽകളരിയിലെ പരത്തി ഹൗസിൽ വിജേഷിനെ പൊലീസ് പിടികൂടാതിരിക്കാൻ എല്ലാ സഹായവും നൽകിയത് ചിദാനന്ദപുരിയായിരുന്നു. നാളുകളോളം ഇയാൾ കൊളത്തൂർ ആശ്രമത്തിൽ ഒളിവിലായിരുന്നു. മൊബൈൽ ടവർ കേന്ദ്രീകരിച്ച് നടത്തിയ അന്വേഷണത്തിലൊടുവിലാണ് കണ്ണൂർ ടൗൺ എസ്ഐ ശ്രീജിതുകൊടേരി കഴിഞ്ഞ നവംബർ രണ്ടിന് ഇയാളെ അറസ്റ്റ്ചെയ്തത്. ചിദാനന്ദപുരിയുടെ അറിവോടെയാണ് ആശ്രമത്തിൽ പാർപ്പിച്ചതെന്നും അന്വേഷണത്തിൽ വ്യക്തമായിരുന്നു. സംസ്ഥാനത്തിന്റെ പല ഭാഗങ്ങളിലും ക്രിമിനൽ പ്രവർത്തനം നടത്തുന്ന ആർഎസ്എസ് പ്രവർത്തകരെ ഒളിവിൽ പാർപ്പിക്കുന്നതും ആശ്രമത്തിലാണെന്ന് വിവരമുണ്ട്.
ദുരൂഹതകൾ നിറഞ്ഞതാണ് ചിദാനന്ദപുരിയുടെ ജീവിതം. 25 വർഷങ്ങൾക്ക് മുമ്പാണ് സ്വന്തം നാടായ കൊയിലാണ്ടി ഉപേക്ഷിച്ച് നന്മണ്ട പഞ്ചായത്തിലെ കൊളത്തൂരിൽ എത്തുന്നത്. സ്വയം സ്വാമിയായി അവകാശപ്പെട്ട് ചിദാനന്ദപുരി എന്ന പേരും സ്വീകരിച്ചു. കൊളത്തൂരിൽ ആശ്രമവും തുടങ്ങി
- TODAY
- LAST WEEK
- LAST MONTH
- സംസ്ഥാന സർക്കാരിന് നാണക്കേടായി കെ എസ് ആർ ടിസി ബസിൽ സഹയാത്രികയുടെ മാറിടത്തിൽ കയറിപ്പിടിച്ച് അപമാനിച്ച് പൊതു മേഖലാ സ്ഥാപനത്തിന്റെ മാനേജിങ് ഡയറക്ടർ; ഡോ ആർ രാജീവിന് ജാമ്യം കിട്ടിത് മാത്രം ആശ്വാസമായി; ഏപ്രിൽ ഫൂൾ ദിനത്തിൽ നടന്ന ആരും അറിയാത്ത പീഡന വാർത്ത
- കള്ളനോട്ട് അച്ചടിച്ചത് എടിഎമ്മിലൂടെ മാറ്റിയെടുക്കാൻ; നിക്ഷേപിച്ച നോട്ടുകൾ മിഷിനുള്ളിലേക്ക് പോയപ്പോൾ അവർ തുള്ളിച്ചാടി; അമ്മയുടെ അക്കൗണ്ടിൽ പണം കാണിക്കാതെ വന്നപ്പോൾ ആശങ്കയും; പിന്നാലെ പൊലീസ് എത്തി ആ വിരുതന്മാരെ പൊക്കി; ആര്യാനാട്ടെ അറസ്റ്റിൽ തെളിയുന്നത് എടിഎമ്മിന്റെ മികവ്
- രാത്രിയിൽ മഠത്തിൽ വരവ് പഞ്ചവാദ്യം നടക്കുന്നതിനിടെ നടുവിലാൽ ഭാഗത്തു പൊലീസ് ബാരിക്കേഡ് വച്ച് എഴുന്നള്ളിപ്പ് തടഞ്ഞത് പ്രകോപനമായി; നടുവിലാലിലെ പൂരപ്പന്തലിന്റെ ലൈറ്റ് അണച്ചു തിരുവമ്പാടി ദേവസ്വം; ഇരുട്ടിന്റെ ഭംഗിയിൽ ഇത്തവണ പൂര വെടിക്കെട്ട് നടന്നില്ല; തൃശൂരിൽ നാടകീയതകൾ; പൂരത്തിലുണ്ടായത് ചരിത്രത്തിലെ ആദ്യ സംഭവം
- തൃശൂർ പൂരപ്രേമികൾക്ക് വേദനയുടേയും നിരാശയുടേയും വെടിക്കെട്ട്; ഏഴരയോടെ പാറമേക്കാവ് തിരി കൊളുത്തി; എട്ടു മണിയോടെ തിരുവമ്പാടിയുടെ വെടിക്കെട്ടിനും അവസാനം; പൂര പറമ്പിൽ പൊലീസ് രാജെന്ന് ദേശക്കാർ; രാത്രിയിലെ ആകാശ വിസ്മയം ഇത്തവണ നടന്നില്ല; തൃശൂർ പൂരത്തിൽ ഉണ്ടായതെല്ലാം സമാനതകളില്ലാത്ത വിവാദങ്ങൾ
- ആശിച്ച് മോഹിച്ച് വാങ്ങിയ വീടിന് ബാങ്ക് വായ്പ കുടിശിക പെരുകി; തിരിച്ചടവ് മുടങ്ങിയതോടെ 15 ലക്ഷം 35 ലക്ഷമായി; വീടും സ്ഥലവും ജപ്തി ചെയ്യാൻ ബാങ്ക് അധികൃതർ; നെടുങ്കണ്ടത്ത് ജപ്തിക്കിടെ പെട്രോൾ ഒഴിച്ച് തീ കൊളുത്തിയ വീട്ടമ്മ മരിച്ചു
- പാസ് നൽകിയ പൊലീസ് തന്നെ പ്രവേശനം നിഷേധിച്ചു; പാറമേക്കാവിലെ തിടമ്പേറ്റിയ ആനയ്ക്ക് വെള്ളം കൊടുക്കാൻ ശ്രമിച്ച പൂജാരിയേയും തടഞ്ഞു; പൂര എഴുന്നള്ളിപ്പിലേക്ക് വാഹനങ്ങളും എത്തി; പൂരത്തിന്റെ സൗഹൃദാന്തരീക്ഷത്തിന് കോട്ടം വരുത്തിയത് പൊലീസോ? നടുവിലാലിലെ ബാരിക്കേഡിൽ പ്രശ്നത്തുടക്കം
- കർണാടകയിലെ കോൺഗ്രസ് നേതാവിന്റെ മകൾ കുത്തേറ്റു മരിച്ച സംഭവം ലോക്സഭാ പ്രചരണ വിഷയമാക്കാൻ ബിജെപി; ലൗ ജിഹാദ് ആരോപിച്ചു എബിവിപിയുടെ പ്രതിഷേധം; മുഖ്യമന്ത്രി സിദ്ധരാമയ്യക്ക് ന്യൂനപക്ഷത്തെ പ്രീതിപ്പെടുത്തുന്ന രാഷ്ട്രീയമെന്ന് കേന്ദ്രമന്ത്രി പ്രഹ്ലാദ് ജോഷി; ലൗ ജിഹാദെന്ന നേഹയുടെ പിതാവിന്റെ നിലപാടിൽ വെട്ടിലായി കോൺഗ്രസ്
- ഇറാനിൽ ഇസ്രയേലിന്റെ വ്യോമാക്രമണം ഇന്ത്യൻ വിപണിക്ക് ആശങ്കയാകുന്നു; കുതിച്ചുയർന്ന് ക്രൂഡോയിൽ വില; ബാരലിന് 90 ഡോളറിലെത്തി; ഇപ്പോഴത്തെ നിലയിൽ വില 100 ഡോളർ വരെ ഉയർന്നേക്കുമെന്ന് ആശങ്ക; ഇറാൻ-ഇസ്രയേൽ പോര് പശ്ചിമേഷ്യയിലെ സ്ഥിതിഗതികൾ കൂടുതൽ ആശങ്കപ്പെടുത്തുന്നു
- വെടിക്കെട്ട് കമ്മറ്റിക്കാരെ പോലും മൈതാനത്ത് അനുവദിക്കാത്ത കമ്മീഷണർ; തിരുവമ്പാടിയുടെ പ്രതിഷേധത്തിന് പിന്നാലെ ദേശക്കാരും കമ്മീഷണറും തമ്മിൽ തർക്കം; നായ്ക്കനാലിൽ ലാത്തി വീശൽ; പൊലീസിനെതിരെ ഗോ ബാക്ക് വിളികൾ; രാത്രിയിലെ പൂരക്കാഴ്ചകൾ വഴിതെറ്റിയ 2024; മഠത്തിൽ വരവ് നിർത്തിയത് സർക്കാരിനും തിരിച്ചടി
- തനിക്കു വന്ന അതേ അസുഖം തന്നെയാണ് കലാഭവൻ മണിക്കും വന്നത്; അസുഖമുണ്ട് എന്ന് അംഗീകരിക്കാൻ മണി തയാറായിരുന്നില്ല; സിനിമയിൽ നിന്ന് പുറത്താകുമോ എന്നു ഭയന്നു: സലിം കുമാർ പറയുന്നു
- കള്ളി എന്നതാണ് ഇപ്പോഴത്തെ മേൽവിലാസം.. കള്ളിയുടെ അച്ഛൻ എന്ന മേൽവിലാസവും കൊണ്ട് ആണ് 2 മാസം മുമ്പ് അച്ഛൻ മരിച്ചുപോയത്; കൂടെ ഉണ്ടായിരുന്നവരൊന്നും കൂട്ടുന്നില്ല; ഉറങ്ങിയിട്ട് വർഷം ഒന്നാകാറായി; വിദ്യ വിജയന്റെ കുറിപ്പ്
- ഇറാനിൽ ഇസ്രയേലിന്റെ വ്യോമാക്രമണം ഇന്ത്യൻ വിപണിക്ക് ആശങ്കയാകുന്നു; കുതിച്ചുയർന്ന് ക്രൂഡോയിൽ വില; ബാരലിന് 90 ഡോളറിലെത്തി; ഇപ്പോഴത്തെ നിലയിൽ വില 100 ഡോളർ വരെ ഉയർന്നേക്കുമെന്ന് ആശങ്ക; ഇറാൻ-ഇസ്രയേൽ പോര് പശ്ചിമേഷ്യയിലെ സ്ഥിതിഗതികൾ കൂടുതൽ ആശങ്കപ്പെടുത്തുന്നു
- കാസർകോട് ഇടതുമുന്നണി തിരിച്ചുപിടിക്കുമോ? കണ്ണൂരിൽ സുധാകരൻ വീഴുമോ? വടകരയിൽ ഷാഫിയോ ശൈലജയോ? കോഴിക്കോട് രാഘവേട്ടനോ, കരീംക്കയോ? രാഹുൽഗാന്ധി മാജിക്ക് ആവർത്തിക്കുമോ? എൻഡിഎ വോട്ട് ഉയർത്തുമോ? മറുനാടൻ മലയാളി ഇലക്ഷൻ സർവേയുടെ ആദ്യഘട്ട ഫലം അറിയാം
- ത്രികോണ പോരിന് ഒടുവിൽ സുരേഷ് ഗോപി തൃശ്ശൂർ എടുക്കുമോ? പാലക്കാടൻ കാറ്റ് മാറി വീശുമോ? ആലത്തൂരിൽ രമ്യ പാട്ടുംപാടി വിജയിക്കുമോ? മലപ്പുറത്തും പൊന്നാനിയിലും ലീഗ് കോട്ടകളിൽ നേരിയ വിള്ളലെങ്കിലും വീഴുമോ? നെഞ്ചിടിപ്പേറുന്ന മണ്ഡലങ്ങളിലൂടെ മറുനാടൻ സർവേയുടെ രണ്ടാം ഘട്ടം ഫലം
- സുഹൃത്തും തന്റെ ഭാര്യയുമായി അവിഹിത ബന്ധം; പകരം സുഹൃത്തിന്റെ ഭാര്യയോട് കിടപ്പറ പങ്കിടാൻ ആവശ്യപ്പെട്ടു; പൊലീസ് കേസും വഴക്കുമായപ്പോൾ ആത്മഹത്യ ചെയ്യാൻ തീരുമാനിച്ച ദമ്പതികളിൽ ഭാര്യ മരിച്ചു; പ്രേരണാക്കുറ്റത്തിന് ഭർത്താവ് അറസ്റ്റിൽ: വെച്ചൂച്ചിറയിൽ നിന്ന് ഞെട്ടിക്കുന്ന കഥ
- അനന്തപുരിയിൽ തരൂർ വീഴുമോ? ആറ്റിങ്ങലിൽ അടൂർ പ്രകാശിന് അടിതെറ്റുമോ? കൊല്ലത്ത് മുകേഷോ, പ്രേമചന്ദ്രനോ? പത്തനംതിട്ട ആർക്ക്? അനിൽ ആന്റണി വോട്ടുയർത്തുമോ; മാവേലിക്കരയിൽ അട്ടിമറിയോ? കേരളം ആർക്കൊപ്പം; 20 മണ്ഡലങ്ങളിലെയും മറുനാടൻ സർവേ ഫലം അറിയാം
- സ്കൂളിൽ പ്രാർത്ഥന വിലക്കിയ നടപടി ശരിവെച്ച് ബ്രിട്ടീഷ് കോടതി; വളരെ മികച്ചതെന്ന റേറ്റിങ് ലഭിച്ച സ്കൂളിനെതിരെ കോടതിയെ സമീപിച്ചത് മുസ്ലിം വിദ്യാർത്ഥിനി; എല്ലാ വിഭാഗങ്ങളെയും ഉൾക്കൊള്ളുന്ന സ്കൂൾ നയത്തിന്റെ വിജയമെന്ന് സ്കൂൾ അധികൃതർ
- വ്യാഴാഴ്ച പ്രാർത്ഥനയ്ക്ക് പോയിരുന്ന ജെസ്നയെ കാണാതായതും വ്യാഴാഴ്ച; ആരാധനാ സ്ഥലം കണ്ടെത്തിയെന്ന് അച്ഛൻ; രഹസ്യ സുഹൃത്തിന്റെ ഫോട്ടോയും കുടുംബം കണ്ടെത്തി! സിബിഐ സഞ്ചരിക്കാത്ത വഴികളിലൂടെ പോയ അച്ഛന് കിട്ടിയത് ഞെട്ടിക്കുന്ന വിവരങ്ങളോ? ജെസ്നയ്ക്ക് സംഭവിച്ചത് എന്ത്?
- ആലപ്പുഴയിലെ 'കനൽത്തരി' അണയുമോ? ചാലക്കുടിയിൽ ട്വന്റി ട്വന്റി വോട്ടുകൾ ആർക്ക് ഭീഷണിയാകും? എറണാകുളത്തും ഇടുക്കിയിലും യുഡിഎഫ് തന്നെയോ? കോട്ടയത്ത് വിജയിക്കുക ഏത് കേരളാ കോൺഗ്രസ്? മറുനാടൻ സർവേ മൂന്നാംഘട്ട ഫലം അറിയാം..
- ഇനി യുദ്ധത്തിനില്ല, ആക്രമിച്ചാൽ തിരിച്ചടിക്കും, ആക്രമണ വിവരം അമേരിക്കയെ അറിയിച്ചിരുന്നു; ഇറാനെ ലക്ഷ്യം വച്ചാൽ അമേരിക്കയുടെ താവളങ്ങൾ ലക്ഷ്യമിടും; മിസൈൽ ആക്രമണത്തിനെതിരെ ലോകരാജ്യങ്ങൾ ഒരുമിച്ചതോടെ ഇറാൻ ആകെ പെട്ട അവസ്ഥയിൽ; ഇസ്രയേൽ തിരിച്ചടി എങ്ങനെയാകും എന്ന ആശങ്കയിൽ ലോകം
- ഒരു ജൂനിയർ പറയാൻ പാടില്ലാത്ത കഥകളാണ് ശ്രീനിയുടെ മകൻ പറഞ്ഞതെന്ന് മുകേഷ്; എന്നാൽ അത് ധ്യാൻ തന്നെയാകുമെന്ന് ആരാധകർ
- ആടുജീവിതം ഇസ്ലാമോഫോബിയ പരത്തുന്ന ചിത്രമോ? നോവലിന്റെ അറബിപതിപ്പ് യുഎഇയിലും സൗദിയിലും നിരോധിച്ചത് 2014ൽ; ഇപ്പോൾ സിനിമക്കും യുഎഇ ഒഴികെയുള്ള ഗൾഫ് രാജ്യങ്ങളിൽ പ്രദർശനാനുമതിയില്ല; കേരളത്തിലെ യുക്തിവാദികൾക്കിടയിലും ചർച്ച; ആടുജീവിതം വിവാദമാവുമ്പോൾ
- അനുജയുമൊന്നിച്ച് കാർ തടിലോറിയിലേക്ക് ഇടിച്ചു കയറ്റി ഹാഷിം ജീവനൊടുക്കിയെന്ന് സഹ അദ്ധ്യാപകരുടെയും ബന്ധുക്കളുടെയും മൊഴി; അടൂരിനെ നടുക്കിയ അപകടം; സ്കൂൾ അദ്ധ്യാപികയെയും കൂട്ടി സ്വകാര്യ ബസ് ഡ്രൈവർ ആത്മഹത്യ ചെയ്തതെന്ന് സൂചന; സ്വിഫ്ട് ഡിസയർ കാർ ഓടിച്ചു കയറ്റിയത് കണ്ടെയ്നർ ലോറിയിലേക്ക്: സംഭവം കെപി റോഡിൽ പട്ടാഴമുക്കിൽ
- കള്ളി എന്നതാണ് ഇപ്പോഴത്തെ മേൽവിലാസം.. കള്ളിയുടെ അച്ഛൻ എന്ന മേൽവിലാസവും കൊണ്ട് ആണ് 2 മാസം മുമ്പ് അച്ഛൻ മരിച്ചുപോയത്; കൂടെ ഉണ്ടായിരുന്നവരൊന്നും കൂട്ടുന്നില്ല; ഉറങ്ങിയിട്ട് വർഷം ഒന്നാകാറായി; വിദ്യ വിജയന്റെ കുറിപ്പ്
- റഷ്യയിലെ ഭീകരാക്രമണത്തിൽ പിടികൂടിയ ഐസിസ് ഭീകരർ നേരിടാൻ പോകുന്നത് റഷ്യൻ പൊലീസിന്റെ സമാനതകളില്ലാത്ത മർദ്ദനമുറകൾ; ചെവിമുറിച്ച് സ്വയം ഭക്ഷിക്കുവാൻ കൊടുത്തതിന് പുറമെ വൈദ്യുതാഘാതവും വസ്ത്രമൂരി അടിയും; മരിച്ചാൽ ബന്ധുക്കൾക്ക് ശരീരം വിട്ടു നൽകുന്നത് ആന്തരികാവയവങ്ങൾ നീക്കിയ ശേഷം
- അരവിന്ദ് കേജ്രിവാൾ ഡൽഹി മദ്യനയ അഴിമതിയുടെ മുഖ്യസൂത്രധാരൻ; അനുകൂല നയം രൂപീകരിക്കാൻ കോടികൾ കൈക്കൂലി വാങ്ങി; കോഴപ്പണം കൈകകാര്യം ചെയ്യുന്നതിലും മുഖ്യമന്ത്രി ഇടപെട്ടു; കോഴപ്പണം എഎപി ഗോവ തിരഞ്ഞെടുപ്പിൽ ഉപയോഗിച്ചുവെന്നും ഇ.ഡി; പത്തു ദിവസത്തെ കസ്റ്റഡിയിൽ വിടണമെന്നും കോടതിയിൽ
- വൈകീട്ട് തിരക്കില്ലാതിരുന്നിട്ടും നിർത്താതെ പോയ കോട്ടയം ബസിന്റെ ഡ്രൈവർ ആരെന്നറിയാൻ യാത്രക്കാരൻ ഡിപ്പോയിലേക്കു വിളിച്ചു; ഇതോടെ വാളകത്തിന്റെ പ്രസക്തി ഡ്രൈവർക്ക് മനസ്സിലായി; ജോലി പോകാതിരിക്കാൻ ഇമ്പൊസിഷനും എഴുതി; ആനവണ്ടിക്ക് യജമാനൻ യാത്രക്കാരനാകുമ്പോൾ!
- പിറന്നാളിന് വാങ്ങിയത് ഓൺലൈനിൽ ഓർഡൽ ചെയ്ത കേക്ക്; ഭക്ഷ്യവിഷബാധയേറ്റ് പത്തു വയസ്സുകാരിക്ക് ദാരുണാന്ത്യം: പിറന്നാൾ പിറ്റേന്ന് ദാരുണമായി മരിച്ചത് പത്തു വയസ്സുകാരി മൻവി
- സിനിമയുടെയും ആത്മാവായ ആ സീൻ സെൻസർ ബോർഡ് വെട്ടിമാറ്റിയെന്ന് ബെന്യാമിൻ; ഷൂട്ട് ചെയ്തിട്ടില്ലെന്ന് ബ്ലെസി; അങ്ങനെ ഒന്ന് ഉണ്ടായിട്ടില്ലെന്നും എഴുത്തുകാരൻ ചേർത്തതാണെന്നും നജീബ്; ആടുമായി നജീബ് ലൈംഗിക ബന്ധത്തിൽ ഏർപ്പെടുന്ന രംഗത്തിന് എന്താണ് സംഭവിച്ചത്?
- ഇറാനിൽ ഇസ്രയേലിന്റെ വ്യോമാക്രമണം ഇന്ത്യൻ വിപണിക്ക് ആശങ്കയാകുന്നു; കുതിച്ചുയർന്ന് ക്രൂഡോയിൽ വില; ബാരലിന് 90 ഡോളറിലെത്തി; ഇപ്പോഴത്തെ നിലയിൽ വില 100 ഡോളർ വരെ ഉയർന്നേക്കുമെന്ന് ആശങ്ക; ഇറാൻ-ഇസ്രയേൽ പോര് പശ്ചിമേഷ്യയിലെ സ്ഥിതിഗതികൾ കൂടുതൽ ആശങ്കപ്പെടുത്തുന്നു
Readers Comments+
മലയാളത്തിൽ ടൈപ്പ് ചെയ്യാൻ ഇവിടെ ക്ലിക്ക് ചെയ്യുകകമന്റ് ബോക്സില് വരുന്ന അഭിപ്രായങ്ങള് മറുനാടന് മലയാളിയുടേത് അല്ല. മാന്യമായ ഭാഷയില് വിയോജിക്കാനും തെറ്റുകള് ചൂണ്ടി കാട്ടാനും അനുവദിക്കുമ്പോഴും മറുനാടനെ മനഃപൂര്വ്വം അധിക്ഷേപിക്കാന് ശ്രമിക്കുന്നവരെയും അശ്ലീലം ഉപയോഗിക്കുന്നവരെയും മറ്റു മലയാളം ഓണ്ലൈന് ലിങ്കുകള് പോസ്റ്റ് ചെയ്യുന്നവരെയും മതവൈരം തീര്ക്കുന്നവരെയും മുന്നറിയിപ്പ് ഇല്ലാതെ ബ്ലോക്ക് ചെയ്യുന്നതാണ് - എഡിറ്റര്