വളാഞ്ചേരിയിൽ വാടക ക്വാർട്ടേഴ്സിൽ തനിച്ചു താമസിച്ച ഹോം നഴ്‌സിനെ കൊലപ്പെടുത്തിയത് കഴുത്...

വളാഞ്ചേരിയിൽ വാടക ക്വാർട്ടേഴ്സിൽ തനിച്ചു താമസിച്ച ഹോം നഴ്‌സിനെ കൊലപ്പെടുത്തിയത് കഴുത്തിൽ ഷാൾ മുറുക്കി; വീട്ടിലെ മുറിക്കുള്ളിൽ കട്ടിലിൽ മലർന്നു കിടക്കുന്ന നിലയിൽ കണ്ടെത്തിയ മൃതദേഹത്തിലെ വസ്ത്രം മാറിടംവരെ ഉയർന്ന് കിടന്നു; പോസ്റ്റുമോർട്ടം റിപ്പോർട്ടും വിരൽചൂണ്ടുന്നത് പീഡന ശ്രമത്തിന് ഇടയുള്ള കൊലപാതകത്തിലേക്ക്; തിരുവനന്തപുരം സ്വദേശിനിയായ നഫീസത്തുമായി അടുപ്പമുള്ളവരിലേക്ക് അന്വേഷണം വ്യാപിപ്പിച്ച് പൊലീസ്

July 11, 201907:49 AM IST Permalink

ജംഷാദ് മലപ്പുറം

മലപ്പുറം: കഴിഞ്ഞ ദിവസം മലപ്പുറം വളാഞ്ചേരി വൈക്കത്തൂരിലെ വാടക ക്വാർട്ടേഴ്സിൽ തനിച്ചു താമസിക്കുന്ന ഹോം നഴ്സിനെ മരിച്ചനിലയിൽ കണ്ടെത്തിയ സംഭവത്തിൽ ദുരൂഹത തുടരുന്നു. സംഭവം കൊലപാതകമാണെന്ന് വിരൽചൂണ്ടുന്ന വിവരങ്ങളാണ് പുറത്തുവരുന്നത്. ഇക്കാര്യം വ്യക്തമാക്കുന്നതാണ് പോസ്റ്റുമോർട്ടം റിപ്പോർട്ടിലെ വിവരങ്ങൾ.

കഴുത്തിൽ ഷാൾ മുറുക്കി കൊലപ്പെടുത്തിയതാകാമെന്നാണ് പോസ്റ്റ്മോർട്ടം റിപ്പോർട്ടിൽ പറയുന്നത്. അതോടൊപ്പം പീഡനശ്രമം നടന്നതായും സൂചനയുണ്ട്. തിരുവനന്തപുരം പൂന്തുറ സ്വദേശി സൂഫിയ മൻസിലിൽ റഫീഖിന്റെ ഭാര്യ നഫീസത്തിനെയാണ് ചൊവ്വാഴ്ച മരിച്ചനിലയിൽ കണ്ടെത്തിയത്. മൃതദേഹത്തിന് നാല് ദിവസത്തോളം പഴക്കമുണ്ടായിരുന്നു.

വീട്ടിലെ മുറിക്കുള്ളിൽ കട്ടിലിൽ മലർന്നു കിടക്കുന്ന നിലയിലായിരുന്നു മൃതദേഹം. മൃതദേഹത്തിലെ വസ്ത്രം മാറിടംവരെ ഉയർന്ന് കിടന്നിരുന്നു. നാലുദിവസത്തോളം പഴക്കമുള്ള മൃതദേഹം ജീർണ്ണിച്ച് പുഴുവരിച്ച നിലയിലായിരുന്നു. ബുധനാഴച്ച കോഴിക്കോട് മെഡിക്കൽ കോളേജിൽ പോസ്റ്റ്മോർട്ടം നടത്തിയ ഡോക്ടർ നൽകിയ വിവരമനുസരിച്ച് കഴുത്തിൽ ഷാൾ മുറുക്കി എന്നതാണ്. പീഡന ശ്രമത്തിനിടയിൽ കൊലപ്പെടുത്തിയതാകാമെന്നാണ് പൊലീസ് നിഗമനം.

പൊന്നാനിയിൽ താമസക്കാരനായ നഫീസത്തിന്റെ മകൻ ഷഫീഖ് ഇവരെ ഫോണിൽ ബന്ധപ്പെടാൻ കഴിയാത്തതിനെ തുടർന്ന് ചൊവ്വാഴ്ച ഉച്ചയോടെ താമസസ്ഥലത്ത് എത്തിയപ്പോഴാണ് മൃതദേഹം കണ്ടത്. തുടർന്ന് നാട്ടുകാരെയും വളാഞ്ചേരി പൊലീസിലും അറിയിക്കുകയായിരുന്നു. വീടിന്റെ വാതിലുകൾ തുറന്നിട്ട നിലയിലായിരുന്നു. ടി വിയും ലൈറ്റുകളുമെല്ലാം പ്രവർത്തിച്ചിരുന്നു. തിരൂർ ഡി.വൈ.എസ്‌പി. ജലീൽ തോട്ടത്തിൽ, വളാഞ്ചേരി എസ്.എച്ച്.ഒ. എം. മനോഹരൻ, മലപ്പുറത്ത് നിന്നുള്ള ഫോറൻസിക്, വിരലടയാള വിദഗ്ദ്ധർ സ്ഥലത്തെത്തി പരിശോധന നടത്തിയിരുന്നു.

മരിച്ച നഫീസത്തുമായി ബന്ധമുള്ളവർ നാട്ടുകാർ ബന്ധുക്കൾ എന്നിവരെ കേന്ദ്രീകരിച്ച് പൊലീസ് അന്വേഷണം നടത്തുന്നുണ്ട്. ജില്ലാ പൊലീസ് മേധാവിയുടെ നേതൃത്വത്തിൽ തിരൂർ ഡി.വൈ.എസ്‌പി. ജലീൽ തോട്ടത്തിൽ, വളാഞ്ചേരി എസ്.എച്ച്.ഒ. എം. മനോഹരൻ എന്നിവരാണ് കേസന്വേഷണം നടത്തുന്നത്.

തിരുവനന്തപുരം പൂന്തുറ സ്വദേശിയായ ഹോം നഴ്സ് സൂഫിയ മൻസിലിൽ റഫീഖിന്റെ ഭാര്യ നഫീസത്തിനെ(52) വളാഞ്ചേരി വൈക്കത്തൂരിലെ വാടക ക്വാർട്ടേഴിൽ മരിച്ച നിലയിൽ കണ്ടെത്തിത് ചൊവ്വാഴ്‌ച്ചയാണ്,. വീട്ടിലെ മുറിക്കുള്ളിൽ കട്ടിലിൽ മലർന്നു കിടക്കുന്ന നിലയിലായിരുന്നു മൃതദേഹം. ഫോണിൽ ബന്ധപ്പെടാൻ കഴിയാത്തതിനെ തുടർന്ന് പൊന്നാനിയിലുള്ള നഫീസത്തിന്റെ മകൻ ഷഫീഖ് അന്നേദിവസം ഉച്ചയോടെ താമസസ്ഥലത്ത് എത്തിയപ്പോഴാണ് മൃതദേഹം കണ്ടത്. വാതിലുകൾ തുറന്നിട്ട നിലയിലായിരുന്നു. ടി.വിയും ലൈറ്റുകളും പ്രവർത്തിച്ചിരുന്നു.

തിരൂർ ഡി.വൈ.എസ്‌പി. ജലീൽ തോട്ടത്തിൽ, വളാഞ്ചേരി എസ്.എച്ച്.ഒ. എം.മനോഹരൻ, ഫോറൻസിക് വിദഗ്ധരും സ്ഥലത്തെത്തിയാണ് പരിശോധന നടത്തിയിരുന്നത്. വളാഞ്ചേരിയിലും പരിസര പ്രദേശങ്ങളിലുമായി താമസിച്ച് ഹോം നഴ്സായി ജോലി ചെയ്യുകയായിരുന്നു നഫീസത്ത്. നാല് മാസം മുമ്പാണ് വൈക്കത്തൂരിലെ ക്വാർട്ടേഴ്സിൽ തനിച്ച് താമസം തുടങ്ങിയത്. ശനിയാഴ്ച രാവിലെ വീടിനുപുറത്ത് ഇവരെ കണ്ടിരുന്നതായി സമീപവാസികൾ പറഞ്ഞു. കോഴിക്കോട് മെഡിക്കൽ കോളേജിലെ പോസ്റ്റുമോർട്ടത്തിന് ശേഷം മൃതദേഹം ഇന്ന് ബന്ധുക്കൾക്ക് വിട്ടുനൽകും.

Stories you may Like

Readers Comments+

മലയാളത്തിൽ ടൈപ്പ്‌ ചെയ്യാൻ ഇവിടെ ക്ലിക്ക്‍ ചെയ്യുക

കമന്റ് ബോക്‌സില്‍ വരുന്ന അഭിപ്രായങ്ങള്‍ മറുനാടന്‍ മലയാളിയുടേത് അല്ല. മാന്യമായ ഭാഷയില്‍ വിയോജിക്കാനും തെറ്റുകള്‍ ചൂണ്ടി കാട്ടാനും അനുവദിക്കുമ്പോഴും മറുനാടനെ മനഃപൂര്‍വ്വം അധിക്ഷേപിക്കാന്‍ ശ്രമിക്കുന്നവരെയും അശ്ലീലം ഉപയോഗിക്കുന്നവരെയും മറ്റു മലയാളം ഓണ്‍ലൈന്‍ ലിങ്കുകള്‍ പോസ്റ്റ് ചെയ്യുന്നവരെയും മതവൈരം തീര്‍ക്കുന്നവരെയും മുന്നറിയിപ്പ് ഇല്ലാതെ ബ്ലോക്ക് ചെയ്യുന്നതാണ് - എഡിറ്റര്‍

Forex Rate:

ജംഷാദ് മലപ്പുറം

Stories you may Like

Readers Comments+

More News in this category+

MNM Recommends +

തിരഞ്ഞെടുപ്പ്: ബുധനാഴ്ച വൈകിട്ട് 6 മണി മുതൽ മദ്യവിൽപ്പന ശാലകൾക്ക് അവധി; വോട്ടെണ്ണൽ നടക്കുന്ന ജൂൺ നാലിനും അവധി