മൃതദേഹം വെച്ച് കോടതി വിധി അട്ടിമറിക്കാനുള്ള ശ്രമങ്ങൾ ഉൾക്കൊള്ളാൻ കഴിയില്ല; ഇത്തരം വിലപേശൽ ശ്രമങ്ങളാണ് സഭാ തർക്കം രൂക്ഷമാക്കുന്നത്; കോടതി വിധിക്ക് അനുസൃതമായി ശവസംസ്കാര ശുശ്രൂഷ നടത്തിക്കൊടുക്കാൻ ഞങ്ങൾ സന്നദ്ധമാണെന്ന് ഓർത്തഡോക്സ് സഭ; പള്ളികളുടെ ഭരണം ഓർത്തഡോക്സ് സഭയ്ക്കും വിശ്വാസികളുടെ ശക്തി യാക്കോബായ സഭയ്ക്കുമാകുമ്പോൾ ആകെ വലയുന്നത് സാധാരണ വിശ്വാസികൾ: സംസ്കാര ചടങ്ങുകൾക്ക് പൊലീസ് അകമ്പടി സേവിക്കുമ്പോൾ ഖജനാവും ചോരുന്നു
എം മനോജ് കുമാർ
കോലഞ്ചേരി: പതിറ്റാണ്ടുകളായി നിലനിൽക്കുന്ന ഓർത്തഡോക്സ്-യാക്കോബായ സഭാ തർക്കങ്ങളുമായി ബന്ധപ്പെട്ട സംഘർഷം ഈ മേഖലയിലെ ക്രമസമാധാന പാലനം അവതാളത്തിലാകുന്നു. പൊലീസും റവന്യൂ ഉദ്യോഗസ്ഥരും പള്ളിത്തർക്കവുമായി ബന്ധപ്പെട്ടു വരുന്ന സംഘർഷങ്ങളിൽ ശ്രദ്ധ കേന്ദ്രീകരിക്കുന്നതിനാൽ പൊതുജനവുമായി ബന്ധപ്പെട്ട പ്രശ്നങ്ങളിലേക്ക് ശ്രദ്ധ കൊടുക്കാൻ കഴിയുന്നില്ലെന്നാണ് കിഴക്കൻ മേഖലയിൽ നിന്നും ഉയരുന്ന പരാതികൾ. പള്ളിത്തർക്കത്തിൽ വിധി ഓർത്തഡോക്സ് സഭയ്ക്ക് അനുകൂലമായി വന്നതോടെ ഉടലെടുക്കുന്നത് ദിനംപ്രതി സംഘർഷങ്ങളാണ്. ഈ സംഘർഷം ശവമടക്കുകളെ ചൊല്ലിയാകുമ്പോൾ സംഘർഷത്തിനു വൈകാരിക അന്തരീക്ഷവും വരുന്നു.
സെമിത്തേരികളിൽ സംഘർഷം ഒഴിയാതെ വരുന്നതാണ് സഭാ വിശ്വാസികളെയും പൊലീസിനെയും ഒരുപോലെ അലട്ടുന്നത്. ചില പള്ളികളുടെ താക്കോൽ പൊലീസിന്റെ കൈവശം ആയതിനാൽ പള്ളികൾ തുറന്നു നൽകേണ്ട ഉത്തരവാദിത്തവും പൊലീസിനാണ്. സംഘർഷം വന്നാൽ അതുപരിഹരിക്കേണ്ട ചുമതല മാത്രമല്ല സംസ്ക്കാര ചടങ്ങുകൾക്ക് മേൽനോട്ടം വഹിക്കേണ്ട ചുമതല കൂടിയുണ്ട്. പള്ളികളുടെ ഭരണം ഓർത്തഡോക്സ് സഭയ്ക്കും വിശ്വാസികളുടെ ശക്തി യാക്കോബായ സഭയ്ക്കും ആകുമ്പോൾ സംഘർഷത്തിനു പിന്നെങ്ങും പോകേണ്ടിയും വരുന്നില്ല. അതിനാൽ പൊലീസ്-റവന്യൂ ശ്രദ്ധ മുഴുവൻ പള്ളികളെ ചുറ്റിപ്പറ്റിയുള്ള സംഘർഷങ്ങളിലാണ്. പുത്തൻ കുരിശ് പോലുള്ള മേഖലകളിൽ ആഴ്ചയിൽ പത്തിലധികം സഭാ കേസുകൾ വീതമാണ് രജിസ്റ്റർ ചെയ്യുന്നത്. അതിനുള്ള മൊഴിയെടുപ്പും കാര്യങ്ങളും വരുമ്പോൾ പൊലീസും ഇതിൽ തളച്ചിടപ്പെടുന്ന അവസ്ഥയാണ്.
റവന്യൂ-പൊലീസ് ഉദ്യോഗസ്ഥരെ നേരിട്ട് കാണാൻ കഴിയാതെ ജനങ്ങൾ വലയുമ്പോൾ ഖജനാവിനു വൻ നഷ്ടവും സഭാ തർക്കം കാരണം സൃഷ്ടിക്കപ്പെടുന്നു. ഓർത്തഡോക്സ്-യാക്കോബായ-സംഘർഷ സാധ്യതകൾ തിരിച്ചറിയുന്നതിനാൽ സംസ്ക്കാര ചടങ്ങുകൾക്ക് പൊലീസ് അകമ്പടി സേവിക്കുന്നുണ്ട്. സ്വകാര്യ ആവശ്യങ്ങൾക്കോ കോടതി നിർദ്ദേശ പ്രകാരമോ പൊലീസ് അകമ്പടി സേവിക്കുമ്പോൾ, സംരക്ഷണം നൽകുമ്പോൾ വൻ ബത്തയാണ് ഈ കാര്യത്തിൽ സർക്കാർ നൽകേണ്ടത്. ഇങ്ങിനെ ലക്ഷക്കണക്കിന് രൂപ സഭാ തർക്കവുമായി ബന്ധപ്പെട്ട പൊലീസ് അകമ്പടിക്കായി സർക്കാറിന് പൊലീസിന് നൽകേണ്ടി വരുന്നുണ്ട്.
നാല് മണിക്കൂർ ഡ്യൂട്ടി ചെയ്താൽ സിഐയ്ക്ക് (3035) എസ്ഐ (2045) എഎസ്ഐ (1495). സീനിയർ സിപിഒ (555) എന്നിങ്ങനെ സർക്കാർ നൽകണം. ഒരു ശവസംസ്കാര ചടങ്ങിൽ സംഘർഷം വരുമ്പോൾ എത്തുന്നത് പത്തിലധികം സിഐമാരാണ്. ഇരുപതിലേറെ എസ്ഐമാരും നാല്പത്തിലധികം എഎസ്ഐമാരും മുന്നൂറിലധികം പൊലീസുകാരും ഇങ്ങിനെ സംഘർഷ സ്ഥലങ്ങളിൽ ഹാജരുണ്ടാകും. ഇവർക്ക് എല്ലാം ബത്ത നൽകേണ്ടത് സർക്കാരാണ്. ലക്ഷക്കണക്കിന് രൂപയാണ് ഇങ്ങിനെ സർക്കാരിനു പ്രതിദിനം നികുതിപ്പണമായി ചിലവഴിക്കേണ്ടി വന്നിരിക്കുന്നത്. വാഹനങ്ങളും മറ്റുമായി ബന്ധപ്പെട്ട ചെലവ് വേറെയും വരുന്നുണ്ട്.
ഏറ്റവുമധികം പ്രശ്നങ്ങൾ സൃഷ്ടിക്കപ്പെടുന്നത് ശവസംസ്കാര ചടങ്ങുകളിലാണ്. വിശ്വാസികളുടെ എണ്ണം കൊണ്ട് യാക്കോബായ സഭ മുൻപിൽ നിൽക്കുമ്പോൾ പള്ളികൾ ഓർത്തഡോക്സ് സഭയുടെ അധികാര പരിധിയിലാണ്. അതുകൊണ്ട് തന്നെ യാക്കോബായ വിശ്വാസികൾക്കിടയിൽ മരണം സംഭവിക്കുമ്പോൾ ഓർത്തഡോക്സ് വൈദികനെക്കൊണ്ട് സംസ്കാര ശുശ്രൂഷകൾ നടത്തിപ്പിക്കാൻ ഇവർ താത്പര്യം കാട്ടുന്നില്ല. കൈക്കരുത്തിന്റെ ബലത്തിൽ ഇവർ പള്ളിയിലേക്ക് ഇടിച്ചു കയറുകയും സംസ്കാരം സെമിത്തേരിയിൽ നടത്തുകയും ചെയ്യും. ഇങ്ങിനെ സംസ്കാര ചടങ്ങുകൾ പൊലീസിന്റെ പിന്തുണയോടെ യാക്കോബായ വിഭാഗക്കാർ ചെയ്യുന്നതിൽ ഓർത്തഡോക്സ് പക്ഷം അസ്വസ്ഥരുമാണ്. പള്ളി ഇടവക വികാരിയുടെ അധീനതയിലാണ്.
അപ്പോൾ ശവസംസ്കാര ശുശ്രൂഷകൾ അടക്കം ഉത്തരവാദിത്തം വികാരിക്കാണ്. സെമിത്തേരിയിൽ ആരെ മറവ് ചെയ്യുന്നു എന്ന കാര്യം വികാരിക്ക് അറിയേണ്ടതുണ്ട്. അങ്ങിനെ പള്ളിക്കും അറിയണം. ഇടിച്ചു കയറി സംസ്ക്കരിക്കുമ്പോൾ ഇത്തരം കാര്യങ്ങൾ നടക്കില്ല. അജ്ഞാത ജഡം മറവ് ചെയ്യുന്നതുപോലുള്ള മറവ് ചെയ്യൽ ആണ് പലപ്പോഴും നടക്കുന്നത്. പള്ളികൾ ഓർത്തഡോക്സ് സഭയുടെ അധീനതയിലാക്കി സുപ്രീംകോടതി വിധി നിലവിലുള്ളപ്പോൾ എല്ലാ കാര്യത്തിനും ഉത്തരം പറയേണ്ടി വരുക ഓർത്തഡോക്സ് സഭാ ഉന്നതരും ആകും. ഇത് ഓർത്തഡോക്സ് പക്ഷത്തെ അലട്ടുന്നുണ്ട്. സഭാ സെക്രട്ടറിയുടെ മറുനാടനോടുള്ള പ്രതികരണത്തിലും ഇത് വ്യക്തമാണ്.
'യാക്കോബായ വിഭാഗക്കാർ പൊലീസിന്റെ സഹായത്തോടെ സംസ്കാര ചടങ്ങുകൾ നടത്തുന്നതിൽ ഓർത്തഡോക്സ് സഭയ്ക്ക് ആശങ്കയുണ്ട്. കാരണം പള്ളികൾ ഞങ്ങളുടെ അധീനതയിലാക്കി സുപ്രീംകോടതി വിധിയുണ്ട്. യാക്കോബായ സഭയുടെ ആളുകൾ മരിക്കുമ്പോൾ സംസ്കാര ചടങ്ങുകൾ അതേ ഇടവകയിൽ അല്ലെങ്കിൽ പോലും ചടങ്ങുകൾ നടത്തിക്കൊടുക്കാൻ ഓർത്തഡോക്സ് സഭ പ്രതിജ്ഞാബദ്ധമാണ്. ബാവാ തിരുമേനി ഇക്കാര്യം വ്യക്തമാക്കിയിട്ടുമുണ്ട്.-ഓർത്തഡോക്സ് സഭാ സെക്രട്ടറി ബിജു ഉമ്മൻ മറുനാടനോട് പറയുന്നു.
പൊലീസ് നിയമവിരുദ്ധ കാര്യങ്ങൾക്ക് ചിലയിടങ്ങളിൽ കൂട്ട് നിൽക്കുന്നു എന്ന കാര്യത്തിലും സഭയ്ക്ക് ആശങ്കയുണ്ട്. ചടങ്ങുകൾ നടത്തിക്കൊടുക്കാൻ ഓർത്തഡോക്സ് സഭ സന്നദ്ധമാണ്. കോടതി വിധിക്ക് അനുസൃതമായി ശവസംസ്കാര ശുശ്രൂഷ നടത്തിക്കൊടുക്കാൻ ഞങ്ങൾ സന്നദ്ധമാണ്. സഭാ നിയമപ്രകാരം പള്ളിയിലെ ശുശ്രൂഷകൾ സഭാ വികാരിക്ക് മാത്രമാണ് നടത്തിക്കൊടുക്കാൻ അനുവാദമുള്ളത്. അല്ലാതെ ഞങ്ങൾ ഒരു നിബന്ധനയും അടിച്ചേൽപ്പിക്കുകയോ അതിനായി നിർദ്ദേശം നൽകുകയോ ചെയ്തിട്ടില്ല. പള്ളിയുടെ മതിൽ ചാടിക്കടന്നോ ക്രമസമാധാന പ്രശ്നങ്ങൾ സൃഷ്ടിച്ചോ ശവസംസ്കാര ശുശ്രൂഷ നടത്തേണ്ട ആവശ്യമില്ല.
സഭാ നിയമപ്രകാരം നിയമിക്കപ്പെട്ട വികാരി ശുശ്രുഷ നടത്തണം എന്നാണ് ഞങ്ങളുടെ മിതമായ ആവശ്യം. അത് സ്വാഭാവികമാണ്. പള്ളി വികാരിയുണ്ടെങ്കിൽ അദ്ദേഹം വേണം അടക്കാൻ. അത് നിർബന്ധമാണ്. അല്ലാതെ മൃതദേഹം അടക്കിക്കൊടുക്കില്ല എന്ന തീരുമാനം എടുത്തിട്ടില്ല. കഴിഞ്ഞയാഴ്ച നെച്ചൂർ പള്ളിയിൽ മരണമുണ്ടായി. മകൾ രേഖാമൂലം എഴുതി തന്നു. ഞങ്ങൾ അന്തസോടെ നടത്തിക്കൊടുത്തു. യാക്കോബായക്കാരെ ഞങ്ങൾ സഹോദരങ്ങൾ എന്ന രീതിയിൽ തന്നെയാണ് കാണുന്നത്. ശവം വെച്ച് വിലപറയരുത്. മൃതദേഹം വെച്ച് വിലപറയാനുള്ള നിലപാട് കാണിക്കുമ്പോഴാണ്,മൃതദേഹം വെച്ച് വിലപറഞ്ഞു കോടതി വിധികൾ അട്ടിമറിക്കാനുള്ള ശ്രമങ്ങൾ നടത്തുമ്പോൾ അതാണ് പ്രശ്നങ്ങൾക്ക് കാരണമാകുന്നത്.
മൃതദേഹം വെച്ച് കോടതി വിധി അട്ടിമറിക്കാനുള്ള ശ്രമങ്ങൾ ഞങ്ങൾക്ക് ഉൾക്കൊള്ളാൻ കഴിയില്ല. ഇത് മാത്രമാണ് ഞങ്ങൾ പറയുന്നത്. പൊലീസിന്റെ ഒത്താശയോടെ സംസ്കാര ചടങ്ങുകളിൽ നിയമവിരുദ്ധ പ്രവർത്തനം നടക്കുന്നു. ഇത് എത്രകാലം ഞങ്ങൾക്ക് കണ്ടു നിൽക്കാൻ സാധിക്കും. ഒരു പറ്റം പൊലീസ് ഉദ്യോഗസ്ഥരോ ഒരു പറ്റം രാഷ്ട്രീയക്കാരോ സ്വാർത്ഥ ലാഭത്തിനു വേണ്ടി സഭാ വിഷയങ്ങളെ വഷളാക്കുന്നു എന്ന് ഓർത്തഡോക്സ് സഭ സംശയിക്കുന്നു. പൊലീസ് ഇത്തരം കാര്യങ്ങളിൽ സംരക്ഷണം നൽകുമ്പോൾ സുപ്രീകോടതി വിധി ലംഘിക്കപ്പെടുകയാണ്. ക്രമസമാധാനം തകർന്നു പോയാൽ രാജ്യത്തിന്റെ അഖണ്ഡതയെ തന്നെ ബാധിക്കും. സഭാ കേസിൽ പതിറ്റാണ്ടുകൾക്ക് ശേഷം സുപ്രീംകോടതി മെറിറ്റോറിയസ് ആയി വിധി പ്രഖ്യാപിച്ചിരിക്കുന്നു. ആ വിധി ഓർത്തഡോക്സ് സഭയ്ക്ക് അനുകൂലമാണ്. ഈ വിധിയെ വെല്ലുവിളിക്കുന്നത് രാജ്യത്തിന്റെ നിയമവ്യവസ്ഥയോടുള്ള വെല്ലുവിളിയാണ്- സഭാ സെക്രട്ടറി പറയുന്നു.
അതേസമയം സുപ്രീംകോടതി വിധിയനുസരിച്ച് സഭാ തർക്കം നിലനിൽക്കുന്ന പള്ളികളുടെ അധികാരങ്ങൾ ഓർത്തഡോക്സ് സഭയിലേക്ക് തന്നെ കൈമാറപ്പെടുന്നുണ്ട്. പള്ളിത്തർക്കവുമായി ബന്ധപ്പെട്ടു സംഘർഷം നിലനിന്ന കായംകുളം കട്ടച്ചിറ സെന്റ് മേരീസ് ഓർത്തഡോക്സ് ചർച്ച് സുപ്രീംകോടതി വിധിപ്രകാരം ഓർത്തഡോക്സ് സഭയ്ക്ക് വിട്ടു നൽകിയിട്ടുണ്ട്. ഈ പള്ളിയിൽ ഓർത്തഡോക്സ് സഭാ വൈദികരും വിശ്വാസികളും പ്രവേശിച്ച് ആരാധന നടത്തുകയും ചെയ്തു. ഒരു വർഷം മുൻപാണ് ഈ പള്ളി ഓർത്തഡോക്സ് സഭയ്ക്ക് വിട്ടു നൽകി സുപ്രീംകോടതി വിധി വന്നത്. സുപ്രീംകോടതിയുടെ മൂന്നംഗം ബെഞ്ചാണ് ഇത് സംബന്ധിച്ച അന്തിമവിധി പുറപ്പെടുവിച്ചത്.
ഇതോടെ യാക്കോബായ സഭ ആസ്തിത്വം നഷ്ടപ്പെടുന്ന സ്ഥിതിയിലേക്ക് കാര്യങ്ങൾ നീങ്ങുകയാണ്. എറണാകുളം ജില്ലയിലെ തർക്കമുള്ള പള്ളികളും ഈയാഴ്ച ഓർത്തഡോക്സ് സഭയുടെ പിടിയിൽ അമർന്നേക്കും. സുപ്രീം കോടതി വിധി നടപ്പാക്കിയില്ലെങ്കിൽ ചീഫ് സെക്രട്ടറിയെ അകത്തിടുമെന്ന സുപ്രീം കോടതിവിധി പള്ളി തർക്കത്തിൽ ഓർത്തഡോക്സ് സഭയ്ക്ക് ഒരു കാലത്തും ഇല്ലാത്ത മേധാവിത്തമാണ് നൽകിയിരിക്കുന്നത്. പല തർക്ക പള്ളി കളിലും ഓർത്തഡോക്സ് സഭ ഇപ്പോൾ അംഗത്വ രജിസ്റ്റർ പുതുക്കുന്ന തിരക്കിലുമാണ്.
- TODAY
- LAST WEEK
- LAST MONTH
- സംസ്ഥാന സർക്കാരിന് നാണക്കേടായി കെ എസ് ആർ ടിസി ബസിൽ സഹയാത്രികയുടെ മാറിടത്തിൽ കയറിപ്പിടിച്ച് അപമാനിച്ച് പൊതു മേഖലാ സ്ഥാപനത്തിന്റെ മാനേജിങ് ഡയറക്ടർ; ഡോ ആർ രാജീവിന് ജാമ്യം കിട്ടിത് മാത്രം ആശ്വാസമായി; ഏപ്രിൽ ഫൂൾ ദിനത്തിൽ നടന്ന ആരും അറിയാത്ത പീഡന വാർത്ത
- കള്ളനോട്ട് അച്ചടിച്ചത് എടിഎമ്മിലൂടെ മാറ്റിയെടുക്കാൻ; നിക്ഷേപിച്ച നോട്ടുകൾ മിഷിനുള്ളിലേക്ക് പോയപ്പോൾ അവർ തുള്ളിച്ചാടി; അമ്മയുടെ അക്കൗണ്ടിൽ പണം കാണിക്കാതെ വന്നപ്പോൾ ആശങ്കയും; പിന്നാലെ പൊലീസ് എത്തി ആ വിരുതന്മാരെ പൊക്കി; ആര്യാനാട്ടെ അറസ്റ്റിൽ തെളിയുന്നത് എടിഎമ്മിന്റെ മികവ്
- രാത്രിയിൽ മഠത്തിൽ വരവ് പഞ്ചവാദ്യം നടക്കുന്നതിനിടെ നടുവിലാൽ ഭാഗത്തു പൊലീസ് ബാരിക്കേഡ് വച്ച് എഴുന്നള്ളിപ്പ് തടഞ്ഞത് പ്രകോപനമായി; നടുവിലാലിലെ പൂരപ്പന്തലിന്റെ ലൈറ്റ് അണച്ചു തിരുവമ്പാടി ദേവസ്വം; ഇരുട്ടിന്റെ ഭംഗിയിൽ ഇത്തവണ പൂര വെടിക്കെട്ട് നടന്നില്ല; തൃശൂരിൽ നാടകീയതകൾ; പൂരത്തിലുണ്ടായത് ചരിത്രത്തിലെ ആദ്യ സംഭവം
- തൃശൂർ പൂരപ്രേമികൾക്ക് വേദനയുടേയും നിരാശയുടേയും വെടിക്കെട്ട്; ഏഴരയോടെ പാറമേക്കാവ് തിരി കൊളുത്തി; എട്ടു മണിയോടെ തിരുവമ്പാടിയുടെ വെടിക്കെട്ടിനും അവസാനം; പൂര പറമ്പിൽ പൊലീസ് രാജെന്ന് ദേശക്കാർ; രാത്രിയിലെ ആകാശ വിസ്മയം ഇത്തവണ നടന്നില്ല; തൃശൂർ പൂരത്തിൽ ഉണ്ടായതെല്ലാം സമാനതകളില്ലാത്ത വിവാദങ്ങൾ
- പാസ് നൽകിയ പൊലീസ് തന്നെ പ്രവേശനം നിഷേധിച്ചു; പാറമേക്കാവിലെ തിടമ്പേറ്റിയ ആനയ്ക്ക് വെള്ളം കൊടുക്കാൻ ശ്രമിച്ച പൂജാരിയേയും തടഞ്ഞു; പൂര എഴുന്നള്ളിപ്പിലേക്ക് വാഹനങ്ങളും എത്തി; പൂരത്തിന്റെ സൗഹൃദാന്തരീക്ഷത്തിന് കോട്ടം വരുത്തിയത് പൊലീസോ? നടുവിലാലിലെ ബാരിക്കേഡിൽ പ്രശ്നത്തുടക്കം
- കർണാടകയിലെ കോൺഗ്രസ് നേതാവിന്റെ മകൾ കുത്തേറ്റു മരിച്ച സംഭവം ലോക്സഭാ പ്രചരണ വിഷയമാക്കാൻ ബിജെപി; ലൗ ജിഹാദ് ആരോപിച്ചു എബിവിപിയുടെ പ്രതിഷേധം; മുഖ്യമന്ത്രി സിദ്ധരാമയ്യക്ക് ന്യൂനപക്ഷത്തെ പ്രീതിപ്പെടുത്തുന്ന രാഷ്ട്രീയമെന്ന് കേന്ദ്രമന്ത്രി പ്രഹ്ലാദ് ജോഷി; ലൗ ജിഹാദെന്ന നേഹയുടെ പിതാവിന്റെ നിലപാടിൽ വെട്ടിലായി കോൺഗ്രസ്
- വെടിക്കെട്ട് കമ്മറ്റിക്കാരെ പോലും മൈതാനത്ത് അനുവദിക്കാത്ത കമ്മീഷണർ; തിരുവമ്പാടിയുടെ പ്രതിഷേധത്തിന് പിന്നാലെ ദേശക്കാരും കമ്മീഷണറും തമ്മിൽ തർക്കം; നായ്ക്കനാലിൽ ലാത്തി വീശൽ; പൊലീസിനെതിരെ ഗോ ബാക്ക് വിളികൾ; രാത്രിയിലെ പൂരക്കാഴ്ചകൾ വഴിതെറ്റിയ 2024; മഠത്തിൽ വരവ് നിർത്തിയത് സർക്കാരിനും തിരിച്ചടി
- ഇറാനിൽ ഇസ്രയേലിന്റെ വ്യോമാക്രമണം ഇന്ത്യൻ വിപണിക്ക് ആശങ്കയാകുന്നു; കുതിച്ചുയർന്ന് ക്രൂഡോയിൽ വില; ബാരലിന് 90 ഡോളറിലെത്തി; ഇപ്പോഴത്തെ നിലയിൽ വില 100 ഡോളർ വരെ ഉയർന്നേക്കുമെന്ന് ആശങ്ക; ഇറാൻ-ഇസ്രയേൽ പോര് പശ്ചിമേഷ്യയിലെ സ്ഥിതിഗതികൾ കൂടുതൽ ആശങ്കപ്പെടുത്തുന്നു
- തനിക്കു വന്ന അതേ അസുഖം തന്നെയാണ് കലാഭവൻ മണിക്കും വന്നത്; അസുഖമുണ്ട് എന്ന് അംഗീകരിക്കാൻ മണി തയാറായിരുന്നില്ല; സിനിമയിൽ നിന്ന് പുറത്താകുമോ എന്നു ഭയന്നു: സലിം കുമാർ പറയുന്നു
- കരുവന്നൂരിൽ നിക്ഷേപകർക്ക് പണം തിരികെ നൽകാൻ എങ്ങനെ ഇടപെടാനാകുമെന്ന് താൻ നിയമോപദേശം തേടിയിട്ടുണ്ടെന്ന് പ്രധാനമന്ത്രി; തൃശൂർ വിജയത്തിന് 'കരുവന്നൂർ ഫോർമുല'; രാഹുലിനെ കടന്നാക്രമിക്കാൻ വയനാട്ടിലേക്കുള്ള ഒളിച്ചോട്ടം; കേരളത്തിൽ അക്കൗണ്ട് തുറക്കാൻ അജണ്ട സെറ്റ് ചെയ്ത് മോദി
- കള്ളി എന്നതാണ് ഇപ്പോഴത്തെ മേൽവിലാസം.. കള്ളിയുടെ അച്ഛൻ എന്ന മേൽവിലാസവും കൊണ്ട് ആണ് 2 മാസം മുമ്പ് അച്ഛൻ മരിച്ചുപോയത്; കൂടെ ഉണ്ടായിരുന്നവരൊന്നും കൂട്ടുന്നില്ല; ഉറങ്ങിയിട്ട് വർഷം ഒന്നാകാറായി; വിദ്യ വിജയന്റെ കുറിപ്പ്
- ഇറാനിൽ ഇസ്രയേലിന്റെ വ്യോമാക്രമണം ഇന്ത്യൻ വിപണിക്ക് ആശങ്കയാകുന്നു; കുതിച്ചുയർന്ന് ക്രൂഡോയിൽ വില; ബാരലിന് 90 ഡോളറിലെത്തി; ഇപ്പോഴത്തെ നിലയിൽ വില 100 ഡോളർ വരെ ഉയർന്നേക്കുമെന്ന് ആശങ്ക; ഇറാൻ-ഇസ്രയേൽ പോര് പശ്ചിമേഷ്യയിലെ സ്ഥിതിഗതികൾ കൂടുതൽ ആശങ്കപ്പെടുത്തുന്നു
- കാസർകോട് ഇടതുമുന്നണി തിരിച്ചുപിടിക്കുമോ? കണ്ണൂരിൽ സുധാകരൻ വീഴുമോ? വടകരയിൽ ഷാഫിയോ ശൈലജയോ? കോഴിക്കോട് രാഘവേട്ടനോ, കരീംക്കയോ? രാഹുൽഗാന്ധി മാജിക്ക് ആവർത്തിക്കുമോ? എൻഡിഎ വോട്ട് ഉയർത്തുമോ? മറുനാടൻ മലയാളി ഇലക്ഷൻ സർവേയുടെ ആദ്യഘട്ട ഫലം അറിയാം
- ത്രികോണ പോരിന് ഒടുവിൽ സുരേഷ് ഗോപി തൃശ്ശൂർ എടുക്കുമോ? പാലക്കാടൻ കാറ്റ് മാറി വീശുമോ? ആലത്തൂരിൽ രമ്യ പാട്ടുംപാടി വിജയിക്കുമോ? മലപ്പുറത്തും പൊന്നാനിയിലും ലീഗ് കോട്ടകളിൽ നേരിയ വിള്ളലെങ്കിലും വീഴുമോ? നെഞ്ചിടിപ്പേറുന്ന മണ്ഡലങ്ങളിലൂടെ മറുനാടൻ സർവേയുടെ രണ്ടാം ഘട്ടം ഫലം
- സുഹൃത്തും തന്റെ ഭാര്യയുമായി അവിഹിത ബന്ധം; പകരം സുഹൃത്തിന്റെ ഭാര്യയോട് കിടപ്പറ പങ്കിടാൻ ആവശ്യപ്പെട്ടു; പൊലീസ് കേസും വഴക്കുമായപ്പോൾ ആത്മഹത്യ ചെയ്യാൻ തീരുമാനിച്ച ദമ്പതികളിൽ ഭാര്യ മരിച്ചു; പ്രേരണാക്കുറ്റത്തിന് ഭർത്താവ് അറസ്റ്റിൽ: വെച്ചൂച്ചിറയിൽ നിന്ന് ഞെട്ടിക്കുന്ന കഥ
- അനന്തപുരിയിൽ തരൂർ വീഴുമോ? ആറ്റിങ്ങലിൽ അടൂർ പ്രകാശിന് അടിതെറ്റുമോ? കൊല്ലത്ത് മുകേഷോ, പ്രേമചന്ദ്രനോ? പത്തനംതിട്ട ആർക്ക്? അനിൽ ആന്റണി വോട്ടുയർത്തുമോ; മാവേലിക്കരയിൽ അട്ടിമറിയോ? കേരളം ആർക്കൊപ്പം; 20 മണ്ഡലങ്ങളിലെയും മറുനാടൻ സർവേ ഫലം അറിയാം
- സ്കൂളിൽ പ്രാർത്ഥന വിലക്കിയ നടപടി ശരിവെച്ച് ബ്രിട്ടീഷ് കോടതി; വളരെ മികച്ചതെന്ന റേറ്റിങ് ലഭിച്ച സ്കൂളിനെതിരെ കോടതിയെ സമീപിച്ചത് മുസ്ലിം വിദ്യാർത്ഥിനി; എല്ലാ വിഭാഗങ്ങളെയും ഉൾക്കൊള്ളുന്ന സ്കൂൾ നയത്തിന്റെ വിജയമെന്ന് സ്കൂൾ അധികൃതർ
- വ്യാഴാഴ്ച പ്രാർത്ഥനയ്ക്ക് പോയിരുന്ന ജെസ്നയെ കാണാതായതും വ്യാഴാഴ്ച; ആരാധനാ സ്ഥലം കണ്ടെത്തിയെന്ന് അച്ഛൻ; രഹസ്യ സുഹൃത്തിന്റെ ഫോട്ടോയും കുടുംബം കണ്ടെത്തി! സിബിഐ സഞ്ചരിക്കാത്ത വഴികളിലൂടെ പോയ അച്ഛന് കിട്ടിയത് ഞെട്ടിക്കുന്ന വിവരങ്ങളോ? ജെസ്നയ്ക്ക് സംഭവിച്ചത് എന്ത്?
- ആലപ്പുഴയിലെ 'കനൽത്തരി' അണയുമോ? ചാലക്കുടിയിൽ ട്വന്റി ട്വന്റി വോട്ടുകൾ ആർക്ക് ഭീഷണിയാകും? എറണാകുളത്തും ഇടുക്കിയിലും യുഡിഎഫ് തന്നെയോ? കോട്ടയത്ത് വിജയിക്കുക ഏത് കേരളാ കോൺഗ്രസ്? മറുനാടൻ സർവേ മൂന്നാംഘട്ട ഫലം അറിയാം..
- ഇനി യുദ്ധത്തിനില്ല, ആക്രമിച്ചാൽ തിരിച്ചടിക്കും, ആക്രമണ വിവരം അമേരിക്കയെ അറിയിച്ചിരുന്നു; ഇറാനെ ലക്ഷ്യം വച്ചാൽ അമേരിക്കയുടെ താവളങ്ങൾ ലക്ഷ്യമിടും; മിസൈൽ ആക്രമണത്തിനെതിരെ ലോകരാജ്യങ്ങൾ ഒരുമിച്ചതോടെ ഇറാൻ ആകെ പെട്ട അവസ്ഥയിൽ; ഇസ്രയേൽ തിരിച്ചടി എങ്ങനെയാകും എന്ന ആശങ്കയിൽ ലോകം
- ഒരു ജൂനിയർ പറയാൻ പാടില്ലാത്ത കഥകളാണ് ശ്രീനിയുടെ മകൻ പറഞ്ഞതെന്ന് മുകേഷ്; എന്നാൽ അത് ധ്യാൻ തന്നെയാകുമെന്ന് ആരാധകർ
- ആടുജീവിതം ഇസ്ലാമോഫോബിയ പരത്തുന്ന ചിത്രമോ? നോവലിന്റെ അറബിപതിപ്പ് യുഎഇയിലും സൗദിയിലും നിരോധിച്ചത് 2014ൽ; ഇപ്പോൾ സിനിമക്കും യുഎഇ ഒഴികെയുള്ള ഗൾഫ് രാജ്യങ്ങളിൽ പ്രദർശനാനുമതിയില്ല; കേരളത്തിലെ യുക്തിവാദികൾക്കിടയിലും ചർച്ച; ആടുജീവിതം വിവാദമാവുമ്പോൾ
- അനുജയുമൊന്നിച്ച് കാർ തടിലോറിയിലേക്ക് ഇടിച്ചു കയറ്റി ഹാഷിം ജീവനൊടുക്കിയെന്ന് സഹ അദ്ധ്യാപകരുടെയും ബന്ധുക്കളുടെയും മൊഴി; അടൂരിനെ നടുക്കിയ അപകടം; സ്കൂൾ അദ്ധ്യാപികയെയും കൂട്ടി സ്വകാര്യ ബസ് ഡ്രൈവർ ആത്മഹത്യ ചെയ്തതെന്ന് സൂചന; സ്വിഫ്ട് ഡിസയർ കാർ ഓടിച്ചു കയറ്റിയത് കണ്ടെയ്നർ ലോറിയിലേക്ക്: സംഭവം കെപി റോഡിൽ പട്ടാഴമുക്കിൽ
- കള്ളി എന്നതാണ് ഇപ്പോഴത്തെ മേൽവിലാസം.. കള്ളിയുടെ അച്ഛൻ എന്ന മേൽവിലാസവും കൊണ്ട് ആണ് 2 മാസം മുമ്പ് അച്ഛൻ മരിച്ചുപോയത്; കൂടെ ഉണ്ടായിരുന്നവരൊന്നും കൂട്ടുന്നില്ല; ഉറങ്ങിയിട്ട് വർഷം ഒന്നാകാറായി; വിദ്യ വിജയന്റെ കുറിപ്പ്
- റഷ്യയിലെ ഭീകരാക്രമണത്തിൽ പിടികൂടിയ ഐസിസ് ഭീകരർ നേരിടാൻ പോകുന്നത് റഷ്യൻ പൊലീസിന്റെ സമാനതകളില്ലാത്ത മർദ്ദനമുറകൾ; ചെവിമുറിച്ച് സ്വയം ഭക്ഷിക്കുവാൻ കൊടുത്തതിന് പുറമെ വൈദ്യുതാഘാതവും വസ്ത്രമൂരി അടിയും; മരിച്ചാൽ ബന്ധുക്കൾക്ക് ശരീരം വിട്ടു നൽകുന്നത് ആന്തരികാവയവങ്ങൾ നീക്കിയ ശേഷം
- അരവിന്ദ് കേജ്രിവാൾ ഡൽഹി മദ്യനയ അഴിമതിയുടെ മുഖ്യസൂത്രധാരൻ; അനുകൂല നയം രൂപീകരിക്കാൻ കോടികൾ കൈക്കൂലി വാങ്ങി; കോഴപ്പണം കൈകകാര്യം ചെയ്യുന്നതിലും മുഖ്യമന്ത്രി ഇടപെട്ടു; കോഴപ്പണം എഎപി ഗോവ തിരഞ്ഞെടുപ്പിൽ ഉപയോഗിച്ചുവെന്നും ഇ.ഡി; പത്തു ദിവസത്തെ കസ്റ്റഡിയിൽ വിടണമെന്നും കോടതിയിൽ
- വൈകീട്ട് തിരക്കില്ലാതിരുന്നിട്ടും നിർത്താതെ പോയ കോട്ടയം ബസിന്റെ ഡ്രൈവർ ആരെന്നറിയാൻ യാത്രക്കാരൻ ഡിപ്പോയിലേക്കു വിളിച്ചു; ഇതോടെ വാളകത്തിന്റെ പ്രസക്തി ഡ്രൈവർക്ക് മനസ്സിലായി; ജോലി പോകാതിരിക്കാൻ ഇമ്പൊസിഷനും എഴുതി; ആനവണ്ടിക്ക് യജമാനൻ യാത്രക്കാരനാകുമ്പോൾ!
- പിറന്നാളിന് വാങ്ങിയത് ഓൺലൈനിൽ ഓർഡൽ ചെയ്ത കേക്ക്; ഭക്ഷ്യവിഷബാധയേറ്റ് പത്തു വയസ്സുകാരിക്ക് ദാരുണാന്ത്യം: പിറന്നാൾ പിറ്റേന്ന് ദാരുണമായി മരിച്ചത് പത്തു വയസ്സുകാരി മൻവി
- സിനിമയുടെയും ആത്മാവായ ആ സീൻ സെൻസർ ബോർഡ് വെട്ടിമാറ്റിയെന്ന് ബെന്യാമിൻ; ഷൂട്ട് ചെയ്തിട്ടില്ലെന്ന് ബ്ലെസി; അങ്ങനെ ഒന്ന് ഉണ്ടായിട്ടില്ലെന്നും എഴുത്തുകാരൻ ചേർത്തതാണെന്നും നജീബ്; ആടുമായി നജീബ് ലൈംഗിക ബന്ധത്തിൽ ഏർപ്പെടുന്ന രംഗത്തിന് എന്താണ് സംഭവിച്ചത്?
- ഇറാനിൽ ഇസ്രയേലിന്റെ വ്യോമാക്രമണം ഇന്ത്യൻ വിപണിക്ക് ആശങ്കയാകുന്നു; കുതിച്ചുയർന്ന് ക്രൂഡോയിൽ വില; ബാരലിന് 90 ഡോളറിലെത്തി; ഇപ്പോഴത്തെ നിലയിൽ വില 100 ഡോളർ വരെ ഉയർന്നേക്കുമെന്ന് ആശങ്ക; ഇറാൻ-ഇസ്രയേൽ പോര് പശ്ചിമേഷ്യയിലെ സ്ഥിതിഗതികൾ കൂടുതൽ ആശങ്കപ്പെടുത്തുന്നു
Readers Comments+
മലയാളത്തിൽ ടൈപ്പ് ചെയ്യാൻ ഇവിടെ ക്ലിക്ക് ചെയ്യുകകമന്റ് ബോക്സില് വരുന്ന അഭിപ്രായങ്ങള് മറുനാടന് മലയാളിയുടേത് അല്ല. മാന്യമായ ഭാഷയില് വിയോജിക്കാനും തെറ്റുകള് ചൂണ്ടി കാട്ടാനും അനുവദിക്കുമ്പോഴും മറുനാടനെ മനഃപൂര്വ്വം അധിക്ഷേപിക്കാന് ശ്രമിക്കുന്നവരെയും അശ്ലീലം ഉപയോഗിക്കുന്നവരെയും മറ്റു മലയാളം ഓണ്ലൈന് ലിങ്കുകള് പോസ്റ്റ് ചെയ്യുന്നവരെയും മതവൈരം തീര്ക്കുന്നവരെയും മുന്നറിയിപ്പ് ഇല്ലാതെ ബ്ലോക്ക് ചെയ്യുന്നതാണ് - എഡിറ്റര്