ജയശ്രീ

കേട്ടാലും കേട്ടാലും മതി വരാത്ത കഥയാണ്‌ രാമന്റെ ജീവിതം, മാതാ പിതാക്കലോടുള്ള രാമത്തെ കടമ, ഭർത്താവിനോടുള്ള സീതയുടെ ആത്മാർഥത, അബദ്ധത്തിൽ കൊടുത്ത വാഗ്ദാനതിന്മേൽ ജീവിതം മൊത്തം ഡിപ്രഷനിൽ കഴിയേണ്ടി വന്ന ഒരു മഹാ രാജാവ്, സ്വന്തം മകനെ സ്നേഹിച്ചിട്ടും, അവനാൽ തിരസ്കരിക്കപ്പെട്ട കൈകേയി, എന്നിങ്ങനെ ശാരീരിരികവും, വൈകാരികവും ആയ ചങ്ങലകളാൽ ബന്ധിക്കപ്പെട്ട പല വ്യക്തികളുടെ കഥയാണല്ലോ രാമായണം. അവരിൽ അധികം ശ്രദ്ധിക്കപ്പെടാത്ത, ചർച്ച ചെയ്യപ്പെടാത്ത കഥാപാത്രമാണ് ലക്ഷ്മണന്റെതു. അതിലേക്ക് പോകുന്നതിനു മുന്പ് ഒരു കാര്യം വ്യക്തമായി പറയട്ടെ ഞാൻ ഒരു Monotheist ആണ്.

ഒരു മതത്തെയും ഞാൻ ഫോളോ ചെയ്യുന്നില്ല. വിഗ്രഹ ആരാധന എന്റെ വിശ്വാസത്തിന്റെ ഭാഗവും അല്ല എങ്കിലും, മിക്കവാറും എല്ലാ മത പുസ്തകങ്ങളും ഞാൻ വായിച്ചിട്ടുണ്ട്, അവയിലെ പല കാര്യങ്ങളും എന്നെ ശക്തമായി സ്വാധീനിച്ചിട്ടുണ്ട്. ജീവിതത്തെ എങ്ങനെ കാണാം, എങ്ങനെ കഠിനമായ അവസരങ്ങളെ നേരിടാം, എങ്ങനെ മനുഷ്യ രൂപം ധരിച്ചു കൊണ്ടുള്ള ഈ ജീവിതത്തിൽ, മഹാ പുരുഷന്മാർക്ക് പോലും വേദനകളിൽ നിന്ന് വിടുതൽ നേടാൻ കഴിഞ്ഞിരുന്നില്ല എന്നതാണ് സത്യം. “എന്താണ് ഒരു പരിഹാരം” എന്നാ ചോദ്യമാണ് ഒരു അസ്ട്രോളജർ എന്നാ നിലയിൽ ഏറ്റവും കൂടുതൽ കേൾക്കേണ്ടി വന്നിട്ടുള്ളത്.

സത്യം സത്യമായി പറഞ്ഞാൽ, പരിഹാരം എന്നാ ഒന്നില്ല. അത് മറ്റുള്ളവർ നിങ്ങളോട് വെറുതെ പറയുന്നതാണ്. എന്തുകൊണ്ട് ജനങ്ങൾ അത്തരം പ്രതീക്ഷകൾ വയ്ക്കുന്നു എന്ന് മനസിലാകുന്നതും ഇല്ല. കാലം നിങ്ങളിൽ മാറ്റം കൊണ്ട് വരാൻ ക്ഷമയോടെ കാത്തിരിക്കുകയാണ് വേണ്ടത്. ഭാര്യ വിരഹദുഃഖത്തിൽ നിന്ന് കര കയറാൻ രാമന് കഴിഞ്ഞില്ല എങ്കിൽ, ഗാന്ധാരീ ശാപത്തിൽ നിന്ന് രക്ഷപ്പെടാൻ കൃഷ്ണന് കഴിഞ്ഞില്ല എങ്കിൽ, പിന്നെ സാധാരണക്കാർ ആയ മനുഷ്യരുടെ കാര്യം പറയാനുണ്ടോ. രാമന് പതിനാലു വർഷത്തെ വന വാസകാലം വിധിക്കപ്പെട്ടതായിരുന്നു, അത് പോലെ, എന്തൊക്കെ പരിഹാരം ചെയ്താലും, നാം വിധിക്കപ്പെട്ടത് എന്താണോ അതിലൂടെ എല്ലാം നാം കടന്നു പോകും. പിന്നെ ചാർട്ട് നോക്കി ചില കാര്യങ്ങൾ പറയാം എന്ന് മാത്രം.

രാമന്റെ ജീവിതത്തെ കുറിച്ചുള്ള ചർച്ചകളിൽ അർഹിക്കുന്ന പ്രാധാന്യം ലഭിക്കാതെ മറഞ്ഞു പോയതാണ് ലക്ഷ്മണന്റെ ജീവിതം. രാമനെ ഏതു രീതിയിലും സഹായിക്കുക എന്നതാണല്ലോ ലക്ഷ്മണന്റെ അവതാര ലക്ഷ്യവും. ലക്ഷ്മണൻ ഇല്ല എങ്കിൽ രാമനു വിജയമില്ല. ലക്ഷ്മണനും ഊര്മിലയും തമ്മിൽ ഉള്ള മനോഹരമായ ബന്ധത്തിന്റെ കഥ വാല്മീകി രാമായണത്തിൽ അത്ര ഘോഷിക്കപ്പെട്ടിട്ടില്ല. ഒന്നാമത് ഈ ചരിത്രം ഒരു patriarchal സമൂഹത്തിന്റെതാണ്. പുരുഷന്മാരുടെ സന്തോഷം, സഹനം, വിജയം, അവരുടെ ആശയങ്ങൾ, പ്രലോഭനങ്ങൾ, അവരുടെ തീരുമാനങ്ങൾ എന്നിവയാണ് ഹൈ ലൈറ്റ് ചെയ്തിട്ടുള്ളത്. സീതയുടെ വേദനകളെക്കാൾ കൂടുതൽ രാമൻ ഒന്നും അനുഭവിച്ചിട്ടില്ല എങ്കിലും, രാമന്റെ തീരുമാനങ്ങൾ, രാമന്റെ ബോധ്യങ്ങൾ, അദ്ദേഹത്തിന്റെ കർമം എന്നിവ ആണ് രാമായണത്തിൽ പ്രസ്തവിക്കപ്പെട്ടിട്ടുള്ളത്. പക്ഷെ മറ്റു പല വ്യക്തികളാൽ പിന്താങ്ങപ്പെട്ട ജീവിതം ആണ് രാമന്റെത്. ആ പല വ്യക്തികളും ഒരു പ്രത്യേക ഘട്ടം കഴിഞ്ഞാൽ രാമായണത്തിൽ നിന്ന്, അല്ലെങ്കിൽ രാമന്റെ ജീവിതത്തിൽ നിന്ന് അപ്രത്യക്ഷം ആകുന്ന കാഴ്ച വളരെ കൗതുകകരമാണ്. രാമനെ ഒരു കരുത്തുറ്റ യോദ്ധാവ് ആക്കുന്നതിൽ പ്രധാന പങ്കു വഹിച്ച വിശ്വാമിത്രനെ കുറിച്ച് ഒരു ഘട്ടം കഴിഞ്ഞു നമുക്ക് കാണാൻ കഴിയില്ല. സ്വന്തം ഭാര്യയും അങ്ങനെ തന്നെ. എന്നാൽ സജീവമായി ഒപ്പം തന്നെ ഉണ്ടായിരുന്ന ലക്ഷ്മണൻ ചെയ്ത ത്യാഗങ്ങൾക്ക് രാമന്റെ സഹനങ്ങളെക്കാൾ തീവ്രതയുണ്ട്.

സീത ജനക മഹാരാജാവിന്റെ ദത്തു പുത്രി ആണെങ്കിൽ, ലക്ഷ്മണന്റെ ഭാര്യ ആയ ഊർമിള ജനകന്റെ സ്വന്തം രക്തമാണ്. സ്വന്തം പുത്രിയാണ്. രാമൻ സീതയെ വിവാഹം ചെയ്ത അതെ ദിവസം തന്നെയാണ് ഊർമിളയുടെയും ലക്ഷ്മണന്റെയും വിവാഹം നടന്നത്. സഹോദരനൊപ്പം വനവാസത്തിനു തുനിഞ്ഞ ലക്ഷ്മണനെ പിന്തുടരാൻ ഊർമിള തയ്യാറായിരുന്നു. പക്ഷെ സ്വന്തം സഹോദരന്റെ അടിമ ആയി ആണ് താൻ പോകുന്നതെന്നും, അവരെ സേവിക്കുന്നതിനിടയിൽ ഭാര്യയെ നോക്കാൻ സമയം ലഭിക്കില്ല എന്നും അതിനാൽ കൊട്ടാരത്തിൽ തന്നെ മാതാ പിതാക്കളെ സേവിച്ചു ജീവിക്കാനും ആണ് ലക്ഷ്മണൻ തന്റെ ഭാര്യയോടു ആവശ്യപ്പെട്ടത്. വേദനയോടു കൂടി ആണെങ്കിലും ഭർത്താവിനെ അക്ഷരം പ്രതി അനുസരിച്ച ഊർമിള എന്തുകൊണ്ടും, അനുസരണ കേട് കാട്ടി അപകടം വരുത്തി വെച്ച , സീതയെക്കാൾ ഉന്നതമായ സ്ഥാനം അർഹിക്കുന്നു.

വനത്തിൽ ആദ്യ ദിനം തന്നെ സേവനസന്നദ്ധനായ ലെക്ഷ്മണനെ നിദ്രാ ദേവി വശീകരിക്കാൻ ശ്രമിക്കുകയുണ്ടായി. വനത്തിൽ നിദ്രയിൽ ആണ്ടു കിടക്കുന്ന തന്റെ സഹോദരനെയും, മാത്രുതുല്യ ആയ സീതയേയും അപകടത്തിൽ ആക്കി തനിക്ക് വിശ്രമം ഇല്ലെന്നു തീർത്തു പറഞ്ഞ ലക്ഷ്മണൻ താൻ പതിനാലു വർഷത്തെ വനവാസ കാലം തീരുന്നത് വരെ ഉറങ്ങുന്നില്ലെനും, ആ ഉറക്കം തന്റെ ഭാര്യ ആയഊർമിളക്ക് ദാനമായി നല്കേണം എന്നും നിദ്ര ദേവിയോട് അഭ്യർത്ഥിച്ചു. മനസില്ലാ മനസോടെ അവർ അത് സമ്മതിക്കുകയും അങ്ങനെ ഊർമിള നീണ്ട പതിന്നാലു വർഷത്തെ ഉറക്കത്തിലേക്ക് വീഴുകയും ചെയ്തു. ഇത് കവിയുടെ ഭാവന, ഒരു പക്ഷെ അവർ ഭർതൃ വിരഹത്തിന്റെ വേദന സഹിക്കാതെ കോമ സ്റ്റേജില് എത്തിയതാകാനും സാധ്യത ഉണ്ട്. ഭാര്യയും ഭർത്താവും തമ്മിൽ ഉള്ള മാനസികമായ അടുപ്പത്തിന്റെ തീവ്രതയാണ് നമുക്ക് ഈ സംഭവത്തിൽ നിന്ന്നു മനസിലാക്കാൻ കഴിയുക. നിദ്ര ദേവി തന്നെ സമീപിച്ചപ്പോൾ ഊർമിള പറഞ്ഞ ഒരു കാര്യം ഉണ്ട്. തന്റെ ഭർത്താവ് സ്വന്തം കടമകൾ ചെയ്യാൻ തക്കവണ്ണം ഊർജസ്വലൻ ആയിരിക്കാൻ അദ്ദേഹത്തിന്റെ ഉറക്കം കൂടി എനിക്ക് തരുക. എന്ന്റെ ഉറക്കത്തിലൂടെ അദ്ദേഹവും ഉറങ്ങട്ടെ. അങ്ങനെ പതിനാലു വര്ഷം നിദ്രാ രഹിതൻ ആയിരുന്നെങ്കിലും സ്വന്തം ഭാര്യയുടെ ത്യഗതാൽ ക്ഷീണിതൻ ആകാതെ അടിമ എന്നാ കടമ ലക്ഷമണന് നിറവേറ്റാൻ ആയി. ലക്ഷ്മണൻ നേരിട്ട സഹനങ്ങളുടെ ശക്തിയിൽ നിന്ന് കൂടിയാണ് രാമൻ അവതാര ലക്‌ഷ്യം പൂർത്തി ആക്കിയത്. രാവും പകലും ലക്ഷ്മണന്റെ കാവലിൽ രാമനും സീതയും സുരക്ഷിതർ ആയിരുന്നു. അമിതമായ ഉറക്കം ശീലിച്ച സ്ത്രീകളെ ഊർമിള എന്നും, അവർ നടത്തുന്ന ഉറക്കാതെ ഊർമിള നിദ്ര എന്നും പറയുന്നു.

ലക്ഷമണൻ, ഊർമിള ദമ്പതികളുടെ പരസ്പര ധാരണ, സ്നേഹം, വിശ്വാസം, എന്നിവയുടെ തീവ്രത നിശ്ചയമായും രാമൻ സീത ദമ്പതികളിൽ ഇല്ല എന്നത് പകൽ പോലെ വ്യക്തമാണ്. അത് പോലെ തന്നെ സഹോദരൻ ആയ രാമനോട് ലക്ഷ്മണന് ഉള്ളതു പോലത്തെ തന്നെ തീവ്രമായ സ്നേഹം തന്നെ ആണ് ഊർമിളക്ക്, സഹോദരി ആയ സീതയോടും ഉണ്ടായിരുന്നത്. ആ സ്നേഹത്തിൽ നിന്നാണ് ഇത്ര മാത്രം ത്യാഗ നിർഭരമായ ജീവിതം നയിക്കാനുള്ള ശക്തി തന്നെ ഈ ദമ്പതികൾക്ക് ലഭിച്ചത്. വന വാസത്തിനു പോകാൻ തയ്യാറായി നിന്ന ലക്ഷ്മണനെ തടഞ്ഞ ഊർമിളയെ വളരെ കർശനമായി വിമർശിക്കുന്ന ലക്ഷ്മണനെ ആണ് ലക്ഷ്മണ ഊർമിള സംവാദത്തിൽ നമുക്ക് കാണാൻ കഴിയുക.

തന്റെ പതിനാലു വർഷത്തെ യൗവന കാലം ത്യജിച്ച ഊർമിള, സ്വന്തം സഹോദരിയുടെ കുട്ടികളുടെ പരിപാലനം ഏറ്റെടുക്കുകയും. ലക്ഷ്മണൻ ആകട്ടെ സ്വന്തം സഹോദരന് കാവൽ ആയി നിൽക്കുന്ന ജോലി മരണം വരെ ഏറ്റെടുക്കുകയും ചെയ്തു. ലക്ഷ്മണന്റെ അവതാര ഉദ്ദേശം തന്നെ രാമന്റെ കാവൽക്കാരൻ ആകുക എന്നതാണല്ലോ. സ്വന്തം മരണം പോലും രാമന്റെ തീരുമാനത്തിന് അനുസരിച്ചാണ് തിരഞ്ഞെടുത്തത്. രാമനോടുള്ള കമ്മിറ്റ്മെൻറ്, നിർമലമായ സ്നേഹം എന്നിവ കൊണ്ട് ലക്ഷ്മണന് നഷ്ടമായത് അനേകം നല്ല അവസരങ്ങളാണ്. എങ്കിലും അവയെ കുറിച്ച് ഒരിക്കലും നഷ്ട ബോധത്തോടെ അദ്ദേഹം ചിന്തിച്ചതില്ല. പക്ഷെ ലക്ഷ്മണന്റെയും ഊര്മിളയുടെയും ത്യാഗം ഇല്ലാതെ രാമനും സീതക്കും വിജയമില്ല. പക്ഷെ എന്തുകൊണ്ടോ അവരുടെ ത്യാഗനിർഭരമായ ജീവിതത്തെ കുറിച്ച് അധികം ആരും ചിന്തിക്കുന്നതും ഇല്ല. സ്വാർത്ഥ മനോഭാവം നിറഞ്ഞ വ്യക്തികളുടെ ഇടയിൽ തളർന്നു പോകുമ്പോൾ , ലക്ഷമണ –ഊർമിള ദമ്പതികളുടെ ജീവിതം വല്ലാത്ത ഒരു അനുഭൂതിയാണ് നൽകുന്നത്.

എരീസ് (മാർച്ച് 21 - ഏപ്രിൽ 19) 

കഴിഞ്ഞ ആഴ്ച പോലെ തന്നെ ഈ ആഴ്ചയും ടീം അങ്ങത്വം, ക്രിയേറ്റീവ് ജോലികൾ എന്നിവ പ്രധാനമാകും. പ്രേമ ബന്ധങ്ങളിൽ വാക്ക് തർക്കങ്ങൾ, പൂർത്തീകരണം എന്നിവ സംഭവിക്കുന്നതാണ് പ്രേമം, വിവാഹം എന്നിവയിൽ പുതിയ അവസ്ഥകൾ , പുതിയ ബന്ധങ്ങൾ എന്നിവ ഉണ്ടാകും. വിനോദ പരിപാടികൾ, കുട്ടികൾ യൂത്ത് ഗ്രൂപ്പുകൾ എന്നിവയിൽ ഉള്ള പ്രവർത്തനങ്ങളും ഉണ്ടാകാം. 

വീടിനെ കുറിച്ചും പുതിയ പ്ലാനുകൾ ഉണ്ടാകും. പ്രശ്ന പരിഹാരം ആവശ്യമാകുന്ന പല സാഹചര്യങ്ങളും ഈ അവസരം ഉണ്ടാകാം. കുടുംബ യോഗങ്ങൾ, ബന്ധു ജന സമാഗമം എന്നിവ അടുത്ത ദിവസങ്ങളിൽ പ്രധാനമാകും. ബന്ധുജന സമാഗമം പ്രധാന വിഷയമാകും. . വീട് മാറ്റം, വീട്ടിൽ നിന്നുള്ള യാത്രകൾ, പല തരം റിയൽ എസ്റ്റേറ്റ് ഡീലുകൾ എന്നിവ ഉണ്ടാകും. പക്ഷെ ഇവയിൽ എല്ലാം തന്നെ അധിക ശ്രദ്ധ വേണ്ടി വരും. ജീവിത ശൈലി മെച്ചപ്പെടുത്താനുള്ള ശ്രമം, വീടിനുള്ളിൽ പല വിധ തർക്കങ്ങൾ എന്നിവയും ഈ അവസരം നാം പ്രതീക്ഷിക്കേണ്ടതാണ് . വീട്ടിൽ നിന്നും ജോലി ചെയ്യാനുള്ള അവസരങ്ങൾ തേടും.

ടോറസ് (ഏപ്രിൽ 20 - മെയ് 20)

കഴിഞ്ഞ ആഴ്ചയിലെ പോലെ തന്നെ കുടുംബ ജീവിതം, വീട് എന്നിവയ്ക്ക് മേലുള്ള പ്രാധാന്യം ഈ ആഴ്ചയും ഉണ്ടാകും. റിയൽ എസ്റ്റേറ്റ് ഡീലുകൾ , വീട്ടിൽ നിന്നുള്ള യാത്രകൾ, വീട് മാറ്റം, ചുറ്റുപാടുകൾ പാടുകൾ മെച്ചപ്പെടുത്തൽ എന്നിവ ഈ ആഴ്ചയും പ്രതീക്ഷിക്കുക കുടുംബയോഗം., മാതാ പിതാക്കലോടുള്ള ചർച്ചകൾ, ആരോഗ്യം മെച്ചപ്പെടുത്താനുള്ള ശ്രമങ്ങൾ, ജീവിത ശൈലി മെച്ചപ്പെടുത്താനുള്ള ശ്രമം , എന്നിവ ഈ ആഴ്ചയും തുടരും.

മൾട്ടി ടാസ്കിങ് അവസ്ഥയിൽ ഈ ആഴ്ചയും നിരവധി ജോലികൾ ഉണ്ടാകും. എഴുത്ത് എഡിറ്റിങ് എന്നാ മേഖലയിൽ നിന്നും പലതരം ജോലികൾ ഈ ആഴ്ചയും പ്രതീക്ഷിക്കുക. സഹോദരങ്ങലോടുള്ള കൂടുതൽ സംവാദം, . ചെറു കോഴ്സുകൾ , ചെറു യാത്രകൾ എന്നിവയും പ്രതീക്ഷിക്കുക. . ഇലക്ട്രോണിക്സ്, ടെക്നോളജി, ആശയ വിനിമയം എന്നീ രംഗത്ത് ജോലി അന്വേഷിക്കുന്നവർക്ക് ഈ അവസരം വളരെ പ്രധാനമാണ്. ശാരീരിരിക അസ്വസ്ഥകളും ഈ അവസരം.

ജമിനി (മെയ് 21 - ജൂൺ 20)
ആശയ വിനിമയ ശേഷി കൊണ്ട് ഉള്ള നിരവധി ജോലികൾ ഈ ആഴ്ച ഉണ്ടാകും. ചെറു കോഴ്സുകളും യാത്രകളും ഈ ആഴ്ചയും പ്രതീക്ഷിക്കുക. മൾട്ടി ടാസ്കിങ് രീതിയിൽ ജോലി ചെയ്യാനുള്ള അവസരങ്ങളും പ്രതീക്ഷിക്കുക. സഹോദരങ്ങൾ സഹോദര തുല്യർ ആയ വ്യക്തികൾ എന്നിവരോടുള്ള കൂടുതൽ സംസാരം. എഴുത്ത് എഡിറ്റിങ് , മീഡിയ, മാർക്കെടിങ് എന്നാ മേഖലയിൽ നിന്ന് ഉള്ള നിരവധി ജോലികളും കാണുന്നതാണ്.

സാമ്പത്തിക വിഷയങ്ങൾ അല്പം സെൻസിറ്റീവ് ആയ രീതിയിൽ ആണ് ഉള്ളത്. പെട്ടന്നുള്ള പല ചിലവുകളും ഉണ്ടാകാം. പല തരം പാർട്ട്‌ ടൈം ജോലികൾ ഏറ്റെടുക്കാനുള്ള ശ്രമം നടത്തുന്നതാണ്. . സ്വന്തം സംരംഭങ്ങളെ കുറിച്ചുള്ള പുതിയ തീരുമാനങ്ങൾ ഏറ്റെടുക്കും. . ലോണുകൾ ലഭിക്കാനും , നൽകാനും ഉള്ള അവസരങ്ങളും. പല തരത്തിൽ ഉള്ള സാമ്പത്തിക നീക്കങ്ങൾ ഈ അവസരം പ്രതീക്ഷിക്കുക.

കാൻസർ (ജൂൺ 21 - ജൂലൈ 22)
പല ഗ്രഹങ്ങളാണ് നിങ്ങളുടെ സാമ്പത്തിക വിഷയങ്ങളെ സ്വാധീനിക്കുക. ക്രിയേറ്റീവ് രംഗത്ത് നിന്നുള്ള ജോലികൾ എന്നിവയും പ്രതീക്ഷിക്കുക. പാർട്ട്‌ ടൈം ജോലികൾക്കുള്ള സമയം ആണ്.. പെട്ടന്ന്നുള്ള ചിലവുകളും ഈ അവസരം ധാരാളം ഉണ്ടാകുന്നതാണ്. സാമ്പത്തികമായ ഞെരുക്കം ഈ വരുന്ന ദിവസങ്ങളിൽ പ്രതീക്ഷിക്കുക. പല വിധത്തിൽ ഉള്ള തർക്കങ്ങളും ഈ അവസരം ഉണ്ടാകാം.

അൽപ നാളുകൾ ആയി വ്യക്തി ജീവിതം പല തരം വെല്ലുവിളികളിലൂടെ നീങ്ങുന്നു. എന്നാൽ ഈ ആഴ്ച നിങ്ങൾ നേരിടുന്ന പ്രശ്നങ്ങളെ കുറിച്ചുള്ള കുറിച്ചുള്ള കൃത്യമായ കാഴ്ച ഈ ആഴ്ച മുതൽ ലഭിച്ചു തുടങ്ങുന്നതാണ് പുതിയ പങ്കാളിത ബന്ധങ്ങൾ, മൾടി ടാസ്കിങ് അവസരങ്ങൾ എന്നിവ എല്ലാം ഈ അവസരം പ്രതീക്ഷിക്കുക.

ലിയോ (ജൂലായ് 23 - ഓഗസ്റ്റ് 22)
ഒരേ സമയം നിരവധി ജോലികൾ ഈ ആഴ്ചയും ഉണ്ടാകാം. . ശാരീരിരിക അസ്വസ്ഥതകൾ ഈ അവസരം സാധ്യമാണ്. നിങ്ങളുടെ വ്യക്തി ജീവിതം, ആരോഗ്യം സൗന്ദര്യം എന്നിവ മെച്ചപ്പെടുത്താനുള്ള ശ്രമവും ഉണ്ടാകും. പുതിയ പ്രോജക്ക്ട്ടുകൾ, സാമൂഹിക ബന്ധങ്ങൾ, ഔദ്യോഗിക ബന്ധങ്ങൾ എന്നിവയും ഈ അവസരം പ്രതീക്ഷിക്കുക. ബന്ധങ്ങൾക്ക് മേൽ വളരെ അധികം ശ്രദ്ധ ഉണ്ടാകും.

അൽപ നാളുകൾ ആയി വൈകാരികമായ പല തരം വെല്ലുവിളികളും നാം നേരിടുന്നു. ദൂര യാത്രകളെ കുറിച്ചുള്ള തയ്യാറെടുപ്പ്,. ബാധ്യതകളെ കുറിച്ചുള്ള ചർച്ചകൾ ദൂര യാത്രക്ക് വേണ്ടി ഉള്ള തയ്യാറെടുപ്പ് , ചാരിറ്റി പ്രവർത്തനങ്ങൾ എന്നിവ ഉണ്ടാകാം. പുതിയ ജോലിക്ക് വേണ്ടി ഉള്ള ശ്രമം, നിരവധി ചെറു ജോലികൾ, സഹ പ്രവര്തരുമായുള്ള ചർച്ചകൾ എന്നിവ എല്ലാം പ്രതീക്ഷിക്കുക.

വിർഗൊ ( ഓഗസ്റ്റ് 22 - സെപ്റ്റംബർ 22)
മാനസികമായ വെല്ലുവിളികൾ പലതും നേരിടേണ്ട അവസരമാണ്. ആരോഗ്യം കൂടുതൽ ശ്രദ്ധ നേടും. ഏകാന്തനായി തീരാനുള്ള ആഗ്രഹം, ദൂര യാത്രകളെ കുറിച്ചുള്ള തയ്യാറെടുപ്പ്,. ബാധ്യതകളെ കുറിച്ചുള്ള ചർച്ചകൾ , പ്രാർത്ഥന, ധ്യാനം, മറ്റു ഹീലിങ് ശ്രമങ്ങൾ എന്നിവയും പ്രതീക്ഷിക്കുക. ജോലി സ്ഥലത്ത് സങ്കീർണമായ പ്രോജക്ക്ട്ടുകൾ ഉണ്ടാകാം. സഹ പ്രവർത്തകരുമായുള്ള ബന്ധം വളരെ സങ്കീർണമായ അവസ്ഥയിലേക്ക് നീങ്ങാം. അതുകൊണ്ട് കോമ്പ്ലെക്സ് ആയ അവസ്ഥയിൽ നിന്ന് മാറി നിൽക്കും.
ലോങ്ങ്‌ ടേം ജോലികളിൽ നിന്നുള്ള ചില നീക്കങ്ങൾ ഈ ആഴ്ച ഉണ്ടാകാം. പുതിയ സുഹൃത്തുക്കളെ ലഭിക്കാൻ ഉള്ള ശ്രമം, ചർച്ചകൾ, തർക്കങ്ങൾ എന്നിവയു0 ഉണ്ടാകാം. ടെക്ക്നിക്കൽ കമ്യൂണിക്കേഷൻ രംഗത്ത് നിന്നുള്ള ജോലിയിൽ ചില തിരുത്തലുകൾ വേണ്ടി വരും. പുതിയ ഗ്രൂപുകളിൽ ചേരാനുള്ള ശ്രമം , ചാരിറ്റി പ്രവർത്തനങ്ങൾ എന്നിവയും ഈ അവസരം ഉണ്ടാകാം. ലോങ്ങ്‌ ടേം ജോലികളിൽ നിന്നുള്ള അവസരങ്ങൾ, കുട്ടികൾക്ക് വേണ്ടി പ്രവർത്തിക്കാനുള്ള അവസരങ്ങൾ എന്നിവയും പ്രതീക്ഷിക്കുക. വിനോദ പരിപാടികളും പ്രതീക്ഷിക്കുക.

ലിബ്ര (സെപ്റ്റംബർ 23 - ഒക്ടോബർ 22)
നിരവധി ഗ്രഹങ്ങൾ ആണ് ലോങ്ങ്‌ ടേം ജോലികളെ സ്വാധീനിക്കുന്നത്വ്യക്തി ജീവിതത്തിൽ നിന്നും ഔദ്യോഗിക ജീവിതത്തിൽ നിന്നും ഉള്ള ലോങ്ങ്‌ ടേം ബന്ധങ്ങൾക്ക് വളരെ പ്രാധാന്യം ഉണ്ട്. . പുതിയ ടീം അംഗങ്ങൾ വന്നു ചേരാനുള്ള അവസരം. പുതിയ ലോങ്ങ്‌ ടേം ജോലികൾക്ക് ഉള്ള അവസരങ്ങൾ , എന്നിവയും പ്രതീക്ഷിക്കുക. ടെക്ക്നിക്കൽ കമ്മ്യൂണിക്കേഷൻ , ഫിനാൻസ് എന്നാ മേഖലയിൽ നിന്നുള്ള അവസരങ്ങളും പ്രതീക്ഷിക്കുക. ടീം ജോലികൾ, പുതിയ ലോങ്ങ്‌ ടേം ജോലികൾ, ലാഭത്തിനു വേണ്ടി ഉള്ള പ്രോജക്ക്ട്ടുകളുടെ ആവിഷ്കാരം എന്നിവയും പ്രതീക്ഷിക്കുക.

കഴിഞ്ഞ ആഴ്ച വരെ ജോലിയെ കുറിച്ചുള്ള പല ചിന്തകളും ഉണ്ടായിരിന്നു, അവ എല്ലാതന്നെ ഒരു നെഗറ്റീവ് രീതിയിലും ആയിരുന്നു. എന്നാൽ ഈ ആഴ്ച മുതൽ പുതിയ ജോലിക്ക് വേണ്ടി ഉള്ള ശ്രമത്തിൽ കൂടുതൽ ശ്രദ്ധ ആവശ്യമാകാം. പുതിയ ജോലി, പുതിയ പ്രോജക്ക്ത്റ്റ് എന്നിവയ്ക്ക് വേണ്ടി ഉള്ള ശ്രമം ആവർത്തിക്കും. ജോലി സംബന്ധമായ യാത്രകൾ, ട്രെയിനിങ്ങുകൾ എന്നിവ എല്ലാം ഈ അവസരം ഉണ്ടാകുന്നതാണ്.

സ്‌കോർപിയോ (ഒക്ടോബർ 23 - നവംബർ 21)
പല ഗ്രഹങ്ങളാണ് ജോലി എന്നാ വിഷയത്തെ സ്വാധീനിക്കുന്നത്. ക്രിയേറ്റീവ് രംഗത്ത് നിന്നുള്ള ജോലികൾ പ്രതീക്ഷിക്കുക. അധികാരികൾ നിങ്ങളുടെ ജോലിയെ ഈ അവസരം വിലയിരുത്താം. ഇത് വരെ ചെയ്ത ജോലിക്കുള്ള പ്രതിഫലം ലഭിക്കുന്നതാണ്. കുടുംബ ജീവിതവും, ഔദ്യോഗിക ജീവിതവും തമ്മിൽ ഉള്ള ബാലൻസിങ് എന്നിവയും ഈ അവസരം പ്രതീക്ഷിക്കുക . പുതിയ ജോലിക്ക് വേണ്ടി ഉള്ള ശ്രമം, നിങ്ങൾ ഇത് വരെ ചെയ്ത ജോലിയുടെ അവസ്ഥ എന്താണ് എന്ന് ഈ അവസരം മനസിലാകുന്നതാണ്.
ദൂര യാത്രകൾ , ആത്മീയത, വിദേശ ബന്ധം, ഉയര്ന്നപഠനം, എഴുത്ത്, കഴിഞ്ഞ ആഴ്ച വരെ ദൂര യാത്രകൾക്ക് വേണ്ടി ഉള്ള പ്ലാനുകളിൽ അല്പം മാറ്റം ഉണ്ടായിരുന്നു., എന്നാൽ ഈ ആഴ്ച യാത്രകളെ കുറിച്ചുള്ള വ്യക്തമായ ചിത്രം ലഭിക്കുന്നതാണ്. എഴുത്ത് പ്രസിദ്ധീകരണം എന്നാ മേഖലയിൽ നിന്നുള്ള ജോലികളിൽ പുരോഗതി ഉണ്ടാകാം. . ദൂര യാത്രകളിൽ നിന്നും പുതിയ അവസരങ്ങൾ പ്രതീക്ഷിക്കുക. വിദേശത് നിന്നുള്ള പ്രോജക്ക്ട്ടുകൾ, വിദേശീയരുമായി ഒത്തു ചേർന്നു പ്രവർത്തിക്കാനുള അവസരം, പരീക്ഷകൾ ഉപരിപഠനം എന്നിവയും ഈ ആഴ്ച മുതൽ മുന്നോട്ട് നീങ്ങുന്നതാണ്. ആത്മീയ വിഷയങ്ങളിൽ ഉള്ള താല്പര്യം, തീർത്ഥാടനം എന്നിവയും പ്രതീക്ഷിക്കാവുന്നതാണ്. പല വിധത്തിലുള്ള ഡിബെറ്റുകളും ഈ അവസരം പ്രതീക്ഷിക്കുക.

സാജിറ്റേറിയസ് (നവംബർ 22 - ഡിസംബർ 21)
പല വിധത്തിലുള്ള യാത്രകൾക്ക് ഉള്ള സാധ്യത ഈ ആഴ്ചയും തുടരും. ദൂര യാത്രകൾ, പരീക്ഷകൾ, ഉപരി പഠനം എന്നിവയിൽ നിന്നുള്ള അവസരങ്ങൾ കാണുന്നു. ഇവയിൽ എല്ലാം തന്നെ അല്പം സങ്കീർണതകളും ഉണ്ടാകാം. ഈ യാത്രകളിൽ പുതിയ വ്യക്തികളെ കണ്ടു മുട്ടാനുള്ള അവസരം ഉണ്ടാകാം. ആത്മീയ വിഷയങ്ങളിൽ കൂടുതൽ താല്പര്യം, തീർത്ഥാടനം, ആത്മീയ വിഷയങ്ങളിൽ ഉള്ള ചർച്ചകൾ എന്നിവയ്ക്കുള്ള നിരവധി അവസരങ്ങൾ ഉണ്ടാകാം . മീഡിയ എഴുത്ത്, ഉപരിപഠനം എന്നാ വിഷയങ്ങളിൽ നിന്നുള്ള അവസരങ്ങളും പ്രതീക്ഷിക്കുക.. നിങ്ങളുടെ സാഹിത്യപരമായ കഴിവുകൾ പ്രദർശിപ്പിക്കാൻ കൂടെ ഉള്ള അവസരമാണ് ഇനി ഉള്ള ദിവസങ്ങൾ നൽകുക. 

കഴിഞ്ഞ മാസം സാമ്പത്തികമായ പല പ്രശങ്ങളും ഉണ്ടായിരുന്നു. എങ്കിലും ഈ ആഴ്ച മുതൽ ഈ പ്രശ്നങ്ങൾക്ക് ഒരു ശമനം ഉണ്ടാകുന്നതാണ്.. ജോയിന്റ് സ്വത്തുക്കളെ കുറിച്ചുള്ള ചർച്ചകൾ വഴി തെറ്റാം. ലോണുകൾ നൽകാനും ലഭിക്കാനും ഉള്ള അവസരങ്ങൾ, പല വിധത്തിലുള്ള സാമ്പത്തിക ഒത്തു തീര്പുകൾ, വൈകാരികമായ സംസാരം, പങ്കാളിയോടുള്ള തർക്കങ്ങൾ എന്നിവയും ഈ അവസരം പ്രതീക്ഷിക്കുക. പെട്ടന്നുള്ള ചിലവുൽ ഇനിയും വന്നേക്കാം.

കാപ്രിക്കോൺ (ഡിസംബർ 22 - ജനുവരി 19)
സാമ്പത്തിക വിഷയങ്ങൾ, വൈകാരിക ബന്ധം എന്നാ വിഷയങ്ങളെ പല ഗ്രഹങ്ങൾ സ്വാധീനിക്കുന്നു. . പല വിധ സാമ്പത്തിക ബാധ്യതകൾ ഈ അവസരം ശ്രദ്ധ നേടും. സാമ്പത്തിക ലാഭവും, ചിലവുകളും ഈ അവസരം ഉണ്ടാകാം. പുതിയ പങ്കാളികൾ ജീവിതത്തിലേക്ക് ഈ അവസരം ഉണ്ടാകാം. ജോയിന്റ് സ്വത്തുക്കളെ കുറിച്ചുള്ള ചർച്ചകൾ, ടാക്സ് , ഇൻഷുറൻസ് സംബന്ധമായ പ്രശ്നങ്ങൾ തീർപ്പാക്കൽ എന്നിവയും പ്രതീക്ഷിക്കുക . പെട്ടന്നുള്ള ചെലവ് ഈ അവസരം പ്രതീക്ഷിക്കുക.

പല വിധ ബന്ധങ്ങളിൽ നിന്നുള്ള അവസരങ്ങൾ ഈ ആഴ്ച മുതൽ ദൃശ്യം ആകും. കഴിഞ്ഞ ആഴ്ച വരെ ഈ ഈ ബന്ധങ്ങളിൽ പല തരം വെല്ലുവിളികളും ഉണ്ടായിരുന്നു. പുതിയ ബന്ധങ്ങളെ കുറിച്ചുള്ള ചർച്ചകൾ ഈ അവസരവും ഉണ്ടാകാം. അതിനാൽ പുതിയ ബന്ധങ്ങൾക്ക് ഉള്ള അവസരങ്ങളെ കർശനമായി പരിശോധിക്കുക. പുതിയ ജോബ്‌ ഓഫറുകൾ, ദൂര യാത്രകൾ എന്നിവയും ഈ അവസരം സാധ്യമാണ്. ഇവയിലും കൂടുതൽ ശ്രദ്ധ വേണ്ടി വരും. ഈ വിഷയങ്ങളിൽ നടത്തുന്ന എല്ലാ ആശയ വിനിമയങ്ങൾക്ക് മേലും കൂടുതൽ ശ്രദ്ധ വേണ്ടി വരും.

അക്വേറിയസ് (ജനുവരി 20- ഫെബ്രുവരി 18)
നിരവധി ഗ്രഹങ്ങൾ ഈ അവസരം ബന്ധങ്ങളെ സ്വാധീനിക്കുന്നു. പുതിയ ബിസിനസ് ബന്ധം, വ്യക്തി ബന്ധം എന്നിവ ഈ അവസരം പ്രതീക്ഷിക്കുക. ഇവയിൽ എല്ലാം തന്നെ അല്പം സങ്കീർണമായ അവസരങ്ങളും ഉണ്ടാകും. നെറ്റ് വർക്കിങ് അവസരങ്ങൾ, സാമൂഹിക തലത്തിൽ നടത്തുന്ന കൂടുതൽ നീക്കങ്ങൾ, പുതിയ ജോബ്‌ ഓഫറുകൾ. ദൂര യാത്രകൾ എന്നിവയും പ്രതീക്ഷിക്കുക. ഈ ബന്ധങ്ങൾക്ക് മേൽ ഉള്ള ചർച്ചകളും ഉണ്ടാകാം.. പുതിയ പ്രേമ ബന്ധം, വിവാഹ ബന്ധം, സുഹൃദ് ബന്ധം എന്നിവയും ഈ ആഴ്ച മുതൽ അൽപ കാലത്തേക്ക് പ്രതീക്ഷിക്കാം. ബന്ധങ്ങൾക്ക് മേൽ ഉള്ള തർക്കങ്ങളും ഒരു ഭാഗമാകും.

ജോലി സ്ഥലം, സഹ പ്രവര്ത്തകര്, ദിവസേന ഉള്ള ജീവിതം, വളര്ത്തു മൃഗങ്ങൾ ,ബാധ്യതകള്, ആരോഗ്യം എന്നാ വിഷയങ്ങൾക്ക് അൽപ കാലമായി തടസങ്ങൾ ഉണ്ടായിരുന്നു എങ്കിലും ഈ ആഴ്ച മുതൽ അവ ശമിക്കുന്നതാണ്, പുതിയ ആരോഗ്യ സംരക്ഷണ പദ്ധതികൾ ആവിഷ്കരിക്കും. . എഴുത്ത്, ആശയ വിനിമയം , മീഡിയ ടെക്നോളജി, അക്കൗണ്ടിങ് എന്നാ മേഖലയിൽ നിന്നുള്ള ചെറു പ്രോജക്ക്ട്ടുകൾ ഉണ്ടാകാം ഇവയിൽ എല്ലാം തന്നെ ശ്രദ്ധയോടെ ഉള്ള നീക്കങ്ങൾ ആവശ്യമാകും. സഹ പ്രവർത്തകരുമായുള്ള ബന്ധം പ്രധാനം ആകും.

പയ്സീസ് (ഫെബ്രുവരി 19 - മാർച്ച് 20)
പല ഗ്രഹങ്ങൾ ജോലി സ്ഥലത്തെ സ്വാധീനിക്കുന്നു. ജോലി സ്ഥലത്തിന്റെ പ്രാധാന്യം വര്ധിക്കുന്നതാണ്. ചെറു പ്രോജക്ക്ട്ടുകൾ, ക്രിയേറ്റീവ് ജോലികളിൽ നിന്നുള്ള അവസരങ്ങൾ എന്നിവ പ്രതീക്ഷിക്കുക. പുതിയ ആരോഗ്യ ക്രമം, സൗന്ദര്യ സംരക്ഷണം എന്നിവയും ഏറ്റെടുക്കാനുള്ള അവസരങ്ങൾ ഉണ്ടാകാം. സാമ്പത്തിക ബാധ്യതകളെ കുറിച്ചുള്ള കണക്ക് കൂട്ടലുകൾ, സഹ പ്രവർത്തകരുമായുള്ള ചർച്ചകൾ, ജോലിസ്ഥലത്തെ പുതിയ അവസ്ഥകൾ എന്നിവയും പ്രതീക്ഷിക്കുക. പല വിധമായ നിരവധി ചെറു ജോലികൾ ഏറ്റെടുക്കേണ്ടി വരുന്നതാണ്.

കഴിഞ്ഞ ആഴ്ച വരെ ക്രിയേറ്റീവ് ജോലികൾ, പ്രേമ ബന്ധം എന്നിവയിൽ നിന്നുള്ള തടസങ്ങൾ ഉണ്ടായിരുന്നു. എന്നാൽ ഈ ആഴ്ച മുതൽ അവയിൽ ഒരു പുരോഗതി ഉണ്ടാകുന്നതാണ്.. കുട്ടികൾ, ചെറിയ കുട്ടികളുടെ ഗ്രൂപ്പുകൾ എന്നിവർക്കൊപ്പം ജോലി ചെയ്യാനുള്ള അവസരവും ഉണ്ടാകാം. അവരുടെ പരിപോഷണം വളർച്ച എന്നിവയിൽ കൂടുതൽ ശ്രദ്ധ ഉണ്ടാകും.സ്വന്തം ബിസിനസിനെ മെച്ചപ്പെടുത്താനുള്ള ശ്രമവും ഉണ്ടാകാം. ഷെയർ മാർക്കെറ്റ്, മറ്റു ഊഹക്കച്ചവടങ്ങൾക്ക് അത്ര യോജിച്ച സമയം അല്ല. ഇവയിൽ എല്ലാം കൂടുതൽ ശ്രദ്ധ വേണ്ടി വരും. കല , ആസ്വാദനം എന്നാ വിഷയങ്ങളിൽ നിന്നും ഉള്ള അവസരങ്ങളും വന്നെതാം.

• [email protected] 
• യൂട്യൂബ് ലിങ്കിനായി ഇവിടെ ക്ലിക്ക് ചെയ്യുക 
• വെബ് സൈറ്റ്