പാലാരിവട്ടം മേൽപ്പാലം പൊളിക്കാൻ തീരുമാനിച്ചത് സർക്കാർ നിയോഗിച്ച അഞ്ചംഗ കമ്മിറ്റിയുടെ റിപ്പോർട്ട് പുറത്തുവരും മുമ്പേ; തീരുമാനം കൂടുതൽ പരിശോധന വേണമെന്ന മദ്രാസ് ഐഐടി റിപ്പോർട്ട് മാനിക്കാതെ; പാലത്തിന് ബലക്ഷയമുണ്ടോ എന്നറിയാൻ ലോഡ് ടെസ്റ്റ് നടത്താനും വിമുഖത; പുനർനിർമ്മാണത്തിനായി ഇ.ശ്രീധരന് ചുമതല നൽകിയത് ഊരാളുങ്കൽ സൊസൈറ്റിയെ തള്ളി; പൊതുമരാമത്തിനെ മറികടന്നുള്ള മുഖ്യമന്ത്രിയുടെ രാഷ്ട്രീയ തീരുമാനത്തിനെതിരെ കോൺട്രാക്ടേഴ്സ് അസോസിയേഷൻ
മറുനാടൻ മലയാളി ബ്യൂറോ
കൊച്ചി: പാലാരിവട്ടം മേൽപാലത്തിന്റെ പുനർനിർമ്മാണം ഡി.എം.ആർ.സിയെ എൽപിക്കാൻ സർക്കാർ തീരുമാനിച്ചിരിക്കുകയാണ്. ഇ.ശ്രീധരന്റെ നിർദ്ദേശങ്ങൾ അംഗീകരിച്ചാണ് മന്ത്രിസഭാതീരുമാനം. എന്നാൽ, സർക്കാർ തീരുമാനം വന്നിരിക്കുന്നത് അഞ്ചംഗ സമിതിയുടെ പഠന റിപ്പോർട്ട് പുറത്ത് വരും മുന്നേയാണ്. അതുകൊണ്ട് തന്നെ ഇതൊരു രാഷ്ട്രീയ തീരുമാനവുമാണ്. പൊതുമരാമത്ത് മന്ത്രിയുടെ നിർദ്ദേശപ്രകാരമാണ് ജൂൺ 8 ന് സമിതിയെ നിയോഗിച്ചത്.
പാലത്തിന്റെ ബലപ്പെടുത്തൽ പ്രവർത്തികൾ പരിശോധിച്ച് സാങ്കേതികവും ഭരണപരവും ഗുണേമേന്മാപരവുമായ വിലയിരുത്തലുകൾ നടത്തി റിപ്പോർട്ട് സർക്കാരിന് സമർപ്പിക്കുക എന്നതായിരുന്നു മൂന്നംഗ സമിതിയുടെ ദൗത്യം. പൊതുമരാമത്ത് ദേശീയപാത വിഭാഗം ചീഫ് എൻജിനീയർ, പാലം വിഭാഗം ചീഫ് എൻജിനീയർ, റിട്ടയേർഡ് ചീഫ് എൻജിനീയർ എം. എൻ. ജീവരാജ് എന്നിവരായിരുന്നു സമിതി അംഗങ്ങൾ. സെപ്റ്റംബർ 28ന് പൊതുമരാമത്ത് പ്രിൻസിപ്പൽ സെക്രട്ടറി ജി. കമലവർദ്ധനറാവു പ്രത്യേക ഉത്തരവിലൂടെ സീനിയർ ബ്രിഡ്ജസ് എൻജിനീയർ എസ്. സജു, സീനിയർ സ്ട്രക്ചറൽ എൻജിനീയർ അഷ്റഫ് എസ്.എം. എന്നിവരെക്കൂടി ചേർത്ത് കമ്മിറ്റി വിപുലീകരിച്ചു.
പാലത്തിന്റെ ബലപ്പെടുത്തൽ പ്രവർത്തികൾ പരിശോധിച്ച് റിപ്പോർട്ട് സമർപ്പിക്കുന്നതിന് രൂപീകരിച്ചിരുന്ന മൂന്നംഗ സമിതിയിൽ സ്ട്രക്ചറൽ വിഭാഗത്തിലെ ഉദ്യോഗസ്ഥരെ ഉൾപ്പെടുത്തിയിരുന്നില്ലെന്നും അതുകൊണ്ട് രണ്ട് ഉദ്യോഗസ്ഥരെക്കൂടി ഉൾക്കൊള്ളിച്ചുകൊണ്ട് ഉന്നത തല സാങ്കേതിക സമിതി വിപുലീകരിക്കുകയാണെന്നും ഉത്തരവിൽ കൃത്യമായി പറയുന്നുണ്ട്. ചെന്നൈ ഐഐടി സമർപ്പിച്ച റിപ്പോർട്ടും, ഇ. ശ്രീധരൻ സമർപ്പിച്ച റിപ്പോർട്ടും, ആർ ഡി എസ് കമ്പനി സമർപ്പിച്ച നിവേദനവും പരിശോധിച്ച് ഈ സമിതി ഒക്ടോബർ 4 നകം സർക്കാരിന് റിപ്പോർട്ട് സമർപ്പിക്കേണ്ടതാണെന്നും ഉത്തരവിൽ വ്യക്തമാക്കുന്നു. എന്നാൽ ഈ അഞ്ചംഗ സമിതിയുടെ റിപ്പോർട്ട് ഇതുവരെ വെളിച്ചം കണ്ടിട്ടില്ല അതിനിടെയാണ് മന്ത്രിസഭാ തീരുമാനം വന്നിരിക്കുന്നത്. തെരഞ്ഞെടുപ്പ് പെരുമാറ്റച്ചട്ടം പിൻവലിക്കുന്നതോടെ പൊതുമരാമത്ത് വകുപ്പിൽ നിർണായകമായ ചില സ്ഥാന ചലനങ്ങൾ ഉണ്ടാകുമെന്നും സൂചനയുണ്ട്.
ലോഡ് ടെസ്റ്റ് നടത്താതെ പാലാരിവട്ടം മേൽപ്പാലം പൊളിച്ചുപണിയാനുള്ള തീരുമാനവുമായി മുന്നോട്ടുപോയത് സർക്കാരിന്റെ ഭാഗത്തുനിന്നുള്ള വലിയ വീഴ്ചയാണെന്ന വിമർശനം ഉയർന്നിരുന്നു. പാലം പൊളിച്ചുപണിയുക എന്ന തീരുമാനത്തിനു മുന്നേ ഭാര പരിശോധന നടത്തേണ്ടതായിരുന്നു. ഇ. ശ്രീധരന്റെ റിപ്പോർട്ടിന്റെ അടിസ്ഥാനത്തിൽ പാലം പൊളിച്ചുപണിയാൻ സർക്കാർ തീരുമാനിച്ചതോടെ ഇതിനെതിരായ നീക്കവും ശക്തമായിരുന്നു. ഭാര പരിശോധന നടത്താതെയാണ് പാലം പൊളിച്ചുപണിയാനുള്ള സർക്കാർ തീരുമാനം എന്നതായിരുന്നു അസോസിയേഷൻ ഓഫ് സ്ട്രക്ചറൽ ആൻഡ് ജിയോ ടെക്നിക്കൽ കൺസൾട്ടിങ് എൻജിനീയേഴ്സ് അടക്കമുള്ളവർ ചൂണ്ടിക്കാട്ടിയത്. പാലം പണിത ആർ.ഡി.എസും ഈ കേസിൽ കക്ഷിചേർന്നിട്ടുണ്ട്. ഈ വിമർശനത്തെ പ്രതിരോധിക്കാൻ സർക്കാരിന് കഴിയുമായിരുന്നില്ല. ഭാര പരിശോധന വേണ്ടെന്ന അഭിപ്രായം സർക്കാരിനില്ലെന്നാണ് ഹൈക്കോടതിയിൽ വ്യക്തമാക്കിയിരിക്കുന്നത്. ഇതിനെ തുടർന്നാണ് അനുമതിയില്ലാതെ പാലം പൊളിക്കരുതെന്ന് സർക്കാരിന് ഹൈക്കോടതി നിർദ്ദേശം നൽകിയത്.
പൊളിച്ചുപണിയുന്നതിനെതിരേ സംസാരിക്കുന്നവർ തന്നെ പാലം സഞ്ചാരയോഗ്യമല്ലെന്ന യാഥാർഥ്യം അംഗീകരിക്കുന്നുമുണ്ട്. ബലപ്പെടുത്തൽ എന്നതാണ് അവർ പരിഹാരമായി പറയുന്നത്. മദ്രാസ് ഐ.ഐ.ടി.യുടെ റിപ്പോർട്ടാണ് അവർ ചൂണ്ടിക്കാട്ടുന്നത്. ഇത്തരത്തിൽ അഭിപ്രായം പറയുന്നവർ ഇ. ശ്രീധരന്റെ നിർദ്ദേശങ്ങളെ ചോദ്യം ചെയ്യുന്നുമുണ്ട്. പാലം നിർമ്മാണവുമായി ബന്ധപ്പെട്ട അഴിമതിക്കേസിൽ അറസ്റ്റ് ഉൾപ്പെടെയുള്ള നടപടികൾ ഉണ്ടായതിനു പിന്നാലെയാണ് പ്രതിരോധ നീക്കങ്ങളും സജീവമായത്.
അതിനിടെ പാലം പൊളിച്ചുപണിയുന്നതിനുള്ള ചുമതല ആർക്ക് നൽകും എന്ന കാര്യത്തിൽ തർക്കങ്ങളുണ്ടായിരുന്നെങ്കിലും ഡി.എം.ആർ.സി.ക്ക് ചുമതല നൽകാനാണ് തീരുമാനം. ഊരാളുങ്കൽ ലേബർ സൊസൈറ്റിയുമായി ചർച്ച നടത്തിയിരുന്നെങ്കിലും ഡി.എം.ആർ.സി.ക്കാണ് ചുമതല കൈമാറിയത്. നേരത്തെ, പാലാരിവട്ടം മേൽപ്പാലം പൊളിക്കാനുള്ള തീരുമാനത്തിന് പിന്നിൽ ഉപതെരഞ്ഞെടുപ്പ് മുന്നിൽ കണ്ടുള്ള ഗൂഢാലോചനയെന്ന് ഗവൺമെന്റ് കോൺട്രാക്ടേഴ്സ് അസോസിയേഷൻ ആരോപിച്ചിരുന്നു. മുഖ്യമന്ത്രിയുടെ നേതൃത്വത്തിൽ നടന്ന ഗൂഢാലോചനയിൽ ഇ. ശ്രീധരനും പങ്കെന്നും പൊതുമരാമത്ത് വകുപ്പിനെ മറികടന്ന് നടത്തിയ പാലം പൊളിക്കൽ പ്രഖ്യാപനത്തെക്കുറിച്ച് നിഷ്പക്ഷമായ ജുഡീഷ്യൽ അന്വേഷണം വേണമെന്നും അസോസിയഷൻ ആവശ്യപ്പെട്ടിരുന്നു. ചെന്നൈ ഐഐടിയുടെ അഞ്ച് നിർദ്ദേശങ്ങളിൽ മൂന്നും കരാറുകാരൻ സ്വന്തം ചെലവിൽ പൂർത്തീകരിച്ചു കഴിഞ്ഞു. ബാക്കി രണ്ടു നിർദ്ദേശങ്ങൾ കൂടി പൂർത്തീകരിക്കാൻ അനുവദിക്കുകയും തുടർന്ന് ലോഡ് ടെസ്റ്റിന് അനുമതി നൽകുകയുമാണ് വേണ്ടതെന്നും അസോസിയേഷൻ ആവശ്യപ്പെട്ടിരുന്നു.
പാലാരിവട്ടം പാലം കോടതിയുടെ അനുമതിയില്ലാതെ പൊളിക്കരുതെന്ന് ഹൈക്കോടതി നിർദ്ദേശിച്ചിരുന്നു. പാലത്തിന്റെ ബലം പരിശോധിക്കാൻ ലോഡ് ടെസ്റ്റ് നടത്തണോ എന്നു സർക്കാർ അറിയിക്കണമെന്നും നിർദ്ദേശിച്ചു. ലോഡ് ടെസ്റ്റ് നടത്തി പാലത്തിന്റെ ബലം പരിശോധിക്കാൻ കരാറിൽ വ്യവസ്ഥയുള്ള നിലയ്ക്ക് ഉചിതമായ ഏജൻസിയെ അതിനു നിയോഗിക്കണോ എന്നു പരിഗണിക്കണം. കാൻപൂർ, മുംബൈ ഐഐടികളെയോ പാലം നിർമ്മാണത്തിൽ വൈദഗ്ധ്യമുള്ള മറ്റ് ഏജൻസികളെയോ ലോഡ് ടെസ്റ്റിനു നിയോഗിച്ച് റിപ്പോർട്ട് കിട്ടിയ ശേഷം തുടർനടപടി മതിയോ എന്നു പരിശോധിക്കണം. ഇക്കാര്യത്തിൽ സർക്കാർ രണ്ടാഴ്ചയ്ക്കുള്ളിൽ വിശദീകരണ പത്രിക സമർപ്പിക്കണമെന്ന് ജസ്റ്റിസ് എ.എം. ഷഫീഖ്, ജസ്റ്റിസ് ടി.വി. അനിൽകുമാർ എന്നിവർ ഉൾപ്പെട്ട ഡിവിഷൻ ബെഞ്ച് ഒക്ടോബർ 11 ന് നിർദ്ദേശിച്ചിരുന്നു.
പാലത്തിന്റെ തകരാർ ആദ്യം റിപ്പോർട്ട് ചെയ്തത് നിർമ്മാണ കമ്പനി
പാലത്തിന്റെ തകരാർ ആദ്യം റിപ്പോർട്ട് ചെയ്തത് മാധ്യമങ്ങൾ ആരും അല്ല. നിർമ്മാണ കമ്പനി തന്നെയാണ്. പാലം തുറന്ന് ഒരു മാസത്തിനുള്ളിൽ ഇത് സർക്കാരിനെ അറിയിച്ചിരുന്നു. പല വട്ടം തുടർന്നും ഇക്കാര്യം അറിയിച്ചു. എന്നാൽ സർക്കാർ മൂന്നു വർഷം ആ റിപ്പോർട്ട് പരിഗണിച്ചില്ല. ഈ മൂന്നു വർഷം നിർണായകമായിരുന്നു. എന്തു കൊണ്ട് സർക്കാർ ഇക്കാലമത്രയും അത് പരിഗണിച്ചില്ല എന്നതിന് ഇപ്പോഴും ഉത്തരമില്ല. പാലത്തിന്റെ ഉറപ്പിനെ ഇത് ബാധിച്ചുവെന്നാണ് വിലയിരുത്തൽ.
പാലം പൂർണമായോ, ഭാഗികമായോ ഇപ്പോൾ പൊളിക്കേണ്ടതില്ല. 2.5 കോടി ചെലവിൽ അറ്റകുറ്റപ്പണി തീർത്തതാണ്. അത് ബലവത്താണെന്നും, ലൈഫ് ഉണ്ടെന്നും ഉറപ്പാക്കാൻ ലോഡ് ടെസ്റ്റ് അല്ലാതെ വഴിയില്ല. ലോഡ് ടെസ്റ്റ് ചെയ്യാൻ സർക്കാർ ഇത് വരെ തയാറായിട്ടില്ല. ഇതിന് പിന്നിൽ കള്ളക്കളിയുണ്ടെന്നാണ് സംസം. പുതുക്കിപ്പണിയാൻ 18.5 കോടി സർക്കാർ വഹിക്കേണ്ടതില്ല. അത് നിർമ്മാണ കമ്പനി തന്നെ വഹിക്കേണ്ടതാണ്. പുനർ നിർമ്മാണത്തിന്റെ ചെലവ് വഹിക്കാൻ അവർ തയ്യാറുമാണ്. ലോഡ് ടെസ്റ്റ് മാത്രമാണ് അവരുടെ ആവശ്യം. എന്നാൽ അത് ചെയ്യുന്നില്ല. മറിച്ച് 18 കോടി ഖജനാവിൽ നിന്നൊഴുക്കി പുതിയ പാലം നിർമ്മിക്കുകയാണ് സർക്കാർ. ഈ പുനർനിർമ്മാണ പ്രവർത്തിയുടെ ചുമതല ഊരാളുങ്കൽ സൊസൈറ്റിക്കും. സിപിഎം ബന്ധമുള്ള ഈ സൊസൈറ്റിക്ക് ടെൻഡർ പോലും വിളിക്കാതെയാണ് പാലം കരാർ നൽകുന്നത്. ഈ പണി ഊരാളുങ്കലിനെ ഏൽപ്പിക്കാനുള്ള കള്ളക്കളികളാണ് നടക്കുന്നതെന്നാണ് സൂചന.
പാലാരിവട്ടം മേൽപാലം പൊളിച്ചുപണിയാൻ ചെലവാകുന്ന 20 കോടിയോളം രൂപ കേസിൽ പ്രതിസ്ഥാനത്തുള്ള നിർമ്മാണക്കമ്പനിയായ ആർഡിഎസ് പ്രോജക്ട്സിന്റെ പക്കൽ നിന്ന് ഇടാക്കാൻ സംസ്ഥാന സർക്കാരിനു കഴിയുമെന്ന് രേഖകൾ വ്യക്തമാക്കുന്നു. വിജിലൻസ് പരിശോധനയിൽ കണ്ടെത്തിയ കരാർ രേഖകൾ അന്വേഷണസംഘം വിജിലൻസ് കോടതിയിൽ സമർപ്പിച്ചിട്ടുണ്ട്. കരാർ വ്യവസ്ഥയുടെ 3ാം ഭാഗത്താണ് പാലം നിർമ്മാണം പൂർത്തിയാക്കി 36 മാസത്തിനുള്ളിൽ ഉണ്ടാകുന്ന കേടുപാടുകളും ബലക്ഷയവും കരാറുകാരൻ സ്വന്തം ചെലവിൽ സംസ്ഥാന സർക്കാരിനു തൃപ്തികരമായ രീതിയിൽ പരിഹരിക്കണമെന്നു വ്യക്തമാക്കിയിട്ടുള്ളത്. ഇതുപ്രകാരം 2019 ഒക്ടോബർ 11നുള്ളിൽ പാലാരിവട്ടം പാലത്തിനു സംഭവിക്കുന്ന മുഴുവൻ കേടുപാടുകളും ബലക്ഷയവും സ്വന്തം ചെലവിൽ പരിഹരിക്കേണ്ട ഉത്തരവാദിത്തം ആർഡിഎസ് പ്രോജക്ട്സിനാണ്. ബലക്ഷയം സംഭവിച്ച നിർമ്മാണ ജോലികൾ നിർവഹിച്ച അതേ കമ്പനിയെക്കൊണ്ടോ സർക്കാരിനു വിശ്വാസമുള്ള മറ്റേതെങ്കിലും ഏജൻസിയെക്കൊണ്ടോ ബലപ്പെടുത്തൽ ജോലികൾ പൂർത്തിയാക്കാൻ കഴിയും. എന്നാൽ ഈ പണി ഊരാളുങ്കലിന് ഏൽപ്പിക്കുകയാണ് സർക്കാർ ചെയ്യുന്നത്. ഇതിന് വേണ്ടി മാത്രമാണ് ഇ ശ്രീധരനെ മേൽനോട്ട ചുമതല ഏൽപ്പിക്കുന്നത്. ശ്രീധരനെ മുന്നിൽ നിർത്തി 18 കോടി ഊരാളുങ്കലിന് നൽകുകയാണ് സർക്കാർ.
ആലപ്പുഴ ബൈപാസ്, കൊല്ലം ബൈപാസ്, അരൂർ- ഇടപ്പള്ളി ബൈപാസ്, സലിം രാജൻ പാലം, ടെക്നോ പാർക്ക് എന്നിവ നിർമ്മിച്ചത് ഈ നിർമ്മാണ കമ്പനി തന്നെയാണ്. മിലിട്ടറി എൻജിനിയറിങ് സർവീസ്, ഐഎസ്ആർഒ എന്നിവയുടെ സുപ്രധാന കരാർ ജോലികൾ ഏറ്റവുമധികം ചെയ്തിട്ടുള്ളതുമാണ്. ബെയറിങ് ഇട്ടതിലെ പാളിച്ച അഴിമതിയല്ല, പിശകാണ്. അത് അവർ സമ്മതിക്കുകയും, ഏറ്റു പറയുകയും, തിരുത്താനുള്ള അവസരം ചോദിക്കുകയും ചെയ്തിട്ടുണ്ട്. ഊരാളുങ്കലിന് നൽകുന്നത് സിപിഎം താൽപര്യത്തിലാണ്. ഇടതു മുന്നണി അധികാരത്തിൽ വന്ന ശേഷം കേരളത്തിലെ വലിയ പങ്ക് നിർമ്മാണ കരാറുകൾ ഊരാളുങ്കൽ ലേബർ കോൺട്രാക്ടേഴ്സ് സൊസൈറ്റി ആണ് ചെയ്തത്. ഇവ പലതും കൃത്യമായ നിബന്ധനകൾ പാലിച്ചല്ല എന്ന വിമർശനം പരക്കെ ഉണ്ട്. നിയമ സഭയിലെ ഡിജിറ്റലൈസേഷൻ കരാർ ഈ രംഗത്ത് ഒട്ടും തന്നെ അനുഭവസമ്പത്തില്ലാത്ത ഊരാളുങ്കൽ സൊസൈറ്റിയെ ടെൻഡർ നടപടികളില്ലാതെ സർക്കാർ ഏൽപ്പിച്ചത് വലിയ വിവാദങ്ങൾക്ക് വഴിമരുന്നിട്ടിരുന്നു.
പാലം പൂർണ്ണമായും പൊളിക്കേണ്ടതുണ്ടോ?
പാലാരിവട്ടം ഫ്ളൈഓവർ പൂർണ്ണമായും പൊളിച്ച് പുനർ നിർമ്മിക്കുമെന്നായിരുന്നു മുഖ്യമന്ത്രിയുടെ പ്രഖ്യാപനം. ഒരു മാസത്തിനുള്ളിൽ നിർമ്മാണം തുടങ്ങുമെന്നും, ഒരു വർഷത്തിനകം പാലം പണി തീർക്കുമെന്നുമായിരുന്നു മുഖ്യമന്ത്രി പറഞ്ഞത്. ഇ ശ്രീധരൻ കൂടി പങ്കെടുത്ത യോഗത്തിന് ശേഷമാണ് മുഖ്യമന്ത്രി ഇക്കാര്യങ്ങൾ വ്യക്തമാക്കിയത്. ഇ ശ്രീധരനാകട്ടെ പാലം പൂർണമായും പൊളിക്കുന്നില്ലെന്ന് വ്യക്തമാക്കി. അതാവശ്യമില്ലെന്ന് തന്റെ റിപ്പോർട്ടിലും ശ്രീധരൻ ചൂണ്ടിക്കാട്ടിയിരുന്നതാണ്. മുൻ നിലപാട് ആവർത്തിച്ച ശ്രീധരൻ 18.5 കോടിയാണ് ബജറ്റ് എസ്റ്റിമേറ്റെന്ന് വ്യക്തമാക്കി. അറ്റകുറ്റപ്പണിയുടെ ചെറിയ വിശദാംശങ്ങളും അദ്ദേഹം പങ്കു വച്ചു. താൻ വ്യക്തിഗതമായി പുനർ നിർമ്മാണത്തിൽ പങ്കാളിയാകുമെന്നും, ഡിഎംആർസിക്ക് റോളില്ലെന്നും വ്യക്തമാക്കി. സിപിഎം നേതൃത്വം നൽകുന്ന ഊരാളുങ്കൽ ലേബർ കോൺട്രാക്ടേഴ്സ് സൊസൈറ്റിക്കായിരിക്കും നിർമ്മാണ ചുമതല എന്നും അദ്ദേഹം പറഞ്ഞു. ഇക്കാര്യം മുഖ്യമന്ത്രി പറഞ്ഞില്ല. ഇതും സംശയങ്ങൾക്ക് ഇട നൽകുന്നു.
2014 ജൂണിൽ നിർമ്മാണം തുടങ്ങിയതാണ് പാലാരിവട്ടം പാലം. 18 മാസം കൊണ്ട് തീർക്കണമെന്ന് സർക്കാർ ആവശ്യപ്പെട്ടു. 2016 ഒക്ടോബർ 12 ന് ഉദ്ഘാടനം ചെയ്തു. അന്ന് തന്നെ ഗതാഗതത്തിന് തുറന്ന് കൊടുത്തു. തിടുക്കത്തിൽ പൂർത്തിയാക്കിയത് മൂലം ചില അപാകതകൾ ശ്രദ്ധയിൽ പെടുന്നു. തൊട്ടടുത്ത മാസം തന്നെ ഇക്കാര്യങ്ങൾ നിർമ്മാണ കമ്പനി കിറ്റ്കോ വഴി സർക്കാരിനെ അറിയിച്ചു. നവംബർ 23ന് നൽകിയ ആദ്യ കത്തിൽ ബെയറിങ് മാറ്റേണ്ടി വരുമെന്നും, ഏതാനും ദിവസം പാലം അടയ്ക്കേണ്ടി വരുമെന്നും സൂചിപ്പിച്ചു. വീണ്ടും നിരവധി തവണ കമ്പനി കിറ്റ്കോയെയും, ബന്ധപ്പെട്ടവരെയും ഔപചാരികമായി വിവരങ്ങൾ ധരിപ്പിച്ചു. മൂന്ന് വർഷത്തിന് ശേഷം 2019 ഏപ്രിലിലിലാണ് സർക്കാർ അറ്റകുറ്റപ്പണിക്ക് അനുമതി നൽകിയത്. മെയ് 1 ന് പാലം അടച്ച് പണി തുടങ്ങി. നിർമ്മാണ കമ്പനി തന്നെയാണ് അറ്റകുറ്റപ്പണികൾ ചെയ്തത്. 2 മാസം കൊണ്ട് മെയ്ന്റനൻസ് തീർത്തു. 2.5 കോടി രൂപ ഇതിന് ചെലവഴിച്ചു. ഈ സമയത്ത് വിഷയം രാഷ്ട്രിയമാകുന്നു, മാധ്യമങ്ങൾ ഏറ്റെടുത്തു. വിജിലൻസ് കേസന്വേഷിക്കുന്നു. നിർമ്മാണത്തിൽ പ്രാഥമിക ക്രമക്കേടുണ്ടെന്ന് വിജിലൻസ് വ്യക്തമാക്കുകയും ചെയ്തു.
ചെന്നൈ ഐഐറ്റി യെക്കൊണ്ട് സർക്കാർ പരിശോധന നടത്തുന്നു. തൃപ്തികരമല്ലെന്ന തോന്നലിൽ ഇ ശ്രീധരന്റെ വിദഗ്ധ ഉപദേശം തേടുന്നു. ഇതോടെ ഭാഗികമായി പൊളിച്ചാൽ മതിയെന്ന് ശ്രീധരന്റെ റിപ്പോർട്ട് എത്തി. ടി ഒ സൂരജ് അടക്കം 5 പേരെ അറസ്റ്റ് ചെയ്യുന്നു. ഇതിന് ശേഷം പാലം പൂർണമായും പൊളിച്ച് പുനർ നിർമ്മിക്കുമെന്ന് സർക്കാർ പറയുന്നു. പൂർണമായും പൊളിക്കേണ്ടതില്ലെന്ന് ഇ ശ്രീധരൻ വീണ്ടും ആവർത്തിച്ചു. ഇതിനിടെയാണ് ഊരാളുങ്കലിന് കരാർ കൊടുത്ത വിവരവും പുറത്തു വരുന്നത്. 2016 നവംബറിൽ നിർമ്മാണ കമ്പനി തന്നെ തകരാറ് കണ്ടെത്തി സർക്കാരിനെ അറിയിച്ചിരുന്നതാണ്. കിറ്റ്കോയും, റോഡ്സ് ആൻഡ് ബ്രിഡ്ജസ് കോർപ്പറേഷനും, സർക്കാരും ഇക്കാര്യം അറിഞ്ഞിരുന്നു. ബെയറിങുകളിൽ രണ്ടെണ്ണം ഘടിപ്പിച്ചത് തിരിഞ്ഞു പോയി എന്നതായിരുന്നു തകരാർ. വർക്ക്മാൻഷിപ്പിലും, സൂപ്പർ വിഷനിലും സംഭവിച്ച പാളിച്ചയായിരുന്നു ഇത്. തെറ്റ് നിർമ്മാണ കമ്പനിയുടേത് തന്നെ. അങ്ങനെ സംഭവിച്ചാൽ നിർമ്മാണ കമ്പനി അത് സ്വന്തം ചെലവിൽ പരിഹരിച്ച് കൈമാറണം. നിർമ്മാണ കരാറിൽ ഇത് വ്യവസ്ഥ ചെയ്യുന്നു.
ഇനി വേണ്ടത് ലോഡ് ടെസ്റ്റ്, ഒളിച്ചു കളിച്ച് സർക്കാരും
2016ൽ തന്നെ ഈ പാളിച്ച കണ്ടു പിടിച്ച് റിപ്പോർട്ട് ചെയ്ത കമ്പനി, സർക്കാർ അനുമതി കിട്ടിയ ഉടനെ 2.5 കോടി ചെലവിട്ട് 2019 മെയ് മാസം അറ്റകുറ്റപ്പണികൾ ചെയ്തു. 2 മാസം കൊണ്ട് തീർത്തു. തുറന്ന് കൊടുക്കാൻ പറ്റുന്ന വിധത്തിൽ തൃപ്തികരമാണ് പാലത്തിന്റെ ബലം, ആയുസ് എന്നിവയെന്ന് സർക്കാരിനെ അറിയിച്ചു. അത് ഉറപ്പിക്കാൻ വേണ്ടത് ലോഡ് ടെസ്റ്റാണ്, ഇതുമായി ബന്ധപ്പെട്ട മാർഗനിർദ്ദേശങ്ങളിൽ ലോഡ് ടെസ്റ്റ് ആണ് ശുപാർശ ചെയ്യുന്നത്. ബന്ധപ്പെട്ട എജൻസികൾ ആവർത്തിച്ച് ആവശ്യപ്പെട്ടിട്ടും സർക്കാർ അത് ചെയ്യാൻ തയ്യാറായിട്ടില്ല. നിർമ്മാണ കമ്പനിയും, കിറ്റ്കോയും, റോഡ്സ് ആൻഡ് ബ്രിഡ്ജസ് കോർപ്പറേഷനും ഇത് പലവട്ടം ആവശ്യപ്പെട്ടിരുന്നു. ലോഡ് ടെസ്റ്റ് വിജയിച്ചാൽ പാലം പൊളിക്കേണ്ടതുണ്ടോ ഭാഗികമായോ, പൂർണ്ണമായോ പാലം പൊളിക്കേണ്ട ആവശ്യമില്ല. തിരിഞ്ഞ് പോയ ബെയറിങ്ങുകൾ മാറ്റി, തൂണുകൾ ബലപ്പെടുത്തി. റീ ടാർ ചെയ്തു. ലോഡ് ടെസ്റ്റ് നടത്തി അത് പര്യാപ്തമെന്ന് ഉറപ്പാക്കുകയേ വേണ്ടൂ.
വിജിലൻസ് കേസിന് ആധാരമായി പണം അഡ്വാൻസ് ചെയ്തതാണ് ഒരു പ്രധാന ആരോപണം നിറയുന്നത്. റോഡ്സ് ആൻഡ് ബ്രിഡ്ജസ് ഡവലപ്മെന്റ് കോർപ്പറേഷനാണ് പിഡബ്ലുഡി ഉത്തരവ് പ്രകാരം 2% കൂടിയ പലിശ നിരക്കിൽ പണം നൽകിയത്. കമ്പനി ഇത് അടച്ച് തീർത്തു. എല്ലാ ഇടപാടുകളും രേഖാപരവുമാണ്. ഇടപ്പള്ളി പാലം നിർമ്മാണത്തിന് ഡിഎംആർസിക്ക് പലിശ രഹിതമായി പണം അഡ്വാൻസ് ചെയ്തിട്ടുണ്ട്. സാമ്പിൾ പരിശോധനയിൽ തൃപ്തികരമായ അളവിൽ സാമഗ്രികൾ ചേർന്നിട്ടില്ല എന്നാണ് കണ്ടെത്തൽ. വളരെ ചെറിയ സാമ്പിൾ ആണ് നോക്കിയത്. ഇത് കമ്പനിയും, കൺസൾട്ടന്റും തെളിയിക്കേണ്ടതാണ്. ഏതു പരിശോധനാ ഏജൻസിക്കു മുൻപിലും തെളിയിക്കാമെന്നു ഇവർ പറയുന്നു. ലോഡ് ടെസ്റ്റ് നടത്താൻ ഒരു മാസവും, അന്തിമ മിനുക്കു പണികൾക്കായി ഒരു മാസവും ഉൾപ്പെടെ 2 മാസം മതി എന്നാണ് നിർമ്മാതാക്കൾ പറയുന്നത്.
18.7 കോടി രൂപയാണ് എസ്റ്റിമേറ്റ്. ഇത് സർക്കാർ വഹിക്കും. ഒരു രൂപ പോലും സർക്കാർ വഹിക്കേണ്ടതില്ല, കരാർ നിബന്ധന അനുസരിച്ച് ഇത് കമ്പനി വഹിക്കണം. 2.5 കോടി അറ്റകുറ്റപ്പണിക്കായി ചെലവഴിച്ച നിർമ്മാണ കമ്പനി സ്വന്തം ഉത്തരവാദിത്വത്തിലും, ചെലവിലും ഇത് നിർവഹിക്കാൻ ഒരുക്കമാണെന്ന് പലവട്ടം സർക്കാരിനെ ധരിപ്പിച്ചിട്ടുള്ളതാണ്. കിറ്റ്കോ മേൽനോട്ടം വഹിക്കുന്ന നിർമ്മാണ ജോലികളുടെ കരാർ വ്യവസ്ഥകളിൽ മാനദണ്ഡമാക്കുന്ന ഫെഡറേഷൻ ഇന്റർനാഷനൽ കൺസ്ട്രക്ഷൻ എൻജിനീയേഴ്സ് (ഫിഡിക്) മാനുവലിലെ 49.1 വ്യവസ്ഥയാണ് പാലാരിവട്ടം പാലത്തിന്റെ പൊളിച്ചുപണിയുടെ ചെലവുകൾ നിർമ്മാണക്കമ്പനിയിൽ നിന്ന് ഈടാക്കാൻ സംസ്ഥാന സർക്കാരിനെ അധികാരപ്പെടുത്തുന്നത്.
പുനർനിർമ്മാണ തുക ആരു നൽകും?
ഡിഎംആർസി മുഖ്യ ഉപദേഷ്ടാവ് ഡോ.ഇ. ശ്രീധരന്റെ മേൽനോട്ടത്തിൽ പാലം പൊളിച്ചുപണിയുമ്പോൾ ചെലവാകുമെന്നു കരുതുന്ന മുഴുവൻ തുകയും ആർഡിഎസ് പ്രോജക്ട്സിന്റെ പക്കൽ നിന്നു തിരിച്ചുപിടിക്കാൻ കഴിയുമെന്നു വ്യക്തമാക്കുന്നതാണ് കരാർ രേഖകൾ. എന്നാൽ, ഈ ബാധ്യതയിൽ നിന്നു നിർമ്മാണ കമ്പനിയെ സംരക്ഷിക്കാനുള്ള പഴുതുകൾ കരാർ വ്യവസ്ഥകളിൽ ചേർത്തിട്ടുണ്ടോയെന്നും വിജിലൻസ് അന്വേഷണ സംഘം പരിശോധിക്കും. അധികച്ചെലവു കമ്പനിയിൽ നിന്ന് ഈടാക്കിയാലും അഴിമതിക്കേസിൽ പ്രോസിക്യൂഷൻ നടപടികൾ തുടരാം.
പാലാരിവട്ടം മേൽപാലം ഉദ്ഘാടനം ചെയ്ത 2016 ഒക്ടോബർ 12നും ആർഡിഎസ് പ്രോജക്ട്സ് കമ്പനി നിർമ്മാണം പൂർത്തിയാക്കിയിരുന്നില്ല. സാധാരണ നിലയിൽ ഉദ്ഘാടനത്തിനു മുൻപേ മേൽനോട്ട ഏജൻസിയായ കിറ്റ്കോ കംപ്ലീഷൻ സർട്ടിഫിക്കറ്റ് നൽകാറുണ്ട്. ആർഡിഎസിന് ഉദ്ഘാടന ദിവസവും നിർമ്മാണം പൂർത്തിയാക്കിയെന്ന സർട്ടിഫിക്കറ്റ് ലഭിച്ചില്ല. ഇതെല്ലാം പല സംശയങ്ങൾക്കും ഇട നൽകുന്നുണ്ട്.
Stories you may Like
- TODAY
- LAST WEEK
- LAST MONTH
- സീതാമഡി ഗ്രാമത്തിന്റെ സ്വന്തം 'കായംകുളം കൊച്ചുണ്ണി'; ഗ്രാമത്തിലെ 7 ടാറിട്ട റോഡുകൾ ഇർഫാന്റെ വക; മോഷണത്തിന് പിടിക്കപ്പെട്ടാൽ ജാമ്യത്തിലിറങ്ങി വീണ്ടും മോഷണം പതിവുശൈലി; ലക്ഷ്യം വെക്കുന്നത് വിഐപികളെ മാത്രം; ഇർഫാൻ കേരളാ പൊലീസ് വലയിലായത് ഭാര്യയെ എംഎൽഎയെക്കാൻ തയ്യാറെടുക്കവേ
- മകളുടെ കൂടെ താമസിക്കാനെത്തിയ ശേഷം കൊച്ചുമകളെ പീഡിപ്പിച്ചു; സംഭവം പുറത്തറിയുന്നത് കുട്ടിയുടെ സ്വഭാവത്തിലെ മാറ്റം കണ്ട് മാതാവ് കൗൺസിലിങ് നൽകിയതോടെ: 72കാരന് ഇരുപത് വർഷം തടവും നാലു ലക്ഷം രൂപ പിഴയും
- രണ്ട് മക്കളുള്ള റോസമ്മയെ ഏറെനാൾ മുമ്പ് ഭർത്താവ് ഉപേക്ഷിച്ചു പോയത്; താമസിച്ചിരുന്നത് സഹോദരന്റെ ബെന്നിക്കൊപ്പം; ദല്ലാൾ മുഖാന്തിരം വിവാഹം ശരിയായത് മുതൽ ബെന്നി ഉടക്കിൽ; മെയ് ഒന്നിന് രണ്ടാം വിവാഹം നടക്കാനിരിക്കേ അരുംകൊല; നടുക്കത്തോടെ പൂങ്കാവ് ഗ്രാമം
- അഭിപ്രായ സർവേകളെയും കവച്ചുവെക്കുന്ന പ്രകടനം ഉണ്ടാകുമെന്ന പ്രതീക്ഷയിൽ എൽഡിഎഫ്; 20ൽ ഇരുപതും മോഹിച്ച് യുഡിഎഫും; ന്യൂനപക്ഷ വോട്ടുകളിൽ ഇരുമുന്നണികൾക്കും വലിയ പ്രതീക്ഷ; പ്രചാരണത്തിന്റെ അവസാന മണിക്കൂറുകളിലേക്ക് കേരളം; 13 സംസ്ഥാനങ്ങളിലെ 88 മണ്ഡലങ്ങളിൽ 26ന് ജനവിധി
- ജി കൃഷ്ണകുമാറിന്റെ കണ്ണിന് പരിക്കേറ്റ സംഭവത്തിൽ ബിജെപി പ്രവർത്തകൻ അറസ്റ്റിൽ; പിടിയിലായത് ബിജെപി കുണ്ടറ പഞ്ചായത്ത് സമിതി ജന.സെക്രട്ടറി സനൽ; സനലിന്റെ കൈ തട്ടിയാണ് അപകടം ഉണ്ടായതെന്ന് സൂചന; എൻഡിഎ സ്ഥാനാർത്ഥി പരാതി നൽകിയത് സിപിഎം പ്രവർത്തകർ ആക്രമിച്ചു എന്ന് ആരോപിച്ച്
- വെടിക്കെട്ട് സെഞ്ചുറിയുമായി യശസ്വി ജയ്സ്വാൾ; നായകന്റെ ഇന്നിങ്സുമായി സഞ്ജു; അഞ്ച് വിക്കറ്റെടുത്ത സന്ദീപ് ശർമയും; വീണ്ടും മുംബൈ ഇന്ത്യൻസിനെ കീഴടക്കി രാജസ്ഥാൻ റോയൽസ്; ഒൻപത് വിക്കറ്റ് ജയത്തോടെ പ്ലേ ഓഫിന് അരികെ
- പ്രധാനമന്ത്രിയുടെ വിവാദ പരാമർശം; നിരവധി പരാതികൾ ലഭിച്ചിട്ടും നടപടി എടുക്കാതെ തിരഞ്ഞെടുപ്പ് കമ്മീഷൻ; ജനകീയ വിഷയങ്ങൾ ചർച്ചയാകാതിരിക്കാനുള്ള വഴിതിരിച്ചുവിടലെന്ന് കണ്ട് കോൺഗ്രസ്; ഒരു പരിധിക്കപ്പുറം വിഷയം ഉയർത്തേണ്ടെന്ന നിലപാടിൽ നേതാക്കൾ
- 'തലക്ക് പകരം കാലാണ് ആദ്യം വന്നത്; എന്നിട്ടും കയ്യിൽ നിന്ന് സോപ്പ് വഴുതി വീഴുന്ന പോലെ കുട്ടി മുഴുവനായും പുറത്തേക്ക് ചാടി': വീട്ടിൽ പ്രസവിച്ചതിന്റെ അനുഭവം പറഞ്ഞ് യുവതിയുടെ കുറിപ്പ്; സ്കാനിങ്ങും മരുന്നുകളും ആവശ്യമില്ല; ആധുനിക വൈദ്യത്തിനെതിരെ ഇസ്ലാമിക് അക്യൂപങ്ചറുകാർ
- ബാങ്ക് ലോക്കർ മുറിയിൽ വിഷവാതകം; സ്വർണം വയ്ക്കാൻ ലോക്കർ മുറിയിൽ പ്രവേശിച്ച മൂന്ന് ജീവനക്കാരികൾ അബോധാവസ്ഥയിൽ ആശുപത്രിയിൽ; കാർബൺ മൊണോക്സൈഡ് വാതകത്തിന്റെ സാന്നിധ്യം സംശയിക്കുന്നതായി പൊലീസ്
- തെങ്ങമത്ത് കെട്ടിട ഉടമയെയും ഭർത്താവിനെയും ഭർതൃപിതാവിനെയും മർദിച്ചതിന് നാല് സിപിഎം നേതാക്കൾക്കെതിരേ കേസ്; കടമുറിയിൽ സുക്ഷിച്ചിരുന്ന 1.72 ലക്ഷം രൂപ ഉടമയും ബന്ധുക്കളും ചേർന്ന് മോഷ്ടിച്ചുവെന്ന് സിപിഎം നേതാക്കളുടെ പരാതി; ക്രൂരമർദനമേറ്റ ഉടമയും ബന്ധുക്കളും കേസിൽ പ്രതിയായേക്കും
- ഇറാനിൽ ഇസ്രയേലിന്റെ വ്യോമാക്രമണം ഇന്ത്യൻ വിപണിക്ക് ആശങ്കയാകുന്നു; കുതിച്ചുയർന്ന് ക്രൂഡോയിൽ വില; ബാരലിന് 90 ഡോളറിലെത്തി; ഇപ്പോഴത്തെ നിലയിൽ വില 100 ഡോളർ വരെ ഉയർന്നേക്കുമെന്ന് ആശങ്ക; ഇറാൻ-ഇസ്രയേൽ പോര് പശ്ചിമേഷ്യയിലെ സ്ഥിതിഗതികൾ കൂടുതൽ ആശങ്കപ്പെടുത്തുന്നു
- ത്രികോണ പോരിന് ഒടുവിൽ സുരേഷ് ഗോപി തൃശ്ശൂർ എടുക്കുമോ? പാലക്കാടൻ കാറ്റ് മാറി വീശുമോ? ആലത്തൂരിൽ രമ്യ പാട്ടുംപാടി വിജയിക്കുമോ? മലപ്പുറത്തും പൊന്നാനിയിലും ലീഗ് കോട്ടകളിൽ നേരിയ വിള്ളലെങ്കിലും വീഴുമോ? നെഞ്ചിടിപ്പേറുന്ന മണ്ഡലങ്ങളിലൂടെ മറുനാടൻ സർവേയുടെ രണ്ടാം ഘട്ടം ഫലം
- സുഹൃത്തും തന്റെ ഭാര്യയുമായി അവിഹിത ബന്ധം; പകരം സുഹൃത്തിന്റെ ഭാര്യയോട് കിടപ്പറ പങ്കിടാൻ ആവശ്യപ്പെട്ടു; പൊലീസ് കേസും വഴക്കുമായപ്പോൾ ആത്മഹത്യ ചെയ്യാൻ തീരുമാനിച്ച ദമ്പതികളിൽ ഭാര്യ മരിച്ചു; പ്രേരണാക്കുറ്റത്തിന് ഭർത്താവ് അറസ്റ്റിൽ: വെച്ചൂച്ചിറയിൽ നിന്ന് ഞെട്ടിക്കുന്ന കഥ
- അനന്തപുരിയിൽ തരൂർ വീഴുമോ? ആറ്റിങ്ങലിൽ അടൂർ പ്രകാശിന് അടിതെറ്റുമോ? കൊല്ലത്ത് മുകേഷോ, പ്രേമചന്ദ്രനോ? പത്തനംതിട്ട ആർക്ക്? അനിൽ ആന്റണി വോട്ടുയർത്തുമോ; മാവേലിക്കരയിൽ അട്ടിമറിയോ? കേരളം ആർക്കൊപ്പം; 20 മണ്ഡലങ്ങളിലെയും മറുനാടൻ സർവേ ഫലം അറിയാം
- സ്കൂളിൽ പ്രാർത്ഥന വിലക്കിയ നടപടി ശരിവെച്ച് ബ്രിട്ടീഷ് കോടതി; വളരെ മികച്ചതെന്ന റേറ്റിങ് ലഭിച്ച സ്കൂളിനെതിരെ കോടതിയെ സമീപിച്ചത് മുസ്ലിം വിദ്യാർത്ഥിനി; എല്ലാ വിഭാഗങ്ങളെയും ഉൾക്കൊള്ളുന്ന സ്കൂൾ നയത്തിന്റെ വിജയമെന്ന് സ്കൂൾ അധികൃതർ
- പൂരം നാളുകളിൽ വൻകിട ഹോട്ടലുകളിൽ പൊലീസ് സൗജന്യമായി മുറിയെടുത്തു; ഉന്നത ഉദ്യോഗസ്ഥരുടെ പേരുപറഞ്ഞ് ഓരോ ഹോട്ടലിലും രണ്ടും മൂന്നും മുറികൾ സൗജന്യമായി വാങ്ങി; പൂരത്തെ അറിയാവുന്ന ഉദ്യോഗസ്ഥരെ ഡ്യൂട്ടിയിലിൽ നിന്നും മാറ്റി; കമ്മീഷണറുടെ നിലപാടുകൾ സേനയ്ക്ക് കളങ്കമായി; തൃശൂർ പൂരത്തിൽ ഇന്റലിജൻസ് കണ്ടെത്തൽ ഇങ്ങനെ
- ആലപ്പുഴയിലെ 'കനൽത്തരി' അണയുമോ? ചാലക്കുടിയിൽ ട്വന്റി ട്വന്റി വോട്ടുകൾ ആർക്ക് ഭീഷണിയാകും? എറണാകുളത്തും ഇടുക്കിയിലും യുഡിഎഫ് തന്നെയോ? കോട്ടയത്ത് വിജയിക്കുക ഏത് കേരളാ കോൺഗ്രസ്? മറുനാടൻ സർവേ മൂന്നാംഘട്ട ഫലം അറിയാം..
- മുഖ്യമന്ത്രിക്ക് ഇരിക്കാൻ സ്ഥാപിച്ച അരലക്ഷം വിലയുള്ള കറങ്ങുന്ന കസേരയുള്ള സീറ്റ് ഇളക്കിമാറ്റി; വി.വി.ഐ.പി. പരിവേഷത്തിൽ കേരളം കറങ്ങിയ നവകേരള ബസ് ഇപ്പോൾ ആർക്കും വേണ്ടാതെ വെറുതേ കിടക്കുന്നു; ഗതാഗത മന്ത്രി മാറിയതോടെ താൽപ്പര്യം കുറഞ്ഞു; ടൂറിസം ആവശ്യത്തിനും വിട്ടുനൽകാതെ 1.15 കോടി രൂപ മുടക്കി വാങ്ങിയ ബസ്
- സ്വന്തം വിവാഹത്തിന് അടിച്ചു പിമ്പിരിയായി എത്തി വരൻ; കാൽ നിലത്ത് ഉറയ്ക്കാത്ത വരെ കാറിൽ നിന്നും ഇറക്കിയത് ബന്ധുക്കൾ; വിവാഹം നടത്താനെത്തിയ വൈദികനോടും മോശം പെരുമാറ്റം; പൊലീസിനോടും തട്ടിക്കയറി വിദേശത്തു നിന്നെത്തിയ വരൻ: കല്ല്യാണത്തിൽ നിന്നും പിന്മാറി വധു
- ഇസ്രയേൽ ഇറാന് ശക്തമായ തിരിച്ചടി നൽകിയത് ഒരീച്ച പോലും അറിയാതെ; മിസൈലുകളും ഡ്രോണുകളും റഷ്യൻ നിർമ്മിത എസ്-300 സംവിധാനത്തെ തകർത്തു; ആക്രമണം ഇറാൻ വ്യോമ പ്രതിരോധ സംവിധാനത്തെ പൂർണമായി കബളിപ്പിച്ചുകൊണ്ട്; ആക്രമണം നടന്നയിടത്ത് പൊടി പൊലുമില്ല കണ്ടുപിടിക്കാൻ
- ഒരു ജൂനിയർ പറയാൻ പാടില്ലാത്ത കഥകളാണ് ശ്രീനിയുടെ മകൻ പറഞ്ഞതെന്ന് മുകേഷ്; എന്നാൽ അത് ധ്യാൻ തന്നെയാകുമെന്ന് ആരാധകർ
- ആടുജീവിതം ഇസ്ലാമോഫോബിയ പരത്തുന്ന ചിത്രമോ? നോവലിന്റെ അറബിപതിപ്പ് യുഎഇയിലും സൗദിയിലും നിരോധിച്ചത് 2014ൽ; ഇപ്പോൾ സിനിമക്കും യുഎഇ ഒഴികെയുള്ള ഗൾഫ് രാജ്യങ്ങളിൽ പ്രദർശനാനുമതിയില്ല; കേരളത്തിലെ യുക്തിവാദികൾക്കിടയിലും ചർച്ച; ആടുജീവിതം വിവാദമാവുമ്പോൾ
- അനുജയുമൊന്നിച്ച് കാർ തടിലോറിയിലേക്ക് ഇടിച്ചു കയറ്റി ഹാഷിം ജീവനൊടുക്കിയെന്ന് സഹ അദ്ധ്യാപകരുടെയും ബന്ധുക്കളുടെയും മൊഴി; അടൂരിനെ നടുക്കിയ അപകടം; സ്കൂൾ അദ്ധ്യാപികയെയും കൂട്ടി സ്വകാര്യ ബസ് ഡ്രൈവർ ആത്മഹത്യ ചെയ്തതെന്ന് സൂചന; സ്വിഫ്ട് ഡിസയർ കാർ ഓടിച്ചു കയറ്റിയത് കണ്ടെയ്നർ ലോറിയിലേക്ക്: സംഭവം കെപി റോഡിൽ പട്ടാഴമുക്കിൽ
- കള്ളി എന്നതാണ് ഇപ്പോഴത്തെ മേൽവിലാസം.. കള്ളിയുടെ അച്ഛൻ എന്ന മേൽവിലാസവും കൊണ്ട് ആണ് 2 മാസം മുമ്പ് അച്ഛൻ മരിച്ചുപോയത്; കൂടെ ഉണ്ടായിരുന്നവരൊന്നും കൂട്ടുന്നില്ല; ഉറങ്ങിയിട്ട് വർഷം ഒന്നാകാറായി; വിദ്യ വിജയന്റെ കുറിപ്പ്
- റഷ്യയിലെ ഭീകരാക്രമണത്തിൽ പിടികൂടിയ ഐസിസ് ഭീകരർ നേരിടാൻ പോകുന്നത് റഷ്യൻ പൊലീസിന്റെ സമാനതകളില്ലാത്ത മർദ്ദനമുറകൾ; ചെവിമുറിച്ച് സ്വയം ഭക്ഷിക്കുവാൻ കൊടുത്തതിന് പുറമെ വൈദ്യുതാഘാതവും വസ്ത്രമൂരി അടിയും; മരിച്ചാൽ ബന്ധുക്കൾക്ക് ശരീരം വിട്ടു നൽകുന്നത് ആന്തരികാവയവങ്ങൾ നീക്കിയ ശേഷം
- വൈകീട്ട് തിരക്കില്ലാതിരുന്നിട്ടും നിർത്താതെ പോയ കോട്ടയം ബസിന്റെ ഡ്രൈവർ ആരെന്നറിയാൻ യാത്രക്കാരൻ ഡിപ്പോയിലേക്കു വിളിച്ചു; ഇതോടെ വാളകത്തിന്റെ പ്രസക്തി ഡ്രൈവർക്ക് മനസ്സിലായി; ജോലി പോകാതിരിക്കാൻ ഇമ്പൊസിഷനും എഴുതി; ആനവണ്ടിക്ക് യജമാനൻ യാത്രക്കാരനാകുമ്പോൾ!
- പിറന്നാളിന് വാങ്ങിയത് ഓൺലൈനിൽ ഓർഡൽ ചെയ്ത കേക്ക്; ഭക്ഷ്യവിഷബാധയേറ്റ് പത്തു വയസ്സുകാരിക്ക് ദാരുണാന്ത്യം: പിറന്നാൾ പിറ്റേന്ന് ദാരുണമായി മരിച്ചത് പത്തു വയസ്സുകാരി മൻവി
- സിനിമയുടെയും ആത്മാവായ ആ സീൻ സെൻസർ ബോർഡ് വെട്ടിമാറ്റിയെന്ന് ബെന്യാമിൻ; ഷൂട്ട് ചെയ്തിട്ടില്ലെന്ന് ബ്ലെസി; അങ്ങനെ ഒന്ന് ഉണ്ടായിട്ടില്ലെന്നും എഴുത്തുകാരൻ ചേർത്തതാണെന്നും നജീബ്; ആടുമായി നജീബ് ലൈംഗിക ബന്ധത്തിൽ ഏർപ്പെടുന്ന രംഗത്തിന് എന്താണ് സംഭവിച്ചത്?
- ഇറാനിൽ ഇസ്രയേലിന്റെ വ്യോമാക്രമണം ഇന്ത്യൻ വിപണിക്ക് ആശങ്കയാകുന്നു; കുതിച്ചുയർന്ന് ക്രൂഡോയിൽ വില; ബാരലിന് 90 ഡോളറിലെത്തി; ഇപ്പോഴത്തെ നിലയിൽ വില 100 ഡോളർ വരെ ഉയർന്നേക്കുമെന്ന് ആശങ്ക; ഇറാൻ-ഇസ്രയേൽ പോര് പശ്ചിമേഷ്യയിലെ സ്ഥിതിഗതികൾ കൂടുതൽ ആശങ്കപ്പെടുത്തുന്നു
- കാസർകോട് ഇടതുമുന്നണി തിരിച്ചുപിടിക്കുമോ? കണ്ണൂരിൽ സുധാകരൻ വീഴുമോ? വടകരയിൽ ഷാഫിയോ ശൈലജയോ? കോഴിക്കോട് രാഘവേട്ടനോ, കരീംക്കയോ? രാഹുൽഗാന്ധി മാജിക്ക് ആവർത്തിക്കുമോ? എൻഡിഎ വോട്ട് ഉയർത്തുമോ? മറുനാടൻ മലയാളി ഇലക്ഷൻ സർവേയുടെ ആദ്യഘട്ട ഫലം അറിയാം
Readers Comments+
മലയാളത്തിൽ ടൈപ്പ് ചെയ്യാൻ ഇവിടെ ക്ലിക്ക് ചെയ്യുകകമന്റ് ബോക്സില് വരുന്ന അഭിപ്രായങ്ങള് മറുനാടന് മലയാളിയുടേത് അല്ല. മാന്യമായ ഭാഷയില് വിയോജിക്കാനും തെറ്റുകള് ചൂണ്ടി കാട്ടാനും അനുവദിക്കുമ്പോഴും മറുനാടനെ മനഃപൂര്വ്വം അധിക്ഷേപിക്കാന് ശ്രമിക്കുന്നവരെയും അശ്ലീലം ഉപയോഗിക്കുന്നവരെയും മറ്റു മലയാളം ഓണ്ലൈന് ലിങ്കുകള് പോസ്റ്റ് ചെയ്യുന്നവരെയും മതവൈരം തീര്ക്കുന്നവരെയും മുന്നറിയിപ്പ് ഇല്ലാതെ ബ്ലോക്ക് ചെയ്യുന്നതാണ് - എഡിറ്റര്