വിശുദ്ധ പരുമല തിരുമേനിയുടെ 117 -ആം ഓർമ്മപ്പെരുന്നാൾ കാന്‌സസില് ആഘോഷിച്ചു...

വിശുദ്ധ പരുമല തിരുമേനിയുടെ 117 -ആം ഓർമ്മപ്പെരുന്നാൾ കാന്‌സസില് ആഘോഷിച്ചു

November 07, 201903:18 PM IST Permalink

പി പി ചെറിയാൻ

വിശുദ്ധ ഗ്രീഗോറിയോസ് തിരുമേനിയുടെ ഓർമ്മപ്പെരുന്നാൾ ആഘോഷങ്ങൾ നവംബർ 2,3 തീയതികളിൽ സൈന്റ്‌റ് ഗ്രീഗോറിയോസ് ഓർത്തഡോക്ൾസ് ഇടവക പള്ളിയിൽ വെച്ച് നടന്നു. ഈ പെരുന്നാൾ, ഇടവകയുടെ മധ്യസ്ഥനായ വിശുദ്ധ ഗ്രീഗോറിയോസ് തിരുമേനിയുടെ ഓർമ്മപ്പെരുന്നാൾ എന്നതിനുപരി ഗ്രീഗോറിയോസ് പള്ളിയുടെ 8-ആം പിറന്നാൾ കൂടിയാണ്. സൈന്റ്‌റ് ഗ്രീഗോറിയോസ് ചുര്ച്ച് ഓഫ് കൻസാസ് സിറ്റി മലങ്കര ഓർത്തഡോക്ൾസ് സുറിയാനി സഭയുടെ അമേരിക്കൻ സൗത്ത് വെസ്റ്റ് ഭദ്രാസനത്തിന്റെ ഭാഗമാണ്.

ഈ പെരുന്നാളിന് പുതുതായി പട്ടമേറ്റ നോർത്ത് ഈസ്റ്റ് ഭദ്രാസനത്തിലെ ഫാദർ തോമസ് പി തോമസ് പ്രധാന കാര്മികത്വവും പള്ളിയുടെ വികാരി ഫാദർ ഡിജു സഖറിയ സഹ കാർമ്മികത്വവും വഹിച്ചു. ഫാദർ തോമസ് പി തോമസ് നോർത്ത് ഈസ്റ്റ് ഭദ്രാസനത്തിന്റെ സൺഡേ സ്‌കൂൾ ഡയറക്ടർ കൂടിയാണ്. അദ്ദേഹത്തിന്റെ പത്‌നിയും സൗത്വെസ്‌റ് ഭദ്രാസനത്തിന്റെ MGOCSM Secretary -യും കൂടിയായ ലിജിൻ തോമസും ആഘോഷങ്ങളിൽ സന്നിഹിതയായിരുന്നു.

പെരുന്നാൾ ആഘോഷങ്ങൾ നവംബര് 2 -ആം തിയതി ശനിയാഴ്ച ആറു മണിക്ക് കൊടിയേറി . അതിനോടനുബന്ധിച്ചു സന്ധ്യാപ്രാർത്ഥനയും ഭക്തിനിർഭരമായ ഒരുസന്ദേശവും ഫാദർ തോമസ് പി തോമസ് അച്ചൻ നൽകി.പെരുന്നാൾ ദിവസമായ നവംബര് 3 -ആം തിയതി ഞായറാഴ്ച ഫാദർ തോമസ് പി തോമസ് വിശുദ്ധ കുർബാന അർപ്പിച്ചു. പള്ളിയുടെ വികാരി ഡിജു സഖറിയ സഹകാർമികത്വം വഹിച്ചു . വിശുദ്ധ കുർബാനക്ക് ശേഷം വിശുദ്ധ ഗ്രീഗോറിയോസ് തിരുമേനിയുടെ ഓർമ്മസൂചകമായി പള്ളിക്കു പ്രദക്ഷിണമായി പെരുന്നാൾ ഘോഷയാത്ര നടത്തപ്പെട്ടു.

കൊടിതോരണങ്ങളും മുത്തുക്കുടകളും, ഗാനങ്ങളുമായി ഇടവകഅംഗങ്ങൾ ഘോഷയാത്രയിൽ പങ്കെടുത്തു . ഭക്തിനിർഭരമായ പ്രദക്ഷിണത്തിനു ശേഷം സൈന്റ്‌റ് ഗ്രീഗോറിയോസ് പള്ളിയിലെ അംഗങ്ങൾ സ്വരുക്കൂട്ടിയ വാഴ്‌വിന്റെ വിരുന്നിൽ ഇടവക അംഗങ്ങൾ പങ്കെടുത്തു.ഫാദർ തോമസ് പി തോമസ് അച്ചനും അദ്ദേഹത്തിന്റെ പത്‌നി ലിജിൻ തോമസും പള്ളിയിലെ സൺഡേ സ്‌കൂൾ വിദ്യാർത്ഥികൾക്ക് പെരുന്നാൾദിന സന്ദേശങ്ങൾ കൈമാറി.ഇടവക അംഗങ്ങളുടെ പെരുന്നാൾദിന നേർച്ചകൾ കോട്ടയം ഗാന്ധിനഗർ ആസ്ഥാനമായ കരുണാനിലയത്തിനു സംഭാവനയായി നൽകുന്നതാണ്.കരുണാനിലയം 1993 മുതൽ ദരിദ്രരുടെയും, രോഗികളുടെയും, ഭവനരഹിതരുടെയും സേവനത്തിനായി നിലകൊള്ളുന്ന ഒരു സ്ഥാപനമാണ്.ഭക്തിനിർഭരമായ ആഘോഷങ്ങൾക്ക് ശേഷം വിശുദ്ധ പരുമല മാർ ഗ്രീഗോറിയോസ് തിരുമേനിയുടെ മധ്യസ്ഥതക്കു വേണ്ടിയുള്ള ഒരു പ്രാര്ഥനയോടൊപ്പം പെരുന്നാൾ കൊടിയിറങ്ങി.

Readers Comments+

മലയാളത്തിൽ ടൈപ്പ്‌ ചെയ്യാൻ ഇവിടെ ക്ലിക്ക്‍ ചെയ്യുക

കമന്റ് ബോക്‌സില്‍ വരുന്ന അഭിപ്രായങ്ങള്‍ മറുനാടന്‍ മലയാളിയുടേത് അല്ല. മാന്യമായ ഭാഷയില്‍ വിയോജിക്കാനും തെറ്റുകള്‍ ചൂണ്ടി കാട്ടാനും അനുവദിക്കുമ്പോഴും മറുനാടനെ മനഃപൂര്‍വ്വം അധിക്ഷേപിക്കാന്‍ ശ്രമിക്കുന്നവരെയും അശ്ലീലം ഉപയോഗിക്കുന്നവരെയും മറ്റു മലയാളം ഓണ്‍ലൈന്‍ ലിങ്കുകള്‍ പോസ്റ്റ് ചെയ്യുന്നവരെയും മതവൈരം തീര്‍ക്കുന്നവരെയും മുന്നറിയിപ്പ് ഇല്ലാതെ ബ്ലോക്ക് ചെയ്യുന്നതാണ് - എഡിറ്റര്‍

Forex Rate: