'വെറും പത്തു മിനിട്ട് മതി ഒരു പുരുഷൻ വിചാരിച്ചാൽ സ്പേം യൂട്ട്രസിലേക്ക് പാസ് ചെയ്യാൻ; ചാടുന്ന സ്ത്രീകളുടെ ഗർഭപാത്രം സ്ലിപ്പായി പോകും;' ഈ സ്ത്രീവിരുദ്ധരെല്ലാം തന്നെ സ്ത്രീകളുടെ അരക്കെട്ടിലായിരിക്കും അവരുടെ കയ്യിലെ കടിഞ്ഞാൺ കൊണ്ടുപോയി കെട്ടാൻ നോക്കുന്നത്; ആർത്തവം, ഗർഭപാത്രം, ഓവറി, യോനി, പ്രഗ്നൻസിയൊക്കെ ആയിരിക്കും ഇവരുടെ ഇഷ്ടവിഷയങ്ങൾ; അശാസ്ത്രീയത പ്രചരിപ്പിക്കുന്ന ബിഗ്ബോസ് താരം രജത്കുമാറിനെ തേച്ചൊട്ടിച്ച് ഇൻഫോക്ലിനിക്ക്
മറുനാടൻ ഡെസ്ക്
സ്ലിപ്പാവുന്ന യൂട്രസുകൾ
കൃഷിയേക്കാൾ, പരദൂഷണങ്ങൾ പറയാനും കേട്ടാസ്വദിക്കാനുമുള്ള ത്വരയാണ് മനുഷ്യരെ ഇത്രയും വലിയൊരു കൂട്ടമായി ഒന്നിപ്പിച്ചു നിർത്തിയതെന്ന് പലരും നിരീക്ഷിച്ചിട്ടുണ്ട്. സാങ്കേതികമായി വളർച്ചയുടെ ഉച്ചസ്ഥായിയിൽ ആയിരിക്കുമ്പോഴും, വിശപ്പ്, ദാഹം, കാമം എന്നിവ പോലെ തന്നെ ആന്തരികമായ ആ പരദൂഷണചോദനയും നമ്മുടെ തന്നെ ഭാഗമാണ്. പക്ഷെ, ഒരു പരിഷ്കൃത സമൂഹത്തിന് ഒരിക്കലും, ഒരു തരത്തിലും അംഗീകരിക്കാനാവാത്തവിധം മോശമായ രീതിയിലത് പരിണമിക്കുമ്പോൾ, അതിനെ മനുഷ്യവിരുദ്ധമായ ഒന്നായി തന്നെ കാണണം.
മനുഷ്യവിരുദ്ധതയ്ക്ക് മനുഷ്യർക്കിടയിൽ എന്നും നല്ല ഡിമാന്റായിരുന്നു. മതമായും ജാതിയായും സ്ത്രീവിരുദ്ധതയായും ട്രാൻസ്ജെൻഡർ / ഹോമോഫോബിയകളായും ശാസ്ത്രവിരുദ്ധതയായും അതിന് പല മാനങ്ങളുണ്ട്. പക്ഷെ ഇവയിലേതു വഴിയേ സഞ്ചരിച്ചാലും അതിലേറ്റവും ക്രൂരമായി ഇരയാക്കപ്പെടുന്നത് സമൂഹത്തിലെ സ്ത്രീകളാണെന്ന് തന്നെ കാണാം. എന്നുവച്ചാൽ ഏതുതരം മനുഷ്യവിരുദ്ധതയിലും മുഴച്ചു നിൽക്കുന്നത് സ്ത്രീവിരുദ്ധത തന്നെയാണ്. മേൽപ്പറഞ്ഞ പലവിധമായ മനുഷ്യവിരുദ്ധതകളുടെ സമ്മിശ്രസമ്മേളനമാണ് കുറച്ചു വർഷങ്ങളായി രജിത് കുമാർ എന്ന അദ്ധ്യാപകൻ നടത്തുന്ന പൊതുപ്രഭാഷണങ്ങൾ പലതും. അവയ്ക്കിന്ന് പൊതു ഇടങ്ങളിൽ കിട്ടുന്ന സ്വീകാര്യത മലയാളികളുടെ പേരുകേട്ട ആ പ്രബുദ്ധമനസിനെ തുണിയുരിഞ്ഞു പ്രദർശിപ്പിക്കുന്നതിന് തുല്യമാണ്.
കുറച്ചു വർഷങ്ങൾക്കു മുമ്പ്, ഒരു സ്ത്രീശാക്തീകരണ വേദിയിലെ അശ്ലീലവും അശാസ്ത്രീയതയും സ്ത്രീവിരുദ്ധതയും സമം ചേർത്ത പ്രസംഗത്തിനിടെ തന്റേടത്തോടെ പ്രതിഷേധിച്ച ഒരു പെൺകുട്ടി വഴി കുപ്രസിദ്ധിയിലേക്കും, ആ കുപ്രസിദ്ധി വഴി മുഖ്യധാരയിലേക്കും കടന്നുവന്ന വ്യക്തിയാണ് രജിത് കുമാർ. വന്ന വഴി മറക്കാത്ത അയാളിപ്പോഴും ആ പാതയിൽ നിന്നൊരൽപ്പം പോലും വ്യതിചലിച്ചിട്ടില്ലാ.
ഇത് അയാൾ പറഞ്ഞതിന്റെയൊക്കെ താത്വികാവലോകനമല്ലാ. മൈക്രോബയോളജിയിൽ ഡോക്ടറേറ്റുള്ള അയാൾ, 'ആസ് എ മെഡിക്കൽ പേഴ്സൺ' എന്നു സ്വയം പരിചയപ്പെടുത്തി ജനങ്ങളെ തെറ്റിദ്ധരിപ്പിക്കുന്ന ചില സംഗതികളുടെ ശാസ്ത്രീയ വിശദീകരണമാണ്. പെൺകുട്ടികൾ ജീൻസിട്ടാൽ, മനുഷ്യർ സ്വയംഭോഗം ചെയ്താലൊക്കെ അവർക്കുണ്ടാകുന്ന കുട്ടിക്ക് ഓട്ടിസം വരുമെന്നൊക്കെ അയാൾ പല വേദികളിൽ പറഞ്ഞിരുന്നു. ഇത്തരം ഓട്ടിസത്തട്ടിപ്പുകളെ പറ്റി വിശദമായ രണ്ടുലേഖനങ്ങൾ ഇൻഫോ ക്ലിനിക് കഴിഞ്ഞ ദിവസങ്ങളിൽ പ്രസിദ്ധീകരിച്ചിരുന്നു.
അദ്ദേഹം പറഞ്ഞ മറ്റൊരു മണ്ടത്തരമാണ് 'യൂട്രസ് സ്ലിപ്' ആവൽ. നടുവിനിടിയേൽക്കുന്ന, വേഗത്തിലോടുന്ന, ചാടുന്ന സ്ത്രീകളുടെ ഗർഭപാത്രം സ്ലിപ്പായി പോകുമത്രേ!
രജിത് കുമാർ പറഞ്ഞതിങ്ങനെയാണ്,'സ്രഷ്ടാവ് സൃഷ്ടിച്ചതിൽ തന്നെ ആണാണ് പവർഫുൾ.. പെൺകുട്ടിയെ ജമ്പ് ചെയ്യിച്ചൂടാ.. പെൺകുട്ടികൾ മൂട് ഇടിച്ചു വീണാൽ യൂട്രസ് dislocate ആവും.. പിന്നെ അവൾക്കു പ്രസവിക്കാൻ കഴിയില്ല. ഓവറി ഡാമേജ് ആവും.'
എന്തായാലും മെഡിക്കൽ പുസ്തകങ്ങളിൽ നിന്ന് നിങ്ങൾക്ക് ഇങ്ങനെ ഒരവസ്ഥയെ കുറിച്ച് ഒന്നും കിട്ടില്ല. എന്നിട്ടും, എവിടുന്നു കിട്ടി ഇയാൾക്കീ വിവരം?
സ്ത്രീകൾ വീട്ടിൽ അടങ്ങി ഒതുങ്ങി ഇരിക്കണം എന്നുള്ള തിട്ടൂരം കൊണ്ട് വരാൻ വേണ്ടി മാത്രം ഇയാളെടുത്തിട്ട കള്ളത്തരങ്ങളിൽ ഒന്നാണ് പെണ്ണുങ്ങൾ ബാക്ക് ബോൺ ഇടിച്ചു വീണാൽ യൂട്രസു സ്ലിപ്പാവും എന്നത്. ഇതിനു ശാസ്ത്രീയമായ ഒരു അടിത്തറയും ഇല്ല. ഇത്തരം ആൾക്കാരുടെ ഉപദേശങ്ങൾ വേദവാക്യമായി എടുത്തിരുന്നേൽ പോൾ വോൾട്ടിൽ ഇതിഹാസതാരമായ ഇസിൻബയെവയും, നമ്മുടെ അഭിമാനമായ അഞ്ജു ബോബി ജോർജുമൊക്കെ നടുവ് ഇടിച്ചു വീഴുന്നത് പേടിച്ചു വീട്ടിൽ ഇരുന്നേനെ. അതുതന്നെയാണ് ഇത്തരക്കാർ ഉദ്ദേശിക്കുന്നതും.
യഥാർത്ഥത്തിൽ യൂട്രസിങ്ങനെ തട്ടോ മുട്ടോ കിട്ടിയാൽ, ഓടിയാലോ ചാടിയാലോ ഒക്കെ സ്ലിപ്പാവാൻ പാകത്തിനാണോ ഇരിക്കുന്നത്? അല്ലേയല്ല. നമ്മുടെ ഗർഭപാത്രം ഇടുപ്പെല്ലിനുള്ളിൽ വളരെ സുരക്ഷിതമായി, പല വശങ്ങളിൽ നിന്നും പലതരം സപ്പോർട്ടുകളോടെയാണ് സ്ഥിതി ചെയ്യുന്നത്. മുന്നിലേക്ക് പ്യൂബോസെർവൈക്കൽ ലിഗമെന്റ്, പുറകിലേക്ക് യൂട്ടറോസാക്രൽ ലിഗമെന്റ്, വശങ്ങളിലേക്ക് ട്രാൻസ്വേഴ്സ് സെർവൈക്കൽ ലിഗമെന്റ് എന്നീ പേരുകളിലുള്ള വള്ളികളാൽ വലിച്ചുകെട്ടിയിട്ടുണ്ടതിനെ. താഴെ നിന്നും പെൽവിക് ഡയഫ്രം, യൂറോജനിറ്റൽ ഡയഫ്രം, പെരീനിയൽ ബോഡി തുടങ്ങിയ പേശികളാലും ഗർഭപാത്രം ഒരു സുരക്ഷിത കവചത്തിനകത്താണ്. ജന്മനാൽ ഇതിൽ വ്യതിയാനമുള്ളവരിലും അടുപ്പിച്ചടുപ്പിച്ച് പ്രസവിക്കുന്നവരിലും പ്രായമാകുമ്പോൾ ഗർഭപാത്രം താഴ്ന്നുവരുന്ന അവസ്ഥ (Uterine Prolapse) ഉണ്ടാവാറുണ്ട്. പക്ഷെ, അതിയാൾ പറഞ്ഞ കാരണങ്ങൾ കൊണ്ടല്ലാ.
സ്ത്രീ ശാക്തീകരണത്തിന് പോയ ഇദ്ദേഹം പെൺകുട്ടികളോട് പറഞ്ഞത് 'നിനക്ക് കുടുംബ ജീവിതം വേണമെങ്കിൽ നീ അടങ്ങി ഒതുങ്ങി ഇരിക്കണം.. അല്ലേൽ പ്രശ്നമില്ല കേട്ടോ..' എന്നാണ്. എന്നാൽ ഈ ഉപദേശം പുരുഷന് ആണ് കൂടുതൽ അനുയോജ്യം. കാരണം സ്ത്രീയുടെ ജനനേന്ദ്രിയങ്ങൾ എല്ലാം വളരെ സുരക്ഷിതമായ രീതിയിൽ ശരീരത്തിന്റെ ഉള്ളിൽ ആണ് സൂക്ഷിച്ചിട്ടുള്ളത്. ഗർഭിണിയല്ലാത്ത അവസ്ഥയിൽ ഏകദേശം ഒരു പേരക്കയുടെ അത്രേം വലിപ്പമേ ഈ യൂട്രസിനു ഉണ്ടാവുകയുള്ളൂ. സാമാന്യ പരിക്കുകൾ കൊണ്ട് ഒന്നും പോറൽ പോലും അതിനു ഏൽക്കില്ല. എന്നാൽ പുരുഷന്റെ പ്രധാന ലൈംഗിക അവയവങ്ങൾ എല്ലാം എല്ലിന്റെയോ മസിലിന്റെയോ കവചം ഇല്ലാതെ വെറും തൊലി കൊണ്ട് മാത്രം ആവരണം ചെയ്തു ശരീരത്തിന് വെളിയിൽ ആയാണ് കാണപ്പെടുക. നിസ്സാരം ആയ ആഘാതം പോലും കനത്ത പരുക്ക് ഏൽപ്പിക്കാവുന്ന അവസ്ഥയിൽ.
'വെറും പത്തു മിനിട്ട് മതി ഒരു പുരുഷൻ വിചാരിച്ചാൽ സ്പേം യൂട്ട്രസിലേക്ക് പാസ് ചെയ്യാൻ. പിന്നെ പത്തു മാസം നീ ആണ് കഷ്ടപ്പെടുന്നത്' എന്നൊക്കെ സ്ത്രീകളുടെ മുഖത്തു നോക്കി പറയാൻ കഴിയുന്നത് തന്നെ എന്തൊരശ്ലീലമാണ്. എന്താണ് ഇദ്ദേഹം ഉദ്ദേശിച്ചത്? പുരുഷന്മാരെല്ലാം സ്പേം പമ്പു ചെയ്യുന്ന യന്ത്രങ്ങളാണെന്നോ? സ്ത്രീകൾ എല്ലാം ഈ സ്പേം സ്വീകരിക്കാൻ കാത്തിരിക്കുവാണെന്നോ? എന്തു മനുഷ്യവിരുദ്ധമാണാ വാചകം!
ഗർഭധാരണം എന്ന സവിശേഷമായ പ്രക്രിയയെക്കുറിച്ച് ഇത്രയും വൃത്തികെട്ട മനോഭാവത്തോടെ വിവരം ഉണ്ടെന്നു ഭാവിക്കുന്ന ഒരാൾ പറയുന്നത് ഇതിനുമുൻപ് കേട്ടിട്ടില്ല. ഈ പറഞ്ഞ സ്പേം പാസ്സിങ്ങിലും അത് സ്വീകരിക്കുന്നതിലും ഒരു കുഴപ്പവും ഇല്ലാഞ്ഞിട്ടും എത്ര ആറ്റുനോറ്റ് ഇരുന്നിട്ടാണ്, മറ്റെന്തൊക്കെ ചികിത്സകൾ ചെയ്തിട്ടാണ്, പലർക്കും ഒരു കുട്ടി ഉണ്ടാകുന്നത്.
യഥാർഥത്തിൽ ഒരു സ്ത്രീയുടെ ആത്മാർപ്പണത്തിന്റെ കൂടി ഫലമാണ് ഏതൊരു പുരുഷജന്മവും. പുരുഷജന്മം മാത്രമല്ല, സ്ത്രീജന്മമാണെങ്കിലും അത് ശരിയാണ്. പക്ഷെ, ആണുങ്ങൾ അതു മനസിലാക്കുന്നതിൽ കുറച്ച് പിന്നിലാണെന്ന് കാണാം പലപ്പോഴും. ഗർഭാവസ്ഥയിൽ തൊട്ടു ഒരു സ്ത്രീ എടുക്കുന്ന തീരുമാനങ്ങളും ത്യാഗങ്ങളുമാണ് ഒരു കുഞ്ഞിനെ ആരോഗ്യമുള്ള ഒന്നാക്കി മാറ്റുന്നത്. സഹനം, ത്യാഗം എന്നിവയുടെ ജീവിക്കുന്ന പ്രതീകങ്ങൾ ആണ് പല അമ്മമാരും. ഈ പത്തു മാസം സ്ത്രീ അല്പം ഉപേക്ഷ വിചാരിച്ചാൽ അല്ലെങ്കിൽ അവളുടെ മാത്രം കാര്യങ്ങൾ നോക്കിയാൽ...! മാതൃത്വത്തെ അമിതമായി മഹത്വവത്കരിക്കുകയല്ലാ ഇവിടെ, പക്ഷെ ഉള്ള മഹത്വത്തെ അംഗീകരിക്കുകയാണ്.
പുരുഷന്മാരോട് കളിച്ചാൽ നീ പത്തു മാസം കഷ്ടപ്പെടും എന്ന് കളിയാക്കുന്ന ഏതൊരാളും മനസ്സിലാക്കേണ്ടത് ഈ പത്തു മാസം സ്ത്രീ പരിഗണിക്കാതെ ഇരുന്നാൽ, ഉണ്ടാവാൻ പോവുന്നത് ആണായാലും പെണ്ണായാലും ശാരീരികവും മാനസികവുമായ ദൗർബല്യങ്ങളും അംഗവൈകല്യങ്ങളും പേറി ആയിരിക്കുമെന്നതാണ്. അമ്മയുടെ മുലപ്പാലിൽ നിന്ന് കിട്ടുന്നത് രോഗപ്രതിരോധ ശേഷിയും തലച്ചോറിന്റെയും ശരീരത്തിന്റെയും പിൽക്കാലത്തെക്കുള്ള വളർച്ചയ്ക്ക് വേണ്ട അനിവാര്യ ഘടകങ്ങൾ ആണ്. അപ്പോൾ സ്വന്തം കഴിവിൽ ഊറ്റം കൊള്ളുന്ന ഏതൊരു പുരുഷനും ഓർക്കേണ്ടത് അവന്റെ മാനസികവും ശാരീരികവും ബൗദ്ധികവും ആയ ഗുണഗണങ്ങൾക്ക് പിന്നിൽ അമ്മ എന്നൊരു നിശ്ശബ്ദശക്തി കൂടി ഉണ്ടായിരുന്നു എന്നതാണ്.
നിങ്ങൾ ശ്രദ്ധിച്ചാലറിയാം, ഈ സ്ത്രീവിരുദ്ധരെല്ലാം തന്നെ സ്ത്രീകളുടെ അരക്കെട്ടിലായിരിക്കും അവരുടെ കയ്യിലെ കടിഞ്ഞാൺ കൊണ്ടുപോയി കെട്ടാൻ നോക്കുന്നതെന്ന്. ആർത്തവം, ഗർഭപാത്രം, ഓവറി, യോനി, പ്രഗ്നൻസിയൊക്കെ ആയിരിക്കും ഇവരുടെ ഇഷ്ടവിഷയങ്ങൾ.
മറ്റൊരു പ്രസംഗത്തിൽ ഇയാൾ പറയുന്നത് നോക്കൂ, പെൺകുട്ടികൾക്ക് ടൈറ്റ് ജീൻസ് വാങ്ങിച്ച് ഇട്ടുകൊടുക്കുമ്പൊ ഓവേറിയൻ ഫോളിക്കിളുകൾ ഡാമേജാകുമെന്ന പരമവിഡ്ഢിത്തം. മുൻപ് ടൈറ്റ് ജീൻസിട്ടാൽ ട്യൂബൽ പ്രഗ്നൻസി (എക്ടോപ്പിക് പ്രഗ്നൻസി) ഉണ്ടാകുമെന്നും വിഡ്ഢിത്തം എഴുന്നള്ളിച്ചിട്ടുണ്ട്. യഥാർഥത്തിൽ ജീൻസ് ധരിക്കുന്നതുകൊണ്ട് സ്ത്രീകളുടെ അണ്ഡാശയത്തിനു പ്രത്യേകിച്ച് പ്രശ്നമൊന്നും വരുന്നില്ലെന്നതാണ് വാസ്തവം.
തുടർന്ന് പറയുന്നത് ശ്രദ്ധിക്കണം, 'ഈ പെൺകുട്ടികളെ കല്യാണം കഴിക്കുന്ന നല്ലൊരു പയ്യന് കുഞ്ഞുങ്ങളുണ്ടാകുന്നില്ല'! അതായത് വന്ധ്യതയുടെ കാരണത്തെ പൂർണമായും പെണ്ണിന്റെ തൊഴുത്തിൽ കൊണ്ടുവന്ന് കെട്ടിക്കഴിഞ്ഞു.
വന്ധ്യതയ്ക്ക് കാരണങ്ങൾ ഒന്ന് മാത്രമല്ല. അത് സ്ത്രീക്കും പുരുഷനുമുണ്ടാവാം. ശാസ്ത്രസത്യം എന്തെന്നാൽ ജീൻസ് ധരിക്കുന്നത് സ്ത്രീകളുടെ പ്രത്യുല്പാദനശേഷിയെ യാതൊരു വിധത്തിലും ബാധിക്കുന്നില്ലെന്നതാണ്. നേരെ മറിച്ച് ഇറുക്കമുള്ള വസ്ത്രം ധരിച്ചാൽ പുരുഷന്മാരിലെ ബീജോല്പാദനം കുറയാനിടയുണ്ടെന്നതാണ് വാസ്തവം.
സ്ത്രീ വിരുദ്ധതയോളം നീചമാണിയാളുടെ ട്രാൻസ്ജെൻഡർ വിരുദ്ധതയും. രജിത് കുമാർ, പുരുഷവേഷം ധരിച്ച സ്ത്രീകളെക്കുറിച്ച് പറയുന്ന അസംബന്ധങ്ങൾ കേൾക്കണം!
പെൺകുട്ടി ആൺവേഷം (ജീൻസ് ജീൻസേയ്...) ധരിച്ചുകഴിഞ്ഞാൽ തങ്ങൾ ആൺകുട്ടികളെപ്പോലെയാണെന്നുള്ള തോന്നലുണ്ടാകുമെന്നും പുരുഷഹോർമോൺ കൂടുമെന്നും 'പണ്ഡിതൻ' കണ്ടെത്തുന്നു. എന്ത് എളുപ്പമായിരുന്നേനെ അല്ലെ, ഹോർമോൺ തകരാറുകളും കുറവുകളുമുള്ളവ പരിഹരിക്കാൻ ഈ തിയറിയനുസരിച്ച് എപ്പോഴും അത് കൂടണേ എന്ന് വിചാരിച്ചുകൊണ്ടിരിക്കാൻ പറഞ്ഞാൽ മതിയായിരിക്കുമല്ലോ.
എല്ലാ സ്ത്രീകളിലും പുരുഷഹോർമോണിന്റെ സാന്നിദ്ധ്യമുണ്ട്. എല്ലാ പുരുഷന്മാരിലും സ്ത്രീഹോർമോണിന്റെ സാന്നിദ്ധ്യവുമുണ്ട്. അതിന്റെ ഏറ്റക്കുറച്ചിലുകൾ കൊണ്ട് രോഗങ്ങളും ഉണ്ടാകാറുണ്ട്. അതുപക്ഷേ രജിത് കുമാർ കരുതുന്നതുപോലെ എതിർ ലിംഗത്തിന്റെ വേഷം ധരിക്കുന്നതുകൊണ്ടല്ല എന്ന് മാത്രം. പിന്നെ, ഒരാൾക്ക് താൻ ആണാണോ പെണ്ണാണോ എന്ന് തിരിച്ചറിവുണ്ടാവുന്നത് ഹോർമോണിന്റെ അളവ് വച്ചിട്ടുമല്ല, അത് തലച്ചോറിന്റെ ജോലിയാണ്.
രജിത് കുമാർ തുടരുന്നു, 'പുരുഷവേഷം കെട്ടിയ സ്ത്രീ പ്രസവിക്കുന്ന കുഞ്ഞിന് എന്ത് സ്വഭാവമായിരിക്കും? ആ കുഞ്ഞിന് പറയുന്ന പേരാണ് ട്രാൻസ് ജെൻഡറുകൾ, നപുംസകം... അപ്പൊ ഇന്നത്തെ തലമുറയിൽ കാണുന്ന പല കഥാപാത്രങ്ങളുടെയും അടുത്ത തലമുറ മക്കൾ വരാൻ ഞാൻ കാത്തിരിക്കും'
ജെൻഡർ എന്താണെന്നും ട്രാൻജെൻഡർ എന്താണെന്നും പ്രാഥമികമായ അറിവുപോലുമില്ലാത്ത ഒരാൾക്കേ ഇങ്ങനൊക്കെ പറയാനൊക്കൂ. സ്വന്തമായി ട്രാൻസ്ജെൻഡർ പോളിസിയുള്ള സംസ്ഥാനത്ത്, ഇമ്മാതിരി പോക്രിത്തരം പരസ്യമായി പ്രസംഗിച്ച് നടക്കുന്ന ഒരാൾക്കെതിരെ കേസെടുത്ത് മാതൃകാപരമായ നടപടി എടുക്കേണ്ടതാണ് ശരിക്കും.
ആണെന്നും പെണ്ണെന്നുമുള്ള ബൈനറിയുടെ ചുറ്റുമതിലിനുള്ളിൽ ഒതുങ്ങാത്ത ഒരുപിടിയാളുകൾ ഇന്ന് ലോകത്തുണ്ട്. ഒരാൾ ആണായോ പെണ്ണായോ ട്രാൻസ് ജെൻഡറായോ ഇന്റർസെക്സ് ആയോ ജനിക്കുന്നത് അവരുടെ തീരുമാനമല്ല. അത് ആരെങ്കിലും ചെയ്ത തെറ്റിന്റെ ഫലമായും അല്ല.
ശാരീരികമായി ആണിന്റെയോ പെണ്ണിന്റെയോ രൂപമുണ്ടാവുകയും മനസ് എതിർ ലിംഗത്തിന്റേതാവുകയും ചെയ്തവരാണ് ട്രാൻസ്ജെൻഡറുകൾ. അതൊരു രോഗമൊന്നുമല്ലാ, നോർമൽ വേരിയന്റ് മാത്രമാണ്. മാനസികമായും ശാരീരികമായും സാമൂഹ്യമായും അവഗണനയും പ്രശ്നങ്ങളും നേരിടുന്നവരാണവർ. ട്രാൻസ് ജെൻഡറാണെന്ന ഒറ്റക്കാരണം കൊണ്ട് ആക്രമിക്കപ്പെട്ട സംഭവങ്ങൾ എത്രയോ തവണയുണ്ടായി സാക്ഷരകേരളത്തിൽ. അതിലേക്കാണീ രജത് കുമാറിനെ പോലുള്ളവർ വെറുപ്പിന്റെ എണ്ണ കോരിയൊഴിച്ചുകൊടുക്കുന്നത്.
ഇനിയും ധാരാളമുണ്ട് എഴുതാൻ. വിസ്താരഭയം കാരണം നിർത്തുന്നു. രജിത് കുമാർ പറയുന്നത് വെറും മണ്ടത്തരങ്ങൾ മാത്രമല്ലാ, നീചമായ മനുഷ്യവിരുദ്ധത കൂടിയായതിനാലാണ് ഇങ്ങനൊരു ലേഖനം ഇൻഫോ ക്ലിനിക് പ്രസിദ്ധീകരിക്കുന്നത് തന്നെ.
സർക്കാർ കരിമ്പട്ടികയിൽ ഉൾപ്പെടുത്തിയ ഒരു പ്രഭാഷകനാണയാൾ. അങ്ങനുള്ളൊരാൾക്ക് പ്രമുഖ ചാനലുകൾ വഴിയും സോഷ്യൽ മീഡിയ വഴിയും ഇന്ന് കിട്ടുന്ന ദൃശ്യതയും സ്വീകാര്യതയും ഞങ്ങളെ തീർത്തും ആശങ്കാകുലരാക്കുന്നുണ്ട്. കാരണമയാൾ പുറന്തള്ളുന്ന ആശയമാലിന്യങ്ങൾ കഴുകിക്കളയാൻ രണ്ടോ മൂന്നോ തലമുറകൾ തന്നെ താണ്ടേണ്ടി വരും. അരമുറി ശാസ്ത്രം കൊണ്ട് അയ്യായിരം ടൺ നുണകൾ വിൽക്കുന്ന അയാൾ, നാളെ കേരളത്തിൽ നിന്നുള്ള ഒരു 'സദ്ഗുരു' ആവാതിരിക്കാൻ നമ്മൾ ശരിക്കും ജാഗ്രത പാലിച്ചേ പറ്റൂ.
എഴുതിയത്: Dr. Deepu Sadasivan Dr. Nelson Joseph & Dr. Manoj Vellanad
Stories you may Like
- TODAY
- LAST WEEK
- LAST MONTH
- 'പക്ഷെ' കൾക്ക് ഇനി സ്ഥാനമില്ല; ജൂലായിൽ അനധികൃത അഭയാർത്ഥികളുമായുള്ള വിമാനം ബ്രിട്ടനിൽ നിന്നും റുവാണ്ടയിലേക്ക് പറന്നിരിക്കും; പാർലമെന്റിൽ റുവാണ്ട ബിൽ നിയമമാക്കി വീണ്ടും കരുത്ത് തെളിയിച്ച് ഇന്ത്യൻ വംശജനായ പ്രധാനമന്ത്രി ഋഷി സുനക്
- ബ്രിട്ടന്റെ ജയിലുകളിലെ പകുതിയിലേറെ വനിത ഗാർഡുമാരും ജയിൽ പുള്ളികളുമായി അവിഹിത ബന്ധം പുലർത്തുന്നവർ; പുരുഷ തടവുകാരായി ലൈംഗിക ബന്ധം പുലത്തിയതിന്റെ പേരിൽ കഴിഞ്ഞ വർഷം മാത്രം പുറത്താക്കിയത് 18 വനിതാ ജീവനക്കാരെ
- ചൊവ്വാഴ്ചയും കമ്മിഷണർ ഓഫീസിലെത്തി; ഉച്ചക്കു മുൻപായി ഓഫീസിലെത്തുകയും ഓൺലൈൻ മീറ്റിങ്ങിൽ പങ്കെടുക്കുകയും ചെയ്തു; ചില ഫയലുകൾ തീർപ്പാക്കിയശേഷം മടങ്ങി; പൂരപ്രേമികൾ നിരാശർ തന്നെ; തൃശൂരിലെ കമ്മീഷണർ അങ്കിത് അശോക് തന്നെ; മാറ്റുമെന്നത് പ്രഖ്യാപനം മാത്രമാകുമ്പോൾ
- വീട്ടിൽ ആശാരിപ്പണിക്ക് എത്തി യുവതിയുടെ നമ്പർ കൈക്കലാക്കി; സൗഹൃദം സ്ഥാപിച്ച് പണം തട്ടിയ ശേഷം വീഡിയോ കോളിലൂടെ യുവതിയുടെ സ്വകാര്യ ദൃശ്യങ്ങൾ പകർത്തി: പണം തിരികെ ചോദിച്ചതോടെ അശ്ലീല വീഡിയോ പ്രചരിപ്പിച്ച പ്രതി അറസ്റ്റിൽ
- ഡ്രസ്സിങ് റൂമിലേക്ക് കാമറ തിരിച്ചു; ഐപിഎൽ കാമറാമാന് നേരെ വെള്ളക്കുപ്പി എറിയാനോങ്ങി ധോണി; കലിപ്പിന് കാരണം അന്വേഷിച്ച് ആരാധകർ
- വർഷത്തിൽ 12 ദിവസം മദ്യവിൽപ്പന ഇല്ലാതാകുന്നത് ടൂറിസത്തെ ബാധിക്കുമെന്ന് വിലയിരുത്തൽ; എല്ലാമാസവും ഒന്നിനുള്ള ഡ്രൈ ഡേ പിൻവലിച്ചേക്കും; ബാർ മുതലാളിമാർക്ക് കോളടിക്കും വിധം ബിവറേജസ് ഔട്ട് ലെറ്റുകളും ലേലം ചെയ്യും; കാരുണ്യക്കാർക്ക് കഷ്ടകാലം വന്നേക്കും; വരുമാന ചർച്ചകൾ ഇങ്ങനെ
- ജയലിനുള്ളിൽ കിടക്കുമ്പോഴും നിസാം കള്ളപ്പണ ഇടപാട് നടത്തിയോ? ബിനാമി ഇടപാടുണ്ടെന്ന ബിസിനസ്സ് പങ്കാളിയുടെ പരാതിയിൽ പുഴക്കരയിലെ വീടുകളിൽ ആദായ നികുതി റെയ്ഡ്; നിർണ്ണായക വിവരങ്ങൾ കിട്ടിയെന്നും സൂചന; ചന്ദ്രബോസ് വധക്കേസ് പ്രതിക്കെതിരെ ഇഡി അന്വേഷണത്തിനും സാധ്യത
- ന്യൂനപക്ഷങ്ങൾക്കെതിരേ വസ്തുതാവിരുദ്ധമായി പറയുന്നതെല്ലാം അപ്പാടെ വിശ്വസിച്ച് മതേതരത്വത്തെ തല്ലിക്കൊല്ലുന്ന ആൾക്കൂട്ടമല്ല ഇന്ത്യയിലെ ഭൂരിപക്ഷം; മോദി മുസ്ലിംകൾക്കെതിരെ നടത്തിയത് നിന്ദാപരമായ പ്രസംഗം; പ്രധാനമന്ത്രിയുടെ വിദ്വേഷ പ്രസംഗത്തിനെതിരെ ദീപിക മുഖപ്രസംഗം; ബിജെപിയുടെ വോട്ടു മോഹത്തിന് തിരിച്ചടിയോ ?
- നിങ്ങൾ ബ്രിട്ടീഷ് പൗരത്വം എടുക്കാൻ ഉദ്ദേശിക്കുന്നുണ്ടോ ? എങ്കിൽ, ബ്രിട്ടീഷ് സംസ്കാരത്തെയും ജീവിത ശൈയിലെ കുറിച്ചുമെല്ലാം അറിഞ്ഞിരിക്കണം; സിറ്റിസൺഷിപ് ക്വിസ്സ് പാസായാൽ മാത്രം പൗരത്വം ലഭിക്കും; നിങ്ങളുടെ ബ്രിട്ടനെ കുറിച്ചുള്ള അറിവ് ഇവിടെ പരിശോധിക്കാം
- പെരുമ്പാവൂരിൽ പത്താംക്ലാസ് വിദ്യാർത്ഥിനി കുഴഞ്ഞുവീണ് മരിച്ചു;പൊലിഞ്ഞത് കദളിചിറ പട്ടരുമഠം വീട്ടിൽ റഷീദിന്റെ മകൾ നസ്രിന
- ഇറാനിൽ ഇസ്രയേലിന്റെ വ്യോമാക്രമണം ഇന്ത്യൻ വിപണിക്ക് ആശങ്കയാകുന്നു; കുതിച്ചുയർന്ന് ക്രൂഡോയിൽ വില; ബാരലിന് 90 ഡോളറിലെത്തി; ഇപ്പോഴത്തെ നിലയിൽ വില 100 ഡോളർ വരെ ഉയർന്നേക്കുമെന്ന് ആശങ്ക; ഇറാൻ-ഇസ്രയേൽ പോര് പശ്ചിമേഷ്യയിലെ സ്ഥിതിഗതികൾ കൂടുതൽ ആശങ്കപ്പെടുത്തുന്നു
- സുഹൃത്തും തന്റെ ഭാര്യയുമായി അവിഹിത ബന്ധം; പകരം സുഹൃത്തിന്റെ ഭാര്യയോട് കിടപ്പറ പങ്കിടാൻ ആവശ്യപ്പെട്ടു; പൊലീസ് കേസും വഴക്കുമായപ്പോൾ ആത്മഹത്യ ചെയ്യാൻ തീരുമാനിച്ച ദമ്പതികളിൽ ഭാര്യ മരിച്ചു; പ്രേരണാക്കുറ്റത്തിന് ഭർത്താവ് അറസ്റ്റിൽ: വെച്ചൂച്ചിറയിൽ നിന്ന് ഞെട്ടിക്കുന്ന കഥ
- പൂരം നാളുകളിൽ വൻകിട ഹോട്ടലുകളിൽ പൊലീസ് സൗജന്യമായി മുറിയെടുത്തു; ഉന്നത ഉദ്യോഗസ്ഥരുടെ പേരുപറഞ്ഞ് ഓരോ ഹോട്ടലിലും രണ്ടും മൂന്നും മുറികൾ സൗജന്യമായി വാങ്ങി; പൂരത്തെ അറിയാവുന്ന ഉദ്യോഗസ്ഥരെ ഡ്യൂട്ടിയിലിൽ നിന്നും മാറ്റി; കമ്മീഷണറുടെ നിലപാടുകൾ സേനയ്ക്ക് കളങ്കമായി; തൃശൂർ പൂരത്തിൽ ഇന്റലിജൻസ് കണ്ടെത്തൽ ഇങ്ങനെ
- അനന്തപുരിയിൽ തരൂർ വീഴുമോ? ആറ്റിങ്ങലിൽ അടൂർ പ്രകാശിന് അടിതെറ്റുമോ? കൊല്ലത്ത് മുകേഷോ, പ്രേമചന്ദ്രനോ? പത്തനംതിട്ട ആർക്ക്? അനിൽ ആന്റണി വോട്ടുയർത്തുമോ; മാവേലിക്കരയിൽ അട്ടിമറിയോ? കേരളം ആർക്കൊപ്പം; 20 മണ്ഡലങ്ങളിലെയും മറുനാടൻ സർവേ ഫലം അറിയാം
- സ്കൂളിൽ പ്രാർത്ഥന വിലക്കിയ നടപടി ശരിവെച്ച് ബ്രിട്ടീഷ് കോടതി; വളരെ മികച്ചതെന്ന റേറ്റിങ് ലഭിച്ച സ്കൂളിനെതിരെ കോടതിയെ സമീപിച്ചത് മുസ്ലിം വിദ്യാർത്ഥിനി; എല്ലാ വിഭാഗങ്ങളെയും ഉൾക്കൊള്ളുന്ന സ്കൂൾ നയത്തിന്റെ വിജയമെന്ന് സ്കൂൾ അധികൃതർ
- ആലപ്പുഴയിലെ 'കനൽത്തരി' അണയുമോ? ചാലക്കുടിയിൽ ട്വന്റി ട്വന്റി വോട്ടുകൾ ആർക്ക് ഭീഷണിയാകും? എറണാകുളത്തും ഇടുക്കിയിലും യുഡിഎഫ് തന്നെയോ? കോട്ടയത്ത് വിജയിക്കുക ഏത് കേരളാ കോൺഗ്രസ്? മറുനാടൻ സർവേ മൂന്നാംഘട്ട ഫലം അറിയാം..
- മുഖ്യമന്ത്രിക്ക് ഇരിക്കാൻ സ്ഥാപിച്ച അരലക്ഷം വിലയുള്ള കറങ്ങുന്ന കസേരയുള്ള സീറ്റ് ഇളക്കിമാറ്റി; വി.വി.ഐ.പി. പരിവേഷത്തിൽ കേരളം കറങ്ങിയ നവകേരള ബസ് ഇപ്പോൾ ആർക്കും വേണ്ടാതെ വെറുതേ കിടക്കുന്നു; ഗതാഗത മന്ത്രി മാറിയതോടെ താൽപ്പര്യം കുറഞ്ഞു; ടൂറിസം ആവശ്യത്തിനും വിട്ടുനൽകാതെ 1.15 കോടി രൂപ മുടക്കി വാങ്ങിയ ബസ്
- ഇസ്രയേൽ ഇറാന് ശക്തമായ തിരിച്ചടി നൽകിയത് ഒരീച്ച പോലും അറിയാതെ; മിസൈലുകളും ഡ്രോണുകളും റഷ്യൻ നിർമ്മിത എസ്-300 സംവിധാനത്തെ തകർത്തു; ആക്രമണം ഇറാൻ വ്യോമ പ്രതിരോധ സംവിധാനത്തെ പൂർണമായി കബളിപ്പിച്ചുകൊണ്ട്; ആക്രമണം നടന്നയിടത്ത് പൊടി പൊലുമില്ല കണ്ടുപിടിക്കാൻ
- ഇറാൻ പ്രകോപനത്തിന് തിരിച്ചടിയുമായി ഇസ്രയേൽ; ഇറാന്റെ വടക്കൻ നഗരമായ ഇസ്ഫഹാനിലെ വിമാനത്താവളത്തിന് മിസൈൽ ആക്രമണം നടത്തി ഇസ്രയേൽ; ആക്രമണത്തിന പിന്നാലെ ഇറാനിൽ വിമാന സർവീസുകൾ പൂർണായും നിർത്തിവെച്ചു; ഇസ്രയേൽ ആക്രമണം അമേരിക്കയെ അറിയിച്ച ശേഷം
- സംസ്ഥാന സർക്കാരിന് നാണക്കേടായി കെ എസ് ആർ ടിസി ബസിൽ സഹയാത്രികയുടെ മാറിടത്തിൽ കയറിപ്പിടിച്ച് അപമാനിച്ച് പൊതു മേഖലാ സ്ഥാപനത്തിന്റെ മാനേജിങ് ഡയറക്ടർ; ഡോ ആർ രാജീവിന് ജാമ്യം കിട്ടിത് മാത്രം ആശ്വാസമായി; ഏപ്രിൽ ഫൂൾ ദിനത്തിൽ നടന്ന ആരും അറിയാത്ത പീഡന വാർത്ത
- ഒരു ജൂനിയർ പറയാൻ പാടില്ലാത്ത കഥകളാണ് ശ്രീനിയുടെ മകൻ പറഞ്ഞതെന്ന് മുകേഷ്; എന്നാൽ അത് ധ്യാൻ തന്നെയാകുമെന്ന് ആരാധകർ
- ആടുജീവിതം ഇസ്ലാമോഫോബിയ പരത്തുന്ന ചിത്രമോ? നോവലിന്റെ അറബിപതിപ്പ് യുഎഇയിലും സൗദിയിലും നിരോധിച്ചത് 2014ൽ; ഇപ്പോൾ സിനിമക്കും യുഎഇ ഒഴികെയുള്ള ഗൾഫ് രാജ്യങ്ങളിൽ പ്രദർശനാനുമതിയില്ല; കേരളത്തിലെ യുക്തിവാദികൾക്കിടയിലും ചർച്ച; ആടുജീവിതം വിവാദമാവുമ്പോൾ
- അനുജയുമൊന്നിച്ച് കാർ തടിലോറിയിലേക്ക് ഇടിച്ചു കയറ്റി ഹാഷിം ജീവനൊടുക്കിയെന്ന് സഹ അദ്ധ്യാപകരുടെയും ബന്ധുക്കളുടെയും മൊഴി; അടൂരിനെ നടുക്കിയ അപകടം; സ്കൂൾ അദ്ധ്യാപികയെയും കൂട്ടി സ്വകാര്യ ബസ് ഡ്രൈവർ ആത്മഹത്യ ചെയ്തതെന്ന് സൂചന; സ്വിഫ്ട് ഡിസയർ കാർ ഓടിച്ചു കയറ്റിയത് കണ്ടെയ്നർ ലോറിയിലേക്ക്: സംഭവം കെപി റോഡിൽ പട്ടാഴമുക്കിൽ
- കള്ളി എന്നതാണ് ഇപ്പോഴത്തെ മേൽവിലാസം.. കള്ളിയുടെ അച്ഛൻ എന്ന മേൽവിലാസവും കൊണ്ട് ആണ് 2 മാസം മുമ്പ് അച്ഛൻ മരിച്ചുപോയത്; കൂടെ ഉണ്ടായിരുന്നവരൊന്നും കൂട്ടുന്നില്ല; ഉറങ്ങിയിട്ട് വർഷം ഒന്നാകാറായി; വിദ്യ വിജയന്റെ കുറിപ്പ്
- റഷ്യയിലെ ഭീകരാക്രമണത്തിൽ പിടികൂടിയ ഐസിസ് ഭീകരർ നേരിടാൻ പോകുന്നത് റഷ്യൻ പൊലീസിന്റെ സമാനതകളില്ലാത്ത മർദ്ദനമുറകൾ; ചെവിമുറിച്ച് സ്വയം ഭക്ഷിക്കുവാൻ കൊടുത്തതിന് പുറമെ വൈദ്യുതാഘാതവും വസ്ത്രമൂരി അടിയും; മരിച്ചാൽ ബന്ധുക്കൾക്ക് ശരീരം വിട്ടു നൽകുന്നത് ആന്തരികാവയവങ്ങൾ നീക്കിയ ശേഷം
- പിറന്നാളിന് വാങ്ങിയത് ഓൺലൈനിൽ ഓർഡൽ ചെയ്ത കേക്ക്; ഭക്ഷ്യവിഷബാധയേറ്റ് പത്തു വയസ്സുകാരിക്ക് ദാരുണാന്ത്യം: പിറന്നാൾ പിറ്റേന്ന് ദാരുണമായി മരിച്ചത് പത്തു വയസ്സുകാരി മൻവി
- സിനിമയുടെയും ആത്മാവായ ആ സീൻ സെൻസർ ബോർഡ് വെട്ടിമാറ്റിയെന്ന് ബെന്യാമിൻ; ഷൂട്ട് ചെയ്തിട്ടില്ലെന്ന് ബ്ലെസി; അങ്ങനെ ഒന്ന് ഉണ്ടായിട്ടില്ലെന്നും എഴുത്തുകാരൻ ചേർത്തതാണെന്നും നജീബ്; ആടുമായി നജീബ് ലൈംഗിക ബന്ധത്തിൽ ഏർപ്പെടുന്ന രംഗത്തിന് എന്താണ് സംഭവിച്ചത്?
- ഇറാനിൽ ഇസ്രയേലിന്റെ വ്യോമാക്രമണം ഇന്ത്യൻ വിപണിക്ക് ആശങ്കയാകുന്നു; കുതിച്ചുയർന്ന് ക്രൂഡോയിൽ വില; ബാരലിന് 90 ഡോളറിലെത്തി; ഇപ്പോഴത്തെ നിലയിൽ വില 100 ഡോളർ വരെ ഉയർന്നേക്കുമെന്ന് ആശങ്ക; ഇറാൻ-ഇസ്രയേൽ പോര് പശ്ചിമേഷ്യയിലെ സ്ഥിതിഗതികൾ കൂടുതൽ ആശങ്കപ്പെടുത്തുന്നു
- കാസർകോട് ഇടതുമുന്നണി തിരിച്ചുപിടിക്കുമോ? കണ്ണൂരിൽ സുധാകരൻ വീഴുമോ? വടകരയിൽ ഷാഫിയോ ശൈലജയോ? കോഴിക്കോട് രാഘവേട്ടനോ, കരീംക്കയോ? രാഹുൽഗാന്ധി മാജിക്ക് ആവർത്തിക്കുമോ? എൻഡിഎ വോട്ട് ഉയർത്തുമോ? മറുനാടൻ മലയാളി ഇലക്ഷൻ സർവേയുടെ ആദ്യഘട്ട ഫലം അറിയാം
- പേരാമ്പ്രയിൽ അദ്ധ്യാപകൻ മരിച്ച നിലയിൽ; വീട്ടിലെ മുറിയിൽ മരിച്ച നിലയിൽ കണ്ടെത്തിയത് സിദ്ധാർഥന്റെ മരണവുമായി ബന്ധപ്പെട്ട കേസിലെ 11ാം പ്രതിയുടെ പിതാവ്
Readers Comments+
മലയാളത്തിൽ ടൈപ്പ് ചെയ്യാൻ ഇവിടെ ക്ലിക്ക് ചെയ്യുകകമന്റ് ബോക്സില് വരുന്ന അഭിപ്രായങ്ങള് മറുനാടന് മലയാളിയുടേത് അല്ല. മാന്യമായ ഭാഷയില് വിയോജിക്കാനും തെറ്റുകള് ചൂണ്ടി കാട്ടാനും അനുവദിക്കുമ്പോഴും മറുനാടനെ മനഃപൂര്വ്വം അധിക്ഷേപിക്കാന് ശ്രമിക്കുന്നവരെയും അശ്ലീലം ഉപയോഗിക്കുന്നവരെയും മറ്റു മലയാളം ഓണ്ലൈന് ലിങ്കുകള് പോസ്റ്റ് ചെയ്യുന്നവരെയും മതവൈരം തീര്ക്കുന്നവരെയും മുന്നറിയിപ്പ് ഇല്ലാതെ ബ്ലോക്ക് ചെയ്യുന്നതാണ് - എഡിറ്റര്