Forex Rate:

1 usd = 76.25 inr 1 gbp = 94.16 inr 1 eur = 85.23 inr 1 aed = 20.76 inr 1 sar = 20.32 inr 1 kwd = 247.66 inr
Apr / 202418Thursday
ഹോം വാർത്ത ലോകം

അടിവസ്ത്രം മാത്രം ധരിച്ച് ക്രിസ്റ്റൽ ക്ലിയർ പ്രതിരോധ വസ്ത്രം ധരിച്ച് അതീവ സുന്ദരിയായ നഴ്സ് കൊറോണ രോഗിയെ ശുശ്രൂക്ഷിക്കുന്ന ചിത്രം പുറത്ത്; പരാതി ഒന്നുമില്ലെങ്കിലും സുന്ദരിയുടെ ചിത്രം പകർത്തി അഭിനന്ദിച്ചത് വിനയായി; ഒരു കൊറോണ നഴ്സിന് പണി കിട്ടിയത് ഇങ്ങനെ

May 21, 202007:44 AM IST Permalink
അടിവസ്ത്രം മാത്രം ധരിച്ച് ക്രിസ്റ്റൽ ക്ലിയർ പ്രതിരോധ വസ്ത്രം ധരിച്ച് അതീവ സുന്ദരിയായ നഴ്സ് കൊറോണ രോഗിയെ ശുശ്രൂക്ഷിക്കുന്ന ചിത്രം പുറത്ത്; പരാതി ഒന്നുമില്ലെങ്കിലും സുന്ദരിയുടെ ചിത്രം പകർത്തി അഭിനന്ദിച്ചത് വിനയായി; ഒരു കൊറോണ നഴ്സിന് പണി കിട്ടിയത് ഇങ്ങനെ

മറുനാടൻ ഡെസ്‌ക്‌

മോസ്‌കോ: അടിവസ്ത്രം മാത്രം അണിഞ്ഞ്, അതിനു മുകളിൽ സുതാര്യമായ സംരക്ഷണ ഗൗണും അണിഞ്ഞ് കൊറോണ രോഗികളെ ശുശ്രൂഷിക്കാൻ എത്തിയ നഴ്സിന് കിട്ടിയത് എട്ടിന്റെ പണി. റഷ്യയിലെ, ടുല എന്ന സ്ഥലത്തെ ഒരു ആശുപത്രിയിലായിരുന്നു സംഭവം. മോസ്‌കോയിൽ നിന്നും 100 മൈൽ തെക്കുമാറിയുള്ള ഈ ചെറുപട്ടണത്തിലെ ഒരു ആശുപത്രിയിലാണ് അർദ്ധനഗ്‌നയായ നഴ്സ് ശുശ്രൂഷിക്കാൻ എത്തിയത്. കൗതുകം ജനിപ്പിക്കുന്ന വസ്ത്രധാരണം കണ്ട ഒരു രോഗി ഉടൻ തന്നെ ചിത്രമെടുത്ത് സോഷ്യൽ മീഡിയയിൽ ഇടുകയായിരുന്നു.

ഇത്തരമൊരു ചിത്രം സോഷ്യൽ മീഡിയയിൽ പ്രത്യക്ഷപ്പെട്ടാൽ പിന്നെ അധിക സമയമൊന്നും വേണ്ടല്ലോ അത് വൈറലാകാൻ. ഇവിടെയും അതുതന്നെ സംഭവിച്ചു. എന്നാൽ വൈറലായ ചിത്രം ആശുപത്രി അധികാരികളുടെ ശ്രദ്ധയിൽ പെട്ടപ്പോൾ, അവർക്ക് അത് ആസ്വദിക്കാനായില്ല. മറിച്ച് ശുശ്രൂഷാ സമയത്ത് ധരിക്കേണ്ടുന്ന ഔദ്യോഗിക വസ്ത്രം ധരിക്കാത്തതിന്റെ പേരിൽ ഈ നഴ്സിന്റെ പേരിൽ അച്ചടക്ക നടപടി കൈക്കൊള്ളുകയും ചെയ്തു, അരസികന്മാരായ അധികാരികൾ

പേര് വെളിപ്പെടുത്താത്ത, ഏകദേശം ഇരുപത് വയസ്സിലധികമുള്ള ഈ നഴ്സ് പറയുന്നത് സഹിക്കാവുന്നതിലുമപ്പുറം ചൂട് ഉള്ളതുകൊണ്ടാണ് നഴ്സിങ് യൂണിഫോം ധർക്കാതിരുന്നത് എന്നാണ്. കോവിഡ് രോഗികളെ ശുശ്രൂഷിക്കുമ്പോൾ ധരിക്കുന്ന സംരക്ഷണ ഗൗൺ ഇത്രമാത്രം സുതാര്യമായിരിക്കുമെന്ന് താനറിഞ്ഞില്ല എന്നും അവർ അധികാരികളെ അറിയിച്ചു. എന്നാൽ ഇതൊന്നും ചെവിക്കൊള്ളാൻ അധികാരികൾ തയ്യാറായില്ല. അവർ അച്ചടക്ക നടപടികളുമായി മുന്നോട്ട് പോവുകയാണ്.

അടിവസ്ത്രം മാത്രമായിരുന്നു നഴ്സ് ധരിച്ചിരുന്നതെന്ന് ആദ്യം പറഞ്ഞ അധികാരികൾ പിന്നീട് ഗൗണിനടിയിൽ നീന്തൽ വസ്ത്രമാണ് ധരിച്ചിരുന്നത് എന്ന് തിരുത്തി. ഇതിനെ കുറിച്ച് നഴ്സ് ഇതുവരെ അഭിപ്രായമൊന്നും പറഞ്ഞിട്ടില്ല. അതുപോലെ അച്ചടക്ക നടപടികളുടെ വിശദാംശങ്ങളും ലഭ്യമായിട്ടില്ല. ഈ സുന്ദർ അർദ്ധനഗ്‌നയായി ശുശ്രൂഷിക്കാൻ എത്തിയ വാർഡിലെ പുരുഷന്മാരിൽ നിന്നും അവർക്ക് എതിർപ്പൊന്നും നേരിടേണ്ടി വന്നില്ലെന്നാണ് ആ വാർഡിലെ രോഗികൾ പറയുന്നത്. രോഗികൾക്ക് ശല്യമുണ്ടാക്കിയതായി അധികാരികൾ പറഞ്ഞിരുന്നതിനെ കുറിച്ച് ചോദിച്ചപ്പോഴാണ് അവർ ഇത് പറഞ്ഞത്.

ഭയാനകവും വിഷാദമൂകവുമായ ഈ സാഹചര്യത്തിലും ചിലർക്കെങ്കിലും നർമ്മബോധം ഉണ്ടെന്നുള്ളത് ആശ്വാസകരമാണെന്നാണ് ഒരാൾ ഇതിനെ കുറിച്ച് സോഷ്യൽ മീഡിയയിൽ എഴുതിയത്. അതിന് അവരെ ശിക്ഷിക്കേണ്ട കാര്യമില്ലെന്നും അയാൾ കൂട്ടിച്ചേർത്തു. എല്ലാവരും അവർക്കെതിരെ തിരിയുന്നു പക്ഷെ ചൂട് കാരണമാണ് അവർ ഇതുപോലെ വസ്ത്രം ധരിച്ചതെന്ന് ആരും മനസ്സിലാക്കിയില്ല. മറ്റൊരാൾ എഴുതി. മതിയായ രീതിയിൽ എയർകണ്ടീഷണർ സൗകര്യം ഒരുക്കാത്തതിന് മാനേജ്മെന്റിനെതിരെയാണ് നടപടി വേണ്ടെതെന്നാണ് ഇയാൾ പറയുന്നത്.

തീർത്തും നിസ്സഹായരായ രോഗികൾക്ക് ഒരല്പ നേരത്തേക്കെങ്കിലും മാനസികോല്ലാസം നൽകാൻ തയ്യാറായ നഴ്സിനെ ശിക്ഷിച്ചിതിനെതിരെ സ്ത്രീകൾ ഉൾപ്പടേ നിരവധി പേരാണ് രംഗത്തെത്തിയിട്ടുള്ളത്. ഇതിനിടയിൽ റഷ്യയിലെ കോവിഡ് ബാധിതരുടെ എണ്ണം 3 ലക്ഷം കവിഞ്ഞു. ഇപ്പോൾ അമേരിക്കയ്ക്ക് തൊട്ടുപിറകെ രണ്ടാം സ്ഥാനത്താണ് റഷ്യ. എന്നാൽ രോഗികളുടെ ഏണ്ണത്തിൽ റഷ്യ നൽകുന്നത് യഥാർത്ഥ വിവരമല്ലെന്നാണ് ഈ രംഗത്തെ വിദഗ്ദർ പറയുന്നത്.

Stories you may Like

Readers Comments+

മലയാളത്തിൽ ടൈപ്പ്‌ ചെയ്യാൻ ഇവിടെ ക്ലിക്ക്‍ ചെയ്യുക

കമന്റ് ബോക്‌സില്‍ വരുന്ന അഭിപ്രായങ്ങള്‍ മറുനാടന്‍ മലയാളിയുടേത് അല്ല. മാന്യമായ ഭാഷയില്‍ വിയോജിക്കാനും തെറ്റുകള്‍ ചൂണ്ടി കാട്ടാനും അനുവദിക്കുമ്പോഴും മറുനാടനെ മനഃപൂര്‍വ്വം അധിക്ഷേപിക്കാന്‍ ശ്രമിക്കുന്നവരെയും അശ്ലീലം ഉപയോഗിക്കുന്നവരെയും മറ്റു മലയാളം ഓണ്‍ലൈന്‍ ലിങ്കുകള്‍ പോസ്റ്റ് ചെയ്യുന്നവരെയും മതവൈരം തീര്‍ക്കുന്നവരെയും മുന്നറിയിപ്പ് ഇല്ലാതെ ബ്ലോക്ക് ചെയ്യുന്നതാണ് - എഡിറ്റര്‍

More News in this category+

MNM Recommends +

  • TODAY
  • LAST WEEK
  • LAST MONTH

www.marunadanmalayalee.com © Copyright 2024. All rights reserved.

Go to TOP