അണക്കെട്ട് കമ്മീഷൻ ചെയ്ത ദിവസം ജനിച്ച മകന് അച്ഛൻ മെഗാ വാട്ടെന്ന് പേരിട്ടു; പേര് അറംപറ...

അണക്കെട്ട് കമ്മീഷൻ ചെയ്ത ദിവസം ജനിച്ച മകന് അച്ഛൻ മെഗാ വാട്ടെന്ന് പേരിട്ടു; പേര് അറംപറ്റി മെഗാവാട്ട് മരിച്ചത് വൈദ്യുതി ലൈനിൽ ഷോക്കേറ്റ് കിടന്ന് പിടഞ്ഞ്

September 26, 201709:30 AM IST Permalink

കുമളി: അണക്കെട്ട് കമ്മീഷൻ ചെയ്ത ദിവസം ജനിച്ച മകന് ഇടാൻ ഇതിലും നല്ല പേര് വേറെ ഒന്നും ഇല്ലെന്നായിരുന്നു അന്ന് ആ അച്ഛൻ വിചാരിച്ചത്. അതുകൊണ്ടാണ് ബന്ധുക്കളെയും സുഹൃത്തുക്കളെയും സാക്ഷിയാക്കി മകന് മെഗാവാട്ട് എന്ന് പേരും ഇട്ടത്.

എന്നാൽ മെഗാവാട്ട് എന്ന വ്യത്യസ്തമായ പേരിടുമ്പോൾ തന്റെ വാക്കുകൾ അറംപറ്റുമെന്ന് ആ പിതാവ് ഒരിക്കലും വിചാരിച്ച് കാണില്ല. പേര് അന്വർത്ഥമാക്കുന്നത് തന്നെയായിരുന്നു മെഗാവാട്ടിന്റെ ജീവിതം. ഇയാൾക്ക് ഉപജീവനമായതും അവസാനം ഉയിരെടുത്തതും മെഗാവാട്ട് വൈദ്യുതി തന്നെ.

പേര് അന്വർത്ഥമാക്കി ഇലക്ട്രിസിറ്റി ബോർഡ് ജീവനക്കാരനായിരുന്നു ലേക്ക് മെഗാവാട്ട് എന്ന 39കാരൻ. വൈദ്യുതി തകരാർ പരിഹരിക്കാൻ 11 കെ.വി. ലൈനിൽ കയറിയതായിരുന്നു ലൈന്മാനായ മെഗാവാട്ട്. എന്നാൽ വൈദ്യുതി തന്നെ മെഗാവാട്ടിന്റെ ജീവൻ എടുക്കുക ആയിരുന്നു. തമിഴ്‌നാട് മേലേഗൂഡല്ലൂർ നിവാസിയാണ് മെഗാവാട്ട്.

ഇന്നലെ ഉച്ചകഴിഞ്ഞ് മൂന്നോടെയായിരുന്നു അപകടം. പോസ്റ്റിനു മുകളിൽ നിന്ന് പണി ചെയ്യുന്നതിനിടെ പെട്ടെന്നു വൈദ്യുതി പ്രവഹിക്കുകയായിരുന്നു. ഗുഡല്ലൂർ ഇ. ബി. സ്റ്റേഷനിലെ ജീവനക്കാരനായിരുന്നു.

മെഗാവാട്ടിന് ഈ പേര് വീഴാൻ ഒരു കാരണം ഉണ്ട്. ലേക്ക് മേഗാവാട്ടിന്റെ പിതാവ് ശേഖർ ചുരുളി വൈദ്യുതി പദ്ധതിയിൽ ജീവനക്കാരനായിരുന്നു. 1978-ൽ ചുരുളിയിൽ വൈദ്യുതി ഉത്പാദനം ആരംഭിച്ച ദിവസം ജനിച്ച മകന് ശേഖർ ഇവിടത്തെ തടാകവും വൈദ്യുതി ഉത്പാദനവും അനുസ്മരിപ്പിക്കുന്ന വേറിട്ട പേരു കണ്ടെത്തുകയായിരുന്നു.

കടമലൈക്കുണ്ട് സ്വദേശിയായ ലേക്ക് മെഗാവാട്ട് ആറുവർഷം മുമ്പാണു ജോലിസംബന്ധമായി മേലേഗൂഡല്ലൂരിലെത്തിയത്. കമ്പം സർക്കാർ ആശുപത്രിയിൽ പോസ്റ്റ്മോർട്ടത്തിനു ശേഷം മൃതദേഹം ബന്ധുക്കൾക്കു വിട്ടുകൊടുത്തു. ഭാര്യയും രണ്ടുമക്കളുമുണ്ട്.

Readers Comments+

മലയാളത്തിൽ ടൈപ്പ്‌ ചെയ്യാൻ ഇവിടെ ക്ലിക്ക്‍ ചെയ്യുക

കമന്റ് ബോക്‌സില്‍ വരുന്ന അഭിപ്രായങ്ങള്‍ മറുനാടന്‍ മലയാളിയുടേത് അല്ല. മാന്യമായ ഭാഷയില്‍ വിയോജിക്കാനും തെറ്റുകള്‍ ചൂണ്ടി കാട്ടാനും അനുവദിക്കുമ്പോഴും മറുനാടനെ മനഃപൂര്‍വ്വം അധിക്ഷേപിക്കാന്‍ ശ്രമിക്കുന്നവരെയും അശ്ലീലം ഉപയോഗിക്കുന്നവരെയും മറ്റു മലയാളം ഓണ്‍ലൈന്‍ ലിങ്കുകള്‍ പോസ്റ്റ് ചെയ്യുന്നവരെയും മതവൈരം തീര്‍ക്കുന്നവരെയും മുന്നറിയിപ്പ് ഇല്ലാതെ ബ്ലോക്ക് ചെയ്യുന്നതാണ് - എഡിറ്റര്‍

Forex Rate:

Readers Comments+

More News in this category+

MNM Recommends +