ഉമ്മൻ ചാണ്ടിയും എന്നെ ലൈംഗികമായി ഉപയോഗിച്ചു; ഞാൻ ചെന്നത് ക്‌ളിഫ് ഹൗസിൽ; മുഖ്യമന്ത്രിയ...

ഉമ്മൻ ചാണ്ടിയും എന്നെ ലൈംഗികമായി ഉപയോഗിച്ചു; ഞാൻ ചെന്നത് ക്‌ളിഫ് ഹൗസിൽ; മുഖ്യമന്ത്രിയുടെ ഭാര്യ അന്നവിടെ ഇല്ലായിരുന്നു; പീഡിപ്പിച്ചതിന്റ വിശദാംശങ്ങളുമായി സരിതാ നായർ മാതൃഭൂമി ന്യൂസിൽ; പുറമേ കാണുന്നപോലൈയല്ല യുഡിഎഫ് നേതാക്കൾ; പുറത്തു ചിരിക്കുമെങ്കിലും ഉള്ളിൽ കോൾഡ് വാറാണ്; കീറിയ ഉടുപ്പും, ചപ്രത്തലമുടിയുമൊക്കെ സാധാരണക്കാർ പുറമേ കാണുന്നു; അവരുടെ ബിസിനസും ഇൻവെസ്റ്റുമെന്റും ഒന്നും കാണുന്നില്ല; വെള്ളവസ്ത്രമായതിനാൽ കറ പറ്റിയാൽ മാറുന്നത് ആരും അറിയില്ല; സരിത തുറന്നു പറഞ്ഞത് ഞെട്ടിക്കുന്ന വിവരങ്ങൾ

October 11, 201710:46 PM IST Permalink

തിരുവനന്തപുരം: ചാനലായ ചാനലുകളും പ്രസ് ക്‌ളബ്ബുകളിലും കോടതിമുറ്റത്തും നിരത്തിലും എല്ലാം നിന്ന് സരിതാ നായർ വിളിച്ചു പഞ്ഞത് ഇന്നലെ വരെ ആരോപണങ്ങൾ മാത്രമായിരുന്നു. മുഖ്യമന്ത്രിയും കേന്ദ്രമന്ത്രിയും മന്ത്രിമാരും എം എൽഎമാരും കോൺഗ്രസ് നേതാക്കളും എല്ലാം തന്നെ പീഡിപ്പിച്ചു എന്നു തുറന്നു പറച്ചിൽ ഇതുവരെ ആരോപണ വിധേയയായ ഒരു സ്ത്രീയുടെ പ്രതികാര നടപടി എന്ന രീതിയിലാണ് കേരളം കണ്ടത്. സരിതയെ വിശ്വസിക്കാത്തവരും ഇപ്പോൾ വിശ്വസിച്ചു തുടങ്ങിയിരിക്കുന്നത് സോളാർ ജുഡിഷ്യൽ കമ്മീഷൻ റിപ്പോർട്ടിൽ നടപടിക്ക് ഉത്തരവായതോടെയാണ്

ജനകീയ മുഖ്യമന്ത്രിയായിരുന്ന ഉമ്മൻ ചാണ്ടി ഇതൊക്ക ചെയ്യുമോ എന്ന് ചിരിച്ചു തള്ളിയവർ ഇപ്പോൾ മൂക്കിൽ വിരൽ വെച്ചു പോയാൽ അത്ഭുതപ്പെടേണ്ടതില്ല. കേരളം മുഴുവൻ ജ്വലിച്ചു നിന്ന് കെട്ടടങ്ങിയ സോളാർ വീണ്ടും ചുട്ടു പഴുത്തിരിക്കുന്നു. ഈ ചൂടിൽ കേരളത്തിലെ രാഷ്ട്രീയ തമ്പുരാക്കന്മാർ കരിഞ്ഞു വീഴുമോ, ഉയിൽത്തെഴുന്നേൽക്കുമോ എന്ന് ഇനി വരും നാളുകൾ തീരുമാനിക്കും. കേരളം ഇതുവരെ കാണാത്ത കാര്യങ്ങളാണ് സോളാർ കേസിൽ സംഭവിച്ചു കൊണ്ടിരിക്കുന്നത്.

മുൻ മുഖ്യമന്ത്രി ഉമ്മൻ ചാണ്ടിക്കെതിരേയുള്ള ആരോപണങ്ങളിൽ ഉറച്ചു നിൽക്കുകയാണ് സരിത എസ്. നായർ. ജുഡിഷ്യൽ റിപ്പോർട്ടിൽ നടപടിക്ക് ഉത്തരാവായ ദിവസം തന്നെ സരിതയെ സ്്റ്റുഡിയോയിൽ എത്തിച്ച മാതൃഭൂമി ന്യൂസ് ചർച്ചയിലാണ് സരിത തന്റെ നിലപാട് ഉറപ്പിച്ചു പറഞ്ഞത്. തന്റെ മൊഴിക്കപ്പുറമുള്ള വിശദാംശങ്ങൾ കൂടി അവർ ക്യാമറയ്ക്കു മുന്നിൽ തുറന്നടിച്ചു. പലപ്പോഴും അവതാരകനായ വേണു ബാലകൃഷ്ണന് സമയക്കുറവാണെന്ന് ഓർമ്മിപ്പിക്കേണ്ടി വന്നു

ഉമ്മൻ ചാണ്ടി ഉൾപ്പെടെയുള്ളവരുടെ ചൂഷണം അതിരു കടന്നപ്പോഴാണ് ഇക്കാര്യങ്ങൾ തുറന്നു പറയുക എന്ന നിലപാടിലേയ്ക്ക് താൻ എത്തിയത്. ഉമ്മൻ ചാണ്ടി അപമര്യാദയായി പെരുമാറിയത് തന്നെ ഞെട്ടിച്ചു. പിതൃതുല്യനായിരുന്ന ഉമ്മൻ ചാണ്ടിയിൽ നിന്നാണ് ഇതുണ്ടായത്. സോളാർ കമ്പനിയുടെ ഒഫിഷ്യൽ കാര്യങ്ങൽ എല്ലാം പറഞ്ഞിരുന്നത് താൻ ഉമ്മൻ ചാണ്ടിയോടായിരുന്നു. ഈ പ്രതീക്ഷയാണ് തെറ്റിയത് . ഇക്കാര്യത്തിൽ ഞാൻ ഒരു ട്ൂൾ ആക്കപ്പെടുകയായിരുന്നു.

1.9 കോടി രൂപയാണ് ഞാൻ നേരിട്ട് ഉമ്മൻ ചാണ്ടിക്ക് നൽകിയത്. ഡൽഹിയിൽ കേരളാ ഹൗസിൽ വെച്ചും ബാക്കി തുക തിരുവനന്തപുരം വിമാനത്താവളത്തിന് അടുത്തു വെച്ചുമാണ് കൈമാറിയത്. കേരളാ ഹൗസിൽ വെച്ച് തോമസ് കുരുവിളയുടെ കൈവശം പണം നൽകാൻ ഉമ്മൻ ചാണ്ടി തന്നെയാണ് ആവശ്യപ്പെട്ടത്.
അതനുസരിച്ചാണ് താൻ പണം നല്കിയതെന്നും സരിത തുറന്നു പറഞ്ഞു

ക്ലിഫ് ഹൗസിൽ വച്ചാണ് ഉമ്മൻ ചാണ്ടി തന്നോട് അപര്യാദയായി പെരുമാറിയത്. എമർജിങ് കേരളയ്ക്കു ശേഷം മുട്ട് വേദനയെ തുടർന്ന് അദ്ദേഹം വിശ്രമത്തിൽ ഇരുന്ന അവസരത്തിലാണ് സംഭവം. മറ്റ് സന്ദർശകരെ അനുവദിച്ചിരുന്നില്ലെങ്കിലും തനിക്ക് പ്രത്യേക അനുമതി നൽകിയാണ് ക്ലിഫ് ഹൗസിലേക്ക് വിളിച്ചു വരുത്തിയതെന്നും സരിത പറഞ്ഞു. അന്ന് അഞ്ചു മണിക്കാണ് തന്നോട് ചെല്ലാൻ പറഞ്ഞതെങ്കിലും ആറുമണിയോടെയാണ് താൻ അവിടെ എത്തിയത്.
സോളാർ കമ്പനിയിൽ നിന്ന് ബിജു ബാലകൃഷ്ണൻ പിരിഞ്ഞപ്പോൾ ലാഭവീതത്തിലും പങ്കാളിത്തത്തിലും മാറ്റമുണ്ടായി. ഇതേക്കുറിച്ചു സംസാരിക്കാനും തീരുമാനം എടുക്കാനാണ് തന്നെ ഔദ്യോഗിക വസതിയിലേയ്ക്ക് വിളിപ്പിച്ചത്. അദ്ദേഹത്തിന്റെ ഭാര്യ അവിടെ ഇല്ലെന്നും മനസ്സിലായി. കോട്ടയത്ത് എന്തോ നേർച്ചയ്ക്കായി പോയതായിരുന്നു അവർ. സോളാർ കരാറിന്റെ ഇൻവസ്റ്റ് റേഷ്യോയെ കുറിച്ചാണ് സംസാരിച്ചത്. എന്നാൽ ഗണേശ് കമാറിന്റെ വിഷയമാണ് ഉമ്മൻ ചാണ്ടി അന്നു സംസാരിച്ചു തുടങ്ങിയതെന്നും സരിത ഓർമ്മിച്ചു. ക്‌ളിഫ് ഹൗസിൽ ടി വി കാണുന്ന മുറിയിലായിരുന്നു മുഖ്യമന്ത്രി. അവിടെവച്ചാണ് തനിക്കു ഷോക്കിംഗായ എക്‌സപീരിയൻസ് ഉണ്ടായതെന്നും സരിത വെളിപ്പെടുത്തി

ഇക്കാര്യത്തിൽ ഉമ്മൻ ചാണ്ടി ശിക്ഷിക്കപ്പെടുമെന്ന കാര്യത്തിൽ കോൺഫിഡന്റാണെന്നും സരിത പറഞ്ഞു. ഉമ്മൻ ചാണ്ടി എന്നയാൾ വളരെ ഉന്നതനായ രാഷ്ട്രീയനേതാവാണ്. അദ്ദേഹവും മറ്റു കോൺഗ്രസ് നേതാക്കലും അഴിക്കുള്ളിലാവുമോ എന്ന് വേണു ചോദിച്ചതിനാണ് ഈ മറുപടി. കാര്യങ്ങൾ ഈ രീതിയിൽ പോയാൽ അവർ അഴിക്കുള്ളിലാവുമെന്നതിൽ താൻ കോൺഫിഡന്റാണെന്ന് സരിത വിശദീകരിച്ചു. ഈ ബനധത്തിൽ താൻ ഒരിക്കലും വിൽഫുൾ ആയിരുന്നില്ല. അതുകൊണ്ടാണ് തുറന്നു പറയുന്നത്. മാത്രമല്ല, കോൺഗ്രസ് ഭരണസമയത്തെ അഴിമതികളിൽ ഞാൻ പെട്ടു പോയതാണ്. അതിൽ ഞാൻ ഒരാൾ മാത്രം.

പുറമേ കാണുന്നപോലൈയല്ല ഉമ്മൻ ചാണ്ടി ഉൾപ്പടെയുള്ള യുഡിഎഫ് നേതാക്കളെന്നും സരിത പറയുന്നു. പുറത്തു ചിരിക്കുമെങ്കിലും ഉള്ളിൽ കോൾഡ് വാറാണ്. നമ്മൾ അവരിൽ കാണുന്നത് പുറമേ മാത്രമാണ്. അതൊരു ഇമേജ് ക്രിയേഷൻ മാത്രമാണ്. കീറിയ ഉടുപ്പും, ചപ്രത്തലമുടിയുമൊക്കെ സാധാരണക്കാർ കാണുന്നു. അവരുടെ ബിസിനസും ഇൻവെസ്റ്റുമെന്റും ഒന്നും കാണുന്നില്ല. ഇവർ തന്നെ ആസാമിലും മറ്റും ഭൂമി വാങ്ങിക്കൂട്ടുന്നു. വെള്ളവസ്ത്രമായതിനാൽ കറ പറ്റിയാൽ മാറുന്നത് ആരും അറിയില്ല.

ഞാനൊരു ടൂൾആയി മാറുകയായിരുന്നു. ഒരു കേന്ദ്രമന്ത്രി ഇപ്പോഴത്ത എം പിയും സംസ്ഥാനത്തെ മന്ത്രിമാരും ചേർന്ന് ഒരു ആ കൂട്ടിലേയ്ക്ക് ഓടിച്ചു കയറ്റുകയായിുന്നു. മറ്റൊന്നും ചെയ്യാനാവാത്ത നിലയിലാക്കി ഇവർ. ബന്നി ബഹ് നാനും , തമ്പാനൂർ രവിയുമൊക്കെയായിരുന്നു എന്നും തന്നെ വിളിച്ചിരുന്നത് . രാവില ആറു മണി തൊട്ട് രാത്രി വരെയും വിളിക്കുമായിരുന്നു . എല്ലാ ചറിയ കാര്യങ്ങളും പറയും. ഇതൊക്കെ ഇപ്പോൾ ഞാൻ പറയുന്നതിൽ എനിക്ക് ഒരു മോണിറ്ററി ബെനഫിറ്റുമില്ല . എനിക്കാവശ്യമുള്ളപ്പോഴൊന്നും ആരും സഹായിച്ചില്ല. വലിയ ക്രിട്ടിക്കൽ സ്‌റ്റേജിലായിരുന്നു ഞാൻ. അതു മാറി. ഇപ്പോൾ എനിക്കതിൽ ആശങ്കയില്ല.

കേരളം കണ്ട പെരും നുണയനാണോ ഈ പുതുപ്പള്ളിക്കാരൻ എന്ന് വേണു ബാലകൃഷ്ണൻ ചോദിച്ചതിനോട് അതെ അങ്ങിനതന്നെ കരുതണം എന്ന സംശയമില്ലാതെ സരിത മറുപടി പറഞ്ഞു. എന്നെ അറിയില്ല എന്നാണ് ഉമ്മൻ ചാണ്ടി ആദ്യം പറഞ്ഞിരുന്നത്. എന്റെ പേരു പോലും അറിയില്ല, ആ സ്ത്രീയെ അറിയില്ല എന്നാണ് ഉമ്മൻ ചാണ്ടി അന്നു പരാമർശിച്ചത്. അതെന്റെ നെഞ്ചിലാണ് കൊണ്ടത്. സരിത പറഞ്ഞു. അപ്പോഴാണ് കടപ്ലാമറ്റത്ത ഫോട്ടോ വരുന്നത്. അപ്പോൾ അതിന്റെ വീഡിയോ പിആർഡി എടുത്തിട്ടുണ്ടെന്ന് അന്നത്തെ മുഖ്യമന്ത്രിയെ അറിയിച്ചതും താൻ ആയിരുന്നു എന്നും സരിത പറഞ്ഞു. ഇപ്പോൾ ആ വിഷ്വലൊക്ക നശിപ്പിച്ചിട്ടുണ്ടാവും എന്നതിൽ ഒരു സംശയവുമില്ല. അങ്ങിനെയുള്ള നീക്കങ്ങളാണ് നടന്നത്. ഇപ്പോൾ ഏതോ കൃത്രിമ കത്തിനെ കുറിച്ചു പറയുന്നു. എനിക്കതിനെപറ്റി അറിയില്ല.

ആഭ്യന്തര മന്ത്രിയായ തിരുവഞ്ചൂരിന് ഈ ഇടപാടിൽ പങ്കില്ലെന്നും സരിത പറഞ്ഞു. മുഖ്യമന്ത്രിയൈ രക്ഷിക്കാൻ ശ്രമിച്ചതായിരിക്കാം. അന്വേഷണ സംഘത്തിന്റെ മേധാവി ഹേമചന്ദ്രൻ തന്നോട് മോശമായി ഒരു കാര്യവും ചോദിച്ചിട്ടില്ലെന്നും സരിത പറഞ്ഞു.

ആരോപണങ്ങളിൽ ഉറച്ചു നിൽക്കുന്ന സരിതയുടെ നിലപാട് തുടർന്നാൽ ഉമ്മൻ ചാണ്ടി ഉൾപ്പടെയുള്ളവർക്ക് ഇനിയുള്ള കാലം സുഖകരമാവില്ല. അതീവ ഗുരുതരമായ നിയമനടപടികളാണ് ഇവരെ കാത്തിരിക്കുന്നത്

Stories you may Like

Readers Comments+

മലയാളത്തിൽ ടൈപ്പ്‌ ചെയ്യാൻ ഇവിടെ ക്ലിക്ക്‍ ചെയ്യുക

കമന്റ് ബോക്‌സില്‍ വരുന്ന അഭിപ്രായങ്ങള്‍ മറുനാടന്‍ മലയാളിയുടേത് അല്ല. മാന്യമായ ഭാഷയില്‍ വിയോജിക്കാനും തെറ്റുകള്‍ ചൂണ്ടി കാട്ടാനും അനുവദിക്കുമ്പോഴും മറുനാടനെ മനഃപൂര്‍വ്വം അധിക്ഷേപിക്കാന്‍ ശ്രമിക്കുന്നവരെയും അശ്ലീലം ഉപയോഗിക്കുന്നവരെയും മറ്റു മലയാളം ഓണ്‍ലൈന്‍ ലിങ്കുകള്‍ പോസ്റ്റ് ചെയ്യുന്നവരെയും മതവൈരം തീര്‍ക്കുന്നവരെയും മുന്നറിയിപ്പ് ഇല്ലാതെ ബ്ലോക്ക് ചെയ്യുന്നതാണ് - എഡിറ്റര്‍

Forex Rate:

Stories you may Like

Readers Comments+

More News in this category+

MNM Recommends +