ഒരു സ്വകാര്യ ബസുള്ളവൻ മുതലാളി; ആറായിരം ബസ് ഉണ്ടായിട്ടും കെഎസ്ആർടിസിക്ക് പറയാൻ ദാരിദ്ര്യം മാത്രം: ആനവണ്ടിക്ക് ആണിയടിക്കുന്നത് ആര്? മറുനാടൻ മലയാളിയുടെ അന്വേഷണ പരമ്പര ആരംഭിക്കുന്നു
ജെയിംസ് വടക്കൻ
തിരുവനന്തപുരം: ഇന്ത്യയിലെ ഏറ്റവും നഷ്ടത്തിൽ ഓടുന്ന സർക്കാർ സ്ഥാപനങ്ങളിൽ ഒന്നാണ് കെഎസ് ആർടിസി. പ്രാരാബ്ധക്കാരായ ജീവനക്കാർക്ക് കൃത്യമായ ശമ്പളം നൽകാറില്ല. പെൻഷൻ മുടങ്ങിയിട്ട് മാസങ്ങളായി. പെൻഷൻ ലഭിക്കാതെ നിരാശയുമായി ഒരു പാവപ്പെട്ടവൻ നിയമസഭയ്ക്കകത്ത് കയറിയാണ് ചിന്നംവിളിച്ചത്. ഈ മന്ത്രിസഭ അധികാരമേറ്റ ശേഷം മൂന്ന് മന്ത്രിമാരാണ് മാറി മാറി ഭരിച്ചത്. കെഎസ്ആർടിസി എംടിമാർ നാഴികയ്ക്ക് നാൽപത് വട്ടമാണ് മാറിമറിഞ്ഞത്. എന്നിട്ടും ഇത് പൊട്ടലിന്റെ വക്കിലാണ്. എന്തുകൊണ്ടാണ് കെഎസ് ആർടിസിയെ ആർക്കും വേണ്ടാത്തത്. ഒരു ബസുള്ളവർ മുതലാളിമാരായി അനേകം ബസുകൾ വാങ്ങുന്ന നാട്ടിൽ 6000 ബസുകൾ ഉണ്ടായിട്ടും കെഎസ്ആർടിസി നഷ്ടത്തിൽ നിന്നും നഷ്ടത്തിലേക്ക് ഓടുന്നത് എന്തുകൊണ്ട്? മറ്റ് സംസ്ഥാനങ്ങളിൽ എല്ലാം സർക്കാർ ബസുകൾ മാന്യമായി സർവ്വീസ് നടത്തിയിട്ടും കേരളത്തിൽ മാത്രം എന്തുകൊണ്ട് നഷ്ടം? കെഎസ്ആർടിസി ഇല്ലാതാക്കാൻ ആരെങ്കിലും ശപഥം ചെയ്തിട്ട് രംഗത്തെത്തിയിട്ടുണ്ടോ? ഇതേക്കുറിച്ച് മറുനാടൻ മലയാളി നടത്തിയ അന്വേഷണങ്ങൾ അവിശ്വസനീയമായ കാര്യങ്ങളാണ് കണ്ടെത്തിയത്.
ദൈവം തമ്പുരാൻ വിചാരിച്ചാലും നന്നാകാത്ത കെഎസ്ആർടിസി
രമേശ് ചെന്നിത്തല ആഭ്യന്തരമന്ത്രിയായി ചുമതല ഏറ്റെടുത്തപ്പോൾ തിരുവഞ്ചൂർ രാധാകൃഷ്ണൻ ആര്യാടൻ മുഹമ്മദ് കൈകാര്യം ചെയ്തിരുന്ന ഗതാഗത വകുപ്പ് എടുത്തു നൽകുകയുണ്ടായി. സ്വാഭാവികമായും അധികമായി കൈവശം വച്ചിരുന്ന വകുപ്പ് എടുത്തുമാറ്റുമ്പോൾ് ആര്യാടൻ് പിണങ്ങേണ്ടതാണ്. എന്നാൽ, സംഭവിച്ചത് മറിച്ചാണ്. കടംകയറി മൂടിയ കെഎസ്ആർടി അടങ്ങുന്ന ഗതാഗത വകുപ്പ് തിരുവഞ്ചൂരിന് നൽകാൻ ആര്യാടന് സന്തോഷമേ ഉണ്ടായിരുന്നുള്ളൂ. ഇങ്ങനെ ആർക്കും വേണ്ടാത്ത കെഎസ്ആർടിസിയെ അങ്ങനെ തിരുവഞ്ചൂർ ഏറ്റെടുത്തു. മേൽപ്പറഞ്ഞ കാര്യത്തിൽ നിന്നും ഒരുകാര്യം വ്യക്തമാകും മുൻഗാമികൾ കറവപ്പശുവാക്കിയ ഈ സർക്കാർ സ്ഥാപനം ഇപ്പോൾ നിലനിൽപ്പിനായി ഊർദ്ധശ്വാസം വലിക്കുകയാണ്. ഇങ്ങനെ ശ്വാസം മുട്ടുന്ന വകുപ്പിലെ തലവേദന എടുക്കാൻ ആരും തയ്യാറല്ല.
ദൈവം തമ്പുരാൻ വിചാരിച്ചാലും കെഎസ്ആർടിസി രക്ഷപെടില്ലെന്ന് മുഖ്യമന്ത്രി ഉമ്മൻ ചാണ്ടി തന്നെ പറഞ്ഞിട്ടുള്ളതാണ്.. ഏറ്റവും ഒടുവിൽ കേട്ടത് കെഎസ്ആർടിസിയെന്ന പേര് തന്നെ കർണ്ണാടകം കൊണ്ടുപോയി എന്നാണ്. ഇങ്ങനെ എല്ലാം നഷ്ടപ്പടുന്ന വിധത്തിലേക്ക് ഈ സർക്കാർ സ്ഥാപനം എങ്ങനെയെത്തി? ഈ ചോദ്യത്തിന്റെ ഉത്തരം തേടിപ്പോയാർ രാഷ്ട്രീയക്കാർ മുതൽ കോർപ്പറേഷനിലെ ഡ്രൈവർമാർ വരെ കുറ്റക്കാരാണെന്ന് പറയേണ്ടി വരും. ..കെ.എസ്.ആർ.ടി.സി യിലെ അധിക ശമ്പളബാദ്ധ്യതയും പെൻഷൻ ബാധ്യതയും ഓർഡിനറി യാത്രക്കാർക്കുമേൽ പെൻഷൻ സെസോ അധിക ബസുകൂലിയോ ആയി അടിച്ചേൽപ്പിച്ചാൽ ആനവണ്ടിയുടെ ബാധ്യതകൾ തീരുമോ? ഇല്ലെന്ന് എല്ലാവർക്കുമറിയാം. എത്ര തവണ നിരക്ക് കൂട്ടി? അപ്പോഴെല്ലാം കൂടുതൽ നഷ്ടങ്ങളിലേക്കാണ് വെള്ളാന ആളുകളുമായി നീങ്ങിയത്. സർക്കാർ പണം കൊടുത്ത് നന്നാക്കാൻ ശ്രമിച്ച സമുദ്രത്തിലേക്ക് കിണർ വെള്ളം ഒഴിക്കുന്നതുപോലെയാണ്.
1938 ഫെബ്രുവരി 20ാം തീയതി തിരുവിതാംകൂർ സർക്കാരിന്റെ ഭാഗമായി സ്ഥാപിച്ച ട്രാൻസ്പോർട്ട് വകുപ്പിന്റെ ആദ്യ വിദേശബസ് തിരുവനന്തപുരം സെൻട്രൽ ബസ് സ്റ്റേഷനിൽ നിന്നും കവടിയാർ കൊട്ടാരത്തിലേക്കു യാത്രതിരിച്ചതാണ് ഭാരതത്തിലെ ആദ്യ ദേശസാൽകൃതബസിന്റെ കന്നി ഓട്ടം. ഇതാണ് കെഎസ്ആർടിയെന്ന സ്ഥാപനമായി പിൽക്കാലത്ത് പടന്നുപന്തലിച്ചത്. അയൽ സംസ്ഥാനങ്ങളേക്കാൾ കുറഞ്ഞ ബസുകൂലിയായിരുന്നിട്ടും ആദ്യവർഷം തന്നെ തിരുവിതാംകൂർ സ്റ്റേറ്റ് ട്രാൻസ്പോർട്ട് ലാഭത്തിലായിരുന്നു.
ഇന്ന് സംസ്ഥാനത്തെ ഏറ്റവും വലിയ പൊതുമേഖലാ സ്ഥാപനം, ലോകത്തിൽത്തന്നെ ഏറ്റവും കൂടുതൽ പ്രതിവർഷ നഷ്ടം വരുത്തുന്ന ഏക ഗതാഗത കോർപ്പറേഷൻ, 44801 ജീവനക്കാരും 36130 പെൻഷൻകാരും അടക്കം 80931 കുടുംബങ്ങളുടെ ഉപജീവനമാർഗ്ഗം, സംസ്ഥാന ഖജനാവിൽനിന്ന് ഏറ്റവും കൂടുതൽ പണം ഊറ്റിക്കുടിക്കുന്ന വെള്ളാന, ഇതൊക്കെയാണ് കെഎസ്ആർടിസിയെപ്പറ്റി എല്ലാവരുടെയും ധാരണ. എന്നാൽ ഖജനാവിലേക്ക് പണമെത്തിക്കുന്ന നാട്ടുകാർക്ക് താങ്ങും തണലുമായിരുന്നു ഈ ആനവണ്ടിയെന്ന് പലരും മറന്നു പോകുന്നു. ആ നല്ല കാലം ഇങ്ങനെ ആയതിന് പിന്നിൽ പ്രവർത്തിച്ചവരെ കണ്ടെത്തിയാലെ എന്തെങ്കിലും തിരുത്തുകളും സാധിക്കൂ.
അടച്ച് പൂട്ടിയാൽ പ്രതിവർഷം സർക്കാരിന് ലഭിക്കുന്നത് 120 കോടി
കെഎസ്ആർടിസി നഷ്ടക്കണക്ക് പറയുമ്പോൾ സ്വകാര്യ ബസുകൾ ലാഭമുണ്ടാക്കാനുള്ള മത്സര ഓട്ടത്തിലാണ്. മോട്ടോർ വാഹന നികുതിയായി പ്രതിവർഷം 1.35 ലക്ഷം രൂപയും പഞ്ചായത്ത്/മുനിസിപ്പൽ ഫീസുകളായി മറ്റൊരു 65,000 രൂപ അടക്കം പ്രതിവർഷം 2 ലക്ഷം രൂപാ നികുതിയായി സർക്കാരിലേക്ക് പണമടച്ചാണ് സ്വകാര്യബസുകളുടെ ഓട്ടം. എന്നിട്ടും അവർക്ക് ലാഭം. നികുതി അടയ്ക്കാതെ 5812 ബസുകൾ അടയ്ക്കുന്ന കെഎസ്ആർടിസിക്ക് പ്രതിവർഷം 574 കോടി നഷ്ടവും. അതിന്റെ കൂടെ 682 കോടി രൂപാ വായ്പയും. പോരാത്തതിന് അടിക്കടി സർക്കാർ സഹായവും.
ചുരുക്കി പറഞ്ഞാൽ കെഎസ്ആർടിസി അടച്ച് പൂട്ടി ആ ബസുകൾ സ്വകാര്യ മേഖലയ്ക്ക് നൽകിയാൽ ബസ് ഒന്നിൽനിന്നും രണ്ട് ലക്ഷം രൂപ വീതം സർക്കാരിന് പ്രതിവർഷം 120 കോടി രൂപ ലാഭം കിട്ടും. കൂടാതെ ബസുകൾ വിൽക്കുമ്പോൾ ലഭിക്കുന്ന തുകയും കെഎസ്ആർടിസിയുടെ പേരിലുള്ള കോടിക്കണക്കിന് വിലവരുന്ന സ്ഥാപന വസ്തുക്കളുടെ വരുമാനവും. റൂട്ടു സഹിതം ഒരു ബസ് വിട്ടാൽ കുറഞ്ഞത് 10 ലക്ഷം രൂപയാണ് ലഭിക്കുക. ഇതാണ് ഏറ്റവും ലളിതമായ കണക്ക്. എന്ന് വച്ചാൽ കെഎസ്ആർടിസി എന്ന വെള്ളാന അടച്ച് പൂട്ടിയാൽ കുറഞ്ഞത് സർക്കാരിന് ലഭിക്കുന്നത് 1000 കോടി രൂപയാണ്. എന്നാൽ ഇത് അപകടകരമായ ഒരു കണ്ടെത്തലും പരിഹാഹവുമായിരിക്കും. ഒരു സർക്കാർ സ്ഥാപനത്തെ ലാഭക്കണക്ക് കൊണ്ട് മാത്രം കാണാതെ അത് നൽകുന്ന സാമൂഹ്യ ഉത്തരവാദിത്തം കൂടി കാണക്കിലെടുക്കണം. അതുകൊണ്ട് തന്നെ അടിസ്ഥാന രോഗം കണ്ടെത്തി ചികിത്സിക്കുകയാണ് ഏറ്റവും ആദ്യം ചെയ്യേണ്ട കാര്യം. അടച്ചു പൂട്ടൽ ഒരു പരിഹാരമേയല്ല.
രണ്ട് വർഷം കൊണ്ട് കൂടിയത് 2000 കോടിയുടെ കടം
കാര്യക്ഷമതയുള്ളതും ചെലവുകുറഞ്ഞതും വിശ്വസനീയവുമായ ഒരു ഗതാഗത സംവിധാനം സംസ്ഥാനത്ത് നടപ്പാക്കുക എന്ന മുഖ്യലക്ഷ്യത്തോടെ 1965 മാർച്ച് 15ന് റോഡ് ട്രാൻസ്പോർട്ട് കോർപ്പറേഷൻ ആക്ട് പ്രകാരം സ്ഥാപിതമായതാണ് കേരള സംസ്ഥാന റോഡ് ട്രാൻസ്പോർട്ട് കോർപ്പറേഷൻ. സംസ്ഥാനത്ത് അതുവരെ ബസ് സർവീസുകൾ നടത്തിക്കൊണ്ടിരുന്ന ഗതാഗത വകുപ്പിന്റെ സ്വത്തുക്കളും ബാദ്ധ്യതകളും ഏറ്റെടുത്തുകൊണ്ടായിരുന്നു കെ.എസ്.ആർ.ടി.സി യുടെ ആരംഭം. അന്ന് 661 ഷെഡ്യൂളുകളാണുണ്ടായിരുന്നത്. 901 ബസുകളും ഉണ്ടായിരുന്നു.
കെഎസ്ആർടിസിക്കുള്ളത് 90 യൂണിറ്റുകളിലെ 5812 ബസുകൾ
മുൻകാലങ്ങളെ അപേക്ഷിച്ച് കെഎസ്ആർടിസി വളർന്നോ എന്ന് ചോദിച്ചാൽ വളർന്നു. ബസുകളുടെ എണ്ണം ഒരുപാട് കൂടി. കൂടുതൽ സർവീസുകൾ തുടങ്ങി. എന്നാൽ ഇതിനൊപ്പം നഷ്ടക്കണക്കുകളും കൂടിവന്നു. 55.55 കോടി കിലോമീറ്ററാണ് കെഎസ്ആർടിയിലെ ബസുകൾ പ്രതിവർഷം ഓടുന്നത്. 121.56 കോടി യാത്രക്കാർ ഇക്കാലയളവിൽ സർക്കാർ വണ്ടിയിൽ യാത്ര നടത്തി. ഇതിൽ കൂടി 1572.96 കോടി രൂപാ യാത്രക്കൂലി വരുമാനവും 53.34 കോടി ഇതരവരുമാനവും അടക്കം 1626.30 കോടി വരുമാനവും കിട്ടി. എന്നാൽ 2200.69 കോടി രൂപാ ചിലവും 574.39 കോടി നഷ്ടവും 2012-03 കാലഘട്ടത്തിൽ വരുത്തി. 2013 മാർച്ചിലെ കെ.എസ്.ആർ.ടി.സി യുടെ നഷ്ടം 1256 കോടി രൂപ. നാളിതുവരെയുള്ള സഞ്ചിതനഷ്ടം 3092.06 കോടി രൂപയാണ്.
കടമെടുത്ത പണം തിരിച്ചടച്ച് ശരിക്കും വട്ടിപ്പലിശക്കാരന് തലവച്ചു കൊടുത്ത ആളുടെ അവസ്ഥയിലാണ് കെഎസ്ആർടിസി. ഉയർന്ന പലിശനിരക്കിൽ വൻതോതിൽ പണം കടമെടുത്താണ് കോർപ്പറേഷൻ മുന്നോട്ടുപോകുന്നത്. 2011-12ൽ കടം 1245.94 കോടിയായിരുന്നെങ്കിൽ 2012-13ൽ കടം 1928.57 കോടിയായി ഉയർന്നു. 2012-13ൽ മാത്രം കടമെടുത്തത് 682.63 കോടി രൂപയാണ്. രണ്ട് ദിവസത്തിന് മുമ്പ് ഡീസൽ വില കുറയ്ഞഞതിന്റെ അടിസ്ഥാനത്തിൽ വിലകുറയ്ക്കാൻ സാധിക്കില്ലെന്ന് മന്ത്രി തിരുവഞ്ചൂർ പറയാൻ കാരണമായി പറഞ്ഞതും ഈ കണക്കായിരുന്നു.
പെൻഷൻ നൽകാത്തതും സ്വകാര്യ സൂപ്പർ ക്ലാസ് ബസുകൾ ഏറ്റെടുക്കാമെന്നു കോടതി നിർദ്ദേശിച്ചിട്ടും ഭരണനേതൃത്വം അതിനു തയ്യാറാകാത്തതും കെ.എസ്.ആർ.ടി.സി റൂട്ടുകളിലെ സ്വകാര്യ ബസുകളുടെ കടന്നുകയറ്റവും വരുമാനക്കുറവുമാണ് സർക്കാർ ബസ് സർവ്വീസിനെ തകർക്കുന്നത്. കെഎസ്ആർടിസി യുടെ പ്രതിസന്ധിവിഷയങ്ങളിൽ സജീവമായി ഇടപെട്ടുകൊണ്ടിരുന്ന തൊഴിലാളി യൂണിയനുകളും ഇപ്പോൾ മൗനത്തിലാണ്. അടിക്കടി ചാർജുകൂട്ടി ജനങ്ങളെ കൊള്ളയടിക്കാൻ കൂട്ടുകൂടുകയാണ് എല്ലാവരും.
സംസ്ഥാന സർക്കാരിൽ നിക്ഷിപ്തമായിരിക്കുന്ന ദേശസാൽക്കരണ അധികാരം ഉപയോഗിച്ച് 'പ്രതിദിന കിലോമീറ്റർ ഓട്ടം' കൂടുതലുള്ള സർവ്വീസുകൾ കെഎസ്ആർടിസി ക്കും കിലോമീറ്റർ ഓട്ടം കുറഞ്ഞ ഓർഡിനറി ബസുകൾ സ്വകാര്യമേഖലയ്ക്കും നീക്കിവയ്ക്കണം. കൂടിയ ശമ്പളച്ചിലവും പെൻഷൻ ബാധ്യതയും കെഎസ്ആർടിസിയെ നിത്യനഷ്ടത്തിലേക്കു നയിക്കുന്ന ഘടകങ്ങളായതിനാൽ ഇക്കാര്യങ്ങളിൽ തൊഴിലാളികളുമായി ധാരണയുണ്ടാക്കണം. ബസ്തൊഴിലാളി കാര്യക്ഷമത ഉറപ്പാക്കിയേ ഈ പൊതുമേഖലാ സ്ഥാപനത്തിന് ജനങ്ങളെ സേവിക്കാൻ കഴിയൂ. അല്ലെങ്കിൽ സമീപ ഭാവിയിൽ തന്നെ വണ്ടി കട്ടപ്പുറത്താകും.
(തുടരും)
- TODAY
- LAST WEEK
- LAST MONTH
- സീതാമഡി ഗ്രാമത്തിന്റെ സ്വന്തം 'കായംകുളം കൊച്ചുണ്ണി'; ഗ്രാമത്തിലെ 7 ടാറിട്ട റോഡുകൾ ഇർഫാന്റെ വക; മോഷണത്തിന് പിടിക്കപ്പെട്ടാൽ ജാമ്യത്തിലിറങ്ങി വീണ്ടും മോഷണം പതിവുശൈലി; ലക്ഷ്യം വെക്കുന്നത് വിഐപികളെ മാത്രം; ഇർഫാൻ കേരളാ പൊലീസ് വലയിലായത് ഭാര്യയെ എംഎൽഎയാക്കാൻ തയ്യാറെടുക്കവേ
- തൃശൂരിൽ ഗോവിന്ദൻ മാസ്റ്ററുടെ യാത്ര നടക്കുമ്പോൾ പ്രമുഖനായിട്ടുള്ള നേതാവ് ശോഭാ സുരേന്ദ്രനെ കാണാൻ എന്തിനാണ് രാമനിലയത്തിലെ മുറിയിൽ വന്നതെന്ന് നന്ദകുമാർ വെളിപ്പെടുത്തണം; അവസാന ഘട്ടത്തിൽ ശോഭാ സുരേന്ദ്രന്റെ പൊട്ടിത്തെറിയിൽ പുറത്തു വരുന്നത് വമ്പൻ അട്ടിമറി നീക്കം; ദല്ലാൾ ആര് പേര് പറയുമോ?
- കൈവിലങ്ങിട്ടാൽ മതിൽ കയറാനാകില്ലെന്ന് പറഞ്ഞ പ്രതി; മതിൽ കയറിയാൽ ചാടിയോടാനുള്ള സാധ്യത കണ്ടെത്തിയ അന്വേഷകൻ; മതിലിലേക്ക് കയറ്റും മുമ്പ് അവിടെ ഒരുക്കിയൽ 'പൊലീസ് മതിൽ'! ബീഹാറി റോബിൻഹുഡ് എന്തിനും മിടിക്കില്ലെന്ന് തിരിച്ചറിഞ്ഞ ബ്രില്ലിയൻസ്; രാജ്കുമാർ എന്തുകൊണ്ട് 'സേതുരാമയ്യർ' ആയി? ഈ വീഡിയോ കാണം
- തലപ്പാക്കട്ടി മട്ടൻ ബിരിയാണി ശാപ്പിട്ട ശേഷം ആളുകൾ ഉറങ്ങാൻ കാത്തിരുന്നു; ജോഷിയുടെ വീട്ടിൽ മോഷണത്തിന് മുമ്പും ശേഷവും വേഷം മാറി പൊലീസിനെ കബളിപ്പിക്കൽ; നിർണായകമായത് ഒരു സിസി ടിവിയും; 'ബിഹാറി റോബിൻഹുഡിന് ' വേണ്ടി വന്നത് ഒരു സ്ക്രൂഡ്രൈവർ മാത്രവും
- മകളുടെ കൂടെ താമസിക്കാനെത്തിയ ശേഷം കൊച്ചുമകളെ പീഡിപ്പിച്ചു; സംഭവം പുറത്തറിയുന്നത് കുട്ടിയുടെ സ്വഭാവത്തിലെ മാറ്റം കണ്ട് മാതാവ് കൗൺസിലിങ് നൽകിയതോടെ: 72കാരന് ഇരുപത് വർഷം തടവും നാലു ലക്ഷം രൂപ പിഴയും
- രണ്ട് മക്കളുള്ള റോസമ്മയെ ഏറെനാൾ മുമ്പ് ഭർത്താവ് ഉപേക്ഷിച്ചു പോയത്; താമസിച്ചിരുന്നത് സഹോദരന്റെ ബെന്നിക്കൊപ്പം; ദല്ലാൾ മുഖാന്തിരം വിവാഹം ശരിയായത് മുതൽ ബെന്നി ഉടക്കിൽ; മെയ് ഒന്നിന് രണ്ടാം വിവാഹം നടക്കാനിരിക്കേ അരുംകൊല; നടുക്കത്തോടെ പൂങ്കാവ് ഗ്രാമം
- 'പിണറായി വിജയൻ ഉടൻ അറസ്റ്റിലാകും, ദിവസങ്ങൾക്കകം അത് സംഭവിക്കും'; അപ്പോൾ രാഹുൽ ഗാന്ധി പിന്തുണയ്ക്കരുതെന്ന് ഹിമന്ത ബിശ്വ ശർമ്മ; അരവിന്ദ് കെജ്രിവാളിനെതിരെ നടപടി വേണമെന്ന് ആവശ്യപ്പെട്ടത് രാഹുൽ ഗാന്ധിയായിരുന്നു; കെജ്രിവാൾ അറസ്റ്റിലായപ്പോൾ രാഹുൽ ഗാന്ധി നിലപാട് മാറ്റിയെന്നും അസം മുഖ്യമന്ത്രി
- ഇന്ത്യയിൽ നിന്നും യുകെയിലേക്ക് കെയറർ വിസയിൽ തൊഴിലാളികൾ എത്തുന്നതിൽ ആശങ്കയുമായി ലോകാരോഗ്യ സംഘടന; കെയർ ഹോമുകളിൽ ഗുണനിലവാരമില്ലാത്ത സേവനത്തിനു സാധ്യതയെന്ന് ഓക്സ്ഫോർഡ് യൂണിവേഴ്സിറ്റി മുന്നറിയിപ്പും; ഇന്ത്യക്കാർക്ക് വിസ നിഷേധിക്കാൻ മറ്റൊരു കാരണം കൂടി
- എട്ടു സെന്റ് വസ്തു വാങ്ങാമെന്ന് ഉറപ്പ് പറഞ്ഞപ്പോൾ 10ലക്ഷം അഡ്വാൻസായി വാങ്ങി; പൊതിഞ്ഞ് 10ലക്ഷം തന്നപ്പോൾ വേണ്ടെന്ന് പറഞ്ഞു; അക്കൗണ്ടിലേക്ക് നിക്ഷേപിച്ച പണം തിരികെ നൽകാത്തത് വസ്തു വാങ്ങാതെ പറ്റിച്ചതിനാൽ; പിണറായിയ്ക്കൊപ്പം തലപ്പൊക്കമുള്ള നേതാവ് ബിജെപിയിൽ ചേരാനെത്തി; ആഞ്ഞടിച്ച് ശോഭാ സുരേന്ദ്രൻ
- കോൺഗ്രസ് സ്ഥാനാർത്ഥി മുങ്ങി; എട്ട് സ്ഥാനാർത്ഥികളെ കൊണ്ട് പത്രിക പിൻവലിപ്പിച്ച് ബിജെപിയുടെ കളി; കോൺഗ്രസിനെ വഞ്ചിച്ച നിലേഷ് കുംഭാണി ബിജെപിയിൽ ചേർന്നേക്കും; സൂററ്റിൽ ഓപ്പറേഷൻ താമര വിജയിച്ചതോടെ തിരഞ്ഞെടുപ്പ് റദ്ദാക്കണമെന്ന് ആവശ്യപ്പെട്ട് കോൺഗ്രസ്
- ഇറാനിൽ ഇസ്രയേലിന്റെ വ്യോമാക്രമണം ഇന്ത്യൻ വിപണിക്ക് ആശങ്കയാകുന്നു; കുതിച്ചുയർന്ന് ക്രൂഡോയിൽ വില; ബാരലിന് 90 ഡോളറിലെത്തി; ഇപ്പോഴത്തെ നിലയിൽ വില 100 ഡോളർ വരെ ഉയർന്നേക്കുമെന്ന് ആശങ്ക; ഇറാൻ-ഇസ്രയേൽ പോര് പശ്ചിമേഷ്യയിലെ സ്ഥിതിഗതികൾ കൂടുതൽ ആശങ്കപ്പെടുത്തുന്നു
- ത്രികോണ പോരിന് ഒടുവിൽ സുരേഷ് ഗോപി തൃശ്ശൂർ എടുക്കുമോ? പാലക്കാടൻ കാറ്റ് മാറി വീശുമോ? ആലത്തൂരിൽ രമ്യ പാട്ടുംപാടി വിജയിക്കുമോ? മലപ്പുറത്തും പൊന്നാനിയിലും ലീഗ് കോട്ടകളിൽ നേരിയ വിള്ളലെങ്കിലും വീഴുമോ? നെഞ്ചിടിപ്പേറുന്ന മണ്ഡലങ്ങളിലൂടെ മറുനാടൻ സർവേയുടെ രണ്ടാം ഘട്ടം ഫലം
- സുഹൃത്തും തന്റെ ഭാര്യയുമായി അവിഹിത ബന്ധം; പകരം സുഹൃത്തിന്റെ ഭാര്യയോട് കിടപ്പറ പങ്കിടാൻ ആവശ്യപ്പെട്ടു; പൊലീസ് കേസും വഴക്കുമായപ്പോൾ ആത്മഹത്യ ചെയ്യാൻ തീരുമാനിച്ച ദമ്പതികളിൽ ഭാര്യ മരിച്ചു; പ്രേരണാക്കുറ്റത്തിന് ഭർത്താവ് അറസ്റ്റിൽ: വെച്ചൂച്ചിറയിൽ നിന്ന് ഞെട്ടിക്കുന്ന കഥ
- പൂരം നാളുകളിൽ വൻകിട ഹോട്ടലുകളിൽ പൊലീസ് സൗജന്യമായി മുറിയെടുത്തു; ഉന്നത ഉദ്യോഗസ്ഥരുടെ പേരുപറഞ്ഞ് ഓരോ ഹോട്ടലിലും രണ്ടും മൂന്നും മുറികൾ സൗജന്യമായി വാങ്ങി; പൂരത്തെ അറിയാവുന്ന ഉദ്യോഗസ്ഥരെ ഡ്യൂട്ടിയിലിൽ നിന്നും മാറ്റി; കമ്മീഷണറുടെ നിലപാടുകൾ സേനയ്ക്ക് കളങ്കമായി; തൃശൂർ പൂരത്തിൽ ഇന്റലിജൻസ് കണ്ടെത്തൽ ഇങ്ങനെ
- അനന്തപുരിയിൽ തരൂർ വീഴുമോ? ആറ്റിങ്ങലിൽ അടൂർ പ്രകാശിന് അടിതെറ്റുമോ? കൊല്ലത്ത് മുകേഷോ, പ്രേമചന്ദ്രനോ? പത്തനംതിട്ട ആർക്ക്? അനിൽ ആന്റണി വോട്ടുയർത്തുമോ; മാവേലിക്കരയിൽ അട്ടിമറിയോ? കേരളം ആർക്കൊപ്പം; 20 മണ്ഡലങ്ങളിലെയും മറുനാടൻ സർവേ ഫലം അറിയാം
- സ്കൂളിൽ പ്രാർത്ഥന വിലക്കിയ നടപടി ശരിവെച്ച് ബ്രിട്ടീഷ് കോടതി; വളരെ മികച്ചതെന്ന റേറ്റിങ് ലഭിച്ച സ്കൂളിനെതിരെ കോടതിയെ സമീപിച്ചത് മുസ്ലിം വിദ്യാർത്ഥിനി; എല്ലാ വിഭാഗങ്ങളെയും ഉൾക്കൊള്ളുന്ന സ്കൂൾ നയത്തിന്റെ വിജയമെന്ന് സ്കൂൾ അധികൃതർ
- ആലപ്പുഴയിലെ 'കനൽത്തരി' അണയുമോ? ചാലക്കുടിയിൽ ട്വന്റി ട്വന്റി വോട്ടുകൾ ആർക്ക് ഭീഷണിയാകും? എറണാകുളത്തും ഇടുക്കിയിലും യുഡിഎഫ് തന്നെയോ? കോട്ടയത്ത് വിജയിക്കുക ഏത് കേരളാ കോൺഗ്രസ്? മറുനാടൻ സർവേ മൂന്നാംഘട്ട ഫലം അറിയാം..
- മുഖ്യമന്ത്രിക്ക് ഇരിക്കാൻ സ്ഥാപിച്ച അരലക്ഷം വിലയുള്ള കറങ്ങുന്ന കസേരയുള്ള സീറ്റ് ഇളക്കിമാറ്റി; വി.വി.ഐ.പി. പരിവേഷത്തിൽ കേരളം കറങ്ങിയ നവകേരള ബസ് ഇപ്പോൾ ആർക്കും വേണ്ടാതെ വെറുതേ കിടക്കുന്നു; ഗതാഗത മന്ത്രി മാറിയതോടെ താൽപ്പര്യം കുറഞ്ഞു; ടൂറിസം ആവശ്യത്തിനും വിട്ടുനൽകാതെ 1.15 കോടി രൂപ മുടക്കി വാങ്ങിയ ബസ്
- ഇസ്രയേൽ ഇറാന് ശക്തമായ തിരിച്ചടി നൽകിയത് ഒരീച്ച പോലും അറിയാതെ; മിസൈലുകളും ഡ്രോണുകളും റഷ്യൻ നിർമ്മിത എസ്-300 സംവിധാനത്തെ തകർത്തു; ആക്രമണം ഇറാൻ വ്യോമ പ്രതിരോധ സംവിധാനത്തെ പൂർണമായി കബളിപ്പിച്ചുകൊണ്ട്; ആക്രമണം നടന്നയിടത്ത് പൊടി പൊലുമില്ല കണ്ടുപിടിക്കാൻ
- സ്വന്തം വിവാഹത്തിന് അടിച്ചു പിമ്പിരിയായി എത്തി വരൻ; കാൽ നിലത്ത് ഉറയ്ക്കാത്ത വരെ കാറിൽ നിന്നും ഇറക്കിയത് ബന്ധുക്കൾ; വിവാഹം നടത്താനെത്തിയ വൈദികനോടും മോശം പെരുമാറ്റം; പൊലീസിനോടും തട്ടിക്കയറി വിദേശത്തു നിന്നെത്തിയ വരൻ: കല്ല്യാണത്തിൽ നിന്നും പിന്മാറി വധു
- ഒരു ജൂനിയർ പറയാൻ പാടില്ലാത്ത കഥകളാണ് ശ്രീനിയുടെ മകൻ പറഞ്ഞതെന്ന് മുകേഷ്; എന്നാൽ അത് ധ്യാൻ തന്നെയാകുമെന്ന് ആരാധകർ
- ആടുജീവിതം ഇസ്ലാമോഫോബിയ പരത്തുന്ന ചിത്രമോ? നോവലിന്റെ അറബിപതിപ്പ് യുഎഇയിലും സൗദിയിലും നിരോധിച്ചത് 2014ൽ; ഇപ്പോൾ സിനിമക്കും യുഎഇ ഒഴികെയുള്ള ഗൾഫ് രാജ്യങ്ങളിൽ പ്രദർശനാനുമതിയില്ല; കേരളത്തിലെ യുക്തിവാദികൾക്കിടയിലും ചർച്ച; ആടുജീവിതം വിവാദമാവുമ്പോൾ
- അനുജയുമൊന്നിച്ച് കാർ തടിലോറിയിലേക്ക് ഇടിച്ചു കയറ്റി ഹാഷിം ജീവനൊടുക്കിയെന്ന് സഹ അദ്ധ്യാപകരുടെയും ബന്ധുക്കളുടെയും മൊഴി; അടൂരിനെ നടുക്കിയ അപകടം; സ്കൂൾ അദ്ധ്യാപികയെയും കൂട്ടി സ്വകാര്യ ബസ് ഡ്രൈവർ ആത്മഹത്യ ചെയ്തതെന്ന് സൂചന; സ്വിഫ്ട് ഡിസയർ കാർ ഓടിച്ചു കയറ്റിയത് കണ്ടെയ്നർ ലോറിയിലേക്ക്: സംഭവം കെപി റോഡിൽ പട്ടാഴമുക്കിൽ
- കള്ളി എന്നതാണ് ഇപ്പോഴത്തെ മേൽവിലാസം.. കള്ളിയുടെ അച്ഛൻ എന്ന മേൽവിലാസവും കൊണ്ട് ആണ് 2 മാസം മുമ്പ് അച്ഛൻ മരിച്ചുപോയത്; കൂടെ ഉണ്ടായിരുന്നവരൊന്നും കൂട്ടുന്നില്ല; ഉറങ്ങിയിട്ട് വർഷം ഒന്നാകാറായി; വിദ്യ വിജയന്റെ കുറിപ്പ്
- റഷ്യയിലെ ഭീകരാക്രമണത്തിൽ പിടികൂടിയ ഐസിസ് ഭീകരർ നേരിടാൻ പോകുന്നത് റഷ്യൻ പൊലീസിന്റെ സമാനതകളില്ലാത്ത മർദ്ദനമുറകൾ; ചെവിമുറിച്ച് സ്വയം ഭക്ഷിക്കുവാൻ കൊടുത്തതിന് പുറമെ വൈദ്യുതാഘാതവും വസ്ത്രമൂരി അടിയും; മരിച്ചാൽ ബന്ധുക്കൾക്ക് ശരീരം വിട്ടു നൽകുന്നത് ആന്തരികാവയവങ്ങൾ നീക്കിയ ശേഷം
- വൈകീട്ട് തിരക്കില്ലാതിരുന്നിട്ടും നിർത്താതെ പോയ കോട്ടയം ബസിന്റെ ഡ്രൈവർ ആരെന്നറിയാൻ യാത്രക്കാരൻ ഡിപ്പോയിലേക്കു വിളിച്ചു; ഇതോടെ വാളകത്തിന്റെ പ്രസക്തി ഡ്രൈവർക്ക് മനസ്സിലായി; ജോലി പോകാതിരിക്കാൻ ഇമ്പൊസിഷനും എഴുതി; ആനവണ്ടിക്ക് യജമാനൻ യാത്രക്കാരനാകുമ്പോൾ!
- പിറന്നാളിന് വാങ്ങിയത് ഓൺലൈനിൽ ഓർഡൽ ചെയ്ത കേക്ക്; ഭക്ഷ്യവിഷബാധയേറ്റ് പത്തു വയസ്സുകാരിക്ക് ദാരുണാന്ത്യം: പിറന്നാൾ പിറ്റേന്ന് ദാരുണമായി മരിച്ചത് പത്തു വയസ്സുകാരി മൻവി
- സിനിമയുടെയും ആത്മാവായ ആ സീൻ സെൻസർ ബോർഡ് വെട്ടിമാറ്റിയെന്ന് ബെന്യാമിൻ; ഷൂട്ട് ചെയ്തിട്ടില്ലെന്ന് ബ്ലെസി; അങ്ങനെ ഒന്ന് ഉണ്ടായിട്ടില്ലെന്നും എഴുത്തുകാരൻ ചേർത്തതാണെന്നും നജീബ്; ആടുമായി നജീബ് ലൈംഗിക ബന്ധത്തിൽ ഏർപ്പെടുന്ന രംഗത്തിന് എന്താണ് സംഭവിച്ചത്?
- ഇറാനിൽ ഇസ്രയേലിന്റെ വ്യോമാക്രമണം ഇന്ത്യൻ വിപണിക്ക് ആശങ്കയാകുന്നു; കുതിച്ചുയർന്ന് ക്രൂഡോയിൽ വില; ബാരലിന് 90 ഡോളറിലെത്തി; ഇപ്പോഴത്തെ നിലയിൽ വില 100 ഡോളർ വരെ ഉയർന്നേക്കുമെന്ന് ആശങ്ക; ഇറാൻ-ഇസ്രയേൽ പോര് പശ്ചിമേഷ്യയിലെ സ്ഥിതിഗതികൾ കൂടുതൽ ആശങ്കപ്പെടുത്തുന്നു
- കാസർകോട് ഇടതുമുന്നണി തിരിച്ചുപിടിക്കുമോ? കണ്ണൂരിൽ സുധാകരൻ വീഴുമോ? വടകരയിൽ ഷാഫിയോ ശൈലജയോ? കോഴിക്കോട് രാഘവേട്ടനോ, കരീംക്കയോ? രാഹുൽഗാന്ധി മാജിക്ക് ആവർത്തിക്കുമോ? എൻഡിഎ വോട്ട് ഉയർത്തുമോ? മറുനാടൻ മലയാളി ഇലക്ഷൻ സർവേയുടെ ആദ്യഘട്ട ഫലം അറിയാം
Readers Comments+
മലയാളത്തിൽ ടൈപ്പ് ചെയ്യാൻ ഇവിടെ ക്ലിക്ക് ചെയ്യുകകമന്റ് ബോക്സില് വരുന്ന അഭിപ്രായങ്ങള് മറുനാടന് മലയാളിയുടേത് അല്ല. മാന്യമായ ഭാഷയില് വിയോജിക്കാനും തെറ്റുകള് ചൂണ്ടി കാട്ടാനും അനുവദിക്കുമ്പോഴും മറുനാടനെ മനഃപൂര്വ്വം അധിക്ഷേപിക്കാന് ശ്രമിക്കുന്നവരെയും അശ്ലീലം ഉപയോഗിക്കുന്നവരെയും മറ്റു മലയാളം ഓണ്ലൈന് ലിങ്കുകള് പോസ്റ്റ് ചെയ്യുന്നവരെയും മതവൈരം തീര്ക്കുന്നവരെയും മുന്നറിയിപ്പ് ഇല്ലാതെ ബ്ലോക്ക് ചെയ്യുന്നതാണ് - എഡിറ്റര്