ജപ്പാനിൽ നിന്ന് യു എസ് പൗരന്മാരെ വഹിച്ചുകൊണ്ടുള്ള ആദ്യത്തെ വിമാനം അമേരിക്കയിലെത്തി...

ജപ്പാനിൽ നിന്ന് യു എസ് പൗരന്മാരെ വഹിച്ചുകൊണ്ടുള്ള ആദ്യത്തെ വിമാനം അമേരിക്കയിലെത്തി

February 18, 202004:08 PM IST Permalink

മൊയ്തീൻ പുത്തൻചിറ

കാലിഫോർണിയ: കൊറോണ വൈറസ് ബാധയെത്തുടർന്ന് ജപ്പാനിൽ നങ്കൂരമിട്ടിരുന്ന ഡയമണ്ട് പ്രിൻസസ് ക്രൂയിസ് കപ്പലിൽ നിന്ന് അമേരിക്കൻ പൗരന്മാരെ കയറ്റിയ ആദ്യത്തെ വിമാനം ഞായറാഴ്ച വൈകീട്ട് കാലിഫോർണിയയിലെ ട്രാവിസ് എയർഫോഴ്‌സ് ബേസിൽ എത്തി.

ചാർട്ടർ ഫ്‌ളൈറ്റ് സാൻ ഫ്രാൻസിസ്‌കോയിൽ നിന്ന് 40 മൈൽ (70 കിലോമീറ്റർ) വടക്കുകിഴക്കുള്ള എയർഫോഴ്‌സ് ബേസിൽ രാത്രി 11:29 ന് (0729 ജിഎംടി തിങ്കളാഴ്ച) ലാന്റ് ചെയ്തു. യാത്രക്കാരെ മുഴുവൻ 14 ദിവസത്തേക്ക് നിരീക്ഷണത്തിനായി മാറ്റി പാർപ്പിക്കുമെന്ന് അധികൃതർ അറിയിച്ചു.

ഡയമണ്ട് പ്രിൻസസ് ക്രൂയിസ് കപ്പലിൽ നിന്ന് ഒഴിപ്പിച്ച 300 ലധികം യുഎസ് പൗരന്മാരെയും കുടുംബാംഗങ്ങളെയും ഉൾക്കൊള്ളുന്ന രണ്ടാമത്തെ വിമാനം താമസിയാതെ ടെക്‌സസിലെ സാൻ അന്റോണിയോയിലെ മറ്റൊരു വിമാനത്താവളത്തിലേക്കാണ് കൊണ്ടുപോകുക. അവരേയും 14 ദിവസം നിരീക്ഷണത്തിലിടും.

ജപ്പാനിൽ നിന്ന് പുറപ്പെടുന്നതിന് തൊട്ടുമുമ്പ് പതിനാല് യാത്രക്കാർക്ക് കൊറോണ വൈറസ് പോസിറ്റീവ് കണ്ടെത്തി. അവരെ വിമാനത്തിനകത്ത് ഒറ്റപ്പെട്ട ഭാഗത്ത് ഒറ്റപ്പെട്ട ഭാഗത്ത് സൗകര്യം ചെയ്തുകൊടുത്താണ് തിരികെ കൊണ്ടുവന്നതെന്ന് സ്റ്റേറ്റ് ഡിപ്പാർട്ട്‌മെന്റ് അറിയിച്ചു.

ലോകാരോഗ്യ സംഘടനയുടെ കണക്കനുസരിച്ച് ചൈനയിലെ പ്രധാന കൊറോണ വൈറസ് കേസുകളുടെ എണ്ണം വർദ്ധിച്ച് 70,635 ആയി. ഞായറാഴ്ച റിപ്പോർട്ട് ചെയ്തതിനേക്കാൾ അല്പം കൂടുതൽ പുതിയ കേസുകളാണിത്, പക്ഷേ ശനിയാഴ്ച റിപ്പോർട്ട് ചെയ്തതിനേക്കാൾ നൂറുകണക്കിന് കുറവും. ഇത് രോഗം പടരുന്നത് തടയാൻ സ്വീകരിച്ച നടപടികൾ ഫലപ്രദമാകുന്നതിന്റെ സൂചനയാണെന്നാണ് ചൈനീസ് അധികൃതർ പറയുന്നത്.

എന്നിരുന്നാലും, വൈറസ് ആദ്യമായി പ്രത്യക്ഷപ്പെട്ട ചൈനയിലും മധ്യ ഹുബെ പ്രവിശ്യയിലും എത്രത്തോളം പൊട്ടിപ്പുറപ്പെടുന്നുണ്ടെന്ന് പറയാറായിട്ടില്ലെന്ന് എപ്പിഡെമിയോളജിസ്റ്റുകൾ പറയുന്നു. പുതിയ കേസുകളുടെ ഔദ്യോഗിക കണക്കുകൾ പൂർണ്ണമായും അറിവായിട്ടില്ല.

ചൈനയ്ക്ക് പുറത്തുള്ള വൈറസ് ബാധിതരിൽ പകുതിയോളം പേരും ഡയമണ്ട് പ്രിൻസസ് ക്രൂയിസ് കപ്പലിലായിരുന്നു. ഫെബ്രുവരി മൂന്നിനാണ് ജപ്പാനിലെ യോകോഹാമ തുറമുഖത്ത് കപ്പലിൽ നങ്കൂരമിടാൻ ആവശ്യപ്പെട്ടത്.

മറ്റ് പല രാജ്യങ്ങളും യാത്രക്കാരെ നാട്ടിലേക്ക് കൊണ്ടുവരുന്നതിൽ അമേരിക്കയെ പിന്തുടരാനുള്ള പദ്ധതികൾ പ്രഖ്യാപിച്ചിട്ടുണ്ട്. 3,700 യാത്രക്കാരിലും ജോലിക്കാരിലും പകുതിയോളം പേരും ജാപ്പനീസ് വംശജരാണ്.

സ്വമേധയാ മടക്കിക്കൊണ്ടുപോകാനുള്ള വിമാനങ്ങളിൽ കയറാൻ വിസമ്മതിച്ചതിനെ തുടർന്ന് അമേരിക്കൻ യാത്രക്കാരനായ മാത്യു സ്മിത്തും ഭാര്യയും കപ്പലിൽ തന്നെ കഴിയുകയാണ്.

Stories you may Like

Readers Comments+

മലയാളത്തിൽ ടൈപ്പ്‌ ചെയ്യാൻ ഇവിടെ ക്ലിക്ക്‍ ചെയ്യുക

കമന്റ് ബോക്‌സില്‍ വരുന്ന അഭിപ്രായങ്ങള്‍ മറുനാടന്‍ മലയാളിയുടേത് അല്ല. മാന്യമായ ഭാഷയില്‍ വിയോജിക്കാനും തെറ്റുകള്‍ ചൂണ്ടി കാട്ടാനും അനുവദിക്കുമ്പോഴും മറുനാടനെ മനഃപൂര്‍വ്വം അധിക്ഷേപിക്കാന്‍ ശ്രമിക്കുന്നവരെയും അശ്ലീലം ഉപയോഗിക്കുന്നവരെയും മറ്റു മലയാളം ഓണ്‍ലൈന്‍ ലിങ്കുകള്‍ പോസ്റ്റ് ചെയ്യുന്നവരെയും മതവൈരം തീര്‍ക്കുന്നവരെയും മുന്നറിയിപ്പ് ഇല്ലാതെ ബ്ലോക്ക് ചെയ്യുന്നതാണ് - എഡിറ്റര്‍

Forex Rate: