Forex Rate:

1 usd = 76.25 inr 1 gbp = 94.16 inr 1 eur = 85.23 inr 1 aed = 20.76 inr 1 sar = 20.32 inr 1 kwd = 247.66 inr
Apr / 202426Friday
ഹോം യുഎസ്എ വാർത്തകൾ

മുത്തശ്ശനും മുത്തശ്ശിക്കും ഒപ്പം ചെറുവിമാനത്തിൽ യാത്ര ചെയ്യവേ വിമാനം തകർന്നു വീണു; 16കാരിക്ക് അത്ഭുതകരമായ രക്ഷപ്പെടൽ

July 15, 201505:25 PM IST Permalink
മുത്തശ്ശനും മുത്തശ്ശിക്കും ഒപ്പം ചെറുവിമാനത്തിൽ യാത്ര ചെയ്യവേ വിമാനം തകർന്നു വീണു; 16കാരിക്ക് അത്ഭുതകരമായ രക്ഷപ്പെടൽ

 വാഷിങ്ടൺ: മുത്തശ്ശനും മുത്തശ്ശിക്കും ഒപ്പം ചെറുവിമാനത്തിൽ യാത്ര ചെയ്യവേ വിമാനം തകർന്നുവെങ്കിലും 16കാരി അത്ഭുതകരമായി രക്ഷപ്പെട്ടു. അപകടത്തിനു ശേഷം ഒരു ദിവസം തനിയെ നടന്ന് രക്ഷാമാർഗത്തിലെത്തിയ പെൺകുട്ടി സുഖം പ്രാപിച്ചുവരുന്നു.

വളർത്തു മുത്തശ്ശനും മുത്തശ്ശിക്കുമൊപ്പം ബീച്ച് എ-35 എന്ന ചെറുവിമാനത്തിൽ സഞ്ചരിക്കവേയാണ് ഓട്ടം വച്ച് എന്ന പെൺകുട്ടി വിമാനാപകടത്തിൽ പെടുന്നത്. എന്നാൽ അപകടത്തിൽ നിന്ന് അത്ഭുതകരമായി ഓട്ടം ജീവിതത്തിലേക്ക് മടങ്ങിവരികയായിരുന്നു.
മൊണ്ടാനയിലെ കാലിസ്‌പെല്ലിൽ നിന്ന് ശനിയാഴ്ച മൂവരും വാഷിങ്ടണിലെ ലിൻഡനിലേക്കാണ് യാത്ര പുറപ്പെട്ടത്. എന്നാൽ വാഷിങ്ടണിലെ നോർത്ത് കാസ്‌കേഡ്‌സ് നാഷണൽ പാർക്കിൽ വിമാനം തകർന്നു വീഴുകയായിരുന്നു.

വിമാനം ലിൻഡനിൽ എത്താതെ വന്നതിനെ തുടർന്ന് ബന്ധുക്കൾ വ്യോമയാന അധികൃതരെ വിവരം അറിയിക്കുകയായിരുന്നു. അപകട സ്ഥലത്ത് ഒരു ദിവസം കഴിഞ്ഞ ശേഷം അടുത്തുള്ള പുഴയുടെ തീരത്തുള്ള ഒറ്റയടിപ്പാതയിലൂടെ നടന്ന് ഓട്ടം റോഡിലെത്തുകയായിരുന്നു. അതുവഴി വന്ന ഒരു മോട്ടോർ സൈക്കിൾ യാത്രക്കാരനാണ് പെൺകുട്ടിയെ മാസ്മ പട്ടണത്തിലുള്ള ആശുപത്രിയിലാക്കിയത്. ഇവിടെ പ്രാഥമിക ശുശ്രൂഷ നൽകിയ ശേഷം ബ്രൂവ്സ്റ്റർ നഗരത്തിലെ ആശുപത്രിയിലേക്ക് പെൺകുട്ടിയെ മാറ്റുകയായിരുന്നു. ഗുരുതരമായ പ്രശ്‌നങ്ങളൊന്നും ഇല്ലെന്നും ഏതാനും ദിവസങ്ങൾക്കുള്ളിൽ ഓട്ടം പൂർണമായി സുഖം പ്രാപിക്കുമെന്നും ആശുപത്രി അധികൃതർ വെളിപ്പെടുത്തി.

അതേസമയം അപകടത്തിൽ മുത്തശ്ശനും മുത്തശ്ശിക്കും എന്തുസംഭവിച്ചുവെന്ന് അന്വേഷിച്ചുകൊണ്ടിരിക്കുകയാണ്. തകർന്ന വിമാനത്തിന്റെ അവശിഷ്ടങ്ങളും ഇതുവരെ കണ്ടെത്തിയിട്ടില്ല. അതേസമയം പെൺകുട്ടി രക്ഷപ്പെട്ടത് അത്ഭുതമായേ വിശേഷിപ്പിക്കാൻ സാധിക്കുകയുള്ളൂവെന്ന് സിവിൽ എയർ പട്രോൾ വിഭാഗത്തിലെ കേൺ ജെഫ്രി ലുസ്റ്റിക് വെളിപ്പെടുത്തി.

Readers Comments+

മലയാളത്തിൽ ടൈപ്പ്‌ ചെയ്യാൻ ഇവിടെ ക്ലിക്ക്‍ ചെയ്യുക

കമന്റ് ബോക്‌സില്‍ വരുന്ന അഭിപ്രായങ്ങള്‍ മറുനാടന്‍ മലയാളിയുടേത് അല്ല. മാന്യമായ ഭാഷയില്‍ വിയോജിക്കാനും തെറ്റുകള്‍ ചൂണ്ടി കാട്ടാനും അനുവദിക്കുമ്പോഴും മറുനാടനെ മനഃപൂര്‍വ്വം അധിക്ഷേപിക്കാന്‍ ശ്രമിക്കുന്നവരെയും അശ്ലീലം ഉപയോഗിക്കുന്നവരെയും മറ്റു മലയാളം ഓണ്‍ലൈന്‍ ലിങ്കുകള്‍ പോസ്റ്റ് ചെയ്യുന്നവരെയും മതവൈരം തീര്‍ക്കുന്നവരെയും മുന്നറിയിപ്പ് ഇല്ലാതെ ബ്ലോക്ക് ചെയ്യുന്നതാണ് - എഡിറ്റര്‍

More News in this category+

MNM Recommends +

  • TODAY
  • LAST WEEK
  • LAST MONTH

www.marunadanmalayalee.com © Copyright 2024. All rights reserved.

Go to TOP