• ഹോം
• യുഎസ്എ
• സ്പിരിച്വൽ

ഷിക്കാഗോ: കേരളത്തിലെ ക്രൈസ്തവ സഭാ സ്വത്തുക്കളുടേയും, സ്ഥാപനങ്ങളുടേയും ഭരണം സഭാധികാരികളുടെ കൈയിൽ നിന്നെടുത്ത് സർക്കാരിന്റെ നിയന്ത്രണത്തിലാക്കുകയെന്നത ഗൂഢലക്ഷ്യത്തോടെ കേരള നിയമ പരിഷ്‌കരണ കമ്മീഷൻ പുറപ്പെടുവിച്ച കരട് ബില്ലിനെതിരേ എസ്.എം.സി.സി ഷിക്കാഗോ ചാപ്റ്റർ അതിയായ ആശങ്കയും ശക്തമായ പ്രതിഷേധവും രേഖപ്പെടുത്തി.

ഭരണഘടന ഉറപ്പു നൽകുന്ന മൗലീക അവകാശങ്ങളെ നിഷേധിക്കുന്നതും മതനിരപേക്ഷതയ്ക്കു നിരക്കാത്തതുമായ നിയമ നിർമ്മാണത്തിൽ നിന്നും കേരള നിയമ പരിഷ്‌കാര കമ്മീഷൻ പിന്മാറണമെന്നും എസ്.എം.സി.സി നേതൃത്വം ആവശ്യപ്പെട്ടു.

ആന്റോ കവലയ്ക്കലിന്റെ അധ്യക്ഷതയിൽ ചേർന്ന യോഗത്തിൽ ഷിബു അഗസ്റ്റിൻ, സണ്ണി വള്ളിക്കളം, കുര്യാക്കോസ് ചാക്കോ, മേഴ്സി കുര്യാക്കോസ്, ഷാജി കൈലാത്ത്, ബിജി കൊല്ലാപുരം, സജി വർഗീസ്, ടോം വെട്ടികാട്ട്, ജോസഫ് നാഴിയംപാറ, ഷിജി ചിറയിൽ, ജാസ്മിൻ ഇമ്മാനുവേൽ എന്നിവർ യോഗത്തിൽ സംസാരിച്ചു.