1 usd = 70.71 inr 1 gbp = 91.12 inr 1 eur = 80.07 inr 1 aed = 19.25 inr 1 sar = 18.85 inr 1 kwd = 232.62 inr

Jul / 2019
21
Sunday

കർണാടകയിൽ യഥാർത്ഥത്തിൽ തോറ്റത് അമിത്ഷായും മോദിയും; എങ്ങും കാവിക്കൊടി പാറിയാലും 2019ൽ 198ന് അപ്പുറം പോവാൻ ബിജെപിക്ക് കഴിഞ്ഞേക്കില്ല; ചിത്രം മാറണമെങ്കിൽ അയോധ്യയോ യൂണിഫോം സിവിൽകോഡോ രജനീകാന്തോ വിചാരിക്കണം - അടുത്ത പൊതു തിരഞ്ഞെടുപ്പിനെ യാഥാർത്ഥ്യ ബോധത്തോടെ വിലയിരുത്തുമ്പോൾ - ഇൻസ്റ്റന്റ് റെസ്‌പോൺസ്

May 16, 2018 | 04:57 PM IST | Permalink



കർണാടകയിൽ യഥാർത്ഥത്തിൽ തോറ്റത് അമിത്ഷായും മോദിയും; എങ്ങും കാവിക്കൊടി പാറിയാലും 2019ൽ 198ന് അപ്പുറം പോവാൻ ബിജെപിക്ക് കഴിഞ്ഞേക്കില്ല; ചിത്രം മാറണമെങ്കിൽ അയോധ്യയോ യൂണിഫോം സിവിൽകോഡോ രജനീകാന്തോ വിചാരിക്കണം - അടുത്ത പൊതു തിരഞ്ഞെടുപ്പിനെ യാഥാർത്ഥ്യ ബോധത്തോടെ വിലയിരുത്തുമ്പോൾ - ഇൻസ്റ്റന്റ് റെസ്‌പോൺസ്

മറുനാടൻ മലയാളി ഡസ്‌ക്‌

2014ൽ കേന്ദ്രത്തിൽ നരേന്ദ്ര മോദി സർക്കാർ അധികാരത്തിൽ എത്തിയത് മറ്റെല്ലാ രാഷ്ട്രീയ കക്ഷികളേയും നിഷ്പ്രഭരാക്കി ഒറ്റയ്ക്കുതന്നെ ലോക്‌സഭയിൽ അമ്പതു ശതമാനത്തിലേറെ സീറ്റുകൾ  നേടിയാണ്. ശിവസേനയും ആന്ധ്രയിൽ തെലുഗുദേശവും പഞ്ചാബിൽ ശിരോമണി അകാലിദളും ബീഹാറിലും മണിപ്പൂരിലും ലോക് ജനശക്തിയും ഉൾപ്പെടെ വലുതും ചെറുതുമായ നിരവധി പ്രാദേശിക പാർട്ടികളുടെ പിന്തുണ നരേന്ദ്ര മോദിക്ക് കേന്ദ്രത്തിൽ സുശക്തമായി അധികാരത്തിലേറാൻ ഉണ്ടായിരുന്നു. എന്നാൽ അവരുടെയൊന്നും പിന്തുണയില്ലെങ്കിലും ബിജെപിക്ക് തനിച്ച് ഭൂരിപക്ഷം കിട്ടിയത് തന്നെയാണ് നിലവിലെ മോദി സർക്കാരിനെ ഇത്രയും കാലം ശക്തമായ തീരുമാനങ്ങളെടുത്ത് ഭരിക്കാൻ പ്രാപ്തമാക്കിയതും.

എത്രയൊക്കെ എതിർപ്പുകൾ ഉയർന്നിട്ടും പലകാര്യങ്ങളിലും ബിജെപിയും ആർഎസ്എസും നിശ്ചയിച്ച രീതിയിൽ തന്നെ ഭരണം മുന്നോട്ടുപോയി. അധികാരത്തിലേറുമ്പോൾ കോൺഗ്രസിന്റെ കൈവശമുൾപ്പെടെ ഭരണമുണ്ടായിരുന്ന മിക്ക സംസ്ഥാനങ്ങളിലും പിന്നീട് നടന്ന തിരഞ്ഞെടുപ്പുകളിൽ ബിജെപിതന്നെ വിജയക്കൊടി പാറിച്ചു. വടക്കുകിഴക്കൻ സംസ്ഥാനങ്ങളിൽ കോൺഗ്രസിനെ നിഷ്പ്രഭമാക്കിയപ്പോൾ ത്രിപുരയിൽ സിപിഎമ്മിന്റെ അടിത്തറയിളക്കിയാണ് ബിജെപി അസംബ്‌ളിയിൽ അധികാരം പിടിച്ചത്.

നിലവിൽ അധികാരത്തിലിരുന്ന ഗുജറാത്ത് ഉൾപ്പെടെയുള്ള സംസ്ഥാനങ്ങളിൽ അധികാരം നിലനിർത്തിയപ്പോൾ കൈവശം ഇല്ലാതിരുന്ന മറ്റ് സംസ്ഥാനങ്ങളിലും ജയിച്ചുകയറിയാണ് അമിത്ഷാ-മോദി തന്ത്രം ഇന്ത്യയിലുടനീളം ജൈത്രയാത്ര നടത്തിയത്. ശക്തമായി ഉയിർത്തെഴുന്നേൽക്കാൻ ആകാത്തവിധം കോൺഗ്രസ് നേതൃത്വം പതറിനിൽക്കുന്ന കാഴ്ചയായിരുന്നു ഓരോ തിരഞ്ഞെടുപ്പുകളിലും. ഈ അശ്വമേധത്തിനിടെ ആകെ ജയിച്ചുകയറാൻ കോൺഗ്രസിന് കഴിഞ്ഞത് പഞ്ചാബിലാണ്. അവിടെയാകട്ടെ രാഹുലിന്റെയോ സോണിയയുടേയോ ആധിപത്യം അംഗീകരിക്കാൻ തയ്യാറല്ലാത്ത സംസ്ഥാന കോൺഗ്രസ് നേതാവ് ക്യാപ്റ്റൻ അമരീന്ദർ സിംഗിന്റെ നിശ്ചയദാർഢ്യവും തന്ത്രങ്ങളുമാണ് ബിജെപിക്ക് വിലങ്ങുതടിയായത്.

കേന്ദ്രത്തിൽ ഭരണത്തിലുള്ള കക്ഷി എല്ലാ ശക്തിയും പ്രയോഗിച്ച് തിരഞ്ഞെടുപ്പുകളിൽ അടക്കിവാഴുകയും ഓരോ സംസ്ഥാനത്തേയും കാവിപുതപ്പിക്കുകയും ചെയ്യുന്ന കാഴ്ചയാണ് ഏറ്റവുമൊടുവിൽ കർണാടകത്തിൽ വരെ കാണുന്നത്. അധികാരം ബിജെപിക്ക് ലഭിക്കുമോ എന്ന് ഉറപ്പില്ലെങ്കിലും ഏറ്റവുംവലിയ ഒറ്റക്കക്ഷിയായി ബിജെപി 104 സീറ്റുമായി മുന്നിലെത്തിയിരിക്കുകയാണ് കർണാടക അസംബ്‌ളി തിരഞ്ഞെടുപ്പിൽ.

ഇതോടെ അടുത്ത വർഷം നടക്കാനിരിക്കുന്ന ലോക്‌സഭാ തിരഞ്ഞെടുപ്പിൽ മോദിയും ബിജെപിയും തന്നെ വീണ്ടും അധികാരത്തിലെത്തുമെന്ന തരത്തിൽ ചർച്ചകളും സജീവമാണ്. ഇപ്പോൾ തനിച്ചുതന്നെ ലോക്‌സഭയിൽ ഭൂരിപക്ഷമുള്ള ബിജെപിക്ക് അടുത്ത തിരഞ്ഞെടുപ്പിൽ എത്രത്തോളം സീറ്റുകൾ നേടാനാകുമെന്നതാണ് ഉയരുന്ന ചോദ്യം. ഈ വിഷയമാണ് ഇന്നത്തെ ഇൻസ്റ്റന്റ് റെസ്‌പോൺസ് ചർച്ചചെയ്യുന്നതും.

ബിജെപിക്ക് ഇന്നത്തെ സ്ഥിതിയിൽ നേടാനാവുക 198 സീറ്റ്

നാല് സംസ്ഥാനങ്ങളിൽ മാത്രം അധികാരത്തിലിരുന്ന കാലത്താണ് നരേന്ദ്ര മോദിയുടെ നേതൃത്വത്തിൽ കഴിഞ്ഞ ലോക്‌സഭാ തിരഞ്ഞെടുപ്പിൽ ബിജെപി അധികാരത്തിലെത്തുന്നത്. ഇപ്പോൾ നാലുവർഷം പിന്നിടുമ്പോഴേക്കും രാജ്യത്ത് ഇരുപതിലേറെ സംസ്ഥാനങ്ങളിൽ ബിജെപിയും സഖ്യകക്ഷികളുമായി അധികാരം നേടിക്കഴിഞ്ഞു. കോൺഗ്രസ് വെറും മൂന്നു സംസ്ഥാനങ്ങളിലേക്ക് ഒതുങ്ങിപ്പോയി. സിപിഎമ്മിന് കേരളത്തിൽ മാത്രമേ ഭരണമുള്ളൂ. ഇത്തരത്തിൽ ബിജെപി വളർന്നു എന്ന് വിലയിരുത്തി അടുത്ത ലോക്‌സഭാ തിരഞ്ഞെടുപ്പിലും ബിജെപി തന്നെ കേന്ദ്രത്തിൽ അധികാരത്തിലെത്തുമെന്ന് കരുതിയാൽ തെറ്റി. മറുനാടൻ നടത്തുന്ന വിശകലനത്തിൽ തെളിയുന്നത് മറ്റൊരു ചിത്രമാണ്. ഓരോ സംസ്ഥാനത്തേയും രാഷ്ട്രീയ സാഹചര്യങ്ങൾ മാറിമറിഞ്ഞുവെന്നതാണ് ബിജെപിക്ക് തിരിച്ചടിയാകുന്നത്. ഇപ്പോൾ ഏറ്റവും കൂടുതൽ ലോക്‌സഭാ സീറ്റുകളുള്ള സംസ്ഥാനങ്ങളിൽ ബിജെപിക്ക് 2013 ആവർത്തിക്കാനാവില്ലെന്നതാണ് സ്ഥിതി.

കഴിഞ്ഞ തിരഞ്ഞെടുപ്പുകാലത്ത് കൂടെനിന്നിരുന്ന പല കക്ഷികളും ബിജെപിക്കൊപ്പം ഇപ്പോഴില്ല. പ്രബല കക്ഷികൾ എന്ന് പറയാവുന്ന പാർട്ടികൾ പോലും ബിജെപിയുമായി ബന്ധം വേർപിരിഞ്ഞു. മഹാരാഷ്ട്രയിൽ ശിവസേനയും ആന്ധ്രയിൽ തെലുഗുദേശവുമെല്ലാം ഇത്തരത്തിൽ എൻഡിഎയുമായി വഴിപിരിഞ്ഞ പാർട്ടികളാണ്. ഇവരുടെ സ്വാധീനശക്തി കുറഞ്ഞു എന്ന നിലയിലാണ് ബിജെപി വിലയിരുത്തലെങ്കിലും കഴിഞ്ഞ തിരഞ്ഞെടുപ്പിൽ ഇവരുടെ കൂടെ വോട്ടുകളുടെ പിന്തുണയോടെയാണ് ബിജെപിക്ക് ഇത്രയധികം ലോക്‌സഭാ സീറ്റുകൾ നേടാനായത്. ഇപ്പോൾതന്നെ കർണാടകത്തിൽ കോൺഗ്രസ്സും ജനതാദള്ളും ഒരുമിച്ചു നിന്നാണ് തിരഞ്ഞെടുപ്പിനെ നേരിട്ടതെങ്കിൽ സ്ഥിതി വേറൊന്നാകുമായിരുന്നു അവിടെ.

യുപിയിൽ എസ്‌പിയും ബിഎസ്‌പിയും കൈകോർത്തുനിൽക്കുകയും അവരോടൊപ്പം കോൺഗ്രസ് കൂടി നിൽക്കുകയും ചെയ്താൽ ബിിജെപി ഒരിക്കലും അധികാരത്തിൽ എത്തുന്ന സാഹചര്യം ഉണ്ടാവില്ലായിരുന്നു. ഇത്തരത്തിൽ ബിജെപിക്ക് നിലവിൽ ലോക്‌സഭയിൽ കൂടുതൽ സീറ്റുകൾ ഉള്ള സംസ്ഥാനങ്ങളിലെല്ലാം ബിജെപി വിരുദ്ധത ഉയർത്തുന്ന രാ്ഷ്ട്രീയ പാർട്ടികൾ കൈകോർക്കുന്ന സാഹചര്യമാണ് ഉണ്ടാകുന്നത്. ഒരുമിച്ച് നിന്നാൽ ബിജെപിയെ വിഴ്‌ത്താമെന്ന സത്യം എല്ലാവരും തിരിച്ചറിയുന്നു. ഇത്തരത്തിൽ അധികാരം തിരിച്ചുപിടിക്കാനുള്ള പ്രക്രിയയിൽ ഒരു ബിജെപി വിരുദ്ധ മുന്നണി ദേശീയ തലത്തിൽ ഉണ്ടാകുമെന്ന സ്ഥിതി വരുന്നതോടെ മോദിയും അമിത്ഷായും സ്വപ്‌നം കാണുന്ന തുടർഭരണം ഇല്ലാതാവുമെന്ന നിലയിലേക്കാണ് കാര്യങ്ങൾ എത്തുന്നത്. അക്കാര്യങ്ങൾ സംസ്ഥാന അടിസ്ഥാനത്തിൽ വിലയിരുത്തുകയാണ് മറുനാടൻ.

ശക്തികേന്ദ്രങ്ങളിൽ ഇപ്പോഴുള്ള 258 സീറ്റ് 133 ആയി കുറയും

യുപിയും മഹാരാഷ്ട്രയും രാജസ്ഥാനും ഗുജറാത്തും മധ്യപ്രദേശുമാണ് ബിജെപിയുടെ പ്രധാന ശക്തികേന്ദ്രങ്ങളായി ഉയർത്തിക്കാട്ടാവുന്ന പ്രബല സംസ്ഥാനങ്ങൾ. കൂടെ ആന്ധ്രയും കർണാടകയും. നിലവിൽ ലോക്‌സഭയിൽ ഏറ്റവുമധിസം സീറ്റുകൾ ബിജെപി നേടിയത് ഈ സംസ്ഥാനങ്ങളിൽ നിന്നാണ്. ഇവിടങ്ങളിൽ ആകെയുള്ള 301 ലോക്‌സഭാ സീറ്റുകളിൽ 258 സീറ്റുകളും ഈ സംസ്ഥാനങ്ങളിൽ നിന്ന് ബിജെപി തൂത്തുവാരി. നിലവിൽ 274 സീറ്റുകളാണ് ബിജെപിക്ക് ഉള്ളതെന്നുകൂടി അറിയുമ്പോഴാണ് ഈ സംസ്ഥാനങ്ങൾ ബിജെപിയുടെ രണ്ടാമൂഴത്തിൽ എത്രത്തോളം നിർണായകമാകും എന്ന് മനസ്സിലാവുക.

എന്നാൽ ഇവിടെ അടുത്ത തിരഞ്ഞെടുപ്പിൽ ബിജെപിക്ക് ആകെ നേടാനാവുക പരമാവധി 133 സീറ്റുകൾ മാത്രമാകുമെന്നാണ് മറുനാടൻ നടത്തുന്ന വിലയിരുത്തൽ. മഹാരാഷ്ട്രയിൽ നിലവിൽ 48ൽ 42 സീറ്റ് നേടിയിരുന്നു ബിജെപി. എന്നാൽ ശിവസേനയുമായി പിണങ്ങിയതോടെ ഇവിടെ തിരിച്ചടിയുണ്ടാകും. 28ൽ 17 സീറ്റും നേടിയ കർണാടകയിലും തിരിച്ചടി ഉറപ്പായിക്കഴിഞ്ഞു. ഇവിടെ ജനതാദളും കോൺഗ്രസും ചേർന്നാൽ ബിജെപിക്ക് വലിയ പ്രതീക്ഷ വേണ്ട. അത് അവർ പ്രഖ്യാപിക്കുകയും ചെയ്തുകഴിഞ്ഞു.

രാജസ്ഥാനിലും മധ്യപ്രദേശിലും ബിജെപിയാണ് ഭരിക്കുന്നത്. ഇവിടങ്ങളിൽ ബിജെപിക്കെതിരെ ഭരണവിരുദ്ധ വികാരം ശക്തമാണെന്ന വിലയിരുത്തലുകൾ ഇതിനികം പുറത്തുവന്നുകഴിഞ്ഞു. രാജസ്ഥാനിൽ 25ൽ 25ഉം മധ്യപ്രദേശിൽ 29ൽ 27ഉം സീറ്റുകളാണ് കഴിഞ്ഞതവണ ബിജെപി നേടിയത്. അടുത്തിടെ നടന്ന ഉപതിരഞ്ഞെടുപ്പുകളിൽ ഉജ്വല വിജയം നേടി രണ്ട് സംസ്ഥാനങ്ങളിലും കോൺ്ഗ്രസ് അനുകൂല വികാരമാണെന്ന വസ്തുത വ്യക്തമാകുകയും ചെയ്തു. അതിനാൽ ഇവിടങ്ങളിൽ വലിയ തിരിച്ചടി ബിജെപിക്ക് ഉണ്ടായേക്കുമെന്ന് ഉറപ്പ്.

രാജ്യത്ത് ഏറ്റവുമധികം ലോക്‌സഭാ സീറ്റുകളുള്ള യുപിയിൽ 80ൽ 73 സീറ്റും നേടിയാണ് മോദി അധികാരത്തിലേറിയത്. യുപി പിടിച്ചാൽ ഇന്ത്യ പിടിച്ചുവെന്നാണ് ഇന്ത്യൻ രാഷ്ട്രീയത്തിലെ വിശ്വാസം. കഴിഞ്ഞ അസംബ്‌ളി തിരഞ്ഞെടുപ്പിലും യുപിയിൽ ബിജെപി എതിരാളികളെ നിഷ്പ്രഭരാക്കി വൻ വിജയം നേടി. എന്നാൽ ബിഎസ്‌പിയും എസ്‌പിയും കോൺഗ്രസുമെല്ലാം മൂന്നും മൂന്നുവഴിക്കെന്ന മട്ടിലാണ് തിരഞ്ഞെടുപ്പിനെ നേരിട്ടത്. ഇതോടെയാണ് ബിജെപിക്ക് അസംബ്‌ളിയും പിടിക്കാൻ അവസരമൊരുങ്ങിയതും. എന്നാൽ ഇപ്പോൾ അഖിലേഷും മായാവതിയും കൈകോർത്തു നിൽക്കുകയാണ്. അടുത്ത ലോക്‌സഭാ തിരഞ്ഞെടുപ്പിൽ ഈ പാർട്ടികളും കൂടെ കോൺഗ്രസും ചേർന്നാൽ യുപിയിൽ വലിയ തിരിച്ചടിയാകും ബിജെപിക്ക് ഉണ്ടാവുക.

ബിജെപിയുടെ എക്കാലത്തെയും ശക്തികേന്ദ്രമായി നിൽക്കുന്ന ഗുജറാത്തിലും ഇക്കഴിഞ്ഞ അസംബ്‌ളി തിരഞ്ഞെടുപ്പ് ആശാവഹമല്ല. ആകെയുള്ള 26 സീറ്റും കഴിഞ്ഞതവണ തൂത്തുവാരിയെങ്കിൽ ഇക്കുറി അത്രയും സീറ്റുകൾ കിട്ടില്ലെന്ന് തെളിയിക്കുന്നതായിരുന്നു അസംബ്‌ളി ഫലങ്ങൾ. ദളിത് പട്ടേൽ വിഭാഗങ്ങളുടെ എതിർപ്പും വ്യവസായികളിൽ വലിയൊരു വിഭാഗത്തിന് ഉണ്ടായ എതിർപ്പും ബിജെപിക്ക് തിരിച്ചടിയാകുമെന്നാണ് വിലയിരുത്തലുകൾ. അങ്ങനെയെങ്കിൽ ഇപ്പോഴുള്ള സീറ്റുകളിൽ വലിയൊരു വിഭാഗം കൈവിട്ടുപോകും. ഇത്തരത്തിൽ പ്രബല ശക്തികേന്ദ്രങ്ങളായി കഴിഞ്ഞ തിരഞ്ഞെടുപ്പിൽ കൂടെ നിന്ന ഏഴ് സംസ്ഥാനങ്ങളിലും നിന്നായി ബിജെപിക്ക് കഴിഞ്ഞതവണ നേടിയ 252 സീറ്റുകളുടെ സ്ഥാനത്ത് 133 സീറ്റുകൾ മാത്രമേ നേടാനാവൂ എന്നാണ് സൂചന.

വടക്കുകിഴക്കൻ സംസ്ഥാനങ്ങളിൽ ബിജെപിക്ക് മെച്ചം

കോൺഗ്രസ്സിനൊപ്പമോ മറ്റ് കക്ഷികൾക്കൊപ്പമോ നിന്ന വടക്കുകിഴക്കൻ സംസ്ഥാനങ്ങളിൽ ബിജെപിക്ക് കഴിഞ്ഞ തവണത്തേക്കാൾ നേട്ടമുണ്ടാക്കാനാകും. എന്നാൽ ശക്തികേന്ദ്രങ്ങളിലെ ചോർച്ചയെ മറികടക്കാൻ ഇതുകൊണ്ട് കഴിയില്ലെന്ന് ഉറപ്പ്. അരുണാചൽ, മണിപ്പൂർ, അസം, മേഘാലയ, മിസോറാം, നാഗാലാൻഡ്, സിക്കിം, ത്രിപുര എന്നീ സംസ്ഥാനങ്ങളിൽ ആകെയുള്ളത് 24 സീറ്റാണ്. ഇതിൽ നിലവിൽ എട്ടെണ്ണമാണ് ബിജെപിക്കുള്ളത്. ഈ സ്ഥിതി മാറും. ത്രിപുരയിലുൾപ്പെടെ അധികാരം പിടിച്ചതിനാൽ എട്ടുസീറ്റ് 16 ആയി ഉയരുമെന്നാണ് നിലവിലെ വിലയിരുത്തൽ.

മുൻതൂക്കമുള്ള ചെറു സംസ്ഥാനങ്ങളിലും തിരിച്ചടി

ഹരിയാന, ഹിമാചൽ, ജാർഖണ്ഡ്, ഉത്തരാഖണ്ഡ്, ഡൽഹി എന്നീ ചെറു സംസ്ഥാനങ്ങളിലും പാർലമെന്റിൽ ബിജെപി കഴിഞ്ഞതവണ നേട്ടമുണ്ടാക്കിയിരുന്നു. ആകെയുള്ള 40 സീറ്റിൽ 35ഉം ബിജെപിക്കാണ്. എന്നാൽ ഇവിടെയെല്ലാം ഇത് ആവർത്തിക്കാൻ ബിജെപിക്ക് കഴിഞ്ഞേക്കില്ല. അതിനാൽ സീറ്റുകളുടെ എണ്ണം 25 ആയി കുറയുമെന്ന സൂചനകളാണ് ലഭിക്കുന്നത്. ഡൽഹിയിലും ഉത്തരാഖണ്ഡിലും ഹിമാചലിലും ബിജെപി കഴിഞ്ഞ കുറി ക്‌ളീൻ സ്വീപ്പാണ് നടത്തിയത്. എന്നാൽ ഇവിടെയെല്ലാം സീറ്റുകൾ അടുത്ത തിരഞ്ഞെടുപ്പിൽ കുറയും. ഡൽഹിയിൽ ആംആദ്മിയുടെ സ്വാധീനം വലിയ തിരിച്ചടിയാകും ബിജെപിക്ക്. ഹരിയാനയിൽ ഉൾപ്പെടെ സ്ഥിതി മാറുകയും പ്രാദേശിക പാർട്ടികൾ ബിജെപിയിൽ നിന്ന് അകലുകയും ചെയ്യുന്ന സ്ഥിതിയുണ്ട്. ഇതെല്ലാം ക്ഷീണമുണ്ടാക്കുമെന്നാണ് വിലയിരുത്തൽ.

സീറ്റുകൾ കുറഞ്ഞ സംസ്ഥാനങ്ങളിൽ സ്ഥിതി മെച്ചപ്പെടും

കേരളവും തമിഴ്‌നാടുമുൾപ്പെടെ ബിജെപിക്ക് എതിരെ നിലകൊണ്ട് ദക്ഷിണേന്ത്യൻ സംസ്ഥാനങ്ങളിലടക്കം ബിജെപിക്ക് മെച്ചമുണ്ടാകും. തെലങ്കാന, ഒഡീഷ, ബംഗാൾ എന്നീ സംസ്ഥാനങ്ങളിലുൾപ്പെടെ ഈ അഞ്ച് സംസ്ഥാനങ്ങളലുമായി ബിജെപിക്ക് ആകെ കഴിഞ്ഞ തവണ നേടാനായത് ഏഴു സീറ്റുകൾ മാത്രമാണ്. ആകെയുള്ള 139 സീറ്റുകളിൽ ഇത്രയും കുറച്ചേ കിട്ടിയുള്ളൂ ബിജെപിക്ക്. ഈ സ്ഥിതി മറികടക്കാൻ എല്ലാ അടവും പയറ്റാൻ ഒരുങ്ങുകയാണ് ബിജെപി. എന്നാൽ അത് അത്ര എളുപ്പമല്ല. ബംഗാളിൽ മമതയും കേരളത്തിൽ സിപിഎമ്മും തമിഴ്‌നാട്ടിൽ പ്രാദേശിക കക്ഷികളുമെല്ലാം അധികാരം പങ്കെട്ടെടുക്കുന്ന സ്ഥിതി മാറുന്ന സാഹചര്യം ഇപ്പോഴില്ല. ആകെ പ്രതീക്ഷയർപ്പിക്കാൻ കഴിയുന്നത് ഇതിനിടയിൽ തമിഴ്‌നാട്ടിൽ മാത്രമാണ്. കൂടെ തെലങ്കാനയിലും ഒഡീഷയിലും ഒരുകൈനോക്കാനാകുമെന്നും മറ്റിടങ്ങളിൽ നഷ്ടപ്പെടുന്ന സീറ്റുകൾ ഇവിടെ പിടിച്ചെടുക്കാൻ കഴിയുമെന്നുമാണ് ബിജെപിയുടെ പ്രതീക്ഷ. ഇവിടങ്ങളിൽ നിലവിലുള്ള ഏഴു സീറ്റുകളെ പതിനെട്ടു സീറ്റെങ്കിലുമായി ബിജെപിക്ക് വർധിക്കാനായേക്കും. എന്നാലും ഇതുകൊണ്ടൊന്നും വലിയ സംസ്ഥാനങ്ങളിൽ ഉണ്ടാകുന്ന നിഷ്ടം തിരിച്ചുപിടിക്കാനാവില്ല.

2019ൽ ബിജെപിയുടെ പ്രതീക്ഷകൾ ഇങ്ങനെ

ഇത്തരത്തിൽ കണക്കുകളുടെ അടിസ്ഥാനത്തിലും രാഷ്ട്രീയ സാഹചര്യങ്ങൾ മാറിയതിന്റെ വിലയിരുത്തലിലും ബിജെപിക്ക് വൻ തിരിച്ചടിയാണ് കഴിഞ്ഞ തവണത്തേക്കാൾ ദേശീയ തലത്തിൽ ഉണ്ടാകാൻ പോകുന്നത്. ഗോവയിലും പഞ്ചാബിലുൾപ്പെടെ മറ്റിടങ്ങളിൽ നിന്ന് കുറച്ച് സീറ്റുകൾ ബിജെപിക്ക് പ്രതീക്ഷിക്കാമെങ്കിലും അതൊന്നും ഒറ്റയ്ക്ക് ഭരണത്തിലേറാനുള്ള മാജിക് ഫിഗറിലേക്ക് പാർട്ടിയെ എത്തിക്കില്ല. അതിനും ബഹുദൂരം പിന്നിലാണ് 2019ലെ ബിജെപിയുടെ സാധ്യതകൾ ഇങ്ങനെ ക്രോഡീകരിക്കാം. ബിജെപിക്ക് മുൻതൂക്കമുള്ള സംസ്ഥാനങ്ങളിൽ 133, ചെറു സംസ്ഥാനങ്ങളിൽ 25, ബിജെപി രഹിത സംസ്ഥാനങ്ങളിൽ 18, വടക്കുകിഴക്കൻ സംസ്ഥാനങ്ങളിൽ 16, മറ്റു സീറ്റുകൾ ആറ് എന്നിങ്ങനെ ആകെ 198 സീറ്റുകളേ ബിജെപിക്ക് നേടാനാവൂ എന്നതാണ് ഇപ്പോഴത്തെ സാഹചര്യം. കഴിഞ്ഞതവണ 282 സീറ്റ് നേടിയ സാഹചര്യത്തിലാണിത്.

അട്ടിമറി സാധ്യതകളിലൂടെ ബിജെപി നില മെച്ചപ്പെടുത്തുമോ?

എന്നാൽ ഈ മോശം സ്ഥിതി ബിജെപി മെച്ചപ്പെടുത്തുമോ എന്ന ചോദ്യമുയരുമ്പോൾ അതിനുള്ള സാധ്യതകളും നിരവധിയാണ്. ഇപ്പോഴത്തെ രാഷ്ട്രീയ സാഹചര്യം രാജ്യത്ത് മാറിമറിയാൻ നിരവധി സാധ്യതകൾ അവശേഷിക്കുന്നു. ഇതിലേതെങ്കിലും ബിജെപി പ്രയോഗിച്ചാൽ പല സംസ്ഥാനങ്ങളിലും ബിജെപി അനുകൂല തരംഗം സൃഷ്ടിക്കപ്പെടാം. മുമ്പും ബിജെപി രാജ്യത്ത് അധികാരത്തിലെത്താൻ നടത്തിയ തന്ത്രങ്ങൾ പലതും ഇത്തരത്തിൽ ഉള്ളതുമാണ്.

അയോധ്യയിൽ ക്ഷേത്രം നിർമ്മിക്കാൻ ബിജെപി ആരംഭിക്കുന്ന ഘട്ടമെത്തിയാൽ രാജ്യത്ത് അത് വലിയൊരു വർഗീയ ഏകീകരണത്തിലേക്ക് കാര്യങ്ങൾ എത്തിച്ചെക്കാം. തീവ്ര ഹൈന്ദവ നിലപാടിലേക്ക് പാർട്ടി വീണ്ടും നീങ്ങുന്നു എന്ന സ്ഥിതിവന്നാൽ പാർട്ടിയിൽ നിന്ന് ഇപ്പോൾ അകന്നുനിൽക്കുന്ന പല ചെറു സംഘപരിവാർ സംഘങ്ങളും കൂടെ തിരിച്ചെത്തും. ശിവസേനയുൾപ്പെടെ ഇത്തരം കക്ഷികളുടെ പിന്തുണയ്‌ക്കൊപ്പം ഹൈന്ദവ വോട്ടുകളും പാർട്ടിയിലേക്ക് കൂടുതൽ എത്താൻ സാധ്യതയേറും.

രാജ്യത്ത് ഏറെ ചർച്ചയായ ഏകീകൃത സിവിൽ കോഡ് നടപ്പാക്കാൻ ബിജെപി തീരുമാനമെടുത്താലും ഇപ്പോഴത്തെ സ്ഥിതി മാറിമറിയും. മുസ്‌ളീം ന്യൂനപക്ഷം പാർട്ടിക്കെതിരെ നിൽക്കുമെങ്കിലും ഇതും ഹൈന്ദവ ഏകീകരണത്തിന് കാരണമായേക്കുമെന്നാണ് വിലയിരുത്തലുകൾ. ഇപ്പോഴത്തെ മോദി ഭരണക്കാലത്ത് ജനങ്ങൾക്കെതിരെ എല്ലാ സംസ്ഥാനങ്ങളിലും ഉയർന്നുനിൽക്കുന്ന വികാരമാണ് പെട്രോൾ ഡീസൽ വില വർധനവ്. ജിഎസ്ടിയിൽ ഉൾപ്പെടുത്തി പെട്രോൾ ഡീസൽ വിലയിൽ വൻ കുറവുവരുത്താൻ കേന്ദ്രം തയ്യാറായാൽ അത് മോദിക്കും ബിജെപിക്കും കൂടുതൽ മെച്ചപ്പെട്ട പ്രതിച്ഛായ സൃഷ്ടിക്കാൻ വഴിയൊരുക്കും.

തമിഴ്‌നാട്ടിൽ ഇതുവരെ ബിജെപിക്ക് ഒരു നേട്ടവും ഉണ്ടാക്കാനായിട്ടില്ല. ദ്രാവിഡ പാർട്ടികൾക്കൊപ്പം ശക്തമായി നിലകൊള്ളുന്ന തമിഴകത്ത് ഇപ്പോൾ പക്ഷേ ബിജെപിക്ക് വലിയൊരു പ്രതീക്ഷയുണ്ട്. ജയലളിതയ്ക്ക് ശേഷം അണ്ണാ ഡിഎംകെ ഭിന്നിച്ചു നിൽക്കുകയും ഈ സ്ഥിതി മുതലെടുത്തെന്നോണം ജനമനസ്സിൽ ഇടംപിടിച്ച നായകൻ രജനീകാന്ത് തന്നെ പുതിയ പാർട്ടിയുമായി മുന്നോട്ടുവരികയും ചെയ്തു. രജനീകാന്തും ബിജെപിയമായി സഖ്യത്തിനുള്ള സാധ്യതകളും സജീവ ചർച്ചയിലാണ്. ഇത് വിജയിച്ചാൽ തമിഴകത്ത് കുറച്ച് സീറ്റുകൾ ബിജെപിക്ക് ലഭിക്കുന്ന സാഹചര്യമുണ്ടാകും.

സമാന രീതിയിൽ ആന്ധ്രയിൽ ഇപ്പോൾ തെലുഗുദേശം സഖ്യംവിട്ടതിന്റെ ക്ഷീണം തീർക്കാൻ വൈഎസ്ആർ കോൺഗ്രസിനെ കൂടെ നിർത്താൻ കഴിഞ്ഞാലും ബിജെപിക്ക് അത് വലിയൊരു തകർച്ച ഒഴിവാക്കാൻ ആ സംസ്ഥാനത്ത് കഴിയുന്ന തരത്തിലേക്ക് കാര്യങ്ങളെത്തിക്കും. ബീഹാറിലും നിതീഷ് കുമാർ കൂടെ വന്നതിന്റെ ഗുണം ഇതുവരെ ഉണ്ടായില്ലെങ്കിലും അത് പ്രതീക്ഷിക്കുന്നുണ്ട് ബിജെപി. കർണാടകത്തിൽ കോൺഗ്രസും ജനതാദളും ഒരുമിച്ച് നിന്നാൽ ബിജെപിക്ക് ഒരു രക്ഷയുമില്ലെന്നാണ് ഇപ്പോൾ കഴിഞ്ഞ തിരഞ്ഞെടുപ്പ് സൂചിപ്പിക്കുന്നത്.

എന്നാൽ ദളിനെ ശിഥിലീകരിക്കുകയും കോൺഗ്രസിലെ നേതൃത്വുവുമായി ഭിന്നിച്ച് നിൽക്കുന്നവരെ കൂടെ കൂട്ടുകയും ചെയ്യാനായാൽ അതും ബിജെപിക്ക് നില മെച്ചപ്പെടുത്താൻ വലിയ സഹായമായി മാറും. ഇത്തരത്തിൽ സ്ഥിതി മാറിമറിഞ്ഞാൽ മാത്രമേ വീണ്ടും മാജിക് ഫിഗറിലേക്ക് ബിജെപി എത്തൂ. അല്ലെങ്കിൽ കാര്യമായ രാഷ്ട്രീയ സഖ്യത്തിന് പോലും സാധ്യതയില്ലാത്ത വിധം ബിജെപിയും ചില ചെറു പാർട്ടികളും ഒരുവശത്തും മറുവശത്ത് സംഘപരിവാർ വിരുദ്ധ ശക്തികളും എന്ന നിലയിലാകും അടുത്ത തിരഞ്ഞെടുപ്പ് ഫലം.

Readers Comments

മലയാളത്തിൽ ടൈപ്പ്‌ ചെയ്യാൻ ഇവിടെ ക്ലിക്ക്‍ ചെയ്യുക
കമന്റ് ബോക്‌സില്‍ വരുന്ന അഭിപ്രായങ്ങള്‍ മറുനാടന്‍ മലയാളിയുടേത് അല്ല. മാന്യമായ ഭാഷയില്‍ വിയോജിക്കാനും തെറ്റുകള്‍ ചൂണ്ടി കാട്ടാനും അനുവദിക്കുമ്പോഴും മറുനാടനെ മനഃപൂര്‍വ്വം അധിക്ഷേപിക്കാന്‍ ശ്രമിക്കുന്നവരെയും അശ്ലീലം ഉപയോഗിക്കുന്നവരെയും മറ്റു മലയാളം ഓണ്‍ലൈന്‍ ലിങ്കുകള്‍ പോസ്റ്റ് ചെയ്യുന്നവരെയും മതവൈരം തീര്‍ക്കുന്നവരെയും മുന്നറിയിപ്പ് ഇല്ലാതെ ബ്ലോക്ക് ചെയ്യുന്നതാണ് - എഡിറ്റര്‍

More News in this category

Loading...

MNM Recommends

TODAYLAST WEEKLAST MONTH
ഏകജാലകവും വ്യവസായ സൗഹൃദവുമൊക്കെ പിണറായിയുടെ വാചകത്തിൽ മാത്രം! മുഖ്യമന്ത്രിയുടെ വാക്കു വിശ്വസിച്ചു ചെന്നൈ ഉപേക്ഷിച്ചു തിരുവനന്തപുരത്തു വന്ന നിസ്സാൻ കമ്പനി അക്ഷരാർത്ഥത്തിൽ പെട്ടുപോയി; കരാർ ഒപ്പിടും മുമ്പ് പറഞ്ഞ വാക്കുകളെല്ലാം ഉദ്യോഗസ്ഥർ മാറ്റിപ്പറയാൻ തുടങ്ങിയതോടെ മുടക്കിയ കാശ് വേണ്ടെന്ന് വെച്ച് കേരളം വിടാൻ ആലോചിച്ച് ജാപ്പനീസ് കാർ ഭീമൻ; വാക്കിനു വിലയില്ലാത്ത കേരളത്തിന്റെ തെറ്റുകുറ്റങ്ങൾ എണ്ണിയെണ്ണി പറഞ്ഞു നിസാൻ ചീഫ് സെക്രട്ടറിക്കെഴുതിയ കത്ത് കേരളത്തെ നാണം കെടുത്തുന്നു
ഇറാനിയൻ മറീനുകൾ ഹെലിക്കോപ്ടറിൽ ഇറങ്ങി ബ്രിട്ടീഷ് കപ്പൽ കീഴടക്കി ഇറാനിയൻ കടലിലേക്ക് നിർബന്ധിച്ച് നീക്കുന്ന ദൃശ്യങ്ങൾ പുറത്തുവിട്ട് അമേരിക്കയെ നാണംകെടുത്തി ഇറാൻ; ബ്രിട്ടന്റെ യുദ്ധക്കപ്പൽ ദിശതിരിച്ച് രക്ഷിക്കാനെത്തിയെങ്കിലും പത്തുമിനിറ്റ് വൈകി; ഉപരോധം ശക്തമാക്കി ഇറാനെ തീർക്കാനൊരുങ്ങി യൂറോപ്യൻ യൂണിയൻ; എൻജിൻ തകർന്ന് സൗദി കടലിൽ കയറിയതിന്റെ പേരിൽ പിടിച്ചിട്ട ഇറാനിയൻ കപ്പൽ വിട്ടുകൊടുത്ത് തലയൂരി സൗദിയും
37,000 ഏക്കർ ഭൂമിയുടെ അധിപന്മാരും പതിനെട്ടോളം ദേശങ്ങളുടെ നാടുവാഴിയും; 800 കിലോ സ്വർണശേഖരം ഇല്ലത്ത് സൂക്ഷിച്ചവർ; ഇരിങ്ങോൾക്കാവ് ക്ഷേത്രവും തിരുവാഭരണങ്ങളും സൗജന്യമായി ദേവസ്വം ബോർഡിന് കൈമാറിയവർ; സ്വത്തുക്കളെല്ലാം കൈമോശം വന്നപ്പോൾ മന വിറ്റു പെണ്മക്കളെ വേളി കഴിപ്പിക്കേണ്ടി വന്ന ഹതഭാഗ്യൻ; പാട്ടം നൽകിയ ഒന്നരയേക്കർ തിരികെ ചോദിച്ചപ്പോൾ സർക്കാർ നൽകിയത് മൂന്ന് സെന്റ് മാത്രം; കേരളത്തിലെ അവസാന നാടുവാഴികളിൽ ഒരാളായ നാഗഞ്ചേരിമന വാസുദേവൻ നമ്പൂതിരിയുടെ ജീവിതം അവഗണനയുടെ പടുകുഴിയിൽ
ബ്രിട്ടീഷ് കപ്പൽ പിടിച്ചെടുത്ത് വമ്പ് കാട്ടുമ്പോഴും ഇറാൻ ഭയക്കുന്നത് ഇസ്രയേൽ പ്രധാനമന്ത്രിയുടെ പുതിയ വീഡിയോ; എഫ്-35 ജെറ്റിന് മുന്നിൽ നെതൻയാഹു ചെറുപുഞ്ചിരിയോടെ കൂളായി മുഴക്കിയ ഭീഷണി: 'ഇസ്രലേിന് ഇറാനിലെത്താനാകും...പക്ഷേ ഇറാന് ഇസ്രയേലിൽ എത്താനാകില്ല'; ഒരുകുഞ്ഞുപോലുമറിയാതെ ടെൽഅവീവിൽ നിന്ന് ടെഹ്‌റാനിലേക്ക് എഫ്-35 ജെറ്റുകൾ പറന്ന സംഭവം ഓർത്താൽ 'ഖൊമേനി'യും ഞെട്ടും; ഇസ്രയേലിന്റെ ചുണക്കുട്ടനെ ഇറാൻ ഭയക്കുന്നത് എന്തുകൊണ്ട്?
അമർനാഥ് യാത്രയുടെ സുരക്ഷാക്രമീകരണങ്ങൾ എങ്ങനെ?' എല്ലാം ഓകെയാണ് സർ..ഇനി താങ്കളുടെ അനുഗ്രഹങ്ങൾ മാത്രം മതി; ഞാനെന്താ ഏതെങ്കിലും ബാബയോ..താങ്കൾക്ക് അനുഗ്രഹം ചൊരിയാൻ? മറുപടി കേട്ട് ഉന്നത പൊലീസ് ഉദ്യോഗസ്ഥൻ ചമ്മി; മൂന്നുമണിക്കൂറിൽ തീരേണ്ട യോഗങ്ങൾ ഒരുമണിക്കൂറിൽ തീരും; വിഷയത്തിൽ നല്ല ഹോംവർക്ക്; കശ്മീർ പ്രശ്‌നത്തിലും ദേശീയ പൗരത്വ രജിസ്റ്ററിലും ക്ലിയർ വിഷൻ; അമിത്ഷായുടെ 50 നാളത്തെ ഭരണം കിടിലമെന്ന് ഇന്ദ്രപ്രസ്ഥം
എസ്എഫ്‌ഐയുടെ തീപ്പൊരി മുഖമായി രാഷ്ട്രീയത്തിൽ തിളങ്ങി; പാർട്ടിയുമായി വഴക്കിട്ട് സിഎംപിയിൽ ചേർന്നെങ്കിലും റെഡ് ക്രോസിന്റെ ചെയർമാനായി പൊതു പ്രവർത്തനത്തിൽ മാത്രം ശ്രദ്ധ കേന്ദ്രീകരിച്ചു; രോഗിക്കിടക്കയിൽ നിന്നും എണീറ്റു പലതവണ കർമ്മപദത്തിൽ വിപ്ലവം കുറിച്ചു; സുനിൽ സി കുര്യന്റെ മരണത്തിൽ കണ്ണീർ വാർത്തു പ്രശസ്ത നർത്തകി കൂടിയായ ഭാര്യ നീന പ്രസാദും
യൂണിവേഴ്‌സിറ്റി കോളേജിലെ എസ്എഫ്‌ഐ അധോലോകം ഭരിക്കുന്നത് 15 വർഷമായി ഗവേഷണ വിദ്യാർത്ഥിയെന്ന ലേബലിൽ കാമ്പസിൽ വിലസുന്ന 'എട്ടപ്പാൻ'; കുട്ടിസഖാക്കളുടെ തലതൊട്ടപ്പനായ ഇയാലെ ചെല്ലും ചെലവും കൊടുത്ത വളർത്തുന്നത് സിപിഎം ജില്ലാ നേതാക്കൾ തന്നെ; അഖിൽ വധശ്രമ കേസിലെയും അവസാന വാക്കായത് 'എട്ടപ്പാൻ' തന്നെ; ഒളിവിൽ കഴിയുന്ന നാലാംപ്രതി അമർ അബിയെ സംരക്ഷിക്കുന്ന 'ഗുണ്ടാ നേതാവിനെ' തേടി കോളേജ് ഹോസ്റ്റലിൽ പൊലീസ് റെയ്ഡ്
അഞ്ചു ലോക രാഷ്ട്രങ്ങൾ അഹോരാത്രം പണിയെടുത്ത് നേടിയ ന്യൂക്ലിയർ കരാറിൽ നിന്ന് ഏകപക്ഷീയമായി പിന്മാറി ട്രംപ് വരുത്തിവെച്ച വിന; 21 മൈൽ മാത്രം വീതിയുള്ള ഹോർമിസ് കടലിടുക്കിൽ ഇറാനോട് മല്ലടിച്ച് ജയിക്കാനാവില്ലെന്ന് ഒരിക്കൽക്കൂടി തെളിയിച്ച കപ്പൽ കീഴടക്കൽ; അമേരിക്കയും സൗദിയും മാത്രമല്ല ലോകത്തെ മുഴുവൻ പ്രതിസന്ധിയിലാക്കും മുമ്പ് ഉപരോധം പിൻവലിക്കാൻ ട്രംപിന് ബുദ്ധി തോന്നുമോ?
അഭയ കൊല്ലപ്പെടാനുള്ള യഥാർഥ കാരണം ഒന്നാംപ്രതി ഫാദർ കോട്ടൂരും സിസ്റ്റർ സെഫിയും തമ്മിലുള്ള ശാരീരിക ബന്ധത്തിന് സാക്ഷ്യം വഹിക്കേണ്ടി വന്നത്; ബന്ധം നിഷേധിക്കാൻ ഹൈമനോ പ്ലാസ്റ്റി സർജറി നടത്തി വീണ്ടും കന്യാചർമ്മം വെച്ചു പിടിപ്പിച്ചു മൂന്നാം പ്രതിയായ കന്യാസ്ത്രീ; അഭയ കേസിൽ സിബിഐ കുറ്റപത്രത്തിൽ ലേഡി ഡോക്ടറുടെ മൊഴി സഹിതം രേഖപ്പെടുത്തിയ കന്യാചർമ്മ കഥ വീണ്ടും ചർച്ചയാകുമ്പോൾ നാണക്കേട് മാറാതെ സഭ
25000 രൂപ പേയ്മെന്റ് നടത്തിയില്ലെങ്കിൽ... എന്നെ കൊണ്ട് കടുംകൈ ചെയ്യിപ്പിക്കരുത്....; ദിലീപേട്ടനെ അറിയുമോ ആവൊ? ലൊക്കാന്റോ സൈറ്റിൽ കയറി യുവതികളെ തിരഞ്ഞപ്പോഴാണ് കിട്ടിയത് നീതു എന്ന വിളിപ്പേരുകാരിയെ; ബുക്ക് ചെയ്ത ശേഷം മുൻകൂർ പണം അടയ്ക്കുകയോ ഹോട്ടൽ മുറിയിലേക്ക് പോവുകയോ ചെയ്യാത്ത യുവാവിനെതിരെ കുപിതയായ യുവതി നടത്തിയതുകൊലവിളി; ഭീഷണിക്ക് ഉപയോഗിച്ചത് നടിയെ ആക്രമിച്ച കേസിൽ പ്രതിയായ നടന്റെ പേരും; ജീവഭയത്താൽ യുവാവ് പൊലീസിനെ സമീപിക്കുമ്പോൾ
കാസർഗോഡ് സെന്റർ വച്ചവർക്ക് എങ്ങനെ യൂണിവേഴ്‌സിറ്റി കോളേജിൽ പരീക്ഷ എഴുതുവാൻ സാധിച്ചു? അഖിലിനെ കുത്തിയതിനു പിന്നിൽ പാട്ടു പാടൽ മത്രമാണോ അതോ പി എസ് സി പരീക്ഷാ ക്രമക്കേടുകൾ ഉണ്ടോ എന്നും സംശയം; കത്തി ഈരിക്കൊടുത്തവനും കുത്തിയവനും പിടിച്ചു വച്ചവനും പൊലീസ് റാങ്ക് ലിസ്റ്റിൽ ഉള്ളവർ: പൊലീസ് നിയമന പട്ടികയെ സംശയ നിഴലിലാക്കി യൂണിവേഴ്‌സിറ്റി കോളേജ് സംഘർഷം; പി എസ് സിയ്‌ക്കെതിരെ ഉയരുന്നത് ഗുരുതര ആരോപണങ്ങൾ; മറുനാടൻ വാർത്ത ചർച്ചയാക്കി സോഷ്യൽ മീഡിയ
പ്ലസ് ടുവിന് എല്ലാ വിഷയത്തിനും എ പ്ലസ്; കോളേജിലെത്തിയപ്പോൾ നീലപതാക കൈയിലെടുത്തത് പാരമ്പര്യത്തിന്റെ വഴിയിൽ; എസ് എഫ് ഐയുടെ രാഷ്ട്രീയ പക സ്‌കൂട്ടർ കത്തിച്ചിട്ടും തളർന്നില്ല; കെ എസ് യുവിന്റെ നിയോജക മണ്ഡലം പ്രസിഡന്റായ ആദ്യ വനിത; രാഹുലിന്റെ കണ്ണിലെത്തിയപ്പോൾ സംസ്ഥാന നേതൃത്വത്തിലും; 21-ാം വയസ്സിൽ പഞ്ചായത്തംഗമായത് നാട്ടുകാരുടെ കണ്ണിലുണ്ണിയായി; സെക്രട്ടറിയേറ്റിലേക്ക് ഇരച്ചെത്തിയത് ശിൽപയുടെ സമരവീര്യം; ഇരട്ടചങ്കനെ വിറപ്പിച്ച അരിമ്പൂരിൽ നിന്നുള്ള 'പെൺപുലി'യുടെ കഥ
അർദ്ധരാത്രിയിൽ ഗ്രൂപ്പിലെത്തിയത് 60 ഓളം അശ്ലീല ഫോട്ടോകളും വീഡിയോകളും; തദ്ദേശത്തിലെ അണ്ടർ സെക്രട്ടറിയുടെ ഫോണിൽ നിന്ന് എത്തിയ ദൃശ്യങ്ങൾ കണ്ട് ആദ്യം ഞെട്ടിയത് അഡ്‌മിൻ; ഡിലീറ്റ് ചെയ്യാനുള്ള ശ്രമം പാളിയതോടെ കളി കൈവിട്ടു; ഉറക്കം എഴുന്നേറ്റു വന്ന വനിതാ ജീവനക്കാരും കണ്ടത് സഖാവിന്റെ താന്തോന്നിത്തരം; അങ്ങനെ സെക്രട്ടറിയേറ്റിലെ 'നമ്മൾ സഖാക്കൾ' ഗ്രൂപ്പിനും പൂട്ടു വീണു; മുഖ്യമന്ത്രിയുടെ കണ്ണിലെ കരടിനെ രക്ഷിക്കാൻ ഫോൺ മോഷണത്തിന്റെ കള്ളക്കഥയും
ആഘോഷങ്ങൾക്കിടയിൽ ഷാംപയിൻ കുപ്പി പൊട്ടിച്ചപ്പോൾ ഓടി രക്ഷപ്പെട്ട് മോയീൻ അലിയും ആദിൽ റഷീദും; പാക്കിസ്ഥാനിൽ നിന്നും കുടിയേറിയ കുടുംബത്തിൽ നിന്നും ഇംഗ്ലീഷ് ടീമിൽ എത്തിയ രണ്ട് ക്രിക്കറ്റ് താരങ്ങളും മതപരമായ കാരണങ്ങളാൽ മദ്യം ദേഹത്ത് വീഴാതിരിക്കാൻ ആഘോഷവേദിയിൽ നിന്നും ഇറങ്ങിയോടി; വീഡിയോ വൈറലാകുമ്പോൾ
കുത്തിയവനെ കൈവിട്ടില്ലെങ്കിൽ വെറുതെ ഇരിക്കില്ലെന്ന കുത്തേറ്റ അഖിലിന്റെ പിതാവിന്റെ നിലപാട് നിർണ്ണായകമായി; കോടിയേരിയും കൈവിടുകയും ഞൊടിയിടയിൽ ലുക്ക് ഔട്ട് നോട്ടീസ് ഇറക്കുകയും ചെയ്തതോടെ രക്ഷയില്ലെന്ന് ഉറപ്പായി; സ്റ്റുഡൻസ് സെന്ററിലും യൂണിവേഴ്‌സിറ്റി ഹോസ്റ്റലിലും പൊലീസ് എത്തിയതോടെ രക്ഷിക്കാൻ ആരും വരില്ലെന്ന് ഉറപ്പായതോടെ കീഴടങ്ങൽ; ഇന്നലെ വരെ രാജാവായി വാണ ശിവരഞ്ജിത്തും നസീമും ഇന്ന് അഴിക്കുള്ളിൽ; ഇരുവർക്കും പൊലീസ് ജോലിയും നഷ്ടമാകും
ഫേസ്‌ബുക്ക് കാമുകിയെ നേരിട്ടൊന്ന് കാണാൻ എടപ്പാളിലെ ലോഡ്ജിൽ മുറിയെടുത്തുകൊല്ലം സ്വദേശിയായ യുവാവും സുഹൃത്തും; കാമുകനെ കാണാൻ കാമുകി എത്തിയത് കോളേജ് യൂണിഫോമിൽ; പന്തികേട് സംശയിച്ച് പിന്തുടർന്ന നാട്ടുകാരെത്തി ചോദ്യം ചെയ്യൽ; സദാചാര പൊലീസ് ചമഞ്ഞ ചിലരുടെ വക പൊതിരെ തല്ലും; ഒടുവിൽ കാമുകന് സംഭവിച്ചത് ഇങ്ങനെ
ആഭ്യന്തര മന്ത്രിയുടെ മകൻ എന്ന നിലയിൽ ദുബായിൽ കഴിഞ്ഞപ്പോൾ തുടങ്ങിയ ബന്ധം; ബാർ ഡാൻസുകാരി എല്ലിന് പിടിച്ചപ്പോൾ ഒരുമിച്ച് ജീവിക്കാമെന്നേറ്റ് ചെലവിന് കൊടുത്തത് പുലിവാലായി; അവിഹിത ബന്ധത്തിൽ കുഞ്ഞ് പിറന്നത് അറിഞ്ഞ് ഡോക്ടറായ ഭാര്യ ഉപേക്ഷിച്ച് പോയിട്ടും കുലുങ്ങിയില്ല; പിണറായി അധികാരത്തിൽ എത്തിയ ശേഷം ഇടപാടുകൾ നടക്കാതെ പോയതോടെ സാമ്പത്തിക ഞെരുക്കം ബുദ്ധിമുട്ടിച്ചത് കുഴപ്പത്തിലാക്കി; വിവാദത്തിന് തുടക്കം കോടിയേരിയും ഭാര്യയും നടത്തിയ ഒത്തുതീർപ്പ് പൊളിഞ്ഞപ്പോൾ തന്നെ
കുടുബസമേതം എത്തുന്നവർക്ക് ബുഹാരി വിളമ്പുന്നത് ഈച്ച അരിച്ച ആടിന്റെ രോമം കളയാത്ത മട്ടൻ കറി; എംആർഎയിലും സം സം റസ്റ്റോറന്റിലും പഴകിയ പൊറോട്ടയും ചപ്പാത്തിയും സൂക്ഷിക്കുന്നത് മാലിന്യവും ദുർഗന്ധവും നിറഞ്ഞ സ്ഥലത്ത്; പങ്കജ് ഹോട്ടലിൽ സ്‌പെഷ്യൽ പഴകിയ ചോറും ചീഞ്ഞ മുട്ടയും എകസ്‌പൈറി കഴിഞ്ഞ ചിക്കനും; പുളിമൂട്ടിലെ ആര്യാസിലെ അടുക്കളയിൽ പക്ഷി കാഷ്ടവും പ്രാണികളും; പണം വാങ്ങി കീശ വീർപ്പിച്ചിട്ട് വയറ് കേടാക്കുന്ന മുതലാളിമാരുടെ തലയിൽ ഇടിത്തീ വീഴട്ടെ എന്ന് പ്രാകി പൊതുജനം
ആത്മഹത്യ ചെയ്ത സാജൻ പാറയിലിന്റെ ഭാര്യയ്ക്ക് അവിഹിത ബന്ധമെന്ന് സ്ഥാപിച്ച് ആന്തൂരിൽ നഷ്ടമായ മാനം തിരിച്ചു പിടിക്കാൻ പെടാപാടുപെട്ട് സിപിഎം; പൊലീസ് അന്വേഷണത്തിൽ സാജന്റെ ഡ്രൈവറും ഭാര്യയും തമ്മിൽ 2400 തവണ ഫോണിൽ സംസാരിച്ചെന്ന് കണ്ടെത്തിയെന്ന പരോക്ഷ സൂചനയുമായി ദേശാഭിമാനി; അന്വേഷണ സംഘത്തെ ഉദ്ദരിച്ച് ദേശാഭിമാനി റിപ്പോർട്ട് ചെയ്യുന്നത് ആന്തൂരിൽ പാർട്ടിയുടെ അടിത്തറ പുനഃസ്ഥാപിക്കാൻ; ആത്മഹത്യ പ്രേരണ ചുമത്തി സാജന്റെ ഭാര്യയെ അറസ്റ്റ് ചെയ്യാനും ആലോചനയെന്ന് റിപ്പോർട്ടുകൾ
അനേകം വേശ്യകളെ ക്ഷണിച്ച് വരുത്തി മയക്കുമരുന്നിൽ ആറാടി സെക്സ് പാർട്ടി നടത്തി സുൽത്താന്റെ മകൻ മരണത്തിലേക്ക് നടന്ന് പോയി; ലണ്ടനിലെ ആഡംബര ബംഗ്ലാവിൽ ഷാർജ സുൽത്താന്റെ മകൻ മരണത്തിന് കീഴടങ്ങിയത് സെക്സ്-ഡ്രഗ് പാർട്ടിക്കിടയിൽ തന്നെയെന്ന് സ്ഥിരീകരിച്ച് ബ്രിട്ടീഷ് പൊലീസ്; യുഎഇയിൽ എത്തിച്ച ഷെയ്ഖ് ഖാലിദ് ബിൻ സുൽത്താൻ അൽ ഖ്വാസിമിക്ക് കണ്ണീരോടെ അന്ത്യാജ്ഞലി അർപ്പിക്കാൻ എത്തിയത് അനേകം അറബ് രാജാക്കന്മാർ
പാർട്ടി ഫണ്ടായി ആവശ്യപ്പെട്ടത് 25,000; നൽകിയത് 10,000; കുറഞ്ഞു പോയതിന് ഭീഷണി; രാവിലെ കട തുറന്നപ്പോൾ പ്രവേശന മാർഗം അടച്ച് കാർ പാർക്ക് ചെയ്തു; ജീവനക്കാർക്ക് പോലും പ്രവേശനം നിഷേധിച്ചത് സിസിടിവിയിൽ തത്സമയം കണ്ട മുതലാളി സംസ്ഥാന നേതാക്കളെ വിളിച്ചു; ജില്ലാ സെക്രട്ടറി പാഞ്ഞെത്തി പാർക്ക് ചെയ്ത കാറുകൾ മാറ്റിച്ചും മാപ്പു പറഞ്ഞും തലയൂരി; അടൂരിലെ കല്യാൺ ജൂവലറിയെ പൂട്ടാനിറങ്ങിയ സിപിഎം പ്രാദേശിക നേതൃത്വത്തിന് കിട്ടിയത് എട്ടിന്റെ പണി
അഭയ കൊല്ലപ്പെടാനുള്ള യഥാർഥ കാരണം ഒന്നാംപ്രതി ഫാദർ കോട്ടൂരും സിസ്റ്റർ സെഫിയും തമ്മിലുള്ള ശാരീരിക ബന്ധത്തിന് സാക്ഷ്യം വഹിക്കേണ്ടി വന്നത്; ബന്ധം നിഷേധിക്കാൻ ഹൈമനോ പ്ലാസ്റ്റി സർജറി നടത്തി വീണ്ടും കന്യാചർമ്മം വെച്ചു പിടിപ്പിച്ചു മൂന്നാം പ്രതിയായ കന്യാസ്ത്രീ; അഭയ കേസിൽ സിബിഐ കുറ്റപത്രത്തിൽ ലേഡി ഡോക്ടറുടെ മൊഴി സഹിതം രേഖപ്പെടുത്തിയ കന്യാചർമ്മ കഥ വീണ്ടും ചർച്ചയാകുമ്പോൾ നാണക്കേട് മാറാതെ സഭ
കീമോതെറാപ്പിക്കിടെ ആശുപത്രി കിടക്കയിൽ നിന്നും അനിത എത്തിയത് വീൽചെയറിൽ; രണ്ട് പെൺമക്കളും പുതുജീവിതത്തിലേക്ക് കടന്നപ്പോൾ സന്തോഷത്തോടെ കണ്ണീർ തുടച്ചു തച്ചങ്കരിയുടെ ഭാര്യ വിരുന്നിനു നിൽക്കാതെ ആശുപത്രിയിലേക്ക് തന്നെ മടങ്ങി; ഹെലികോപ്ടറിൽ പറന്നു യൂസഫലി എത്തിയപ്പോൾ ആശംസകളുമായി പിണറായിയും ഭാര്യ കമലയും എത്തി; പൊലീസ് ആസ്ഥാനമായി ലേ മെറിഡിയൻ മാറിയപ്പോൾ പൊലീസുകാർക്ക് വേണ്ടി മാത്രം പ്രത്യേകസദ്യ; തച്ചങ്കരിയുടെ പെൺമക്കൾ പുതുജീവിതത്തിലേക്ക് കടന്നത് ഇങ്ങനെ